2007 年 10 月 18 日 星期四 【晴】

今日...
出發了...
三日兩夜的大陸之行...
而我...
卻要...
留在家中發呆...
>_________<
嗯...發呆就好了...我才不要溫書的呢!!!
無得去hea仲要我溫書!?
說笑吧!!!
雖然...fina110很難!!!
聞說...math144超難!!!
但...溫書...是不對的!!!
可惜的是...不對的事...還是要做的...orz
而且仲有kkk大大教我fina喎~~~
只是...到底會點死???
一如既往~有下回的話就下回分解~~

去了掃場!?
東角->地帶->皇室->金百利->sogo->集成->188
一次過行哂我認識的地方了...
意想不到的是...
居然是在188才看到較為有趣的東東...之前只是叫做找到一些目標而已...
雖然只是我覺得有趣...不見得別人也會這樣覺得...
但也就是不錯的了~~而且...也不會知道別人想要什麼的了~
不過...反正...還有一些時間~
可以先考慮一下才買下來~
又是在拖呢...orz

開左張500蚊
發覺...好像一下子就用完咁...
點解會咁架?!
知唔知要儲返一張500蚊係要用幾耐架?!
唉...
eason隻新碟...
居然要$115...
除開件衫型design...隻碟入面...
係得2隻cd...兩張貼紙...一張問卷...一張傳單...
天呀~~~我寧願再簡約一點...平多二三十蚊都好丫...
好在...學友叔叔同S.H.E短期內都不會出碟~追開的漫畫都係剛剛出左新一期...
短期內都無必然性開支的了~~
除左...HERO!!!

再開多一套日劇
《偵探伽利略》
本來係無諗過要開來看的
但...風評不錯~
而且是推理劇~科學推理劇~又有北村一輝~
睇完之後~還可以的~~
暫時還是可以追看一下的~~

這樣子...
這個sem...會很忙?!
三套日劇~四(五?!)套動畫~不盡的漫畫~
丫!!!
動畫方面...
開了《逮補令》~~因為...這是...皇家雙妹嘜喇^^~
還開了gundamOO~~其實...不是太想看的...啦啦啦...
仲有《Bamboo Blade》~因為...漫畫版很好看~~所以...就看一下喇~~
當然仲有管家同埋仲爭好多集未睇的es21喇~
五套有四套係漫畫改篇的呢^^~
咦?!
這個sem?!
我是...學生來的?!
我不是...宅男or毒男來的嗎?!
太可惜了...orz

ielts!?
要努力一點喇~~
我是說真的!!!
nani?!
毫無說服力?!
我‧是‧說‧真‧的!!!
nani?!無分別?!
嗚...
人家已經好認真的喇...應該...或者...也許...相信...係...算得上...勉強來說...是稍為...認真的...喲...
嗚嗚嗚~~~
[哭奔中]

反正都寫左咁多野...
唔爭在...
NDS放低左好耐~
但...之後又有d值得留意的game了~
FFTA2~Advance War2~兩隻SLG大作呢!!!
希望會不錯啦~~
FFTA2就一定會等漢化的了~
AW2就...可能...或者...也許會買美版的~有錢的話~
仲有一隻係CARD HERO~~
居然係CARD HERO呢~~
佢上一集...應該就係我最後一隻買返來的GBC正版game了!!!
上一集~雖然簡約~但~很有戰略性的!!!每一步都要計過度過~~
值得期待一下呢~~

以上

>>October 19, 2007 at 7:10:12 PM GMT+8

2007 年 10 月 13 日 星期六 【晴】

最近...累積了很多台灣綜藝、日劇、動畫、漫畫...
近幾日才稍為清了一點點~~
(我居然o係lee幾日...走去翻看touch...真的是無言了...不過...安達充的漫畫就是令人看上去很舒服...)
不過就都係未清得完...

秋季日劇開了兩套~
分別是《醫龍2》及《Dream☆Again》
《醫龍2》當然是因為我看了《醫龍》1啦~~
雖然今季係原創劇情...
第一集居然係足兩小時版本~彷如一套日劇SP般~
重點是...整整兩小時...都是...高潮迭起的~
一如第一輯般~拍得很有動感~取鏡一流~很易令觀眾投入~而且...初生嬰兒那part...怎看也是真的!!!太神了~~
結尾的三個手術一氣呵成~真的是...非筆墨所能形容喇~
ending時的鋪陳又令人想看下去~第一集拍得實在太高了~~
重要的是...今集女主角...內田有紀...幾靚女~高傲美^^~

《Dream☆Again》就主要係因為見到個cast先去看的~故事不是太感興趣的說~
男主是反町~很久不見了~雖然不是很靚仔~不過就是對佢有好感~
女主是加滕愛~自海猿後就有一點喜歡上她~連看《外派的品格》的主因都是她~
女配是志田未來~小妹妹~都可以一看喇~
第一集就有點兒老套~但都叫做有一些張力的說~
某些劇情的發展還是有看頭的~
最近...好像對棒球有點興趣~可惜的是...香港根本就不興的喇~~雖然就算興我也不會去做些什麼的了^^~
加滕愛真的幾靚女~既然從溫泉偷拍事件中重新站起來~就請加油喇!!!

回鄉証很貴!!!
中旅社果然是呃錢的!!!
快証仲要加兩舊~同埋要用五個工作天...
都係無得返大陸了...無得離開一下香港了...無得放鬆一下了...
(nani?!我已經是太hea了?!那就錯了~~hea外有hea~鬆外有鬆喇^^~)
(nani?!去完d mid terms點算?!我...本身...係忘記了...我要mid terms的...不過...反正...都未必會溫架啦~~啦啦啦^^~)

阿妹居然搵我傾感情事!??
入U五件事果然是錯不了的~
尤其是住hall後~~
不過...找紙上談兵的我來傾...會不會是...太無參考價值呢?!
嘻嘻~
我什麼都不知道了~~

>>October 14, 2007 at 4:44:37 PM GMT+8

2007 年 10 月 12 日 星期五 【晴】

剛剛好尋日才看到一個post說《Click》(命運自選台)很好看~
搞到想有機會的話~搵埋《機場客運站》一齊看~~(之前明珠播...不知為何...錯過了...當時很想看的...但又忘了我為何錯過了...orz)
點知今日...起身...就發現了有隻click的vcd在台面!!!
嘩!!!太神奇了~~
原來係阿妹買返來做功課的!!!
咁又有野睇lu~
不過...
看完...
又覺得很一般...
都是一些老生常談~~不過那些女角是很不錯看就是了^^~
人生在世，為的是什麼?!
無人可以為別人解答~
每個人都有著不一樣的答案~
為家庭、為事業、為社會、為自身~不論是那一個都可以是正確的~
只要不後悔自己所作出的決定就可以了~我是一直這樣子認為的~
無疑~人不可能知道那一個決定才是日後的自己所最期盼的~
在有限的認知與局限的視野內所作出的決定當然不可能一定是最好的~
但最起碼是由自我意志所決定出來的~
話...好像扯得太遠了~
對~我無需要得到世界~也不可能得到世界~
單單是回報我一直所得到的已要用上數不盡的時間了~
「明白了就要去做」是我現在所必須去實踐的~
就是這樣~
有機會的話~
要再睇埋機場客運站^^~

最近政治新聞何其多~
香港人本身已是政治冷感~
就連那些高官、政客都可以是如此的政治白痴...
香港真的有未來嗎?!
政治的根本就是民生...或者...香港已沒有了民生lu...

是我的問題?!
是我的行為難以理解?!
如果是這樣...我會努力一點的...努力扮演被理所當然化的自己...

xanga留了幾日還未去補回...
或者...
是不太想去補回
但...應該係要去補回的了~

好像...
近來日記寫多了很多
還是主要記下來的...都不是"日記"
這樣子...沒有問題的吧?!的嗎?!的掛?!

接下來...
又係mid term period了~
hea過了的...又要認真的補回了...
>_<

以上

>>October 13, 2007 at 5:34:59 PM GMT+8

2007 年 10 月 8 日 星期一 【晴】

本來想寫下...
我用左幾多時間做251的assignment1的
但...執筆之時...
我就想不起...
我是幾時開始做的...
雖然只是一兩日內的事...
不過都係唔記得了...
orz
總的來說...
都係dead前兩日開始做
做了10個鐘左右...不過都係做左5/6~得75%分...orz
雖然有source...但不太想照抄...不勞而穫是不對的~~除非係錢啦^^~

heroes第九集?!
回到6個月前來補充返一些前因
係之前8集的細節位的補述~~
一點的不留心、轉不過來也會錯過了一些精細處~
很厲害呢~~
交代了不少東東~~整集也很緊湊的呢~~
很想快d有下集哦~~
就回到了"現在"喇!!!

很神奇
只是向外望了一眼
下午整整一大段時間都沒向窗外看過多少眼
只是僅僅的一眼
卻也留意到了
再注視多一下就真的看到了
是緣份?!是天意?!
一刻的意亂
不管上天給我的訊息是什麼...
意亂是不該再有的了
靜，靜下來，回到靜靜的我

>>October 9, 2007 at 4:20:09 PM GMT+8

2007 年 10 月 5 日 星期五 【晴】

晚上...
因為要搵一下170 d notes出來...
就去摷啦~
點知第一輪的幾袋野都唔見fall sem的notes~
所以就去搵下個箱...
點知...唔覺意整跌左本漫畫去個櫃後面...
好!!!算!!!
搵完個箱...發覺都係無...
再搵返之前o個幾袋野...原來就係o係入面...唉...
我將fall sem d野同city d 野放埋一袋...orz
咁好啦...
就搬櫃拿返本漫畫...
搞完一大輪...
發現...
個櫃...
爛左!!!
呀!!!!!!
orz
雖然個櫃都仲用得...
但...看來係個天話比我聽係時候大執間房喇!!!

251份assignment仲係未郁過...
原來係仲有兩日而已...
係9號1:20pm dead...即係上lect前...
sml很難的說...
d人仲話份ass1係超難的說...
但係...點解...
我仲hea緊的?!
真的是要hea過這個sem?!
那...倒不如...真的...去搵份全職做下...
幫補下學費...籌募下旅費...
嗯...
那...到底251會點死呢?!
都是下回分解啦~~仲有命的話~~~

發覺...
都仲係有好多野未做...
縱然是決定了都是在拖...
拖到無得再拖...
才去做...才知道已錯過了...才知道已不再可能了...
或者...懶與慣性真的是第九型的致命傷...
啦...啦...啦...

>>October 6, 2007 at 5:22:32 PM GMT+8

2007 年 10 月 3 日 星期三 【晴】

終於都完成了comp343的assignment1
10月4日8pm dead
10月2日凌晨，即3號的12am開始做，做到5點就訓~
不過只係combine左少少...
10月3日的下午，返左去上半堂343
然後就由點半做到3半左右，修正了一些地方
因為太累...都是回家...hea了...
10月3日凌晨，即4號的12am再度開工，中間的時間...當然是hea...同睇電視啦!!!
本來諗住有排做的...因為返完學...聽完人地講份assignment...
但...做落又唔係好難咁...
去到6點就基本上完成...訓覺~
10月4日11時...訓左5個鐘...居然...醒左...訓唔返...
之後在床上呆到兩半先起身hea...
hea到5點先開始執埋份野其它細位~
去到7點鬆d就交了~~
不過...其實...仍然未做得夠好的...啦啦啦~~

總的來說...
只係用左deadline前兩三日15、16個鐘左右就ko了這份assignment
又一次臨急抱佛腳成功...
如此下去...我會無動力去提早做之後的assignment的哦!!!
連個天都縱容我hea下去呢~~
我都唔想的~~
~.~

晚上出左去食飯~
首先...
回到10月3日...
rtyuiop生曰快樂呀!!!!!!!!!!!!!!!!!!!!!!!!!!!!!!
整餐飯都是在圍攻tami的說~~
蝦女仔係唔o岩的~尤其是蝦d蠢o既女仔~蠢到連你蝦左佢都唔知的就更加唔o岩~~
但...我好認同...咁樣係非常有趣的說!!!
很佩服rtyuiop能夠很認真的9up~~自己又可以認到笑...我聽到已經想笑了...orz
看來我都要努力地學習一下了!!!

不知為何
仍然是不太訓得好
明明就唔係好夠訓的了
但就係訓左一陣就醒
之後就訓唔返...
難道是...心有所牽?!

>>October 4, 2007 at 5:59:33 PM GMT+8

2007 年 9 月 30 日 星期日 【晴】

三日假期都在hea過...
一點正經事也沒做過...
明明就係有project、功課要做的...
書...也是應該要去溫的了...
但...就是在hea...
沒事做...就在找無聊事hea...
真的一如開學前所講...
今個sem要努力地hea過?!
可惜的是...功課始終都係要交的!!!
到底...接下來要交的能否準時交上呢???
請看下回分解~~~(如有下回的話)

食無定時
營養不均
嚴重偏食
都是重病的前因來的!?
唔...我相信我遲早都會有的了^^b

讀fina
可能真係會善於管理金錢
不過...首要條件係...要有金錢比我管理!!!
可預見o既將來...都未能達到收支平衡呢!!!

>>October 1, 2007 at 5:03:08 PM GMT+8

2007 年 9 月 28 日 星期五 【晴】

最近
總是很累的
明明是睡足了
或者應該修正為...明明係訓唔著的了...只能在床上呆呆伏屍...
但一起來...
整個人就是很累...
是感冒未清嗎?!還是...!?

想做的...
不應該只是把決心放在心中
而是行動起來
議而不決，決而不行，真的是最差勁的!!!
缺少的...一直等待也不會得到...
現在...最需要的是...錢!??

歷史真的一再重演?!
明明是說過不會再逃避的
但就是總會給自己找得到藉口
是不了解自己根本就接受不了
還是只是不想面對些什麼
就算欺騙得了別人...也欺騙不了自己...奈何...誰也騙不過...
或者逃避真的是我最擅長的

點解...
這兒會變得咁書面語的
明明話過lee度係用口語的
係因為當一觸及深心處就變得文雅起來?!
真奇怪...
廣東話明明就唔係我手書我口的
到底我係點樣寫出lee d懶係文雅的「文章」的呢?!
難以理解...orz

一個人類
原來係可以o係朝早9點3、4左右食左一個包
之後只係一直飲水
其間上堂、測驗、打波等等
生存到去晚上7點都未算肚餓的!!!
係生存的本能?!定係金錢的引力?!
我個人較為傾向...佢本身係一隻怪物!!!

原來仲keep到做引體上升的
或者應該delete左個keep字的
因為根本就無做過d咩去keep
甚至...根本從來都無做過d咩而去令自己做到的
啦啦啦~~~

又原來
搵d藥貼貼下隻腳真係有用的!!!
會唔會...係發現得太遲呢!?
^^b

advance war 2
終於都有消息了!!!
不過部wii就...真係...啦啦啦了...orz
或者這就是所謂的天譴喇!!!
>_<

>>September 29, 2007 at 4:09:19 PM GMT+8

2007 年 9 月 24 日 星期一 【晴】

五年了
這樣就五年了?!

居然要在五年後的今天
才知道五年前所造的手術的稍為詳細內容及目的
我...真的是人類來的嗎?!
什麼也不知就去造手術...
orz

原來我係左右都有問題的...
問題還要不一樣...
軟骨彎向左...右邊則是黏膜發大...orz
這次的醫生是好人...還是沒什麼好說
才跟我說回五年前手術的事呢?!
還說...有問題的話可以再造多一次手術...左右兩邊都可以做或分開做...orz

不過的確是好了不少的說
相對於很久以前的話...
而且...住在天橋底的人也不會好得去哪兒的了~~

覆診很貴的說!!!
不過...還是覆一下就好了...
~~~~~~~~~~~~~~~~~~~~~~~~~~~~~~~~~~~~~~~~~~~~~~~~
想起五年前的手術
又想起了當時的一些往事
space-c的某人...
手術後在鄉下的暑假...
之後與友人在碧桂園遊hea...

往事只能是往事
過去了就真的過去了
不能再回來多一次
美好的時光只能在腦海中一再丟淡
很想能再創一次又一次的時光
只是...我仍未學懂拿起主動/主導權...
感傷的話一再訴說真的是沒有任何意義的...

以上

>>September 25, 2007 at 5:07:29 PM GMT+8

2007 年 9 月 17 日 星期一 【晴】

轉載
~~~~~~~~~~~~~~~~~~~~~~~~~~~~~~~~~~~~~~~~~~
一篇由鄭丹瑞寫的文章，值得分享，內容如下：

急事，慢慢的說；大事，清楚的說；

小事，幽默的說；沒把握的事，謹慎的說；

沒發生的事，不要胡說；做不到的事，別亂說；

傷害人的事，不能說；討厭的事，對事不對人的說；

開心的事，看埸合說；傷心的事，不要見人就說；

別人的事，小心的說；自己的事，聽聽自己的心怎麼說；

現在的事，做了再說；未來的事，未來再說。
~~~~~~~~~~~~~~~~~~~~~~~~~~~~~~~~~~~~~~~~~~

一直都在依賴別人
要別人一再提醒，一再督促，才有機會去完成理所當然的事
除了依賴還是依賴
本來就是一個很封閉的人，封閉得難以言喻
或者...這就是「影」吧
不能單獨存在，一直附生
不能有自我形態，更談不上自我意識
是否存在也不曾有人在意
可有可無的附屬次貨
真的很感謝仍在主動接觸著我的人
真的真的

有些事
對自身明明有利的，本身也許是想做的
但...就是不想為了一些目的利益去做...甚至要損害了別人的利益才做到...
變得很虛假
每一次做了...也會在下一刻變得慚愧起來...雖然...還是會有下一次...
到底是我真心真意的想去做...還是為了個人利益的去做...
縱使人不為己天誅地滅
但...只要想到...《世界這樣大》...
我有時...真的寧願...靜靜的...
或者...都是那一句...只是在怕...無膽去做吧...
helper嘛~~我會更為積極的!!!
縱不為自己...也要回報他人!!!

塵埃落定
這一天的來臨本身就是可預計的
一刻的愕然
但還是比想像的平靜...也許真的是早已料到...
甚至有一點解脫的感覺
或者還是需要一點點的時間

>>September 20, 2007 at 3:09:14 AM GMT+8