|
2005 年 1 月 9 日 星期日 【晴】
袁文輝（影音使團總幹事）
這又再是一個令人難忘的聖誕！
去年，我們首次經歷沙士──這場世紀浩劫，一夜之間，多少親戚朋友，來不及說聲再會，已經悄悄永別人間。今年的聖誕，在遠方的南亞諸國，由聖誕的狂歡聲，變成人間哀號，一秒間成千上萬生命，剎時葬身滔天巨浪中。死亡面前，人是脆弱的；天災的腳下，再偉大的文明，都顯得渺小。今年，筆者踏足土耳其亞拉臘山，為了尋找失落的文明──挪亞方舟，窺探洪水滅世的啟示。聖誕期間，我再度涉足亞拉臘山──這塊神聖的大地，拜訪當天有份協助本人登山的庫爾德族朋友。突然，得知大家暫別短短一個多月，亞拉臘山發生大地震，當日途經的小村莊，瞬間移為平地，滿目瘡痍，聞者心酸。死傷人數雖只得22人，遠不及南亞的海嘯，但22人已經差不多是整條村莊的居民。
今年，亞拉臘山罕有地降「紅雪」。「紅雪」對當地人來說，代表吉慶。可是，今年土耳其政府罕有地錄得500次地震紀錄，亞拉臘山受熱浪影響，溶雪速度超過以往的紀錄。天災的頻密遠超人們的預測。紅色的雪不是吉慶，它仿佛是上天痛心人類對大自然無情破壞，所滴下的血淚。一場又一場突如其來的天災，無聲無色之下，在我們最歡樂，最沒有防備的日子降臨，帶來無數生靈塗炭。這對現代高度文明的社會是否一種諷剌呢？大自然向來給人們許多美麗的想像，孕育多少美麗的傳說，亦帶來多少人間痛苦的回憶。它是人類最難掌控的東西。
現代社會高度發展科技文明。為了軍備競賽，各國進行地下核爆，測試武器威力；為了更高的物質享受，人類瘋狂攝取石油，耗盡資源。科技使我們更能掌控大自然的規律，掌控了大自然亦即是更能掌控自己的生命，使我們更多時間享受人生。現代教育重視理性思維的訓練，知識的傳遞。這個突如其來的南亞海嘯悄悄地吞噬無數的人命。最諷刺莫過於當地導遊大叫：「趕快逃命，海嘯來了！」無知的遊客還慢條斯理地問：「什麼是海嘯呀？」來不及閉口，巨浪已經滔天而降。
當我們理性以為今天科技文明，逐一揭開大自然神秘的面紗時，原來，高度理性正慢慢地把我們與大自然隔離。天災面前彷彿再次提醒人類對大自然的無知。正當近代考古學家將一座又一座古城，從地底下喚醒過來，出土文物再次展現當時社會的文明和歡樂時，歷史又一次一次告訴我們，多偉大的文明始終不敵突如其來的天災。今天，現代世界的文明到底會否重蹈歷史的軌跡，成為後世考古的發現呢？我再次遙望亞拉臘山上的方舟，再次憶起《聖經》描述的挪亞年代，當時除了挪亞一家外，大地的人民只顧吃喝嫁娶，物慾橫流。終於，上帝不忍大地淪為罪土，決定以洪水滅世，重整世界秩序。當日，所有人在一片恆常的歡樂聲中，剎那間葬身大海，一切的文明在洪水肚裏，都是亳無意義了。
不再太平的南亞大洋再度令我深思一個問題，今天，人類的教育還欠缺什麼呢？似乎今天知識的本身，還未曾觸及「生死」，這個人們似乎最不想面對，卻是普世人類最需要處理的命題。《聖經》裏描述一位財主畢生為自己蓋大屋積財寶。然後要對自己的靈魂說：「靈魂哪，你有許多財物積存，可作多年的費用，只管安安逸逸的喫喝快樂吧！」神卻對他說：「無知的人哪，今夜必要你的靈魂；你所預備的要歸誰呢？」(路12:15-20)上帝再次令我深思，「假若今天要回天家，我的靈魂預備好了嗎？」大家也為生命預備好了嗎？
今年，聖誕響起的不單是歡樂的歌聲，更是大自然急切的警號！你們聽到了嗎？
>>January 10, 2005 at 3:04:15 AM GMT+8
2005 年 1 月 6 日 星期四 【晴】
又比會長話我啦..............
尋日去了宣明會遞交我地會籌得的40萬元支票，其實以往我地一路都冇做過d咁show quali的野，係今年個會長要名氣，冇辦法啦。又要叫埋d報館記者，又要加幾個老闆，再加上2個工作人員，迫個佢個reception水洩不通。由於宣明會的地址係大角咀，地鐵係沒有到的，所以我去程係搭的士，當回程的時候，會長竟然話車埋我喎，就係咁就出事啦。
一上車，佢就叫我拎字同筆出黎寫低d野，我一開個袋先發現原來我沒有帶筆同簿，因為我個袋已經full晒啦，又要帶會呔、帶會刊、帶相機、帶聯絡資料，帶其他文件，不過就係冇放筆同簿。就係咁就比會長話我啦﹕叫你出黎，筆同簿都唔帶，你點攪架，點叫你出黎做大事呀，你連最基本要帶果d唔帶，都唔知你想點呀....................唉...不過我唔係話你，我係教緊你姐.......
跟住我仲要講﹕唔好意思呀會長，係我自己唔記得，我下次會記得架啦.................(真係好唔like，仲要say sorry呀)，真係救命呀。
上到車，又講lee樣，又講果樣，真係唔坐佢車好過呀。
返到公司，又打幾次奪命call黎，但次次都係講同一個問題喎。真係想死呀。不過開心係尋日有2個秘書過黎同我地度揀相，順便又吹下水，仲請埋我地食下午茶tim，開心晒。
去到大牛都已經7:45啦，不過因為尋日走動得太多，顯得有d疲倦。
>>January 7, 2005 at 10:32:39 AM GMT+8
2005 年 1 月 5 日 星期三 【晴】
終於出番靈修team
尋日係我1月份第一次出番靈修team，因為12月份實在太忙啦，所以整整一個月都沒有出。係1月2日，慧英問我諗左睇咩聖經未喎，果一刻先記起﹕係喎，我要出靈修team喎，可能慣左唔出啦，所以開頭都唔係好堅定咁答﹕可以。但當聽到碧茹話次次都係得佢同惠儀仔，又話冇讀聖表時，心裡有一個唔好意思的念頭，又想起自己講過﹕如果自己都做唔到，又如何要求別人去做呢?我不時說碧茹所講的不對，反而佢所講的好放在我心裡，我想也是主的提醒吧。
尋日一起身，其實只是6:45，所以我想訓多一陣，一訓就訓到7:10，那一刻又好掙扎究竟去唔去好呢，因為去到我估計都差不多7:45啦，而我尋日又要準時返到公司喎。但同時又想到佢地自己去親近主的情景啦，最後我都係去，一落小巴，我用了我最快的時間跑上去，由匯豐銀行起步，一支箭咁跑上去，真係一項好運動呀，去到真係7:45，不過心裡都有種成功感，起碼我戰勝左睡魔，更寶貴的是，佢地個個都出喎，真係人才濟濟呀，雖然分開不同的時間黎呀，但都叫大家都渴慕去親近主呀，最後一齊祈禱之後就走啦。
雖然咁樣我會好眼訓呀，但都係係２００５年一個新開始。
>>January 6, 2005 at 2:17:29 AM GMT+8
2005 年 1 月 4 日 星期二 【晴】
開心/不開心，不會因環境因素而影響，只在乎你自己決定自己開心/不開心
這是祈禱會中志光哥哥所講而又放在我心的一句
>>January 5, 2005 at 10:19:22 AM GMT+8
2005 年 1 月 3 日 星期一 【晴】
詩篇二十三篇
耶和華係決定我出路的牧者,
耶和華係控制我出路的牧者,
我必不至充聞.
祂使我在需要時靜下來,安靜平息.
祂賜給我靜默的境地,
使我的寧靜得以恢愎.
祂領我鎮定地走在效率之道上,
祂的引道給我平安.
我雖然每天有許多工作待完成,
也不會焦躁煩悶,
因為祂與我同在.
祂的永恆, 祂的重要,
都幫助我保持平衡.
在我的活動和工作中.
祂用平靜安穩的油膏了我的頭,
為我預備安潔和新生,
讓我的喜樂和力量, 福杯滿溢.
我一生必能以真實的和諧和果效為祂而活,
因此我要與主同哭同泣.
且住在祂的殿中直到永遠
當志光哥哥講到"使我的寧靜得以恢愎"時，心裡那一刻想到主真係好明白我，前陣子因為工作的忙碌，令我身心疲憊，接近一個月的時間沒有好好休息，當想休息時又到去camp的日子，.攪到個人都暈暈地，之後，因為亞姐的離去，新果個又唔做，而家起碼有一個月要自己跟晒d野去做，再加上會長唔係講道理的人，所以我壓力更加大，由原本諗住12月走，攪到而家諗住3月離去，心裡都有一定程度的壓力，因為1.不知家庭許唔許可，2.自己又唔知幾時先再找到工作，3.太多太多憂慮。
但係大團聚裡面講到"使我的寧靜得以恢愎"時，心裡大得安慰同明白。
>>January 4, 2005 at 11:00:35 AM GMT+8
2005 年 1 月 2 日 星期日 【晴】
亞姐都係走左....
亞姐由9月辭職，終於過埋12月31日之後，佢真係唔做lu，因為佢找到另一份工作做。
但係由於佢的離開，攪到我地工作大增，我冇那那又比會長又讚、又嘆，唉，越來越發覺好難繼續做落去。但問題，當會長讚我的時候，竟然亞姐會唔鍾意，佢仲要係12月30日先同我地交收佢的文件。因為新請的那個新人因為唔習慣，所以都唔做啦，攪到我都唔知點算好。
亞姐佢係12月31日仲同我講有野要交低喎，跟住因為我趕住走喎，佢仲塞我一句呀﹕你睇下呀，D人想坐正啦。咁同會計講喎，我都費時理佢呀，佢冇理由等到31/12先交野比我呀。然後又拖住會計唔比佢走喎，佢又整下D紀念品，又整下第2樣野，咁跟住會計問佢﹕你係咪有野講架，咁亞姐就話﹕呀...係架，你等下先咁一等又等到6:00啦，咁我地果日明明放4:30架啦，咁會計又吹佢啦，佢又係咁答﹕係架。會計咪興興地囉，咁亞姐又話佢﹕洗唔洗咁呀，我知我走姐，唔洗咁對我呀...............
跟住又黎一獲﹕咁次次都會有老闆請食飯架嘛，咁佢又叫我出E-MAIL問人去唔去啦，咁我出左啦，佢又話我自己出E-MAIL喎。咁我話﹕又係你叫我出架嘛，佢就話﹕我係叫你出，不過你出之前要比我睇下先架
我話﹕你又話你自己唔跟架嘛
佢話﹕係呀，我係唔跟呀，但你都要比我睇架
我心諗﹕都唔知佢想點呀
跟住果個老闆秘書話日期未CONFIRM啦，亞姐又走黎話我話日期都未CONFIRM，攪咩去出E-MAIL呀，咁明明係佢秘書CONFIRM我架嘛，咁佢就好大聲咁講﹕我自己跟番呀
咁佢12月31日又冇交低跟成點喎，我都費時理啦，亞姐今日又SEND 個E-MAIL黎CONFIRM喎，咁不如佢自己做啦
lee段日子，日日都收到會長的奪命call，攪到我地個個真係提心吊膽。
今日收到會長的奪命call﹕佢尋日叫我出通告，跟住我尋日FAX左比佢，跟住佢秘書又未比佢睇啦，咁我今朝問佢，佢又話未睇啦，然後11:00先覆我張通告OK啦，咁我地出通告通常係放工先出架嘛，因為會JAM機啦，咁佢問我出咗未喎，咁我問佢未呀，放工先出啦，跟住佢好大聲咁講﹕有冇攪錯呀你，我以為你早上出左TIM，而家緊係唔洗出啦，仲出黎仲咩呀..........dodo收線...
>>January 4, 2005 at 10:09:23 AM GMT+8
2004 年 12 月 29 日 星期三 【晴】
教會通告
親愛的弟兄姊妹：
12月26日的印尼九級大地震引發海嘯，蹂躪環印度洋地區，至今已造成全球多國逾6萬人死亡，最少3萬多人失蹤，預料總罹難人數將超過10萬人。大規模的災難帶來如此嚴重的傷亡實在是叫人唏噓痛心，無論對死傷者親屬或是受災地區的人民，都帶來沉重的打擊和悲痛。於此時刻，讓我們為死難者的家屬禱告，求主安慰他們的心靈，醫治他們的創傷；也為生死未明的傷者和失蹤者祈禱，求主助他們脫離險境；也藉此蘇醒世人的心靈，體會到生命無常，看見末世的臨近，願意尋求主的救恩。
緊握時機
這次慘劇帶給全球的打擊絕不低於之前的日本及台灣大地震，即使對遠離災區的人而言，「九級」這數字也使其心靈跌宕起伏，驚訝創造界的威力可以如此突然而巨大。不少弟兄姊妹的家人朋友都問及這是否聖經曾預言的災難，或這災難與末日來臨是否有關等等，反映社會人士有不少關注這事，我們應該勇敢傳福音，為主作見證，藉此使更多人認識真神。
具體行動
萬物的結局近了，我們要彼此切實相愛，將福音廣傳，使更多人得著有永恆確據的生命。面前，盼望弟兄姊妹不單只關注世界時局，更應多多禱告，特別求主預備人心，在香港及各地施行榮耀的拯救。盼望我們有更多同心合意的禱告，同時實踐相愛，讓教會充滿聖靈的同在，願神使我們在傳福音的事上大有能力。同時，也盼望藉此機會，使許多軟弱中的弟兄姊妹被喚醒，看見末世的臨近和主話語的真實，重燃起初的愛，激發奮起之心。
禱告
請為以下事項禱告：
為各國的執政掌權者禱告，使他們本著愛心行動，凡事以人民的生命和利益為出發點，令一切善後工作得以互相配合，順利完成。
為各國的救援及醫療人員禱告，使他們能夠有足夠的資源和能力去搶救生命。
為死難者的家屬禱告，求主安慰他們的心靈，醫治他們喪失至親的創傷。
求主預備人心，使他們慨嘆生命的脆弱和物質生活的不可靠，渴求尋找真實而永久的平安；記念近期即將或打算舉行的福音聚會，大大施行拯救。
求主喚醒沉睡軟弱中的弟兄姊妹，使他們看見萬物的結局近了，要起來同心為主作工，為教會復興努力。
藉此事件，求主鼓勵弟兄姊妹帶著「有所求、有想望」的心參加大團聚，在聚會中被聖靈感動，被主的話燃點，渴慕把握僅有的時機，成為榮耀教會歷程最後一棒的接棒者和完成者。
>>December 30, 2004 at 4:41:57 AM GMT+8
2004 年 12 月 27 日 星期一 【晴】
訓得比係屋企仲多的3日2夜camp
27 日
27日，我訓到4:00/5:00由於好急所以起左身，但又唔想去廁所喎，所以我同自己講﹕唔急，唔急，但訓到8:00，又開始急急地，但我都係唔想去，最後我都忍到8:45先去廁所，都叫勁啦掛。
食完早餐後，吩咐d妹將d執晒出黎，咁我地就去親近主啦，由於講好12:00回去，但時間又縮短了，去到11:30就要走啦，咁我地就分組相交啦，相交的時間，望見雅婷，妍妍同碧茹的時候，突然有感而發，講起自己初次見佢地時候的感受，雖然唔多夾題目，但有個感覺就好似一個姐姐(我不能說自己係媽媽呀)，睇住佢地成長咁，佢地係對得最耐的一班妹妹，起碼都係3-4年的時間，見著雅婷的長高，妍妍性情上的轉變，碧茹的成長，真係見証主是又真又活的神。寶貴她們往往成為我的激勵同安慰。
拍完照後，我地就回程啦，行到上去搭的士落車的地方時，就發生大件事啦﹕師姐抽筋同暈低左，大妹姐又嘔，ling ling又面青口唇白。
可能因為行得快得濟，師姐上到去的時候，我仲聽到佢的聲音，但一回頭就見佢訓低左，起初我都一個念頭就係佢太疲倦，所以訓低啦，但一望到佢雙眼反白時，真係嚇得我死死下，然後仲見到佢抽筋喎，就知事態嚴重啦，好彩佢又跟住冇事，然後又回復師姐本色--繼續吹水，但那一刻真係嚇得我地個個死死下呀。
大妹姐點解會嘔呢，就因為佢見到師姐暈低，所以嘔喎，真係攪笑呀，不過都係因為佢行得急得濟，同埋以前有人幫佢拎野架嘛，今次冇人同佢拎，所以佢嘔羅。
ling ling同大妹姐情況一樣，不過佢都係因為行得快，見到佢面青口唇白呀，又係嚇得我地死死下。
休息完一輪後，我地就搭的士返東涌，我架的士已經坐4個人咋嘛但都好迫，因為阿皇帝佢一個人坐2個位呀，叫佢坐埋d佢話ok喎，但都冇郁過，叫佢開窗，佢又話ok，但係佢原來唔識得開窗，真係笑死人呀。
去到大牛，第一時間係食飯，真係食飯喎，因為幾日冇食過飯，攪到好肚餓，但路經7-11時，見到報紙話9級地震又有海潚，真係設合我地去camp的主題﹕下一站天堂，等候主、見榮面。
>>December 30, 2004 at 4:40:59 AM GMT+8
2004 年 12 月 27 日 星期一 【晴】
訓得比係屋企仲多的3日2夜camp
２６號
我地一早就比周小坤嘈醒啦，跟住大妹姐叫佢叫我地起身tim，一黎到我地個營就叫"珮思比錢呀，美鳳姐起身化粧啦，跟住美鳳姐就話自己唔需要化粧，所以可以唔起身。
尋晚去完第一次其臭的廁所後，今朝都諗緊去唔去好，因為臭得太緊要，它只是用一個鐵皮搭成的廁所，只得一格，沒有水，只得一個窿，夜晚去的時候，由於沒有見到咩野，所以沒有所謂啦，但今朝起身的時候，竟然見到好多烏蠅，仲要係好大隻架喎，真係嚇死咁濟。但由於都係太急，所以都係去啦。
早餐食過後去了親近主，由於尋晚訓得麻麻地，雖然有訓，但都係麻麻地，成晚都係起身訓覺，起身訓覺，所以親近主的時候都比較疲倦，但望見藍天白雲，海灘後，都覺得好舒服。
今次係美鳳幫我地預備了聖經一齊睇，而為了配合今次camp的主題﹕等候神、見榮面，我地睇了彼得後書，講到主返黎的日子如何，寶貴我地唔單止有今生的應許，還有親眼見到主的，同主的應許，寶貴人生裡面能夠擁有主同享受神。
親近完主本應就係相交同埋祈禱，但大姀姐同我地講，d米粉煮好啦，要食啦，但明明佢話大約12:30左右先食架喎，但那一刻只係12:00，我胃裡仲有花生醬的味道的時候，就要我食中午的那一餐啦，時間真係太快啦，不停食食食。
食完米粉後我地就分組相交啦，相交中的時候，大佬盛同惠儀仔就黎到啦，相交完，我同慧英就諗晚上的相交的聚會，因為未諗過講咩野，又再加上太眼訓，大部份都係慧英去諗同埋問大妹姐的意見。攪完先join番同佢地一齊玩。
玩都差不多4:30，第一批要早走的b/s就要走啦，送完佢地走之後，大妹姐又話晚餐已經又預備好啦喎，時間又過得太快，還是佢地煮得快呀，食完冇幾耐又食啦。都未試過煮得咁快呀，攪笑係大妹姐食日叫啟言﹕細火d、細火d，咁我地就問乜可以細火d架咩，大妹姐就答﹕唔可以架，不過係咁講羅。
食完晚餐都係6:10，因為原本諗住7:30先相交聚會開始，所以我親果時去訓一陣，因為太眼訓啦，再加上太早食野啦，個胃有小小唔舒服，所以去攤下。一訓就訓到7:00，果一刻先聽到同燕瑜佢地講bb，跟住就聽到慧英叫我起身啦，原來訓一覺都幾好喎，不過就錯過左同佢地一齊玩的時間啦。
相交聚會開始的時候，我仲係未清醒，好似發緊夢咁，但我地玩遊戲的時候，就好攪笑啦，當美鳳答事務組的b/s名字時，佢竟然叫左阿蕉的全名係蕉石開，咁我地就幫阿蕉改名為石大開或者蕉石開，但最攪笑係冇那那小坤同阿蕉講左一句﹕靜書，靜書，咁我地就笑過不停啦，跟住又幫阿蕉改左佢的花名係﹕蕉靜書，而永康，美鳳又講唔出佢姓咩喎，果一刻唔知邊個叫左佢係姓"蘇"，所以佢又多左個名，叫做"蘇永康"啦。
晚上的相交聚會，氣氛比較warm，但大家答d問題都未係好到肉，因為班弟兄掛住去"拍戲"。完左相交聚會時間都係大約9:30，平時如果我地去camp，大約這個時間先開始相交，唔知點解今次無論食又係較快左，連相交都較快左。
咁我地就吹左一輪水之後，啟言又行埋黎問我地食唔食麵啦，果一刻先發現弟兄中都有d好的例子。食完麵，我地就去睇拍戲啦，果一刻先發現佢地原來好認真架喎，又要打燈，又要試位，今次佢地的片名係"耶穌的激情"比美"受難曲"架喎，但好攪笑，最攪笑係大佬盛的發揮。
晚上，由於美鳳同瑩芬係第2朝一早走，所以我調去同慧英、大妹姐一齊訓，佢地個營都係唔係好得，斜晒落去，攪到我攪左好耐先訓得到。
>>December 28, 2004 at 6:23:02 AM GMT+8
2004 年 12 月 26 日 星期日 【晴】
訓得比係屋企仲多的3日2夜camp
25-27日，我地家團夾埋人地弟兄團一齊去了大嶼山羅基灣wild camp
25日我地係大牛擘餅，由於24日晚我寫了幾張的聖誕咭，但我都寫到1:30先去得訓，下次 要寫快d先得，因為我係想寫比好多人架，但由於好耐冇執筆，我估我真係打字會快過寫啦而家。寫比自己組的姊妹後都已經不想再寫啦，最後寫比雅婷的那一張都係係我25號一訓醒覺後未刷牙咁寫的，都叫做經典lu。
25號，我地擘完餅之後就起程去東涌，今次我地去wild camp的人都叫做多架啦。有初信ling ling同姚敏都去到，真係比起想像中好呀。
去到東涌之後，我地就分開搭的士入去，晶晶就係果時收到屋企人urgent電話，所以佢要係25號晚出番去，寶貴都有一班弟兄送佢啦，我係果晚都要係晶晶祈禱啦，願主祝福她，好感謝主啦，今朝收到她打比大妹姐的電話報平安啦。
入到去時間大約６：３０啦，我地就開始我地的ＢＢＱ啦，唔知點解食極都好似食唔飽咁，原本食晒Ｄ野食的時候，又會再有野食不斷供應架喎，情景真係好攪笑。
食完ＢＢＱ後，其實時間都係大約９：３０啦，果一刻天好黑，但時間其實不是太夜，但問題就係我地都冇諗住會咁早，所以沒有安排其他活動，所以大家可以做的就係．．．．．．．．訓覺，我第一晚係同美蘭姐、美鳳同珮思一齊訓，訓著的時間都可能只不過係１０：３０咋。真係仲早過係屋企訓覺的時間，因為早排要開ＯＴ啦，平均訓覺的時間都差不多１２：３０，可能主知我辛苦呀，所以係ＣＡＭＰ度我竟然可以早Ｄ去休息喎。
>>December 27, 2004 at 11:46:30 AM GMT+8
|
|
|
|
廣告 |
|
|
讀者留言 |
| 路人留言
|
 I really underst
>>July 3, 2006 at 3:58:55 AM GMT+8
如果俾我都會揀長短週架!
<br
>>March 17, 2006 at 10:29:50 AM GMT+8
好開心知道你訓得好左, 因為我都
>>March 12, 2006 at 12:48:14 PM GMT+8
你又唔早d話我知,我近排又係夜晚
>>March 8, 2006 at 2:09:44 PM GMT+8
你近排好似好奈冇打日記喎! 我得
>>February 21, 2006 at 9:11:37 AM GMT+8
咁....
<br>唔換到換左.
>>November 10, 2005 at 1:04:28 AM GMT+8
百利恆井水，如血之寶．
<br>
>>October 7, 2005 at 10:33:22 AM GMT+8
I will always su
>>September 6, 2005 at 11:57:22 PM GMT+8
唔好咁唔開心啦!主了解你一切的感
>>August 29, 2005 at 3:50:31 PM GMT+8
我係一個7月1日被遺棄嘅小朋友!
>>July 4, 2005 at 7:52:19 AM GMT+8
我係騙局嘅受害者!
>>June 15, 2005 at 10:17:21 AM GMT+8
點解你成日發埋d咁嘅夢架!
<b
>>May 18, 2005 at 9:30:41 AM GMT+8
女主角,幾時幫我地簽個名呀?
>>May 1, 2005 at 3:33:58 PM GMT+8
我地會為你祈禱架喇!願主將平安賜
>>March 26, 2005 at 1:15:22 PM GMT+8
放心啦, 我地會代禱記念你架啦!
>>March 24, 2005 at 7:07:39 AM GMT+8
依家輪番我問你有沒有工可以俾我做
>>March 24, 2005 at 2:18:55 AM GMT+8
RE大佬同ssf﹕唔好係度玩野喎
>>March 9, 2005 at 2:38:53 PM GMT+8
Re: 十大殺手，我唔知你係邊個
>>March 9, 2005 at 9:52:09 AM GMT+8
ssf 你究竟係邊過,竟然夠膽咁
>>March 9, 2005 at 7:49:48 AM GMT+8
答嘴：宇宙大佬，我份工要受好多氣
>>March 8, 2005 at 11:29:21 AM GMT+8
我提意你不如做ssf 果份工啦!
>>March 8, 2005 at 7:57:49 AM GMT+8
實在恭喜妳可以辭職，我都好想好想
>>March 7, 2005 at 10:57:06 AM GMT+8
睇黎個亞姐都唔會做得長囉!
>>March 1, 2005 at 7:40:04 AM GMT+8
唔關我事架...
<br>係大妹
>>February 22, 2005 at 2:41:42 PM GMT+8
睇佢真係唔似傻仔喎!
<br>仲
>>February 22, 2005 at 5:41:54 AM GMT+8
大妹姐會為錢殺人?
<br>我好
>>February 18, 2005 at 8:07:06 AM GMT+8
我點知?
<br>我識得佢吖麻!
>>February 17, 2005 at 7:50:28 AM GMT+8
喂，你唔好用"撇低大妹姐"呢幾個
>>February 15, 2005 at 7:26:15 AM GMT+8
我果日係馬鞍山親近主喎!
<br
>>February 15, 2005 at 3:43:55 AM GMT+8
re大佬﹕你又知係周星星架咩，唔
>>February 9, 2005 at 9:40:18 AM GMT+8
re大佬﹕如果你出我地星期日的馬
>>February 9, 2005 at 9:39:02 AM GMT+8
新年快樂!
<br>你好似今件未
>>February 9, 2005 at 6:04:41 AM GMT+8
"愛你一萬年"係周星星係西遊記大
>>February 9, 2005 at 6:00:17 AM GMT+8
嘩!你解啟示錄都幾清楚架喎!
<
>>January 26, 2005 at 6:25:20 AM GMT+8
多謝晒﹗好感動呀﹗係呢個咁寒冷既
>>January 15, 2005 at 11:39:46 AM GMT+8
re小公主﹕張相梗係冇問題啦，等
>>January 12, 2005 at 1:25:12 PM GMT+8
re汽球﹕咁你多d留言啦..
>>January 12, 2005 at 1:23:44 PM GMT+8
re SSF:我已經預備
>>January 12, 2005 at 1:22:26 PM GMT+8
我好LIKE你個留言板LO...
>>January 9, 2005 at 11:07:04 AM GMT+8
我想要既保濕潤唇膏都唔使你送嘞，
>>January 4, 2005 at 3:53:31 AM GMT+8
依家唔洗你送個坐枱
>>January 3, 2005 at 6:25:17 AM GMT+8
我已經幫大妹姐扲咗
>>December 31, 2004 at 8:00:07 AM GMT+8
我已經幫大妹姐扲咗
>>December 31, 2004 at 7:54:23 AM GMT+8
哈.... 地點都係寫下既o者.
>>December 28, 2004 at 11:40:13 AM GMT+8
RE宇宙大佬﹕
<br>你要的禮
>>December 21, 2004 at 1:36:38 PM GMT+8
係唔係寫低就有禮物收架?
<br
>>December 21, 2004 at 1:00:53 PM GMT+8
RE SSF﹕
<br>你要保濕
>>December 21, 2004 at 12:17:37 PM GMT+8
re SSF大仔K仔﹕
<br>
>>December 21, 2004 at 12:15:11 PM GMT+8
re小公主﹕
<br>你的禮物冇
>>December 21, 2004 at 12:11:56 PM GMT+8
我唔貪心的啦,我想要朱古力就得啦
>>December 21, 2004 at 8:51:52 AM GMT+8
|
|
袁文輝（影音使團總幹事）
亞姐都係走左....