|
2004 年 8 月 2 日 星期一 【晴】
繼續2日一夜的camp=冇覺好訓的日子........
當我地分好房之後，我地團的就入房休息下啦，最快安息主懷的係麗香，跟住係敏萍姐，我地仲安排左瞻仰遺容，不過最攪笑係惠儀仔，佢一入到去就叫肚餓，雖然我地有杯麵，但因為沒有工具，所以冇得食，咁我地原本就叫惠儀仔忍下啦，好快就食飯架啦，但佢最後都話要叮呀，最多用手食啦，咁我就即刻走去師姐果百寶袋度睇下有冇帶工具啦，但係找不到，只找到一排百力支，就係咁，我叫惠儀仔用百力支代替筷子去食麵啦，最後真係得架喎，不過就要用多幾支啦。
之後我地就去食飯啦，一上到去原來已經坐好晒，但因為我地人多，有d冇得攝入去食，咁最後我地班大個就惟有留到7:00先食，食完就返去拎野聚會啦，去到hall又係最遲果批人，但今次唔同啦，原本我地坐最後，但因為國柱哥哥支咪有問題，最後我地由背住個台坐，一轉再變左對住個台，仲要係第2行tim，真係諗到諗唔到呀。國柱哥哥講的信息係﹕今日的青年，今日的教會。
晚上回到房後，就開始排沖涼，唔知點解一排要排到2:00先沖晒，係途中，我地玩左多個遊戲，分別係食晒d薯片、蝦片，叮杯麵，跟住玩啤牌，最後玩估牌鬥大，有一次雅婷輸左，要扮香港小姐，開頭諗住佢唔肯扮架，點知佢又肯喎，但係好攪笑係﹕著人字拖、用床單當做袍、用太陽帽當冠冕，佢仲要同人揮手多謝喎，仲要加飛吻tim，真係叫晒救命呀。
另外，我輸左要錫月香喎，但因為月香同敏萍姐都已經訓左係張床度架啦，冇同我地玩，咁我飛埋去錫佢啦，跟住倩惠話如果下次有人輸左要錫敏萍姐，同埋佢個nose喎，真係越玩越變態呀d遊戲，當惠儀仔沖完涼之後，我就叫全部要去訓啦，因為第2日要擘餅呀。
代續
>>August 3, 2004 at 9:55:54 AM GMT+8
2004 年 8 月 1 日 星期日 【晴】
2日一夜的camp=冇覺好訓的日子........
7月31日至8月1日的學生camp+晚會，我地大部份出到的都出齊，學生就1:00入，而我地就選擇了2:00自己入，當中實唔少得梗係笑話啦。........ >
星期六的那一日，其實我真真正正做的時候不多，因為要不停打電話，其他人找我我都冇聽到，因為佢地班學生去camp，個個成11:00都未起身，我問碧茹起身未呀，佢竟然答我﹕就架啦，咁即刻未起身啦，但又會聽到電話架喎，為左確保佢地起身同埋confirm有邊d人去camp，所以半日不停打電話，跟住又同慧英係msn裡面講情況啦，最攪笑係佢話12:00燕瑜仲洗緊頭喎，但我地係約12:15架嘛，咁就閉啦，佢實遲到啦，慧英就同我講佢會再問啦，但又打唔到比燕瑜喎，咁等唔到佢架啦喎，跟住慧英就話佢洗緊頭呀，跟住又話佢走左，我就真係模不著頭腦啦，一路洗頭一路走左，佢最後先話佢洗完頭好快咁走左，嚇得我。跟住又係打電話啦，打比嚴志華啦，打比碧茹啦，又要再同慧英confirm啦，。........ 攪攪下就1:00啦，跟住就係我走啦。
當我地去到西貢的時候，我地有d因為未食野所以去左麥當勞食野，那時候竟然見到班弟兄入黎喎，原來佢地坐阿倫的車入去，而車裡有倩瑜喎，咁我地因為銀富跟我地入，所以我地提議不如交換人啦，大佬盛問我地，得你地咋嘛，我就話唔係呀，大妹姐佢地係百佳買野，耀民就話我地要即刻走人，如果比大妹姐發現左我地就閉架啦，因為佢可能我地車佢地，或者叫我地車野入去，而大佬盛就話為左比大妹姐發現佢地，所以佢地決定唔交換人質，講到好似鑣心咁。
跟住師姐就去打聽下邊度搭車啦，佢話問左人如果搭的士的話，就大約20蚊喎，我就話咁平咋嘛，佢話係啦，跟住我地就決定搭的士啦，去到的士站，原本諗住大妹姐同月香同車，但我地因為個個都唔識路，咁就分開車啦，一分車就出事啦。因為月香一上車就話去西貢戶外康樂中心，咁我地就即刻同司機講，唔係呀，係麥理浩呀，咁司機就話，相差好遠架喎，你地究竟去邊呀，咁我就話麥理浩呀，那一刻想到月香話大約20蚊左右，咁我就問月香﹕究竟你問人的時候係去邊架，佢就話去西貢戶外康樂中心，咁又出事啦，因為車程基本上係不同，咁當然車資就緊係唔同啦，最後都係搭左60蚊度啦，都算ok啦。
去到麥理浩門口的時候，個食蕉叫我地點名啦，那時收到大妹姐的電話，佢竟然話比我地知佢地入左去裡面啦，仲叫我地去CANTEEN啦，咁我就同那個食蕉講啦，佢話個個入親黎都要點名架，冇理由唔洗，咁我就同大妹姐講佢一定要點名架喎，大妹姐又同我，你同佢講係教會就得架啦，我又根據大妹姐所講的同食蕉先生講，佢就發火咁講啦，個個都唔點名，咁唔洗我坐係度啦，最後我地求其點左幾個名就入去啦。入到去，大妹姐就話我地係CANTEEN呀，你地找我地啦，咁原來CANTEEN同門口係好遠的距離，那時候，我地開始懷疑佢地真係唔係入左黎，因為冇理由快過我地，我地明明開車先過去，仲要係咁快去到CANTEEN，當行緊去CANTEEN的時候，敏萍姐再打一之比美鳳，問清楚佢地的位置，美鳳又SURE咁講係麥理浩呀，咁我地又行去CANTEEN啦，行到去，又唔見佢地喎，當比我地碰到婉兒姐，婉兒姐話比我地知我地的房間，那時候又到大妹姐的電話，又問我地點解行咁耐都未見人啦，咁我地就即刻串過CANTEEN啦，但原來串過CANTEEN後面係廁所黎喎，即刻好迷茫，究竟佢地去邊左呀，跟住又收到電話話佢地係游泳池果度喎，跟住我地又行去泳池果邊，真係行到腳到斷呀，又上又落，最後我地自己走左入去找燕瑜佢地，涼下冷氣先，另一方面就派碧茹同惠儀仔去找她們啦。........
但坐下竟然收到電話話佢地找不到大妹姐，走上走落都找不到喎，咁我再打比佢地的時候，佢地竟然話............................原來佢地去左北潭涌戶外康樂中心..........................去錯地點................去錯地方，但全車總共5個人都知係要去麥理浩，但可以全部入錯地方都唔知，仲叫點我地去CANTEEN找佢地，跟住D妹話，雖然佢地冇玩設施，但我地家族已經自左一次定向，目標係尋找大妹姐，但地點SET錯左，應該SET係北潭涌。........
代續
>>August 2, 2004 at 10:30:30 AM GMT+8
2004 年 7 月 30 日 星期五 【晴】
........ 加油呀各位........
尋日睇到弟兄幻姊妹的日記，心裡好寶貴自己能跟隨主，雖然唔係緊緊跟隨，但寶貴主的愛在恩情一直都沒有離開我。
尋晚睇書的時候，睇到我地今日不是為此時、此刻、此地而生，而是為將來、為那永恆而生，主好耐好耐之先已為我地設計今生，祂為我們揀選今世的父母、種族、膚色、性別、也為我們設計了困難、試探，雖然我們在母親的懷裡十個月後才準備出世，但在這位神裡卻是有長久的準備，主已準備為我們祈禱，主也準備了我們的跌倒，但寶貴主更準備向我們施恩。
5:2 我們在這帳棚裏歎息、深想得那從天上來的房屋、好像穿上衣服．
今生的身躺是帳棚，但那永恆的生命卻是我們的房屋，今生在世的日子是會過去的，但那房屋卻是永遠的，同樣，人都不會喜歡住在帳棚裡，人都想住在房屋裡。
我們每位其實心靈上都清楚知道我們是有永生，永生的意義係永永遠遠的生命，今世是短暫的，在今世有限的人生裡，怎樣去榮耀主呢? 在世上，我們應該怎樣去尋找人生清楚的目標呢?
>>July 31, 2004 at 3:41:01 AM GMT+8
2004 年 7 月 29 日 星期四 【晴】
.....
又係開會的日子，攪到我冇得去特會呀~ ......
尋日又到論壇的日子，就係咁的源故，所以我28同29號冇得請假，最重要係連29號夜晚都冇機會去到特會呀，真令人失望呀。
尋晚的論壇，我地邀請的主講嘉賓係馬時亨，佢講野都係令人冇冷場呀，全場不停講野，真係商界出身的冇錯，口水多到浸死你呀。
上次同酒店填回的問卷原來真係有用的，因為上次我填話d食物份量太少，連老闆都話我地d食物份量乜咁"的色"，即刻潤我地份量少啦，不過連我地的會計都話上次要回家煮公仔麵tim，咁今次的份量明顯係多左好多，嚇死人咁，頭盤有4種不同的冷盤，隻雞都好似大隻左tim。哈哈我講咋。
原本講完都係好早架咋，但因為之後要傾下個月的題目，所以又留係度傾，但個個商會d老闆都有自己的意見，一時又話我地講到令到佢好有壓力，一時又話時間太緊迫，一時又話要返去問下人，最後傾到10:30都未傾點數，d老闆又好想走，又話迫佢地唔走得，我地會d會長呀，前會長見到咁樣，所以最後話等我地返去傾下先，因為9月選舉呀嘛，可能會叫晒d候選人上黎講下政綱，又或者要出問卷啦，仲知就係做死我地啦。
最後我地執晒野，都成11:00度啦，都係打的回家，今日估計又係超眼訓的一日。
>>July 30, 2004 at 9:57:36 AM GMT+8
2004 年 7 月 28 日 星期三 【晴】
尋晚的特會係詩歌欣賞大會，以我記得來說，可以叫做第一次係特會用作詩歌欣賞，因為冇試過，所以尋晚好興奮呀，首首歌都正呀，當主持人講到我地打破以往的聚會形式，希望大家都習慣下、試下，那一刻先想起，真係沒有試過咁樣去敬拜，同埋咁樣去享受主。起初，我都覺得怪怪地架原來，但再唱多一次詩歌的時候，再去學習投入同享受，好寶貴主的同在，用詩歌去享受主，去經歷主，不是沒有試過，但在這大型的特會上，真是第一次，真係好開心呀。
當我入場的時候，碰到敏萍姐，後來又碰到大佬盛啦，當上完電梯之後，見到一條隊係度排，但唔知排咩喎，咁敏萍姐就話係咪賣vcd呀，講緊的時候，原來先知係免費派架，咁就想排隊啦，但那一刻竟然話派晒啦，明天請早啦，跟住我同敏萍姐有d失望呀，尤其是我，因為我29晚出唔到聚會呀嘛，當諗住走的時候，竟然見到大佬盛賴死唔走，係度不停叫佢比啦，比啦，跟住個弟兄真係比多10套出黎派喎，真係再一次多謝大佬盛的死纏難打，最後都派到我，vcd係四十年的教會歷史，正呀。
當詩歌欣賞的時候，每一首歌都唱得好好，我發覺原本教會都有好多唱得好好聽的b/s， 好正呀，好多時候都同妍妍傾計，講下d人唱成點呀。得獎果首歌我覺得係個姊妹唱得好聽，我好衰咁同妍妍講，我覺得個姊妹一係未信主之前成日去唱k，或者佢成日參加歌唱比賽架，因為佢好淡定，又有台風，又識得運聲，首歌的melody又好聽，令人陶醉呀。
>>July 29, 2004 at 3:26:22 AM GMT+8
2004 年 7 月 26 日 星期一 【晴】
又係開會的日子
尋晚又係開會的日子，地點今次改係尖沙咀龍軒酒家，果間酒家係我地一位會員所開的，但係地點就真係麻麻地，我地搭的士去，去到條巷度就唔行得，因為實在太塞車啦，攪到我地又唔落得，又唔行得，最後都係偷偷地落車咋，因為果度係講明唔落得車架，但因為我地趕時間去set-up啦，冇辦法啦，個的士司機最想就係我地唔好落車啦，因為只係轉個彎都跳左10蚊啦，坐坐下又跳左10蚊，不過最後我地都係落左車。
上到去開會的地方，唔係酒店真係唔係酒店，地方麻麻地，d侍應的服務態度又麻麻地，開緊會突然間好大聲講野，冇那那又有個阿嬸走入黎話洗廁所喎，跟住我order左d小食，又唔比人食喎，我問佢點解的時候，佢竟然答我話未齊人喎，我話左比佢知齊人架啦，佢話全部都係小姐黎架喎，d老闆都未到，激死我呀，我話齊人就齊人啦，你唔洗理我究竟係咩人係度開會啦，唔係淨係d老闆開會架，又唔到理會d老闆飲品喎，淨係企係度，我都識啦，攪到我好似要我點佢去做先做，真係麻麻地呀。
開會途中，田北俊入黎sales自由黨，真係救命呀，冇那那左住d時間，攪到個會遲晒，因為我地係開完一個再開一個，最後攪到2個會夾埋一齊開，開下lee度，又講下果度。另外，亞姐冇那那問我人工係幾多喎，咁我就話佢知啦，佢跟住話講左比會長知加人工喎，跟住我話下，加人工，亞姐問我你唔想咩，不過加幅唔係好多架咋，大約5%啦，不過要等會長傾，原本尋日開會傾架，不過因為時間太趕啦，冇傾度，要等8月中佢地再開會的時候再傾，我計過啦，如果真的話，我只不過每月加多500蚊度啦，扣埋強積金，大約加得400幾，都好過冇啦，不過唔知得唔得架，如果真係的時候，我請大家食飯又有乜所謂呀。哈哈.................
由於途中不停走黎走去，攪到我超級勁肚餓，望住d野又冇得食喎，小食都幾好架，有春卷，高力豆沙，fruit tat等，望住流晒口水咁濟，所以佢地食飯的時候，我已經叫另外一個秘書快d叫野食啦，因為我地今次唔洗入去坐，係門口位坐同食等佢地，但我地4丁人都食左675蚊呀，不過果度d野食都幾好味，同埋係入埋落張單度，比d老闆比，所以食得好豪。
最後我地差不多10:15先走人，仲要去搭地鐵喎，回到家都差不多11:00啦，跟住"的"起心肝，睇左小小標竿人生，佢有一句係封面裡的﹕你是被神創造的，也是因著神而被造的。(如果我冇記錯的話)，本書寫得好好呀，特別係我地的人生，如果每每想人生的意義時，好多人都有唔同的想法，但要想起究竟點解我地會出現，因為要滿足神的心，我地是因著神而活，也是創造世界的神創造我們，我地是好有價值同位置，人生滿希望。
>>July 27, 2004 at 2:10:59 AM GMT+8
2004 年 7 月 25 日 星期日 【晴】
創興水上活動中心
尋日我地攪左預工，地點係創興水上活動中心，我地差不多有30幾人入去呀，人數都算係咁架啦，國文帶左d同學，碧茹d已故鄰居，lily的同學，曉琳的同學，我地約左8:30係彩虹等，真係要我的命呀，平時返工都冇咁早起身，因為我大約7:00就起身啦，攪lee攪路，原本諗住打比雅婷叫佢起身，當我想打的時候，竟然雅婷打比我呀，原來阿milk去唔到，咁即係証明佢都起左身啦，當我地到的時候已經見到好多人啦，咁我地差不多夠人的時候，就出發啦，因為我地要趕10:00去創興的尾班車。
其實入西貢的那條路，全程都塞車，攪到我好想嘔呀，但最後都冇，因為我有帶陳皮去呀嘛，上小巴的時候，當曉琳阿妹上到車之後，就冇位，咁曉琳就上唔到車啦，去到西貢的時候，又去左廁所，當慧英問我阿妹呢，我就想答佢，邊個阿妹呀，邊個有帶阿妹呀，但那時候大妹姐又吹d人上車喎，又係咁曉琳又同阿妹分開車坐，我就陪住阿妹坐，我仲叫佢照顧我tim，起初都冇講乜野，後來講到屋企的時候，佢就開始多野講，好攪笑架。
全程都算快啦，我起初都好驚我會嘔架，多謝師姐的照顧，大妹的的白花油，去到的叫ok啦，只不過係暈下暈下咁，briefing完、玩完一陣遊戲之後，我地就食野啦，但唔知點解我地團的野食會同弟兄的一齊放埋，攪到我地團的同弟兄一齊食，而慧英的就可以自己食，當中最勁的有曉琳，佢帶左紅糙米飯同埋獨立包裝叮叮送，但佢冇叮度，有咖哩雞，咖哩牛腩等，份量足夠5個人食。另外就係倩惠啦，佢有阿媽幫佢整的冰冰菠蘿(但比班弟兄食晒)，有茄汁豆(又係比班弟兄食晒)，佢自己只係食左粟米咋，幾攪笑呀。
惠儀仔就最勁啦，佢地幾個冇帶野食去，但係不停食晒檯面上的野食。食飽之後我地就去玩啦，起初我以為冇機會玩，但係原來有2人水上單車剩，咁我就同妍妍一齊玩啦，佢地有玩鳳艇的啦(好彩我去玩咋，因為佢地個個都話玩得好辛苦，尤其是第2次呀，佢地仲玩到反艇tim，真係攪笑呀，咁大隻艇都可以玩到反左架，我都係第一次聽咋)。我同妍妍一架，大佬盛一架，麗香同倩惠一架，起初我叫妍妍坐前面，因為係得前面要踩，咁妍妍就話我﹕梁慧琳你好野呀，我就答番佢﹕多謝晒呀。但係佢踩的時候，其實後面的會濕晒，我就調高對腳，佢話我﹕你就舒服啦，我又答番佢﹕其實好辛苦架。哈哈.....另外，倩惠又攪笑喎，一坐落去就叫啦，成日叫媽咪呀，媽咪呀，好驚呀﹐又話有鯊魚呀，又話自己會死呀。仲知就係好攪笑啦。
我地原本冇乜點濕架，但去到架鳳艇度的時候，佢地個個用支槳潑晒d水過黎，我地都唔嚴重架啦，珮思那一架直頭入晒水，好似水塘咁，全身濕晒。踩踩下有個沖動想跳落去游水，咁我同妍妍講想去游，佢都想去喎，真係遲d約埋一齊去游先得，我又同妍妍講令我諗起去泰國時候玩的水上電單車，真係好勁架，汪洋大海，沖下沖下咁，個人又彈下彈下咁，好正架。
玩完水又玩下籃球同排球啦(佢地玩咋，因為我晒乾隻鞋，所以又坐係度)。之後我地又搭車走lu，出返去西貢大約5:30度，送完佢地走之後我同晶晶同大妹姐同埋班弟兄去食車仔麵，係大妹姐話架，仲要去指定果間喎，但班弟兄問大妹姐點解一定要去lee間的時候，佢竟然話我一年先黎一次架咋，我淨係識lee間咋，我點知點解佢咁多人呀。食完之後就搭車回家啦，果時係最多人的時候，如果知道咁多呀，就一早出番出面先食野啦。最後我地分開搭車走，我同晶晶同小坤搭觀塘小巴回家，去到觀塘都係7:10咋...真係好快的小巴呀。
返到屋企，敷左個mask之後就訓lu，因為實在太疲倦啦。那時大約10:15度啦。
>>July 26, 2004 at 4:54:01 AM GMT+8
2004 年 7 月 23 日 星期五 【晴】
食到行唔到路呀
尋晚約左個秘書姐姐去食飯，佢係另一個會的秘書，果時係舊公司的時候，因為老闆又係果個會的理事，所以我識左佢，大大話話都識左佢幾年lu。原本佢應該係約我上星期五的，但因為打風，所以沒有去到，咁佢就再約我尋日去食飯，原本佢諗住去銅鑼灣的小肥羊打邊爐，因為佢有300蚊現金券，同埋今日到期，所以佢想尋日去食，但當佢打電話去book的時候，點知原來已經full左lu，佢只可以由7:00食到8:30，8:30就一定要走，其實我都覺得可以的，但因為打邊爐通常都會食得好耐架嘛，又趕時間咁食，秘書姐姐就唔係咁鍾意，咁最後我地都係改左地方，去左阿拉度食野(如果我沒有記錯間鋪頭名)。
果間鋪頭係食台灣野架，而秘書姐姐又試過話好食，所以我地就去試下，但去到的時候都有好多人排隊架啦，但都算快就輪到我地，秘書姐姐叫左一個2人套餐，套餐裡面有2碗菜飯，3小碟送，再叫了一個黃金入球，(好似d帶子肉加蝦肉咋的波，面頭有好多春卷絲)，好味架，仲有一個湯飽，(類似d小籠包咁，不過裡面好多汁)。好彩冇叫其他咋，因為樣樣都係飽肚的食物，食到好飽，再加上每樣野都有4件，咁我同秘書姐姐每樣都要食2件，又大大件，真係好飽。
最後，秘書姐姐話不如叫甜品食呀，我就話如果唔多都ok啦，但我真係好飽呀，咁佢就叫左個高力奶黃芒果球，佢明明話得4粒架咋，點知黎到的時候，竟然有6粒，粒粒好似個波咁，嚇死人呀，就係咁，我地每人又要食多3粒波咁大的高力落肚，雖然好飽，但樣樣都好好味，我想我地份量，應該4個人黎食到可以呀。
食完之後，個肚好似大左3倍咁，原本諗住行下街我先搭車返屋企，因為我驚我嘔呀，點知因為條街又冇野行，果時又差不多11:00，我又眼訓，諗住冇野掛，咁我咪搭車啦。但我真係太飽啦，回到家真係嘔反d野出黎，真係折墮呀(衰d講句)。食完又要嘔喎。其實我都唔想架。
秘書姐姐送左個麥兜的公仔比我呀，幾大架，好開心呀，佢真係記得我生日架，年年佢都有約我出黎食飯，不過我就冇記性記得d人生日，下次要mark低先得。
>>July 24, 2004 at 2:51:02 AM GMT+8
2004 年 7 月 22 日 星期四 【晴】
終於去左書展啦
尋日我地的小組去左書展，原本以前約左去尖沙咀食野加相交，但由於敏萍姐要開ot，再加上我同麗香都想去行書展，(因為除了星期四之外，沒有其他日子可以啦，星期五我約左秘書姐姐食飯，星期六同工相聚，星期日去預工，預料好疲倦，所以最好都係星期四去架啦)。就係咁，所以我地改左地點去了書展，而慧英果邊原本都係去書展架，我起初諗住可以一齊去行，點知佢地又改左地點去返大牛。
我地約左7:00係灣仔等，但因為月香同敏萍姐都會遲，所以我地食左小小野同埋諗住行去7-11睇下有冇飛買，點知佢話要去到港灣道果間先有，咁我地就食埋野跟住匯合月香，諗住行住去買飛啦，但當打比敏萍姐的時候，原來佢都已經到左灣仔lu。當我地諗住去7-11買飛的時候，個人話要20蚊，但明明6:00後入場係10蚊架嘛，佢話係呀，不過而家打晒蛇餅架啦，好長龍架，你係咪要排呀，咁我係度諗緊的時候，師姐就講左一句﹕我地走。就係咁，所以我地就走左lu，但去會議的人好多，起初都驚好多人要排好長龍，但原來係好快就去到，仲要係冇人排隊買飛架喎。
第一時間我地就去左睇屬靈書啦，因為好多書呀，不過都唔可以叫好平，平均都有8折啦，大約平20蚊度啦，但好過冇，我買左一書舊約的問題解答書，一本聖經(送比人的)，同埋敏萍姐送左一書標竿人生比我，好開心呀，因為我好多時只係睇書咋，因為太貴啦，買唔起咁多本書，但又好想睇喎。我地全晚只係果個hall度睇下睇下，就係咁就去到10:00啦。最後我同月香同麗香一齊搭地鐡走，而敏萍姐就搭小巴走，因為佢要用錢去買d時間番黎用。
回到家都差不多11:00lu，但我地好想睇下d書，但因為要又攪lee攪路之下，睇左小小就訓lu，尋晚真係好開心呀，可以係度不停睇書同埋買到我想買的書。
>>July 23, 2004 at 3:57:46 AM GMT+8
2004 年 7 月 21 日 星期三 【晴】
偶然遇上的驚喜
曾經 踏遍路途千萬里
途中 跌到過 攀不起
無望的心感困累 全然交瘁
無助身軀早已沒有力氣
徬徨中 遇見熱誠的膀臂
人潮中 踫到您 多驚喜
前路即使千尺浪 得您在身旁
縱使呼呼風雨 仍覺甚美
能在絕望孤單中 偶然遇到您
是我根本不配受的福氣
來日禍困迎面 滿途挑戰
能贈我勇氣 完全是您
(年月縱過去 未忘掉您)
>>July 22, 2004 at 8:07:41 AM GMT+8
|
|
|
|
廣告 |
|
|
讀者留言 |
| 路人留言
|
 I really underst
>>July 3, 2006 at 3:58:55 AM GMT+8
如果俾我都會揀長短週架!
<br
>>March 17, 2006 at 10:29:50 AM GMT+8
好開心知道你訓得好左, 因為我都
>>March 12, 2006 at 12:48:14 PM GMT+8
你又唔早d話我知,我近排又係夜晚
>>March 8, 2006 at 2:09:44 PM GMT+8
你近排好似好奈冇打日記喎! 我得
>>February 21, 2006 at 9:11:37 AM GMT+8
咁....
<br>唔換到換左.
>>November 10, 2005 at 1:04:28 AM GMT+8
百利恆井水，如血之寶．
<br>
>>October 7, 2005 at 10:33:22 AM GMT+8
I will always su
>>September 6, 2005 at 11:57:22 PM GMT+8
唔好咁唔開心啦!主了解你一切的感
>>August 29, 2005 at 3:50:31 PM GMT+8
我係一個7月1日被遺棄嘅小朋友!
>>July 4, 2005 at 7:52:19 AM GMT+8
我係騙局嘅受害者!
>>June 15, 2005 at 10:17:21 AM GMT+8
點解你成日發埋d咁嘅夢架!
<b
>>May 18, 2005 at 9:30:41 AM GMT+8
女主角,幾時幫我地簽個名呀?
>>May 1, 2005 at 3:33:58 PM GMT+8
我地會為你祈禱架喇!願主將平安賜
>>March 26, 2005 at 1:15:22 PM GMT+8
放心啦, 我地會代禱記念你架啦!
>>March 24, 2005 at 7:07:39 AM GMT+8
依家輪番我問你有沒有工可以俾我做
>>March 24, 2005 at 2:18:55 AM GMT+8
RE大佬同ssf﹕唔好係度玩野喎
>>March 9, 2005 at 2:38:53 PM GMT+8
Re: 十大殺手，我唔知你係邊個
>>March 9, 2005 at 9:52:09 AM GMT+8
ssf 你究竟係邊過,竟然夠膽咁
>>March 9, 2005 at 7:49:48 AM GMT+8
答嘴：宇宙大佬，我份工要受好多氣
>>March 8, 2005 at 11:29:21 AM GMT+8
我提意你不如做ssf 果份工啦!
>>March 8, 2005 at 7:57:49 AM GMT+8
實在恭喜妳可以辭職，我都好想好想
>>March 7, 2005 at 10:57:06 AM GMT+8
睇黎個亞姐都唔會做得長囉!
>>March 1, 2005 at 7:40:04 AM GMT+8
唔關我事架...
<br>係大妹
>>February 22, 2005 at 2:41:42 PM GMT+8
睇佢真係唔似傻仔喎!
<br>仲
>>February 22, 2005 at 5:41:54 AM GMT+8
大妹姐會為錢殺人?
<br>我好
>>February 18, 2005 at 8:07:06 AM GMT+8
我點知?
<br>我識得佢吖麻!
>>February 17, 2005 at 7:50:28 AM GMT+8
喂，你唔好用"撇低大妹姐"呢幾個
>>February 15, 2005 at 7:26:15 AM GMT+8
我果日係馬鞍山親近主喎!
<br
>>February 15, 2005 at 3:43:55 AM GMT+8
re大佬﹕你又知係周星星架咩，唔
>>February 9, 2005 at 9:40:18 AM GMT+8
re大佬﹕如果你出我地星期日的馬
>>February 9, 2005 at 9:39:02 AM GMT+8
新年快樂!
<br>你好似今件未
>>February 9, 2005 at 6:04:41 AM GMT+8
"愛你一萬年"係周星星係西遊記大
>>February 9, 2005 at 6:00:17 AM GMT+8
嘩!你解啟示錄都幾清楚架喎!
<
>>January 26, 2005 at 6:25:20 AM GMT+8
多謝晒﹗好感動呀﹗係呢個咁寒冷既
>>January 15, 2005 at 11:39:46 AM GMT+8
re小公主﹕張相梗係冇問題啦，等
>>January 12, 2005 at 1:25:12 PM GMT+8
re汽球﹕咁你多d留言啦..
>>January 12, 2005 at 1:23:44 PM GMT+8
re SSF:我已經預備
>>January 12, 2005 at 1:22:26 PM GMT+8
我好LIKE你個留言板LO...
>>January 9, 2005 at 11:07:04 AM GMT+8
我想要既保濕潤唇膏都唔使你送嘞，
>>January 4, 2005 at 3:53:31 AM GMT+8
依家唔洗你送個坐枱
>>January 3, 2005 at 6:25:17 AM GMT+8
我已經幫大妹姐扲咗
>>December 31, 2004 at 8:00:07 AM GMT+8
我已經幫大妹姐扲咗
>>December 31, 2004 at 7:54:23 AM GMT+8
哈.... 地點都係寫下既o者.
>>December 28, 2004 at 11:40:13 AM GMT+8
RE宇宙大佬﹕
<br>你要的禮
>>December 21, 2004 at 1:36:38 PM GMT+8
係唔係寫低就有禮物收架?
<br
>>December 21, 2004 at 1:00:53 PM GMT+8
RE SSF﹕
<br>你要保濕
>>December 21, 2004 at 12:17:37 PM GMT+8
re SSF大仔K仔﹕
<br>
>>December 21, 2004 at 12:15:11 PM GMT+8
re小公主﹕
<br>你的禮物冇
>>December 21, 2004 at 12:11:56 PM GMT+8
我唔貪心的啦,我想要朱古力就得啦
>>December 21, 2004 at 8:51:52 AM GMT+8
|
|
繼續2日一夜的camp=冇覺好訓的日子........