2004 年 6 月 19 日 星期六 【晴】

去敏萍姐屋企...... 星期日我地分團，我地的目的地係去敏萍姐屋企，一黎因為佢屋企未執過，果日麗香係同工相聚時話不如去幫下敏萍姐執下屋喎，順便睇下佢屋企tim，二.因為班妹大部份都考緊試，所以我地預算未必太多人會出，所以就咁決定。 星期日的一早，我因為唔需要慶祝爸爸節，我阿爸返左工，所以我落左大牛同碧茹、慧妮親近主，親近主前係一齊食早餐喎，最攪笑係美鳳預備的早餐係吞拿魚、粟米、火腿，但係佢冇放醬落去，跟住由10:00原本係早餐時間，等下等下，等到10:30先食，跟住11:00我地分團親近主，雖然人少少，都係我都係渴望主大大祝福我地。 雖然時間唔係好多，但我都想佢地去思想過去日子在主內的經歷，寶貴我地能夠回想同經歷，之後因為慧妮早走，咁我就同左碧茹傾計同祈禱。之後時間過得好快，又到食lunch的時間，其實係10:30食早餐，1:00又食lunch啦，時間真係快啦。 午餐﹕ 一煲40個人食的米粉，但我地只得12人 國內的五香肉丁，由於係國內，所以冇人敢食 菜2大碟，不過全部都比晶晶食晒 雞翼一大碟，好正....... 之後，我就趕去匯合麗香同月香，去到敏萍姐屋企都已經3:30lu，佢屋企好攪笑架喎，廁所裡面有張禱告事項，跟住地下有本書，起初都唔多理會，但當月香去完廁所叫我地睇先知喎，仲要係要去便便的時候最用得著，因為係裡面時間長又望住張禱告事項，唔祈禱都唔得啦。....... 跟住敏萍姐間屋其實好亂，因為未執好野，但佢將全部野放晒係一間房度，再加上佢有一間士多房，所以內裡望入去唔會好亂。 我地去到佢屋企又係食 薯片、野飲、麗香的糉、蘋果批、雪糕..............嚇死人呀，不停食。 之後，因為要同屋企食飯，所以大約6:30走人，回到藍田之後又係食，仲要係我比錢呀........因為我家姐冇帶咭喎......夾埋架....... 今日總結一句，係不停食〉不停食................

>>June 24, 2004 at 10:06:16 AM GMT+8

2004 年 6 月 18 日 星期五 【晴】

搭車搭到頭都暈...... 星期六的一早，我好早就起左身，因為我地會出團去湖南省，今次就只有亞姐跟團去，因為另外一個會有秘書一齊去，我就可以免疫啦...哈哈.,..如果唔係呀，我估我一定比個麻煩老闆煩死我呀。 我大約6:00就起身啦，因為時間約左8:00機場等喎，咁我就諗緊係搭巴士啦，再加上我樓下就有E22喎，當我等緊的時候，冇那那落雨喎，咁我就祈禱，快D比我上車啦，點知真係好快就開車門啦，主真係錫我架啦。當上到車，就即刻落大雨啦，幾感恩呀，開車的時候係7:00，我問個人大約1個鐘可以去到機場呀嘛，但原來要1.5小時呀，攪到我D時間遲晒，明明同亞姐講好8:00機場等呀嘛，我仲諗住可以去食早餐TIM，點知仲攪到我遲到TIM，攪到亞姐打比我問我係邊喎﹕ 亞姐﹕你係邊呀 我﹕ 係機場附近架啦，不過仲有好遠先到 亞姐﹕咁你即係係邊呀 我﹕ 係客運大樓果邊啦 亞姐﹕仲咩係果邊架，的士唔經架喎 我﹕ ..............................(乜可以搭的士咩).........我搭緊巴士呀 亞姐﹕唉.........傻妹，點解你唔搭的士呀，又唔洗你比錢呀 我﹕ ..........................(大佬你都冇講我可以搭的士，我又冇行李，點知可以搭呀)......是但啦，平D呀嘛...我就到架啦 好彩我去到係剛剛集合時間，D老闆剛剛到，但因為我地集合的櫃檯轉左，所以D老闆又要走黎走去，攪到比D老闆話要佢行，(大佬唔洗行咩....不如唔好去啦)我諗姐.......。攪完之後，佢地去美心閣飲茶同等齊人，攪到大約10:00啦，我送晒佢地入閘之後，我就舒暢晒，因為D老闆走晒，我去左麥當勞坐左一陣，緊住就搭車返公司啦，原本諗住搭的士架啦，跟住又諗喎，一早去機場都唔係搭的士，冇埋由回程時搭的士架，所以又係搭巴士返公司，今次真係搭到頭都暈呀，一去一返，返到公司都差不多12:00LU，攪下其他野就放工LU，好開心，可以準時走人，仲可以同佢地去康祥食鮮奶餐TIM呀，因為我估係我返公咁耐，第一次係星期六同佢地食到LUNCH咋。 下午的擘餅聚會好快就過左去，又因為D妹好多都考試呀，所以出的人數不多。晚上我地同工相聚，又因為班弟兄趕住去CAMP，所以時間又要好趕，但又有多野未傾喎，攪到聽到D又問唔到D。最攪笑係亞晶呀，佢又遲黎喎，又不停D九唔搭八ge野喎，大妹姐又要同佢講喎，班弟兄又趕時間喎，最後係班弟兄唔比晶晶講野，亞sir就望住晒d人，唔比人出聲，一出聲就話你。 最後，我地係7:30就完相聚，之後我同左大妹姐去德福行左一陣，之後去左美心食飯，當中同佢傾下計啦，講下自己野啦，因為其實平時少時間同同工傾計同吐苦水，之後我地一齊祈禱完先走。心裡比較舒暢同埋冇咁唔開心啦。多謝晒啦，大妹姐。

>>June 23, 2004 at 6:39:37 AM GMT+8

2004 年 6 月 16 日 星期三 【晴】

又要破財...... 尋晚，約左舊同事去旺角買禮物，因為下星期將係舊公司-經理同會計的生日，一次2個生日，仲要係份量級人馬，原本諗住買耳環同手鏈比佢地，耳環就冇問題呀，大約200/對，但手鏈就比較貴啦，大約要300幾先有一條唔多靚ge，所以不停係條街度行下行下，都唔知點好，行行下，一個同事就講，不如去果間s字頭、天鵝果間買水晶果間鋪頭睇呀，好似有d小擺設，都ok架喎。但我地唔知旺角有冇分店喎，咁果個同事就話不如打去1083問啦，我地就笑啦，我想問你點問呀，咩都唔知，跟住佢話問下啦......... 同事﹕我想問下果間s字頭、天鵝果間買水晶果間鋪頭呢，你知唔知呀? 對方﹕你講多一次 同事﹕我想問下果間s字頭、天鵝果間買水晶果間鋪頭呢，你知唔知呀? 對方﹕呵....我知呀..施華洛世奇呀嘛..... 同事﹕你講多一次 對方﹕施華洛世奇呀嘛 我地﹕...................................咩黎架......?????"R"爆頭都唔知佢講咩........佢又講多一次...... 對方﹕小姐你係咪要找施華洛世奇呀....... 我地﹕小姐，究竟你知唔知我地想找邊間呀? 對方﹕咪施華洛世奇羅............... 我地﹕........................(冇出聲)...........是但啦.....講過電話黎聽下............ 跟住我地照個電話打去，佢竟然係OFFICE黎架，我即刻想打番過去話下佢，佢比個OFFICE電話我想乜呀............... 最後我地都係去左新世紀度試下睇下有冇啦，真係比我地找到喎，一個水晶擺設大約300蚊啦，跟住，原本我地諗住係周大福買耳環，但時間又唔夠我地返轉頭，係果間鋪頭見到一對都好靚架，又係大約300蚊，咁我地就決定買啦，最後買左640蚊，5個人攤分........下星期再約食BUFFET，正呀，我真係好耐冇食啦。....................不過又要比一筆......哈哈

>>June 17, 2004 at 3:13:05 AM GMT+8

2004 年 6 月 14 日 星期一 【晴】

當中的感受

安靜時的得著
lee幾日我再一次"的"起心肝去睇下英文聖經，雖然每次睇都唔係好多時間，可能睇得1章度，跟住就頂唔順眼訓去訓覺lu，但係每次睇的時候，都有d體會同感受，有時在我緊熟悉的英文中，有一d彷彿同中文會比較深刻d同重要d。

4:4 耶穌卻回答說、經上記著說、『人活著、不是單靠食物、乃是靠　神口裏所出的一切話。』
4:4 But he answered and said, It is written, Man shall not live by bread alone, but by every word that proceedeth out of the mouth of God.
當主受魔鬼試探時，主耶穌講，不是單靠食物，乃是靠神口裡所出的一切話，但係英文聖經中講的是every word, 每一個字，有否將神的每個字放在心裡。


親近主時的得著
55:1 你們一切乾渴的都當就近水來．沒有銀錢的也可以來．你們都來、買了吃．不用銀錢、不用價值、也來買酒和奶。
55:2 你們為何花錢〔原文作平銀〕買那不足為食物的、用勞碌得來的買那不使人飽足的呢．你們要留意聽我的話、就能吃那美物、得享肥甘、心中喜樂。
55:3 你們當就近我來．側耳而聽、就必得活．

以上提到，當你口渴時，你就應當就近水來，而主就是我的活水泉源，到他那裡來的，必定不渴。何用這麼浪費，買那不能止渴的呢?

>>June 15, 2004 at 10:11:45 AM GMT+8