|
2004 年 11 月 12 日 星期五 【晴】
美鳳屋企要宜家傢俬幫下手先得啦....
話說星期四去了美鳳的新居參觀兼食飯兼小組兼吹水兼睇相兼....太多啦...寫唔晒...
不過我因為遲到，一上到去，入到門就已經個個坐係度，即係門口係飯檯，但問題係飯檯後面，即係廳中間放左部大電視，同組合櫃，跟住一張茶機，牆邊係梳化，我問美鳳點解咁放架，佢話係嚴志華的意思，跟住坐低食野的時候，我先發現原來佢張飯檯下面仲有一張茶機，頂住隻腳，我又問美鳳點解放係度，要咁多張茶機又有咩用，佢竟然又係答我，又係嚴志華的意思。
跟住開房門，見到一張大班椅，係好大張的大班椅，一問之下，原來2張茶機同大班椅都係人地送的，但張張都好大，同埋冇需要放係間屋度呀，再問美鳳的時候，佢又係果句﹕又係嚴志華的意思呀...............咁我都冇野好講，因為次次都係佢意思。
>>November 17, 2004 at 9:42:20 AM GMT+8
2004 年 11 月 10 日 星期三 【晴】
我在四川九寨溝所拍的新相片呀...
>>November 11, 2004 at 3:24:42 AM GMT+8
2004 年 11 月 10 日 星期三 【晴】
去美麗華食了免費的燕窩BUFFET
因為我地每個月的論壇都係美麗華攪，所以我地這一年做了美麗華的熟客仔，今個月頭佢SEND左個E-MAIL比亞姐問我地有冇興趣去試下佢地新推出的燕窩BUFFET，但因為月頭果個星期我地好忙，同埋有2日都係美麗華攪FUNCTION，所以我地冇去，咁我地都諗住冇得再FREE比我地架啦，但感謝主呀，佢個SALES係今個星期又打黎問我地去唔去試下喎，開頭諗住人數唔可以太多啦，但竟然佢比4個人一齊去喎，所以亞姐就問我啦、會長秘書啦同埋會計一齊去，但會計因為佢整親冇心情去食，所以尋晚只我3丁人食，我感謝主，免費有得BUFFET，因為對上一次我係美麗華開會的時候，我望住樓下的COFFEE SHOP時，我好想去試下架啦，主真係明白我架啦，佢最知我想要D咩架啦....哈哈....
>>November 11, 2004 at 2:17:01 AM GMT+8
2004 年 11 月 9 日 星期二 【晴】
數主恩、想主愛
這是在祈禱會中湘文哥哥所講信息中的其一要點，我想想下，其實每一日都經歷主好多恩典同施恩，我們確實要多去想主對我們個人的恩典，作個感恩的人。
今日的一早，7:05屋企電話響起，竟然是找我的，原來是碧茹打來問我係邊樹，打得屋企電話就梗係係屋企啦，我仲要未訓醒喎。竟然就轉左比PC大佬聽啦，越講越攪笑，因為佢話親近完主先去飲茶，但我開頭諗住係佢地飲完茶一齊去親近主，D弟兄都係麻煩D架啦，講極都唔明你講咩咁，跟住PC就話，你快D出到黎觀塘先啦，問題係我好眼訓，我好想訓下，但佢竟然叫我快D去黎，咁我就惟有用了我最快的時間，10分鐘出門口，出門口的時候再問佢地係邊啦，竟然對答都係一舊雲咁，唔知PC講咩﹕
我問﹕你地係邊呀，係咪飲緊茶呀?
PC答﹕係牡丹樓
我問﹕牡丹樓?
PC答﹕係呀
我問﹕牡丹樓係邊架
PC答﹕係康寧道街口囉
我問﹕下.......咩酒樓黎架?我唔識喎?附近有D咩架?
PC答﹕下......馳名中外架喎....你都唔識....
我問﹕我都未聽過，係觀塘街巿呀?
PC答﹕唔係，你知唔知康寧道係邊架?
我問﹕下......咁即係係邊呀?
PC答﹕我交比碧茹同你講啦...
碧茹答﹕我地係麥當勞食早餐呀....
我﹕ 早D講啦，浪費我時間呀................
當我去到平時親近主的地方時，我估我遲架啦，因為我搭小巴落去觀塘，點知去到竟然都未見佢地喎，打比PC，PC就話上緊黎架啦，集齊人的時候都已經7:50啦，講幾句野就7:55啦，雅婷就話要走啦，咁我地唱左首歌，就目送雅婷都阿祖走，跟住都PC又吹水的時候，又講舊約啦，又話中國皇帝的五經VS摩西五經，跟住又講聖殿，又話阿法耶茲一死呀，聖殿可能有機會起架啦，一連串的新聞消息，又話收集緊地震資料，以備傳福音，我再一次明白弟兄同姊妹的分別，攪到整個親近主好似冇乜睇過聖經，一味聽PC吹水，吹完一輪就一齊祈禱，然後送佢地返學，咁PC同我就分開了。佢話去葵芳返工，但幾點返工佢話唔知，又話去訓下覺先。都莫名其妙。
>>November 11, 2004 at 2:04:56 AM GMT+8
2004 年 11 月 9 日 星期二 【晴】
竟然真係可以去到祈禱會
星期一將d工作做晒咁濟，因為我好想星期二能夠去到祈禱會，當我星期六擘餅中聽到信蓮姐的分享時，我好渴慕同好深得著她所說的。
耶穌回答說、你若知道 神的恩賜、和對你說給我水喝的是誰、你必早求他、他也必早給了你活水。
我們每個都知主恩，但如果我地早求他，他也必早給我們。
>>November 10, 2004 at 10:45:49 AM GMT+8
2004 年 11 月 7 日 星期日 【晴】
生、老、病、死
近期彷彿太多突發事發生在我身上，或者叫做太多令人不開心的事發生。繼四川回來病倒、工作十分忙碌後，再收到消息我的阿公已過身了。其實好耐之前大家都知我阿公佢成日病，又聾，聽唔到人講野，要搵個工人服侍佢，跟住轉轉接接入下醫院，出下院，係前星期又再入院，係上星期的某一晚，我只知道阿媽接了個電話就出了去，當晚的晚上，阿媽同我地講阿公死了。那一刻大家只有靜靜無聲，繼續大家的工作。大家都沒有情感上的表達，可能大家都預備了心理去接受。
生-人最歡喜的時候
老-人要面對同接受的時候
病-人最辛苦同艱難的時候，但都有生命氣息
死-人最怕去面對同最傷感的時候
對於我來說，我對我的親戚沒有太大的抱負能去救他們，因他們的迷信太深，每次見面都驚我同佢地d仔女傳福音，成日問我係邊聚會，當我想的時候，又話我唔係想返架，唔好邀請我去呀。佢地對於人的地位同身份好看重，好歡喜同尊重我家姐，因為佢係教書的，當我搵緊野做的時候，佢地就問我想唔做野到幾時，所以我對佢地沒有太多什麼感受，不是太歡喜又不是太投入。
但我近期都為自己祈禱，希望主再一次比我體會人靈魂的寶貴，同睇見佢地生命的短暫。
>>November 10, 2004 at 2:05:44 AM GMT+8
2004 年 11 月 4 日 星期四 【晴】
偷空聽一首我好鍾意的歌.........正呀。
恩典太美麗
曲、詞﹕盧永亨
這天同聚於主聖殿， 來數算我主恩典
祂以性命來使我完全，來使我兩眼重見光線﹗
這天同聚於主聖殿， 來數算我主恩典
祂賜盼望重生的泉源， 還給我勇氣面對挑戰﹗
恩典太美麗， 無甚麼可取替，
唯求將心全然給主來彰顯主愛多珍貴
終生愛神 傾心傾意愛別人 才覺生命沒有枉費﹗
這天降服於主腳前， 留心聽我主差遣，
深信這日勞苦不徒然，神終會賜我榮美冠冕﹗
衷心去讚頌神極重的恩惠，獻我一生傳揚福音，來證實主愛何寶貴，
請觀看稻田，主的莊稼在面前，遼闊收成沒法估計﹗
忠於使命， 不惜一切來回應， 能事奉你是最尊貴﹗
>>November 5, 2004 at 9:07:01 AM GMT+8
2004 年 11 月 4 日 星期四 【晴】
又忙完個接待
11月1-5日，我地有個大型的接待活動，對象是中央統戰部的一班經濟處處長，全部共有32人，所以我地好早已為他們預備及安排。當中不乏有晚宴的時候，尤其是我地一班秘書處工作的同事們，就更加辛苦及忙碌，11月1日，亞姐連同會計去接他們到酒店，跟住安排他們入住酒店及繼續行程，當中，佢地會去貿發局、其他商會、大學、中聯辦、生產力及政府地區參觀，另外我地亦安排佢地去其他地方參觀，當中有﹕馬場、山頂、澳門等。
11月1日晚我地就攪左個歡迎晚宴，那晚都叫ok啦，跟住11月2日晚由於我地另外有個經濟論壇，亞姐就同會計去論壇，我就自己一人去了馬場招呼他們，那一晚其實可以食得好d，因為晚餐係食buffet架，但因為佢地全部對賽馬好有興趣，看到個個都想買馬，但問題我基本上係唔識買馬的，佢地都唔信呀，因為佢地覺得香港人個個都識得買馬都賭馬的，我冇理由唔識，再加上那晚只得2個副會長出來接待，那2個老闆又唔識講國語，我又要做翻譯，佢一句，我一句，又叫埋個練馬師上來，那個仲衰，講英文的，好彩係簡單幾句佢就走啦，起初佢地買小小羸小小，跟住佢地個個買多多........................最後就輸多多，好彩我冇買咋，如果唔係真係輸晒d錢呀，不過我都唔會買的。那晚基本上我做了銀行，因為佢地冇太多港幣，我一個老闆用了1對1幫佢地對人民幣，所以我一個人袋住4000蚊，個個都話要對港幣。
11月4日號攪埋個結業禮就大功告成，因為那晚亞姐要講國語，所以我幫佢寫晒拼音，但問題係原來係亞姐唔識得拼音的，幾攪笑呀，佢次次都會問我點讀呀，點讀呀，原本佢叫我做司儀的，但我死都唔濟，費時比人話呀。所以都係佢負責。那晚都叫順利呀，因為場面夠大，個個都拍照同唱歌，攪到氣氛十分好呀。
>>November 5, 2004 at 9:02:46 AM GMT+8
2004 年 11 月 2 日 星期二 【晴】
忙碌及病患中過每一日
由四川回來後的日子，簡直係忙到死呀，每一日都係工作、工作再工作，面對一連串的工作，簡直令人喘不過氣來。由於仍然患病，每日的早餐同中午的午餐也不想太去食野，有時一個可以由早餐食到午餐，平時的習慣全部同生活方式全被攪亂，晚上的時候梗係繁忙。
星期六的日子，原本諗住可以去到擘餅，我都不奢望能準時到達，只求擘餅的那時候能出席，但最終卻仍然係公司渡過慢長的夜晚，因為星期一至星期五我地有個培訓班，但因為亞姐未夾過d程序，所以叫埋我地留低，但問題係這個project係由會計同亞姐跟開的，我都要留低聽先係浪費時間囉。由我想3:00離開，到最後要攪到8:00先有得走人呀。真係救命呀。
星期日，我阿媽帶我去睇多一次醫生，因為佢話我病咁耐都未好番，實係好嚴重呀，去到醫生果度佢叫我睇9:45，所以我同阿媽去食早餐，食完先再睇，睇完都差不多10:30lu，咁我就急急腳去大牛啦，因為擘餅已經開始了。去到大牛，我因為打左支針，個人暈下暈下咁，擘餅原來已經去到飲杯的階段，我只可以拿著餅和杯一齊，心有種對唔住主的感覺，另外因為沒有位置，根本上只可以站在門口的位置，心思就更難集中去思想主，又病到死死下咁，所以沒有什麼感覺，只係好想訓下覺。因為環境好似太陌生了。
回到3A，我看見我的一班好姊妹，我好想同佢地講﹕我好辛苦呀，因為我病到死死下。但見佢地係度親近主，我不便打擾。我食完藥後，多得敏萍姐前來問候，因為那時候，心裡實在太不是味兒了，又中了仇敵不少控告，再加上自己自問整個星期沒有見B/S，或同佢地傾計，好似自己都覺得自己唔好，病又未病好，工作又忙到死，面對前面的日子，都不知如何是好。當敏萍姐問候的時候，我竟然情不自禁留下眼淚來，但我寶貴能與身邊的姊妹去傾訴，也寶貴她們的明白與諒解﹕
Psm 56:8 我幾次流離、你都記數．求你把我眼淚裝在你的皮袋裏．這不都記在你冊子上麼。
>>November 3, 2004 at 11:23:56 AM GMT+8
2004 年 10 月 26 日 星期二 【晴】
又要開會的日子
星期三是每月一次的例會，我地由3:00開始坐到7:30先結束會議，因為一次過開左3個會議，我同亞姐一路都冇離開過坐位，最後我地第一時間..................去廁所。
由於我同亞姐都病得好辛苦，會議中我好似聽唔到d咩呀，但問題係我要做會議紀錄先死，都唔知寫咩好呀。會議後其實有飯食，我同亞姐都諗住唔食，但個個老闆都走晒，攪到我同亞姐都要留低，最後差不多10:00先走人，其實我冇咩胃口食野，食小小都飽，又想嘔喎，又頭暈暈咁，我好想d時間快d過，佢地食快d，我可以早d回家。
返到屋企，沖完涼，食完藥又訓lu，因為d藥太勁啦。攪到個人冇精神。
>>October 28, 2004 at 7:09:49 AM GMT+8
|
|
|
|
廣告 |
|
|
讀者留言 |
| 路人留言
|
 I really underst
>>July 3, 2006 at 3:58:55 AM GMT+8
如果俾我都會揀長短週架!
<br
>>March 17, 2006 at 10:29:50 AM GMT+8
好開心知道你訓得好左, 因為我都
>>March 12, 2006 at 12:48:14 PM GMT+8
你又唔早d話我知,我近排又係夜晚
>>March 8, 2006 at 2:09:44 PM GMT+8
你近排好似好奈冇打日記喎! 我得
>>February 21, 2006 at 9:11:37 AM GMT+8
咁....
<br>唔換到換左.
>>November 10, 2005 at 1:04:28 AM GMT+8
百利恆井水，如血之寶．
<br>
>>October 7, 2005 at 10:33:22 AM GMT+8
I will always su
>>September 6, 2005 at 11:57:22 PM GMT+8
唔好咁唔開心啦!主了解你一切的感
>>August 29, 2005 at 3:50:31 PM GMT+8
我係一個7月1日被遺棄嘅小朋友!
>>July 4, 2005 at 7:52:19 AM GMT+8
我係騙局嘅受害者!
>>June 15, 2005 at 10:17:21 AM GMT+8
點解你成日發埋d咁嘅夢架!
<b
>>May 18, 2005 at 9:30:41 AM GMT+8
女主角,幾時幫我地簽個名呀?
>>May 1, 2005 at 3:33:58 PM GMT+8
我地會為你祈禱架喇!願主將平安賜
>>March 26, 2005 at 1:15:22 PM GMT+8
放心啦, 我地會代禱記念你架啦!
>>March 24, 2005 at 7:07:39 AM GMT+8
依家輪番我問你有沒有工可以俾我做
>>March 24, 2005 at 2:18:55 AM GMT+8
RE大佬同ssf﹕唔好係度玩野喎
>>March 9, 2005 at 2:38:53 PM GMT+8
Re: 十大殺手，我唔知你係邊個
>>March 9, 2005 at 9:52:09 AM GMT+8
ssf 你究竟係邊過,竟然夠膽咁
>>March 9, 2005 at 7:49:48 AM GMT+8
答嘴：宇宙大佬，我份工要受好多氣
>>March 8, 2005 at 11:29:21 AM GMT+8
我提意你不如做ssf 果份工啦!
>>March 8, 2005 at 7:57:49 AM GMT+8
實在恭喜妳可以辭職，我都好想好想
>>March 7, 2005 at 10:57:06 AM GMT+8
睇黎個亞姐都唔會做得長囉!
>>March 1, 2005 at 7:40:04 AM GMT+8
唔關我事架...
<br>係大妹
>>February 22, 2005 at 2:41:42 PM GMT+8
睇佢真係唔似傻仔喎!
<br>仲
>>February 22, 2005 at 5:41:54 AM GMT+8
大妹姐會為錢殺人?
<br>我好
>>February 18, 2005 at 8:07:06 AM GMT+8
我點知?
<br>我識得佢吖麻!
>>February 17, 2005 at 7:50:28 AM GMT+8
喂，你唔好用"撇低大妹姐"呢幾個
>>February 15, 2005 at 7:26:15 AM GMT+8
我果日係馬鞍山親近主喎!
<br
>>February 15, 2005 at 3:43:55 AM GMT+8
re大佬﹕你又知係周星星架咩，唔
>>February 9, 2005 at 9:40:18 AM GMT+8
re大佬﹕如果你出我地星期日的馬
>>February 9, 2005 at 9:39:02 AM GMT+8
新年快樂!
<br>你好似今件未
>>February 9, 2005 at 6:04:41 AM GMT+8
"愛你一萬年"係周星星係西遊記大
>>February 9, 2005 at 6:00:17 AM GMT+8
嘩!你解啟示錄都幾清楚架喎!
<
>>January 26, 2005 at 6:25:20 AM GMT+8
多謝晒﹗好感動呀﹗係呢個咁寒冷既
>>January 15, 2005 at 11:39:46 AM GMT+8
re小公主﹕張相梗係冇問題啦，等
>>January 12, 2005 at 1:25:12 PM GMT+8
re汽球﹕咁你多d留言啦..
>>January 12, 2005 at 1:23:44 PM GMT+8
re SSF:我已經預備
>>January 12, 2005 at 1:22:26 PM GMT+8
我好LIKE你個留言板LO...
>>January 9, 2005 at 11:07:04 AM GMT+8
我想要既保濕潤唇膏都唔使你送嘞，
>>January 4, 2005 at 3:53:31 AM GMT+8
依家唔洗你送個坐枱
>>January 3, 2005 at 6:25:17 AM GMT+8
我已經幫大妹姐扲咗
>>December 31, 2004 at 8:00:07 AM GMT+8
我已經幫大妹姐扲咗
>>December 31, 2004 at 7:54:23 AM GMT+8
哈.... 地點都係寫下既o者.
>>December 28, 2004 at 11:40:13 AM GMT+8
RE宇宙大佬﹕
<br>你要的禮
>>December 21, 2004 at 1:36:38 PM GMT+8
係唔係寫低就有禮物收架?
<br
>>December 21, 2004 at 1:00:53 PM GMT+8
RE SSF﹕
<br>你要保濕
>>December 21, 2004 at 12:17:37 PM GMT+8
re SSF大仔K仔﹕
<br>
>>December 21, 2004 at 12:15:11 PM GMT+8
re小公主﹕
<br>你的禮物冇
>>December 21, 2004 at 12:11:56 PM GMT+8
我唔貪心的啦,我想要朱古力就得啦
>>December 21, 2004 at 8:51:52 AM GMT+8
|
|
美鳳屋企要宜家傢俬幫下手先得啦....
竟然真係可以去到祈禱會
生、老、病、死
