2003 年 11 月 10 日 星期一 【晴】

尋晚開會去到9:30先走得，不過都算早啦。因為尋晚同國內人士食飯，佢地[慣左早食早訓呀嘛，不知我幾感恩呀，因為唔洗咁遲走呀嘛......

尋日其實都開始忙啦，因為下星期d野都冇未攪好，又要up-date又要幫亞姐打字喎，尋日都未打過，我估計今晚都要開ot架啦..因為要打電話呀嘛...............又要變hotline啦...............



>>November 11, 2003 at 3:47:38 AM GMT+8

2003 年 11 月 8 日 星期六 【晴】

尋日亞姐比左個實在太(好)的消息我啦，就係星期一要去開會囉............原本我冇想我要去的，因為會長叫左佢請的女仔去，咁我想冇理由3個人一齊去咁誇架，所以一路都冇想過我需要去。但當亞姐同會長講完電話後就同我講我都要去喎，oh.........直頭取我命啦....又要去開會，6:30呀....又一晚開ot啦..又一晚好似去飲咁...食好野啦...但係每星期一次都幾辛苦架，又係食一圍圍果d囉...由美鳳果晚開始...我已經第3晚啦...食肥我呀....我想11-12月仲有排食呀....起碼有6-7餐...餐餐都係翅、大魚大肉....救命呀.....

尋日聚會的時候好眼訓呀，好想訓覺，不過係聚會度心都有感動，國柱講我地要求更新，如果自己唔求更新，就等於自己不想進步，當要更新後就係要向主求，求等於人的行動及表達。另外，國柱有一句話好放在我心裡，主唔會將過於我難處比過我，縱然我不是面對太大的難處或關口，但我深信神必使我能經過。

今日同班同工祈禱的時候，想到聖經有一句，縱然四面受敵，心都不被困住。想到神家確充滿溫情，有時自己都會有d唔知點樣幫好班姊妹喎，但好寶貴我地能一齊面對，一同堅付。

今晚同左大妹姐、碧茹一齊去行九龍灣，買左d野(大妹姐好介紹)。跟住去左食拉麵呀，但可能太遲食野啦..因為冇食午餐呀..又食得太快喎，所以又胃痛啦....回到家之後嘔返晒d野出黎....舒服晒.........跟住就冇事lu.........

>>November 9, 2003 at 2:32:09 PM GMT+8

2003 年 11 月 6 日 星期四 【晴】

尋日開始，會長果邊派左個女仔過黎幫我地手，但係我地發現原來佢係會長d親戚黎架，姐係又多個麻煩囉，平時我同亞姐都好鍾意講返會長D攪笑野架嘛(唔係篤佢)，但佢係度就乜都唔可以講啦，真係麻煩呀。點解佢會過黎呢，因為會長話我地開始忙啦，找個人黎幫下我地喎，早唔幫遲唔忙，9月份忙到嘔果時又唔見佢講派個人比我地喎，而家冇那那又整個人黎..............仲要係激死人果隻tim........................

果女仔係剛剛畢業果隻，又冇做過野，一黎度就問我"點呀，而家做成點呀"，嘩.........亞姐都冇咁問過我喎，又話部電腦慢，要同我交換喎..............下............咁我點算呀.........真係呀.............

不過佢黎左都好過冇啦，因為下2星期就AGM啦，好似乜都未做呀............佢可以幫下我地打下D電話囉，不過佢同人對答好似命令人咁架...........真攪笑呀...............

今日都好忙呀..........LEE排每日訓醒都已經8:00啦...........嘩.............都唔知攪乜咁遲..............所以每日返到公司都過左9:00啦.........哈哈.........無所謂啦...............

今日搭地鐵的時候，主好特別呀，原本我趕得上的那架地鐵是沒有座位的，我想趕但又趕唔到喎，因為又遲到呀嘛，但係原本主為我預備的下一班地鐵是有坐位的呀............在我想不到的時候主已預備，主的道路又再一次証明是高過人的道路...........主為我預備的確是最好......


>>November 7, 2003 at 12:10:35 PM GMT+8

2003 年 11 月 5 日 星期三 【晴】

嘩.........今朝早check e-mail 的時候，有一個大大大好消息呀...就係亞爸亞媽有左BB呀，好開心呀，唔係我亞爸亞媽，係馬來西亞的一對夫婦，我地出外時認識的虎山同美芳呀，實在太開心啦，因為尋日有個姊妹話我知好似係，但未得到証實，所以我尋日SEND左個E-MAIL問當地姊妹，今朝就收到亞爸的E-MAIL啦.............亞媽的BB已經有8個星期大啦，唔知佢地會唔會返香港呢?返就好啦...上次見亞媽的時候，佢己經好瘦啦.....唔好再瘦啦.....



>>November 11, 2003 at 3:48:09 AM GMT+8

2003 年 11 月 2 日 星期日 【晴】

我確實冇估錯，我今日返工就係遲到，成9:30先返到公司喎.................但都係好眼訓呀.........

今日因為要開每月例會，所以亞姐話3:30要走啦，嘩.....不過我有一埋都未做好，死火啦。又要預備文件開會用，又要做番亞姐比我的文件、又要up-date資料，唉..........算數..................都係慢慢做。

今次開會都好漫長呀，由4:00開到7:00，直頭攞我命呀，跟住仲要食飯直落，我已經好眼訓架啦，連續2日都係冇得訓、連續2日都係咁食，真係唔肥都幾難呀。

可以離開酒店的時間已經係10:45啦....之後緊係搭的士啦，可以訓的時候又已經係12:00啦.....又係叫做眼訓的一天。明天回到公司仲有一埋未做的文件等緊我呀................................

>>November 4, 2003 at 3:52:56 AM GMT+8

2003 年 11 月 1 日 星期六 【晴】

今日一早就起左身啦，因為今日美鳳同义弟兄結婚呀嘛，要找衫著，原本尋晚返到屋企諗下囉，但因為同了妍妍、燕榆、慧英、碧茹、碧凝去行街買衫，所以攪到成9:30先回到家，跟住就時間諗lu，因為要預備親近主又要做mask喎，好忙呀，冇時間諗呀，最後攪到要今朝先諗，最後都係唔好煩啦，是但一套啦，因為約左倩惠去食早餐呀，雖然我地約10:30，但係佢通常10:00就到大牛架啦，所以約佢一齊食早餐就最好啦。

但係當我出門口行到落商場時先發現冇帶銀包呀，心想返唔返屋企取好呢，因為要行一段路架，最後緊係要啦，因為冇錢同冇八達通。所以去到大牛已經成10:15啦，跟住去食早餐囉，但太趕啦，冇乜胃口食tim呀，又要趕返大牛開始聚會啦。

返到大牛見到個個都扮得好靚呀，妍妍啦，不枉我地尋日幫佢design，又比意見，好好睇架，個look又特別，著裙呀......碧茹又係著裙啦，家姐又係、慧英同燕榆就係斯文look啦、晶晶就係跑馬look...............

親近主都好好呀，其實近期自己心裡好感動一樣野，就係主為我所釘的十字架，唔係話以前唔感動，係近期再被十架所感動，因為主在十架上所講的說話，主在十架上所忍受、主在十架上對人的接納，實在一次又一次被感動。我都有同雅婷、倩惠講，其實我好想在擘餅聚會中開聲，但係欠缺勇敢，我地一齊講好下星期擘餅一齊回應主，願主加我力量啦!!!

跟住我地一齊係大牛食飯啦，然後一齊去文化中心，入到去呀，people mountain people sea呀，氣到抖唔到咁濟呀....美鳳好靚女呀，义弟兄都....(好)靚仔啦......由於我地成6:00先去酒樓，所以映完相之後再去M記坐囉，由4:30坐到6:00都幾辛苦架，因為係等D時間過呀，又冇其他地方去喎，因為天氣實在好熱啦.......

去到酒樓之後又係坐囉，不過佢地都好快開始呀，8:30就開始啦，最後食到10:30就可以走LU...........回到家已經係11:45啦......

我估計我天日返工會遲到囉..........因為太遲訓覺啦.....................



>>November 5, 2003 at 2:14:26 AM GMT+8

2003 年 10 月 31 日 星期五 【晴】

今日已經係11月1日啦.....轉眼間我寫日記已經一個月lu......心裡好開心呀....因為我能堅持落去寫下同主共渡的每一天。當然是我早上有大把時間啦.....

尋晚去左尖沙咀果書展呀，咁橋又撞到翠萍喎，真係世界真細小小小.......係書展度有好多書呀，不過本本都好貴呀，最後我只買左一本，講十架七言，原本每句都有特別意思及背後含意。

今日又到了星期六lu，話咁快又一星期，希望今天能早d走啦(準時)。

>>November 1, 2003 at 1:23:05 AM GMT+8

2003 年 10 月 30 日 星期四 【晴】

生命中的感恩，需要我們刻意去記憶、細數。
太多人伸出手給過我們這裡一點、那裡一點希望的人，都像海邊的沙，曾經出現，又消失無蹤。

當我們細數上天賜給我們的恩典時，才會發現我們靠著眾人的支持，才有力量不斷力爭上游。

感恩的心情，撫慰所有的孤獨，也穿透所有看似牢不可破生命悲苦，拉著我們突破困境，不斷超越。

有時候回想陪伴自己走天路的，不單有主還有身邊一群好寶貴的b/s，雖說每個原本是不相識，每個都有自己不同的背景、性情，但好寶貴同有屬靈的關係，大家都彼此支持及連在一起。有時自己都會懷疑究竟她們有幾愛我、有幾支持我。但每當自己失意時、自己疲倦時、自己忙碌時，總有人在你身旁鼓勵你、問候你、關心你及安慰你。心裡盼能得著你們每一個，成為你們的支持及激勵。

願主使大家彼此互為肢體，各按各職，使家大得興旺...阿們.....

>>October 31, 2003 at 9:58:14 AM GMT+8

2003 年 10 月 30 日 星期四 【晴】

尋日真係好眼訓呀，由朝到晚都係咁，唔知點解呢????

尋晚原本是有小組架，但係尋晚放工6:00亞姐叫我入信封寄野喎，百幾封喎，手都軟呀，早唔比遲唔比，剛剛6:00先比我喎，玩我咩......攪到成7:00幾先ok，跟住又好眼訓喎，所以決定回家lu，回家食完飯後即沖涼後就訓lu，幾眼訓呀...,..最厲害係今朝訓到8:00先醒喎，好似唔洗返工咁呀，不過真係有d唔想返架，因為頭有d暈，又有d頭痛(當係理由啦)...

lee幾日親近主都好眼訓呀，真係有d似碧凝咁講(濃情化不開)，d字都懵懵地咁呀....又好感動喎(眼有淚光tim)......不過近期比較多唱詩歌回應主，因為詩歌都可以令我想回主那份大愛及恩情。



>>October 31, 2003 at 3:57:27 AM GMT+8

2003 年 10 月 29 日 星期三 【晴】

尋日又可以早d走啦....雖然有好野未做好，但係唔理佢lu，話走就走囉，亞姐緊係唔會咁走啦，因為佢天日要開會呀嘛，真係辛苦佢啦。

總括嚟講lee幾日都唔係好忙，我都好感謝主啦，因為11月中有周年大會，12月有就職典禮，應該會好忙架，但係而家都算ok啦，又可能唔係忙所以特別容易眼訓咁，返到屋企飯都唔想食就想訓啦，不過都好掛，可能lee段時間比我訓多d之後有精神開ot啦，不過lee段時自己多左睇一d關於舊約的書本，心裡真覺得自己能活在恩典時代好寶貴，並且能按著本相返到神面前，主的救恩確使我希期我原本是罪魁，但卻因著神使我成為神的兒女，成為神家裡的人.........

其實上個星期擘餅聚會，好想開聲去讚美主，因想到主在我身上的恩情時心好感動又聽到曉琳的分享時，我好寶貴在主內永遠能找到出路及盼望。但我少了d膽量，可能真有段時間冇開聲啦，希望下次啦...願主加我力量。

今朝因為有靈修team，所以要早d起身，但當鬧鐘響的時候，我真係覺得地心吸力特別強，吸住我係張床度一樣呀，好艱難先致起到身，起身後d動作又特別慢喎，去到小巴站已經係7:25lu，攪到我都唔知去唔去好。最後我打左比慧英，問佢點喎，佢都好似未訓醒咁答我問題，最後我都係決定唔去lu，因為自己搭的士好貴架啦，如果去到又冇人咁就浪費啦，又有慧英係度喎，交被佢啦.......

我搭地鐵的時候又咁q撞到亞倫喎，真係攪笑呀，世界真細小啦......

天晚約咗舊同事去食飯呀...不過自已唔知去唔去呢，因為佢地左7:00呀...實在對於我來說太早了，仲要約係灣仔等喎，真過份呀.....


>>October 31, 2003 at 3:56:33 AM GMT+8