2004 年 11 月 24 日 星期三 【晴】

近排睇住下莊, 有少少諗返一年前o既自己, 雖然, 我覺得我o地同佢o地都唔係好似......其實, 下莊真係比我o地幸福好多, 十四個人, 每個人都可以做少好多實務野同諗多d自己同莊想achieve o既野......講真句, 見到佢o地傾莊開會冇精神, 做唔夠visit, 有時真係幾忟。 佢o地依家, 真係已經比我o地舒服好多, 舊年11月o既時候, 我o地已經係二、三、五、六、日每日都傾到6點, 都唔好話有得揀星期六返唔返屋企, 雖然, 我唔覺得呢個係一個健康o既現象...... 不過, 你o地唔可以咁唔捱得o架, 之後上莊, 係就係唔會要開咁多會, 諗咁多concept野, 但係一樣係要擺咁多或者更多時間o係莊務, 一定要由心理準備要付出要犧牲。

成日都會諗, 究竟上莊一年自己有咩進步, o' camp visit期間諗得最多, 因為要同freshmen講。 其實, 一個人好難睇到自己o既轉變, 我除左覺得自己諗野諗多左, 講野叻左, 真係唔可以好具體咁講到有咩進步。 之前有下莊話, 覺得我好大個, 唔似同佢o地同年, 或者, 呢個都係成熟左o既證明掛~ 不過, 對我黎講, 我上莊最想拎走o既野, 唔係個人o既進步, 而係關係同經歷。 直到依家, 我做左好多野, 搞過一個o' camp, 有一班好好o既莊友, 有好好玩o既OCOC, 仲有好多因為上莊而識而熟o既hallmate, 咁就夠啦~

>>November 25, 2004 at 6:24:59 AM GMT+8

2004 年 11 月 20 日 星期六 【微冷】

終於有齊人o既OC re-u喇~ 雖然唔係真係一次好高質素o既re-u, 不過唔緊要啦~ 難得咁齊人.......

原來, 好耐冇同你o地傾計喇......快d有傾計o既re-u啦......

次次見到你o地都好開心, 其實真係冇咩特別原因o架, 可能係因為, 你o地o係我心目中好重要啦......


星期四就係debate o既八強賽, 可唔可以多過3分就睇呢場, 好驚......

要贏!

>>November 21, 2004 at 9:21:41 AM GMT+8

2004 年 11 月 16 日 星期二 【晴】

今日, 得兩個人落track......點解會咁? 練跳遠, 好似仲跳得近過上次咁......唔開心......短跑, 我知道我o既爆炸力冇咩點退步, 但係跑100就好似跑得慢左, 早左冇力, 要練跑要練跑要練跑......

長跑其實係一個意志力o既考驗, 但係我o既意志永遠去唔到800米......


尋晚同同房整野俾oc, 其實都係佢整多, 我出錢佢出力......見住佢o地o係p-hole頂, 好開心~ 哈~ 好似同LHF o既 pub work抗衡咁...... 好開心oc關係keep得咁好, 雖然大家好忙, 但係半夜三更re-u都會有人去, 我唔會叫你o地o係hall入面o既組織排piority, 不過我都幾肯定o'camp oc o係你o地心目中都有一定位置。 間唔中就會有人話, 我學左上莊, 重視oc多過莊友, 其實, 我點都係覺得莊友重要d o既, 不過, 我又鍾意同oc玩多d wor, 好似好矛盾咁, 不過總會有人明係咩意思o既.......

>>November 17, 2004 at 1:15:21 PM GMT+8

2004 年 11 月 15 日 星期一 【晴】

究竟係咪o係呢個過緊莊又好似就黎落莊但係又重有野做o既時期, 係最易亂諗野o既呢?

今日突然諗, 究竟離開左之後, 睇返依家o既自己, 會係點o既呢? 望住OCOC o係唔同function影o既相, o係度諗, 呢班OC 同埋我o既莊友, o係我o既人生度有一個咩角色呢? 十年二十年之後我o地又會點呢? 係咪仲有聯絡仲會re-u呢? 如果三十年後我同d仔女講, 我o係大學o既時候玩過好多野, 例如搞過一個咁o既 o' camp, 佢o地會唔會知係d咩呢? 究竟知唔知我係做過d咩呢?

>>November 16, 2004 at 10:09:54 AM GMT+8

2004 年 11 月 12 日 星期五 【晴】

interhall debate 最後一場pool賽, 最後......都係贏左。 哈! 冇用到我o既扣分戰術添~ 不過, 真係打到火都黎埋......算啦~ 唔講......

下一場, 要羸st. johns...


星期三, 落track, 跑就冇練喇, 不過跳左一陣遠。 原來都好耐冇跑過步喇......


呢排, 諗左好多關於付出o既問題。 其實有時我都會諗, 落左莊係咪真係要做咁多野? 如果唔做past rep, 只係玩返一兩隊team、 睇下波、 落下forum, 做一個有心hallmate就算, 咁樣, 可能會開心d, 舒服d, 得閒d, 又可以擺多D時間讀書, 但係, 睇黎, 我都係唔會甘心咁做。 記得year 1 o既時候有上上莊講過, 佢o地莊想o係走之前, o係lee hall留低一d野, 我估, 我想做o既都係咁。 由我決定住hall、上莊o既時候開始, 就已經注定左我三年o係呢度o既路點行, 會做d咩。為左上莊, 我放棄左好多野, 例如某程度上放棄左成績、 exchange o既機會, o係大學入面其他學到o既野, 但係我好清楚我想o係呢度得到d咩。 過左一年, 我會話, 我o既決定冇錯, 我得到左我想得到o既野, 我知道我擺o係呢度o既時間心機係值得o既。 之後, 我相信我都會繼續o係呢度付出, 因為我想拎o既野未拎晒, 大學只有三年, 之後就係另一種生活, 我唔可以浪費o係呢度o既每一個機會......

>>November 12, 2004 at 7:08:42 PM GMT+8

2004 年 11 月 8 日 星期一 【晴】

下莊......開始有d問題喇......齊莊, 睇黎都唔係一個必然。 不過, 係時候俾你o地自己嘗試面對下呢d問題喇, 就當係上莊前o既其中一個考驗啦~ 我相信你o地處理到o既~

>>November 8, 2004 at 9:47:39 PM GMT+8

2004 年 10 月 31 日 星期日 【晴】

終於......都決定左自己o既下莊喇, IV唔係一個易做o既位, 你要俾心機呀~ 睇得出你好有抱負, 有好多野想做, 希望你做到啦~


星期五......完埋3rd forum喇, 呢個forum, 對我o既衝擊比想像中大, 其實, 都真係有好多野未做, 同埋有好多野做得唔好。 對於o' camp, 真係仲有好多野想做, 所以, 一直都想成立返一個working group, 自己今年做唔到o既野, 下年我要自己再做返好。 Past rep, 我覺得呢個唔係冇可能o既事黎o架, 我有信心會做到o既, 睇住黎啦~

>>October 31, 2004 at 4:56:10 PM GMT+8

2004 年 10 月 20 日 星期三 【晴】

突然發現, 呢排自己身邊有好多人唔開心, 仲要係好唔開心o個隻, 但係又唔知點可以幫到佢o地......

上莊話過, 我係一個冇情緒o既人。 其實, 我又唔係冇情緒o既, 不過我唔會o係人面前喊, 唔會俾人見到自己唔開心, 同埋, 冇咁易受一d唔開心o既野影響。 咁叫唔叫冇情緒呢? 不過, 冇情緒可能都係好事, 至少, 唔會因為唔開心影響自己做野。


呢幾日, 因為要做assignment, 成日都去法庭, 仲要係日日都有野做訓得兩個鐘就要起身出門口。 不過, 去左幾日法庭, 又覺得開始知道返下自己讀緊d咩, 同埋開始鍾意返呢一科喇~ 我諗, 即使遲d唔做律師, 都會做返一d同法律有關o既行業......

>>October 21, 2004 at 2:24:53 PM GMT+8

2004 年 10 月 19 日 星期二 【晴】

過左兩日open day, 其實......都幾悶。 我兩日都冇o係hall, 一路o係出面做worker, 第一日o係KK Leung o既時候, d人真係少到......第二日o係haking, 就好好多喇~ 不過, 最唔鍾意open day o既 地方, 係太多完全唔知hall係咩o既人, 都唔知可以點pub, 同埋有好多人係一心黎拎soveniour......

第二日有cheering competition, 我o地又拎到第二喇! 勁開心~ 輸俾u hall, 真係冇得講, 佢o地d cheers擺明贏硬, 我已經當贏晒o架喇~ rock my soul 同walk around lee hall兩首cheer, 其實係好代表到lee hall o架, 呢兩首cheers, 都係好warm, 好開心o既 , 一班人一齊dem呢兩首cheers o既時候, 可以俾到人一種好開心, 好一家人o既感覺, 好鍾意對外dem呢兩首cheers~ 雖然......唔係次次都dem得咁好......

過完open day, 又諗左好多lee hall同其他hall比較o既野。 有好多時候, 都幾admire st. johns, 何東, ricci, u hall呢d比較傳統o既hall, admire佢o地o既, 唔係interhall比賽o既成績, 而係佢o地o個種可以一直流傳落去o既傳統。 o係呢d hall住完三年o既人, 無論係幾多年之後, 都仲好珍惜自己舊人o既身份, 永遠覺得自己係呢度o既一份子。 好想每一個o係呢度grad o既人, 都永遠記得, 自己係一個skyer......


依家傾莊o既情況, 好似幾理想, d野都算傾得快, 而且下莊有好多人, 真係好, 不過, 又有幾層樓冇人。 唔知有冇機會齊莊呢? 好快就comp sec位喇, 邊個會係我下莊呢......

>>October 19, 2004 at 6:07:35 PM GMT+8

2004 年 10 月 7 日 星期四 【晴】

終於都到左呢一日喇, 希望你o地兩個跟住呢一年都可以做得開開心心啦~ 除左想你o地做得好, 都唔想o係任何時候見到你o地因為呢個post唔開心~ 你o地要加油呀~ 我會支持你o地o架!!

哈~ 多謝你陪我dum左一陣呀~ 你都要俾心機呀~ 呢個位唔易做o架~ 希望你做到你想做o既野啦! 唔好令我失望呀~

>>October 8, 2004 at 2:08:51 PM GMT+8