2006 年 8 月 26 日 星期六 【綿綿細雨】

前幾天的大大不快.....
經過我自己的自我調整後.....已經痊癒了~ha

這天晨早的起了床~
和我母親去游水.....本來是和朋友去的~
但他們的態度......大概早上正在死訓中呢~

先去吃了個很 full 的早餐.....
然後不是游了很久.....起碼那肥女人還沒有學會游水"
之後我倆買了報紙.....休閒的去嘆茶了~

回家再繼續溫習我問season借的 one piece~
再睡了個短促的覺......呼~

夜晚又看了看個電影.....
白痴的中國隊男籃輸了......十幾二十次的 turn-over""
再看了america super next top model~
又正式的看了新一季的英超.....可惜不大精彩呢~

今天實在太累了.....因為我昨天只睡了三小時呢~"
累得眼皮也跌下來呢......zZzZzZz

>>August 28, 2006 at 3:41:02 PM GMT+8

2006 年 8 月 25 日 星期五 【綿綿細雨】

今晚打波.....竟然我第一個到=.="
有阿傑,season,細胡,大胡和遲來的sunny~
一落去冇人.....唯有同阿傑one on one"

落後1:4的情況下.....反勝5:4~
可惜閃到條腰.....第二場就俾阿傑炒0:5~"

之後全晚都係頹打.....因為條腰真係好痛"
打完去左七仔.....有孖佬扭蛋......我當然要扭啦~
我扭.....中".....中左公主=.="
我都知架喇......多數最唔想要果隻都會中"~

跟住周圍吻黎左.....
(你唔開心嗎?可惜我同你不是太熟稔呢....所以也不便八掛了~)
我地一齊去左食糖水.....蓮子糖水門外......(駛唔駛咁多人=0="?)
唯有轉場去顯徑食啦.....thx 周圍吻請我食呢 thx~

然後就去左停車場傾計......
究竟【絕對無敵】同【熱血最強】有乜分別呢??
原來我細個都睇左幾多卡通片.....~

心情好了點嗎??
大概吧.....深夜一個人呆立在家中~
究竟呆了多久??
好像有一段長時間......
還是快點去睡吧"

>>August 28, 2006 at 3:59:46 PM GMT+8

2006 年 8 月 23 日 星期三 【驟雨】

唔開心呀~! !

今日要返學校註冊.....09~12
原來個意思係果個時間內返到去就ok~
並唔係要註冊註成3個鐘......
但係我俾人昆左......最後我係09返左去.....辛苦到咩咁"
仲要晨早約左條友還野俾我但係冇出現....已經少火~

之後返到去.....極速搞掂註冊~
然後hea左成個幾鐘......完全唔想等多個幾鐘去同d所謂既 group 1聚舊"
所以寧願一條友走去將軍澳幫我阿爸拎票....."

但係極無奈.....入到去又係極速搞掂就可以閃~
我又搵唔到人出黎陪我行街.....所以想約我個妹返工前陪我買con~
順便叫埋條友還番d野俾我.......一切都以為好完美~"
點知我去到大圍.......條友遲左成個鐘......搞到我個妹趕返工走先冇得買con~

終於等到條友俾番d野我.....想走時見到我阿媽行過~
即刻捉左佢.....再搵埋阿爸,家姐 (渣病唔返工) 去飲茶~
之後就同阿媽,家姐去租碟+去買染頭野......同想電頭"
點知果間野係逢星期四放假的......所以我地只好去睇醫生 (為病假紙) 之後就返歸"

夜晚先睇頭先租的 "茉莉花開".....幾好睇的~
夜d可能再睇埋想睇好耐的 "斷背山"~
跟住落一落去還番個對講機俾豪哥......巧遇全日難見的大雨~"
去完諗住開電腦玩玩就訓覺.........點知：！？

見到一d我極唔想見到既野........好灰,好心痛~
我完全唔可以刻制我自己唔去諗見過既畫面"
亦都唔可以控制自己既情緒低落.....我真係唔想~
雖然知道係事實.....但果下真係好心痛~
點解呢??隔左咁耐......點解仲會咁??
我真係好冇用.......完全唔可以忘記到~"
(打到依度我仲有d想落淚既感覺，但我係唔會喊既")

唉......宜家腦入面仲係隆隆作響~
點解諗黎諗去都係果個畫面??.........去死吧~"
白痴的自己....."

>>August 24, 2006 at 4:01:13 PM GMT+8

2006 年 8 月 21 日 星期一 【微雨】

起身.....睇左陣世錦籃球賽"
中國又輸....仲輸得好白痂~
之後無聊左好耐~
打下機....打下diary~
終於收到由家倫send過來的mandy合照"
thx 家倫.....~

夜晚去左打波......個人幾熱喎~
仲有好多人....大果班竟然出現~
由於見到今日中國輸速度.....
所以我今晚就爆速度......打得ok喎~

但係可能第一場去得太盡同有d病....之後打到有d頭暈~@@
所以有火都冇得打....可惡~
最衰係隻腳仲扭左一扭.....有d痛"
希望快d好番....唔想病左冇得去街"~

>>August 22, 2006 at 4:55:06 PM GMT+8

2006 年 8 月 19 日 星期六 【雨】

又係要好早起身.....
今日既活動係我一手冊劃的~
所以只許成功不許失敗....! ! !

12點四個人由隆亨球場出發.....家倫再一次肴底唔去~
有season sunny kit 同 我.....感謝隆亨草的支持~
雖然個天好樣賤.....但係冇人可以阻到我既活動既"

巴士轉巴士.....好快去到赤柱~
一路上個天已經愈來愈樣賤....但係我地本住大無畏既精神~
乜都唔理死命咁去.....終於 ：「雷暴警告現正生效，請各位泳客盡快上水」=0="
個天直情係落狗屎.....d雷仲要勁大聲，慌死冇人聽到咁"

最後我地一路0係更衣室鋤D一路等.....等左半個鐘到就落得水lu~
游左一轉出浮台with kit.....再游左一轉出防沙網with season~
然後 hea 左0係沙灘片石with sunny.....因為佢係唔識游水的"
之後夠皮就上水過去赤柱廣場的M記食野.....途中仲見到scenic 野添~
近來都多留意左有關scenic的事物...."

由於要等 kit 的女朋友放工.....所以0係M記hea左好耐~
之後再一齊去太古廣場接佢女朋友.....返屋企放低野再沖涼就出發去細胡到打邊爐lu~

今晚好鬼死齊人.....有我,阿傑&佢女朋友,season,sunny,大細胡,傑仔,川少,蘇星,陳寧,家倫~
打完一大輪邊爐就玩猜皇.....由於聱浪過大,有龜上左黎依依哦哦~
當時我正在打機....佢地上到黎入左屋我都仲未知~"

走左之後我地都唔敢再噪.....搞到玩得好冇癮~
之後玩曬d酒就玩野食.....粉絲,烏東,公仔麵~~~~@@"
頂.....我寧願飲酒好過~
又鹹又乾.....仲要冇水飲.....食到我勁想嘔~"

最後頂唔順就打牌....打左四個圈~
估唔到係....西圈出玩左食西奇聞~@@ !!
同埋細胡展露佢既淫笑版的海棠春睡......勁姣~

12點幾執埋d手尾就走lu.....臨走時照照鏡~
我個樣殘到咩咁....真係可以嚇死曬所有人"
返到屋企就昏迷左六個鐘.....

二零零六年八月二十一日 【翳熱】

夜晚約左我家姐睇death note....期待已久的哦~
不過我地先去食雞記先.....好熱氣呀"
之後就買埋爆谷入場睇.....都ok喎~

劇情唔錯，CG唔錯.....但BGM好差~
L唔錯，夜神粧裕唔錯，南空直美唔錯，渡唔錯~
夜神月個頭唔知想點....勁亂~
MISA MISA好醜樣.....D衫都好核突~
夜郎總一郎扮型，一D都唔似~
不過整體黎講都算唔錯....但係其實只係個故事夠吸引~
電影版拍得實在好一般~

唯一可以講的只係佢改篇得黎都 make sense~
同埋買飛送左個death note file.....呵~

>>August 22, 2006 at 9:29:31 AM GMT+8

2006 年 8 月 18 日 星期五 【陰】

今日返左一整日既工!?

一點去到觀塘就同家倫,佢表哥食飯....
食完就跟車入元朗.....only得兩塊banner同四碌棍??
入到去掛完塊banner......ok可以等收工了~!?
我地去左食tea !?
之後返番去劇院打nds !?

on show na......
一直企0係back stage度睇show~
"你係咪好得閒?"
"究竟我可以做乜?"

最忙的就係出去接張美妮~
同埋出去接don & mandy既fans.....
冇錯.....今晚既show係有 mandy~

等到我返到side stage.....mandy已經到左~
即刻搵佢影相.....好滿足啊~"
我覺得佢個外殼係超完美的.....

之後完show就放工了......
今日全日可以話係非常之空虛~
完全唔知自己有咩作用.....可以做到d乜野"
返左工同冇返一樣......"

雖然今日見到 mandy......但並不特別開心~
因為我認識到自己也要好似mandy咁做人......
見到佢.....覺得明星實在係一件苦事"

佢一背了人後....疲態盡現~
笑臉的面具卻要隨時的ready.....
我看著她的背影.....除了感到她很sexy外~
也感到自己的悲哀.....也許我將來也要像她那樣"
甚至再過兩星期便要套上面具做人.....但這卻是現實的殘酷~"

之後一個人從元朗回家.....感到彷彿的失落~
很想找個人訴訴苦.....但我卻不知道苦在那"
其實我只想有人在我耳際....."開心點吧"
最後無從發泄.....在電腦上遇到不肯上進的賀琪~
便乘機的痛斥了她一頓，真對不起.......不過我說的可是對的"

思前想後.....我今晚失落的原因有很多~
可以說所有原因一次過湧現吧........
最後得出了一個結論才打回這天的日記.....算是清晰了自己的突然失落吧~
真的討厭迷罔的感覺......"

綜觀今日......我係唔開心的"
但係見到mandy,仲同佢合照.....點諗都係一件樂事~
所以都介定今日係開心吧~
始終我今日都係見到一個完美主義的處女座也認為完美的一個美人~

>>August 19, 2006 at 8:23:24 PM GMT+8

2006 年 8 月 16 日 星期三 【晴】

今日臨時要頂人返一返工~
返尖沙咀書展......"

0係依度.....我有過好開心既回憶~
亦有好多唔開心，甚至痛心既回憶"
今日返黎依度做野.....真係感慨萬分~

可以的話.....我想連續嘆氣一個鐘~
唉唉唉唉唉唉唉唉................

今日都係hea同hea啦......
仲有希望陸生對我地d員工好d.....
仲有我d英文同普通話都唔得......因為0係尖咀要成日兩面轉黎講~
最後就係"唉"多聲啦.......唉~

>>August 19, 2006 at 7:09:58 PM GMT+8

2006 年 8 月 14 日 星期一 【晴】

今日同五育的同學去游船河呀~
今次係我人生第日次去游船河.....當然乘風航的那次不計"


好開心呀....雖然早左d起身~
但係去到西貢碼頭果一剎......很有莫名其妙的興奮之感.....甚是期待"
而且在等待買浮床的時間，看到了別具風味的水上人家~


上船玩左陣牌.....十三張~
之後就落左水玩.....好暢快.....我想游水想左好耐喇"
玩左香蕉船，xxxxx board (水上的滑板)，和獨木舟~

玩落先知......我都幾鐘意"爬"艇
同埋游水係差唔多鐘意~~~

玩到好累呀，又好鬼死曬....."
今日游過先知.....我原來真係幾游得~


今日之後，我曬到好黑....唔鐘意皮膚黑既感覺"
裸露相......唔好笑我，我會怕羞架~
其實我有慎重考慮過post唔post出黎....因為我覺得影得唔靚~

快樂既時間好快過去.....之後各自四散回家~
今日好開心......真係美好既一日"
不過我諗連續兩日既體力活動.....我已經筋疲力盡了"
雖然如此.....我返隆亨之後都係有打波既~

阿胡約到，唯有打啦,我,家倫,細胡,阿胡,season,sunny~打打打
阿傑閃爍出現,打完去7仔~
season要扭蛋,扭極都唔中,最後經大家合力,終於抽到~勁!!!!!

之後返屋企就大概的確昏睡死了"

>>August 19, 2006 at 7:09:20 PM GMT+8

2006 年 8 月 13 日 星期日 【晴】

出發喇.....
今日係我地挑戰麥理浩徑的開始~
依條山路全長一百公理，總共分成為十段~
起點係西貢，終點係屯門.....
我地今日出發去行既係西貢的起點.....北潭涌"
將會先行頭兩段，約需時八個鐘。

一早六點幾起身，尋晚我先訓得幾個鐘....因為失眠"
七點落到去樓下，發覺帶漏野，又走番返屋企拎
之後就出發喇.....今日有我,sunny season，家倫冇膽放飛機~

先去新翠食個早餐.....之後就起行lu"

正在查太陽油而異變了的season~

出發了~!!!

這就是今天要行的全程~

大概五百步就有一個指標，大家估下我行左幾多公理??

終於完成了第一,二段的麥理浩徑.....還有八段吧~
希望依個暑假完之前可以搞掂曬其餘既路段啦....."

另........
傻仔一名，扮麥理浩~

靚海灣.....浪茄~

絕佳休息之地......涼亭~cool"

行到半死的三條友....=.="

遠處的一隻雀.....(其實係好近的，不過影得唔似)

午睡的狗，佢個樣真係好鬼死舒服~

光之通道??....no，佢其實係一條沼澤路~

預告....聽日游船河~
究竟我會唔會力歇而死!?

>>August 18, 2006 at 10:06:43 AM GMT+8

2006 年 8 月 11 日 星期五 【晴】

今天也可看作為兩篇短文~

【處女座男人】
完美主義，潔癖，挑剔，這就是處女座的特質。
也可以說是很女性化的一些性格特徵。
如果一個男人，有著女性化的韻味，他/她還算是一個男人嗎?
也許，只能算是一個像天使般的中性身份吧。

在偉大的星座面前，即使怎樣的男人也只好屈服。
男人再不能決斷而行，心大心細的，一定要下個完美的決定。
可惜，世上百年一遇的完美卻不會輕易降臨。

男人，也只好一等再等，期盼他那完美的出現。
最後等至枯老，等至荒涼，男人再也按奈不住寂寞。
草草的痛苦地下了個有瑕疵的決定，男人的一生也會帶著這淡淡的遺憾。
遺憾，處女座男人的悲哀．．．．．．


【注定愛上的人】
人生苦苦等待，追求，莫過於得到賞識。
有人認同你的能力，有人欣賞你的才華，有人渴望得到你的製品。
想想，能在你背後有這樣的一個人，是多麼欣慰的事。
在敬佩中帶點支持，在讚賞中帶點鼓勵。
如果，在我背後中能有這樣的一個人，我會毫不猶豫的愛上她。
「我喜歡你的能力」女的說。
「我喜歡妳的支持」男的說。
「如果我再也不支持你呢?」女的問。
「我已經喜歡你的所有，因為你曾經支持我」男的答。
尋尋覓覓，我注定會愛上這樣的一個人。

>>August 12, 2006 at 7:40:58 PM GMT+8