|
2004 年 12 月 23 日 星期四 【晴】
 祝各位聖誕快快樂樂呀!!!!!
願主使你們每個
1. 都有充足的時間去休息、安靜同享受主
2. 好好計劃明年
3. 記得送禮物比我呀......多謝各位。
>>December 24, 2004 at 8:52:28 AM GMT+8
2004 年 12 月 23 日 星期四 【晴】
聖誕大餐加睇燈飾
尋日係我12月份第一次出席的小組，因為忙完我會的典禮啦。今次小組仲有特別嘉賓呀，你地估下係邊個。tips係佢有刀巴架....
食飯的地點係尖沙咀菓一度，食物係食d健康野食，但我就覺得麻麻地啦。
1. 佢果度唔比其他餐牌你揀，只提供2張set dinner比你。但佢明明係有架喎
2. 服務質素麻麻地啦，明明叫佢比牛油啦，又攪黎攪去遲左好耐先比
3. 明明有得吸印拎9折咭，佢又唔出聲喎，要我行埋去問佢，佢先話冇比好耐架啦，咁我問佢用唔用得先，佢又話用得喎，跟住先肯幫我吸8個印，但佢話仲要多2個印先有9折咭架。
4. 佢收用具的時候，竟然將支湯匙跌落我身上，好彩冇整污我件衫咋，如果唔係我一定會話佢呀。
5. 一個餐都唔平喎，大約$50一個主菜，但要加$15先有湯，飽、同飲品，杯飲品又甜都你都飲唔到。
總結我寧願去食麥當勞lu。
食完之後，我地跟住就去我地的"自由行團"--行尖沙咀睇燈飾，影得最多相的我估係大妹姐同麗香啦。行到去新世界都差不多10:30啦，跟住就要搭車回家啦，因為個個都眼訓了。
回家途中仲要同慧英一路諗去camp的題目同相交形式，係超眼訓的時候仲可以諗到野都係要多謝主呀。當我地諗完的時候，碧茹就打電話問我地啦，真係再一次見証有神呀。
>>December 24, 2004 at 3:06:44 AM GMT+8
2004 年 12 月 22 日 星期三 【晴】
又係好眼訓的日子
尋日又係開例會的日子，原本諗住可以訓耐d啦，點知星期二果日親戚黎晒我屋企食飯，攪到11:00先走人，所以又攪到12:00幾先訓。
尋日原本交左比會計做d名牌呀，坐席咭呀，但點知佢又要做其他野，攪到我又要做埋佢果份，跟住就那那林去酒店啦。
開完例會之後，就係知識產權講座，又要同d人傾下d無無謂謂野，開完之後就大約10:00lu。回家途中又接到酒店電話，話我地有人留低d野係酒店，攪下聯絡下，差不多要11:00先返到屋企。
訓的時候都差不多12:00lu。
>>December 24, 2004 at 2:21:52 AM GMT+8
2004 年 12 月 20 日 星期一 【晴】
今日可以早d走呀
今日係冬至，原本諗住冇得早走架，但亞姐佢今日唔返工，佢打電話番黎問我地今日會唔會早走呀，咁我地開頭話﹕傻架咩....會長邊會比我地早走呀，因為明天仲要開會呀嘛。咁我地順便打去一問啦，一問之下，原來佢公司今日可以早走喎，話放5:00，咁我地就順便問埋我地啦，咁會長就答啦﹕咁呀，4:30啦。就係的情況下，我地可以話放4:30，但我地真正離開公司的時間都已經係5:20啦，其實離開6:00沒有太大分別，不過仲好過冇啦。
今日我地用左架貨車載番d貨番黎，真係嚇死人呀，等於我地去的4倍，有
40箱公仔麵
30箱雜物加書
16箱紀念品
4幅大畫
真係多到呀，連個會議室都迫爆咁濟呀。
>>December 21, 2004 at 1:57:23 PM GMT+8
2004 年 12 月 20 日 星期一 【晴】
多謝各方好友的代禱。
為表示對各方好友在我忙碌期間的支持，無論是實質的表達、背地裡的禱告也好，小女子表示衷心的謝意。願主常與你們同在，也願賜安慰、平安的神常常賜福與你們，使你們無論在順境、逆境中也體會及明白主的心腸。
 聖誕節將到，為表小女子對你們的謝意，你地想收到咩禮物呢?如果想我送比你地的，你地可以寫比我，你夠膽寫，我就夠膽送。如果冇人寫，就可以唔送啦。哈哈.....
>>December 21, 2004 at 4:43:15 AM GMT+8
2004 年 12 月 20 日 星期一 【晴】
人的生命確不在我們的掌握中
撰文：趙潔儀
這個暑假，西藏接連發生兩宗港人的旅遊意外，家人驟然失去至親，除了悲痛，還對生命存留著一個問號，一份深思。
一家五口生活在平凡但幸福的日子裡，女兒芝蘭在今年暑假與同學遠赴西藏遊歷，途中卻不幸患上急性高山症，病發六小時後，客死異鄉。
家人在香港接到消息，震撼，是接受不到女兒「不再回來了」的事實。噩耗傳來幾天後，還收到女兒事發前寄來報平安的明信片。
友人回來後送上一輯旅遊照片，她那燦爛的笑容點綴在一片黃色花海中，這份生命的氣息仍然散發著餘溫……
「其實明天怎樣，你們並不知道。你們的生命是什麼呢？你們本來是過眼雲煙，轉瞬之間就消逝了。」〈雅各書四章十四節〉
「妹妹，你這次實在太頑皮了，本來說去西藏，卻一聲不響去了更遠的地方。」芝蘭大哥林思華在追思冊中道出了這份無奈。
廿一歲的林芝蘭是港大環境生命科學二年級學生，熱愛大自然，且是遠足能手。登上珠穆朗瑪峰一直是她的心願，為了這次旅程還用了半年時間儲旅費。
6月26日，是她西藏行程的第十三天，也是出事的日子。
當天早上終於登上了珠峰大本營，過程中一切相安無事。晚上回到補給站拉孜準備休息，卻突然感到頭痛、嘔吐，數小時內病情每況愈下。三位同伴慌忙地抱著她連夜飛車趕往西藏第二大城市——日喀則市較具規模的醫院搶救，然而晨曦中抵達醫院時，她的生命已走到盡頭。
另一邊廂，家人睡得正甜，早上六時半電話響起，他們卻心血來潮一起湧到廳中。「是媽媽接電話的，當地保險公司打來告之消息，完全想像不到，我最多覺得是有病，需要入院休息，原來就咁就去了。」芝蘭二哥思漢說。還來不及定神，就要接聽一個又一個的電話處理身後事。
當晚病發前十五分鐘，還最後與父母一通電話，雀躍地報告行程，叫家人不用擔心。「這刻的感覺好虛幻，心裡好像開了個洞，只聽到消息，看不到出事經過，而且已有十多天沒見到她了。當晚半夜驚醒，問自己是否在發噩夢，走出廳看妹妹的相片，是真的，個妹真的不會回來了。」思華說。
那天早上，芝蘭兩位哥哥一起接受訪問。平靜的外表掩不住內心的傷痛：「我只想盡量幫自己和家人面對新階段，這個沒有妹妹的未來，希望不會太差。」思華說。「快到中秋節了，應該人月兩團圓，我家怎自處呢？她年初二生日，每年會為她慶祝，以後年初二怎過呢？下年大學生畢業，我妹妹應該畢業了，怎樣面對呢？」零亂的思緒不斷演習著往後的片段，「過去以為家裡有問題，三個人解決一定可以，無諗過是三個當中有一個先走了。」
兄妹之間這份深厚的感情，教旁人動容。「她今年生日，我陪她出街揀禮物由我付錢；有時我坐在梳化，她會睡在我腳上看電視；她在朋友面前，是個獨立有領導才能的大學生，在哥哥面前卻喜歡撒嬌，而我也享受保護她。」思華拿起繫在手機上的卡通電話繩，「這是芝蘭年初送我的，她見我現沒女朋友，是她親手繫上，也是給我最後一份禮物。」芝蘭每次放榜、十八歲生日、大學選科，人生每個關鍵時刻，兩個哥哥總會陪伴左右，「既然有兩個哥哥，我們不會讓她一個。但懊悔的是，一個女子去到咁遠，病發六個小時，我們都不在她身邊……」
「還以為一切理所當然，往後的日子會一起渡過，會看著對方結婚生仔，幫對方的孩子改名。」但這次意外，竟把所有構想完全推翻了，恍如硬生生扯走一些東西，這才是最大打擊。
傷痛，還滲透在生活每個細節上：「媽媽前陣子染髮，後面染不到，我想幫她，她卻說我不懂，說以前是芝蘭幫她的。」思華說，最擔心的還是父母，「安慰的說話都講盡了，他們會呆呆坐在廳中，想起又會哭。我唯一可以做的，是自己不要哭埋一份。」芝蘭的同伴回港後留下了意外手記，「抽搐，失禁，瞳孔無反應」，細緻地描述她病發的過程，這對家人來說實在太難堪了。母親還時常提著：「當時她會諗緊乜呢？」
遙望蒼天，到底她現在身在何方？「以前都會諗人死後去邊度，是哲學問題，現在是切身問題，我阿妹死咗去邊呢？」思漢是基督徒，對生死別有一番體會：「坦白說，現在我的狀態極差。我相信妹妹在天堂，但是否我們確信，就能夠釋然呢？放低個妹給耶穌，就會No burden, No worry？」對生命是有太多不明白，這份惦念，也是真實的。「但每當諗到耶穌為世人釘在十字架上，愛我們至死，我就相信，上帝愛芝蘭愛父母不會比我們少。」
悠長歲月，最怕對妹妹的記憶漸漸模糊。思華始終希望在有生之年，能與妹妹見面，他說報夢也好。「就算我無，給父母都好，很怕他們會精神崩潰。」的確，餘生失去聯繫，對兩老是很殘忍的事。但思漢說：「這始終是夢……其實我的心情跟哥哥一樣，但我相信上帝有一個更好的方法。我知道有一種額外的滿足，不是靠自己能得到的。我相信上帝主權實在，我相信有永恆，我期待著家人能得到這份永恆的滿足。」
「希望有一日，食飯時提起這個妹，不是個個哭，而是相視微笑。」是有很長的路要走，但他確信這是唯一的盼望——
「小天使啊，你漂亮地完成了這次探訪；之後，希望你能帶著家人、師長及朋友的愛，回到你原本所屬的地方，繼續當一個快樂的天使。我們會懷著對你的思念，盼望著與你再遇的那一天。」這是兩位哥哥在追思冊上留給芝蘭的最後寄語。
＊＊＊＊＊＊＊＊＊
我們得救時就存著這盼望；但是看得見的盼望不是盼望，因為誰會盼望自己看見了的呢？但如果我們盼望沒有看見的，就會耐心的熱切期待。照樣，聖靈也在我們的軟弱上幫助我們。原來我們不曉得應當怎樣禱告，但聖靈親自用不可言喻的歎息，替我們祈求。《聖經新譯本》〈羅馬書八章24-26節〉
For in this hope we were saved. Now hope that is seen is not hope. For who hopes for what he sees? But if we hope for what we do not see, we wait for it with patience. Likewise the Spirit helps us in our weakness. For we do not know what to pray for as we ought, but the Spirit himself intercedes for us with groanings too deep for words. Romans 8:24-26 (ESV)
>>December 21, 2004 at 4:02:59 AM GMT+8
2004 年 12 月 20 日 星期一 【晴】
終於忙完個就職典禮啦......不過勁眼訓
尋日終於完成我地的就職典禮，時間都叫準時結束架啦，大約10:45完晚宴。不過就超辛苦啦。
9:00貨車車走貨物
10:45我地去會展
11:30食飯---全日就只係食左lee一餐
1:00開始執野
3:00工作人員會議
4:00set-up典禮台
5:00rehersual
6:00cocktail
7:00入席
8:00晚宴
10:45完結
全晚我只係食左一餐午餐，仲要係咩都好似冇食過咁，因為個餐係set-lunch西餐，個湯唔好飲，主菜係鱸魚，得2小件，跟住就冇啦。
全日我只係飲左3杯飲品，一杯﹕早上的奶茶，第2杯係中午的水，第3杯係夜晚的橙汁。
全日我只係去左1次廁所咋，都算係破紀錄架啦，舊年都去左2次呀，今次可能飲得少水，所以不是太急。
全日我覺得自己做就冇問題，但一同人夾，d秘書小姐實在太多問題啦，一個又要去化粧，一個又要去換衫，一d就話咁，一d又話咁好。都唔知聽邊個講先好呀。
全場80圍，我地只得30個工作人員，連d會展waiter都話，冇見過d秘書著得咁靚都要跪係度pack野呀，可想而知我地d苦況，好彩我係著褲，因為我一早知會係咁架啦。
由於我係負責典禮台的set-up，全晚就係企係典禮台下，不停有人走埋黎叫我stand-by，我已經企左係度啦，都唔叫stand-by，咁我都冇野好講啦。
全晚最悶就係交換紀念品，因為今次有成40多個省巿黎左，又係交換紀念品，咁即係要交換成40幾份，上上落落，不停講不停省巿代表，真係悶呀，不過今次真係大獲，因為d紀念品份份都好大份，都唔知點放係會度好啦。有一幅好似度門咁高，成張會議室檯咁長，都唔知點攪好。
今次的禮物都幾豐富架，每人有4份全場禮物，又有檯獎，不過抽獎就抽唔到我啦。
回家的時候都不算太疲倦，但一到訓覺的時候，先發覺對腳好辛苦。
>>December 21, 2004 at 2:38:06 AM GMT+8
2004 年 12 月 16 日 星期四 【晴】
工作到11:00先走人.......
尋日的工作不是太多，全部都係要等d高層回覆後可以繼續做的工作。
1. 等會長批嘉賓枱的安排
2. 等報館送初稿黎
3. 等亞姐同我傾工作人員的分配
其實我同會計都有個結論，就係亞姐其實係想有人陪佢，所以叫埋我地留低
>>December 17, 2004 at 6:24:34 AM GMT+8
2004 年 12 月 14 日 星期二 【晴】
聖誕節就快到
有冇咩心願呀,,,,
又或者想收到咩禮物呀????
>>December 15, 2004 at 1:39:08 PM GMT+8
2004 年 12 月 14 日 星期二 【晴】
當我某人的網頁中提到一年容易又過去，回想過去一年的[感恩事項時，令我想到﹕原來我第一次寫日記的日記係2003年10月3日寫架(無記錯的話)，距離現在都有一年多lu。時間過得好快，感覺好快又到2005年啦。
>>December 15, 2004 at 1:32:12 PM GMT+8
|
|
|
|
廣告 |
|
|
讀者留言 |
| 路人留言
|
 I really underst
>>July 3, 2006 at 3:58:55 AM GMT+8
如果俾我都會揀長短週架!
<br
>>March 17, 2006 at 10:29:50 AM GMT+8
好開心知道你訓得好左, 因為我都
>>March 12, 2006 at 12:48:14 PM GMT+8
你又唔早d話我知,我近排又係夜晚
>>March 8, 2006 at 2:09:44 PM GMT+8
你近排好似好奈冇打日記喎! 我得
>>February 21, 2006 at 9:11:37 AM GMT+8
咁....
<br>唔換到換左.
>>November 10, 2005 at 1:04:28 AM GMT+8
百利恆井水，如血之寶．
<br>
>>October 7, 2005 at 10:33:22 AM GMT+8
I will always su
>>September 6, 2005 at 11:57:22 PM GMT+8
唔好咁唔開心啦!主了解你一切的感
>>August 29, 2005 at 3:50:31 PM GMT+8
我係一個7月1日被遺棄嘅小朋友!
>>July 4, 2005 at 7:52:19 AM GMT+8
我係騙局嘅受害者!
>>June 15, 2005 at 10:17:21 AM GMT+8
點解你成日發埋d咁嘅夢架!
<b
>>May 18, 2005 at 9:30:41 AM GMT+8
女主角,幾時幫我地簽個名呀?
>>May 1, 2005 at 3:33:58 PM GMT+8
我地會為你祈禱架喇!願主將平安賜
>>March 26, 2005 at 1:15:22 PM GMT+8
放心啦, 我地會代禱記念你架啦!
>>March 24, 2005 at 7:07:39 AM GMT+8
依家輪番我問你有沒有工可以俾我做
>>March 24, 2005 at 2:18:55 AM GMT+8
RE大佬同ssf﹕唔好係度玩野喎
>>March 9, 2005 at 2:38:53 PM GMT+8
Re: 十大殺手，我唔知你係邊個
>>March 9, 2005 at 9:52:09 AM GMT+8
ssf 你究竟係邊過,竟然夠膽咁
>>March 9, 2005 at 7:49:48 AM GMT+8
答嘴：宇宙大佬，我份工要受好多氣
>>March 8, 2005 at 11:29:21 AM GMT+8
我提意你不如做ssf 果份工啦!
>>March 8, 2005 at 7:57:49 AM GMT+8
實在恭喜妳可以辭職，我都好想好想
>>March 7, 2005 at 10:57:06 AM GMT+8
睇黎個亞姐都唔會做得長囉!
>>March 1, 2005 at 7:40:04 AM GMT+8
唔關我事架...
<br>係大妹
>>February 22, 2005 at 2:41:42 PM GMT+8
睇佢真係唔似傻仔喎!
<br>仲
>>February 22, 2005 at 5:41:54 AM GMT+8
大妹姐會為錢殺人?
<br>我好
>>February 18, 2005 at 8:07:06 AM GMT+8
我點知?
<br>我識得佢吖麻!
>>February 17, 2005 at 7:50:28 AM GMT+8
喂，你唔好用"撇低大妹姐"呢幾個
>>February 15, 2005 at 7:26:15 AM GMT+8
我果日係馬鞍山親近主喎!
<br
>>February 15, 2005 at 3:43:55 AM GMT+8
re大佬﹕你又知係周星星架咩，唔
>>February 9, 2005 at 9:40:18 AM GMT+8
re大佬﹕如果你出我地星期日的馬
>>February 9, 2005 at 9:39:02 AM GMT+8
新年快樂!
<br>你好似今件未
>>February 9, 2005 at 6:04:41 AM GMT+8
"愛你一萬年"係周星星係西遊記大
>>February 9, 2005 at 6:00:17 AM GMT+8
嘩!你解啟示錄都幾清楚架喎!
<
>>January 26, 2005 at 6:25:20 AM GMT+8
多謝晒﹗好感動呀﹗係呢個咁寒冷既
>>January 15, 2005 at 11:39:46 AM GMT+8
re小公主﹕張相梗係冇問題啦，等
>>January 12, 2005 at 1:25:12 PM GMT+8
re汽球﹕咁你多d留言啦..
>>January 12, 2005 at 1:23:44 PM GMT+8
re SSF:我已經預備
>>January 12, 2005 at 1:22:26 PM GMT+8
我好LIKE你個留言板LO...
>>January 9, 2005 at 11:07:04 AM GMT+8
我想要既保濕潤唇膏都唔使你送嘞，
>>January 4, 2005 at 3:53:31 AM GMT+8
依家唔洗你送個坐枱
>>January 3, 2005 at 6:25:17 AM GMT+8
我已經幫大妹姐扲咗
>>December 31, 2004 at 8:00:07 AM GMT+8
我已經幫大妹姐扲咗
>>December 31, 2004 at 7:54:23 AM GMT+8
哈.... 地點都係寫下既o者.
>>December 28, 2004 at 11:40:13 AM GMT+8
RE宇宙大佬﹕
<br>你要的禮
>>December 21, 2004 at 1:36:38 PM GMT+8
係唔係寫低就有禮物收架?
<br
>>December 21, 2004 at 1:00:53 PM GMT+8
RE SSF﹕
<br>你要保濕
>>December 21, 2004 at 12:17:37 PM GMT+8
re SSF大仔K仔﹕
<br>
>>December 21, 2004 at 12:15:11 PM GMT+8
re小公主﹕
<br>你的禮物冇
>>December 21, 2004 at 12:11:56 PM GMT+8
我唔貪心的啦,我想要朱古力就得啦
>>December 21, 2004 at 8:51:52 AM GMT+8
|
|
又係好眼訓的日子
終於忙完個就職典禮啦......不過勁眼訓
工作到11:00先走人.......
聖誕節就快到