2005 年 12 月 23 日 星期五 【晴】

「平安夜」

估唔到平安夜都仲要練毽＝＝”””朝早９點踢到１點幾，而且今日連我自己都唔信，神奇地

踩毽踩到「出後場雙打條界」＝．＝．．．ｄ毽仲周圍飛添．．．好過癮！

跟住１點幾返屋企準備，沖個涼，換埋衫就同個傻仔出去啦．．．


第一站係「又一城」



一去到就見到一大棵聖誕樹仔，仲有一大個蝴蝶結綁住係上面，都係好過癮ｇａ～

我地當然走去影相啦，仲熱心地幫人影添＝＝ｖ””可能係我個樣太正直，滿多人見我幫佢地

相．．．呵～跟住就行下街，周圍都好多人，原本話想睇戲既，不過好多地方都ｆｕｌｌ哂，

買唔到飛，唯有遲ｄ先去睇啦．．．．我見個傻仔都好似好失望咁＝﹏＝．．．




下一站「沙田新城市廣場」



去到都見到好多好靚既裝飾，傻仔梨仲話「聖誕裝飾，都係聖誕節先最靚」＝．＝．．．

我地都周圍行行企企，途中見到有班好似係俄羅斯黎既人表演雜耍，滿厲害的，因為一睇已經

係表演完－．－ｔｈｅｎ我們就去排隊食味千，我地仲「中計」添．．．．

請大家注意：唔好食豬軟骨定食或者係豬軟骨拉面．．因為唔好食，仲好肥．．容易食到膽固

醇高同心臟病＝０＝．．．一ｄ都唔健康．．．．

食完之後，我地去左「冒險樂園」，實行「冒險樂園大作戰」！！！

第一關，我地去左挑戰「拋波波」，難度：８．５分（滿分１０）

就係要將ｄ波波，拋落去ｄ坑度，就要有色既坑先有獎．．．

而我地符碌地中左幾個安慰獎＝０＝．．．


最後一關，「經典遊戲－－彩虹ｘｘ」即係拋硬幣．．．難度：９分（滿分１０）

我地鍥而不捨咁用左２０蚊去玩呢個ｇａｍｅ＝＝”””

開心既係，原來有學生優惠．．．有賺有賺．．．（廿蚊有１５個幣）．．．

不過初頭我拋極都係白色＝．＝．．．而佢拋極唔係踩界，就係落坑，正傻仔－．－

不過最後離奇地，佢拋中左一格，係聖誕節先有既一格，原來係「聖誕抽獎」，可以抽一次，

睇下抽中咩色，就有咩獎品啦～於是我地就好似發夢咁，呆頭呆腦地抽啦！



我一抽！！「藍色」！！！！！！！！！！！！





呆一呆，個工作人員都呆一呆，佢同佢既同事講「藍色呀！」

下，藍色有咩好驚奇？？？


佢同事就話「下，係咪造馬ｇａ？？！？！？！！」


繼續呆呆．．．



我地身邊個阿叔突然彈出一句「係大獎黎ｇａ！」

＝０＝？？？大獎．．．．


原來我地非常幸運地抽中大獎，就係玻璃櫃入面個ｄ公仔啦！！！！！！

真係非常的符碌＝﹏＝ｖ．．．

不過雖然係大獎，ｄ公仔唔算靚．．．不過都揀左隻「樂天熊仔餅」入面既熊仔～～

已經算係好得意架啦隻野．．．～

跟住小朋友就好開心＝．＝．．．


仲話「我同你拍拖咁耐，終於有一隻公仔」．．．．

＝０＝””即時流左幾百萬滴．．．汗！！我對你唔住－．－．．．




最後一站，「故鄉－－大埔超級城」．．．

大埔同沙田新城市．又一城相比下，好削－．－

我指ｄ裝飾～＿～．．．

行左一陣，就去左借漫畫返屋企ｌｕ～（因為比人催．．．）

今年既平安夜，相信係我最幸運既一年＝＿＝｜｜｜

>>December 25, 2005 at 4:56:15 AM GMT+8

2005 年 12 月 21 日 星期三 【乍雨乍晴】

放假了...

都唔知係好係壞添....

>>December 22, 2005 at 2:22:45 PM GMT+8

2005 年 12 月 11 日 星期日 【颳風】

死，去到另一個地方……

下一站……






在哪？

>>December 12, 2005 at 12:44:09 PM GMT+8

2005 年 12 月 11 日 星期日 【颳風】

「天命之不可強求」

原來生命真係好化學，人只要一死就咩都無，究竟人死後會點？ｇｏｄ　ｋｎｏｗｓ．．．

死，對人真係可以好震撼，就係今日上去考試途中，Ｍａｃｙ同我講，原來早兩日係大埔跳樓

既情侶，係我小學同學．．．．．．．．．頓時腦海一片空白，但係當其時又上緊去，就無乜

點諗，上到去等夠鍾開考，我先清醒番，對個果小學同學既片段開始有番記憶，印象中，佢係

一個好善良，好溫文，皮膚白，短短頭髮既女孩子。細個考書法仲同佢傾過計添．．．．

我仲記得以前佢教我用白花油醫喉嚨痛．．．

唔知好彩定唔好彩，我同佢都已經四五年無見面，感情唔深，傷害無咁深．．．．

相信佢身邊既同學朋友，一定比我傷心十倍有多．．．．

我其實都唔知道佢仲記唔記得有我呢個人既存在，不過佢既一死令我諗番起好多往事．．．

「回憶往事幾千遍」．．．．

我做緊ｐａｐｅｒ２既時候，其實都唔係咁集中，或者係自己想俾藉口自己唔做卷啦．．．

之不過，腦入面的確不斷浮出佢既影子，我個腦有好多既游思．．．．

甚至乎有一個想流淚既地步，我都唔知點解，我阿婆死個陣都無咁既感覺．．．

或者係第一次我所認識同我差唔多年紀既人死既關係啦，一向無乜情既我竟然有喊既衝動．．

始終個心都有ｄ唔舒服．．．最後都堅持專心咁做埋份卷．．．．

不過人只要一死，無論咩事都已經變得無意義，因為已經永遠諗唔番．．．．

係報紙得知，佢係中學都係品學兼優．．．可惜，真係好可惜，一個大好人，大好人材就係咁

．．．．佢讀既卍慈中學好似係佛教的，就算咁，我都好希望天父能夠寬恕佢地，因為自殺實

在係大錯特錯，真係好傻呀．．．．願主保守佢地啦．．．．

死，並唔係一個人既事，關連到好多野，身邊既人既感受係好重要．．．

你只要去到第二個世界，就永遠返唔到黎．．．．．．．．．．．．．．

不過，仍然希望佢可以得到幸福．．．

男生們，如果真係愛自己既另一半，監守自己既行為，對另一半負責任，俾心機讀

書或者工作，如果係玩玩下，唔諗住同人過世既，唔係認真既，唔該即刻立即死左佢！

女生們，拍散拖唔好玩，拍拖要拍一世的！！唔好做傻事，要識拒絕！ｓａｙ　ｎｏ！！

ａｎｙｗａｙ，

「珍惜眼前人」．．．．

身邊既人，下一秒可能就已經唔係度。

>>December 12, 2005 at 12:40:53 PM GMT+8

2005 年 12 月 8 日 星期四 【颳風】

今日考ｅｃｏｎ，馬馬虎虎啦，希望中ｐｏｉｎｔ．．．

最尾既ｄ／ｓ，我連福圖點畫都唔記得．．．．最後都無做．．．．

之後一放學就去左火車站搵周瑜．．我特燈ｃａｌｌ佢幾次提佢幾點要到，鬼叫佢遲到遲到出

哂名＝．＝””話時話，我今日係差唔多三個月黎第一次離開大埔－．－．．仲比周瑜話我

「生係大埔人，死係大埔鬼」．．鬼咩，我呢ｄ會考生邊會好似佢咁成日蒲，跟住九個字都唔

洗就去到荷里活既美國冒險樂園，之後阿康叫我地等ｇａｒｙ，雖然我地唔識佢．．．

就係等佢既途中，自稱「氣墊王」既周瑜提議入去冒險樂園單挑氣墊球＝０＝．．．

雖然我太耐無玩，上一次玩係唔知幾歲，就即管陪佢玩下－．－．．．．

最終我雖以７比２大敗＝０＝．．．不過都粉好玩既．．．．

玩完出黎，ｇｒａｙ仍未出現－．－最後我地搭８就搭的去體育館．．．

一見到人就問佢係咪ｇｒａｙ．．．．．等我地白等幾個字－．－．．．

跟住就開始熱下身咁，同班孔仙州既小朋友踢下毽，其實今日踢毽都無乜癮＝０＝．．．

不過有得踢我都已經好開心的了．．．．．另外都好彩無叫莫傑，因為一定悶死佢．．．

同阿康周瑜玩下單打，今日都無咩態，太耐無踢＝＝”””ｄ開毽無咩威力．．．

都ｏｋ啦，周瑜仍然都唔認真咁玩＝．＝．．阿康唔小心傷左添，希望佢快ｄ好番啦．．．

踢完毽就去左阿康屋企等等等．．．

ｔｈｅｎ同同周瑜去左打機等阿康．．．再加埋松鼠（第二個松鼠），我發覺松鼠真人幾型架

啵．．．．去到機鋪同周瑜玩左三部槍ｇａｍｅ，槍法唔錯架我＝＝ｖ．．．

８點幾去搵番阿康，去食粥．．．跟住我就自己搭車返屋企啦，返屋企途中仲巧遇智偉添．．

返到家就睡了．．．實在好累．．．．


ｔｈｅ　ａｎｄ－．－．．．

>>December 10, 2005 at 2:04:28 PM GMT+8

2005 年 12 月 7 日 星期三 【颳風】

考試終於到最後階段．．．

＝０＝今次考試溫得最多係中文，最快考完都係中文．．．

之後完全無時間溫其他科，其他科差唔多都係預２至３個鍾溫下書咁．．．

預料自己都只會係合格啦，起碼平時都有聽下書既．．．．

不過下一次ｍｏｃｋ唔可以的了．．．

５ｂ同志們下次一定一定一定一定要加油啊））））））））

會考絕對唔係我地既目標，我既目標係做美國總統！！！．．．

>>December 10, 2005 at 1:37:17 PM GMT+8

2005 年 12 月 2 日 星期五 【乍雨乍晴】

考試．持久戰．仍然．作戰中……

>>December 3, 2005 at 12:11:27 PM GMT+8

2005 年 11 月 24 日 星期四 【乍暖還寒】

為何身邊的所有人都是這麼煩惱？

所有人也是，我更甚是。

>>November 25, 2005 at 3:43:27 PM GMT+8

2005 年 11 月 24 日 星期四 【乍暖還寒】

慾望是無窮無盡的。

今天要這個，明天要那個，後天再想要那那個……

到頭來，還是錢字「行」先。

>>November 25, 2005 at 3:36:51 PM GMT+8

2005 年 11 月 24 日 星期四 【乍暖還寒】

煩！

錢！錢！錢！又係錢作怪！！！

無錢咩都無！！！又係錢錢錢錢錢錢錢．．．

>>November 25, 2005 at 3:34:57 PM GMT+8