|
2004 年 8 月 20 日 星期五 【雨】
超勁開心的"新心呼club營"
星期六同星期日，我地去了東涌聚會地方camp，今次我地有主題架，就係全人更新，當知道係camp裡面有相交時，我都渴望一同去經歷主同相交主的榮美，當我星期五去思想的時候，我想起我出外的日子，實在令我再一回味，不單是心靈的更新，連整個人都投入教會裡，再一思想其中細節時，更體會神是嘗還人心願的主，祂確實明白我心所想的，第一日出外寫下的日記，再一細讀時，我寫下是﹕
不為過去忙碌而忙碌
不過過去而愁繁
我要活在今天
我要活在主愛中
我要擁抱我的夢想
我要尋回自己人生的夢想，尋找人生的方向，不要再迷路，不想再徬徨。
寶貴每次去到大公園親近主時，其實公園不是太美麗，沒有任何設施，只得長櫈一張，每次坐下來親近主的時候，都感受好甘甜同安想，因為主真的是最明白我。我每次唱彩虫般的情愛，完美的委身時，每次我都好見到彩虹，但因為馬來西亞的天氣，唔會有微雨，一落就係大雨，每次大雨都唔會出外，但好寶貴主好想令我心歡喜，有一次當又係果個公園親近主時，湖中的噴泉射出水柱來，因有陽光，所以我見到了彩虹，好好好開心呀。
>>August 23, 2004 at 4:49:17 AM GMT+8
2004 年 8 月 18 日 星期三 【晴】
迷迷糊糊的星期四......
由於星期三的廣州一日遊，攪到我身心疲累，星期四的一早我訓到8:15先起身，但由於我有件紀念品係我度，所以我搭的士回公司，但由於我身上只有1000蚊紙，我問架架的士都話冇得找，最後我都係要襟錢先搭到的士，之後又展開我的一天辛勞，因為星期五有個接待，又要攪野，真係馬不停蹄。
但由於我的眼訓，基本上我全日都係好眼訓，去到放工的時候，我仲眼訓，但由於星期四要去小組，而今次又係D妹煮野食，所以我都選擇左去，如果唔係我真係想回家訓下覺。
去到大牛都差不多開飯LU，因為我又遲左D，有好好味的雅婷(薯仔紅蘿白炆雞翼)，又有好好味的妍妍(紅腸)，又有翅食(素)，好正呀，話咁快就食晒LU，但係最緊要係有燕瑜的超水準芝士蛋糕，好好味呀，等我下次學下整先得。
食飽左之後就傾左一陣計，之後就回家LU，因為我真係疲倦了。
|
>>August 21, 2004 at 3:08:31 AM GMT+8
2004 年 8 月 17 日 星期二 【晴】
廣州辛苦的一天
星期三係我地會去廣州拜訪的日子，那幾日返到屋企都好夜，因為要預備啦，又要執野啦，攪到12:00先可以走，再加上我的辛苦日子，真係難頂都暈呀。
星期三早上，我地要返會拎野走，所以約左7:15返到公司，我6:00就起左身，感覺好似冇訓過覺一樣呀，因為前晚大約2:00先訓，超眼訓呀，執好野之後因為還有時間，我心裡確實好擔心，因為今次係第一次跟會上去一日拜訪團，我都唔知做咩，又驚自己冇表現，行行企企咁，令我全日都好壓力，但寶貴尋日一早親近主的時候，一睇聖經，心立刻定了下來﹕
11:40 耶穌說、我不是對你說過、你若信、就必看見 神的榮耀麼。
11:41 他們就把石頭挪開．耶穌舉目望天說、父阿、我感謝你、因為你已經聽我。
真的受安慰，因為我若信，必見神的榮耀，同樣主確實一次次聽我的祈禱。
之後再搭的士去九龍塘，因為我地BOOK左架旅遊巴士上去，途中有老闆打黎問亞姐架旅遊巴的車牌號碼，我之前聽到AGENT講係XS117，佢話係交叉同個扣，咁咪係XS啦，但個老闆又聽唔到亞姐話係XS喎，因為佢只望到架旅遊巴係HX117喎，講黎講去都唔明又話唔知係咩英文呀，講2個字母都聽唔到，最後原來真係HX而唔係XS，一路上個老闆都講返LEE件攪笑野，成日問我同亞姐，我發音準唔準呀，XS/HX，真係吹漲呀。
上到車，亞姐就要即係同會長講返本書印錯左，感謝神會長冇咩特別，因為佢都知時間唔夠同埋好趕，不過佢問仲乜咁大頭蝦呀，跟住亞姐竟然話係我跟架，太唔小心啦，嘩...聽完之後就覺得又係我錯，不過我承認我係有小小錯，但唔係我全部跟架喎，我有比亞姐睇架喎，不過算啦，死貓都係我食架啦，睇黎加人工都冇我份架啦。
上到廣州大約11:30，見左D高官之後就食飯，食中午果餐好似食晚餐咁呀，嚇死人呀，跟住因為4:00先再見副省長，所以有大約1小時比大家休息，真係感謝神呀，我可以休息下同埋訓下覺，充電完後就再上路，去到見省長的時候，好攪笑，因為起初我以為我國語差聽唔明，但原來係個個老闆都聽唔明佢講咩野。哈哈。
跟完又食晚餐，D時間好快架，因為話咁快又食野，又係食D超豐富野食，不過賣相同味道就好過中午果餐啦，食完又要趕住搭車落番香港，但係途中差不多到東莞與深圳之間竟然發生車禍，足足坐左1粒鐘，架車都冇行過，D老闆又好緊張睇下環境點呀，但最攪笑係有個老闆佢D鼻鼾聲真係誇到暈呀，全架車都聽到，攪到訓都冇得訓。
終於返到香港啦，時間差不多11:45啦，那那林一落車即刻又跳上的士回家，返到屋差不多12:15啦，超超超眼訓。
>>August 21, 2004 at 2:59:06 AM GMT+8
2004 年 8 月 16 日 星期一 【晴】
而家已經係9:00啦，夜晚9:00，當人人係大牛祈禱的時候，我竟然仲要係公司發毛，真係慘不忍睹呀，我明天就去廣州啦，因為咁，所以我要等本書送黎，其實如果有野做都好，問題就係咁野做..............要等.................
等時間過其實係幾難
1. 因為唔知等到幾時
2. 沒有其他事令你分心唔去想
3. 我未食野呀............最慘呀
正如我們等主回來也是一樣
1. 主不知那日子那時晨回來
2. 我們在地上是否有工作做呢......
3. 是否心底裡真係渴望主回來呢......
值得我地一一去想想，等我都去想下先......或者而家.........................我就去叮個杯麵先....哈哈
食完個杯麵剛剛送貨到，開心的一刻好快就過去，因為壞消息係本書印錯左title呀..........團長印錯左團員，顧問印錯左秘書長...............唉唉唉..................要印過label再貼過
>>August 17, 2004 at 2:01:24 PM GMT+8
2004 年 8 月 16 日 星期一 【晴】
明天上廣州啦
其實去廣州拜訪官員，早起5月已發信邀請，一路等都冇消息喎，一時又話黃華華唔得閒，一時又話冇時間，拖拖下攪到上星期三，冇那那打個電話黎話我知，下星期三你地安排組團黎啦，我地ok啦。................下即刻都唔知講咩好，時間咁急，咁那那林不停講電話，叫d人黎啦，你黎啦，抽d時間黎啦，因為我地之前吹比佢知有40人到呀，但我地起初叫叫下得10丁人，比會長話我地唔call人，一味等佢叫，就係咁，我地差不多打足100個電話，比晒d會員，講到口到乾呀。最後都係得20丁人去。
第2樣要趕的就係本書仔，真係趕到死死下，尋晚大約做到8:15先走人，唔係做晒，而係果d art-work果個人未得，所以我走先咋。
希望明天順順利利啦，因為我第一次跟亞姐上廣州咋，又唔好太辛苦啦，因為我肚唔舒服，即日來回，希望可以係12:00前回到家啦，我指夜晚呀..........真係慘呀。
|
>>August 17, 2004 at 4:40:10 AM GMT+8
2004 年 8 月 15 日 星期日 【晴】
尋日，我地團的節目好豐富呀，首先，去大牛一齊親近主及家族祈禱，跟住我地下午去了雅婷屋企一齊食飯同相交，然後夜晚一齊去游水。
早上親近主的時候，我同遲來的卓瑜一齊，其實每次我都好有負擔使佢人生能認清主同明白主的愛，但我想主都忍耐我地成長，我同樣都要忍耐姊妹去成長，今次同佢一齊睇10個童女的比喻，不謀而合，同祈禱會時大妹姐所講的類同，同樣我地要裝備自己等候主的再來，我好渴望卓瑜能因著主改變佢自己，但慢慢來吧。盼望主使她敏銳屬靈的事，不單顧自己的事，另外，佢都好好架啦，平時佢唔留黎架，今次佢肯留下來同我地一齊去雅婷玩，雖然好似唔多投入，但都叫踏前左一步啦。
跟住我地家族的祈禱會，pc哥哥講的相交，有時都覺得難去觸摸，好似唔知講緊乜咁，但又好似好有深度咁，一齊祈禱的時候，再有一感覺，我地係一班可以祈禱的人，但今日又有幾多人真係好左教會的事去迫切祈禱呢？反觀自己，有時都會憑感覺，睇狀態而視乎自己同主的關係同祈禱的感動，但事實上，我地為每樣事都應該要去祈禱，因為惟有我們才是君尊的祭司，被揀選的族類，是光明之子。
祈禱完後，我地就趕住走，因為那時已經大約1:45，去到雅婷屋企，師姐同麗香，2隻香開始煮野食，而我同d妹......梗係坐係度等食啦，最後因為不敵肚餓，我地開左3包薯片，食晒，跟住仲開埋電視睇tim，不過係得到黃老太的批準架，因為電視係播奧運呀嘛。哈哈
食完好好味的炒烏冬之後，我地就開始相交啦，今次相交的用具係相片，咁佢地小組的時候，又剛剛係用相片喎，所以今次順利地每個人都有帶相片黎，每個都相交一下小時候或者心靈經歷，當中十分開心，因為能夠認識每個更加多。相交完都差不多6:00啦。因為我又趕住去游水，那那林食完jelly之後又走啦。
本來我叫埋大妹姐一齊去，當佢打比我的時候，佢果時先話係九龍灣，但因為佢話唔識得去將軍澳果個泳池，叫佢係寶琳落車，佢又話係將軍澳，我就話唔係將軍澳呀，咁佢又話你講係將軍澳泳池呀嘛，我就話係將軍澳寶琳泳池呀，佢再問咁係咪係將軍澳落車呀。跟住佢又話要同銀富傾計，又要回家，可能要7:30先到，咁我地又冇人教佢入，佢又話唔識路，跟住佢叫我地不如改去九龍灣游呀，咁佢地又唔想，咁最後都冇叫大妹姐，那一刻我就知道，我要對於5隻甩繩"馬嬲"。原本倩惠細佬又想去游，跟住我話冇兄弟架喎，冇人陪佢去換衫架喎，跟住我又驚睇唔住佢，最後都係叫唔好啦。
我真係睇佢地唔住呀，一陣又要去玩滑梯，一陣又話落2米池，一陣又去果邊，倩惠又唔識游，一時又叫主，一時又叫阿媽，一時又話有大白鯊。原本唔去2米池，但佢地又死都話去，咁去到2米池，我死到叫佢地抓住呀，唔好放手呀，唔好玩人呀，唔盡亂叫，唔識游就唔好游呀。佢地又要玩潛落到底喎....嚇到我呀....個個上到黎又叫又話扶唔到呀，攪到我隻手比佢地好似扶手咁。
不過好攪笑呀，惠儀仔叫我扮一之受浸會係點啦，跟住我扮啦，梁惠儀，你係咪接受主為你個人救主，我都未問完，佢就答我願意，跟住大家都笑死，我話1問答未問晒你唔盡作答，2我係咪你係咪接受，唔係問願唔願意，你問錯題，唔比受浸。跟住佢又要帶潛水鏡喎，我地就話冇架，冇得帶架，你估游水呀。
之後，游到9:00我地就走啦，因為一致通過去食pizza hut，去到後那那林叫野食，又傾下計，食完都差不多10:45啦，又要趕番屋企，倩惠屋企人就係附近等佢，而我地就搭地鐵回家lu，番到屋企，我竟然咩都冇做過，換左套睡衣就訓lu，真係超級勁疲倦呀。
>>August 16, 2004 at 4:24:15 AM GMT+8
2004 年 8 月 11 日 星期三 【晴】
如鷹反老還童.........................
..................聖經上寫著.
40:27 雅各阿、你為何說、我的道路向耶和華隱藏．以色列阿、你為何言、我的冤屈 神並不查問。
40:28 你豈不曾知道麼、你豈不曾聽見麼、永在的 神耶和華、創造地極的主、並不疲乏、也不困倦．他的智慧無法測度。
40:29 疲乏的、他賜能力．軟弱的、他加力量．
40:30 就是少年人也要疲乏困倦、強壯的也必全然跌倒．
40:31 但那等候耶和華的、必從新得力、他們必如鷹展翅上騰、他們奔跑卻不困倦、行走卻不疲乏。
星期二的祈禱會志明哥所講的正是星期日所講的，但由於星期日我只能聽大約20分鐘的信息，我心裡極其渴想能繼續聽或再講多一次，但我知的機會不大，但原來我這樣的一小小念頭，主都明白同細察，係星期二祈禱會中，志明哥又再講多一次，真係感恩啦，但近期我的狀態可以話係好疲倦，唔知點解，好多時都好想訓下覺，我想我真係要休息一下。
係聚會中，志明哥講到鷹的重生，因為鷹去到40歲度，因為羽毛太多，d爪又太彎不找抓住食物，個咀又係彎，不方便進食，如果鷹再係咁落去﹕
一. 佢惟有等死
二.惟有隻鷹首先將自己個咀啄斷，然後脫甩自己的爪，用咀將自己多餘的羽毛拉出來，其過程將是十分艱辛同痛苦，但惟有這樣做，才能使自己重生，再有機會絃續自己的生命。
基督徒的人生也是這樣，每過了一段時間之後﹕
可能當中經歷冤屈、可能當中受過傷害、可能當中經歷種種
以致人生疲憊困倦，對一切事或物都聽天由命，不再高飛，不想再翱翔，不再對主或自己有什麼理事或抱負，因自己覺得自己已無能為力。
但寶貴聖經上記著﹕
40:28 你豈不曾知道麼、你豈不曾聽見麼、永在的 神耶和華、創造地極的主、並不疲乏、也不困倦．他的智慧無法測度。
40:29 疲乏的、他賜能力．軟弱的、他加力量．
40:30 就是少年人也要疲乏困倦、強壯的也必全然跌倒．
40:31 但那等候耶和華的、必從新得力、他們必如鷹展翅上騰、他們奔跑卻不困倦、行走卻不疲乏。
再一次提醒我們，主是創造地極的主，祂明白、祂知道、祂了解、並且祂聽見你心裡的痛苦同傷害。寶貴祂並不疲乏、也不困倦。更寶貴的是，疲乏的、他賜能力．軟弱的、他加力量。祂必與你我同在，更能使我們重生，人生能繼續飛翔天空，翱翔萬里，人生能再次遇能那位愛你愛我的主，同樣，主沒有按我們的過去、軟弱待我們，祂用笑臉能幫助我們，使我們如鷹反老還童。
>>August 12, 2004 at 5:23:27 AM GMT+8
2004 年 8 月 8 日 星期日 【晴】
................... 星期日眼訓到死...................
由於星期六個會攪左個遊船河比我地D會員，所以我星期六出唔到聚會，都唔係好明，點解次次都係好想去聚會的時候就實有事黎唔到，上次特會又係咁，真係好唔濟呀，好想有人同我講返講乜野呀。
星期日的擘餅聚會，起初，由於不太慣成人家的祈禱方法同埋唱歌(我指係唔慣姐)，再加上我係超級勁眼訓，冇咩心機去聚會，一合埋眼就想訓覺TIM。不過之後都比較好D，尤其是當聽到桂嫻姐勸勉B/S的話時，眼角更情不自禁流下眼淚來。
桂嫻姐勸勉B/S，每個人都不需要同其他比較，因為每個都有不同的潛質，每個都可以比發揮，就視乎你是否願意比神使用，回看慧忠姐的一生，她需要行動不便，但她卻十分樂意為教會付出及擺上，無論係出外事奉，無論係只負責擺檯擺野，佢都十分樂意去做，沒有計算究竟做了之後得著的果效有幾多，沒有想過究竟去了其他地方事奉後，自己會如何，她總是想去服侍人，去關心別人的需要多過自己。
跟住桂嫻姐話雖然同她只是面的分離，但慧忠姐最令人敬佩她的一生竟是散發基督的香氣，使人因著她去認識主同見証主的實在。今日你我一樣同樣可以做得到，只要盡心、盡性、盡意、盡力去愛主你的神。
>>August 9, 2004 at 7:17:12 AM GMT+8
2004 年 8 月 4 日 星期三 【晴】
請各位為我媽媽祈禱啦
我阿媽今朝諗住返工的時候，佢突然間話手軟腳軟，跟住就叫我家姐陪佢入急症，因為佢其實好耐之前已經病病地，一路佢心理都覺得冇好番，一時又話喉嚨痛，一時又話頭暈，一時又話全身冇力。
我中午打電話番屋企的時候，家姐話醫生驗到佢只係高血壓，不過要長時間食藥，同埋星期五會去驗血，check清楚d，咁都好，起碼我可以放下心頭大石，好驚唔知佢有咩事，今朝成朝都有為佢祈禱。
請各方好友，見字者為佢祈禱啦，希望主藉著這次病，使佢去尋求主同使我有機會和勇氣同佢講到關於主的事，佢成日都話自己撞到d唔乾淨野喎(錯覺)，希望佢有最好的醫生同護士，有最好的藥物啦。求主醫治佢的病。
另外，我阿公佢已經出了院，我都唔記得有冇講過，佢而家番屋企休養，但就要人幫手，因為佢行動不便，同埋佢講唔到野。...................>.<
>>August 5, 2004 at 6:45:16 AM GMT+8
2004 年 8 月 2 日 星期一 【晴】
繼續2日一夜的camp=冇覺好訓的日子........
第2朝，一早就比師姐好似鬧鐘咁嘈醒，因為佢係8:30的時候，就大叫起身啦，8:30啦，快d啦，跟住我地就蟻"冷"咁慢起身，跟住去食早餐，食完早餐就回去房個廳度親近主，起初我以為我果團最遲，點知原來係最早去食早餐的，親近主時，我地安排坐係廳，因為外面已經好晒啦，咁我地就坐係廳唱詩歌啦，我的位置剛剛係對住門口，那一刻的風景至今我仍然記得，彷彿外國的風景，大大的樹木，萬埋無雲，真係令我體會那一日的親近主不能再與其他日子去比較，因為那一日就係那一日，今日的也不能同明天的去比較，但有一樣是一樣的，就係耶穌昨日今日直到永遠的愛也是一樣的。
同惠儀仔親近主時，其實我都唔知佢明唔明我講乜，我惟有一路我的經歷同體會，盼望主繼續開她眼睛使她能體會主的大愛，不要浪費我特登送比佢的聖經呀。
食完飯，我地映完大合照就上車回大牛啦，車駁車咁返大牛，當去到西貢再轉車的時候，那架車確實係一架有冷氣=冇冷氣的車，全程人直頭好似係個火爐裡面咁呀，好彩我地吸引左遲黎冇食飯的經驗，今次第一時間上車，如果唔係就好似d姊妹咁，冇位坐，不過最後都安排上左車3個位坐4個人咁啦。
返到大牛之後就開始擘餅，起初精神都還可以，但去到後來，國柱分享的時候，我對眼直頭想接埋呀，當企係度的時候，我竟然都想訓，最後仲跌一跌tim，不過冇事。
之後又安排我地的晚會啦，個個都全情投入呀，有點歌環節啦，我地有點比大妹姐聽架，不過原來寫左歌名都唔係播番果首歌ge，我地想點牽手同行架，不過諗唔到我有份喎。跟住就係一輪食左都唔知食左d咩的晚餐，因為隻碟全部都放晒人地"but"的野食，飯、麵、通粉、甜品都係碟內，不過好彩係咁，如果唔係就冇啖好食，因為只得一輪，野飲我都冇得飲呀。下次都係拎左先。
玩遊戲都好好玩又攪笑啦，最攪笑莫過於fashion show啦，我地派小坤出場，原本諗住好點架啦，點知人地家族的仲點過我地，歡讚的catwalk，直頭選美咁呀，(不過佢係弟兄)，青苗的弟兄那個殺死人的眼神呀，嘩.................令人尖叫呀。仲有個我地話佢係達達喇嘛的化身呀。真係笑到死呀。
當完場的時候，其實已經疲憊不堪，直頭想死一樣呀，回到家即刻沖涼就訓lu。zzzzzz
>>August 4, 2004 at 5:09:20 AM GMT+8
|
|
|
|
廣告 |
|
|
讀者留言 |
| 路人留言
|
 I really underst
>>July 3, 2006 at 3:58:55 AM GMT+8
如果俾我都會揀長短週架!
<br
>>March 17, 2006 at 10:29:50 AM GMT+8
好開心知道你訓得好左, 因為我都
>>March 12, 2006 at 12:48:14 PM GMT+8
你又唔早d話我知,我近排又係夜晚
>>March 8, 2006 at 2:09:44 PM GMT+8
你近排好似好奈冇打日記喎! 我得
>>February 21, 2006 at 9:11:37 AM GMT+8
咁....
<br>唔換到換左.
>>November 10, 2005 at 1:04:28 AM GMT+8
百利恆井水，如血之寶．
<br>
>>October 7, 2005 at 10:33:22 AM GMT+8
I will always su
>>September 6, 2005 at 11:57:22 PM GMT+8
唔好咁唔開心啦!主了解你一切的感
>>August 29, 2005 at 3:50:31 PM GMT+8
我係一個7月1日被遺棄嘅小朋友!
>>July 4, 2005 at 7:52:19 AM GMT+8
我係騙局嘅受害者!
>>June 15, 2005 at 10:17:21 AM GMT+8
點解你成日發埋d咁嘅夢架!
<b
>>May 18, 2005 at 9:30:41 AM GMT+8
女主角,幾時幫我地簽個名呀?
>>May 1, 2005 at 3:33:58 PM GMT+8
我地會為你祈禱架喇!願主將平安賜
>>March 26, 2005 at 1:15:22 PM GMT+8
放心啦, 我地會代禱記念你架啦!
>>March 24, 2005 at 7:07:39 AM GMT+8
依家輪番我問你有沒有工可以俾我做
>>March 24, 2005 at 2:18:55 AM GMT+8
RE大佬同ssf﹕唔好係度玩野喎
>>March 9, 2005 at 2:38:53 PM GMT+8
Re: 十大殺手，我唔知你係邊個
>>March 9, 2005 at 9:52:09 AM GMT+8
ssf 你究竟係邊過,竟然夠膽咁
>>March 9, 2005 at 7:49:48 AM GMT+8
答嘴：宇宙大佬，我份工要受好多氣
>>March 8, 2005 at 11:29:21 AM GMT+8
我提意你不如做ssf 果份工啦!
>>March 8, 2005 at 7:57:49 AM GMT+8
實在恭喜妳可以辭職，我都好想好想
>>March 7, 2005 at 10:57:06 AM GMT+8
睇黎個亞姐都唔會做得長囉!
>>March 1, 2005 at 7:40:04 AM GMT+8
唔關我事架...
<br>係大妹
>>February 22, 2005 at 2:41:42 PM GMT+8
睇佢真係唔似傻仔喎!
<br>仲
>>February 22, 2005 at 5:41:54 AM GMT+8
大妹姐會為錢殺人?
<br>我好
>>February 18, 2005 at 8:07:06 AM GMT+8
我點知?
<br>我識得佢吖麻!
>>February 17, 2005 at 7:50:28 AM GMT+8
喂，你唔好用"撇低大妹姐"呢幾個
>>February 15, 2005 at 7:26:15 AM GMT+8
我果日係馬鞍山親近主喎!
<br
>>February 15, 2005 at 3:43:55 AM GMT+8
re大佬﹕你又知係周星星架咩，唔
>>February 9, 2005 at 9:40:18 AM GMT+8
re大佬﹕如果你出我地星期日的馬
>>February 9, 2005 at 9:39:02 AM GMT+8
新年快樂!
<br>你好似今件未
>>February 9, 2005 at 6:04:41 AM GMT+8
"愛你一萬年"係周星星係西遊記大
>>February 9, 2005 at 6:00:17 AM GMT+8
嘩!你解啟示錄都幾清楚架喎!
<
>>January 26, 2005 at 6:25:20 AM GMT+8
多謝晒﹗好感動呀﹗係呢個咁寒冷既
>>January 15, 2005 at 11:39:46 AM GMT+8
re小公主﹕張相梗係冇問題啦，等
>>January 12, 2005 at 1:25:12 PM GMT+8
re汽球﹕咁你多d留言啦..
>>January 12, 2005 at 1:23:44 PM GMT+8
re SSF:我已經預備
>>January 12, 2005 at 1:22:26 PM GMT+8
我好LIKE你個留言板LO...
>>January 9, 2005 at 11:07:04 AM GMT+8
我想要既保濕潤唇膏都唔使你送嘞，
>>January 4, 2005 at 3:53:31 AM GMT+8
依家唔洗你送個坐枱
>>January 3, 2005 at 6:25:17 AM GMT+8
我已經幫大妹姐扲咗
>>December 31, 2004 at 8:00:07 AM GMT+8
我已經幫大妹姐扲咗
>>December 31, 2004 at 7:54:23 AM GMT+8
哈.... 地點都係寫下既o者.
>>December 28, 2004 at 11:40:13 AM GMT+8
RE宇宙大佬﹕
<br>你要的禮
>>December 21, 2004 at 1:36:38 PM GMT+8
係唔係寫低就有禮物收架?
<br
>>December 21, 2004 at 1:00:53 PM GMT+8
RE SSF﹕
<br>你要保濕
>>December 21, 2004 at 12:17:37 PM GMT+8
re SSF大仔K仔﹕
<br>
>>December 21, 2004 at 12:15:11 PM GMT+8
re小公主﹕
<br>你的禮物冇
>>December 21, 2004 at 12:11:56 PM GMT+8
我唔貪心的啦,我想要朱古力就得啦
>>December 21, 2004 at 8:51:52 AM GMT+8
|
|
超勁開心的"新心呼club營"
請各位為我媽媽祈禱啦