2003 年 12 月 8 日 星期一 【晴】

今日要一早開會呀，所以7:00就起身啦，因為我又要負責買早餐呀，仲要係去茶樓買點心跟住又要去茶餐廳買野飲tim呀，真係好似送外賣咁呀。

我只記得買老闆的早餐，唔記得買我自己個份喎，攪到我一個早上都冇野食，不過因為時間剛剛到1:00，佢地又剛剛開完會，所以會長話不如一齊去飲茶囉，嘩............叫到全枱都係野食呀，17個人，4個男人，其餘都係秘書小姐們，但係我地都不停叫野呀，20籠點心，5碟炒粉麵，2碟菜，2碟鹵水 ，我開頭以為食唔晒，點知最後連糖水都叫埋，勁呀。

回到公司後，因為太飽啦，好眼訓呀。不過可能係因為尋日太夜走啦。

>>December 9, 2003 at 9:23:31 AM GMT+8

2003 年 12 月 7 日 星期日 【晴】

lee段日子，其實自己覺得自己都幾辛苦喎，開ot，日日都差唔多9:30先走，有時真係連打電話比人都冇時間同心機呀。每次去到聚會時，其實自己都會好想休息下，但係去到聚會時，特別係擘餅聚會，自己有幾次都差點兒流淚，因為主的愛實在太感動我了。當回想主為我所釘的十字架，當看自枱上的餅和杯，當想到主為我存留傷痕的印記，當想到自己對主的冷酷、當想到自己只顧自己的時候，心總有點抽搐、心都有點對主過不了去。但寶貴主真的沒有用強權來虜奪我心，祂的溫和永遠使我為大，祂的愛確實遠超萬有，人有時會看自己的強處、看自己比別人有什麼強，但主卻看顧我們每個有需要的人，祂的愛確實沒有世間的愛可以相比。

每次都會被主的愛觸動我心，每次自己心情差或者不在狀態的時候，都好渴慕主同我講一句說話，這幾次主同講我的一句﹕孩子，不用介懷，我知道你愛我就足夠了。心真的彷彿被牽引，心真的被安慰。

主呀，我希奇 ，當我不知道的時候，你已愛著我
主呀，我多謝你，當我不可愛的時候，你已為我死
主呀，我感謝你，當我失意跌倒時，你已抱我入懷
主呀，我不能不再說，主呀，我愛你。

>>December 8, 2003 at 2:38:35 PM GMT+8

2003 年 12 月 7 日 星期日 【晴】

轉眼又到8號啦，話咁快又過啦d時間，仲有10日就係就職典禮啦，都唔知點算，希望順順利利啦。

尋日原本諗住去同慧英一齊做負理子曲髮，問左亞晶果friend果間，但係又趕唔切，佢果間又多人啦，咁我地同咪諗住去觀塘睇下囉，睇到平就做啦，點知去問第一間我之前剪過頭髮的果間，佢要500喎，碧茹話同學話另外一間好靚架，點知去到一問，靚原來要比多d錢tim呀， 要600幾蚊喎。我地咁係條街度企，跟住慧英話咁貴唔想做，跟住就話不如去亞晶果間做啦，但係我話都冇時間，最後我地想出一個好辦法，就係星期日下午book定佢，我地星期日分團的時間我地去做咪得囉，好呀。所以我地2個星期日唔係度架啦。

頭髮都係令人幾煩惱的，但係都冇慧英咁煩，佢果個頭難度好d掛。

尋日同工相聚的時候，好似彷彿好耐沒有同d同工一齊傾下計，真的比以前少左，可能真係時間少啦，大家都顧d妹多，我其實我想多時間同佢地一齊傾下計，相交下，可能都要靠去camp 啦。但係去camp又想同d妹傾下計，莫非真係唔訓傾通宵.....................

尋日親近主的時候同左卓榆傾左計，因為都想同佢攪清楚d問題，其實佢分人都好野講呀，比想像中好，之後佢到有留低一齊食飯，都幾開心呀。

>>December 8, 2003 at 4:35:26 AM GMT+8

2003 年 12 月 3 日 星期三 【晴】

尋日又開ot啦，因為近期真係好忙呀，12月18日大日子呀，因為係本會的就職典禮，而家距離仲有13日度咋，實死硬呀我，因為太多野未做啦，d人咭片仲攪緊，信紙又未得，又要等通知，尋晚會長打電話黎仲比多個好消息我地tim，話係12月18日攪多個洽談會喎，嘩..........唔洗訓呀，我都唔知去邊找100人坐係度呀，大佬果日係超級勁忙架啦，仲要加個活動喎，實死呀。

近期自己可能太攰啦，真係想多d休息下，心靈加身體都要，有時真係太眼訓，尋晚返到屋企沖涼後即訓呀，我想找一日訓過夠，尋日阿姐話果日我去左打流感針的半日，佢話唔計我請左假喎，當我星期日果日遊船河係一日tim，但係冇假放，因為當月即計數，所以我有多一日的假，但係係補錢比我囉，都好呀，有錢收。

今日唱左首歌比主聽，係你已預備，真的，在我想不到的時候，你已預備，在我未找你幫忙時，你已來了，每日的三餐，每季的衣裳。

點解揀lee首歌，因為我尋日諗住執拾下d衫啦，因為我冇衫著啦，我講冬天果d，但係我細佬竟然話佢要用電腦，頂住我唔比我攞喎，真激死呀，好彩今日都唔係好凍姐。我的三餐，係全部都係公司食，早午晚，3餐，就黎帶多個飯盒當晚餐，因為荔枝角過左7:30就冇野食lu，尋日午餐因為出左去，所以冇食到，可以留返到夜晚先食，感謝主啦。

>>December 4, 2003 at 4:43:38 AM GMT+8

2003 年 12 月 2 日 星期二 【晴】

尋日都算叫做早走啦，大約7:00走囉，因為想去買褸呀嘛，1.由於天氣凍啦，2.諗住去camp的時候唔會凍死囉，係colombia嚟架，好貴架，不過好彩去到有折頭呀，8折囉，平左200蚊架，之後同個friend去左旺角食打邊爐，都算平啦，平均每個人70蚊咋，扺到爛呀，下次叫埋大妹姐去食先得，都算好多野食啦。我食到好飽呀，仲要送埋糖水tim呀。嘩.....扺啦，尋日去的時候仲要係冇乜人喎.......真奇怪.......

今日又開始忙啦，因為d稿開始一d一d返到啦，要對稿啦，對完又對，對完又對，就黎可以背熟d會員資料啦，睇睇下原來我個會d會員都好勁架，有李錦記的老闆，恒基地產的老闆，扒王之王的老闆，七海產品、連唐英年都係我會的會員黎架，真係勁呀。...........

今朝睇聖經的時候，好覺保羅深愛每個b/s，有誰軟弱我不軟弱，有誰跌倒我不焦急呢。深感受愛身邊的姊妹不只在言語上，還要在行動上表達。

>>December 3, 2003 at 4:39:55 AM GMT+8

2003 年 12 月 1 日 星期一 【晴】

尋晚回到家的時候已經係10:30lu，雖然好眼訓，但係訓覺的時候仍然掛住傳遞的事件，心裡好擔心究竟點算好喎，又自己諗洗唔洗我去找個老闆簽呢?一路諗的時候就越擔心喎，跟住心裡有一句說話﹕一天的憂慮一天當就夠了，明天的事明天才算。呀，突然心好似舒服晒咁喎。

今朝回到再問傳遞的時候，佢都係找唔到，但好感恩係果個老闆係香港，因為好多時候都唔係都度架嘛。另外就係傳遞唔收我錢囉，因為係佢做錯呀嘛，仲要係我出左3個urgent call 都冇收錢喎，起碼唔洗比幾百蚊架。

不過最感恩係我地發現原來上年都係過左期，但都係冇被政府罰到錢。哈哈，又再一次証明有神啦，真係自己想都冇辦法。

>>December 2, 2003 at 9:42:36 AM GMT+8

2003 年 11 月 30 日 星期日 【晴】

今日原本係一個新開始，但今日發生左一件激氣事件。

話說我今日出左個傳遞去人地公司取件，今朝出，今日6:00前返，理應係冇問題的，但當6:00的時候，我仲未見個傳遞到，我就打電話去問下啦，點知原來個速遞唔見左我份野呀，佢話唔知同其他文件送左唔知去邊喎，真激死人呀。唔問佢都唔答我喎，果份文件係我天日要遞上政府做註冊架嘛，天日係deadline啦，如果遲一日要罰每個董事700蚊，我地有19個董事，咁即刻成1萬幾蚊架，我仲要係已經問齊晒其他董事簽名喎，連最困難果d我都問左，諗住冇死啦，實點呀，咁好今日會長又過來開會喎，順便比佢簽埋佢帶走呀嘛，點知...............唉...................

間傳遞公司仲話要明天才答我究竟找唔找到喎，如果找唔到，我要撲去找董事簽名仲要飛去比會長喎，唉.....................

主呀，求下您幫下我啦。阿們

>>December 1, 2003 at 2:09:24 PM GMT+8

2003 年 11 月 29 日 星期六 【晴】

今日我地去BBQ呀，地點係馬安山，因為架旅遊巴要早D走，所以我約9:30大牛等呀，開頭我都驚我起唔到身，但今日又好早就起左身LU，真係感謝神呀。

去到的時候，好開心呀，因為今日惠儀仔有出啦，龜仔又有出喎，好開心呀，不過佢地成日都笑過不停，整一大笑估婆呀，仲要係可以笑足20分鐘喎，下次叫佢地2個一齊比試下先得。

不過今日帶D遊戲都好攪笑架，因為我地都唔洗走，因為班弟兄只會捉番D弟兄，所以姊妹係唔洗走的，一路睇佢地走，一路笑，最攪笑係玩痴紅豆的時候，明明我地6個姊妹企埋一齊，但當耀耀叫5個的時候，我地冇走過，佢走埋黎數我地明明數到有6個人喎，但係佢冇捉我地喎。

跟住到柏航，當玩森林大火的時候，明明係倩惠做兔仔，佢走埋佢度又做兔仔喎，跟住明明佢做緊樹，瑩芬講完電話之後走埋去霸左柏航的位置。勁攪笑呀。所以我地真係笑過不停。

>>November 30, 2003 at 2:04:07 PM GMT+8

2003 年 11 月 26 日 星期三 【晴】

今朝我起身，冇得睇電視呀，唔知點解睇唔到呀，唔通真係咁絶，手提壞左，風筒壞左，而家連電視都壞埋,..................................不過我今晚返到去的時候，原來係全幢大廈都係咁，好彩姐，不過唔驚啦，我屋企有3個電視咁多。

今日我出到小組呀，原本我估我出唔到呀，因為實在太多野未做好啦，因為我今日全日都係度晒相，影相囉............

話說我今朝叫做會長果親戚幫我去晒相，我問佢明唔明，佢又答我明喎，跟住我食晏的時候去取相啦，但我發現少左2張係用相再晒相，但係佢話冇喎，咁我就那那林返去問佢囉，佢根住話佢唔記得喎，真係激死呀。根住佢再擺去晒啦，然後我發現原來佢又晒錯左喎，又要再晒過，好彩係快圖美晒，可以免費再晒過，但係又浪費時間啦，攪攪下成6:00先有相囉。但係我未做好份稿喎，比印刷公司的未做好，比製作公司又未做好喎，最後我用我超音速時間打好，仲要打埋份通告先走喎，再一次要讚下我打字的速度呀，不過我未曾對過架，一打好就比左亞姐lu。

今日的同工相聚好快完呀，可能少人啦，弟兄得4個，姊妹得5個。8:30就傾完啦，9:00走人。快呀。

>>November 27, 2003 at 3:08:23 PM GMT+8

2003 年 11 月 25 日 星期二 【晴】

尋日終於可以出到祈禱會啦，因為尋日阿姐有事6:30就走左lu，另外因為前排日子好忙呀，所以咩週間聚會都冇乜點出，今次出祈禱會，其實我早知佢講的題目，起初我真以為特別講比一d結左婚的b/s聽，但原來不是，佢係特別想我地為家人禱告，我想其實我都算少為家人禱告。但尋日實在太攰啦，所以大約8:45就走lu。

今天希望可以出到精靈centre啦。

>>November 26, 2003 at 1:19:02 AM GMT+8