|
2004 年 10 月 4 日 星期一 【晴】
又再係忙碌的一段時間.....
由於10月7-11日，我地有團去北京同東北，所以要趕及做好晒d野，但唔知點解次次都係比得咁少時間比我做野，真係趕到死咁濟。
再加上近期的日子好多活動，包括行夜山、澳門....經過這段日子，身心疲勞呀。日日訓到最後的那一刻起身，今日由於我要拎個行李箱回來比亞姐去北京用，所以比個好理由自己去搭的士啦。
近期，自己好深比國柱哥哥所講的信息影響，當中他提及人生中，你擁用的有幾個抽屜，可能有些你完全交給神去處理，但可能有一個你不交給神去處理，你獨有這個抽屜沒有交比神，就可能咁，你有些把持。
>>October 5, 2004 at 11:59:35 AM GMT+8
2004 年 10 月 4 日 星期一 【晴】
澳門第2日旅程
第2朝一起身，我地就落左去酒店食buffet早餐，其實又唔係好多野食，但都要88蚊一個人，由於我地book左4間房，只得8個人可以食早餐，多謝師姐的慷慨，我地8個姊妹去食，而弟兄就自己食自己啦。食完早餐就返酒店親近主，但由於太眼訓啦，攪到個人都好似呆呆滯滯咁，好似等時間過，到11:00我地就出發起程lu。
第一個景點係東望洋塔，但行去的時候，仲辛苦過行山呀，由於太熱同太晒啦，再加上背著個背囊，好似痴住個背脊咁。一路行一路晒，又熱又辛苦，叫苦連天呀，最慘呀原來唔洗咁行上去架，係可以好快咁行，但小志強竟然話帶我地遊花園喎...........真係想話佢呀。
第2個景點就係氹仔，去睇葡萄牙人的以往生活，原本我地諗住搭巴士的，但因為等得太耐啦，最後改搭的士，就係咁就出事啦，去到竟然只見到最後2架的士，最頭果2架就唔見人喎，等下等下都唔係辦法，惟有派人去搵啦，最後差不多找左半小時先找到人。去到博物館原來要比錢先有得入去參觀，但價錢只係5蚊，所以我地好樂意比。參觀當中，有d好攪笑架，再加上我地獨特的解釋。
第3個景點就係食飯，去到那一間真係麻麻地，但原來美鳳話以前唔係咁架喎，跟住我只叫了豬扒包，都係麻麻地，好彩食咁少咋，如果唔係之後都食唔落野呀。
第4個景點係觀光塔，由於要比成70蚊上去走2個圈，那日又好大煙霞，所以我地冇上去，行左出面影下相同埋睇下野就走lu。
第5個景點係食葡撻，就係好彩頭先食少野，其實時間相距好少架咋，又食啦，不過真係好好味呀。正。
第6個景點買手信，由於去返廣場的時候分開行，我、慧英同晶晶3個自己行，行左小小商場後就要買手信啦，因為我地時間得1小時。買手信途中又不停試食，食到個肚都漲呀。買左小小手信之後，我地就趕返去廣場。
第7個景點係食雙皮奶，由於未食過所以去一試，但去到的時候，竟然係以下的對答﹕
我地﹕3位呀
侍應﹕是但見位就坐啦
侍應﹕唔好叫芒果喎
我地﹕芒果....???
侍應﹕因為冇芒果，咩芒果都冇...
我地﹕咁要凍燉蛋呀
侍應﹕冇凍燉蛋...只得一碗冇咁熱的，要唔要呀
我地﹕咁要雙皮奶呀
侍應﹕冇雙皮奶呀
我地﹕咁有咩呀
侍應﹕燉奶啦
我地﹕咁呀..........
侍應﹕2碗燉奶送到。
我地﹕(其實我都未叫)
晶晶﹕係咪平d架
侍應﹕一樣架喎....
比錢的時候﹕放底錢啦...幾多唔洗知.....
真攪笑呀。
第8個景點係行去碼頭，由pc所講的15-20分鐘，行到足足45分鐘，真係腳都斷呀，去到碼頭買左罐野飲就入閘啦。去到坐一陣就上船啦。回程的時候竟然落雨喎，真係感恩呀。因為一路都冇雨架。去到碼頭食左小小野就回家啦，因為那時好多人睇完煙花，又原本諗住坐的215x改為搭地鐵回家。返到屋企都死死下，因為那時候到差不多11:00lu。
沖完涼即係訓呀。
|
>>October 5, 2004 at 11:59:23 AM GMT+8
2004 年 9 月 30 日 星期四 【晴】
澳門2日1夜之旅
9月30日至10月1日，為本家族在調動前最後一個同工旅行，也算是第一個同工旅行(現在的班底來說)。
由於本公司其實於9月30日要開會，起初跟亞姐講的時候，其實佢唔多鍾意，由於每次都係得我同佢去，會計又唔係咁熟，所以亞姐問我可唔可以唔去的時候，我都唔知點答佢好。跟住大妹姐話會為我祈禱，跟住某一日的早上，亞姐同我講你如果要去澳門，咁可能要叫你去九寨溝架。不過由於我去的機會不大，所以咪答應佢先。就係咁我可以啦。
不過那一日由於亞姐唔記得帶相機去開會，所以我要拎埋去酒店比佢，由於我約左敏萍姐，所以一齊搭的士去，但唔知點解我次次都記住去帝苑酒店，所以又叫的士去帝苑，去到先記得今次係美麗華酒店呀....死火，又要再搭車，去到差不多7:15，跟住同敏萍姐好似競步咁，再加上大妹姐、晶晶、慧英的電話，行到好似跑咁，但去到竟然見到珮思同美鳳話去麥記買雪糕食喎，仲要係好慢咁行喎。真係激死呀。
去到澳門差不多9:45，再同pc佢地匯合，就去一間葡式餐廳食野啦，起初覺得幾貴，因為一個4人餐都400幾蚊，我地叫左一個4人餐、一個6人餐，但夾埋我地有16人去喎，跟住又驚唔飽，但原來都好多野食，有葡國雞、有法式包(我最鍾意食)，有牛尾湯、有馬介休、有沙律、有燒豬骨.....多到嚇死你呀。我地又嘈喎，不過好彩我地係一角食，冇其他人。
食完飯之後就去行大三巴，其實澳門之前我同秀芳、翠萍、依麗同麗湄都去過。那次玩得好開心，今次夜晚上去，咩都冇得睇，再加上已經好攰啦，好想番去酒店休息，所以影左幾張相之後就一團人番酒店，行下行下都行左好耐先番到酒店，一上到去麗香就沖涼跟住佢就訓著左lu，之後同敏萍姐、月香一路訓係度傾計，傾傾下都訓埋。
就係咁就過左一日lu。
>>October 5, 2004 at 2:45:02 AM GMT+8
2004 年 9 月 28 日 星期二 【晴】
行山樂樂樂
中秋節的那一晚，晚會完後我地就出發去行夜山，地點由彩虹去到沙田，由彩虹行上去飛鵝山的那一段，因為係車路，再加上那一夜好多車，所以一路行一路都係單人行上去，帶頭的b/s不停同聽得最多的都是﹕有車呀，行埋d。
由彩虹行到上去都已經濕晒架啦，一坐低就嗅到自己好大汗味，但其實就唔係太攰，休息完一輪之後，我地跟住再行的那一段就比較舒服，因為冇車行，又係斜路，好快地就行到獅子亭，去到差不多4:00啦，那時候就決定究竟行去沙田還是落慈雲山，最後都係決定行去沙田，因為時間差不多1小時，去到便可以去飲茶跟住回家，如果行落慈雲山就可能要等1小時d酒樓先開門架啦。
雖然中途行錯左，但大約6:00去到沙田，當坐下那一刻直頭唔想起身呀。d弟兄全是自私，自己訓自己的布，自己霸住黎訓，d姊妹就好可憐地失縮一角。睡了一會之後，就去酒樓lu。去到照舊又係一條條死屍咁，訓ge訓，食ge食，最勁都係阿sir，人地去拎野食的時候佢就訓，拎到黎佢就起身食。勁呀。
之後就回家lu，大約9:30啦，沖完涼，吹乾頭就訓lu。一訓訓到2:30，因為要趕埋公司的野，真係命苦呀，不過後5:30再訓過，訓到食飯先起身，但可能訓得多得濟，夜間的時候訓唔著。
>>October 4, 2004 at 10:24:32 AM GMT+8
2004 年 9 月 28 日 星期二 【晴】
中秋節節目
中秋節的晚上，我幾驚我冇得返屋企食飯呀，因為星期一出了去開會，沒有了半日工作，所有工作堆在星期二一定要做好，再加上北京團本小冊子要係星期二對好比印刷，佢果邊大約3:00send齊晒野比我，當我開始對的時候，會長秘書竟然打比我地話比我地知，你地今日可以走放呀，4:00可以放工架啦.....佢講左等於冇講過，因為根本上同實際上我都冇得走，咁一print晒出黎，我睇完跟住比亞姐對，佢先同我講好多錯喎....咁就死啦，一來一回，又要同佢講錯咩，又要等佢改完再send，攪到差不多7:45先走人，因為我決定拎埋番屋企29號下午對。
回到家都差不多8:45啦...我已經揀左搭小巴再轉小巴架啦....番到去就已經見到我家姐的2個外籍老師，又要握手又要傾計，忙到我死呀，跟住就那那林食飯啦，因為佢地等左好耐架啦，望見一枱都是的送，又匙羹，又刀叉，又筷子，嚇死人咁，我阿媽最勁，佢學得好多英文，又beautiful，又thank you，全場最攪笑，跟住好似開始勁食比賽咁，個２個外籍老師，先飲１碗湯，跟住開始食送，再食飯，跟住換個場地，再食湯圓、水果、月餅、芋頭．．．多到嚇佢地呀，跟住好攪笑，佢地竟然問我地平時你地都係咁食架，我地當然話唔係啦，係得今日先係咁架咋．．．佢地話﹕ｏｉｃ．．．如果唔係都幾難明白點解你地食極都唔肥啦．．．真攪笑。
送走佢地２個之後，其實都差不多１０：００啦，我又要那那林沖涼同出門口，因為約左係大牛玩遊戲，我去到都差不多１１：００啦，不過好彩原來都係剛剛開始咋．．．．銀富、碧茹同妍妍諗的遊戲好好玩呀，尤其是傻仔１號的時候，笑到你死呀．．．個個都係傻架．．．
>>September 29, 2004 at 7:08:08 AM GMT+8
2004 年 9 月 26 日 星期日 【晴】
預工BBQ....
星期日我地去了陽明山莊BBQ，其實唔應該叫陽明山莊，應該係叫大潭水塘先對，地點去了好多次，但都好好玩喎。
今次我地都有好多新朋友黎左，全車坐滿咁濟。一早仲要幫手去拎野食，出門口的時候唔記得帶電話，攪到又要上返屋企拎，緊住又要去提款，所以遲左D，去到M記，那那林叫左個早餐，未食完就要走啦，因為趕時間，去到凍肉鋪，又覺得買得唔夠野食，又買一D，緊住我地搭的士的時候，拎野的時候係最辛苦，每人拎幾袋野，小坤一人4包炭，耀民夾50支叉，兩隻手又拎野，跟住我同大妹姐一人拎5袋野....實在太誇張啦。
上到旅遊巴先叫做有得休息下姐，跟住全車都好嘈，連車長講咩都聽唔到，今次張歌詞d歌好in架，有打氣啦，係我幫慧英揀架，另外其實仲有揀世上只有，不過地方有限，放唔到咁多啦。
BBQ時，其實都好晒，但難得大家都一齊晒，跟住玩遊戲的時候最開心，最攪笑係痴紅豆，主持人話，2個人係痴紅豆，3個人係三文治，4個人係4寶飯，5個人係五花茶，9個人係九菜餃，當珮思輸左的時候，佢走出黎好斯文咁話﹕綠茶雪糕呀.....笑到死呀，跟住大佬盛話﹕究竟佢有冇聽書架，跟住我話﹕佢緊係唔洗啦，因為佢教書架嘛....哈哈...
>>September 28, 2004 at 3:28:44 AM GMT+8
2004 年 9 月 21 日 星期二 【晴】
祈禱會
尋日去到祈禱會的時間已經差不多7:45lu。 因為尋日會計請假，我又要做埋佢果份，所以遲左到。但去到的時候已經開始分組祈禱，我join番大家一齊的時候，那一刻其實唔想開聲祈禱，因為我剛剛到啦，好匆忙咁。但一齊的時候，心裡再一次想到神的偉大，祂確實使我驚訝。我求主使我睇見祂的偉大，而從心底裡產生敬畏主的心。
當中有少薇姐同子誠哥哥的相交，2個都講得好好。尤其子誠哥哥講﹕我們要有個謙卑的心去走前面的路，在前的必在後。如果過聖潔的生活。最重要係保守自己的心。小心說話同眼目。
最後都有5分鐘的時間比自己去默禱。當中自己再一次將自己交比主，不再把持什麼，因為惟有主才是最佩成為我們的王。
其實聚會的時候，開始行雷同閃電，起初我會驚不知我能否走到呢，因為我有帶遮，但真係行雷同落兩都好大，所以好多b/s都係最後先走。感謝主出到門口的時候，竟然冇雨喎，真係見証lee位係最愛我們的主。同樣也體會lee位主係最公義的主。
|
>>September 22, 2004 at 4:48:11 AM GMT+8
2004 年 9 月 19 日 星期日 【晴】
紅館特會~正呀!!
尋日是全教會於紅館的一次特會，跟平時在伊館有點不同，就係地方大囉...我地約左12:00係火車站門口等，咁我都諗緊係搭地鐵轉火車好呀，還是搭巴士好，因為出門口的時候，落好大雨呀，最後都係決定搭巴士，因為巴士係我附近有個站同埋唔洗點行。
去到火車站剛剛好12:00呀，但係我就濕晒啦，因為行理工的時候，全部都係水池咁.....最後我仲要買過對襪tim，我都係第一次係紅館換襪咋...比d妹笑下都好過我對襪濕晒呀。 我地由12:00一路等人，等齊人的時候又走左d人，攪攪下等到12:30都未齊人，因為有d又走去買野食，有d又走去買野飲，幾經辛苦，終於都係放棄d弟兄，我地班姊妹自己行過去，行到去起初又以為排啱對，點知大佬盛話我地排緊的係啡閘入口，攪到又要排番去藍閘，真係冇左大妹姐係度差好多。叫佢地排隊，真係叫到我死呀。
中場的時候，惠儀仔同瑩芬開始話肚餓，那時候個個都話好肚餓，攪到個個都拎d野食出黎食，好似野餐咁。場面好攪笑。終於去到完場的時候，我地由師姐帶領下突圍去了food court食野，我、碧茹、惠儀仔同龜仔都係食煲仔飯，個個d b/s行過都話好似好好味喎，好似幾好食喎，有d仲行埋黎睇tim，真攪笑。
經過中午經歷肚餓，所以我地特登買左一包魷魚絲同一包沙嗲串燒進場，睇完第一套video之後，碧茹就話開黎食啦，倩惠最攪笑，食食下用黎玩，跟住又話攪到佢變做狗咁，因為辣得濟，不過好感謝主，因為曉琳買多左罐冰極，但佢又話唔敢開喎，攪到我地自己制造d聲浪，跟住先開，因為驚比食蕉見到，我好大聲話﹕哈利路亞，跟住倩惠話﹕阿們。好攪笑呀。
特會中好enjoy在其中，但要再深思想，稍後先打得著同感受。......
>>September 20, 2004 at 8:53:27 AM GMT+8
2004 年 9 月 17 日 星期五 【晴】
工作上的壓力
近期工作上遇到不少壓力，也可以說是不如意的事，有時回想，其實工作上無非是取得優越感或者令自己工作能吸收多些經驗及知識。但在我的工作上，以上者全不能在工作上找到，能找到的只有2張另外陌生的面孔，以及不斷重重覆覆的工作，令人厭倦的電話響聲、令人生厭的聲音等等。真的令人有點厭倦同疲乏。往往在這時候，心裡仲是想﹕是否又要轉換下新環境呢?莫非真是主的意思?
無論如何，我也深信主的能力是夠我用，同樣我也知道工作不是為了糊口，而是為在工作上榮耀神。
>>September 18, 2004 at 5:03:30 AM GMT+8
2004 年 9 月 16 日 星期四 【晴】
冇做運動的小組
尋日去了朱記小組，原本冇諗住可以咁早走人，但因為確實工作長做長有，所以係6:30我就決定走人，仲約埋慧英tim，搭地鐵的時候，仲約埋敏萍姐又約師姐，竟然個個都咁早去喎，少見。
由於想買小小野食，而師姐又肯陪我去，所以我地分開左，我同師姐去買野食，而敏萍姐同慧英就行先。在途中，我可以發洩下係公司d冤屈，真係多謝師姐聽我講野。去到朱記，同麗香傾下星期六領詩d野，跟住又同碧茹傾左一陣電話，再同耀民傾下公事，跟住送師姐離開，再同敏萍姐傾下計，就係咁就過左我的小組啦。不是由於我唔想運動，係我d腸未好番，唔好亂做運動先。下次先啦。
好多謝主使我同敏萍姐都傾下計，原來大家都以為大家好忙，所以唔敢打電話比大家。真攪笑呀，有時我都幾羨慕慧英果邊個個都會打下電話互相傾下呀，咁，但我果團，個個都好有style，好少傾電話，有時我自己又懶或者打晒比d妹先，當想打電話比同工的時候，往往都差不多11:00啦，我估都冇人想聽電話啦掛。希望藉此黎緊定屬靈同伴的時候，可以改善下而家的關係。有時都會覺得孤軍作戰，因為往往試過全個星期都沒有接過電話，好彩在病的日子，有打比我問候下。最多謝都係大妹姐，係急症室的時候聽到她的電話，令我有點兒想喊，真多謝她在那時候打比我，使我不致覺得孤單一人。(這只是我的一殺那感受，不是那麼差)，盼望我都一同進步吧。
之後就去了大排檔食野，由原本話去的11人，減到得8人，大妹姐叫左7碟送，不過最後的西檸雞，我都未見過碟雞係得d雞皮同鷹粟粉，最後成功回收左。走的時候，亞sir話佢會換車喎，當佢換左車之後先車我地去食糖水，咁有等啦。
>>September 17, 2004 at 6:47:13 AM GMT+8
|
|
|
|
廣告 |
|
|
讀者留言 |
| 路人留言
|
 I really underst
>>July 3, 2006 at 3:58:55 AM GMT+8
如果俾我都會揀長短週架!
<br
>>March 17, 2006 at 10:29:50 AM GMT+8
好開心知道你訓得好左, 因為我都
>>March 12, 2006 at 12:48:14 PM GMT+8
你又唔早d話我知,我近排又係夜晚
>>March 8, 2006 at 2:09:44 PM GMT+8
你近排好似好奈冇打日記喎! 我得
>>February 21, 2006 at 9:11:37 AM GMT+8
咁....
<br>唔換到換左.
>>November 10, 2005 at 1:04:28 AM GMT+8
百利恆井水，如血之寶．
<br>
>>October 7, 2005 at 10:33:22 AM GMT+8
I will always su
>>September 6, 2005 at 11:57:22 PM GMT+8
唔好咁唔開心啦!主了解你一切的感
>>August 29, 2005 at 3:50:31 PM GMT+8
我係一個7月1日被遺棄嘅小朋友!
>>July 4, 2005 at 7:52:19 AM GMT+8
我係騙局嘅受害者!
>>June 15, 2005 at 10:17:21 AM GMT+8
點解你成日發埋d咁嘅夢架!
<b
>>May 18, 2005 at 9:30:41 AM GMT+8
女主角,幾時幫我地簽個名呀?
>>May 1, 2005 at 3:33:58 PM GMT+8
我地會為你祈禱架喇!願主將平安賜
>>March 26, 2005 at 1:15:22 PM GMT+8
放心啦, 我地會代禱記念你架啦!
>>March 24, 2005 at 7:07:39 AM GMT+8
依家輪番我問你有沒有工可以俾我做
>>March 24, 2005 at 2:18:55 AM GMT+8
RE大佬同ssf﹕唔好係度玩野喎
>>March 9, 2005 at 2:38:53 PM GMT+8
Re: 十大殺手，我唔知你係邊個
>>March 9, 2005 at 9:52:09 AM GMT+8
ssf 你究竟係邊過,竟然夠膽咁
>>March 9, 2005 at 7:49:48 AM GMT+8
答嘴：宇宙大佬，我份工要受好多氣
>>March 8, 2005 at 11:29:21 AM GMT+8
我提意你不如做ssf 果份工啦!
>>March 8, 2005 at 7:57:49 AM GMT+8
實在恭喜妳可以辭職，我都好想好想
>>March 7, 2005 at 10:57:06 AM GMT+8
睇黎個亞姐都唔會做得長囉!
>>March 1, 2005 at 7:40:04 AM GMT+8
唔關我事架...
<br>係大妹
>>February 22, 2005 at 2:41:42 PM GMT+8
睇佢真係唔似傻仔喎!
<br>仲
>>February 22, 2005 at 5:41:54 AM GMT+8
大妹姐會為錢殺人?
<br>我好
>>February 18, 2005 at 8:07:06 AM GMT+8
我點知?
<br>我識得佢吖麻!
>>February 17, 2005 at 7:50:28 AM GMT+8
喂，你唔好用"撇低大妹姐"呢幾個
>>February 15, 2005 at 7:26:15 AM GMT+8
我果日係馬鞍山親近主喎!
<br
>>February 15, 2005 at 3:43:55 AM GMT+8
re大佬﹕你又知係周星星架咩，唔
>>February 9, 2005 at 9:40:18 AM GMT+8
re大佬﹕如果你出我地星期日的馬
>>February 9, 2005 at 9:39:02 AM GMT+8
新年快樂!
<br>你好似今件未
>>February 9, 2005 at 6:04:41 AM GMT+8
"愛你一萬年"係周星星係西遊記大
>>February 9, 2005 at 6:00:17 AM GMT+8
嘩!你解啟示錄都幾清楚架喎!
<
>>January 26, 2005 at 6:25:20 AM GMT+8
多謝晒﹗好感動呀﹗係呢個咁寒冷既
>>January 15, 2005 at 11:39:46 AM GMT+8
re小公主﹕張相梗係冇問題啦，等
>>January 12, 2005 at 1:25:12 PM GMT+8
re汽球﹕咁你多d留言啦..
>>January 12, 2005 at 1:23:44 PM GMT+8
re SSF:我已經預備
>>January 12, 2005 at 1:22:26 PM GMT+8
我好LIKE你個留言板LO...
>>January 9, 2005 at 11:07:04 AM GMT+8
我想要既保濕潤唇膏都唔使你送嘞，
>>January 4, 2005 at 3:53:31 AM GMT+8
依家唔洗你送個坐枱
>>January 3, 2005 at 6:25:17 AM GMT+8
我已經幫大妹姐扲咗
>>December 31, 2004 at 8:00:07 AM GMT+8
我已經幫大妹姐扲咗
>>December 31, 2004 at 7:54:23 AM GMT+8
哈.... 地點都係寫下既o者.
>>December 28, 2004 at 11:40:13 AM GMT+8
RE宇宙大佬﹕
<br>你要的禮
>>December 21, 2004 at 1:36:38 PM GMT+8
係唔係寫低就有禮物收架?
<br
>>December 21, 2004 at 1:00:53 PM GMT+8
RE SSF﹕
<br>你要保濕
>>December 21, 2004 at 12:17:37 PM GMT+8
re SSF大仔K仔﹕
<br>
>>December 21, 2004 at 12:15:11 PM GMT+8
re小公主﹕
<br>你的禮物冇
>>December 21, 2004 at 12:11:56 PM GMT+8
我唔貪心的啦,我想要朱古力就得啦
>>December 21, 2004 at 8:51:52 AM GMT+8
|
|
又再係忙碌的一段時間.....
工作上的壓力