2005 年 9 月 10 日 星期六 【晴】

話咁快又到左暑假既最後一日lu~今日又同kit and c2 去左大浪灣滑浪~ 不過今日勁多人~有點兒逼,開學後仲可唔可以再黎玩呢? 今個暑假去beach既次數比上年更多,而家要約齊大班人去都幾難 所以...不理了,想去玩就去吧~~~反正次次去beach我都係浮台出面

>>September 12, 2005 at 2:29:52 AM GMT+8

2005 年 9 月 8 日 星期四 【晴】

朝早過左九龍塘李惠理work,幫其中一個lecture裝mic,因為我大部份工具仲係勞工子弟學校 仲未拎返,鑽野個陣都幾麻煩,用左3個鐘就裝好,咁就有$550,如果接多幾個呢d job就好lu...ahha 之後raymond打多次電話黎問我睇唔睇孫燕姿,因為佢地今次又做紅館錄音 so可以帶人入去睇,but...我不嬲都唔睇呢d 野既....hhahaha,返home整野仲好

>>September 10, 2005 at 4:01:42 PM GMT+8

2005 年 9 月 6 日 星期二 【晴】

今日係sawming 生日,happy birthday to u~~ 原本今日要去九展work, 但暑假都就黎完,so想去多d beach玩 朝早同sawming, kit, and綺文go左大浪灣玩滑浪~個度d浪有時高過度門...正 正式黎講,今日係第一次認真咁玩,不斷咁練,不斷玩,大家都玩到心口都損哂 不過最後我地都可以跟住個浪企起身咁滑,haha,成功個刻真係好開心,仲叫左出黎,ahha 之後我唸有1/3機會起到,玩到綺文吹我地都唔肯走,天都黑了/// 之後去左mk join埋jack, 耀文,c2 and his gf,go左利和園buffet celebrate with sawming~ 點解到左暑假尾先發覺滑浪係咁好玩...秋天快來了.... 大浪黎緊~我地企到起身la~~!yeah

>>September 8, 2005 at 4:44:00 AM GMT+8

2005 年 9 月 5 日 星期一 【晴】

朝早出左去報左2個course, 一個係電工技術初班,一個係基礎日語 之後就去左大浪灣join 5kit,c2 and his 3個fd~今日又同d foreigner 一齊swim 又一齊租左滑浪板玩,講真我都係第一次玩,都幾難平行,不過好好玩lo 玩到6點幾走人, 食埋dinner就返home,原來果個foreigner axel都有玩battlefield的,haha 可以一齊去打仗la~~~~

>>September 7, 2005 at 4:07:52 AM GMT+8

2005 年 9 月 3 日 星期六 【晴】

今日跟左呀paul 去觀塘一個錄音室焊線,焊左一整天 焊到條腰酸痛到死,呀paul的焊接技術真的很勁~! 而家對呢d電子野真係幾有興趣,等出左糧就那那臨去報讀!!! 其中的一個connect,要焊滿佢,都幾好玩haha

>>September 5, 2005 at 5:04:14 AM GMT+8

2005 年 8 月 30 日 星期二 【晴】

今日又去左beach,不過同平時唔同...就係今日同d foreigner去swim 有成差不多20個exchange student,真係未試過~~ 佢地有d係德國,瑞典咁,仲有來自其他唔同既地方 起初真係唔慣,不過耐左就冇咩,仲越玩越開心,因為佢地真係好nice 會主動同你傾計,可惜,自己的英文實在屎得很,要很留心才知道佢地講d咩=.=" 其間同佢地玩volleyball,very fun..又一齊游出浮台,然後一齊插水咁,估唔到d 女仔都一齊插水 因為係同d foreigner一齊玩,so今次既becah感覺同之前既好唔同,不過同樣係開心既~~ 好高興認識到chris, tom, moneka,bibi,robert,etc, 期待下次同佢地既活動~~~!!coming soon~ 一早知自己d 英文下降到低能程度,經過今日,真係極有衝動想學好d 英文 我知呢股"熱血" keep唔到幾耐, 不過我會盡量keep.....加油~~ *越黎越多野要學...later仲會報電工技術班,日文又唸緊...最怕係自己應付唔黎...*

>>August 31, 2005 at 6:02:07 PM GMT+8

2005 年 8 月 29 日 星期一 【晴】

返工返左咁耐,又落左咁耐雨,悶爆~~~ 今日天氣好好,當然要去swim la!! 於是同c2,簡,kit,傻明and高佬go左石澳swim, 不斷咁插水,累死~ 其間同傻明係浮台附近見到一個水母既物體,勁大個... 了左上岸,發現佢唔係水母,但就成身"痴立立",唔知咩鬼既生物 於是我同傻明將佢埋係沙下,整d 特別形狀引人注意,等佢地踩落去...hahahhaaha 都係去beach swim最令我開心~haahahha天氣正爆~~~

>>August 31, 2005 at 4:32:10 AM GMT+8

2005 年 8 月 26 日 星期五 【晴】

朝早起身手腳有d 軟,返工個陣都冇咩力, 應該又中招,感冒,haha~ 可能我日日都唔著衫咁做野la~ha,下午食完飯我就放工先 出左mk join呀ray佢地係cafe傾project,傾到4點幾就返home 返到大中,hin打黎問我出門未,我先記得....今日夜晚要上堂,shit~~ 係大中落車後,買左本書又搭返72x出去....waste my time 呢排返工返到唔知星期幾,haaaa

>>August 28, 2005 at 5:46:49 PM GMT+8

2005 年 8 月 25 日 星期四 【晴】

今日趕貸,所以個判頭叫多左2個人黎幫手,我就好唔like其中一個人 因為個條友成係係度認屎認屁,個個搬野個陣話親d 野重, 佢一定話:[有幾重o者?] 好啦,到佢同另外一個人一齊搬電腦燈個陣,佢仲拎唔穩, 差d 跌爛支燈 如果唔係我行過去扶一扶,佢冇撚左一個月人工la, 我同dee都唔算叫大力架la 都可以一個人搬一支la真係... .之後仲攪笑, 個hall2邊都要係上層裝大喇叭,我裝完一邊,跟住行開左 返到黎見佢裝緊另一邊,其中要係上面搬幾下, 佢搬個幾下個陣...個樣扮到好辛苦 又叫左幾聲"吔~",人地睇到以為好重,但其實唔係好重....因為我頭先先裝完... 望住佢扮辛苦個樣,又吔吔聲咁,我心唸你咁撚好演技不如去拍戲la.... 又或者咁講,唔夠力就返屋住做下gym la...唉,waste my time,開ot開到12點先放工

>>August 27, 2005 at 12:17:02 AM GMT+8

2005 年 8 月 22 日 星期一 【晴】

前日去完電腦展後,見到會埸用d勁既display卡黎玩battlefelid,再加埋plasma d畫面靚到丫....當場心都旭埋,咁樣打機先叫享受架ma...crazy 於是今日放工就同dee去左深水保買display卡la~買左張6800LE 買佢既原因係因為呢個核心原本係GT版,賣成around$2500-3000 不過因為16條流水線有8條被QC check到有問題,於是close左有問題既8條line then降到around$1400出售,但我地可以用software開返呢8條流水線 只要run 3D Mark冇花畫面,冇hang機就可以用返16條line! 我run完冇事....hehehhe,即係我而家用緊GT版la, very happy! 試試下...原來已經天光lu..

>>August 23, 2005 at 9:57:13 PM GMT+8