2007 年 11 月 15 日 星期四 【晴】

畢業禮



第一次穿起畢業袍的感覺....
沒有太大的快樂感...

為左好多好多既野....我仍然唔開心....

今日有個人同我講-->"你條命生得好好 !!"
因為好多野，我都唔洗付出太多，但我已經得到好多。

最好彩既係，我出生係呢個家庭.......
今日雖然只係我副學士既畢業禮，但就已經全家人都請晒假黎睇我畢業...
多謝你地 !! 你地不單止比左一個好幸福既家庭比我....
你地仲令我體會到你地對我既愛.....
但我反而想同你地講聲"對唔住"...
因為返左工咁耐...我都無同你地食過一餐飯.....

我講過...我會好努力去做野....賺錢買車...車你地周圍去...
唔洗等你地搭車搭得咁辛苦....
即使我知道係香港養架車有幾難都好...
為左令你地唔洗咁辛苦....養車又算得係咩?!?!
相比起dad為我地捱左幾十年......mum照顧左我20年....
我呢d野...又算得係d咩..?!

steven今日講得岩...其實dad已經好累.....
屋企裡面又有邊個唔知......
只係佢個份堅持同執著....令我地既說話都勸唔到佢不如退休...休息下...
或者你到左個個年紀....你會明白佢為左咩而執著落去...

>>November 16, 2007 at 4:44:35 PM GMT+8

2007 年 11 月 14 日 星期三 【晴】

算啦,

有d野係你就係你....

唔係你既....堅持黎都無用架 !!!


我又會唔好彩到...揸揸下車有隻老鼠係中間囉....

算啦.....整定...

>>December 2, 2009 at 2:10:41 PM GMT+8

2007 年 11 月 9 日 星期五 【微冷】

經歷



短短工作已經一星期多，係呢個地方，學到了很多，
包括人和事。自問，我係一個唔叻又懶既人....
甚至到而家，我仲未搵到我返工既動力係邊...
不過我願意不斷去學，去發掘，去嘗試...
感謝大家不斷比機會我學野，
感謝大家既熱心，令我感覺自己社工的身份獲得尊重和肯定。


不斷矛盾走唔走好，有同事叫我同佢一齊走，而今日亦收到風，
中心有13個人將會走....

尋日去一間學校做野，個同事同我講左一番好岩既說話...
" 係呀，我地間中心係好刻薄，係咩褔利都無既同時，又要handle好多野，
不過...到你做滿一年之後，你可以出去大大聲同人講，幾刻薄既中心我都可以捱得過...
呢個係一個好有力既證明，證明你有幾專業。"

原來我係不斷學習點去做一個社工既同時，我都學到好多人生道理，
作為一個社工，點可以學識包容同原諒?! ...我還未懂得。
我只係知道，如果好多野我地都唔識得學會放手，咁我地會好辛苦...
如果樣樣野都要去數算，去介意的話......我介意唔晒。
就算係一個client，佢始終有一日會走，
如果佢仲未可以走...就即係你做得未夠好...令佢仲未有資格走...


各同事黎緊即將會走....令我handle既野會更加多..
但有你的陪伴...我相信我會捱得過。

現實d去睇，呢間中心真係無野值得我去留低....
理想d去睇....我真係好鐘意呢個field......

>>November 10, 2007 at 2:12:00 PM GMT+8

2007 年 11 月 6 日 星期二 【微冷】

病倒了....



工作量不多，但因工作時間過長的關係，
身體終於熬不住了...

今日返返下工都頂唔順，要出去買藥食住先，
想暈低的感覺，超辛苦 !!

連續返11日工，真係辛苦到想喊 !!
諗起下個星期....已經想死.....希望我會捱到吧= =

>>November 7, 2007 at 4:24:48 PM GMT+8

2007 年 11 月 4 日 星期日 【微冷】

流失..



黎緊我間中心將會流失十個人，
5-6個YA會cut左個位，兩個PA已經第左辭職信，
一個會計會12月走，我個阿head而家已經係咁請假去其他中心interview，
in到的話都會走....= =

今日聽到都超無奈囉 !!= =
咁即係到我地pick up晒d野時....就我地做晒d野= =?
想死的感覺....

其實我間中心既流失率係勁高 !!
因為今年係好多新人入去做，一個位都可以換幾個人，
講真，無心既人真係捱唔到。
所以做得呢間中心一定要真係好有熱誠先可以 !!

如果有興趣的話可以試下黎我中心interview !!
不過要預左會辛苦，無乜假，試用期長，同人工低 !!
但係得到既係中心既同事係好好，係呢度無乜壓力 !!

而家已經覺得ok喇，學識左好多野 !!
我會做夠一年的嗎???
其實真係好累....
一開始就要連續返11日工= =
未免有d難頂 !!

>>November 5, 2007 at 12:56:59 PM GMT+8

2007 年 10 月 31 日 星期三 【颳風】

多重紀念日


今天是第三個月的第一天
今天是第一天返工的日子
今天是第一天以成人身份搭地鐵


一早起身就吃個早餐，感覺好似以前中學咁 !!

返工，好似第三個實習咁...

但係，我真係覺得自己太蠢...

比我用一個星期去嘗試﹑去體會﹑去學習....

我知我可以 !!


感謝主，讓我一切都來得十分順利，感覺亦異常平安。

>>November 1, 2007 at 4:52:44 PM GMT+8

2007 年 10 月 30 日 星期二 【微冷】

萬聖節快樂 !!!!!!!! ^0^

>>October 31, 2007 at 4:45:25 PM GMT+8

2007 年 10 月 29 日 星期一 【微冷】

好緊張呀....!!! x10000




今日諗住出去睇返工衫，睇埋schedule，
點知乜都無收獲，只係買左對返工鞋..


去到旺中，比人跟蹤 !!!!
佢跟左我地好耐 !! 佢跟左無幾耐已經比我發現左，
之後我特登企係度唔行望住佢，佢係度扮等人，
之後我地去樓上個層，佢又跟住我地上去，
同我媽咪講，佢都見到....

之後我地入左間鋪入面，佢企係出面等我地 @@"
媽咪出去望一望佢，佢就行開左，
襯呢個機會，我地就即刻走......

我諗佢係想偷野 !!! 好彩我夠叻 !!^0^
你地下次去都要小心d呀 !!


可能我個外型真係好唔似一個社工，= =
經常比人話-->"下...唔係卦...你似一個學生多d" = =
為甚麼呢?!?!?!


下定決心
要用半年時間去證明自己係一個專業既社工 !!



夜晚返到黎，好有冬天既感覺 !!!!
快d凍呀 !!!!!!

>>October 30, 2007 at 5:23:41 PM GMT+8

2007 年 10 月 26 日 星期五 【晴】

taki-->多謝晒呀 !!! 出左糧要請我食飯呀 !! ^0^ 多謝 !!!!


我11月1日返工喇 !!! 黎緊呢半年...我知一定會好忙好忙..
不過條路係我自己揀既......

一切都覺得自己好好彩，亦感謝主 !!
袮真係幫左我唔少 !!

多謝mars，你既諗法同我既諗法係一樣架 !!

要搵到一份工，唔難。
但係要搵到一份自己真係好鐘意既工，真係好難 !!

黎緊呢幾日要準備好多返工既野....
好緊張，亦好期待，
但係其實到而家呢一刻我仲未接受到...
一切都黎得太快，快到連我自己都接受唔到 !!

就好似尋日我先話左放棄自己，
今日佢就打黎叫我返工.....
一切都太突然，我仲未有心理準備....

只要開開心心就夠 !!!


今日阿yan叫我一定要食多d野= =，如果唔係會挨殘左...
不過我覺得我會瘦 !! wakaka~~


今晚仲撞到一個好唔應該撞到既人囉= =..
唔知尋晚邊個話放棄，仲晒左我d分鐘係你身上 !!! .\ /.
x !!! 講一套做一套~~下次收到你既電話又再同我講返同一番說話...
點解而家咁多人都鐘意咁..!!!
做男人做成咁.............唉.....

>>October 27, 2007 at 5:02:50 PM GMT+8

2007 年 10 月 24 日 星期三 【晴】

理想興現實的決擇



距離簽約既時間愈近，我好似.....想卻步...


係我尋晚打完d咁灰既野後，
今日已經收到一個好好﹑好興奮既消息 !!
我有offer喇 !! 仲要係一個我好鐘意好鐘意既field !! 就係學校 !!

尋日諗住已經唔會有機會，因為諗住係請既...尋日已經打左黎，
點知......一切都感謝主 !!


興其話，人生不如意事﹑十常八九，
不如話，人生如意的事﹑亦十常八九。


我覺得我既既預感真係好準呀 !!
自從first-in完之後，就不斷諗做唔做呢份工好....
一直都覺得佢會請我....
點知真係中左 !!! 不枉我煩左成個星期 !!

雖然聽十個有九個都叫我唔好做呢份工，
今日就連我dad都叫我唔好做...因為佢地都係唔想我咁辛苦，
一個人要負責幾個人既野，我都怕自己做唔黎...
而且人工偏低....

不過，我係一個感性行事既人，
一切已經唔再列入我思考既範圍之內，
人工﹑返工時間﹑無年假﹑合約唔夠一年 等等....
所有既野都好似對我好不利，
比其他人揀，或者佢地諗都唔洗諗就決定唔做 !!

不過，我真係好鐘意呢個field，我鐘意咪得囉 !!
而且，佢係我人生第一份靠自己搵返黎既工......
要好好珍惜 !!


理想與現實...
我夠年青，我還有資格選擇理想 !!
金錢重要，但不及理想重要 !!
為左錢，而做一樣自己唔鐘意做既野咪仲辛苦 !!
敬業樂業嘛 !!!
可以有一份自己真係鐘意，而且地方又岩既工真係好難架 !!
可遇不可求......深深體會到呢一個道理 !!


記得之前interview個人問我，如果而家有一個大左肚既client同你講
" miss, 我未玩夠呀.."
佢講呢句野，係因為佢得16歲，為左個bb，要出黎做野 !
而家既我，我會同佢講..
" 路係自己揀既，當然你選擇左係咁，就一定要承擔個後果，
其實我都未玩夠，我都唔想咁快就出黎做野，
但係，唔玩都玩左20年.....再無幾多個20年比我..."

>>October 25, 2007 at 6:43:30 PM GMT+8