|
2004 年 3 月 24 日 星期三 【晴】
兩日返工都遲到今日又病病地
這兩日我一訓醒覺都已經係8:30啦，仲要係好似未訓醒覺咁，去換完衫跟住執好野出門口已經差不多8:45啦，係最快時間喎，所以這2日的車費都好貴，因為要坐的士嘛，攪到我肉痛到死呀，但我只可以claim一程，我今日都唔知點解又係8:30先起身喎，攪到又遲到，唉............都唔係好明白，最後又係搭的士羅，攪到我都唔敢買早餐食，因為太肉痛啦。...........
今日唔知點解又病病地，可能果日同d秘書一齊出去做野的時候，當中有一個嚴重感冒，我同佢就係最近，我懷疑我可能就係咁樣比傳染，攪到我今日好辛苦呀，個頭好重，把聲開始變變地，同埋好疲倦，都唔知點攪架，好想去訓下覺，攪到我午餐都唔想食。
仲要加上條脷生飛滋呀，攪到我勁慘呀，食包又痛，食熱野又痛，都唔知食咩野好呀，但係又好肚餓喎，真係自己羅黎架，因為果日食得太快咬親條脷同整損個口，真係衰呀.........
>>March 25, 2004 at 10:23:44 AM GMT+8
2004 年 3 月 23 日 星期二 【晴】
唔記得
好多時候，大家都會唔記得左一d野，例如﹕
唔記得自己曾經收過什麼的生日禮物
唔記得自己買過什麼的禮物送給什麼人
唔記得自己尋日講過什麼說話
返學的時候，唔記得帶什麼書
返工的時候，唔記得帶電話
唔記得帶乜、唔記得講過乜、唔記得做過乜、唔記得.........唔記得............
但有d野我想你一定唔會唔記得
你一定記得你叫什麼名
你一定記得你家人的姓名或樣貌
你一定記得你要返工、返學
你一定記得你重要的約會
但人點解會將有d野忘記呢?
因為果樣野唔多重要?
因為果件事對你來說做唔做到沒有所謂?
因為果樣野唔放係你心裡第一位?
因為果樣野對你來說其實沒有興趣?
因為果樣野你不在乎?
彷彿我地信主的人生都係一樣
你記唔記得主有幾愛你呀?唔記得--係咪因為你已經唔愛主啦?
你記唔記得主曾經對你講過咩野呀?唔記得--係咪因為你已經唔將主放首位啦?
你記唔記得當你在艱難時的祈禱呀?唔記得--係咪因為忘記主對你的恩惠啦?
你記唔記得.............................
只要你細心去想下，我想你應該記得好多同主一同經過的片段，b/s不要忘記呀。
雖然好多人都活係忙碌中，但不要忙、忘、亡呀。
你去向耶路撒冷人的耳中喊叫說、耶和華如此說、你幼年的恩愛、婚姻的愛情、你怎樣在曠野、在未曾耕種之地跟隨我、我都記得。
主對我們的事每一樣都記得，那你呢?
>>March 24, 2004 at 5:24:15 AM GMT+8
2004 年 3 月 23 日 星期二 【晴】
忙到死呀，又係腳斷的一天
尋日，我同亞姐都冇返到公司，唔係可以放假，係要全日出去，又唔係攪自己會d活動，係幫人地會攪人地會d活動，真係辛苦到嘔呀，點解，因為尋日集合的時間係8:30，地點仲要係香港大學喎，我地幾個秘書們約左8:00係中環等，所以一早就要出門口，前一晚因為要做好晒其他野先可以走，前晚即係星期一晚，我走的時候已經係9:00啦，所以尋日其實好疲倦，8:30到香港大學後，就展開一連串的時工作，分工，將書同資料入紙袋，安排reception，因為尋日係頒發副院士、院士同榮譽院士的畢業典禮，又要協助佢地著袍，我都好羨慕佢地有機會，自己冇機會，但幫人著大大話話都幫左30個著，因為尋日起碼有200人到場。忙完接待後又要負責後台的工作，一早已經要走黎走去。死得呀。
中午原本有食飯的時間，但因為我地遲左去食，當可以食的時候，其實已經有嘉賓到場，所以中午我可以叫做食左10條意粉咋。.........................忙完早上的典禮後，大家又要坐車去會展忙手做夜晚的晚宴，又係好似上次咁開成160圍，預備好晒d野都已經差不多6:00，又去到後台食野的時候，發現係冇野好食，只可以食一碗粥，但都係唔好味的，雖然好肚餓，但真係食唔落口呀，攪到我餓住個肚又要去做野，安排好d老闆位置，其實到後段都沒有特別的野做架啦，但因為佢地冇安排位置給工作人員的，我地幾十人只好站在主家席同d嘉賓枱附近，好似d侍應同保鑣咁睇住d人，其實那一刻我的兩隻腳己經辛苦到要命，試想下，著住對高踭鞋，由朝踭到晚，又要走來走去，仲要冇得坐，辛苦到呀。繼續想死一樣呀。
當差不多10:30的時候，因為有一枱國內嘉賓走晒，所以容許我地d工作人員可以坐下，那時已去到食甜品的時候，所以我地要機會食到其他野，但最攪笑係﹕人地的甜品就係我地的正餐，仲要係10:30先食到呀...............當有機會坐下的時候，2隻腳彷彿好似唔係我的一樣，走的時候好似機械人咁，一步一步咁走。
我地終於等到完場啦，那一刻好似榮耀的釋放一樣，但又十分的疲倦，回到家差不多11:30啦，快快沖涼就去訓啦。真係超辛苦呀，比錢我都唔想要呀(我講姐，因為尋日工作人員每人都要400蚊工資的)，都好過冇啦。..............................
>>March 24, 2004 at 4:45:21 AM GMT+8
2004 年 3 月 21 日 星期日 【晴】
星期日的聚會，今次係著重大家講信主改變見証，然後做番套話劇出黎比人地估係邊個，我地果團大家都揀左我的見証出黎做，而主角方面，係惠儀仔做我，佢d演出實在太精彩啦，叫人笑過不停，但係最好的係敏萍姐，佢的對白不多，只有一句﹕朋友，主耶穌好愛你架。佢都未講完，我地已經笑過不停，她的聲線加上她的表達，攪笑到不得了。最後她獲得最佳女主角的榮譽。
在此也簡單地講下我的見証﹕
小女子在家中排行第2，對上有家姐、對下有細佬，1家5口，小學的時候，我的成績好好架，因為每次考得好，亞媽都有獎品比我，而我的成績好也使親戚成日讚我，但上到中學，因為適應唔到，又學會了講粗口，好懶，所以成績大不如前，家姐的成績反而好過我好多，令我好妒嫉。
另外，因為家中只有細佬一個男丁，所以順理成章也能得到父母的歡心，我心裡其實好唔開心、又自卑，成日覺得屋企人唔鍾意我，所以我係屋企亂發脾氣，罵人，特別我細佬，因為我唔鍾意佢，當屋企冇人的時候，我會打佢，有時當佢反抗的時候，我地會打架tim，試過有一次，我地大家手持的武器竟然係接橩，大家打完之後，細佬好醒就係投訴比亞媽知，結果就係我比亞媽再打多一次，由於係咁，所以我唔鐘意佢地，我會唔講野，唔表達自己。
另外，細細個我已經思想人生的問題，因為我幼稚園同小學都係基督教的學校，我自小就認識神，又知道有天堂到地獄，但因為自己覺得自己唔好，又唔知有咩方法可以上天堂，所以我實估我自己係落地獄，又可能我睇電視太多，攪到我成日都會估自己究竟落第幾層呢，所以夜晚訓覺的時候，我心裡沒有平安，我會好驚我訓著之後會唔會起唔到身呢，究竟人死後會點架啦，好驚好驚。
但係係中學的時候，我的miss邀請我返聚會，係果次的聚會中，我最記得係有恒哥哥講信息，佢講到主有幾愛我的時候，我心裡不禁流下眼淚，原來當冇人愛我的時候，主就黎愛我，當我覺得自己好差的時候，主竟然接納我、赦免我的罪。那一刻當我決定信主後，彷彿得到重新同再有一次機會去做人。
之後，我對屋企人的態度開始轉變，而家學會包容、學會幫佢地。當想發脾氣的時候，我學會了祈禱，當想罵人的時候，我心裡好似有聲音提醒我唔好呀，我求主使我唔講粗口，好真呀，信主之後，1句都冇講呀。
我對自己人生的結局好有信心，就係我會上天堂呀，所以我訓覺的時候，心裡不用再懼怕，也為主出外傳福音，曾經去過台灣同星、馬傳福音，那是好難忘的經歷。當我回想的時候，如果我唔係信了主，我想我不知會活到幾時，因為可能會自殺死了。好寶貴主在為我預備的救恩。也好寶貴主使我人生得著豐盛的生命。
-----------------------------------------------------------------------------------------------------------------------
星期日的下午，我們去了朱記打籃球，因為下星期日我地大牛學生會打比賽，下午去到的時候，其實我覺得好晒，d弟兄又霸住晒，所以冇打到，惠儀仔又不停叫去跑步喎，咁我地咪去運動場跑步，我跑左400米x2圈，跑到我喘晒氣一樣，不過我都想做下運動。
之後就係一連串的打籃球同打排球，仲知打到你死一樣呀，但因為大家都係玩玩下，下星期日的比賽都唔知點呀，成日都話訓練同練習，但係最後都係冇做到架，見到人地家族d人咁強，都有d驚呀。
>>March 22, 2004 at 8:56:19 AM GMT+8
2004 年 3 月 17 日 星期三 【晴】
尋日約埋個friend去打羽毛球，因為我又想繼上次跑步之後做下運動，另外就係我想係敏萍姐前能夠瘦d啦，影相都好睇d呀嘛，所以今次去打羽毛球，但唔知係咪太耐冇做運動，打左半小時就冇氣啦，跟住的時間，好似捱過去咁，眼見人地打到"啪""啪"聲，自己連開波都冇力呀，真係有點水皮。
打一小時的羽毛球，其實只不過係小小的運動，睇黎我有排先可以成功啦。
>>March 18, 2004 at 2:48:22 AM GMT+8
2004 年 3 月 16 日 星期二 【晴】
春天的天氣，仲令人生厭，懶洋洋的心情，仲令人提不起勁。對我也是一樣，彷彿在找理由准許自己偷懶一下。
今日確是沒有太多的工作，因為今日亞姐去了廣州開會，電話彷彿也跟隨她走後而少了。自己的工作，有很多其實是她安排的，也隨著她的旅途而減少了。這正正是一個舒暢心身的好日子，工作量少，有工作也不願意去做，電話每次響起，仲令人生氣，不同的聲音，代表不同人的需要，但其實我也不能滿足她們每個的要求，惟有無奈地收線，也希望她不要再致電給我。
春天的日子，有時熱有時冷，今天穿了短袖衫的我，有時要加上風褸，有時做得起勁，又要除下，有點兒覺得自己都好麻煩，想到聖經中有句﹕
1:10 又說、『主阿、你起初立了地的根基、天也是你手所造的．
1:11 天地都要滅沒、你卻要長存．天地都要像衣服漸漸舊了．
1:12 你要將天地捲起來、像一件外衣、天地就都改變了．惟有你永不改變、你的年數沒有窮盡。』
另外，全日坐係電腦前的我，惟有不停將日記更新，連顏色都不例外，希望能予別人一種清新的感覺。也希望藉此打發我一點點的時間。
今日仲算可以早d回家，希望可以同主傾下計，問下主點解要有春天，莫非就係因為使我有理由去偷懶嗎?
>>March 17, 2004 at 10:28:53 AM GMT+8
2004 年 3 月 16 日 星期二 【晴】
> 尋晚我沒有去到祈禱會，因為亞姐今日要返廣州開會，D文件又未預備好，亞姐仲要係7:00的時候比份通告我要我打，她真係唔知時間的，再加上我星期一開完會及幾日的辛苦，我真係好想早D休息，所以我選擇我回家休息啦。
但當我早的時候，其實已經差不多8:00幾，冇食過野落肚，返到藍田的時候，先覺得胃好似有D唔舒服，那一刻我選擇即刻去食D野落去，但其實已經遺時已晚，胃已經發出它的抗議，當大妹姐打比我的時候，其實我已經極度辛苦了，惟有捱住回家，回到家之後，我已經頂不住它的呼叫，最後惟有狠狠地將胃裡的食物全部嘔了出來，那一刻的感覺是極度辛苦，又覺得自己極度浪費，彷彿好似將整個飯全部由胃裡抽出來一樣，那種滋味彷彿在折磨同我的身體。
嘔完之後，胃部是舒服了不少，但感受到內部器官彷彿經過此一役後，十分勞損，全晚全部都起來作抗議一樣，因為我恩代了胃，使它起的革命成功。好似想我冇好日子過一樣。
今朝起身的時候十分辛苦，但今日唔可以請假，因為今日亞姐去廣州，但我都可以係公司休息下啦。
下次都係唔好咁夜去食飯啦。........................
>>March 17, 2004 at 2:29:58 AM GMT+8
2004 年 3 月 15 日 星期一 【晴】
○○○○○○○○○○ 尋日我雖然仍然都係好眼訓，但因為尋日要去開會，所以冇得休息下，尋日我地4:30就出去啦，地點﹕尖沙咀美麗華酒店，時間係由4:00去到10:00呀，真係叫救命呀。我地今次係第一次攪同30個商會d阿頭一齊食飯，有點兒緊張，因為唔係好識得佢地同埋個個都係老闆，就係最麻煩的人。
不過好彩係一切都順利，尤其是係個powerpoint，因為去到set的時候唔係好得，跟住開預備會議時又要改喎，又要加野，不過最後present的時候都算好架啦。尋晚因為要攪好多野，我只可以嗅到食物的香味，而沒有得吃，望住人地食野的時候，而自己有得食又沒法食的那情景，真係不是味兒。最後同亞姐當d人走晒的時候，先坐係度食番d野，但因為d野凍晒，都不是太好味了。還有好心地的侍應們為我們留下來的生果作陪，都算係咁架，每位335的價錢對於我地來說真是太貴了。
最後我同亞姐都有個結論，就係搵著我地黎攪呀，每個月一次圓桌會議，3個月一次大型論壇(好似城巿論壇咁喎)，叫d傳媒黎喎，做死人咩。都唔理會我地d感愛架。我同亞姐都係政治冷感的人。對於政治沒有什麼期望也不熱忱於政治，而家要加緊溫習呀。
當我地離開酒店的時候已經太約10:30啦，都係打的回家，快速地沖涼吹頭訓覺啦。zzzzzzzz○○○○○○○○○○
>>March 16, 2004 at 3:17:32 AM GMT+8
2004 年 3 月 14 日 星期日 【晴】
超眼訓的兩天zzzzzzzz
星期六的起身的時候，其實覺得自己好好好好眼訓，唔知點解好似冇訓過覺一樣，但係前一日已經好早去訓架啦喎，攪到我星期六返到公司實在太眼訓啦，全日都冇做過野，好想訓，連亞姐都知道，佢竟然問我有冇返過屋企訓覺喎。哈哈.......乜我似唔返屋企架咩。
下午去到聚會的時候，其實都好疲倦都係見到d妹妹的時候，又突然有精神喎，其實都好感恩架啦，因為冇釣魚啦，又可以同佢地有傾計啦，唔洗好似呆若木雞咁。
完聚會後，因為卓榆要走啦，再加上我約左舊同事去慶祝coco生日，所以我就同左卓榆一齊走啦。彷彿好似冇乜見到b/s咁，又冇乜傾過計，連月香我都係夜晚食飯的時候打比佢先同佢傾多幾句咋。
食完飯之後，因為要等janice過黎比佢地d結婚相我地睇，所以又要轉地方等佢地，又要等又要睇又要吹下水，就係咁樣差不多成11:30先人。回到家又差不多成12:30，跟住沖涼吹頭，訓覺的時候差不多1:00啦。嘩....真係辛苦都死呀。
星期日我地姊妹約去九龍仔公園度親近主同玩遊戲，但因為我要去掃墓，原本諗住遲d去架，但因為太眼訓啦，最後都係冇去到。
因為我地d親戚約左7:00係藍田等喎，我阿媽係6:50叫我地起身，咁輪住去廁所，輪到我的時候已經6:55啦，阿媽竟然話要出門口啦，我話我都未換衫，佢又叫我快d啦，到齊晒啦，我換完衫，阿媽就話要關燈啦，我話下...我袋都未執喎。最後攪到我只不過用5分鐘的時候起身換衫同出門口呀。都算快架啦。
上到去都差不多8:00啦，佢地攪完一輪之後，回程去公公屋企食飯喎，但那一刻的時候只不過大約11:00啦，咁早食飯都未試過呀，仲好似食晚飯咁喎，又魚又菜....嚇死人呀，但係我地果個都好眼訓，d表弟妹果個都係度訓覺，真係辛苦到死咁呀。
食完飯回到家差不多1:00，打比月香的時候，佢先話去樂富食野，那一刻我真係好想訓，但係我諗我都ok掛，跟住我竟然訓著覺喎，但大妹姐打比我的時候，我就同佢講我頂唔順啦，好想訓下覺，好彩大妹姐都話好啦，如果唔係我出到黎都只不行屍走肉的一個人吧。
當我再一次要起身的時候，已經差不多3:30啦，其實我好想繼續訓，但約了惠玲同亞佩去旺角買野比亞爸亞媽，因為亞佩又飛過去探佢地啦，所以我幫佢地買d野啦，因為我太眼訓啦，攪到我都冇乜點講野。最後都算好快地買左dBB衫同牛仔褲比佢帶走。
回到家我冇沖過涼就去訓啦，因為1. 我等家姐有排等，2. 我實實在在的太眼訓啦。
唔好同人講我冇沖涼就去訓呀.........................
>>March 15, 2004 at 5:09:10 AM GMT+8
2004 年 3 月 11 日 星期四 【晴】
小組去打波
尋日的小組，是有史以來的第一次，只係去做運動咋，因為平時就算話去做運動，到頭來都係安靜下同傾下計就算，但今次就好唔同啦，1.可能有弟兄打波啦(因為好似好耐都係禱告同相交先一齊，平時都係分開的)2.因為余弟兄講過要有好身體去事奉主呀嘛。所以今次我地就決定去做運動啦。
去到朱記的時候，已經見到班弟兄係度打波啦，咁我地傾左一陣，班姊妹就去做熱身運動，然後一齊跑步，但我地做運動足足做左20分鐘，真係好熱身的熱身。因為大妹姐又不停講野喎，然後我地又不停傾喎，跟住又講其他野喎，然後先開始跑。我地跑左大約有4-5個圈架，足球場咁大的範圍喎，因為太耐冇做過運動啦，攪到我跑到死下死下咁。
跟住大妹姐又話想打波喎，咁我地就去打籃球啦，果時亞晶就到啦，佢又話打喎，但最大的問題係佢著住對高踭鞋呀，打都不是問題，但最大大的問題係佢踩人的時候，會好痛架，點解我知，因為佢踩過我呀，痛到我呀。d指甲又長喎，又披頭散髮喎，d弟兄見到佢都走呀。
打完波之後，亞sir換完衫見到班警察喎，佢就話死啦今次，點解。因為佢掛住打波冇入咪錶錢，就係咁佢又唔見320啦，我地惟有去大排當陪佢食飯啦。架車泊正係隔離呀，唔驚炒牌啦。之後亞sir負責車姊妹回家，我係第一個返到屋企的，但那一刻的時間都已經11:00啦。今次都算最夜的小組了。
>>March 12, 2004 at 4:24:05 AM GMT+8
|
|
|
|
廣告 |
|
|
讀者留言 |
| 路人留言
|
 I really underst
>>July 3, 2006 at 3:58:55 AM GMT+8
如果俾我都會揀長短週架!
<br
>>March 17, 2006 at 10:29:50 AM GMT+8
好開心知道你訓得好左, 因為我都
>>March 12, 2006 at 12:48:14 PM GMT+8
你又唔早d話我知,我近排又係夜晚
>>March 8, 2006 at 2:09:44 PM GMT+8
你近排好似好奈冇打日記喎! 我得
>>February 21, 2006 at 9:11:37 AM GMT+8
咁....
<br>唔換到換左.
>>November 10, 2005 at 1:04:28 AM GMT+8
百利恆井水，如血之寶．
<br>
>>October 7, 2005 at 10:33:22 AM GMT+8
I will always su
>>September 6, 2005 at 11:57:22 PM GMT+8
唔好咁唔開心啦!主了解你一切的感
>>August 29, 2005 at 3:50:31 PM GMT+8
我係一個7月1日被遺棄嘅小朋友!
>>July 4, 2005 at 7:52:19 AM GMT+8
我係騙局嘅受害者!
>>June 15, 2005 at 10:17:21 AM GMT+8
點解你成日發埋d咁嘅夢架!
<b
>>May 18, 2005 at 9:30:41 AM GMT+8
女主角,幾時幫我地簽個名呀?
>>May 1, 2005 at 3:33:58 PM GMT+8
我地會為你祈禱架喇!願主將平安賜
>>March 26, 2005 at 1:15:22 PM GMT+8
放心啦, 我地會代禱記念你架啦!
>>March 24, 2005 at 7:07:39 AM GMT+8
依家輪番我問你有沒有工可以俾我做
>>March 24, 2005 at 2:18:55 AM GMT+8
RE大佬同ssf﹕唔好係度玩野喎
>>March 9, 2005 at 2:38:53 PM GMT+8
Re: 十大殺手，我唔知你係邊個
>>March 9, 2005 at 9:52:09 AM GMT+8
ssf 你究竟係邊過,竟然夠膽咁
>>March 9, 2005 at 7:49:48 AM GMT+8
答嘴：宇宙大佬，我份工要受好多氣
>>March 8, 2005 at 11:29:21 AM GMT+8
我提意你不如做ssf 果份工啦!
>>March 8, 2005 at 7:57:49 AM GMT+8
實在恭喜妳可以辭職，我都好想好想
>>March 7, 2005 at 10:57:06 AM GMT+8
睇黎個亞姐都唔會做得長囉!
>>March 1, 2005 at 7:40:04 AM GMT+8
唔關我事架...
<br>係大妹
>>February 22, 2005 at 2:41:42 PM GMT+8
睇佢真係唔似傻仔喎!
<br>仲
>>February 22, 2005 at 5:41:54 AM GMT+8
大妹姐會為錢殺人?
<br>我好
>>February 18, 2005 at 8:07:06 AM GMT+8
我點知?
<br>我識得佢吖麻!
>>February 17, 2005 at 7:50:28 AM GMT+8
喂，你唔好用"撇低大妹姐"呢幾個
>>February 15, 2005 at 7:26:15 AM GMT+8
我果日係馬鞍山親近主喎!
<br
>>February 15, 2005 at 3:43:55 AM GMT+8
re大佬﹕你又知係周星星架咩，唔
>>February 9, 2005 at 9:40:18 AM GMT+8
re大佬﹕如果你出我地星期日的馬
>>February 9, 2005 at 9:39:02 AM GMT+8
新年快樂!
<br>你好似今件未
>>February 9, 2005 at 6:04:41 AM GMT+8
"愛你一萬年"係周星星係西遊記大
>>February 9, 2005 at 6:00:17 AM GMT+8
嘩!你解啟示錄都幾清楚架喎!
<
>>January 26, 2005 at 6:25:20 AM GMT+8
多謝晒﹗好感動呀﹗係呢個咁寒冷既
>>January 15, 2005 at 11:39:46 AM GMT+8
re小公主﹕張相梗係冇問題啦，等
>>January 12, 2005 at 1:25:12 PM GMT+8
re汽球﹕咁你多d留言啦..
>>January 12, 2005 at 1:23:44 PM GMT+8
re SSF:我已經預備
>>January 12, 2005 at 1:22:26 PM GMT+8
我好LIKE你個留言板LO...
>>January 9, 2005 at 11:07:04 AM GMT+8
我想要既保濕潤唇膏都唔使你送嘞，
>>January 4, 2005 at 3:53:31 AM GMT+8
依家唔洗你送個坐枱
>>January 3, 2005 at 6:25:17 AM GMT+8
我已經幫大妹姐扲咗
>>December 31, 2004 at 8:00:07 AM GMT+8
我已經幫大妹姐扲咗
>>December 31, 2004 at 7:54:23 AM GMT+8
哈.... 地點都係寫下既o者.
>>December 28, 2004 at 11:40:13 AM GMT+8
RE宇宙大佬﹕
<br>你要的禮
>>December 21, 2004 at 1:36:38 PM GMT+8
係唔係寫低就有禮物收架?
<br
>>December 21, 2004 at 1:00:53 PM GMT+8
RE SSF﹕
<br>你要保濕
>>December 21, 2004 at 12:17:37 PM GMT+8
re SSF大仔K仔﹕
<br>
>>December 21, 2004 at 12:15:11 PM GMT+8
re小公主﹕
<br>你的禮物冇
>>December 21, 2004 at 12:11:56 PM GMT+8
我唔貪心的啦,我想要朱古力就得啦
>>December 21, 2004 at 8:51:52 AM GMT+8
|
|
兩日返工都遲到今日又病病地
唔記得
