|
2004 年 6 月 3 日 星期四 【晴】
我的病實好番.........因為又係破財的日子
尋晚，我地去左大漁豐作度小組，點解會咁豪，因為慶祝慧英生日羅，起初我地諗住去五十嵐架，但因為冇行街同埋唔係好多人出，所以改左地點，再加上大妹姐話有折喎，所以就去左食啦，但點知當我地叫野食的時候........................先發現半價優惠係係8:45之後，當我地坐低的時間是7:00，就係咁，我地惟有另外叫野食啦，最後叫左一個2人套餐，幾碟壽司，每人80蚊。
跟住，我地就爭取時間去行街啦，因為我想買鞋啦，慧英想買背心啦，最後大家都買到想買的，大妹姐仲送埋生日禮物比慧英tim呀，想知係咩，就要問慧英啦。
總結一句，又係破財的日子
買左對鞋--60蚊
食飯--80蚊
買左套睡衣--20蚊(好扺呀)
買左其他野--200蚊
總共，lee個星期，我用左2000幾蚊啦，.....我財少應該身子唔會弱啦掛。
>>June 4, 2004 at 5:32:30 AM GMT+8
2004 年 6 月 2 日 星期三 【晴】
莫非真係要破財才能擋災
尋晚，約左班舊同事去買禮物比又係星期日結婚的姊妹，地點我地約了係sogo等，跟住食左小小野咋，因為我冇胃口啦，佢地又揀越南野食食喎，所以我冇乜點食到野。跟住就去行街諗下買咩啦。
原本諗住買床單、枕頭袋同被啦。價錢都比較平架啦，339有一套米奇老鼠啦。但因為太大舊啦，我地d女仔根本就羅唔到走，又冇得送貨喎，所以最後揀左最"行"貨的相簿同相架啦。但都唔平喎，最後每人要夾70蚊。
今個星期，直頭係我的破財日子呀
買左條裙--400
訂左個花球--500
禮物--70
人請--500
敏萍姐禮物--115
未買鞋--我估100
---------------------
=病好(因為破財擋災呀嘛)
今日我的病情好番好多啦，只係有流鼻涕咋...........原來財多真係身子弱。
>>June 3, 2004 at 7:33:59 AM GMT+8
2004 年 6 月 1 日 星期二 【晴】
阿sir請食飯
尋日係教會禁食祈禱會，當我去到的時候，其實已經開始了，但因為大妹姐唔得閒霸位，所以我地個個都冇位坐，只可以坐到最後的一排，原本已經好疲倦的我，加上那個位置冇風，再加上又近d小朋友，攪到我都冇心機。可能因為個收聲有d問題，聽到一舊舊咁，大妹姐係聚會又不停問我野，星期四去邊呀，樓下班死飛仔比d警察拉左呀、預工去邊呀。咁我就更加冇心機。
大妹姐同敏萍姐中途就走左啦，因為要去睇洗衣機，原本大妹姐叫埋我去，但我又想留度聚會，因為好似冇聽過野一樣呀，所以我冇去呀。跟住小坤就叫肚餓，又叫我地去食野喎，係聚會度不停叫雞飯店、雞飯店。煩到死。
之後，我同慧英一齊走，原本諗住係同小坤去雞飯店食飯，但小坤又見到阿sir喎，佢話阿sir仲欠一份卷未改好咋，等埋佢啦。咁問阿sir不如去雞飯店等佢，佢竟然話﹕我有車喎，不如去淘大啦。就係咁的情況下，我地就上左阿sir的車，原來係去淘大架，但因為大妹姐係德福，所以最後改左去德福食。原本又諗住食美心咋，但去到的時候，美心已經冇野好食，最後選擇了香葉棧，d弟兄成日話食飯撈飯的那一間。原本係AA制架，但最後阿SIR話﹕唔洗啦，我請。YEAH。幾開心呀，不過因為果間野D野食好辣，我唔係好食得。之後，大妹姐話﹕阿SIR你唔車我架啦，都唔順路呀。阿SIR就話﹕是但啦，車埋你啦。其實大妹姐以退為進，係激漲法黎架。
就係咁，明明9:00走出大牛門口，但最後要11:00先返到屋企。返到屋企沖涼後食多一次藥就去訓LU，因為我覺得好似未病好呀，個喉嚨仲係好痛，果人仲係暈下暈下咁。
>>June 2, 2004 at 8:13:30 AM GMT+8
2004 年 5 月 31 日 星期一 【晴】
買左條好貴的裙
尋日原本約左月香去探玉燕，但係5:30收到月香的電話，話玉燕原來出了院，月香仲去接佢tim，所以夜晚我有時間去睇下衫同裙，因為星期日敏萍姐的婚禮，其實我未買衫或者裙，但屋企其實係冇適合的著，所以我一定要去買過，就係咁樣，尋晚，我去了鑽石山廣場逛下，諗住睇下有冇啦。
當我去到BESS時，見到一條裙好靚，咁咪諗住試下啦，果條裙價錢都OK啦，但點知又覺得麻麻地好靚，果個SALES又比第2條我試，試左又覺得幾好啦，但價錢就比較貴啦。係度諗緊的時候﹕
果SALES又話﹕著黎去飲呀，緊係買LEE條啦
我話﹕但係好貴喎
佢話﹕著得你靚喎....(一講LEE句，我冇野講啦，要買啦)
佢再話﹕今年好多人結婚呀
我話﹕係呀，我仲要去2場TIM呀(因為同日，我另一個舊同事又係結婚喎)
佢話﹕嘩....咁不如你買多一條啦，我地買2送1呀
我話﹕下...唔係掛，再買多一條，我己經要比1,000人請架啦，仲要買多一條，我好窮架啦。
佢竟然話﹕咁果日可以換呀嘛..........
我話﹕換衫........唔洗咁誇喎..........
>>June 1, 2004 at 9:38:54 AM GMT+8
2004 年 5 月 30 日 星期日 【晴】
詩歌分享同欣賞大會
星期日，我地舉辦小型詩歌分享同欣賞大會，只不過係分團預備2首詩歌，1首用來相交，1首用來表演。開頭大妹姐又攪左個問答遊戲開心一下，跟住我地就開始啦，首先係亞倫揀左首阿龍想唱的詩歌，佢又講番阿龍想講的說話，簡單來說，佢係代表阿龍相交。哈哈
係相交詩歌中，有淚也有笑，當阿怡同阿薇相交佢地自己之前唔想返聚會，跟住比激勵再一次返聚會，當中體會佢地的進步，也感受姊妹的寶貴。我們每個身邊都有陪伴成長的同輩，也有引導我們成長的姐姐，更有忍耐我們成長的主。
我地團選擇的詩歌係一生都在主手中。好多謝雅婷同碧茹的設計同心思。也有惠儀仔的樂器伴奏。雖然我地團人唔係多，但最重要係齊心去做好每一樣事。
上午完聚會後，因為我地約青苗班b/s去比賽籃球，所以我地就趕去朱記啦，又係要買m記外賣，去到又係好趕咁食，但最後發現原來只有弟兄比賽，姊妹因為佢地冇人打，所以只能當係玩玩下咁比賽下，但可能佢地實在咩都唔識，所以冇mood去玩，玩玩下就變左睇弟兄比賽，佢地都好勁架(我講人地呀)，雖然我地有班跟浪2隊，但人地果d全部都係勁人，最後都係輸左，但係今次有好多新人黎喎，有阿sam啦、肥恒、田田、阿晶的3個同事、小丸子等，係弟兄來講算多人架啦。(好多謝主將人又比過我地，希望佢地去到F.5 CAMP更多經歷主啦)
打完波之後，等埋大妹姐去了德福行街買野比敏萍姐，我地決定買洗衣機、風筒同熱水壼，返學每人夾40-60蚊，返工每人夾100蚊(本家族見字者，要係星期日比錢，過期者收雙培當罰款)。
不過行到我死死下，因為我地2邊不停行，又格價，又度位，因為敏萍姐果邊洗衣機位好細呀，我地驚放不下。最後都係決定佢去睇左一次先去買，無謂浪費啦。
之後，我地去食美心快餐就走LU，因為實在太疲倦了。
P.S﹕踏浪飛揚姊妹(只限本家族姊妹)，我地全部約6月6日10:00沙田火車站新城巿廣場地下美心快餐門口等，務請準時，逾時不候，跟住會去親近主，然後觀禮。
>>May 31, 2004 at 4:07:03 AM GMT+8
2004 年 5 月 28 日 星期五 【晴】
心深感受
雅各家、以色列家一切餘剩的、要聽我言、你們自從生下、就蒙我保抱、自從出胎、便蒙我懷搋。
直到你們年老、我仍這樣、直到你們髮白、我仍懷搋。我已造作、也必保抱、我必懷抱、也必拯救。
你們將誰與我相比、與我同等、可以與我比較、使我們相同呢。
lee幾日自己病左，好似與世隔絕一樣，因為電話我冇乜聽過，人我又冇乜見過，果日假期我都冇出現過。但當我親近主的時候，睇到以賽亞書中所寫，們自從生下、就蒙我保抱、自從出胎、便蒙我懷搋。
直到你們年老、我仍這樣、直到你們髮白、我仍懷搋。我已造作、也必保抱、我必懷抱、也必拯救。
寶貴主真係由歲首到年終都保護我，同樣當我覺得不知如何做的時候，他必拯救我。寶貴我有那位愛我的主。
>>May 29, 2004 at 5:03:17 AM GMT+8
2004 年 5 月 27 日 星期四 【晴】
我病倒了，感冒菌入氣管
星期一同星期二其實我都要出去開會，但唔知點解，lee排成日都覺得唔多舒服，又成日嘔喎，攪到我都覺得自己唔多點架啦。點知去到星期二，夜晚開會時覺得自己唔多點，喉嚨又好痛，個人又唔舒服，回到家食2粒幸福傷風素，諗住會好番啦，點知星期三就仲差，一起身已經冇晒力氣，喉嚨直頭痛到出唔到聲。我只可以睡係張床度，最後阿媽帶到我睇醫生，一路行一路阿媽就話我飲凍野啦，唔飲佢煮D湯啦，成日出面D野。
去到醫生果度，明明BOOK左11:30睇，點知醫生都未番到，仲話我係排第14個喎，阿媽就即刻話都唔知咩醫生黎架，有病人都唔願睇，我地走。去第2度睇，最後我比阿媽帶左去藍田地鐵站睇醫生，個醫生好靚女架，我估佢剛剛畢業冇幾耐掛。佢話我其實之前已經係感冒，但我去理會佢，咁佢而家就走左入條氣管度，所以一有風入去就會想咳。
睇完醫生之後，回到食左小小野就食藥，食完藥之後就訓LU，一訓訓到4:00起身，因為藥力維持4小時，4:00起身食完藥又訓，一訓又訓到7:00，7:00起身沖完涼食完野又訓，一訓就訓到第2朝。
其實第2日一起身，我已經開始換衫，但都覺得自己好似暈暈地，就係咁，我又訓過，同亞姐請左半日去訓覺，訓到11:00先再起身。下午先再番工，總知就係辛苦到死呀。番到公司其實冇乜野做，又唔想做。終於比我去到6:30，我回家食左小小野之後又訓過。
今日起身都係覺得麻麻地，個人好似未訓醒覺咁，好辛苦，今次病真係超級辛苦呀。
但最寶貴係我病的時候，收到b/s的電話喎。
最攪笑係德利喎
佢話﹕琳琳你病呀，咁你唔好吹冷氣啦(但果時候，我吹緊)
佢又話﹕咁你多d時間休息啦，(但我同佢講我果時食緊飯)
佢又話﹕你唔好睇咁多電視啦，(我想問睇電視乜會有感冒的咩)
跟住佢又話﹕你要飲多d水同埋訓多d，(我已經同佢講左我訓左足足有10小時)
雖然好攪笑，但我好多謝佢的來電，多謝你呀德利，我會好番架啦。
>>May 28, 2004 at 9:51:43 AM GMT+8
2004 年 5 月 19 日 星期三 【晴】
新同事
尋日我地個新會計文員終於番工啦，點解咁講啦，因為亞姐係上星期的時候同佢講叫佢番工啦，但冇講比知邊一日返喎，咁果新同事日日都打黎問﹕究竟佢幾時返工啦，咁亞姐又話好忙，遲d先覆佢啦，就係咁一日拖一日，佢終於同佢講，咁你19返啦。(我都未見過咁様請人架，果時我係標準都唔會啦，請人緊係會比多d你揀架啦，點知因為係會長果邊幫我地做first-in架喎，佢果邊人事部又話好忙呀，只比得2個我地揀喎，就係咁的情況下，2揀1，亞姐就揀左lee個啦)，因為佢最大的好處係﹕可以開ot，因為佢未結婚，屋企有人照顧佢父母，自己可以做夜d喎，係個main point黎架喎。
早上的時候，佢陪我一齊去郵局啦，因為今次有太多野要寄啦，找個副會長公司的同事忙我車過去，我同佢﹕平時就自己抽過去架咋，不過平時少d，大約120份度啦。佢話﹕下....自己抽，抽死喎，咁多份.......唔係次次都係叫車架，我話﹕唔係架，今次第一次咋。
跟住尋日原本諗住去慶祝下啦，但係我地太多野攪緊啦，亞姐話不如下次先啦，如是，我地就決定叫外賣番黎食，就係咁就出事，因為我地叫台灣野食啦，但係1:00叫，1:50都未到喎﹕
個新人就話﹕好肚餓呀，你地唔洗食野架
我話﹕係喎，咁遲架，吹下先。
佢話﹕你地平時都係咁架
我話﹕唔係架，因為平時係肚餓先叫野架
佢話﹕下.......咁肚餓.....你地都可以唔食架
我話﹕都可以啦
佢話﹕你地平時都係得2個人係公司，唔悶架
我話﹕唔悶，因為都有好多電話要聽啦
佢話﹕我就好悶啦...........
之後，佢好準時就走lu，因為佢話佢自己冇咩特別野做喎，唔知佢做唔做得長呢????
>>May 20, 2004 at 8:54:54 AM GMT+8
2004 年 5 月 18 日 星期二 【晴】
我又嘔呀...........
尋日，因為個以前標準識過的一個舊同事，佢派帖比我地喎，咁咪係尋晚約出黎一齊食下飯，傾下計啦。所以我尋晚都叫早左好多走架啦，因為晚餐已經食左個set dinner，之後再加多一個一磅重的蛋糕，但只有6個人去分咋喎，攪到個個都食好大舊又多其他野食喎。
我其實個胃都唔係咁收得d好野，食食下，個胃都唔係咁舒服架啦，當回到家之後，將d野又嘔番晒出黎喎。真係浪費呀，其實個蛋糕好好味架，係美心的朱古力蛋糕黎架，有餅底喎。好正架。不過最後都係嘔晒出黎，咁個人就舒服晒啦。
lee排，我覺得自己的身體麻麻地健康，由上2個星期就好似成日都係病病地咁，就要係好辛苦好隻喎，我都驚驚地。希望冇事啦。
另外，仲有我睇過天氣報告，星期日好似話有大驟雨喎，見字者又要為天氣祈禱啦，如果唔係我地就攪唔到個預工旅行啦。希望主使萬事為我地效力啦。
>>May 19, 2004 at 5:32:23 AM GMT+8
2004 年 5 月 16 日 星期日 【晴】
勁忙呀.....
我所指的勁忙，其實唔係指公司的工作好麻煩，而係指近期晚上的時間好繁忙。
星期六的日子，我地同joyce farewell，因為佢會轉去葵芳大專團，即係同阿龍同團，都唔知好還是不好啦。不過希望佢有進步啦，見字者都多為佢爸爸祈禱啦，佢爸爸入左醫院，大妹姐去過探佢，希望係仲有時間同機會中可以信主啦，黎緊會繼續找成人家的b/s去探佢，另外求主醫治佢啦，佢d腸塞住左，食唔到野，只可以吊葡萄糖水，求主使佢唔洗做手術啦。
farewell同一半，我、大妹姐同敏萍姐就要走先，因為要攪d野，真係忙到我嘔呀，我講真架喎，我回到家之後真係嘔番晒d野出黎，唔知點解lee排成日係咁嘔。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
星期日的時候，我地因為冇房用，只可暫用人地果d，所以時間好趕，由於我地通常都會遲d先開始，所以親近主的時間就只得20分鐘左右，彷彿好似冇開始過一樣。跟住我地又趕去食飯，因為星期日係我地全區活動，打籃球同踢足球。我地家族都有出隊呀。籃球我地因為夾人地打，所以win左，而足球，因為班弟兄太水啦，輸左，但因為尋日太晒啦，我又病病地，所以我落場打到呀。惟有期望下次對青苗的時候能夠落下場支持下啦。
晚上，我地去了p仔食野，今次唔洗比錢喎，因為有人請食飯呀，果個係------------亞倫呀。但由此至終都唔知點解佢會請架，佢真係傻傻地架。叫佢請就肯請架啦。
回到家都已經9:00lu。眼訓到暈呀.........
>>May 20, 2004 at 10:17:03 AM GMT+8
|
|
|
|
廣告 |
|
|
讀者留言 |
| 路人留言
|
 I really underst
>>July 3, 2006 at 3:58:55 AM GMT+8
如果俾我都會揀長短週架!
<br
>>March 17, 2006 at 10:29:50 AM GMT+8
好開心知道你訓得好左, 因為我都
>>March 12, 2006 at 12:48:14 PM GMT+8
你又唔早d話我知,我近排又係夜晚
>>March 8, 2006 at 2:09:44 PM GMT+8
你近排好似好奈冇打日記喎! 我得
>>February 21, 2006 at 9:11:37 AM GMT+8
咁....
<br>唔換到換左.
>>November 10, 2005 at 1:04:28 AM GMT+8
百利恆井水，如血之寶．
<br>
>>October 7, 2005 at 10:33:22 AM GMT+8
I will always su
>>September 6, 2005 at 11:57:22 PM GMT+8
唔好咁唔開心啦!主了解你一切的感
>>August 29, 2005 at 3:50:31 PM GMT+8
我係一個7月1日被遺棄嘅小朋友!
>>July 4, 2005 at 7:52:19 AM GMT+8
我係騙局嘅受害者!
>>June 15, 2005 at 10:17:21 AM GMT+8
點解你成日發埋d咁嘅夢架!
<b
>>May 18, 2005 at 9:30:41 AM GMT+8
女主角,幾時幫我地簽個名呀?
>>May 1, 2005 at 3:33:58 PM GMT+8
我地會為你祈禱架喇!願主將平安賜
>>March 26, 2005 at 1:15:22 PM GMT+8
放心啦, 我地會代禱記念你架啦!
>>March 24, 2005 at 7:07:39 AM GMT+8
依家輪番我問你有沒有工可以俾我做
>>March 24, 2005 at 2:18:55 AM GMT+8
RE大佬同ssf﹕唔好係度玩野喎
>>March 9, 2005 at 2:38:53 PM GMT+8
Re: 十大殺手，我唔知你係邊個
>>March 9, 2005 at 9:52:09 AM GMT+8
ssf 你究竟係邊過,竟然夠膽咁
>>March 9, 2005 at 7:49:48 AM GMT+8
答嘴：宇宙大佬，我份工要受好多氣
>>March 8, 2005 at 11:29:21 AM GMT+8
我提意你不如做ssf 果份工啦!
>>March 8, 2005 at 7:57:49 AM GMT+8
實在恭喜妳可以辭職，我都好想好想
>>March 7, 2005 at 10:57:06 AM GMT+8
睇黎個亞姐都唔會做得長囉!
>>March 1, 2005 at 7:40:04 AM GMT+8
唔關我事架...
<br>係大妹
>>February 22, 2005 at 2:41:42 PM GMT+8
睇佢真係唔似傻仔喎!
<br>仲
>>February 22, 2005 at 5:41:54 AM GMT+8
大妹姐會為錢殺人?
<br>我好
>>February 18, 2005 at 8:07:06 AM GMT+8
我點知?
<br>我識得佢吖麻!
>>February 17, 2005 at 7:50:28 AM GMT+8
喂，你唔好用"撇低大妹姐"呢幾個
>>February 15, 2005 at 7:26:15 AM GMT+8
我果日係馬鞍山親近主喎!
<br
>>February 15, 2005 at 3:43:55 AM GMT+8
re大佬﹕你又知係周星星架咩，唔
>>February 9, 2005 at 9:40:18 AM GMT+8
re大佬﹕如果你出我地星期日的馬
>>February 9, 2005 at 9:39:02 AM GMT+8
新年快樂!
<br>你好似今件未
>>February 9, 2005 at 6:04:41 AM GMT+8
"愛你一萬年"係周星星係西遊記大
>>February 9, 2005 at 6:00:17 AM GMT+8
嘩!你解啟示錄都幾清楚架喎!
<
>>January 26, 2005 at 6:25:20 AM GMT+8
多謝晒﹗好感動呀﹗係呢個咁寒冷既
>>January 15, 2005 at 11:39:46 AM GMT+8
re小公主﹕張相梗係冇問題啦，等
>>January 12, 2005 at 1:25:12 PM GMT+8
re汽球﹕咁你多d留言啦..
>>January 12, 2005 at 1:23:44 PM GMT+8
re SSF:我已經預備
>>January 12, 2005 at 1:22:26 PM GMT+8
我好LIKE你個留言板LO...
>>January 9, 2005 at 11:07:04 AM GMT+8
我想要既保濕潤唇膏都唔使你送嘞，
>>January 4, 2005 at 3:53:31 AM GMT+8
依家唔洗你送個坐枱
>>January 3, 2005 at 6:25:17 AM GMT+8
我已經幫大妹姐扲咗
>>December 31, 2004 at 8:00:07 AM GMT+8
我已經幫大妹姐扲咗
>>December 31, 2004 at 7:54:23 AM GMT+8
哈.... 地點都係寫下既o者.
>>December 28, 2004 at 11:40:13 AM GMT+8
RE宇宙大佬﹕
<br>你要的禮
>>December 21, 2004 at 1:36:38 PM GMT+8
係唔係寫低就有禮物收架?
<br
>>December 21, 2004 at 1:00:53 PM GMT+8
RE SSF﹕
<br>你要保濕
>>December 21, 2004 at 12:17:37 PM GMT+8
re SSF大仔K仔﹕
<br>
>>December 21, 2004 at 12:15:11 PM GMT+8
re小公主﹕
<br>你的禮物冇
>>December 21, 2004 at 12:11:56 PM GMT+8
我唔貪心的啦,我想要朱古力就得啦
>>December 21, 2004 at 8:51:52 AM GMT+8
|
|
我的病實好番.........因為又係破財的日子
我病倒了，感冒菌入氣管