|
2004 年 4 月 14 日 星期三 【晴】
Story of 57 Cents
這是一篇被翻譯了的真實故事，是從一位澳洲牧者的心聲分享中得知道的，很
多人都被這故事深深觸動著。故事的主題是：神可以怎樣使用五毫七分
一個正在啼哭的小女孩站在一所非常狹小的教會門外。因為教會的人多，她被
擠了出來。教會的牧師遇上了她，聽她帶淚的傾訢，說：「我今天沒有主日學
課了！」牧師看看她，是如斯衣衫襤褸，儀容也不甚整潔，心中大概了解箇中
原因。便拖著她的手，領她進入主日學的課室，很不容易才為她找一個座位。
當天晚上，這小女孩在床上回想自己能上主日學課經歷，心中充滿感恩，同
時，她也記念許多和自己相近的小孩，因為教會狹小，便沒有機會認識和敬拜
主耶穌。
大概兩年後，這小女孩在她所居住的貧民區寓所內逝世。她的家人便邀請了那
位慈心的牧者來為她處理身後之事；因為這位牧師巳成為她生前的摯友。
當他們正要把小女孩的身軀搬出去的時侯，一個大概是從垃圾堆拾回來小錢包
跌了下來。錢包是又舊又破的，內中有一張字條，寫的明顯是小孩子的筆跡；
內容也表露著一個孩童純真的希冀──它說：「這是獻給神，要把我們小小的
教會建得大一點，讓更多的小孩子能上主日學！」錢包內還有五毫七分
〈57cents〉。原來在過去兩年裡，這小女孩正為神和祂的教會積蓄金錢。
這位牧師讀了那小女孩的字條，眼淚是不能抑止地掉了下來。當主日崇拜時，
牧師把小女孩的字條和那又殘又舊的紅色小錢包放在講壇上；然後，便把小女
孩對神，對教會和對別人無私的愛宣讀了出來。牧師鼓勵教會的執事和會眾，
要同心努力，完成這子女孩的遺願。
峰迴路轉，這小女孩的故事被一份報章知道了，並且把它刊登出來。接著，一
位地產商在報上閱讀了這小女孩的意願，深被感動，便把一塊價值不菲的地段
賣給那小小的教會、售價呢是五毫七分〈57cents〉！
五年內，那教會的肢體同心捐獻，並且因那小女孩感人的事蹟，各地也有獻金
寄來，絡繹不絕。這小女孩的五毫七分〈57cents〉，也很快地就累積達廿五萬
元，這是當時〈本世紀初〉一筆非常龐大的款項。
今天，你若到了美國的費城，望一望那所偌大的浸信聖殿教會〈Temple Baptist
church〉，它的禮堂能容納三千三百人；還有那所聖殿大學〈Temple
University〉，及那間好撒瑪利亞人醫院〈Good Samaritan Hospital〉和一幢主日學
大樓；你就曉得那小女孩的心願巳成真了──再沒有小孩子會因為教會狹小而
失去上主日學和敬拜主耶穌的機會了。在這主日學大樓內，你也可以看見一幅
畫照，正呈示著那小女孩歡悅的笑容，她的五毫七分〈57cents〉和那純真的奉
獻，巳寫下一段傳奇的歷史。與這小女孩的畫照並列的，還有那位慈心的牧者
的畫像，他們都在那裡見證神在人對祂的愛慕上所添上豐滿的祝福。
今日同樣，在你我心裡，有否明白同知道神家的需要呢?
你願意做一個同神心願配合的人嗎?
你願意獻上你所有的嗎?
>>April 16, 2004 at 8:57:07 AM GMT+8
2004 年 4 月 13 日 星期二 【晴】
我返到黎啦
lee幾日的行程好緊張又緊迫呀，因為晚晚成1:00先返房訓，跟住一早又要6:30起身，因為我同亞姐好似半個領隊一樣，但旅行社果邊都有領隊同導遊帶領，再加上政府果邊又派人跟車同安排車輛係前邊開路，所以工作人員每架車都有4個人，2架大旅遊巴，所以每次出車都吸引好多人睇住我地，因為果邊d地方比較落後。
而我地3個工作人員，真係好辛苦，一方面要安排d老闆飲食、房間安排，又要睇住佢地d家屬，而旅行社果邊就負責同政府聯絡。我負責一架車，而亞姐同另一會長秘書就負責老闆車，我架車大部份係d家屬，所以比較輕鬆d。
當每晚返到酒店，我地安頓d老闆之後，就去coffee shop開會，安排第2日之活動，例如家屬觀光地方呀、食飯地點、食咩野啦(因為第1日，旅行社安排左d團體食的飯菜比我d老闆，所以第1日即刻比人炳)。
當我地安排好後就要去問會長意見，仲知就好麻煩啦，因為全部唔係自己話事，咩都要問，又趕喎d時間，行程又日日轉喎，又要按d老闆口味而改變，好似食飯咁呀，一時又話唔好跟餐食，又要另外叫，一時又話要食地道野食，一時又話去好d地方食，一時又話咁，一時又話咁喎。攪到我地好麻煩。
>>April 14, 2004 at 5:03:44 AM GMT+8
2004 年 4 月 7 日 星期三 【晴】
簡單地列出我的行程啦.............好忙架.............非一般的旅行團
2004河南省考察團
日期﹕2004年4月9日至13日 (五日四夜)
行程表
4月9日(星期五)
上午 9:30 香港機場中國南方航空公司櫃檯(J區)集合
上午10:45 於機場美心酒樓茶聚 (行程簡介會，留位 YIC GROUP)
中午12:30 乘坐CZ3074南方航空航機飛往鄭州 (機上午餐)
下午 2:50 抵達鄭州市機場
下午 參觀軒轅故里、遊覽黃河遊覽區
晚上 7:00 晚餐及辦理酒店入住手續
晚上 住宿五星級建國酒店
4月10日(星期六)
早上7:15 早餐於酒店內
上午8:00 前往登封嵩山少林寺 (由寺方丈安排活動及午餐)
下午 離開登封，返回鄭州
下午5:00 與河南省領導會見 【家屬安排於巿中心觀光及購物】
晚上6:30 省領導宴請本團
晚上 住宿五星級建國酒店
4月11日(星期日)
早上 7:30 早餐於酒店內
早上 8:30 前往洛陽
上午 參觀龍門石窟
下午12:30 於洛陽市內午餐 (洛陽市政府宴請本團)
下午 觀賞牡丹花
下午 4:30 返回鄭州
晚上 6:30 出席洽談會招待酒會暨晚宴 【家屬另安排晚餐】
晚上 住宿五星級建國酒店
4月12日(星期一)
早上 早餐於酒店內
上午10:00 參加河南國際投資貿易洽談會 【家屬安排觀光】
中午12:00 於市內午餐 (旅行社安排)
下午 參觀河南博物院
晚上 6:00 於市內晚餐 (旅行社安排)
晚上 8:00 文藝晚會
晚上 住宿五星級建國酒店
4月13日(星期二)
早上 6:15 早餐於酒店內
早上 7:15 乘車前往鄭州機場
上午 9:00 乘坐CZ3073南方航空航機返回香港
上午11:30 抵達香港機場 【行程結束】
>>April 8, 2004 at 9:43:33 AM GMT+8
2004 年 4 月 7 日 星期三 【陰】
記得為我祈禱呀
各位親愛的姊妹，我親而家冇咩野做，寫下我的需要，希望各位能幫我祈禱啦。....因為我明天就會跟團去河南啦，要13/4先返呀，(如果安全的話)，在此小女子多謝各位觀看本人日記。
祈禱內容如下﹕
求主祝福我能安全及平安去同返，因為旅行社果邊未覆實d機位，可能要係廣州轉機呀
求主使我凡事順利，因為我已經覺得唔多順利
求主使我口齒伶俐，因為要講國語同英文
求主使我在眾人眼前能蒙恩惠，因為全部都係老闆
求主保守我靈魂同身體，因為果邊溫差大呀，夜晚得6度咋........
總括啦﹕希望一切順利同平安啦，因為我尋日真係好多突發事發生呀，話說尋日不斷有人打黎話要改返香港的日期，機票那邊唔等人架嘛，話出就出架啦，d老闆又孤寒都死喎，少少錢都唔肯比，死都話要waived左佢，我真講﹕你係咪低能架，咩都唔洗錢。跟住一單接一單的改資料改行桯，好似一間旅行社咁，不斷有人打黎問野，煩到嘔呀。
跟住我比左本小冊子比會長睇喎，佢係6:15打比黎，其中有一個人的資料有問題，係好嚴重架，因為如果比高官見到，佢係叫犯法架，有罪架，叫我地想辦法攪番好佢喎，我即刻打比耀民啦，因為本野係佢幫我印的，好感恩呀，1佢未走，因為佢果客遲到咋，如果唔係佢一早走左啦，2.佢間公司肯幫我印過，不過要今日7:00先收到，都好過冇啦。3.我今晚又係好夜先有得走。真係好感恩啦。所以尋晚我同亞姐一齊係度起釘，都排位，不停做，不停叫辛苦呀，因為冇那那好多其他問題出現呀。我真係好驚去到會再有其他問題彈出黎呀。
另外，在此，我也祝各位去camp的b/s
1.求主使你們彼此相熟
2. 求主使你們多了解身邊b/s
3. 求主保守天氣
4. 求主使一切順利
5. 求主使你地無論相交、玩的時候都有好氣氛
6. 求主使你們每個好好親近主同享受主
7. 玩得開心、住得舒心、食得放心、用錢用得小心、彼此顯出愛心同關心
如果我平安番黎的話，我應該會係13/4見大家架啦，到時見。
>>April 8, 2004 at 5:24:58 AM GMT+8
2004 年 4 月 5 日 星期一 【晴】
究竟去了石澳沙灘、貝澳還是大浪灣西呀
尋日去了石澳沙灘親近主同埋玩，原本諗住人數唔會好多，但因8獸弟兄出晒，姊妹兩團夾埋都出左9個，咁都算OK啦。
以下係攪笑的情景﹕
1. 大妹姐
大妹姐好攪笑架，佢其實好早就出左門口，但因為佢搭地鐵搭錯左，去到則魚涌又搭返去油塘，跟住又攪笑咁打電話黎，問究竟點搭喎，都唔知點攪架，我叫佢搭去則涌轉呀，佢又話冇架，只有去北角咋，咁我話係呀，但你去到則魚涌要轉架啦，因為我地約係筲箕灣等喎，佢又話咁不如係北角轉啦，我都冇野好講啦。就係咁，大妹姐足足遲左半個鐘先到，連阿SIR都問，究竟大妹姐係邊度黎呀，荃灣都黎到啦。
2. 陳雅婷
雅婷一上車因為冇位坐，所以佢坐係倒頭位，但一坐上去就話頭暈同想嘔，我地又好衰咁用這做話題不停講，叫佢嘔都唔好出聲，嘔完先好講野，嚇死隔離個阿伯，佢連個扶手都要拉高，好似等雅婷真係嘔的時候，可以即刻走人。另外，雅婷又成日話自己好似去過石澳，不停問係咪上次燒野食去過，我地話唔係，跟住又問係咪亞龍捉蝦果度，我地又話唔係，跟住又問係咪上次打波果度，我地都話唔係，最後佢得出個結論就係佢冇黎過。跟住又不停問石澳點解要叫石澳，沙灘點解通常要有個澳字，我都都唔知點答佢好。最後佢話石澳似貝澳，又話石澳係大浪灣西，好似傻左咁。攪到我地幾好笑呀。
3. david
david佢自己買左一包排包同2個紅豆包，但佢冇同人講過，當係地鐵站等緊的時候，d弟兄去買野食回來食緊的時候，佢先同人講佢有買排包喎。攪到d弟兄圍奇視佢，跟住佢地班弟兄上山去親近主，上到去的時候，david又拎出個紅豆包出黎食喎，幾攪笑呀。最攪笑係佢11:00食左個，1:00食一個，2:30我地食飯的時候，佢又話好肚餓喎，攪到班弟兄都話自己好細食架咋，細食到冇得同david比呀。但我地已經叫左8碟炒粉麵飯，佢地都話唔夠飽。
4. 8獸戰隊
8獸戰隊對壘進行比賽，好似攬球咁，2隊人攬住個波去人地地區放下就叫嬴，但係最攪笑係david，佢戰冇不勝，因為冇人夠佢勁呀。而小志強就出泰拳，嬴晒d人，但阿sir就最攪笑，佢話依d太粗魯啦，唔啱佢喎。佢走的時候，又問人去打波又問人去食飯，但最後佢話﹕我返屋企啦，d弟兄話佢係咁架，佢問人去唔去咋嘛，佢冇講過佢自己會去喎。
5. 親近主
親近主我同佢地睇主醫治瞎子，我叫佢地代入其中，而雅婷同倩盈就做瞎子，而倩惠就係眾人，而碧茹就係主耶穌，最攪笑係當雅婷叫主耶穌的時候，佢用了好嗲的聲音叫﹕主呀，求你醫治我啦。碧茹話你咁細聲點聽到呀。而倩惠就係眾人，佢話主耶穌咁有能力，非閒雜人等，不得接近主耶穌。
6. 遊戲
其實玩得2個遊戲﹕數字球同閃避球，但次次都係話5局3勝，玩左好耐都係2比1，而數字球的對象係歐陽家的2姊弟，因為"書"左要比300蚊，次次都叫倩惠同俊希，跟住班弟兄就話你可以比現金或者look card都得架，再唔係可以比支票架，都幾攪笑。
7. 回到家想死一樣呀
因為我地大約5:30先走人，我送完倩盈搭車，跟住我自己返屋企差不多8:00啦，沖完涼後就即刻想訓呀，因為太疲倦啦，我大約10:00就訓著了。
>>April 6, 2004 at 3:17:39 AM GMT+8
2004 年 4 月 1 日 星期四 【晴】
一句問候、一句表達
故事一則﹕
有一對衣衫襤褸的母子到了一處幫人拍紀念照的地方。
小男孩說：「我想拍一張照片。」
母親說：「不要啦！你穿的這麼破。」
小男孩說：「媽媽，我還是會微笑的。」
默想：
身處現代忙碌紛擾的都會生活之中，我們常會因此而繃緊心緒，習慣性的隱藏在我們心裡的喜怒哀樂。
微笑，不再是發自內心的真實喜悅，甚至，不再輕易展露笑容。
日子因為缺少了微笑的潤澤，因而顯得枯燥貧乏。
想想小男孩的微笑，只要我們也懂得微笑的妙用，就會發現其實身邊是可親的美麗世界。
西洋有句俗諺說：「你笑，世界也跟著你在笑。」世界也在笑，這是多美的一件事。
近期發覺現今社會確是冷酷的社會，有日乘車的時候，望見有一老婦不小心跌倒，路人不單止沒有上前扶助她，反而繞過她而行，可想而知，社會的無情，也趨迫人越來越冷漠，同情心可算是難能可貴之物，愛心更是奢侈品。
但有否回想係神家當中都會有這情況呢?
當有新朋友係你身邊的時候，你有否用愛心去接待她/他?
當有剛剛信主的弟兄姊妹，你有否熱情去介紹比其他認識呢?
當有弟兄姊妹路過你身邊的時候，你有否願意停下來與她/他問候或者微笑?
當有弟兄姊妹有艱難的時候，你有否願意與她/他一齊去禱告呢?
是否社會的冷漠影響教會?還是應該用教會的愛心去影響社會呢?
不要吝惜自己一點點的表達，無論一句問候，一個微笑，一句稱讚，神不是要一個事奉型的人，而是要一個有愛心、能散發基督香氣的人。
要叫他們的心得安慰、因愛心互相聯絡、以致豐豐足足在悟性中有充足的信心、使他們真知 神的奧祕、就是基督．
又因他們所作的工、用愛心格外尊重他們．你們也要彼此和睦。
並且我主的恩是格外豐盛、使我在基督耶穌裏有信心和愛心。
不可叫人小看你年輕．總要在言語、行為、愛心、信心、清潔上．都作信徒的榜樣。
但你這屬 神的人、要逃避這些事、追求公義、敬虔、信心、愛心、忍耐、溫柔。
兄弟阿、我為你的愛心、大有快樂、大得安慰．因眾聖徒的心從你得了暢快。
又要彼此相顧、激發愛心、勉勵行善。
我們因為愛弟兄、就曉得是已經出死入生了。沒有愛心的、仍住在死中。
>>April 2, 2004 at 7:14:00 AM GMT+8
2004 年 4 月 1 日 星期四 【晴】
尋日我地分團小姐，大妹姐就去同妍妍慶祝生日，而我地團就係大牛相交，其實諗住仲有禱告呀，但我地完結小組的時間已經係10:10啦，係最遲完的一次啦，但又係最開心的一次。
尋日開始的時間其實已經遲架啦，大約8:00，因為師姐前日買左個蛋糕比妍妍，但佢因為冇出小組同埋尋日冇去攞，所以我地尋日有蛋糕食，順便我地話幫師姐慶祝埋佢生日，可以慳返。哈哈，大妹姐仲攪笑話個蛋糕可以留返星期六先食喎，嚇死我呀，仲要留多3日先食喎，唔變就怪啦。最後我地團食左妍妍的生日蛋糕，真奇怪呀，所以我地叫打比妍妍係電話度叫佢唱生日歌比我地聽同埋叫佢許願，我地應該買部3G電話比大家可以睇到樣。
我地小組的時間雖然係最長，但係最開心，因為大家都可以好舒暢地相交，大家講返自己的體會同難處，尤其是麗香的相交，好放係我心，因為佢話其實佢好渴慕黎小組，所以佢地趕咁黎，同埋佢好想好想相交就係，其實神家應該係好溫暖同好歡喜見到大家。有時當自己唔鐘意就係唔鐘意，唔鐘意的時候就要出聲去講。有時自己都會，唔鐘意的時候，都會覺得是但啦，都其實咁樣係唔正常的，如果有意見就要提出，提出就要商量同採用。
經過尋日的相交後，我覺得心裡舒服好多，因為有時自己都會發"盧蘇"，但又唔會同人講，尋日同大家講完之後心裡好舒服，真係要早D同大家講下先。
我地走的時候其實已經係全大牛最遲的3丁人了，因為師姐早走，雖然尋日沒有時間祈禱，但我心覺得好開心。
>>April 2, 2004 at 1:58:35 AM GMT+8
2004 年 3 月 31 日 星期三 【晴】
大家唔好誤會呀，我係祝各位愚人節快樂，同埋妍妍生日快樂咋......你地記得去祝佢生日快樂呀。
我尋日係超忙碌呀，話說尋日我地攪左個記者招待會，不單止，仲要係同晚攪左個論壇，2樣加埋一齊做，係超辛苦的。亞姐早上已去了開會，而我就係下午2:00走，跟住去到酒店做set-up啦，點知果間死人公關公司呀，收就收得貴過人，但係服務態度就惡過人呀，咩野都要自己理喎，都唔知請佢地做乜架，坐counter個男仔又鈍到死喎，攪到d記者都發脾氣咁濟呀，我同亞姐就冇理佢地呀，坐係台上的人又比佢地攪到亂晒喎，成日問我點解咁多人喎，我都唔知點答佢呀，人又係佢地叫上去坐，又問番我轉頭點解叫咁多人上去喎，我咪答佢我點知呀。
攪完個記招之後，我同亞姐即刻去了買錄音機，因為係公司的那部實在太古老了，而係論壇度我地要錄音比報社做記錄，但我地行暈尖沙咀區酒店附近都找不到，因為我地找不到百老匯到豐澤的分店，而時間又好趕，我地最後去了一間擺明好貴的影音器材鋪頭買，買完又那那林返酒店，返到去又要幫人set-up powepoint，但主講者的那部機唔知點解read唔到喎，攪到起初得個講字，好感恩就係後來的禱告後便ok啦，即刻果果有返精神聽到睇，最後結束的時間足足遲了1個鐘，大約要10:00先完，我返到屋企都差不多10:45，同敏萍姐傾完，同慧英傾完電話之後去沖涼，攪lee攪路之後訓覺都差不多12:00lu...........攰到死呀我...............
在此我謹代表本團仝人恭祝妍妍﹕
生日快樂(我比多2日你啦，唔單止生日果日快樂，而係3日快樂)
快高長大(唔洗買150，咁就唔會同大妹姐撞衫啦)
聽妍爹同亞娘話(咁就可以同我地去多d camp同行夜山啦)
心靈日日經歷主(咁就唔會受仇敵咁多詭詐)
籃球技術越來越高超(咁我地就可以對付青苗啦)
那妍妍唔話得啦掛，係我日記板度買晒廣告咁濟呀，唔好追我份禮物啦，送晒我D祝福比你啦。............哈哈............
>>April 1, 2004 at 4:23:51 AM GMT+8
2004 年 3 月 29 日 星期一 【晴】
我冇得去camp呀...................唔開心呀......
尋日又一係一個月一次的例會，但我的2隻腳都未痛完呀，辛苦到我呀，真係好似機械人咁行路呀，當我地2:30諗完影印完d文件就ok啦，點知部影印機話冇炭粉喎，但我開頭問過sales佢話可以捱到1-2日架嘛，咁諗住都ok啦，點知原來係捱唔到架，1日都捱唔到呀，仲要停左係度唔郁喎，咁我同亞姐原本諗住去隔離d老闆公司影啦，但亞姐又厭麻煩到人喎，咁就去樓下影啦，點知就係咁就出事啦。
因為原來樓下的文具鋪那部影印機係超慢，我地有18頁，印23份，影到影成半個小時，但我地已經係3:10比佢，佢可以影到3:50先影完，慢到呀.....但問題係我地的會議係4:00開始，當印完之後我地即刻飛上的士，司機話要大約20分鐘先到喎，我地就係的士內分文件啦，做釘裝啦，因為佢那部機冇得做一份份的影印，其實情景好攪笑的，我同亞姐冇坐係的士的坐位度，只係跪係度，而文件就攤係坐位度，因為有成18份，而我地又要分工將佢夾好，連的士司機都知我地趕時間，佢話會幫我地睇埋有冇警察架啦，因為我地係冇扣安全帶，就係咁全程的20分鐘沒有坐係的士內，攪到我差點兒又暈車浪，想嘔一樣。我同司機講，你快還快，但要定呀，因為我唔想嘔係你架車度呀。
去到開會的地點時間已經係4:20啦，佢地已經開緊會啦，亞姐即刻要做minutes，而我又要派文件，又要找老闆幫我簽文件，但個頭仲暈緊喎，辛苦到呀，之後因為佢地5:00要去一個推介會，我就留係會議室等佢地番，就係果時我終於可以叫休息下，話就話休息，但係不停係度講電話啦，因為好多野其實都攪點，等佢完果邊之後又繼續開會，不過都算快架啦，開到7:00就完啦，因為佢地要去參加人地的晚宴，所以早完。
但係開會的時候，我好唔開心呀，因為佢地原本係4月份去的河南團，竟然叫埋我去呀，因為佢地話因為果團太多人，有成70人，如果只係得亞姐去怕佢負責唔到咁多人，所以提議叫埋我去喎，原本應該係會長的秘書去，但因為佢大肚呀，所以可以免疫，但我都話因為果團去到13號，咁13號就冇人架啦喎，佢去班老闆竟然話出通告話off啦，就係咁，迫我去啦，我跟住同亞姐講我身子好弱架，好容易會暈車浪架，跟住亞姐話你身體幾好呀，起碼冇請過假呀...........我都冇野好講啦。............................就係咁攪到我冇得去camp呀，要13號中午先回香港呀，如果大家見唔到我，記得為我祈禱呀，可能我己經嚇死異鄉啦。........................救我呀.............
>>March 30, 2004 at 1:41:02 AM GMT+8
2004 年 3 月 28 日 星期日 【晴】
好精彩的籃球比賽
尋日是我地學生家族的籃球比賽，所以我地尋日沒有家族聚會，因為時間唔夠呀，弟兄係12:00就要比賽，咁我地惟有11:00完親近主就那那林趕去買麥當勞跟住去球場，去到球場其實已經12:30啦，跟住當我地食完野之後根本就沒有時間睇弟兄比賽，因為1:00就輪到我地姊妹比賽，但係個問題係我地唔夠時間熱身同練習下，攪到我地第一場打得幾辛苦，因為基本上沒有其他隊咁高咁有策略，大佬盛又話會幫我地喎，點知佢地都要比賽，攪到全部都要自己黎呀.....
第一場的比賽對手係teens and dreams，對方只得1-2係要mark實，其他人因為唔係好識得打，所以好多時候都打得幾"貓"，打到大妹姐都幾慶架，大妹姐係中段的時間話要去投訴人地tim呀，幾攪笑呀。最後我地都能夠險勝12比10。
中間的時間比較多，可以睇人地比賽，當青苗同歡讚打的時候，我地又去打氣，因為唔係好想青苗羸，但因為佢地實力實在太勁啦，最後都比佢地嬴左，係直入總決賽tim呀。
第二場的比賽係對teens and glory，對方今次的實力都好平均，所以大家開場時都打得幾到肉，大家雙方沒有任何的入球，而我地因為有幾球的問題球，而失去分數，可算是唔扺，而球証有時吹又吹得唔知點，明明係人地拉住碧茹走，佢竟然吹碧茹走步喎，真係呀，而第2場的比賽，出現好多時候都係要jump 波，唔知係咪因為大家慣左見有人攬住個波就埋去同人地搶呢?最後我地都係"書"左...分數相差4分，都算好架啦，雖敗尤榮呀。
之後我地即刻幫弟兄們打氣，因為佢地分數同我地一樣都係咬得好緊，對手係歡讚，但因為友維太勁啦，當佢地射罰球的時候，我地就會叫﹕踏浪加油，踏浪加油，攪到全場的氣氛即刻被推高，我第一句的打氣係﹕如果你地嬴左，大妹姐會請食麥當勞呀。幾攪笑呀。不過最後都係"書"左，分數相差5分。
之後我地一行10人原本決定去pizza hut食飯，但因為太多人，最後去了"露天茶座"食飯。之後我地就走啦，因為已經去到筋疲力盡的地步。我、大妹姐同小坤坐阿sir車，唔知係咪我自己的病未好番，又加上冷親，係車度小坤又不停叫辛苦呀，又話要搽油又話唔好開窗，攪到我都頭暈暈，最後回到家又係嘔番晒d野出黎，唉....已經係第2次係咁架啦，都唔明點解架，可能我有恐懼症呀，當落雨的時候，最好都係搭地鐵回家，但尋日又係貪方便，點知又攪到自己死死下。
沖完涼之後即刻去訓啦，訓落床的時候仲係度諗緊比賽的事喎，我估我太high啦，不過2隻腳就好斷腳一樣呀，最慘係我今日仲要去開會喎，死得呀，又好似機械人咁走呀。
總結全日最精彩最攪笑的事
1. 亞晶比人打爛眼鏡
2. 大妹姐係半場休息時叫對方剪指甲
3. 大妹姐比人踢到跪左係度喊，但3分鐘後冇事
4. 妍妍係比賽中的時候，大佬盛提供仙丹比佢補充體力
5. 中場的時候，大佬盛竟然有香蕉提供，但原來係david的
6. 慧英走錯方向，明明攻緊的時候，調轉頭走
7. 秀芳諗住著埋牛仔衫落場比賽，同埋當有人行埋佢果度的時候，佢竟然叫人唔係行埋黎呀
8. 幫弟兄打氣，口號之一，8獸戰隊，戰冇不勝
9. 亞倫的全白鞋，一係全籃，一係全白，但係著牛仔褲喎
(唔知大家仲有冇其他高見呢)
>>March 29, 2004 at 3:16:30 AM GMT+8
|
|
|
|
廣告 |
|
|
讀者留言 |
| 路人留言
|
 I really underst
>>July 3, 2006 at 3:58:55 AM GMT+8
如果俾我都會揀長短週架!
<br
>>March 17, 2006 at 10:29:50 AM GMT+8
好開心知道你訓得好左, 因為我都
>>March 12, 2006 at 12:48:14 PM GMT+8
你又唔早d話我知,我近排又係夜晚
>>March 8, 2006 at 2:09:44 PM GMT+8
你近排好似好奈冇打日記喎! 我得
>>February 21, 2006 at 9:11:37 AM GMT+8
咁....
<br>唔換到換左.
>>November 10, 2005 at 1:04:28 AM GMT+8
百利恆井水，如血之寶．
<br>
>>October 7, 2005 at 10:33:22 AM GMT+8
I will always su
>>September 6, 2005 at 11:57:22 PM GMT+8
唔好咁唔開心啦!主了解你一切的感
>>August 29, 2005 at 3:50:31 PM GMT+8
我係一個7月1日被遺棄嘅小朋友!
>>July 4, 2005 at 7:52:19 AM GMT+8
我係騙局嘅受害者!
>>June 15, 2005 at 10:17:21 AM GMT+8
點解你成日發埋d咁嘅夢架!
<b
>>May 18, 2005 at 9:30:41 AM GMT+8
女主角,幾時幫我地簽個名呀?
>>May 1, 2005 at 3:33:58 PM GMT+8
我地會為你祈禱架喇!願主將平安賜
>>March 26, 2005 at 1:15:22 PM GMT+8
放心啦, 我地會代禱記念你架啦!
>>March 24, 2005 at 7:07:39 AM GMT+8
依家輪番我問你有沒有工可以俾我做
>>March 24, 2005 at 2:18:55 AM GMT+8
RE大佬同ssf﹕唔好係度玩野喎
>>March 9, 2005 at 2:38:53 PM GMT+8
Re: 十大殺手，我唔知你係邊個
>>March 9, 2005 at 9:52:09 AM GMT+8
ssf 你究竟係邊過,竟然夠膽咁
>>March 9, 2005 at 7:49:48 AM GMT+8
答嘴：宇宙大佬，我份工要受好多氣
>>March 8, 2005 at 11:29:21 AM GMT+8
我提意你不如做ssf 果份工啦!
>>March 8, 2005 at 7:57:49 AM GMT+8
實在恭喜妳可以辭職，我都好想好想
>>March 7, 2005 at 10:57:06 AM GMT+8
睇黎個亞姐都唔會做得長囉!
>>March 1, 2005 at 7:40:04 AM GMT+8
唔關我事架...
<br>係大妹
>>February 22, 2005 at 2:41:42 PM GMT+8
睇佢真係唔似傻仔喎!
<br>仲
>>February 22, 2005 at 5:41:54 AM GMT+8
大妹姐會為錢殺人?
<br>我好
>>February 18, 2005 at 8:07:06 AM GMT+8
我點知?
<br>我識得佢吖麻!
>>February 17, 2005 at 7:50:28 AM GMT+8
喂，你唔好用"撇低大妹姐"呢幾個
>>February 15, 2005 at 7:26:15 AM GMT+8
我果日係馬鞍山親近主喎!
<br
>>February 15, 2005 at 3:43:55 AM GMT+8
re大佬﹕你又知係周星星架咩，唔
>>February 9, 2005 at 9:40:18 AM GMT+8
re大佬﹕如果你出我地星期日的馬
>>February 9, 2005 at 9:39:02 AM GMT+8
新年快樂!
<br>你好似今件未
>>February 9, 2005 at 6:04:41 AM GMT+8
"愛你一萬年"係周星星係西遊記大
>>February 9, 2005 at 6:00:17 AM GMT+8
嘩!你解啟示錄都幾清楚架喎!
<
>>January 26, 2005 at 6:25:20 AM GMT+8
多謝晒﹗好感動呀﹗係呢個咁寒冷既
>>January 15, 2005 at 11:39:46 AM GMT+8
re小公主﹕張相梗係冇問題啦，等
>>January 12, 2005 at 1:25:12 PM GMT+8
re汽球﹕咁你多d留言啦..
>>January 12, 2005 at 1:23:44 PM GMT+8
re SSF:我已經預備
>>January 12, 2005 at 1:22:26 PM GMT+8
我好LIKE你個留言板LO...
>>January 9, 2005 at 11:07:04 AM GMT+8
我想要既保濕潤唇膏都唔使你送嘞，
>>January 4, 2005 at 3:53:31 AM GMT+8
依家唔洗你送個坐枱
>>January 3, 2005 at 6:25:17 AM GMT+8
我已經幫大妹姐扲咗
>>December 31, 2004 at 8:00:07 AM GMT+8
我已經幫大妹姐扲咗
>>December 31, 2004 at 7:54:23 AM GMT+8
哈.... 地點都係寫下既o者.
>>December 28, 2004 at 11:40:13 AM GMT+8
RE宇宙大佬﹕
<br>你要的禮
>>December 21, 2004 at 1:36:38 PM GMT+8
係唔係寫低就有禮物收架?
<br
>>December 21, 2004 at 1:00:53 PM GMT+8
RE SSF﹕
<br>你要保濕
>>December 21, 2004 at 12:17:37 PM GMT+8
re SSF大仔K仔﹕
<br>
>>December 21, 2004 at 12:15:11 PM GMT+8
re小公主﹕
<br>你的禮物冇
>>December 21, 2004 at 12:11:56 PM GMT+8
我唔貪心的啦,我想要朱古力就得啦
>>December 21, 2004 at 8:51:52 AM GMT+8
|
|
Story of 57 Cents
記得為我祈禱呀