|
2004 年 2 月 25 日 星期三 【晴】
超級霹靂無敵勁眼訓.....
尋日可能經過前幾日的忙碌，身體都有點兒覺得疲倦，尤以昨天最為嚴重，尋日一早起身的時候，其實已經十分疲倦，個頭仲好似暈暈地，但因為趕住返工沒有多大理會，平時我都會選擇下著咩衫好，但尋日穿著的同平時落街的差不多，好街坊裝，又冇疏頭，所以扎了一條辮，因為原本諗住沒有人會到我地度啦，是但著吧，但出門口時一看，都有點兒覺得自己過份了少許，但因為趕時間，所以又沒有理會，在坐地鐵的時候，又覺得好似想嘔的感覺，那一刻我開始懷疑自己是否真係要回家訓覺，但因為有我要負責的事項，所以最後都係回公司。
上午的時候，好接唔接比我接左個河北省的來電，話要來我地度坐下喎，我即刻say no啦，但因為佢地要擺低d野比會長，惟有都比佢地來，但再回看自己的裝束，唉...真係有點兒那過。但沒有辦法了。中午的時候，有個老闆的秘書過黎我地度，佢一看到我就話我仲乜著成咁喎，唉....再一次望下自己，真係麻煩架，諗住沒有所謂的時候，就有人來，冇理由日日都要著套西裝掛，惟有下次著番好小小羅。
但全日我都在眼訓的狀態中，隻眼好似好想合埋一樣呀。最後比我捱到去6:30，我都係同亞姐講，我要走前，因為我要回家訓覺呀。
>>February 26, 2004 at 7:14:26 AM GMT+8
2004 年 2 月 24 日 星期二 【晴】
又再係忙碌的一日.....
尋日一早又要預備個接待汕頭巿澄海區政府的人員到訪，一早又要去買野食同飲品，因為我地之前冇訂到，又要自己抽啦。
今次都算幾順利啦，因為佢地人數唔多，大約5-6黎咋，所以安排上比較好d，忙完一個朝早後，都算叫做可以得閒d啦。
今晚原本有祈禱會的，但因為我舊同事maggie要返溫哥華lu，所以大家約埋一齊去farwell，佢地明明話約7:30架嘛，點知原來7:30佢地已經坐係餐廳度啦，仲點我去油麻地地鐵站出喎，我問完又問話我係旺角出啦，我應該識得行去架啦，跟住又話我會行錯喎，攪到我都係油麻地出，但出左之後我就真係唔識得行，因為平時我係旺角出我識得點行，但係油麻地我就唔識啦，最後趕到身水身汗咁，去到佢地仲要已經叫埋野食tim，真係冇等我喎。不過都傾得好開心，但個話題一路都係圍繞janice的結婚同攪笑野，另外就係alan終於係失業大軍中脫穎而出，不再失業，雖然前途麻麻，但都好過冇得做啦，標準工作d人還是如此，電話忙過不停，d麻煩人仍然都係麻煩，老闆日日都係發下脾，沒有改變，但有時同佢地傾傾下都慶幸自己已經這間公司，不用咁煩惱呀。
食完飯其實都好早，但因為大家都有太多野講啦，所以一路坐一路傾，大約10:45先走，回到家又再一次係11:30啦，訓落床又再一次係12:15啦，真係好眼訓呀。我這幾日晚晚都係咁食法，唔肥就奇啦。
>>February 25, 2004 at 4:59:22 AM GMT+8
2004 年 2 月 23 日 星期一 【晴】
又係忙碌的一日.....
尋日其實都係好忙，返到去d秘書們就約中午一齊食lunch，但係我地下午要出去開例會，原本諗住唔去食架啦，但因為廣州果邊的秘書落左黎香港負責星期日的活動，而佢地係今日就會走，所以冇機會再見面架啦，最後我同亞姐係12:00就出去食，諗住食完快d返會再做野。
中午食lunch的地方係尖沙咀新世界中心東海酒家，原本諗住我地請佢地，但最後有個秘書果老闆知道我地一齊食飯，咁佢話佢請客喎，由於咁樣，我地就不停叫，不停食，食到要打包tim呀，真係勁呀，不過我地得6個人咋，叫到一枱都係野食。之後，我地就要那林林返會啦，因為實在太多野未攪點，我同亞姐一齊去，會議由5:00開到7:30，跟住途中我去負責晚宴的set up同接待d嘉賓。
晚上食飯，由於中聯辦的嘉賓沒有出席，所以全場只係自己d會員，好好氣氛咁食下飯，傾下計。其實晚宴好早就完架啦，大約9:30就食完，但因為d會長們佢地要攪個政制論壇，又要再開會，唉...........一開又去到10:30，攪到我地又要遲走，回到家差唔多又去到11:00，沖完又係訓呀，因為實在太疲倦啦。
>>February 24, 2004 at 2:35:50 AM GMT+8
2004 年 2 月 22 日 星期日 【晴】
忙碌的兩日.....
lee2日的忙碌我想可以彌補我過去的懶惰吧。因為星期六同星期日我都要返工，仲要係超級辛苦tim，可能太耐冇做過d咁大型活動，有點兒緊張tim。
星期六，我其實一早已知道要去開會，但亞姐冇同我講過時間同地點，我果日大約9:15先返到公司啦，諗住食早餐的時候，亞姐比份通告我要我即刻打喎，咁咪諗住打完先食啦，但係亞姐又話10:00我地要走架啦，嘩....我即刻用快的速度去打，打完之後跟住就要即刻走人啦。
去到開會，其實係冇時間觀念同時間限制的，因為要安排星期日的晚宴排位同工作分配，會開到1:00都未完喎，但係我地3:00要接待汕頭巿政府，所以最後亞姐叫我返去等人，佢留守係度開會，但因為時間緊迫攪到我同佢地食飯的時候，只可以食到一小碗飯咋，跟住就要趕返會，返到去仲要比個老闆話我喎，真係有小小激氣。
接待完d巿長後，時間已經去到4:30啦，跟住就去大牛擘餅，去到見到我所親愛的b/s，實在太開心啦，全日都係靠最後的2條腸粉同2串燒賣維持我的早、午、晚三餐。係夜晚擘餅聚會，可能因為太疲倦啦，好似成個人都不太在狀態一樣，好想快d回家訓覺。
星期日，由於佢地定去石澳行山，咁冇理由我著住套西裝同佢地一齊行架，所以我冇去到，反而可以同亞媽一齊去食早餐，其實真係少時間或者可以叫冇機會係星期日可以陪佢，亞媽都好開心呀，當我出門口時，佢仲問我洗唔洗送我留去tim，真攪笑呀，好似當我以前返學時期咁。
去到會展，就展開我的生死搏，因為有好多野臨時都有問題，一時話部電腦，一時又話枱上的名牌，我仲比人話我呀﹕如果比李部長見到打錯左呀，你就死呀。嚇到我呀，不過因為份名單係處長比我的，所以我冇驚過。不過由於時間好趕，攪到我都十分緊張呀，又要搵d嘉賓幫佢戴襟花，又要顧d名牌，全場好似周圍跑咁呀。最後的午餐只可以變到去食下午茶的曲奇餅咋。
晚上，我地又轉地點去左grand hall舉行晚宴，成160圍，今次隻腳就係唔洗要呀，好似一個大運動場一樣，不停係度跑，因為我地張工作人員枱係左邊，而我地會d會員2張枱係右邊，但主家席係正前方，所以一有咩消息就要跑，但最慘同最"羅"命係我著住對高踭鞋喎，當走的時候上到的士，2隻腳都彷彿好似唔係我咁呀。
今日都見到好多高官，當D記者見到曾憲梓時，果場面幾瘋狂呀，迫到我地會ge會長都係企埋一邊呀。梁愛詩又有到場喎，因為佢係我地會長負責接送喎，攪到我同亞姐要喉住佢，但起初諗住佢完左祝酒佢會走，但佢仲留係度食野喎，咁惟有我同亞姐一路係度望住佢，又驚佢走左冇人知，又驚會長唔知走去邊喎，一時又要帶d嘉賓周圍去，所以我地最後都冇乜點食過野，不過都預左架啦。但成個過程，就好似一個保安人員咁企係度，等..........等...........等............
最後我地成10:15先走人，因為國內人歡喜早食，早完，所以今次都算早架啦，最後打的回家，返到屋企即刻沖完涼就去訓啦，因為今日又到開例會的日子。
>>February 23, 2004 at 3:46:05 AM GMT+8
2004 年 2 月 19 日 星期四 【晴】
九"間"的小組.....
佢尋晚的小組有個好攪笑的場面，就係不停有人黎，又不停又有人走喎，我尋晚因為要趕起份會議記錄，所以成7:20先走，其實走的時候，我好想去買串燒賣食，可能比惠儀仔影響得多呀，但最後都係冇買，因為能得利個傻婆打比我喎，一路顧住同佢傾，而忘記左買。
去到大牛都已經差唔多8:15啦，因為係相交聚會，咁我諗應該都已經開始好耐啦，但原來只係第1個開始相交咋喎，跟住阿sir黎啦，跟住就美鳳走，美鳯走左，到亞晶黎，然後到耀民黎，然後又走喎。不停d人走黎走去，真係去到9:15先相交完呀....係相交完咋喎都未禱告喎，最後差唔多9:30先走人呀。
不過係聚會度大家相交返余弟兄d信息，雖然好多時都未太明白同了解，但有一點係佢成日重覆架，就係"弟兄姊妹，唔好怕重覆，就係因為重要，所以成日要重覆，如果你地聽而去行的時候，就唔洗重覆啦"(要配合余弟兄的聲調而去講)。另外，就係余弟兄的動作啦，某程度上我會覺得唔敢去做，因為太核突啦，正如我尋日係地鐵度睇信息時，因為太投入啦，所以突然間叫"主呀"都幾大聲喎，那一刻我立時望下左右，好似好驚比人聽到咁喎，但係余弟兄的身體配合心靈的信息，我頓然明白係用來使自己的心靈容易帶到返神的面前，但有時礙於自己的膽怯而沒有去做，我好欣賞某些b/s雙手高舉，我仍在學習中，盼望大家睇見神對你的愛時，從心底裡回應主同時利用身體去配合，使自己更容易帶動自己的心靈返到神面前。
另外，我也在學習祈禱，其實開聲禱告一直都是我的弱點，我想我唔講是冇人知道的，由我初信開始，我一路都唔敢開聲禱告，我想可能我沒有禱告的恩賜吧，我的口齒不伶俐，也可能我詞不達意，好似往往係心裡要不停組織又或者有時比魔鬼的詭計，而令我唔敢開聲禱告。但近期自己不斷操練祈禱，往往好多時候去讚美主，雖然講d野好似好重覆咁，好似冇新意咁，但我想主唔會厭，近期覺得自己釋放左去禱告，好開心呀，希望繼續進步吧。
>>February 20, 2004 at 3:36:51 AM GMT+8
2004 年 2 月 18 日 星期三 【晴】
手提又壞左啦.....
近日我剛剛為我的手提添置handfree，當我正在學習使用時，尋晚個電話冇那那甩左一塊野出黎喎，我起初都冇為意，跟住我望返部電話時，才發現用來按其他制的圓型按制甩了出來呀，攪到我即刻搵返係邊，好彩最後都比我找到，我即刻叫我細佬幫我睇啦，佢竟然話你個電話不如買過部啦，我到佢講呀，我係12月先去維修完咋，咁快叫我買過部，剛剛先買左個HANDFREE，佢最後幫我用左AA膠痴住佢，我試過架啦，都用到呀，都係用住先，希望遲D買到一部好D架啦，不過係遲D先去睇，而家冇錢呀，我發錢寒呀。
星期六同星期日我都要返工呀，真係慘呀。星期六都唔知幾點可以走得呀，星期日我下午先返工，但因為家族去石澳呀，所以我估我會陪亞媽掛.....
PS.多謝你呀得利,,,,咁支持我，比我激勵，我會再努力啦........
>>February 19, 2004 at 7:04:58 AM GMT+8
2004 年 2 月 17 日 星期二 【晴】
身體與心靈配合
尋晚係祈禱中，余弟兄一次又一次強調身體與心靈的重要性，令我回想從前我對自己的身體都有要求，我會選擇自己整或者買鮮搾果汁同唔食d"垃圾"，但逐漸這些又被遺忘了，當自己鐘意去食就去食，都沒有想過對身體的影響，余弟兄尋晚係聚會裡好強調，如果你沒有一個好身體怎能去事奉呢?特別係一班年青人，我想有時自己都會唔想郁咁多，人地玩，我地班大個ge通常會選擇企係度睇佢地玩喎，咁樣就會有隔膜了。我都想自己係一個投入的人，睇見佢地的需要時全然委身同付出。
另外，就係心靈方面，余弟兄都係一次又一次咁強調要有心靈，不好以為自己已經聽過或者聽完又聽，因為那些真係好重要的信息，如果沒有心靈，更加不用談事奉了。
但因為在途中的時候，我沒有食任何食物，當去到9:00的時候，我已經好肚餓了，所以我同慧英一齊早小小走去食野，跟住回家，今次可算是我有記憶以來，第一次係祈禱會之後同慧英去食飯咋，近期見慧英多左喎，因為有一次同佢同幗英一齊食lunch呀，我仲介紹佢地去我最鐘意食的台灣鋪頭食野，佢地都話唔錯架，好彩冇介紹錯。
>>February 18, 2004 at 2:13:28 AM GMT+8
2004 年 2 月 16 日 星期一 【晴】
大祭司
尋晚雖然放得夜左小小，大約7:10啦，但我都好想去安靜喎，去到地鐵站的時候，心裡其實好掙扎喎，因為又想回家食飯，又想去安靜，行行下又覺得好想早d休息啦，不斷掙扎，但最後到係去左匯景公園度安靜，但時間同主講﹕我黎同你傾一陣啦，就係咁去左公園睇左一陣聖經同特別為左d姊妹去禱告，我記得我講過我會為團裡的姊妹去禱告，但時間可能2個月就唔得啦，今次我為了麗香、敏萍姐去禱告。因為係剛過去的星期日，我地玩了個遊戲，叫做愛心天使，今次我抽到要禱告的姊妹係敏萍姐呀，另外就係為麗香禱告啦，雖然可能禱告的對象未輪到你，但唔洗心急，下個可能係你架啦，如果大家有d咩想我為你禱告的話，都可以係留言板度留言。
係禱告前，我讀了一段聖經﹕
4:14 我們既然有一位已經升入高天尊榮的大祭司、就是 神的兒子耶穌、便當持定所承認的道。
4:15 因我們的大祭司、並非不能體恤我們的軟弱．他也曾凡事受過試探、與我們一樣．只是他沒有犯罪。
4:16 所以我們只管坦然無懼的、來到施恩的寶座前、為要得憐恤、蒙恩惠作隨時的幫助。
我們的大祭司真能體恤我們的軟弱，因祂曾經也成為一個人，有著人的感受同經歷，從前審判人的寶座，今日成為施恩的寶座。唔好覺得主好似好嚴肅咁，一定要人按律法去做，今日主比我地有自由意志去選擇，好似我去安靜一樣，主沒有強迫我去，我有我的選擇權，但我選擇了去安靜，我想主會大大祝福我同使我心得安慰。
>>February 17, 2004 at 10:06:50 AM GMT+8
2004 年 2 月 15 日 星期日 【晴】
珍惜
今日聚會敏萍姐講的題目﹕珍惜，不知你們有否珍惜主與你們同在的時刻呢?佢問了一個問題，如果有一朋友係你身邊，你會選擇A.不理睬 B.同佢只講3句說話 C. 佢不斷同你講野，你是完成沒有私人時間 D其他。我想我選擇的同其他的B/S一樣，是D，我想我可以同佢講時，佢又會同我講，簡單講時有交流。
但今日主已經24小時與我地同在，住在我心內，但我地又有幾多時間同佢講野呢?有一篇文章，好早已同身邊的姊妹相交過，因為好多時候，大家只顧自己工作/學業上的忙碌，而忘記主仲日等候我們同佢傾心吐意，係聚會裡，敏萍姐講主比我地自由去選擇同決定，今日有否選擇錯或者忘記主呢?
ICQ
雖然從太初我就認識你，
但是，看著你的出生，心中實在欣喜，
你終於有了你自己的 UIN。
滿懷喜悅地 send 出將你 Add User 的 Request，
System 回覆說：Waiting Authorization。
誰知一等就等了十年、二十年，
好幾次我 send 了 message 給你，
也託其他的 user send message 給你，
告訴你我多麼渴慕與你有更親密的關係，
但是依然音訊全無！
直到四十多年後的一天，
當你經歷過工作上的挫折、人際關係的破裂，
再加上婚姻亮起紅燈，
你終於在一個佈道會中接受了
我四十多年前 send 出的 request。
在我的 list 中，終於有了你的名字，
我身旁的天使都快樂歡呼！
幾天後，我收到你的第一個message，心中何等欣喜！
在之後的日子裏也漸漸地定期收到，通常一天三次。
可惜內容都是千篇一律：
「謝謝我賜你飲食，求潔淨食物．．」之類的。
偶而也有一天只收到一、兩次的，大概是因為你太餓了吧！
不過我仍然祝福你所享用的。
一個月後，你終於主動地 send 一些不同內容的 message給我，
雖然內容不長，字句也有點生硬，像是別人教你寫的，
不過我總是甜在心頭，畢竟，是你對我說的話。
知道你與我 list 中的其他 user 開始有 chatting，
而且內容偶而也與我有關，
但我期待著你能與我能直接對話，
使我一個多月前 send 出去的 chat request
早日有回音。
兩三個月後的一個清晨，我突然收到你的回音，
你告訴我你打算以後每天和我約好同樣時間見面，
雖然每次都是短短幾分鐘。
後來你失約幾天後，更將我們見面的時間改到午夜，
這些我都不介意；
只是有時候在 chat 的途中總是 user is away，
又或是我仍在說話時，
就顯示：last user have left the chat。
我明白你工作疲累，又要準備下週團契的週會．．．
但是，我仍然期待著下次與你約好的時間來臨。
有好一段日子，你再也沒有赴約，
你的名字旁邊有顯示著 "away" 的符號。
我 send message 關心你時，
System 顯示你的 status：「屬靈低潮」！
我即時心如刀割！
但，不論我如何 send message 給你或 request chat，
你總是沒有回音。
我只好請我 list 中的其他 user 多關心你，
希望我們早日能再恢復聯絡。
那難熬日子終於度過了，你再次出現了！
自此以後我們的話題漸漸增加，
而且 chatting 內容的中心亦由你自己轉到別人身上。
有時候你會告訴我教會弟兄姊妹所面對的困難，
甚至是北韓人民饑餓的苦況，
我也與你分享遠處未聽聞福音者的需要。
這一天，你終於告訴我，
你願意放下一切，去我與你提過的地方，
並且努力鼓勵人回應我在他們出生時就 send 出去 add user 的request......
記得當你下次玩ICQ的時候，你記起這篇文章時，記得同主傾左計先。唔好唔記得這個最佳的情人，因祂的愛永遠都不改變，祂最了解我地這個人，世間的愛情、友情、親情，有一日都會變，但主的愛..........是不保留的愛。
常聽說世界愛沒長久
哪裡會有愛無盡頭
塵俗的愛只在乎曾擁有
一刻燦爛便要走
而我卻確信愛是恆久
碰到了你已無別求
無從解釋 不可說明的愛
千秋過後仍長存不朽
誰人受痛苦被懸掛在木頭
至高的愛盡見於刺穿的手
看 血在流反映愛沒保留
持續不死的愛到萬世不休
惟求奉上生命全歸主所有
要將一切盡獻於我主的手
我已決定今生再沒所求
惟望得主稱讚已足夠
>>February 16, 2004 at 3:19:46 AM GMT+8
2004 年 2 月 15 日 星期日 【晴】
4個人的情人節
星期六我地家族的同工相聚，但同樣又是一年一日的情人節，本應完聚會後諗住回家，一是因為冇街去，二是因為星期日要預備親近主的領詩同聖經，想早d回家，但係聚會後，大妹姐同慧英話去九龍灣行下同食飯，叫埋我去，咁我覺得時間都可以，因為那時只不過係7:30啦。當我地行到去麵包鋪的時候，竟然見到阿sir架車喎，佢問我地係咪去食飯喎，我地答係啦，咁佢話不如一齊啦，跟住大妹姐問阿sir係咪你請先，阿sir話叫得你地上車，你地話呢.....就係咁樣我地一行四丁人一齊去左食飯lu。
原本我地諗住去九龍灣食的，不過阿sir話又係九龍灣呀，經過一輪爭論後，最後大妹姐話去九龍城啦，佢話果度有間叫做咩"木蘭花"食泰國野架喎，好好味架喎，泊好車後，我地去找那間鋪頭，但係我地行左2-3條街都找不到，我地開始懷疑大妹姐的記憶，最後都比我地找到，但那間鋪頭同停車場相距4-5條，間鋪頭名叫做"金蘭花"....哈哈.....全部都錯晒.....但係我地最後都冇去到那間食，因為人太多啦，而選擇了隔離的日本野食呀......
食完原本阿sir話佢請架嘛，佢咪諗住look card啦，點知...........果間鋪頭冇得look架............最後惟有AA.........真係慘呀......下次一定要找間有得look的先好入去呀。最後阿sir都有車我地回家呀....但係回到家的時候已經係10:30啦....時間又唔見左一d啦......
>>February 16, 2004 at 3:14:34 AM GMT+8
|
|
|
|
廣告 |
|
|
讀者留言 |
| 路人留言
|
 I really underst
>>July 3, 2006 at 3:58:55 AM GMT+8
如果俾我都會揀長短週架!
<br
>>March 17, 2006 at 10:29:50 AM GMT+8
好開心知道你訓得好左, 因為我都
>>March 12, 2006 at 12:48:14 PM GMT+8
你又唔早d話我知,我近排又係夜晚
>>March 8, 2006 at 2:09:44 PM GMT+8
你近排好似好奈冇打日記喎! 我得
>>February 21, 2006 at 9:11:37 AM GMT+8
咁....
<br>唔換到換左.
>>November 10, 2005 at 1:04:28 AM GMT+8
百利恆井水，如血之寶．
<br>
>>October 7, 2005 at 10:33:22 AM GMT+8
I will always su
>>September 6, 2005 at 11:57:22 PM GMT+8
唔好咁唔開心啦!主了解你一切的感
>>August 29, 2005 at 3:50:31 PM GMT+8
我係一個7月1日被遺棄嘅小朋友!
>>July 4, 2005 at 7:52:19 AM GMT+8
我係騙局嘅受害者!
>>June 15, 2005 at 10:17:21 AM GMT+8
點解你成日發埋d咁嘅夢架!
<b
>>May 18, 2005 at 9:30:41 AM GMT+8
女主角,幾時幫我地簽個名呀?
>>May 1, 2005 at 3:33:58 PM GMT+8
我地會為你祈禱架喇!願主將平安賜
>>March 26, 2005 at 1:15:22 PM GMT+8
放心啦, 我地會代禱記念你架啦!
>>March 24, 2005 at 7:07:39 AM GMT+8
依家輪番我問你有沒有工可以俾我做
>>March 24, 2005 at 2:18:55 AM GMT+8
RE大佬同ssf﹕唔好係度玩野喎
>>March 9, 2005 at 2:38:53 PM GMT+8
Re: 十大殺手，我唔知你係邊個
>>March 9, 2005 at 9:52:09 AM GMT+8
ssf 你究竟係邊過,竟然夠膽咁
>>March 9, 2005 at 7:49:48 AM GMT+8
答嘴：宇宙大佬，我份工要受好多氣
>>March 8, 2005 at 11:29:21 AM GMT+8
我提意你不如做ssf 果份工啦!
>>March 8, 2005 at 7:57:49 AM GMT+8
實在恭喜妳可以辭職，我都好想好想
>>March 7, 2005 at 10:57:06 AM GMT+8
睇黎個亞姐都唔會做得長囉!
>>March 1, 2005 at 7:40:04 AM GMT+8
唔關我事架...
<br>係大妹
>>February 22, 2005 at 2:41:42 PM GMT+8
睇佢真係唔似傻仔喎!
<br>仲
>>February 22, 2005 at 5:41:54 AM GMT+8
大妹姐會為錢殺人?
<br>我好
>>February 18, 2005 at 8:07:06 AM GMT+8
我點知?
<br>我識得佢吖麻!
>>February 17, 2005 at 7:50:28 AM GMT+8
喂，你唔好用"撇低大妹姐"呢幾個
>>February 15, 2005 at 7:26:15 AM GMT+8
我果日係馬鞍山親近主喎!
<br
>>February 15, 2005 at 3:43:55 AM GMT+8
re大佬﹕你又知係周星星架咩，唔
>>February 9, 2005 at 9:40:18 AM GMT+8
re大佬﹕如果你出我地星期日的馬
>>February 9, 2005 at 9:39:02 AM GMT+8
新年快樂!
<br>你好似今件未
>>February 9, 2005 at 6:04:41 AM GMT+8
"愛你一萬年"係周星星係西遊記大
>>February 9, 2005 at 6:00:17 AM GMT+8
嘩!你解啟示錄都幾清楚架喎!
<
>>January 26, 2005 at 6:25:20 AM GMT+8
多謝晒﹗好感動呀﹗係呢個咁寒冷既
>>January 15, 2005 at 11:39:46 AM GMT+8
re小公主﹕張相梗係冇問題啦，等
>>January 12, 2005 at 1:25:12 PM GMT+8
re汽球﹕咁你多d留言啦..
>>January 12, 2005 at 1:23:44 PM GMT+8
re SSF:我已經預備
>>January 12, 2005 at 1:22:26 PM GMT+8
我好LIKE你個留言板LO...
>>January 9, 2005 at 11:07:04 AM GMT+8
我想要既保濕潤唇膏都唔使你送嘞，
>>January 4, 2005 at 3:53:31 AM GMT+8
依家唔洗你送個坐枱
>>January 3, 2005 at 6:25:17 AM GMT+8
我已經幫大妹姐扲咗
>>December 31, 2004 at 8:00:07 AM GMT+8
我已經幫大妹姐扲咗
>>December 31, 2004 at 7:54:23 AM GMT+8
哈.... 地點都係寫下既o者.
>>December 28, 2004 at 11:40:13 AM GMT+8
RE宇宙大佬﹕
<br>你要的禮
>>December 21, 2004 at 1:36:38 PM GMT+8
係唔係寫低就有禮物收架?
<br
>>December 21, 2004 at 1:00:53 PM GMT+8
RE SSF﹕
<br>你要保濕
>>December 21, 2004 at 12:17:37 PM GMT+8
re SSF大仔K仔﹕
<br>
>>December 21, 2004 at 12:15:11 PM GMT+8
re小公主﹕
<br>你的禮物冇
>>December 21, 2004 at 12:11:56 PM GMT+8
我唔貪心的啦,我想要朱古力就得啦
>>December 21, 2004 at 8:51:52 AM GMT+8
|
|
超級霹靂無敵勁眼訓.....
忙碌的兩日.....