2004 年 5 月 28 日 星期五 【晴】

尋晚, 夢見自己因為莊務o係度喊

上莊o既時候問過幾個上莊, 係咪上左莊個人就會變得易喊, 因為我見都有好多上莊係易喊o既人。 o個時都有諗, 會唔會自己上莊之後都會易喊d呢? 上左莊半年, 我發覺唔關事, 我根本就係一個唔會喊o既人, 可能同自己唔衰得o既性格有關掛, 所以唔會o係人地面前喊, 無論幾辛苦, 幾唔開心都係一樣。

但係點解會夢見自己喊o既呢? 可能潛意識上, 有d想大喊一場黎發洩。 喊, 其實真係一個幾好o既發洩方法......

>>May 29, 2004 at 7:42:30 AM GMT+8

2004 年 5 月 28 日 星期五 【晴】

好享受呢10日忙裡偷閑o既日子, 做左好多自己想做o既野, 返左屋企(雖然都唔係返左好耐, 但係冇辦法, o係屋企咩都做唔到), 去左行街買野, 見返好多中學同學(雖然仲有好多未見)。 我諗, 呢幾日應該係全年最得閒o既日子......

當然唔少得, 去左澳門呀~ 雖然本來話去台灣, 依家去澳門好似爭好遠, 不過都玩得好開心。 澳門真係一個幾好o既地方, 又近, 又方便, 拎住張身分證就去到(所以我一直覺得去澳門唔似去旅行), 消費唔高, 又算有d野玩有d野食, 最好就係一班friend一齊去顛, 重要唔係去o個個地方, 係同o個班人玩, 就好似我o地咁。 好多人聽到我話同邊個去澳門, 都話呢個組合好怪, 但係我自己睇又覺得好正常, 而且諗深一層, 其實我o地六個人之間都有好多唔同o既關係, 上下莊啦, 上上下下莊啦, touch camp 組啦, ococ啦, 不過唔屬於一個共同組織之嘛~ 嘻嘻, 其實我之前都估唔到可以同到hallmates去旅行(仲要係表面上唔關事o既hallmates), leehall真係一個好奇妙o既地方......

>>May 29, 2004 at 5:12:28 AM GMT+8

2004 年 5 月 26 日 星期三 【酷熱】

今晚, 出左去銅纙灣同施昉、 阿鳳同鄭瑤食飯, 食完飯仲食左好好味o既雪糕添~~


今日仲俾我搵到一間有好多夾耳環賣o既舖頭, 買左兩對耳環, 好開心呀~ 夾耳環真係好難搵~ 唔知點解我就係唔想穿耳, 雖然ANNA叫過我好多次, 雖然夾耳環都係好痛, 唔知呢~~ 唔緊要啦~ 依家又有耳環戴喇!

>>May 27, 2004 at 4:41:28 PM GMT+8

2004 年 5 月 13 日 星期四 【晴】

今日睇左一D野, 令我諗返起好多以前中學o既野, 特別係做學生會同社com o既日子。 其實你o地都算係我第一班莊友(雖然依家o既學生會同之前o既學生會好唔同)~ 可惜入左u之後真係冇咩機會見你o地喇, 唔知你o地依家點呢? a-level都要勁過呀! 希望你o地個個都入到想入o既學系啦~



好多謝你.......................

>>May 17, 2004 at 10:01:46 AM GMT+8

2004 年 5 月 9 日 星期日 【晴】

最後都係因為呢個原因去唔成旅行, 真係好搞笑, 點解d時間會咁夾? 可能都係整定啦......

結果又係去澳門, 去澳門算唔算係旅行呢? 我諗呢三年入面, 我應該唔止去呢一次.......



考試......我諗我都係讀law o既人入面, 最撻皮o個個, 完全冇危機感......會唔會, 其實我唔應該讀law呢?

不過, 呢幾日入面, 我突然覺得我對law of tort了解多左好多, 對法律都了解多左, 我諗, 如果我develope返一個正確o既讀書態度, 之後都可能可能追得番......

>>May 10, 2004 at 11:37:48 AM GMT+8

2004 年 5 月 7 日 星期五 【雷雨】

食宵, 估唔到可以咁齊人, 好開心呀, 可惜你冇黎, 唔係就真係一次齊人o既re-u喇~





其實我都好想去旅行, 如果同你o地去一定好開心, 不過......

>>May 9, 2004 at 9:31:53 AM GMT+8

2004 年 5 月 7 日 星期五 【雷雨】

呢排, recruit touch camp leaders, 勁過飯, farewell, 好多有關組o既野o係身邊出現, 令我諗左好多組o既野.......

有時我真係唔知, 點解我o個組會咁。 每當對面房問起我點解我o地組冇其他組咁close, 咁多re-u o既時候, 我真係好心痛, 我都好想知點解, 當一個late-come入黎, 我o地一直都俾唔到一個組o既感覺佢, 我知你一直都想有一個齊人o既re-u, 我都好想, 只係.......

究竟我o地組入面有幾多人意識到自己係百年好合o既一份子? 當尋日梓進叫我數有幾多人冇黎食勁過飯o既時候, 我真係好唔開心好唔開心, 點解仲可以有人話已經算多人? 係咪大家對呢一組已經冇期望.......

有時會覺得, 自己係咪都有責任, 我口入面話鍾意自己組, 但係實際上又做過d咩呢? 我o係差唔多上莊o既時候, 已經唔知究竟我係自己唔得閒去唔到所以唔會約re-u, 定係因為好灰所以冇intention約。 其實諗返, 我又真係冇做過d咩去keep住呢一組, 不過我肯定 , 呢個唔係一兩個人o既問題, 而係成組人o既問題.......

下年, 阿媽走喇, 仲有組員唔會繼續住, 我真係唔知呢組會變成點, 兩個late-come下年又有新組喇, 其實我覺得佢兩個對呢組都幾有心, 只係, 當有真正同自己一齊過o' camp o既組o既時候, 仲會擺幾多時間o係呢度? 我唔想再諗...... 我o係lee hall, 有莊, 有oc, 有teams, 有樓, 有其他朋友, 只係, 呢個始終係我o係lee hall o既第一個組織, 我始終好著緊.......

>>May 9, 2004 at 9:31:23 AM GMT+8

2004 年 4 月 29 日 星期四 【晴】

「我乜都無帶入黎，但我係到拎走好多」


希望我走o既一日, 都可以講到呢句......




轉左format o既sports discussion, 好似真係有用左好多。 用左一個鐘講athletics team。 其實, 如果你問我最鍾意咩運動, 一定係跑步, 我實在太enjoy衝一程短跑o既感覺, 但係入到hall, 依然只係得a-meet有機會跑步, 我唔知係自己冇爭取, 定係冇機會availiable。 希望lee hall o既a-team, 今年可以有進步.......

不過, 有一樣野, 聽到都幾唔開心。 我唔明點解d人可以講到lee hall只係需要 sports, 其他culture, sub-com, 樓等等o既野都可以唔重視? 我都算係一個重視sports成績o既人, 又冇玩sub-com, 但係從來唔覺得可以剷左d sub-com佢, 每一隊team o係hall都有佢o既作用, culture更加唔駛講, 冇錯, sports成績好可以令hall spirit好d, 氣氛好d, 但係culture真係冇用咩? culture拎旗, 一樣可以帶起hall氣氛, 甚至hallmates見到一隊搏盡o既 cultural team, hallmates一樣會欣賞, 一樣可以影響到hallmates, 始終都有d人唔鍾意玩sports, 有問題o既唔係呢d唔玩sports o既人, 係咩都唔玩o既人。我會話玩sports team, 對hall對自己都有好大好處, 但係唔代表唔玩就係死罪, 每個人都可以選擇唔同o既參與。 點解到sports discussion先有咁多人講話lee hall 用只重sports 就可以? 係咪因為係sports discussion就講d只係for sports o既野? 如果真係覺得有sports就夠, 點解cultural dsicussion 冇人講話其實cultural team當係興趣小組就夠喇, 唔駛用咁多心機時間? year 1 都識講, hall education唔應該只係provide俾d玩sports o既人, 而且, hall edu都唔係只係sports 咁簡單.......

>>May 6, 2004 at 5:11:19 AM GMT+8

2004 年 4 月 28 日 星期三 【晴】

第一任o既working group, 尋日終於正式落莊。 你問我, 做working group辛唔辛苦, 我會話俾你聽好辛苦,有太多野要諗, 太多野要做, 有d, 我覺得其實唔係我呢一個未搞過o' camp o既year 1能力範圍之內o既野。 但係, 呢三個月做working group member, 令我有好大得著, 如果唔係wokring group, 相信唔會明白、 唔會諗到咁多關於O' camp o既野。

不過, 依家working group可能冇下莊呀, 好驚, 好驚。 我覺得其實未惡劣到冇人著緊間hall, 只係想付出o既方法唔同。 好似今年咁多人出leader, 就算你話有d比較重組關係多過幫hall帶concept, 但係如果佢o地唔係鍾意間hall, 點解要o係呢度建立關係? 我相信好多人都依然對hall有心.......





開完會我o地去左飲早茶。 嘻嘻, 其實我o地都算係一個莊吖~ 遲d要有re-u呀, 仲要整working group衫~ 所有finals, 仲有下年唔o係working group 既人, 我會好掛住你o地o架~

>>May 3, 2004 at 1:58:14 PM GMT+8

2004 年 4 月 26 日 星期一 【晴】

終於開左考試之前最後一次ococ會, 可以暫時停一停, 不過考試之後仲有好多野要傾, 好多野要做, 大家要加油呀~~

之後一個月冇會開, 我會好掛住你o地o架, 俾心機溫書啦, 我o地要17個一齊勁過!

>>April 30, 2004 at 9:50:59 AM GMT+8