2008 年 4 月 28 日 星期一 【晴】

為免...之後都係講唔到野...
考唔到試...
今日再去睇醫生

今次個醫生有問我病情喇!!!
仲交代埋我咩事~~
支氣管炎~~同埋...唔知咩...(太久遠喇...忘記了^^~)
今次比上次更厲害的是...
有三支咳藥水!!!仲有滴鼻的藥水!!!
好多野呢!!!
滿載而歸呢^^~

原來...支氣管炎要消左炎先好的~~~
看來我之前的百日咳都係支氣管炎喇~~~

以上

>>April 29, 2008 at 3:34:11 PM GMT+8

2008 年 4 月 26 日 星期六 【晴】

4月25日，星期五，晚上六時半
約左勁勁龜、jul哥哥、咖哩、傻之食飯~
因為...地點太近的關係...我...都係遲到的^^~
hea下hea下就去左唦嗲王食~
好似好耐都沒怎麼聚在一起的說~
食下吹下水~~~吹下中學野~吹下近況~吹下政治!?
期間咖喱講左一組好有趣的"屈機"手勢^^~jul哥哥的經歷又真的很...有趣?!
之後就去左睇人打機~~~先去times睇GvG~係無的!!!變左打籃球機~兩戰...兩敗...
然後就過左cyber~有GvG了~~~睇下人打機~~打左兩局...唔知咩賽車...(都係o個款架喇)
見到有太鼓亞州版~~本來都留意唔到...不過一望埋去就見到...S.H.E的SuperStar係Top1^___^
但...亞州版要$6~旁邊的日版就係$4~orz
貌似就走的時候...
望緊人打winning~個人用盡d時間set左好耐野~~剛開波~~就...熄機!!!
一熄機...就估係警察查牌喇!!!果然係咁~~~
第一次遇到呢!!!
原來查牌要搵位坐定定~唔好講野~手拿身份證~等差佬望一下的~~~
呆左4個字左右~d機開返先知可以郁了~~
第一次遇到查牌~第一次比人check身份証呢^^~(雖然都唔係正式被人查身份証)
然後就去左篤波~勁勁龜先行脫隊~~
正確一點係去玩篤波~~
在jul哥哥的教導下都叫做篤到幾球咁多的~~
一點後就打的去北角neway唱k~~原來憑的士單據有$15優惠的~~(過海仲有$30)~蝕哂~~
唱呀唱~~都係一陣就無聲...兼好眼訓...
去到5半就cut...好準時...估唔到咁準時...
比埋k錢後...身上...無哂錢lu~~~
搭小巴歸家都要阿之比埋添~.~
看來...之後要斷糧儲錢喇!!!

返到家睡覺~起身睇布拉格戀人~訓覺~~
起身...呆下呆下...個人又病病地lu...
星期日起身都係咁...
下午...焗左一身汗先叫做好d...
看來...要養好個病先喇...
唔係...都...玩唔到喇^^~
======================================
今日仲同阿笙玩左一陣msn的視頻~~
ok得意~~
不過...就是感覺怪怪的喇^^~
本身唔中意影相~比人拍~但就要坐低...望住自己被人影...
有點兒...想走到牆角...畫圈圈呢!!!
orz

>>April 27, 2008 at 3:15:23 PM GMT+8

2008 年 4 月 22 日 星期二 【晴】

重生
何謂重生?!
第一係hea~第二係hea~第三四五都係hea!!!
努力地下載動畫、漫畫、日劇
嗯...話說...
我仲要...考ielts的...
嗯...話說...
我仲未...搵工的呢...
嗯...
lee d咁o既人...真係唔死都無用的說哦^^~

小妹~透過別人的msn入手了看過一遍的"末世凶煞"找我一起看~~
就是那一套~全程用DV拍~~影評話會睇到頭暈的那一套~
還可以的說~~~
感覺ok新鮮的說~
用上小市民的角度來描寫~~(雖然他們的行為都不小市民得哂)
而且又唔係好頭暈的說~~~

日劇!!!
隔了一季的日劇~終於都再看了~
上一季都有一兩套有興趣的~不過反正興趣不大就沒有看了~
這一季暫時看上的有兩套~
一套係睇cast~一套係睇story~
先講story那一套~就係木村的《Change》~講...木村...點樣...當選日本總統^^~
不過未播~好似去到季中先播~即係5月先播~
另一套就係《Last Friend》
五位主角都識~加有興趣~~~
三位女主係長澤正美、上野樹里同水川~兩位男主係錦戶亮同xxx(唔知咩名)
長澤應該係睇龍櫻第一次看到她的~~樣子不是說好靚~不過就係好純~笑起來好靚~
上野樹里自然就係睇交響情人夢識的喇~~野田妹^^~
剩係單係lee兩個女主都要睇喇~~
再加上錦戶亮~第一次看他的劇係一升的眼淚~~之後就係attention please~~
雖然佢一d都唔可以稱得上係靚仔~~~但唔知點解就係覺得佢好nice~好親切^^~
然後還有水川~第一次見佢係o係醫龍~當時個look唔係好靚的~之後再o係交響見佢時就靚左~o係last friend就更靚~~
還有xxx...忘了名字~~即係交響入面做峰的那一個!!!即係last friend入面有成三個做過交響的哦^^~

都係講返套野先~~
套野個題材...都ok嚴肅的~
暫時已知會涉及的題材有: 情侶暴力及女同性戀~貌似還有性虐待~
很少看這類形的題材~~(通常都係睇搞笑系的^^~)
不過睇左兩集~又ok喎~~好想追看下去了~~~

以上
================================
Last Friend入面五位主角的點題詞!?
希望...我之後都仲會記得佢地係點解啦^^~
love
liberation
agony
solitude
contradiction
================================
忘了寫...
今日終於都去左申請特區護照喇!!!
到底是誰說32頁的要二百幾~~
明明就是$370!!!
害我空歡喜一場><
不過...幸好...因為可以用得返之前回鄉証影落的相~可以慳返40大元~~~
原來剩係要填一頁紙~一頁少少個人資料的紙~再加身份証正本~再加一張相就可以申請的了~~
比我想像中的方便得太多了~
5月9日就有得拿了^^~

又話說...
最近...
怎樣睡都好像不太夠...
是病態未清嗎!?

>>April 24, 2008 at 3:02:15 AM GMT+8

2008 年 4 月 19 日 星期六 【晴】

上一篇打了一個鐘有多呢...
這篇還是簡短的說一下

4月19日~
約左劍仔睇三國~~
本來係約上星期的~~
不過因為fyp都係推到今個星期~~~
劍仔咳呢!!!看來...一定係佢惹病我的喇!!!太可惡喇!!!
居然趁我趕fyp的時候才整病我!!!

因為8點4場無乜位~睇11半~~
之後就去左pazza hut~~
居然有位~~~劍仔終於可以食海鮮闊條麵喇!!!
嗌野食~~因為fyp已完結~~可以不再保重身體了~~
所以都係跟隨劍仔叫凍飲~~雙重朱古力~~仲有雪糕o係面的說!!!
嗌了一個有蕃茄同洋蔥的pazza~~
因為免麻煩~及避免好似要劍仔叫了一個我唔食的pazza...
所以...出生以來第一次食蕃茄~~~
食落...又無乜味的~.~連洋蔥都係無乜味的說^^~所以入口係無問題的~~~

食完...去左網吧hea~~
我居然開左無雙大蛇出來打orz
去到最後幾個字先打了一場1942~~

睇戲~三國之見龍卸甲~~
一句講哂~~~無得頂呀!!!
不講歷史因素~時代背景~~
lee套戲都仲係有大量唔make sence的地方!!!
想表達一些思想...卻用上了極度差勁的手法~~~
個故事劇情係可以講唔通的!!!
不是眼看主角是我最喜愛的子龍哥哥...真的...會媽佢的!!!
另外...如果是對三國歷史稍有認知的人來看...
這套戲...絕對是一套喜劇!!!
每次講歷史事件...都足以令人笑死無命賠!!!
果然是一套"好戲"!!!

然後...
因為fyp的完結~~今日就開始放縱自己了~~~
望著一盒兩個星期以前的朱古力...一直都沒吃過的朱古力...
終於都諗住食下佢...
一開...居然...係得返一粒!!!
或者應該說是...好在仲有一粒吧...orz
晚上...
小妹打來說要吃什麼?說是買m記...
也就...好吧^^~
所以...應該...仲有排咳的喇!!!
^____^

>>April 20, 2008 at 5:14:45 PM GMT+8

2008 年 4 月 18 日 星期五 【晴】

FYP的終結

星期五，七點幾八點訓左~
十半andy打來...講左樣好有point的東東~~~
「我地唔combine好個interface,show比hamdi睇時d button會double左唔得架喎」
對呀!!!
所以...我本身係expect自己做好哂d野，返去上huma再用o個兩個鐘combine的...不過...事實是...
因此就即刻起身~~問andy拿最新的version~combine返自己執左的interface~~
執到去十一點二先執好~~
換衫整野都成搭四先出門口~~~
所以就遲到了...十二點十一分先到...
去搵hamdi...無人!?
等到搭十左右就去左barn做野~
hamdi就四點先再見佢~~~

我帶左部notebook返學~本來係諗住返去做野的...但...因為andy忘了執隻vs2005出來...部notebook廢掉了...(話說...vista真係好好好廢呀!!!)
所以去到barn都係執返7key~執頭執尾咁~~~
四點見hamdi~~
入到去...聽到hamdi第一句..."choose your topic xxxxx","create your own topic xxxx"已經 feel到唔對路了...
聽多幾句就可以肯定...佢當左我地係新一年的fyp group來找佢揀topic...orz
雖然...我地見面的次數應該得6~7次~~~(由搵佢到完成個fyp為止...)
但...我地的關係原來真係咁疏離的...
demo比hamdi睇...
hamdi完全唔知我地個fyp game係玩咩的!!!
仲問我地個game係咪人地的?定係我地自己寫的...
嘩!!!驚嚇度max!!!
最後demo左4個字就完左lu~~~係見佢的時間當中最耐的一次吧^^~

返左去barn再做~~~
因為著實不太知我可以做到d乜...hea下hea下就到晚上了...
係個convertor的interface有點兒...唉...為何是這樣的...不想介入...但又不可能視若無睹...
然後就係upload個poster~~幫下少少少手...就去到十點九~barnA都收左~~
去返barnB~~去到...我直情無做野...已經唔想做了...睇下伍晃榮~執下email~訓下覺~
去到十二點三就散~
但...當時係ppt未做好~未prepare過聽日的present~都唔知點解會咁...
返屋企時...連搭三班尾班車呢!!!

返到去...無野做/無做野...hea到兩點九就訓...
尋晚傾好早d返去準備present
本來andy說7點~我無所謂的~~
但貌似有點兒驚嚇度...再改做七半~~
然後聽到戲言話可能八點先返到...我就當然話...如果真係的話...咁我就八點先返的喇~~~點知...
上一兩篇日記才說了8點7係我最早返ust的時間~~
點知今日就已經打破了~~~
7點20分就返到去ust~~~早上的車程原來無想像的慢~~~
o係barn B等呀等...等到搭八~都係無人打比我...
我一直都有check電話訊息的...收到丫!!!無理由仲未有人搵我的!!!難道真的被遺忘了?!
於是就逐個打電話去~~~andy~羅倫~carrie~
三個都係無人聽~~連聽三次電話留言訊息~
然後...過左幾分鐘~andy打來說剛起身~要出門口~~嗯~
再打比羅倫~the same~在家中準備出門口~
再打比carrie~換緊衫出來~~(相信佢係最早的了~聞說第一次打比佢都係換緊衫唔得閒聽)
看來大家都係好認真準備個ppt同demo喇...夜訓到起不了身...那一刻...反而有點兒慚愧...我為何會無視他們、ppt、present而咁早訓的說...orz
大約...八點二carrie到達~八點半羅倫到達~八點八andy到達~
齊人~~可以開始了~~~

然後...第一次知道自己係要present 邊part~~不過...去到正式present前都未正式試過pre一次...orz
執下執下~~去到9時45分?!先完成所有野出發去present~~不過我地的present時間係9時50分~~
阿tai話bb好不滿我地咁遲...原來...間room個鐘係快一個字...即係我地遲到了~.~
hamdi居然o係上一組pre完走去休息?!
開始present~~都還可以接受的~~~自己都叫講到野...以無乜練過來說~都ok的喇~~~
到demo那一part~唔知mac book咩事show唔到畫面...
眼看bb個樣子很不滿...就行出去是但講d野啦~~~
bb就開始問下問題~~
問問下又開始demo~~
demdem下又問下問題~~~
好明顯...bb都係唔知我地個game係玩咩的...係一d都唔明!!!唉...
總的來說...個present係可以接受的~如果是以我地自己的準備量來說...
但以整體來說...只可以說是...極度差勁!!!

然後...FYP就真的是完結了!!!
一切已成過去了!!!不用提~也不想提了~~~
重生的時候就到了喇!!!
=========================================================
FYP的回首

以下全是憑印像所記下~~
如有虛構，實屬故意~

本來只係我地city的三人眾的fyp group~
後來加多左carrie姐姐~

本來係搵horner搶一個寫game的fyp的~
點知就變成左係hamdi開左個"create your own project"的network game project~

整個暑假都無乜傾過我地要做d咩~~
九月第一次的開會...就被告知...我地會做一個network music rhythm game~
有點兒驚訝的說...
實在想不到...原來已有idea了...甚至是決定了...
更想不到...雖然係寫game...但...game type會係一個我從來未接觸過的...亦係一個我以後都不太可能接觸的game type~

然後...proposal的提交~叫做大約知道會做d咩~~
之後...一直再無做過野...
直至...progress report的提交!?才大約做多了一點

本來spring sem feel出咁多時間出來~~不找野做~不開日劇~
是想花時間在fyp的...
但最後的開始動工時間居然差不多係三月中...即係fmp~final month project~~
一直不知道~不明白要做什麼...(因為著實對這題材沒接觸)
亂寫了一些algorithm~~~
聽了羅倫說的又再改下~~
然後...又再是自己的亂來了~~~
寫左好耐好耐~~~但又係hea左好耐好耐~~~
勉強去到交fyp demo前的兩星期才大約被告知要點寫~要點改~~...去到demo前的最後一個星期日才完成整個algorithm~
接著就係幫手整下其它野~~~
andy大神著實厲害~~~又是自己一個完成整個project~~~
當然還有carrie姐姐的獨力完成documentation喇~~~
幫手寫~改key的function才正式接觸隻game d coding~~
用左兩三個鐘才大約了解到d coding~
接著再寫多好幾個鐘的才完成了assign key~~
然後就係幫手執interface~~
因為interface的更動~~執了好幾次~~~
去到最後一日才叫做執好~
但係...居然係最後一日都無prepare過present著實令我始料不及~~~
或者大家都已經無心戀戰喇~~~又或者可能只係得我一個啦~~~
最後就如上所說的頹廢present+demo~

說真的...
有一段時間...
我真的不想再做fyp...
不是辛苦...
而是...根本...整組都像是沒交流似的...
我不怕辛苦...只要大家一致...做得再苦又怎樣?!到最後無功而返又如何?!
只是...這樣子...我真的不喜歡...
當然...自己也要負責任...
別人不說...難道就等於自己可以逃避嗎?!
什麼也不過問...不是為別人設想...只是為自己開脫~~
總是在迴避問題~自己的不著是不可躲掉的~~
有時想到...最後...可能...什麼也交不了...這樣子...不是把carrie給拖累了嗎?

幸而
andy大神最後也在力挽狂瀾~~雖然不太肯定他用了多少時間...(什麼也沒問過...orz)
但又是託他一人把整個project的coding部份完成了...也就辛苦了...
自己...到最後...又仿如city時的fyp...自己像是什麼也沒做過...付出過...
很差勁的自己...很沒用的自己...沒存在意義的自己...
真的很對不起組員的說...

不過
一切也就是完結了
什麼也完結了
可以不再對著某人某事了
一切也復歸平常了
寧靜了
寂靜了

>>April 20, 2008 at 4:59:14 PM GMT+8

2008 年 4 月 17 日 星期四 【晴】

這個星期...是死亡的一週...現在是早上7時28分...

星期一交final report
不過都係基本上係無掂過的...
辛苦哂carrie姐姐喇...

星期一無上huma...
無上原因忘了...好似都係做得太夜...
一早...收到電話講我聽我huma分數~
有46/50~~無左劉"以"鬯的"以"字3分都仲有46分...很ok的了~~~

之後星期二晚上...
厲害了...hea?!到早上八點先訓...當然都係無上huma的了...無得對卷了...
起身時已是星期三下午四時...
一起身...就發覺唔係好妥...有d似係...再度病發...身體輕微乏力加發熱
食哂四日藥...無錢架喇!!!
好在...到晚上無乜事~~~
起身再執左一陣interface~~(不過...很可惜...因為interface的變動...大部份的執位...都係白執的...orz)
到晚上八時...就開始溫明天星期四早上九時的computer music midterm(即係final)
仲有十三小時就考先第一次睇notes~~
途中食飯~hea下~試下d button~~進度低下...(本身都係因為唔係太識)
去到凌晨一時時才加速了一點...
溫到3半左右先飛完一次notes~一次past paper~一次lab answer~~
訓覺!!!仲有差不多四個鐘我訓的!!!

星期四早上八時35分~我就返到ust!!!
有史以來最早的一日!!!
份卷...就同上年的midterm大致上差不多~~
應該都ok的~~~不過應該全世界都係咁ok的了~~~唉...
然後hea下~~~beson大大很厲害呀!!!
上下堂~~~
兩點後就去左羅倫到做~~
到達後...羅倫...原來...出左去食野...不在家的...
好在...我同andy都要食野...
食左間金稻燒味的干炒牛河...超難食...無味...食多幾淡想嘔!!!(不過可能只係我的病態)
然後就做做做...

十二點先離開~
返到一點~
沖涼整野set機後都兩時有多才再開工...
可惜...進度低下...去到現在還差少許才完成執interface...
還未做andy交帶落的game board reposition添...
不過基於十二點要返到ust見prof...所以都係止戰訓覺!!!
可惜的是...連續無上三堂huma喇!!!總共無上四堂喇!!!

唉唉唉...聽日...即係星期六就係present+demo~~~
死亡的過後...就是重生喇!!!

=================================================
有時...心裏的刺...
不是說拔就拔得出...
也許...根本就從沒想過要拔出來...
或者會一直迴避這根心刺...
寧願僅是...避開知覺上的痛
=================================================
現在o既時間係早上7時45分!!!
訓覺!!!

>>April 17, 2008 at 11:47:05 PM GMT+8

2008 年 4 月 10 日 星期四 【晴】

今日就厲害了
真係講不出聲!!!
係連嗌出來的力氣也沒...
講幾個字都可以好辛苦...
聲都變埋...
orz

晚上...
有人登門入侵...
直至去到我的房門被敲響才被告知入侵者有二...
就是孔武有力、睿智萬分的jul哥哥同勁勁龜~~~
被入侵後...當然是毫無還擊之力了...
這樣子...就...一死再死了...
====================================
登堂入室呀!!!
====================================
咦...
原本我以為自己寫左"登門入室"...
根本就唔係...係"登門入侵"...
病到連字都記(睇)錯左...唉...

順手就打埋今日的日記啦...

今日係4月13日
終於可以開返少少聲~可以講到少少野~~
今日亦係fyp final report前一日
才勉勉強強於晚上完成了那一點點的工作...唉...太差勁了...期待十九號的重生就好了...
但係...
十七號仲要考342...無上堂咁濟...d野好深...好難明...未睇(溫)過...份卷仲要講到明係好challenge...點死...你話點死!?
所以...

以上!!!

>>April 13, 2008 at 9:30:05 PM GMT+8

2008 年 4 月 9 日 星期三 【晴】

好耐無去過工人醫療所睇病
唔認得邊條樓梯先係~

個醫生好似好趕咁...
一入到去就問我有無鼻水...諸如此類~~
攪到我差d唔係好夠膽講咁多野...(本身都無力講野)

但係點知...
佢開左好多藥比我
4款每日四次每次一粒的、再加一款每次兩粒的~~
就連咳水都兩支呀!!!
咁大個仔都未見過咁誇的藥量呀!!!
仲有成四日藥添呀!!!
看來...我都係就快死的了...orz

然後去左整d 電話service野~
行到去...一如既往的...怕羞＋不想打擾別人...就拖呀拖...拖到自己都不耐煩了...
先上前問...
然後整左一陣就走得~.~
咁o既個性就真係死得喇...點解幫人做野的時候可以好大膽的做...自己的事就不敢呢!?
嗯...
這是一個謎!!!
============================================
原來無寫到病情的
今日起身...
發覺...
仲辛苦過尋日...
坐左o係到幾個字~.~
有一剎那係有一點兒乏力再加發熱的~
抖左陣無乜事就移動返學
之後返到學再發覺...又係講唔到野咁濟...好多時講野都係夾硬嗌出來~.~

本來就算這樣...都係好平常...平常來說都係拖下佢由得佢好...
不過...為免病下去...影響了fyp...
都係睇左醫生佢算...

>>April 10, 2008 at 4:06:05 PM GMT+8

2008 年 4 月 7 日 星期一 【晴】

朝早上返last2的comp342
然後去睇獸醫
落到去比左証坐低唔夠一分鐘就叫我名
入到去我講左一陣病情醫生已經好快地出conclusion...一句...都係感冒的病癥...
我入去診所講"唔該"的數目可能同佢講的句子數目差唔多咋!!!唔知有無見左3分鐘...
出到去交左藥form...
企左唔夠半分鐘...叫我名拿藥...orz
藥就...咳水、喉糖、退燒藥...三樣...齊哂!!!orz
總的時間都唔知夠唔夠五分鐘就睇完喇...
果然係比怪獸睇的獸醫!!!

晚上...本來仲係諗住早d訓...12半...聽日返9點huma的...唔想走堂...
不過...應承完成的fyp部份...拖下拖下...就做到而家先勉強有d野睇...
就快3半...訓4個鐘...
學老媽子話齋...我一定係唔想好返喇~.~
所以...聽日...應該會走堂喇!!!
唉~~~

>>April 8, 2008 at 7:22:21 PM GMT+8

2008 年 4 月 6 日 星期日 【晴】

死線前發病疾候群

4月6日
因為臨近dead line
又開始有發病的情況出現
原本係無諗過會比媽咪仔知道我發病...
因為佢已經話左我好多晚要早d訓~唔好通頂...(其實都只係做夜少少...只係家中...最近通常11點餘就會熄哂燈...)
不過越夜越病...
本來諗住訓下就無事的
但訓左兩個鐘...都係無焗到一身汗出來...(唔記得著多件衫去訓焗汗添>_<)
結果再夜d加多張被來訓~~訓到兩點餘起身~~先叫做好d~~
搵左一陣logbook就再訓過~~~

起身...
身體有一點兒乏力...有點兒燒...
經媽咪仔勤誘下...本來有諗過唔返的~~~
不過要開會...
所以都係買左口罩以免整病埋其它人就返學lu~~~
不過好在~~走的時候已大致上好得七七八八~~~

所以...病...都係應該...
去死的^^~

>>April 7, 2008 at 5:39:25 PM GMT+8