2014 年 6 月 30 日 星期一 【晴】

半年記
七一
完

後記
6半由鵝頸橋開始插隊
8半先行到遮打花園

好多團體放街站呃錢
熱血原來已經比人民力量呃到更多人幫手
民主黨畀人柴台又要小器到用咪寸返人
捐左錢畀學民，完成出外目的之一，再捐埋錢畀公民，了卻以前的想法

如無記錯好耐以前某次71(03?05?)都係由鵝頸橋出發行到軒官左右就打道回府
之後就再無行過
當71變成嘉年華般、變成再無集中目的的遊行、變成例會
71遊行仲有咩用?
我唔認為71遊行會有用
當香港還有一堆人政治冷感、一堆人無知得可怕、一堆人盲目親共信共，不論做些什麼也改變不了
我討厭去改變別人的想法，既然大多數的港人選擇無知無聲、默不作聲，香港已死也沒什麼大不了
但，一個人應該做自己認為正確而必須的事，無用或無意義根本不重要
所以行71無意義又如何?!

>>July 1, 2014 at 3:13:02 PM GMT+8

2013 年 12 月 31 日 星期二 【晴】

年記

一堆書展買的書完全無睇過!!!
因為上一本《政治》都未睇完orz

年頭2月中開始玩Puzzule and Dragon，8月尾開始玩Chain Chronicle
基本上玩game為次(雖然都花了很多時間XD)，多一個話題同人吹水對無話可說的我來說非常好
PS3好少開、3DS更少，無人同我玩就懶得玩
WiiU點解仲未出到行版!!!

6月中又係台灣之旅(稍後的一月中都係orz)
這次係花蓮，未去過的地方
不過整次行程差不多都在下毛毛雨呢
主要係睇景吧，雨中賞景

10月中S.H.E終於能夠復活開演唱會!!!
好在加場先買到尾場飛，可惜剩係買到貴飛...
雖然我唔係易於HYPER的人，不過能親歷其中非常好^__^

終於又睇返desperate housewives的last season，比想像中好睇，應該會趁得閒睇埋佢的
person of interest仍然係超好看!!!

好多人求婚結婚!!!
可喜可賀!!!
就連你都終於結婚!!!
可喜可賀!!!

一直都想打日記、月記，到最後變成年記
希望來日、來月、來年不會又是這樣吧LOL

2013年沒有做過些什麼
或者是我根本沒想過要做些什麼
2014年我不知我可以做到什麼
一如既往，希望我能更主動的約朋友出來聽佢地吹水啦

我這個小朋友也許不會怎樣成長
或者因為我不介意亦不在意，才會被說成是小朋友吧
然而赤子之心是不滅的XD

人工已加，到底是否要再加每月的卡數呢?!
都係無國界同奧比斯?!
這是一個謎

不喜歡說新年快樂(更絕不會說聖誕快樂)
因為快樂應該常在不滅，知足就可以，不用提不用祝
所以
新年快樂!!!

以上

>>January 1, 2014 at 3:43:41 AM GMT+8

2013 年 3 月 9 日 星期六 【晴】

這次是月半記!!!
新年照例回鄉
去年，阿婆間屋拆左再起過
新屋靚左好多，不過個間隔有點兒怪

睇左One Piece Film Z
同Strong World一樣，都只係一套好普通的劇場版
如果唔落尾田名做總監督，同當係外傳都可接受
但當正傳個故事就寫得好差喇
同埋港版送的野本身就廢廢的File加AR卡，仲要送晒...吼!!!

本《政治》都仲係睇得一章，基本上都唔記得晒佢講乜喇
原因係，被毒左玩Puzzle & Dragons
玩落係OK的，要技術過關，不過就真係唔明點解D人可以一個月千幾至幾千咁課金玩半單機GAME
有錢人世界係唔同D

睇返上季的日劇《不結婚》
開頭幾集單元式好好睇，解構都市人結婚與否的因由
但後半入返主線就悶左

>>March 10, 2013 at 6:34:38 AM GMT+8

2013 年 1 月 30 日 星期三 【晴】

月記!!!
本來想在blogger寫本《正義》的讀後感?!
不過因為實在因為太懶的關係...所以...
當真係要寫時，可能要重睇一次先記得有咩想寫喇sosad
本《正義》好好睇!!!
一本西方哲學的入門書，加上充份表述何謂正義吧
之後應該要睇返錄像版吧
另外本《政治》淨係睇左推薦序同緒論，短短三四十頁已經好正，不過很難消化...不敢入第一章呢...(雖然主因都係懶)

一月廿六日過大海!!!
雖然已經去過澳門十數次以上，不過從來都無乜點正式行過澳門，連大三巴都係途經一兩次
今次...都係無行大三巴的!!!(有咩好行呢?!)
先去左食碗仔翅!!!六十大元一碗...我諗應該是真翅吧!!!所以...應該有七折吧!!!吼!!!
再去買手信?!然後食蝦子麵~再搭的士去威尼斯人!!!
賭錢呀!!!雖然我話過我唔賭錢，但從來無話過絕對唔賭錢!!!罪過罪過
先在電子大細機「玩」左一陣...就輸左300大元
再過老虎機「輸入」一百港元，過左一陣...就中左小獎...有400港元呀!!!
但係輸錢由贏錢起...每按一下掣就輸六蚊...
輸幾步先贏一步，唔駛一陣就淨返295...
當然就係走佬為上
再去左電子百家樂「賭」
原來百家樂先係最公平的「賭法」，買莊或閑贏，打和退錢呢
曾經贏上700多，最後都係以405退下來
即係...我贏左五大元呀!!!(如果係贏左大元就好喇...)
之後就去左官也街食野，唔算好食又當遊客水魚咁掠

以上就係為左維持月記習慣而打的遊記
以上!!!

>>January 31, 2013 at 3:08:21 PM GMT+8

2012 年 12 月 30 日 星期日 【晴】

11月11日
第一次做兄弟
亦係第一次參加朋友的喜宴
整體係幾好玩的
不過...最後連飲兩杯紅酒...就真係訓低咁濟...

11月13日至11月19日東京之旅
一如既往，我對行程係幾近一無所知的
第一日當然係去返住宿地新大久保區對落少少的新宿區行，途經歌舞伎町的路口，食拉麵食串燒飲好難飲的啤酒買7仔飯糰
第二日就出左原宿，應該係睇衫的...不過好貴!!!
行左明治神宮，真係幾大
行左代代木公園，都真係幾大，只在門口範圍行左個圈咋，不過就係真公園囉，好綠好靚!!!
第三日應該係上野不忍池加秋葉原，秋葉原真係有好多女僕靚女企係街拉客(無...誤...)，同埋日本18禁寫真都係商場內好feel咁放出來!!機鋪可以成層都係EXVS!!
第四日係築地加台場，遲左(?!)起身7點半去到排壽司大，排左3個鐘先入到去!!
不過真係幾好食，就連海膽都好好食!!但之後隔左陣再食魚生飯就飽到食唔落喇...好在無被老闆娘打...
台場就好似係一個人工島，有一個人工沙灘係大廈旁，超有feel囉，返返下工行行下街都可以去沙灘玩下沙，係草地訓下(真係有個白領訓係度)
SEGA有個室內機動遊樂場係度，不過就無玩到喇
其間見到One piece film Z的宣傳景物，本來只係影左一兩張相就走
點知走走下千陽號係船頭炮口發射空氣炮!!!超型呀!!!剛剛轉身仲睇得切佢連發!!
台場就當然仲有部等比的高達名勝啦，高達唔係話好大部，不過夜晚望埋去都幾型
然後夜晚約左身在日本的marco同剛來旅行的一對新人食飯，剛係香港見完就約朋友係日本食飯XD
飯後去左棒球練習場打棒球，300yen~23/28球，好難打得中更難打得遠同埋對手打唔打得中都幾痛，只係70~80km/h咋，仲要係軟身球
第五日就去左淺草寺，不過落雨，想食的地方...行到去就無開...
夜晚去到tokyo skytree，本身落雨打風唔上得去，點知行行下就開返喇!!!
仲有間JUMP SHOP!!!不過一件eye shield21的精品都無呀!!!心願看來都係無法達成喇...
第六日就去東京對落的神奈川，鎌倉加江之島，鎌倉係前前日本中心，好多寺廟
抹茶好鬼死難飲!!!好似苦茶咁!!不過成個旅程的綠茶都超好飲!!
好多人，應該幾多係日本人，有兩個日本姐姐叫我地幫手影相，聽到我地答YES先呆一呆發現我地唔係本地人XD
日本人剩係玩本土旅行應該都夠玩囉~~
去到鎌倉八幡宮，剛好遇到有新人舉行古式婚禮(好似係)，最後坐人力車由車佚拉走，好型呀!!!車佚大叔XD
黃昏出發去江之島，去到就天黑喇...而且好多人搭架單軌電鐵，風景都唔係好睇到
第七日去位於...唔知咩地方的outlet...
因為係前一晚先臨時搵的(嗯...我無出力搵過咁濟)，所以都唔係好記得地名，不過就要搭成個鐘先到
地方幾大，平...就唔係話好平架喇，超貴物平左...都唔覺係平囉，對我一介平民來說
之後搭類似機場快線的NEX，而我...居然嘔呀!!!唔知點解會嘔囉...

總結?!
用左...已經唔係好記得用左幾多錢...好似總共係萬五港紙吧
日本女仔真係識著衫同化粧，本身應該唔係話好多人係靚女，但因為識前兩者，望落係多野睇XD
同埋真係有女僕裝style出街!!
仲有係日本女仔應該係唔怕凍的，當地5至15度已經凍死左我，但仲係有女仔可以著短裙露長腿，甚至學生妹露埋肉腿添，太強氣喇
日本本土綠茶真係好好飲!!!
日本人係會好守禮地企係電梯的左手邊，右手邊係一定空左成條路出來囉!!!
搭地鐵之類都係會等車上乘客落車先
以上

閒說
到而家都未睇返desperate housewives呢...
不過就開左person of interest，去到S2中段都仲係每集都好好睇!!
開左arrow，DC漫改篇，一般而已
睇左軍火女王...每集都好似只係人物介紹咁，第一季好睇D...第二季...應該會睇埋結局的
今季月九的priceless，絕對係神作!!!一開始已經超展開，成個故事都係無可能發生的，去到結尾發生埋神蹟咁濟...結局仲要超悶，ending的LIVE直情係無聊...唔係有木村...應該係超低收視

今日用左兩個鐘多D睇左本《海賊王驚點語錄：海賊王教我的50件事》
基本上只係一本普通借題發揮的人生道理書，即係一本我平常唔會想浪費時間睇的書
不過因為書名而去睇(小妹買左返來咪睇埋囉XD)，不過本書無乜點提one piece的故事，只係點到即止
好處係本書無一般道理書咁說教，無一大篇小故事去說明一條小道理
整體來說還可以的，以這類書來說應該係中上吧，可惜不是我杯茶
自己買左兩本書，誠品真係一個好地方!!!
雖然自8月開幕後去左幾次後就無乜點去，但係今個星期去，去左三次，三次都可以睇/hea足個幾兩個鐘先走!!
兩本書分別係「正義：一場思辨之旅」同「別當政治門外漢」
前者想買好耐，雖然只係羊群心理地想買，不過好似會幾好睇
後者係誠品見到書名睇左幾眼就想買，雖然都係去到第三次先下決心買XD
一個好書名真係好重要!!!雖然，真正的政治門外漢係絕對唔會對這類書有興趣的
然後就仲有本「快思慢想」的書想買，不過太厚喇，仲要另外兩本都唔知幾時睇完呢
希望lee兩本書都有我想像中咁好睇啦!!!(千奇唔好好似上次本非議歷史咁令我失望)
同埋...三本都係英文翻譯書...希望我好快有能力睇原文書吧!!!

=======================================================
末日不成，和平不能
2012就快成過去喇
所以...無所以喇XD

MSN就快成為歷史
ICQ時代因為要避一個人而always invisible，後來MSN乘時而起才告終
MSN時代因為要避一個人而offline mode，會因為MSN的死亡告一段落吧
(分別是...MSN無visible list(而家好似有)，所以我直情係對所有人offline)
我唔識得點樣去處理失落的情感吧
逃避是一種最簡單的方法
我亦知道這不會是一個解決方法
尤其傷害的會是我想逃避的人(或者吧)，明明應是好重要的人，以至更多人
而因為自己明知自己不對，更對自己的行徑不恥而自愧
因為逃避一個人而逃避了更多人更多事
也許時間真的不夠長，才總會在無意識下想起你的人、你的事，明明應該早已忘記，或者根本應該沒有深刻得我會記下來
也許你在我心中真的是一個太重要的人而我不自知吧
又或許只是我僅僅尚未對其他人動情
傾訴不是我會做的事，以前不會，現在不會，將來亦應該不會
但寫下一點點可能真的稍有幫助吧
也許潛意識中尚有遐想才會忘記不了
所以當得知Liz大姊結婚時，我真的希望你亦會
從而可以強迫自己去忘記
我真的希望你能得到真正的快樂、真正的幸福

2013要做的也許就是一直堆積下來的事吧

>>December 30, 2012 at 4:22:24 PM GMT+8

2012 年 11 月 7 日 星期三 【晴】

本來之前就想寫月記!?的了
不過因為忙於打機!!!
雖然有很多東西可以寫(或是本來就想寫)
看了黃子華、去了jason哥的天水圍家(第一次去天水圍加搭輕鐵)、看了第四套海猿電影、預訂了三隻不同款的S.H.E專輯、S.H.E成為了港台行版3DS代言人、將會做兄弟、仲有幾日就出發去東京、一些自我檢討加雜感
但以上種種都沒以下剛剛看到的更重要、更想寫

節錄自蘋果譯文及奧巴馬勝利演說
「I know that political campaigns can sometimes seem small, even silly. And that provides plenty of fodder for the cynics that tell us that politics is nothing more than a contest of egos or the domain of special interests. But if you ever get the chance to talk to folks who turned out at our rallies and crowded along a rope line in a high school gym, or saw folks working late in a campaign office in some tiny county far away from home, you'll discover something else.
That's why elections matter. It's not small, it's big. It's important. Democracy in a nation of 300 million can be noisy and messy and complicated. We have our own opinions. Each of us has deeply held beliefs. And when we go through tough times, when we make big decisions as a country, it necessarily stirs passions, stirs up controversy.
That won't change after tonight, and it shouldn't. These arguments we have are a mark of our liberty. We can never forget that as we speak people in distant nations are risking their lives right now just for a chance to argue about the issues that matter, the chance to cast their ballots like we did today.
我知道政治競選有時看來微不足道，甚至愚蠢。犬儒的人可振振有詞，說政治就是自我之爭，或者是特殊利益之戰。若你曾跟出席我們集會的人、跟高中體育館內排隊的人聊聊，或看見遠離家園在競選辦事處工作至夜深的人，你會發現一些不同。
這就是選舉為何要緊，不是小事，是大事，是要事。民主在一個三億人國家，是可以很嘈吵、混亂和複雜。我們各有意見，人人各有信念。當我們經歷困難時勢，要為國家做重要選擇，無可避免會引起激情，引起爭議。
今晚之後這不會變，也不應變。爭論是我們自由的標記，我們不能忘記，當我們發聲時，很多遠方國家的人民冒生命危險，就只為爭取機會去爭辯重要大事，去爭取像我們今日投票的機會。」

「政治就是民生」是我從《王牌至尊》學來的想法(我好似到而家都未寫過我喜愛的幾套漫畫及當中的人生觀呢)
少數服從多數也好，多數尊重少數也罷
重點不是怎樣看待政治
而是政治所重的就應是爭論，各自提出自我獨立的想法，和而不同、求同存異
可怕的是當爭論變得生人勿近，避之則吉，和諧成為絕對
可怕的是沒嘗試去理解現實的各樣，「以言舉人、以人廢言」甚至「以言廢人、以人舉言」
遠方的國家!?這麼遠而那麼近!

奈何生為雙子，從來就是討厭爭論

>>November 8, 2012 at 1:43:06 PM GMT+8

2012 年 9 月 30 日 星期日 【晴】

月記
其實沒什麼好記(或者係我已經唔記得月頭同月中做過什麼喇)
9月22日星期六去左舊同事Alex家，連同Michael的，總共有3個BB呀!!!
好耐無試過同BB玩呀!!!
不過病病地都唔太夠膽接觸佢地

9月26日
7A同學會?!
一間銅鑼灣的cafe...出奇地清靜，更是出奇地難食
d長通粉好似係落左白酒煮，但menu無寫明...orz
基本上都係吹水，不過好「正常」地，話題是工作、買樓、結婚...orz
Jul哥哥2014年、傻之2013年，還有兩人準備明年求婚
結婚不是重點...我...要同BB玩遊戲呀!!

9月29日
約左kkk返科大打波
打左半個鐘有人亂入變成雙打
但...點解唔係女仔亂入?!吼!!
離開時，才發現巴士站重新編排，往彩虹方向的車都要在一個新的南門車站上車
然後就係...諗住入返main building行過去，點知中途的樓梯維修中，變成迷路喇~.~
在保安的帶領下出返馬路行過去南門...頗遠的說...
離開後去左信和，應該有一年無來喇，旺角都可能差不多吧
信和底層原來係變晒錶行
搵schedule都無...諗住再去兆萬前先入潮特就發見喇...
另...第一次在3DS擦到上限十個人喇!!!(好似係)

呀!!!
無國界9月就過左數
奧比斯10月先會開始過數
即係夢想未真正達成?!

以上

呀!!!
因為11月中如無意外會有東京之旅
所以應該會努力地學日文的
雖然我到現在都未記熟五十音喇

真‧以上

>>September 30, 2012 at 4:31:30 PM GMT+8

2012 年 8 月 30 日 星期四 【晴】

夢想達成!!!
朝聞道夕可死矣，係時候去死喇XD

終於終於
用了不足十分鐘
就完成兒時(?!)夢想
將來長大成人，每月能賺取些微的一萬元，就捐出更些微的一千元
雖然以我現在的薪金...一千元真的更些微了...orz
不過既然我還沒死，世界亦未末日，這第一步還可以喇XD

一如一直所願
五百大元捐給無國界，五百大元捐給奧比斯
還望它們兩者不是那些行政費「鉅大」的「慈善」組織啦
不想捐給第三世界，代替那些殘民以自肥的國家去養活本是同根生的地球村村民
更不屑捐給宗教組織，讓邪教更為落地生根以至開花結果
只敢寄望當人們得到第二次生命時能活出色彩，或敢於挑戰強權改變命運

還有多少夢?
其實還自小想過要當義工
但很清楚我是一個很怕生又或怕事更兼怕羞非常的人
而且...量力而為，推已及人
當自己以至近親良友都未能做到義行
義工又從可說起?

後記
打這篇文反而用了半小時...
時間...就是這樣子浪費掉的喇!!!

>>August 31, 2012 at 2:21:12 PM GMT+8

2012 年 8 月 12 日 星期日 【晴】

誠品終於開幕喇!!!
因為誠品開幕而加速睇手頭上的書(好似是沒啥關係喇)
所以就把手上的《教你讀經典》同本火鳳外傳《敗將》睇完喇!!!

本敗將比想像中OK
二兄王寫的外傳小說終於不是垃圾喇!!!
嗯...以上...
外傳小說真的頗平淡無物，如果不是火鳳之名才不會持續買下去了

教你讀經典就真係超乎我想像的好看!!!
基本上是六本(?!)經典的入門介紹加上其獨有見解
次序為周易、中庸、孫子、老子、魏晉風度(不是書藉喇)、禪宗(都不是書藉喇)
易中天的行文仍然簡單有趣，雖然中段悶了點(或者是我對其孫、老看法不同然)
不過他寫禪宗寫得很好睇
令我對禪宗更有興趣，應該之後會再買些佛家/禪宗入門書看看吧
(遁入空門!?睇完禪宗簡介...要破我執、破法執、破空執喇，莫說空門，連真理之門都破呀)
(呀!!!我睇完鋼鍊喇，原來之前我只係睇左頭4期，真係幾好睇，不過又未到話極好睇咁啦)
(好長的離題呀!!!)
其次周易的介紹簡而精，我之前都有想過買周易的書來看，不過睇完這1/6的書，頗足已
還有中庸，雖然我一直都沒正式看過/了解過中庸為何物就自把自為地說是我最愛的道理
我以前認知的中庸其實只有兩組詞「不偏執」及「執中」，不過單是這兩組詞就足夠我對其的喜愛吧
睇完易中天的介紹，我就只有更愛以至大愛^___^
中庸簡直就是我一直追求的目標呢!!!

然後...其實開幕日我就應mr cool之邀去了行誠品喇
真係好多人又好多書喇!!!
那三條連續直上的觀光電梯...真的是巧京京呀!!!吼!!
遲D打書釘的好去處喇!!!
只怕...佢無乜折喇...

嗯...
取代xanga的blogger喇
影子地獄s.blogspot.hk
呀!!!這個喇
shadowhells.blogspot.hk
不過由去年10月到今年8月才把堆積在腦海中的其中兩篇文寫出來...(連序共三篇喇)
幾時先可以正式寫blog呢?!

>>August 13, 2012 at 2:47:04 PM GMT+8

2012 年 8 月 1 日 星期三 【晴】

七月雜記
歐國杯決賽前夜到了Teranz的家入伙加打邊邊加打機加打牌加睇波
嗯...以上
話說...
我曾說過的夢想只有一個，就係月入一萬然後就捐出一千
另一個每年都說的是平反六四和世界和平，前者有生之年都應該實現不了，後者就簡單多了，人類滅絕即可
還有一個很奢侈而實際的，就是有一間屋，可以很自由邀請別人上來遊玩
雖然自小就沒甚主動邀請過，一來我是一個很怕羞的人(羞)，二來限制太多了
但我就是頗渴望能實現這個想法
努力一點儲錢...應該可以擁有一個座廁的!!!

七月上旬
應劍仔所邀去了聽黃洋達的楝篤笑
當然，這只是一個政治show來造勢參選的
不過，以事論事，以當場的反應與號召力來說，要當選應該不難的吧
至於個show...笑位真的不多，三數個而已，大笑位更是可一可零吧
全場反應最大就係當呀皇上串政敵之時，甚至可以去到掌聲雷動的地步
果然係一個政治show

badman3
如果badman2有90分，這套只有60分
線性劇情，或者叫做TVB化
偽伙伴一出場就直覺知道將會背叛，然後中途一再俾hints，到最後背叛之時一點驚喜都沒有
呀奸角先生好似好威咁，點知到最後只係一隻兵，仲要係無大將之風的兵
唯一驚喜是中段上映了一場中國文化大革命的badman版

書展及動漫節
繼承傳統，我又係無在書展買書，只係買左少少xo仔仔的精品^___^
動漫節居然係被小妹拉去的，都好幾年沒去了吧(好似係)
超多人!!!
入到去都係要排隊同排隊
好多OP的精品!!!好多人戴住Luffy同Ace頂帽呢!!!
One Piece越來越受歡迎喇!!!
到最後...亦只係買左少少OP精品喇^____^
如果當年EyeShield21都有咁多精品到港就好喇!!!
(所以我對自己說過，有朝一日去到日本旅行...我一定要盡力搵到兼買到ES21的一件精品都好呀!!!)

書
我終於(剩係)睇左本講老任的書喇!!!
真係幾好睇
主要都係講老任的重要理念「獨創」
做娛樂業的，就是要做些與別不同的事才能成功

七月下旬
返左UST同KKK大大打羽毛球
UST的LG7同LG5都改裝了，LG1直情改裝成好似係自修室的物體
在等KKK大大時，我居然入左拉把，行到最入，居然有一個小櫃裝住流行讀物
有中文小說、英文小說(A song of Ice and Fire)、賈伯斯傳...等等
當中有幾本我都有興趣拿上手看的
但...最後...我居然拿了一本「什麼不是數學」來看...orz
不過看了幾眼...太深了...我還以為是輕輕一說而已...
咦...重點是打羽毛球?!
打左一個鐘，沒想像的累，或者是hea打了點，又或者我是真的壯了?!
KKK大大問我係唔係都係無識過女仔，嗯...我聽得出其實係較近陳述句式的~.~
而事實是當然的吧，話說...其實...我從來都沒有過女性朋友的吧...orz
另一問是我lee幾年改變左D乜，嗯...
或者真的是封閉得太久了點，把自己鎖得太深太久
一點都沒變過
還是一樣的孩子氣、沒城府、不世故、沒「上進心」、待人冷淡
連說要月捐一千的都可以拖到現在還沒實行
到底我要改變什麼?去成為什麼?去迎合什麼呢?(背景音樂藍奕邦的《Born Unhappy》或《憂鬱小生》)
或者雙子座真的很需要一個人來成為我的動力，指導我方向
或者我努力的成效實在太低
當然，我希望有朝一日，我能答KKK大大我識到女仔(笑)，又或者我到底改變了什麼(吼)

>>August 2, 2012 at 4:00:37 PM GMT+8