|
2004 年 9 月 13 日 星期一 【晴】
靈修team
由9月1日開始，我同慧英分開逢二、四去了基智同寧波的靈修team，到今日為止，我出了3次，寶貴每次都有見到佢地出現，仲要出齊喎，同埋早到tim。心裡確實感謝主的同在同祝福，雖然有時回到公司好眼訓，但我都覺得係值得，因為主吸引了我們能夠早上的時候去享受神，雖然時間唔係好多，有時只得5分鐘去睇聖經，但我卻享受那早上的清晨及鳥兒的歌聲，這些都不能在地鐵裡找到。
今日我們一齊睇主的第一個神蹟，將水變為酒的事，多謝主明白人急切的需要，也同樣寶貴，今日我們的人生也是因著主由水的人生改變成為酒的人生，更加比從前更燦爛同美麗。當中惠儀仔的相交，也放在我心，寶貴主真是復活的主，同樣我們的見証也能吸引人及使人羨慕我們的喜樂。
但其實今日我都係有d肚痛，最後去到麥當勞都係要去廁所，跟住舒服晒囉。行去地鐵站的時候，竟然見到村長喎，佢係度等巴士，佢好似瘦左好多咁，講左幾句就走lu。
>>September 14, 2004 at 1:55:45 AM GMT+8
2004 年 9 月 12 日 星期日 【晴】
科大大大大定向
星期日的早上，我地去了科大親近主加玩定向，星期六晚已約了碧茹、惠儀仔同龜仔一齊係科大食早餐，時間約左右為9:45啦，咁我星期日仲諗住時間有好多，因為我以為係藍田有車入啦，跟住9:10出門口，行到落地鐵站的時候，先見到咩298轉左叫298p喎，心知死火，因為p車係通宵車，要夜晚先開出，一落到去巴士站一睇，尾班車已開出，那一刻那那林跑上去搭地鐵，跟住打比碧茹，佢地已經搭緊車啦，咁我就話係裡面等啦，去到小巴站，又撞到小坤同戴福康喎，戴福康好攪笑架，問左等於冇問，答左等於冇答，問佢參加左咩課外活動呀，佢竟然話唔記得，食左早餐未呀，佢竟然答﹕係廚房有野食..........都唔知好笑還好嬲呀。
去到科大，竟然都係9:45喎，真係快呀架車，去到麥記，買早餐食完都係剛剛好10:30，去番巴士站都仲要等遲到大王...................(係邊個.............自己估啦，我驚比火燒死)。跟住分團唱詩歌啦，個個都驚小昆蟲同d小動物，嚇到倩惠死死下咁濟，跟住分組親近主，我同惠儀仔去了燒烤場親近主，多謝惠儀仔幫我抹"登"，雖然冇坐到，因為太晒啦，但好多謝佢的照顧。
睇聖經我地一齊睇主用泥和口水開瞎子眼睛，好寶貴主用他的話，同好實在地醫好傷心同有需要的人，主親自抹乾我們的淚痕。同樣，今日我們心眼得開，都是主的恩典。我同惠儀仔都有一心志，就係係聚會開聲讚美主，今個星期六將是第一次，盼望主加我精神同體力啦。
親近完主，回程的時候，仲同惠儀仔一齊唱詩歌tim，真的好開心，去到canteen，食完野就開始玩我地的定向，主持人係銀富同小坤，2個都係十下十下咁，開始的時候話遲到唔扣分，又冇講過早到會加分喎。有地圖等於冇地圖，因為張地圖用英文，同冇用途的。跟住與我同組的有cc叔叔、盛仔、師奶鳳、惠儀仔同龜仔。真係人強馬壯呀。首先盛仔測試風向及方向，即係用口水試下風向，c叔叔用全方位定向儀定位，即係用palm影低地圖。
開始的時候，我同大佬盛同惠儀仔一組，答第2張問題，好快就找到啦，但匯合佢地的時候，就發現d問題又係去番我地去過的地方，最後答不到1題，個個都好全力去找答案，惠儀仔仲叫我唔好跑tim，因為驚我d腸又郁，又要去廁所。
因為我地答唔到1題，大佬盛同我同惠儀仔一齊再去找答案啦，找到後，我就叫大佬盛請食雪糕啦，佢竟然話﹕夠膽你就叫啦，去到麥記﹕
我問大佬盛可以叫咩啦
佢又話﹕夠膽你再叫啦
咁惠儀行埋去counter啦，個姐姐問要咩呀，我地一齊望住大佬盛啦
佢又係咁講﹕夠膽你就叫啦
惠儀仔咁就叫麥璇風，大佬盛再講一次﹕你夠膽你就叫啦。
咁我就話唔夠要個新地呀。大佬盛就話﹕你真係夠膽呀。
番到去的時候，就唔知點解得第3名，跟住回程去鑽石山啦，回程係車度，我估最嘈都係我地架啦，因為我地太大聲講野啦。去到鑽石山我地影左貼紙相，到6:00我地就走啦。
>>September 13, 2004 at 10:04:51 AM GMT+8
2004 年 9 月 8 日 星期三 【暴雨】
病中仍要努力工作
病的日子裡，雖然是可以休息半日，但當每次聽到亞姐把聲的時候，仲比你覺得又休息呀，我有點不是味兒，因為我真係唔舒服，如果我去玩就話姐，我真係唔舒服先唔返工姐，都唔洗咁回答我呀。真係命苦呀。
尋日中午我終於約到慧英一齊祈禱啦，好開心呀，雖然個肚仍然都係唔舒服，郁黎郁去，但好感謝主，祂知道我地要祈禱，所以唔落雨住，仲有陽光tim呀，當我回到公司食野的時候，就落雨啦，回想起，真係感謝神呀，同樣係祈禱中，我都要經歷祈禱的快樂同享受主的祝福，因為愛我這位主是最想我這個人得著祝福同榮耀。
lee幾日都係食............粥，食到個口都唔想食呀，不過冇辦法啦，因為我冇得揀，惟有聽醫生講的啦。短時間內唔好叫我日本野，同麥記啦。哈哈....又唔可以走得太快同郁得太多，如果唔係又要去廁所架啦。
lee2日的病情中，深深體會人生的生命確不在我的掌握中，我笑說我應該不是強壯，所以只得70歲命，但人的生命不在乎長或短，在乎是否活得榮耀同光彩，那日去到急症室等待的時候，眼見全是公公婆婆，全是沒有體力去支撐自己，好多都要人扶住或者要訓係床度，令我回想，主使我現今有體力為祂東奔西跑，現今我還可以想去邊就去邊，同樣都係主的看顧同保守。
當星期日一早的時候，睇到一輯由一班基督徒製作的特輯，當中講說到一名城巿大學的教授，某一日突然暈倒，又急劇地轉為危殆，即刻要入深切治療部，同樣當中他經歷神聽他同b/s們的祈禱，強心劑發揮效力，同樣轉送去其他醫院後，能即時比搶救，能他好得醫治。在這過程中，使他更確信神是活生生的，不是專醫治某一些人，他講到﹕就算他的經驗、學歷、金錢有幾叻、幾多、幾勁都好，當身體遇上任何問題，這些都不能幫到他。他都要惟有祈禱求主出手幫助，使他經過死蔭幽谷，也不怕遭害，因為主與他同在。
>>September 9, 2004 at 5:23:30 AM GMT+8
2004 年 9 月 6 日 星期一 【晴】
腸胃炎-去左睇急症
今朝一早起身，又係手軟腳軟，全身冇力，個胃又開始痛，又疴左2次，加埋尋日疴的總數有7次，原本今朝係要開會的，但我真係辛苦得要命，最後惟有打比亞姐下午先返工，跟住我仲去埋急症室睇tim，由9:40等到10:40先有得睇，足足等左一粒鐘，帶左本聖經去，但因為太眼訓，睇左小小咋，叫我去睇的時候，感謝主係女醫生的來，咩都講比佢聽，個胃呀，條腸呀，佢一叫我訓上床咁襟下個肚時，已經有聲啦，佢話我係食錯野，d菌而家去左條腸度，所以疴囉，咁我又拎埋果個醫生d藥比佢食，佢話係冇錯架，不過果d藥唔係對付我lee隻菌喎，所以嚴重左，我都冇野好講啦，食左咁耐先知係白食，冇幫助的。
拎完藥都差不多11:30啦，回家又係食粥，真係食粥3餐呀。
>>September 7, 2004 at 7:54:10 AM GMT+8
2004 年 9 月 5 日 星期日 【晴】
腸胃炎
星期六中午去到大牛，食咗件三文治之後，就開始有d唔舒服，好似胃痛咁，起初我以為係食得太快啦，當下午的時候，我又覺得冇咩野啦，去到夜晚仲同佢地食左個麥記tim，回到家沖完涼就開始覺得唔多舒服，夜晚訓訓覺的時候，胃痛到死咁，全身好似抽住痛，訓唔到覺，去到2:00，惟有起身食胃藥啦，食左2粒，跟住睇左一陣電視，電視竟然播番女排總決賽的比賽喎，咁就睇左一陣，去到3:00，都係覺得唔得，惟有食多一粒必理痛，跟住去到3:30先上床訓，那一刻好想去叫醒人陪我入急症，因為真係好難頂，但最後都冇。
星期日的一早又好早起身，都訓唔到覺，咁係7:00就起左身啦，去到大牛，好似行屍走肉，好疲倦個人，係聚會度直頭訓著覺tim，攪到唔好意思呀，因為我對住大妹姐呀嘛。
之後的辛苦，真係試到未試過呀，又胃痛，又腸痛，又周身痛，好辛苦先捱到惠儀仔的受浸慶祝聚會完結，之後番藍田睇醫生，醫生竟然話我係腸胃炎呀，跟住叫我咩都唔好食﹕生果、奶類製成品(咖啡、奶茶、阿華田....有奶果d都唔好飲)、太甜、太酸、太咸、太辣、肥膩野、煎炸野，都唔好食.....咁即係咩都唔食得，除左粥之外。
之後回家食完藥就訓啦。
星期一，上午起身的時候，因為覺得仲係好辛苦，同埋醫生比左張請假紙我，所以我休左半日，下午就番工啦，但其實食左d藥，個人好疲倦，把聲沙晒，全身冇力。但係工作還工作，都要做到7:30先走得。因為星期二一早要開會。
>>September 7, 2004 at 7:45:22 AM GMT+8
2004 年 8 月 27 日 星期五 【晴】
連續兩日的晚飯局
星期四同星期五都要開會，其實對我來說並不是開會，因為會議紀錄不用我寫，也不用亞姐寫，我們找了報館的記者代筆，哈哈。
所以我地只作坐係度等食...............又係食，尋晚的地點﹕美麗華酒店，又係一餐異常豐富的晚餐，食得太多啦。但因為尋晚都要坐係度，所以急到我要忍到最後先有得去。
可以走得的時間已經係10:45啦，真的要命。
下星期一又要開會，地點﹕灣仔人家，聽聞是私伙菜，d老闆諗的地方真係麻煩呀。
>>August 28, 2004 at 4:45:01 AM GMT+8
2004 年 8 月 26 日 星期四 【晴】
因為要開會所以冇得出小組tim...................
尋日又要攪d接待團，今次接待的是河南省，明明話6:00到，冇那那5:00打個電話嚟話就到喎，攪到我地即刻要打返電話比d老闆叫佢地早d到，佢地大約5:30左右就黎到，我地惟有將全部飲品推晒出黎比佢飲，跟住又幫住攪lee攪路，不過好彩d老闆都叫準時到達，傾左一陣之後，因為記者趕住早人，所以那那林影番張合照，我地好多謝個記者的提出，如果唔係今晚都唔知先食飯，因為lee班人會一齊落去食飯，我地訂左7:00，時間剛剛好，又開始食野時間，大約食到9:00，d老闆就話食唔落啦，又話好想過去隔離睇下人地打麻雀，又話想行街，不過唔好意思，荔枝角係冇野行的。
食完飯差不多9:00就走lu，d野食最後由我全部拎走，我交晒比阿媽，不過個甜品都幾好味架。
>>August 27, 2004 at 5:15:56 AM GMT+8
2004 年 8 月 23 日 星期一 【晴】
節錄的分享，盼望一同進步
在路加福音十章38-42節中，
馬大和馬利亞的事蹟，給現代那些注重事奉技巧，並以事工多、忙碌為榮的
事奉者帶來兩個重要的提醒。
一、 事奉偶像化
當主耶穌進入馬大和馬利亞家中的時候，兩姊妹歡天喜地接待祂，馬利亞坐在主耶穌
腳前聽道，而馬大卻忙於伺候主的家務上。馬利亞接待主在她的家中；馬大以事奉為
重，輕看了親近主和聆聽主道的上好福分。其實主並不輕看伺候祂的事奉，若然祂以
為馬大做的沒有價值，祂一早就阻止她了。馬大的問題，不在於事奉，而在於把事奉
看得太過重要，主耶穌要我們看祂自己比事奉祂的工作更加重要。
當一個人看任何事物和關係比主自己更加重要時，這些事物和關係便成為我們的偶
像，因此當我們愛自己、家庭、娛樂活動、事奉過於愛神的時候，這些都可以成為我
們的偶像。甚麼帶給我們更大的滿足感？是我們的事奉還是主自己。對肯事奉神的基
督徒來說，今天有很多新的事奉理論和學說可以學習追求，但是我們不能愛這些過於
神自己。
二、 事奉忙碌化
聖經教導我們要殷勤不可懶惰，並要竭力多作主工。主耶穌因常工作而沒有時間吃飯
或休息。教會歷史中很多先賢先聖，如馬丁路德、約翰衛斯理、愛德華滋等，都是馬
不停啼的事奉者。約翰衛斯理八十歲時唯一的埋怨，是他不能再如過往，每天工作十
五小時，可見殷勤可以是愉快和有滿足感的，因此忙碌也有健康和不健康兩種。
馬大的忙碌是不健康的，第一，她將愉快的事奉忙碌化，這種忙碌帶來心中的壓力，
因此她的忙碌，不是工作多，而是內心的「思慮煩憂」。第二，她忙碌以致沒有時間
親近主。第三，她的忙碌令她埋怨主，埋怨馬利亞，又埋怨自己。今天有許多事奉神
的人，以「忙碌」為愛主愛教會的記號，故意把事奉忙碌化，像馬大一樣，本來不忙
碌的工作，也弄成很忙碌的樣子。
今天有另一種不健康現象，有些信徒為了要避免馬大的危機，又知道馬利亞的上好福
分是重要的，因此採取了世俗那種濃縮和即食方法來成長和更新，以為一次聖靈的擊
倒便可帶來靈性永遠的突破和更新。誰知生命的成長是需要時間和功夫，所謂「成聖
須用功夫」，不可能速成的。
弟兄姊妹，讓我們學習事奉，走艱辛十字架道路，也學習等候在主面前。
>>August 24, 2004 at 6:26:52 AM GMT+8
2004 年 8 月 22 日 星期日 【晴】
當中的體會
親近主時，同惠儀仔一齊睇約翰福音﹕
5:1 這事以後、到了猶太人的一個節期．耶穌就上耶路撒冷去。
5:2 在耶路撒冷、靠近羊門有一個池子、希伯來話叫作畢士大、旁邊有五個廊子。
5:3 裏面躺著瞎眼的、瘸腿的、血氣枯乾的、許多病人。〔有古卷在此有等候水動〕
5:4 〔因為有天使按時下池子攪動那水水動之後誰先下去無論害甚麼病就痊癒了〕
5:5 在那裏有一個人、病了三十八年。
5:6 耶穌看見他躺著、知道他病了許久、就問他說、你要痊癒麼。
5:7 病人回答說、先生、水動的時候、沒有人把我放在池子裏．我正去的時候、就有別人比我先下去。
5:8 耶穌對他說、起來、拿你的褥子走吧。
5:9 那人立刻痊癒、就拿起褥子來走了。
當中體會主見到那個38年的病人時，不是同他講派人去安守，等到池水攪動的時候，即刻安排放他落去，而係第一時間叫他﹕起來。今日都是一樣，我們在黑暗絕望中的時候，冇辦法的時候，主就來了，並祂與我們說﹕起來。今日我們真係可以隨時起來，無論你的環境如何，你的狀態如何，你的感受如何，你同樣都可以起來。起來吧。
那個病了38年的病人，最希望就是可以康復，今日你的願望是什麼呢?可能你說是沒有可能完成的願望，那個病人都是一樣，同樣對他來說是奢望，但他遇見主，主使他的願望成真。我同樣都叫惠儀仔去想一想她的願望，無論學業、心志、願望，一一同主講。
當見到大家只顧住玩的時候，當親近主的時候就死下死下，我心裡其實好想大家清楚一點，你預左咁夜訓就係會冇精神架啦，咁點解玩的時候可以咁落力去玩，但當親近主的時候，就唔落力去親近主，莫非真的看不見/睇不清親近主的寶貴，每一日只得一個早晨，莫非今個早晨可以同以往的比較嗎?我真希望大家是比聖靈開眼，睇見親近主的寶貴同重要，尤其是信主幾年的姊妹呀?你當回想唔好以為自己已經得著，謙卑的求主教你怎樣親近主吧!
開學了，各位返學的姊妹，不知你們有否心志，願望呢?
>>August 23, 2004 at 9:37:05 AM GMT+8
2004 年 8 月 21 日 星期六 【晴】
camp中的攪笑事
1. 訓覺的時候，因為我同惠儀仔一齊訓，佢對面就係燕瑜同妍妍，所以玩左好耐先訓，惠儀仔話要鋪紙巾係d衫面，因為驚落口水，但一訓落去就散晒啦。跟住我地將碧茹個頸cool枕頭當帽咁戴，原本只有燕瑜、妍妍、我同惠儀仔玩，玩玩下加埋倩盈同倩惠，好攪笑架，倩惠就戴得最靚，惠儀仔就戴得好似個大頭B咁，好攪笑，最後我地仲影埋相TIM。跟住又用個枕頭當武器咁打惠儀仔，打到"啪啪"聲，跟住大妹姐成日問攪咩呀，發出D咁聲音。
2. 當行去聚會地方的時候，因為落完雨，好有好多蝸牛，咁倩惠又唔小心踏中左，跟住佢全晚就係咁講蝸牛可能鑽入佢隻腳度呀，好痕呀，又話倩盈的手信可能引到蝸牛黎呀，咁第2朝就有法國蝸牛食啦，跟住又話要加蕃蓉食呀......
3. 佢地全部都有日本名架啦，事源係星期六聚會的時候，國柱哥哥講到我地親近主應該點樣啦，佢畫左隻手出黎，唔知點樣話碧茹的手指短，所以叫小手指啦，跟住我就幫佢改左個名叫寧波小手指，跟住惠儀仔用左碧茹張足印書簽用黎當手，咁我就叫佢做大腳指，佢因為又係讀寧波，所以叫寧波大腳指，之後事件就發生啦﹕
倩盈係...拔萃面油"子"
曉琳係...聖母少林"子"
妍妍係...觀中陰師"子"
倩惠因為佢話自己D陰如果分開左，D同學會叫佢做西瓜太郎，所以佢的日本名就係西瓜太郎。
4. 而弟兄方面，就改晒係莫探員的名字，佢地一時就話自己係咩粵港三鄉同鄉會，一時又話自己係宙斯保險公司D人，成日叫人買保險
大佬盛係...海哥
小坤係..莫探員
小志強係..陳偉強
亞sir係...史高拔
石倫係...羅白歐
佢地班弟兄幫大妹姐改係...VIVI
美鳳係...程情
珮思係...mary
5. 大佬盛的遊戲，次次都有出乎意料的驚喜，今次玩小小奧運會
當中好多遊戲好好玩，尤其是係玩相搏的時候，大妹姐直頭以大熱身份勝出。
>>August 23, 2004 at 6:27:31 AM GMT+8
|
|
|
|
廣告 |
|
|
讀者留言 |
| 路人留言
|
 I really underst
>>July 3, 2006 at 3:58:55 AM GMT+8
如果俾我都會揀長短週架!
<br
>>March 17, 2006 at 10:29:50 AM GMT+8
好開心知道你訓得好左, 因為我都
>>March 12, 2006 at 12:48:14 PM GMT+8
你又唔早d話我知,我近排又係夜晚
>>March 8, 2006 at 2:09:44 PM GMT+8
你近排好似好奈冇打日記喎! 我得
>>February 21, 2006 at 9:11:37 AM GMT+8
咁....
<br>唔換到換左.
>>November 10, 2005 at 1:04:28 AM GMT+8
百利恆井水，如血之寶．
<br>
>>October 7, 2005 at 10:33:22 AM GMT+8
I will always su
>>September 6, 2005 at 11:57:22 PM GMT+8
唔好咁唔開心啦!主了解你一切的感
>>August 29, 2005 at 3:50:31 PM GMT+8
我係一個7月1日被遺棄嘅小朋友!
>>July 4, 2005 at 7:52:19 AM GMT+8
我係騙局嘅受害者!
>>June 15, 2005 at 10:17:21 AM GMT+8
點解你成日發埋d咁嘅夢架!
<b
>>May 18, 2005 at 9:30:41 AM GMT+8
女主角,幾時幫我地簽個名呀?
>>May 1, 2005 at 3:33:58 PM GMT+8
我地會為你祈禱架喇!願主將平安賜
>>March 26, 2005 at 1:15:22 PM GMT+8
放心啦, 我地會代禱記念你架啦!
>>March 24, 2005 at 7:07:39 AM GMT+8
依家輪番我問你有沒有工可以俾我做
>>March 24, 2005 at 2:18:55 AM GMT+8
RE大佬同ssf﹕唔好係度玩野喎
>>March 9, 2005 at 2:38:53 PM GMT+8
Re: 十大殺手，我唔知你係邊個
>>March 9, 2005 at 9:52:09 AM GMT+8
ssf 你究竟係邊過,竟然夠膽咁
>>March 9, 2005 at 7:49:48 AM GMT+8
答嘴：宇宙大佬，我份工要受好多氣
>>March 8, 2005 at 11:29:21 AM GMT+8
我提意你不如做ssf 果份工啦!
>>March 8, 2005 at 7:57:49 AM GMT+8
實在恭喜妳可以辭職，我都好想好想
>>March 7, 2005 at 10:57:06 AM GMT+8
睇黎個亞姐都唔會做得長囉!
>>March 1, 2005 at 7:40:04 AM GMT+8
唔關我事架...
<br>係大妹
>>February 22, 2005 at 2:41:42 PM GMT+8
睇佢真係唔似傻仔喎!
<br>仲
>>February 22, 2005 at 5:41:54 AM GMT+8
大妹姐會為錢殺人?
<br>我好
>>February 18, 2005 at 8:07:06 AM GMT+8
我點知?
<br>我識得佢吖麻!
>>February 17, 2005 at 7:50:28 AM GMT+8
喂，你唔好用"撇低大妹姐"呢幾個
>>February 15, 2005 at 7:26:15 AM GMT+8
我果日係馬鞍山親近主喎!
<br
>>February 15, 2005 at 3:43:55 AM GMT+8
re大佬﹕你又知係周星星架咩，唔
>>February 9, 2005 at 9:40:18 AM GMT+8
re大佬﹕如果你出我地星期日的馬
>>February 9, 2005 at 9:39:02 AM GMT+8
新年快樂!
<br>你好似今件未
>>February 9, 2005 at 6:04:41 AM GMT+8
"愛你一萬年"係周星星係西遊記大
>>February 9, 2005 at 6:00:17 AM GMT+8
嘩!你解啟示錄都幾清楚架喎!
<
>>January 26, 2005 at 6:25:20 AM GMT+8
多謝晒﹗好感動呀﹗係呢個咁寒冷既
>>January 15, 2005 at 11:39:46 AM GMT+8
re小公主﹕張相梗係冇問題啦，等
>>January 12, 2005 at 1:25:12 PM GMT+8
re汽球﹕咁你多d留言啦..
>>January 12, 2005 at 1:23:44 PM GMT+8
re SSF:我已經預備
>>January 12, 2005 at 1:22:26 PM GMT+8
我好LIKE你個留言板LO...
>>January 9, 2005 at 11:07:04 AM GMT+8
我想要既保濕潤唇膏都唔使你送嘞，
>>January 4, 2005 at 3:53:31 AM GMT+8
依家唔洗你送個坐枱
>>January 3, 2005 at 6:25:17 AM GMT+8
我已經幫大妹姐扲咗
>>December 31, 2004 at 8:00:07 AM GMT+8
我已經幫大妹姐扲咗
>>December 31, 2004 at 7:54:23 AM GMT+8
哈.... 地點都係寫下既o者.
>>December 28, 2004 at 11:40:13 AM GMT+8
RE宇宙大佬﹕
<br>你要的禮
>>December 21, 2004 at 1:36:38 PM GMT+8
係唔係寫低就有禮物收架?
<br
>>December 21, 2004 at 1:00:53 PM GMT+8
RE SSF﹕
<br>你要保濕
>>December 21, 2004 at 12:17:37 PM GMT+8
re SSF大仔K仔﹕
<br>
>>December 21, 2004 at 12:15:11 PM GMT+8
re小公主﹕
<br>你的禮物冇
>>December 21, 2004 at 12:11:56 PM GMT+8
我唔貪心的啦,我想要朱古力就得啦
>>December 21, 2004 at 8:51:52 AM GMT+8
|
|
靈修team
腸胃炎-去左睇急症