|
2004 年 10 月 25 日 星期一 【晴】
病到個人矇矇地
由於星期三要開會，所以就算自己病左都要返工，把聲沙晒，個人暈暈地，全身冇力，好嚴重呀，但星期二要準備d文件，所以大約成8:00先走人，因為要趕住去睇醫生，去到醫生果度，門口寫睇到8:30，但我已經係8:40先到，佢竟然話仲要得睇，不過要9:45先到我喎，攪到我食左小小野就等時間啦，9:45去返醫生度，竟然又要我等，差不多10:15先到我喎，真係激氣呀。
回家食完藥之後就訓lu。
>>October 28, 2004 at 7:10:02 AM GMT+8
2004 年 10 月 25 日 星期一 【晴】
5日4夜四川、成都、九寨溝、重慶豪華團....
第1日
基本上係冇野做的，因為我地搭的那班飛機由6:00起飛改為8:00起飛，去到成都差不多10:45，出到機場，去到食消夜的地方都差不多11:30，食到12:10就返酒店休息。當中感恩的是，原本有個老闆自己一人去，但前一日通知我地佢去唔到，但因為房間冇得退，所以改左我地3個女仔由1間雙人房同1間單人房，改為可以自己一人一房間，就係咁的情況下，我可以自己一個一間房，平時都冇試過架，原來自己一個人訓都幾好，可以冇人理你做緊乜，不過由於我可能唔太慣自己一個住，成日都驚唔知醒，攪到我訓得唔係咁好。
第2日
一早食完個豐富的早餐後，我地就出發去參觀，全程有警車開路，都幾順利，逢車過車，連紅燈都可以過。跟住食完個午餐後，我地就回酒店換衫，因為之後要拜訪四川省統戰部，由我返回房間到出房門只有10分鐘的時間，我都算叫做快架啦，因為要安排晒d老闆先，跟住先到自己返房，再去亞姐房拎野，所以時間只得十分鐘。要換衫、化妝等，都算快架啦。跟住晚宴係統戰部安排的，食的全是辣辣辣，隻蝦旁邊都要放一隻同樣大細的辣椒係度，其他就係血紅一樣顏色的辣，真係可以嚇死人呀。食完飯後，行左一陣行，我只買了一排朱古力，因為驚去到九寨溝凍。行完後就回酒店lu，因為第3日我地一早就起身去搭內陸機到九寨，起身時間係5:00，我地搭7:55機。時間都好趕架。
第3日
由於一早起身，所以好眼訓，飛到九寨，由於地方係離海拔3500公尺以上的高原地區，所以會有高山反應，例如﹕頭暈、呼吸困難、想嘔等，我原本諗住我都未必會有，但去到食飯的地方，一個一個都輪住話自己唔舒服要吸氧氣，起初我只覺得可能係搭車搭到唔舒服，但去到食飯的時候，有一個感覺就係想嘔，跟住頭暈暈咁，坐低的時候，好彩有老闆見到我咁，攪到全部人都知道我有高山反應，即刻比我氧氣吸，吸左2啖就冇事啦，反而d老闆有d真係頂唔順，要係洒店休息，我地第一個景點係黃龍，去到只係陰天，跟住就開始落雪，行上山之後由細雪變左落大雪，越落越大，所以領隊即係話要回程，因為驚封山之後唔比人落山，就係咁的情況，我就跟第一批的團員回酒店，感恩的地方係我可以早d回酒店，可以舒服地嘆世界，坐係窗口位置，嘆住杯熱茶，食住餅乾同埋係度睇聖經，我帶左本細聖經同行，因為之前太凍啦，大約平均只得0-2度，一返到酒店氣溫回就18度，望見出面落雪的情景，真係可以話舒服地嘆世界了，此及小女子第一次見到落雪的天氣，原以為好靚，但原來是濕濕淋淋，攪到個人凍冰冰，唔多靚。
第4日
全日都去九寨溝參觀，果度的風景真係名副其實的山名水秀，湖面的倒影彷彿一面鏡一樣，個個老闆果時先講，今次冇黎錯啦，真係值得一來，不過感恩係天氣都好好，前日仲大風大雪，去到九寨溝就陽光普照，風光明媚，由於我是工作人員，不能次次都走去影相，只拍得幾張單人照，但我自己都拍了幾張風景相，希望能制成書簽送比大家啦，有一張我最鍾意架啦，有雪山做背景，再加上紅葉片片的山頭，襯托陽光普照的太陽，真係令人讚不絕口。此時心裡只想到我要向高山舉目呀......
遊畢九寨溝之後，我地就回酒店啦，因為食完晚飯之後我地去睇表演，都是一般的文藝表演，沒有什麼特別之處，回到洒店之後，有老闆提議去唱卡拉ok，因為我地要負責比錢的，所以比迫地要聽他們唱他們年代的歌，即係粵曲。佢地唱到12:00先走人，所以我地都差不多要12:00先返上房，回到房間又要執野，所以攪到成1:30先訓覺，但由於我地回程的飛機安排了8:55，加上車程，我地morning call的時間係4:45，哈哈...由1:30訓到4:45起身，即係冇訓過一樣。因為我地要負責幫d老闆行李方面，仲要再早d落去，真係辛苦到死呀。
第5日
過了幾小時之後就起身，幫晒d老闆安排行李後就去點人，基本上只帶了一隻雞蛋上機食，但仲要比老闆話我地遲喎，攪到佢要拎行李去，但問題錯不在我地身上，因為佢自己早到了，但我地都要話係自己錯喎....真係要命呀。由於九寨溝機場十分細，領隊安排機票又耐，最後我地排隊入閘時，要我地叫名去拎boarding pass，跟住即係入閘，時間好趕呀。去到重慶大約11:00啦，食完個麻辣火煱之後就再轉機回香港，返到香港差不多6:00啦，原本諗住搭巴士回家，但亞姐話不如都係搭的士啦，就係咁我可以快d返到屋企，不過由於我估係九寨溝實在太凍啦，攪到我病左，食左2粒藥去訓啦，諗住會好返，點知唔係好得。
>>October 28, 2004 at 4:39:50 AM GMT+8
2004 年 10 月 20 日 星期三 【晴】
我走啦..........
親著還有一點點的時間，向大家說聲﹕我走啦。尋日亞姐問我要不要買重保險，因為近期旅行團的事故，令到人心徨徨，雖然再三叮囑司機要好，車要好，但旅行社的答案竟然係﹕已經係當地最好架啦........係當地...........當地2字令人心感不安。不過令我想到﹕我去原是為你地預備地方去，我當然是指我啦，我去先致令架車安全呀，因為主最錫我架啦。
盼望一切都順利同安全。
>>October 21, 2004 at 7:05:10 AM GMT+8
2004 年 10 月 17 日 星期日 【晴】
忙碌加上憂慮的日子
這段日子，我心裡仲是憂慮去四川的日子，其實每次出團我都好擔心，仲係覺得有事發生呀，有野我實做得唔好呀，咁囉.....就係咁我好迫切咁為我自己祈禱，因為我好大頭蝦架，d會員名又錯左，攪到d機票又再做過，嚇到我食唔落飯，再加上今次d老闆係超級煩，果邊又預左其實係冇咩好食，佢地竟然都可以話d紅酒上去，帶d魚子醬上去食，大佬，我地去拜訪呀，你估去野餐呀..........唉...........真係救主一切順利啦。
我想我忙碌的日子是剛剛開始，，因為去完個團，我地又要忙過。
27/10開例會
2/11經濟論壇
1/11-5/11國內統戰部來港培訓班
15/11 AGM
跟住就到每年一度的20/12......就職典禮...........
D活動全部都係叠住叠住，真係唔得你死呀。我估我可以係公司訓架啦。另外，因為亞姐佢的離開，佢將好多野全部比晒我..............做呀..............再死得。
我暫時的打算係都係公司做住先，因為聽聞亞姐走，未來會長唔想炒我住，所以我都諗住做住先，另外，因為亞姐都話如果我又係12月辭職，未來會長實話亞姐玩野，所以佢叫我做到佢走左先，咁所以我估我到新年後睇下點先算。交比主啦。
唉.....而家8:00都係公司坐................真係有點無奈，惟有打日記開心下。
另外，就係因為面前的調動，其實我想有足夠精神同體力去面對同思想團的運用，但無奈這時間我實在太辛苦了，往往我想去思想或者打算的時候，就力不從心，好想唔去諗咁。都係交比主啦。我想主已為我安排了最好的。
>>October 18, 2004 at 12:10:26 PM GMT+8
2004 年 10 月 14 日 星期四 【晴】
當我在另一網頁訴說我的慘況時，竟然收到其他b/s的鼓勵同支持。
雲迪﹕
親愛的，願主一一成就你心所願！一路上都平平安安、心靈喜樂！
其實，今次 神要「你去」工幹，我感受到 ... ...
1) 主要你為祂作見證！
2) 主要你在這班未得救的人當中，保守你平安之餘，同樣使他們得蒙平安！
3) 主要你離開這個忙碌的香港，去到國內（九寨溝在十月份是最美的）鬆開已壓得緊緊的精神，欣賞下天父的創造吧！放開懷抱，盡情享受！
4) 換個角度去接受神的安排 或 交托給神，心情便會轉過來，從新得力。
願你在這旅程中，得著父要你得著的！祂是與你同行、同在、同感 的 神！喜樂迎戰！
師拉仔﹕
不要怕, 因為你無論往那裏去,耶和華你的神必與你同在 !
願你在這次經歷中, 深深經歷祂的恩典 , 祂的同在 , 保守 !
不過最緊要係訓到覺
hoiki ﹕
菠蘿油王子,願主保守你這個行程順利平安
記得坐車時"盡量"不要瞓覺呀!好危險架! 要打醒12分精神,可以食下野,唱下歌仔
bonnie﹕
願主保守你既心靈和身體!和使你平安!
雖然對住佢地,都唔好太緊張,咁樣就會比自己好大既壓力!
靠主喜樂面對吧!
對!我雖然未去過,但知道"九寨溝"既山水景色好美麗!
好多謝各位的支持呀，尋日當自己係地鐵親近主時，我好想主安慰我喎，咁我就同主講我要一睇聖經就要安慰的話，但當我打開聖經時，竟然係詩篇119，心裡那一刻就覺得﹕主唔比安慰的話語我呀，叫我睇119，咁長，全部都係講，遵守主的教訓...........遵守主的教訓.............越睇越心急，因為彷彿沒有一節聖經是安慰我心的。就係這個時候，心裡另一提醒， 就係﹕你要係親近我，唔係找聖經來安慰你，當你遵守我的教訓時，我必會將最好的給你，這人便為有福。我是你路上的燈，也是你腳前的光。
當再回想時，心裡好寶貴能夠在這段日子裡與主親近的時光，同樣地使我對辭職更能確定。因為當我諗住唔做時，心裡竟然更歡喜，我尋日仲諗到可以出小組啦，可以去遠d地方親近主啦，又可以去愛筵啦，因為我想當我仍然能夠付出的時候能為神家付出及擺上，同樣地也為神心意努力。想到能探佢地基智同寧波的愛筵時，我心裡好開心。
當我夜晚睇標竿人生時，人是必會遇到苦難，但苦難的背後必有主的祝福同領會。同樣地我們是生活在世上，不是活在那永恒的天堂裡，苦難是必有的。
>>October 15, 2004 at 4:46:20 AM GMT+8
2004 年 10 月 13 日 星期三 【晴】
我超級唔開心呀....
尋日一日內收到3個超唔開心的消息.........
第1件唔開心事
我要出團--因為我地會係21-25日去四川，由開頭亞姐都好想我去架啦，因為1. d老闆多，2. 榮譽會長的秘書第1次跟團，得亞姐自己做，3.亞姐自己好多野攪緊。但一路問榮譽會長佢都冇反應，咁我就估佢唔多想叫咁多人去架啦，再加上我都唔想去，所以一路亞姐問我的時候，我都係推佢。但當亞姐係北京的時候，見到榮譽會長再問的時候，佢竟然話冇問題，叫埋我去啦，就係的情況下，我就惟有去啦，亞姐話如果佢唔肯比我去的話，咁就惟有亞姐唔去比個位我去喎，好彩咋，如果唔係得我對於班老闆，我死左係果邊啦。
今次我去的地點係四川-成都加九寨溝，即係最多車禍的地方，前幾日先有單新聞係果邊有車禍，架車係中旅社的，今次我地又係跟中旅喎.....唉.......即死
第2件唔開心事
話說尋日亞姐同未來會長炒大獲，未來會長話亞姐教訓佢轉頭，咁亞姐話我只係作解釋姐，就係咁，末來會長打晒比前會長同副會長，共10人度啦，話佢地知亞姐唔比面佢，落佢面。咁亞姐就由3:00開始喊，一路喊到6:00，途中會長同前會長都有打電話黎問下情況，咁亞姐就將情況同佢地講。跟住亞姐再同我同會計傾，原來亞姐係9月份已經辭職，係lee段時間，會長、未來會長同副會長都有留佢，想佢繼續做，但經過果次電話後，亞姐話自己心意已決，唔會再留低，佢只會做到12月尾就走啦。
跟住先係我最唔開心的時候，亞姐話我知，當未來會長上任後，佢想請番個大學畢業生做我的位置，因為佢地覺得亞姐走的原因係因為我幫唔到亞姐手，令佢工作量加多，再加上我平時少見d老闆，所以佢地想請番個大學生來做。咁即係話﹕我比炒呀...........
所以亞姐叫我都有定心理準備，不過佢覺得我唔太在意這份工作，雖然話說如此，但我又要面對決擇是否繼續做還是自己告辭，經過分析後，我都係應該自己辭職會比較好d，起碼唔晒咁樣衰，比人炒好慘架。所以我可能選擇12月辭職唔做，費時煩呀。唉.................
第3件事
回到家竟然收到稅單的通知，人生第一次要交稅，竟然要交成千幾蚊，仲要係當我諗住辭職的時候，就竟然收到稅局的通知要交稅，竟然係失業人士中搶我d錢，果句﹕係乞兒x裡找飯食。唉........
攪到成晚訓得唔係咁好，雖然係有唔開心，但我竟然冇喊過，可能我根本都唔鍾意係度做，雖然人工高，但問題係冇野學，只可以重複做黎做去同一樣野。
>>October 15, 2004 at 4:45:33 AM GMT+8
2004 年 10 月 10 日 星期日 【晴】
星期六的感動
星期六，我都算叫做可以準時放架啦，因為唔記得print野所以攪到1:30左右走人，去到大牛的時候超級肚餓，所以獨自一人去左林記食野，因為我見佢地都食左野啦。食完野跟住陪惠儀的小學同學仔彩霞，去到福音聚會時，彷彿自己都好耐冇參加過，因為以往都係係3c大堂聽信息多，而另外原本敏萍姐陪開佢，但因為新分組時敏萍姐唔再同我地一齊，所以都係我陪啦。
去到聚會開始時，我地贏左好多禮物，全部由我袋住，直頭滿載而歸。哈哈....
聚會當中睇到給全球的信息，心中好寶貴自己從前由一個罪人的身份，因著主不斷尋找的愛、因著主完美的救恩，使我今日改變成為神的兒女、神家裡的人。
聚會完後都彩霞傾計，傾得好攪笑，佢其實可算是一個無神論者，或者覺得自己不需要神，傾傾下，佢竟然喊了出來，但佢都唔知咩原因喎，攪到我都唔知點好，不過佢答應佢下星期同步行日佢都會黎，希望在這一段時間裡，求主使她感受有需要，也求主使她有經歷。希望下次佢黎的時候，再同傾計啦。
由於聚會遲開始又推遲左，送完彩霞之後，我地就急急腳上番3c大堂擘餅，其實那時候，心裡有一個錯覺，因為自己估計自己上到3c都遲架啦，咁就覺得自己應該冇咩得著或者享受。
但當坐下來的時候，心裡有一份非常的感動，這感動可以話是近一段時間內都沒試過的，彷彿主再一次比我看見祂的十架及大愛。當唱愛是不保留的時候，竟然有種感動到想喊的情景，回望主一次一次獨自一人走上十架，聽到主一次又一次在被兵丁鞭打的時候，仍然說﹕我願意。我心裡好寶貴主一次又一次個別的尋找與拯救，主的確用了那份最完美的愛的愛我，更寶貴這份愛是永遠的愛，祂過去、現在、將來也要用這份最長、闊、高、深的愛愛我。我怎能不感動呢?雖然好想開聲去讚美主，但往往基於自己膽小，但我知道主最明白、了解我這個人。
>>October 11, 2004 at 10:49:30 AM GMT+8
2004 年 10 月 8 日 星期五 【晴】
去行書室
尋日由於又可以早放工，所以去了行書室，平時放工的時候，d書室都關門了，另外因為一來好想繼續追求下屬靈的事，再加上唔知點解好想去睇更多的書，增加自己的知識。
去到天道，見到幾本書都好想買，但最後都係買得一本，一來書貴，二來沒有帶咁多錢，不過感謝主呀，其實我係天道的會員黎架嘛，但冇帶會員証，原本諗住問下冇帶証有冇得照舊有折啦，點知原來佢d書全部做緊9折喎.....真的感謝主啦。....不過買左果本書都要63蚊呀....，攪到我食飯都唔咁食，去左食魚肉湯咋....
回家途中，再同大妹姐傾下計，回到家再問候下d妹，跟住再到敏萍姐傾電話，話咁快就差不多12:00了，跟住睇多一陣間書，就訓lu。
睇書時，心裡好多謝主為我預備了一個家，標竿人生裡面講到，其實神並不需要一個家，但祂卻為我們安排一個家。
>>October 9, 2004 at 3:56:29 AM GMT+8
2004 年 10 月 7 日 星期四 【晴】
咁早到小組.....
尋日係歷史性一次早到小組，因為亞姐唔係度啦，不過開心日子只得幾日，因為當佢返來之後又係夜放工架啦。尋日約埋慧英一齊去大牛，去到大牛竟然見到好多b/s已到，咁就一齊去食飯啦，原本諗住去康祥，不過因為裝修好嘈，所以改去祥榮食飯，一坐扺當望緊食咩的時候，原來大妹姐已經叫緊野食，一叫就叫左8人分量的送，咁我都唔洗諗啦，由於當初唔知佢d送下面有飯，所以我地又叫左個揚州炒飯，當d送一到齊的時候，就係全部都係飯飯飯...............好攪笑。
由原本大家都話食小小，但最後大家要拼命咁食，食到最後留下2碗半白飯.....真勁呀，不過由於食得太飽，攪到個人好眼訓，番到大牛已經8:00啦。開始後大妹姐講一陣間野，之後就話相交下啦大家，最後一次，果一刻我都諗唔到野，由於飽得濟，但最後我都相交小小。
回顧過去果4年係踏浪飛揚的日子，時間好似彷彿是昨天一樣，還記得大家投票選出家族名的時候，還記得耀民那時候瘦削的樣子，當我們同人say byebye的時候，他仲會話﹕又黎啦，又黎啦，唔知幾時先講完......，行夜山、行石澗、去bbq，去玩，由唔熟悉變做大家真正感覺一家人，lee4年裡一幕幕的情景又再一次浮現我眼前。
這4年，令我感受良多，由一個唔多鍾意埋身去幫人的人，變成今日的L媽，我體會主不斷改變我這個人。由於初初夾一齊的時候，團裡都有不少大個的姊妹，令我覺得有佢地係度呀嘛，果時又正值自己工作忙碌，好多時都係比自己理由唔想做，因為﹕好攰、好忙、又有咁多人。但當一次又一次返到神面前的時候，往往比主愛激勵同燃點，睇見一班妹妹的未來時，不得不立定心志去跟隨主。
由事奉不投入、沒有焦點的人，改變成為對團裡妹妹有負擔。當中都經歷唔開心的時候，好多謝主使我身邊有不同的姊妹出現。翠萍啦，依麗啦、秀芳啦、大妹姐啦、敏萍姐啦...等等。難忘與每個相處的光景。多謝主當我幫人幫到心灰意冷的時候，主將到惠儀仔比我，其實妹妹往往成為自己的激勵同幫助。有時自己都找不到方向時，主往往好妙地將人放在我身邊。
將來的日子無論如何，國柱哥哥講得好啱﹕天下冇不散之筵席，但寶貴我們仍是一家人。去到邊到都是一家人呀嘛。最重要係睇見自己的方向同事奉有焦點同目標，不是人云亦云，不是求其睇人將你放在何處，也不是單顧自己的事，若果你只顧自己的事，那我明白為何主都今日仍然尋找體貼同明白主心意的人啦。
希望大家一同睇見前面是更榮耀的一程!!!!
>>October 8, 2004 at 7:12:01 AM GMT+8
2004 年 10 月 6 日 星期三 【晴】
終於忙於第一個團啦....
因為今日亞姐就去了北京，連幾日我地一齊係公司不停做做做，趕晒d野啦，尋日好順利地所有應該要送到的野都準時送到，團冊、紀念品、錦旗等。尋日可以早d執下野，會長秘書又過埋一齊執，好快地大約8:00度就執好野啦，跟住食飯之後，留番亞姐自己攪埋手尾就ok啦。今次真係希望佢地順順利利啦，唔好番到黎又話lee樣唔得又話果樣唔得就好啦。
其實每次出外，我都好驚有事發生，次次都會有架，唔多唔少，又驚本書仔出錯喎，發夢都夢左幾次呀，今次其實有一隻字係印錯架，不過我出聲，因為費時煩呀，再加上不太重要，無謂再煩亞姐啦。
尋日會長秘書過度黎，好攪笑咁不停講笑，令氣氛好左好多，因為次次都係比亞姐話lee樣、話果樣，今次好快手地執好晒d野，所以大約9:30回家。
途中接到月香的電話啦，同佢做屬靈同伴都幾好架，起碼佢會成日打比我，問下我死得呀。如果我死左，佢會係第一個知的人啦，哈哈。傾傾下又接到大妹姐的電話，其實我都好歡喜能夠分擔姊妹的事，今次因為調動而出現的問題，其實我冇諗過有d人反應會咁大，不過無論如何，大個的哥哥咁樣做法，實有佢的睇見同想法，我們應該學習配合同順服。無論你是大，你是細，都要學習去配合，雖然有時有自己的想法，但小心魔鬼的手段，拆散、分裂都係佢最想見到，小心表達意見的時候，連有個人為主的意見或者煽動他人跟隨自己想法的影響。在這而言，如果個個都唔願意的時候，我們會前進嗎?
>>October 7, 2004 at 5:05:42 AM GMT+8
|
|
|
|
廣告 |
|
|
讀者留言 |
| 路人留言
|
 I really underst
>>July 3, 2006 at 3:58:55 AM GMT+8
如果俾我都會揀長短週架!
<br
>>March 17, 2006 at 10:29:50 AM GMT+8
好開心知道你訓得好左, 因為我都
>>March 12, 2006 at 12:48:14 PM GMT+8
你又唔早d話我知,我近排又係夜晚
>>March 8, 2006 at 2:09:44 PM GMT+8
你近排好似好奈冇打日記喎! 我得
>>February 21, 2006 at 9:11:37 AM GMT+8
咁....
<br>唔換到換左.
>>November 10, 2005 at 1:04:28 AM GMT+8
百利恆井水，如血之寶．
<br>
>>October 7, 2005 at 10:33:22 AM GMT+8
I will always su
>>September 6, 2005 at 11:57:22 PM GMT+8
唔好咁唔開心啦!主了解你一切的感
>>August 29, 2005 at 3:50:31 PM GMT+8
我係一個7月1日被遺棄嘅小朋友!
>>July 4, 2005 at 7:52:19 AM GMT+8
我係騙局嘅受害者!
>>June 15, 2005 at 10:17:21 AM GMT+8
點解你成日發埋d咁嘅夢架!
<b
>>May 18, 2005 at 9:30:41 AM GMT+8
女主角,幾時幫我地簽個名呀?
>>May 1, 2005 at 3:33:58 PM GMT+8
我地會為你祈禱架喇!願主將平安賜
>>March 26, 2005 at 1:15:22 PM GMT+8
放心啦, 我地會代禱記念你架啦!
>>March 24, 2005 at 7:07:39 AM GMT+8
依家輪番我問你有沒有工可以俾我做
>>March 24, 2005 at 2:18:55 AM GMT+8
RE大佬同ssf﹕唔好係度玩野喎
>>March 9, 2005 at 2:38:53 PM GMT+8
Re: 十大殺手，我唔知你係邊個
>>March 9, 2005 at 9:52:09 AM GMT+8
ssf 你究竟係邊過,竟然夠膽咁
>>March 9, 2005 at 7:49:48 AM GMT+8
答嘴：宇宙大佬，我份工要受好多氣
>>March 8, 2005 at 11:29:21 AM GMT+8
我提意你不如做ssf 果份工啦!
>>March 8, 2005 at 7:57:49 AM GMT+8
實在恭喜妳可以辭職，我都好想好想
>>March 7, 2005 at 10:57:06 AM GMT+8
睇黎個亞姐都唔會做得長囉!
>>March 1, 2005 at 7:40:04 AM GMT+8
唔關我事架...
<br>係大妹
>>February 22, 2005 at 2:41:42 PM GMT+8
睇佢真係唔似傻仔喎!
<br>仲
>>February 22, 2005 at 5:41:54 AM GMT+8
大妹姐會為錢殺人?
<br>我好
>>February 18, 2005 at 8:07:06 AM GMT+8
我點知?
<br>我識得佢吖麻!
>>February 17, 2005 at 7:50:28 AM GMT+8
喂，你唔好用"撇低大妹姐"呢幾個
>>February 15, 2005 at 7:26:15 AM GMT+8
我果日係馬鞍山親近主喎!
<br
>>February 15, 2005 at 3:43:55 AM GMT+8
re大佬﹕你又知係周星星架咩，唔
>>February 9, 2005 at 9:40:18 AM GMT+8
re大佬﹕如果你出我地星期日的馬
>>February 9, 2005 at 9:39:02 AM GMT+8
新年快樂!
<br>你好似今件未
>>February 9, 2005 at 6:04:41 AM GMT+8
"愛你一萬年"係周星星係西遊記大
>>February 9, 2005 at 6:00:17 AM GMT+8
嘩!你解啟示錄都幾清楚架喎!
<
>>January 26, 2005 at 6:25:20 AM GMT+8
多謝晒﹗好感動呀﹗係呢個咁寒冷既
>>January 15, 2005 at 11:39:46 AM GMT+8
re小公主﹕張相梗係冇問題啦，等
>>January 12, 2005 at 1:25:12 PM GMT+8
re汽球﹕咁你多d留言啦..
>>January 12, 2005 at 1:23:44 PM GMT+8
re SSF:我已經預備
>>January 12, 2005 at 1:22:26 PM GMT+8
我好LIKE你個留言板LO...
>>January 9, 2005 at 11:07:04 AM GMT+8
我想要既保濕潤唇膏都唔使你送嘞，
>>January 4, 2005 at 3:53:31 AM GMT+8
依家唔洗你送個坐枱
>>January 3, 2005 at 6:25:17 AM GMT+8
我已經幫大妹姐扲咗
>>December 31, 2004 at 8:00:07 AM GMT+8
我已經幫大妹姐扲咗
>>December 31, 2004 at 7:54:23 AM GMT+8
哈.... 地點都係寫下既o者.
>>December 28, 2004 at 11:40:13 AM GMT+8
RE宇宙大佬﹕
<br>你要的禮
>>December 21, 2004 at 1:36:38 PM GMT+8
係唔係寫低就有禮物收架?
<br
>>December 21, 2004 at 1:00:53 PM GMT+8
RE SSF﹕
<br>你要保濕
>>December 21, 2004 at 12:17:37 PM GMT+8
re SSF大仔K仔﹕
<br>
>>December 21, 2004 at 12:15:11 PM GMT+8
re小公主﹕
<br>你的禮物冇
>>December 21, 2004 at 12:11:56 PM GMT+8
我唔貪心的啦,我想要朱古力就得啦
>>December 21, 2004 at 8:51:52 AM GMT+8
|
|
病到個人矇矇地
當我在另一網頁訴說我的慘況時，竟然收到其他b/s的鼓勵同支持。
我超級唔開心呀....
星期六的感動