2005 年 7 月 15 日 星期五 【晴】

早幾日同周小姐+陳先生去0左食飯，我諗我地都好耐冇一齊坐低食飯lu......大家仍然有講有笑，真係好！

星期四即係14號去朱正賢見工，校長第一個見我，就請左我，不過我諗我真係要好俾心機做先得，因為唔想丟介紹我入去個主任0既假！出外遇貴人，真好！好到你估唔倒！要多謝ms chan chan俾機會我，如果唔係佢我就真係連乜工都搵唔倒！

而家淨係得返bb未搵倒工，點解會係咁呢？bb 0既普通話咁好，今年又請咁多普通話+中文人......希望bb快d搵倒工就好！對唔住呀bb，要你捱埋我0個份，我係指快樂王子壇演出呀！記得趨緊d個排戲schedule，記得要去開tech meet，記得同audio師傅講會自己帶咪去，記得同d小朋友講英文，記得錫住d小朋友呀！

你呀你，唔駛唔捨得喎！我1號就返香港啦！我0係英國得閒都會掛0下你0既！最緊要係我去0左英國你唔好洩洩就得囉！唔好成日整蠱lift裏面0的人呀！記得要食多0的0野，夜晚唔好冷親，仲要勤練習呀！等我返香港再檢查0下你有冇俾心機練習！錫晒你呀！記得添200蚊香油呀幫我！

我聽日就飛喇！希望一切順順利利，平平安安。今年過去所背負的比往年多，希望家人身體健康！e個係最緊要！

>>July 15, 2005 at 5:56:04 PM GMT+8

2005 年 7 月 8 日 星期五 【晴】

日記變周記，周記都差不多變月記了。

這陣子的生活過得不錯，除了HEA，還有HEA......大家不用太擔心。

昨晚想起一個問題：我對我的朋友都似乎要求太高。我所指的是我們彼此的相處。我很著重朋友之間的坦誠跟真摯，我可以跟我的朋友無所不談，甚至是很私人的事都可以說出來。分享是朋友之間很重要的元素，高興的事可以分享，不高興的事都可以分享。但那坦誠的程度似乎太多了！每個人的心裏都藏著心事......我所指的不是凡事都要攤出來說，只是當需要分享時就拿出來談一談吧！最討厭的是看見朋友黑著面，心事重重，卻甚麼也不說出來......即使要發洩，也請不要發洩在任何人的身上吧！

人跟人的相處是很複雜的，但刻意的把人與人的關係拉遠，這是很要不得的。

我似乎也出了問題吧！

>>July 9, 2005 at 9:37:35 AM GMT+8

2005 年 6 月 27 日 星期一 【晴】

哈哈哈！估唔到無上0黎幾日就有個留0左粗口0既留言！邊個同我咁大仇口呢？

0係我身邊0既人都知道近排我同邊個有最大磨擦~~

我已通知站長以後所有人留言都會記低佢個IP！我唔係要告佢，淨係俾我知係邊個都好0丫！

不過無所謂啦，反正有D人都唔怕人告0既！俾人告0既機會比食餐好0既機會仲要低。

-----------------------------------------------------------------------------------------------------------------------
好耐無去做GYM.......洩0左添！！

-----------------------------------------------------------------------------------------------------------------------
星期日同IED同學仔食飯，食得好開心喎！去0左又一城食AMERICAN JUNK FOOD~~~

-----------------------------------------------------------------------------------------------------------------------
近硃者赤，我乜都唔怕！人0地點對我我就點樣對返人！最後通諜某人唔好再咁野蠻同無禮貌，你唔識尊重人我都唔會尊重你！

-----------------------------------------------------------------------------------------------------------------------
夠了，受夠了嗎？

>>June 28, 2005 at 11:07:51 AM GMT+8

2005 年 6 月 21 日 星期二 【晴】

拍拖是甚麼？拍拖根本就是一件很困身的事。

有時候，有人去好好管理自己，緊張自己，其實也不是一件壞事。試想想，別人為何要徙時間費心神去替另一個人著想？

困身？其實也不能盡說是困身。

雖然如此，但，至少讓我知道有人著緊我，那就很好了。

想多了，我想你一定是想多了很多。

其實我也一樣著緊你……翻風落雨的日子你一定是不好過了！

----------------------------------------------------------------------------------------------------------------------
有時候，我跟你也不能好好的表達自己，就只有從著緊變焦急，從擔心到憂慮。事後才發現只是虛驚一場。你能憑著靜靜的性格來告訴我你的想法，那是很好很好的。

你有時也很小朋友，有時又扮小朋友……小心讓人發現喔～～

-----------------------------------------------------------------------------------------------------------------------
我相信庾BB是會指著小朋友來笑的。

FANNY，我們還有不足一個月就要私奔了～～

-----------------------------------------------------------------------------------------------------------------------
我想我也是想多了，現在是早上八時快半了，我應該是一隻豬，而不是那麼精神的。

>>June 22, 2005 at 12:25:55 AM GMT+8

2005 年 6 月 19 日 星期日 【晴】

小白兔是甚麼顏色的呢？白色。

有人卻說小白兔是黑色的。不可能吧！

說一次，你當然不相信；
說十次，你開始懷疑；
說一百次，你可能會質疑；
說一千次，你可能已經相信了。

可恥的是那位指鹿為馬的人，
然而，可笑和可憐的是那位竟然因此而相信鹿是馬的人。

------------------------------------------------------------------------------------------------------------------------
人與人的相處和信任不應該是道聽途說的一面倒，更要小心甚麼人在指鹿為馬！

------------------------------------------------------------------------------------------------------------------------
只為信守承諾，還是甘心地信守承諾？

真教人煩惱！

>>June 20, 2005 at 12:38:22 PM GMT+8

2005 年 6 月 14 日 星期二 【晴】

你可以說我對了，也可以說我錯了。

最錯的也是把我的好朋友親手送給那立體的人，我明白感情是麻木的，因此他說了多大的大話也能把她逗得興高采烈，而我們呢？......坦白說，說甚麼富邏輯的也都只是徒然，徙氣！

誰說過不把公司的事帶回家？把他帶回家的人想必是：
1想呃取某人的信任，藉口分享；
2始終得不到認同和支持，只好講多些和深入些，但有用嗎？
3想抹黑別人。

對！我錯了！

道理不足時就抹黑人，要洩忿時就改花名！

對！我對了！

我學會了立體人的一些些手段，一些些發洩方法！


謊言一個接一個，承諾亦一一不兌現，豈敢說人說謊？

違法行為一個接一個，刑事民事案件一單接一單，豈敢說人違法？

令人無光一次又一次，借錢不還時的藉口一個緊接一個，對不起她的是誰？

法庭逃了一次又一次，公司清盤一間又一間，苦的日子不是永恆麼？

苦了一天又一天，沒飽飯吃了一餐又一餐，一輩子就這樣子過了！

天天苦的日子，難為了誰？

口說過得開心，心想食埋隔離床0個份！真冇陰公。

說是港大學生，說曾從事甚麼甚麼行業，經驗豐富.......原來是港大space學生，還畢不了業……從事銀行業？visa card promoter也算吧！

大話精！

-----------------------------------------------------------------------------------------------------------------------
究竟是否誰也能做生意呢？做生意是為了甚麼？名利？金錢？

泰國之旅有感：

想要錢，就要賺錢；要賺錢，亦要學識製造財富。但是要那麼多錢來幹什麼？人只向錢看，而忽略了生活，忽略了自己是人的本質，那就變成金錢的奴隸。有些人更以賺錢來賺取虛榮感，天天只想要幹一番大事，但始終距離「大事」甚遠。凡事更要量力而為，不能勉強自己做自知「不能」的事。要挑戰自己也不能挑戰得太徹底。
其實應該在賺錢前想想要怎樣「洗錢」。賺錢和洗錢是相對的，賺了錢才洗錢，洗了錢才要再賺錢。

你想自己的生活過得好一些嗎？當然想。但，怎樣才算好呢？目標是甚麼？目的是甚麼？如何達成？甚麼時候達成？有否後備計劃？如何應變？

有人喜歡儲錢，有人喜歡不斷投資。記著，投資是有風險的，不能訓身下去。就像賭博一樣，風險高和起跌大，但嘗試過賭博的人也知道，賭博是沒有收手的一天，你贏了，就想贏更多；輸了，也不會「氣餒」，再接再勵。結果是：不是輸了，就不是贏得最多。輸了就不用說。贏了真的會收手嗎？贏得最多的一刻你怎也不認為是最多的，你會繼續賭下去，結果，終有一次輸了才會收手，結果也不是贏得最多。

爸爸教我賭，他說過我要賭多少也可以，但要留意賭的錢要是自己擁有的錢，假設身上只有500元，贏了可以隨時走，輸了也最多只能輸掉身上的錢，不要「輸突」。

我想，做生意也許如此吧。輸光手上的東西，可以選擇再儲過經驗和賭本，那怕東山再來！但決不要「輸突」，憑已有不足的知識繼續賭下去。對，可能有一天真的能讓的翻身，但至少在過程中也傷害了人。

真的能翻身嗎？你夠本事了嗎？

-----------------------------------------------------------------------------------------------------------------------
庾BB：「金錢是用來燃燒的！」
何BB：「不如我0地燒D俾佢啦！等佢唔駛洩人0地D錢咁多！」
庾BB：「我可以啤一百聲俾你聽囉~~~~~~」
何BB：「SORRY，我諗多0左！」

>>June 14, 2005 at 8:48:40 PM GMT+8

2005 年 6 月 11 日 星期六 【晴】

泰國之旅~~

今次去泰國，絕對唔係0個d「腳毛觀光團」，即係唔係不停周圍去留低d腳毛，而係去渡假，有時寧願訓耐d都唔肯出去......係咪有d徙錢呢？

最難忘就係去0左全曼谷最高0既地方食晚飯。0係64樓0既露天餐廳食飯，真係好浪漫。你可以睇晒全個曼谷0既夜景，真係好靚！開返枝紅酒，點埋d燈，加埋個夜景.....食完飯你想做乜都得呀~~一定得呀~~

不過，事實係...係有好多搞笑0野：
1先係坐低發現枝檯燈居然唔係蠟燭，而係去露營0個d gas點著0既燈，又大火又光猛。
2食食0下落細雨....跟住落大雨。
3大風又大雨，吹0左隻紅酒杯落地...爛0左。

最搞笑0既係：
1終於明白點解要用gas燈，因為大風到我0地枝燈都吹熄0左兩次。
2落大雨會點？之唔係就係俾把黑色大遮你擔住，將把遮腳棟0係張檯度，自己擔住遮自己食飯……浪漫到呢~~有手擔遮就冇手食飯。
3坐0係64樓露天，擔遮食d千幾蚊0既飯，真係浪漫到要影張相做紀念。話說叫0左個waiter幫我地影相，但係影影0下相，我0地聽到好清翠0既玻璃聲……原來我0地隔離檯有隻高身酒杯跌0左落地。個waiter居然話繼續幫我0地影相，唔理d玻璃。我想講其實張檯d人已經走0左，但係爛0左一隻杯，檯面仲有一隻，個waiter幫我地影完相就走0左去，真係唔明點解佢唔執埋另一隻杯......可能習慣0左吹爛晒d杯掛~~

0個個地方真係好正，去曼谷冇去過0個度食飯就真係好似冇去過曼谷咁～～正呀！

另外，我0地又去過食咖哩蟹飲冬陰公，好好好好味呀~~不過原來泰式蝦同河蝦同鹽焗蝦係同一樣0野，犀利呀！

去完泰國，都真係冇黑過，都唔明點解要去泰國！

多謝明星同我去玩！最開心係可以晚晚攬住訓，好浪漫喔~~

-------------------------------------------------------------------------------------------------------------------------
bb真係慘，淨係可以日日喪send sms俾我，去唔倒泰國，去南y島仲要冇太陽.......「兩位食飯未呀？」

尚宮真係折墮，繼續累人累物。

ada唔好唔開心啦！俾心機，乜都撐得過！

kenny唔好諗多0左，開心又係一日，煩又係一日。

nuts，多謝你喔~~我玩得好開心喔~~

小慧，嘉恩，家雯，敏姿，詠琪............五年讀完喇，祝大家都有好發展。

-------------------------------------------------------------------------------------------------------------------------
今年可以同fanny加埋呀權私奔！7月16號走喇~~

>>June 12, 2005 at 10:25:35 AM GMT+8

2005 年 6 月 2 日 星期四 【晴】

I'm leaving Hong Kong tomorrow morning......And I'll go to Thailand with Ming Sing.................
See all you guys on 7th June,2005

hahahahahaha.........................

>>June 3, 2005 at 11:54:46 AM GMT+8

2005 年 6 月 1 日 星期三 【晴】

我的生活裏可否只有我喜歡的人存在？我想是可以的，是一定可以的。誰也不是在爭取誰的信任！要信：一早就相信了；不相信，說多少也是徒然。

在雞蛋裏挑骨頭......其實是很難的。
當你真的挑到一條小小的骨頭，就不要到處張揚雞蛋裏全是骨頭。
遲早，所以人都能看見蛋的真面目，到了那個時候，........
一切也就只會不攻自破，
大家也會知道誰是「壞蛋」。

>>June 1, 2005 at 6:55:55 PM GMT+8

2005 年 6 月 1 日 星期三 【晴】

個世界係咪應該少一0的怨氣呢？我諗應該係。當有一刻你可以笑住去同你0既敵人打個招呼，我諗，e個世界會美好一0的。

我但願如此。

事實真的能做到嗎？我諗......唔可以！至少我體驗過。

要減少怨氣，我想，當事情完結，我就把他送走，把他的一切一切沖落廁所，絲毫都不留低！

當然，我都唔會再見倒佢啦~~

邊個破壞承諾，我就連佢都唔睬！

講得出，做得到！

>>June 1, 2005 at 5:38:34 PM GMT+8