2003 年 11 月 24 日 星期一 【晴】

尋日終於可以早d走啦，大約7:00就可以走啦，終於可以過返d正常生活lu，好野。

我果2粒飛滋都算叫做好返d啦，可以食到米粉囉，不過日日都係食粥呀，食麥皮呀，真要命呀。

在此多謝各位姊妹為我的禱告，我深信唔多唔少都會有d掛。多謝你們明裡的看顧，暗裡的保守。

>>November 25, 2003 at 4:40:25 AM GMT+8

2003 年 11 月 23 日 星期日 【晴】

近期唔知點解，我好似好黑仔咁呀，手提電話壞左，屋企吹吹下個風筒都壞埋，真係激死人啦。

尋日要返工呀，因為要接待中華海外聯誼會d人，仲要遊船河tim，真係叫救命呀，唔係我喎，係d國內人士，佢地一上到船就話暈啦，因為確實幾大風大浪，攪到d人死死下咁，跟住去到食海鮮，d人都唔係食，一味係度飲酒，60人飲左36支紅酒，d人真係勁呀，最後都係車，車返佢地返酒店囉，因為佢地驚嘔喎。

尋日朝同佢地去親近主，因為我太攰啦，實在有點兒覺得有d冇心冇力，又太眼訓，我真係好想訓多一陣。但望見天空的陽光及呼吸的空氣時，我再一次讚嘆神的創造與奇妙。

>>November 24, 2003 at 1:59:56 AM GMT+8

2003 年 11 月 20 日 星期四 【晴】

今日又轉左個地方寫日記啦，因為舊果個有d問題喎，都唔知點攪ge，尋日去左同耀民慶祝生日，地點係金加利，但因為我粒飛滋太痛啦，我去左買粥食，阿sir原本話唔到，最後佢都有到，好彩佢冇請姐，如果唔係我就蝕本啦，因為我冇得食。

不過我尋日真係好痛架，因為左右2大粒喎，一味只可以飲水同粥囉，所以好似冇食過野咁呀。真係辛苦呀，個肚又餓.............

今日係地鐵度好精神喎，唔知點解啦，所以睇聖經的時候冇想訓呀，仲比我睇反我自己一段好享受的聖經tim﹕

四面受敵，心都可以不被困住.........
內心可以一天新似一天......

雖然環境看似一樣，但我今日可以過得好榮耀同享受。因為有主囉....

>>November 24, 2003 at 1:53:55 AM GMT+8

2003 年 11 月 18 日 星期二 【晴】

終於都到周年大會的日子，而家我襯貨車司機未到的時候，簡單地寫下日記啦。

尋日過著真係非人生活呀，成12:15先走呀，即係今日凌晨時分先離開公司，今朝就一早起身啦，不過好感恩喎，我尋晚返到去的時候，我細佬仲未訓喎，咁我就問佢有冇電話多啦，咁啱佢又買左部新電話喎，佢又好順攤咁借比我喎，真係再一次可以証明有神呀，我未到絶路，在主內永遠都有出路。如果我沒有電話咁就麻煩啦，因為今日要飛線架嘛，咁即係唔洗聽人講野啦。

今朝我睇聖經，詩篇有一句話﹕神說﹕我必能脫下我肩上的重擔。嘩.........勁呀.............

希望今日一切順利啦，因為亞姐冇時間幫我睇我d稿呀，講錯就死啦。




>>November 19, 2003 at 6:10:05 AM GMT+8

2003 年 11 月 17 日 星期一 【晴】

今日又係摶殺的日子啦，明天就係周年大會啦，成100人參加，原本都冇咁多，攪攪下d人都唔知係邊度出黎架，真辛苦呀。

過埋天日我就有好日子過啦，不過唔知呢，星期日有個遊船河，下午4:00至夜晚架，亞姐未通知我要唔要去喎，今個星期真係忙到爆燈呀，行程緊密呀。

今朝比我又撞到慧英喎，佢實遲到啦，因為我見到佢的時候已經係8:55啦。仲話自己唔會遲到喎................

今朝睇聖經前我唱左首歌比主耶穌聽，雖然真係好眼訓，又唔係好想睇聖經，因為太攰啦，但係我唱左首歌，歌名就係天父的心曲，主雙手永遠都係張開，擁抱我入懷，雖然隻眼都好似未訓醒，眼水不停流，但係我知亞爸都係歡喜我咁樣返到祂面前，去享受，去重新得力。

今日找人幫我睇下d電話有冇得平，唉.......................係冇的，天日要去開會都唔知點算，成日同人喂喂喂.........我實係摶炒呀..............救命呀主耶穌呀...................

>>November 18, 2003 at 9:39:33 AM GMT+8

2003 年 11 月 16 日 星期日 【晴】

今朝一早又要開會啦，真係未曾訓醒覺。7:30要起身喎，仲要買早餐比d秘書食喎，真係叫救命呀。

我個電話同秀芳一樣呀.......................佢而家吊住條命咋，一時聽到一時聽唔到，一係就等10秒先聽到，一係就對方聽到我聽唔到，估唔到西門子的電話咁快壞架，一年咋，唉..........攪到我而家要去做格價專家去格價，話時話呀d電話都幾貴架，成千幾蚊一部喎，唉.........又要破財啦，所以唔好叫我請你地食飯啦，知唔知呀........哈哈.....好方法........



>>November 18, 2003 at 1:32:07 AM GMT+8

2003 年 11 月 14 日 星期五 【晴】

嘩嘩嘩....我的日記觀看人數過了400啦，話時話，我都唔知有咩人會去睇我的日記呢，觀眾們不如你地留下你的大名比下我好喎，費時要我估啦。

尋日真係辛苦的一日呀，一早亞姐去左開會，得我一個，下午又要開多一個會，5:00先開喎，我都知道唔知早走得架啦，因為開完都已經係6:30啦，又要做好多野喎，最後都要成11:00先走得呀。不過都係未做得晒d野，實死硬呀。


今朝又要拖著疲乏的身體上路，仲然係咁，但好寶貴今日又係一個新開始。


>>November 15, 2003 at 1:23:11 AM GMT+8

2003 年 11 月 13 日 星期四 【晴】

今日好開心呀，因為大妹姐同敏萍姐過來探我食飯呀，仲有慧英呀，我地今次好威呀去左飲茶，原本諗住去食其他野，但係太短時間lu，又冇地方，所以找左果好地方食飯，食好d，不過去到我都好威架啦，因為我用左會長果名，可以直入酒樓，雖然都要等但係唔係等好耐，即刻叫野食，好彩慧英都唔洗返去食佢自己個飯盒。

不過最攪笑係大妹姐落錯車，佢好似亞倫咁囉，去左長沙灣地鐵站落，跟住問點解唔見左長沙灣廣場ge，所以我就知佢去錯左地鐵站囉。然後佢話敏萍姐講錯地址佢聽喎，幾攪笑呀，最後敏萍姐為左贖罪，佢要成個下午陪住大妹姐左右lu。

>>November 14, 2003 at 10:31:33 AM GMT+8

2003 年 11 月 13 日 星期四 【晴】

今日又係一個新開始啦!!!!今日好開心呀，係地鐵度竟然比我撞到大妹姐喎(不過人太多，佢見我唔到)...真攪笑呀，令我想到尋日係地鐵我撞到一個弟兄喎，佢話真係q呀，佢前日撞到大妹姐，尋日就撞到我喎，跟住佢話唔知會唔會天日(即係今日)撞到我地2個喎，跟住我話我從來都冇撞過大妹姐喎係地鐵度，時間都唔同呀嘛，跟住今日就比我撞到大妹姐啦，最奇妙就係我回頭一看又見到果個弟兄喎，真係世界就係小小小..................我同佢講我撞到大妹姐呀，佢話嘩....乜咁"中"，佢講d野。............哈哈...............主真好啦，雖然好忙冇機會見到b/s，但又可以碰到面喎，真開心呀。

睇完慧英的日記後，我就有一結論，就慧英忙的時候，我就得閒，當慧英可以放早的時候，我就要開ot啦...............真係慘呀......尋日雅婷打比我呀，佢係我係今個星期內接到的第3個姊妹的電話，雖然佢只不過係問野，但係都係好開心呀.............因為我又與世隔絕左咁............由朝到晚都係係公司囉.....................唉..........................又要開ot..............

不過lee d只不過係一時的灰心意念，我又要同大家﹕主與我同在直到世界的未了。哈利路亞。我好寶貴有主與我同活，令我想到亞爸有首歌﹕人會變、心亦會倦，但主的鍾愛永不變。

>>November 14, 2003 at 1:32:25 AM GMT+8

2003 年 11 月 11 日 星期二 【晴】

尋日真係好忙呀，攪我早上的時候原本諗住舒服下，都冇lu.,.................一返到去就要check fax又要up-date資料，跟住就係打電話的工作，係100幾個會員逐一打喎，講都口水乾呀，飲左5杯水落肚先點呀..............

下午開始又得番我同亞姐2丁人係度，因為會長叫返果女仔返佢公司做d野喎，攪到我地仲辛苦，最後連亞姐都唔做手頭上的工作，幫我一齊打電話呀，所以全日我都係度打電話，冇做過其他野，所以6:00後我就估到我要留係度做番我未做完的工作囉，首先入信封，入成100幾封手都抽筋呀，然後就開始打我未打的report啦.....5個呀.....救命都似....好彩都算打得快啦架.......最後我9:00就走lu..........當然我走的時候，亞姐係未走的，但係我仲有份司儀稿係未做過呀....成日問我都係話開始架啦、開始架啦.....真係要開始下先得lu........

近期自己好深感受一樣野﹕我係神的真仔，冇任何事與物使我神的愛隔離，我真的可以有冇頼的心。就算我有幾疲倦，有幾忙，lee位神都默默等候我，永遠都係用微笑的笑臉迎向我，寶貴主24小時也代我值夜班。我開ot的時候、當夜闌人靜的時候、當徹夜難眠的時候，寶貴有主在我身邊，我可以安息在主懷..................................zzzzzzzzzz

>>November 12, 2003 at 5:37:10 AM GMT+8