2005 年 1 月 17 日 星期一 【晴】

■■■	竟然可以走，仲去埋整頭tim...呵呵	■■■
尋日下午，因為出席香港~浙江周的活動，我地會同浙江省簽訂合作友好協議，又由於暫時未有亞姐，所以攪到要我去。地點﹕灣仔君悅酒店，仲見到董伯伯tim..... 攪完一輪聯絡之後，就可以坐定定等簽約，又係聽埋d唔知咩ge國語，攪完成活動都差不多5:30，安排晒d老闆去食飯後，我同會長秘書就一齊搭地鐵啦，不過佢係返公司繼續做野，而我問過會計後，發現d通告都未confirm，所以決定唔返公司而改左去整頭髮，由原本星期日去整改到尋日去，都叫唔算太遲，今期又係負理子曲，價錢都叫合理啦，不過到夏天我又會變番做直架啦，因為都幾難打理啦。 整完之後都差不多9:30，回到家又唔係好肚餓，所以沖完訓就訓lu，但都係訓得唔係咁好，差不多3:00就醒左，仲以為天光tim，跟住再訓，又去到6:00，又起身，真係救命呀。

>>January 18, 2005 at 2:52:58 AM GMT+8

2005 年 1 月 16 日 星期日 【晴】

■■■	蟻民的相聚	■■■
點解叫"蟻民"，因為我地係ST. ANTONIOUS(聖安當)，簡單化就係ANT，即係蟻啦，所以叫做蟻民相聚。今次出席的嘉賓有﹕美華、JOAN、如妹、小明、璇子、SA姐、慧君、亞珮同我。又係一次難得的相聚，我地對上次的相聚係3年前LU，點解咁記得，因為那次係如妹結婚前的相聚，而如妹結婚都差不多3年LU。時間真係過得快呀。 今次食飯的地點係九龍城富豪酒店，我未去過的，但感謝主比我係大牛撞到小明，所以可以約埋佢一齊去，去到已經見到差不多齊人了，只欠璇子同SA姐，所以我地惟有入去坐一陣同食一陣野等佢地啦。 今次相聚其實心裡都有一點的作難，因為好想多D休息下，但又想見下相識已久的姊妹們，最後同小明傾完之後都係去左，感謝主使我們不是只顧吃，心裡也明白她們的需要，也能在代禱中記念她們。雖然轉眼又過左幾年，但每個都沒有太大的改變(我指樣貌)，因為主裡永遠都是年青的。話題總環繞聖安當的那時代、那片段，彷彿不是離我們太遠。 當回想的時候，心裡都好感謝能夠在中學時代信主，心裡仍記得一段段的往事﹕ 1. 記那時係慧君約我返福聚的，還記得是在圖書館裡 2. 又有美華同一班姊妹陪住我一同成長。最記得美華有一次約我親近主，我仍記得係睇馬利亞獻香膏，仍記得她說的一句﹕以前的香膏是好貴的，要接近整年人工先能夠買到小小香膏，但馬利亞竟然將自己所有的都獻上，今日你能為主獻上什麼呢? 3. 我受浸的那日，因為胃痛，美華同一班姊妹為我祈禱 4. 我信主也是小明信主的日子 5. 我第一次出外是和SA姐一齊去台灣，當中有好多難忘的經歷 6. 我第二次出外是和亞珮一齊去馬來西亞，當中也有好難忘的經歷 我們不單止是校友，更是在主內寶貴的一家人，當聽見姊妹近期所遭遇的一切時，心裡寶貴能為她們祈禱，以前曾經本書，書中作者講如果當你應承得別人為她/他祈禱，又或者別人叫你在私禱中記念她／他的需要時，你一定要做到。不要隨便答應，因為別人有這樣的需要時，才叫你為她／他祈禱記念，我好記得睇完之後，心裡想記自己曾應承某某為她祈禱，不過自己忘記了。所以今次當我聽完之後，回到家我用了沖涼的時候為她們的需要祈禱，也為當中每個姊妹去祈禱，盼望主繼續祝福及保守大家的靈魂同身體。

>>January 17, 2005 at 3:52:15 AM GMT+8

2005 年 1 月 15 日 星期六 【晴】

■■■	繼續身心的疲勞轟炸	■■■
繼由星期四發夢，星期五訓下醒下，又到星期六勁發夢............ 這幾晚訓得真係麻麻地，已經訓覺前奉主名祈禱架啦，都係訓得麻麻地，仲有幾個星期的福聚，點算呀? 星期日一起身已經差不多9:00，以前我應該可以早d架，不過近幾晚訓得唔係咁好，訓到9:00都好迫於無奈咁起身，因為今朝約10:00係地鐵站等，跟住去吸塵公園親近主，跟住再番大牛支持福聚，但其實計過時間係唔係好夠，等下等下都等到10:30，去到公園，又要趕番11:15返到大牛，但都約左，無辦法啦，照去，由於多同工要擘餅，又有d有野做、又有d遲到，所以最後得番我一個陪佢地，大妹姐都有到。 去到公園坐多一陣都差不多10:35，那那林開始親近主啦，不過我個人靈魂都未番黎呀，好似暈暈咁超辛苦呀。親近完主又要趕番大牛啦，因為師姐話3C已經沒有位置啦，再加上雅婷帶左GIGI黎，所以要陪佢，起初諗住找下其他同工陪佢，但無奈地找不到，所以又係我陪，中途真係辛苦到死呀，因為個人暈暈地，又好想訓覺，對眼好似合埋咁濟呀。不過最後都冇訓到。同GIGI傾計的時候，心裡仲有個負擔想幫下佢，因為佢其實黎左好多次，又表示信主好多次，但係不想返聚會，仲有好多理由同藉口。 聚會完之後，去了康祥食野，食完原本諗住去整頭髮，但因為約了聖安當姊妹食飯，心裡仲掙扎究竟去唔去好，所以最後都沒有去剪，因為實唔夠時間。那一刻都覺得好疲倦，好想回家訓下覺，但最後都係去左食飯。

>>January 17, 2005 at 3:20:08 AM GMT+8

2005 年 1 月 14 日 星期五 【晴】

■■■	近期身心的疲勞轟炸	■■■
近幾晚都訓得唔係咁好，所以係福聚裡面雖然沒有訓著覺，但覺得自己好難集中精神同好疲乏。但寶貴主恩夠我用，在2星期的福聚陪談中都感受聖靈不斷指引當講的話。 星期六，原本諗住陪惠儀仔的同學，但她也因突發事不能夠來，可想而知仇敵幾眼紅我地呀，多多為未信人祈禱，也多為福聚祈禱吧。但因為碧茹帶左個同學仔到，所以轉左陪佢，她的名字叫kinki(應該冇串錯啦)，她在別處返緊聚會，但原來一直都沒有決志信主，在星期六的福聚中，她決志信主了，她其實都唔難去傾，因為已有基礎，所以講多小小佢就ok啦。 但因為太眼訓啦，有時想同其他姊妹玩都唔得，因為實在太疲倦了。好想回家訓下覺。訓覺前都寫左封信比姊妹，同埋寫左張書簽比大佬。都算有d成功感，我驚當大佬好番，我都未寫好比佢呀。

>>January 17, 2005 at 3:19:58 AM GMT+8

2005 年 1 月 13 日 星期四 【晴】

■■■	君尊的祭司	■■■
今朝睇的聖經﹕ 1. 所以，你們既除去一切的惡毒、（或作陰毒）詭詐，並假善、嫉妒，和一切毀謗的話， 2. 就要愛慕那純淨的靈奶，像才生的嬰孩愛慕奶一樣，叫你們因此漸長，以致得救。 3. 你們若嘗過主恩的滋味，就必如此。 4. 主乃活石，固然是被人所棄的，卻是被神所揀選、所寶貴的。 5. 你們來到主面前，也就像活石，被建造成為靈宮，作聖潔的祭司，藉著耶穌基督奉獻神所悅納的靈祭。 6. 因為經上說：看哪，我把所揀選、所寶貴的房角石安放在錫安；信靠他的人必不至於羞愧。 7. 所以，他在你們信的人就為寶貴，在那不信的人有話說：匠人所棄的石頭已作了房角的頭塊石頭。 8. 又說：作了絆腳的石頭，跌人的磐石。他們既不順從，就在道理上絆跌；（或作：他們絆跌都因不順從道理）他們這樣絆跌也是預定的。 9. 惟有你們是被揀選的族類，是有君尊的祭司，是聖潔的國度，是屬神的子民，要叫你們宣揚那召你們出黑暗入奇妙光明者的美德。 當中深刻是"惟有你們是被揀選的族類，是有君尊的祭司，是聖潔的國度，是屬神的子民，要叫你們宣揚那召你們出黑暗入奇妙光明者的美德" 是的，惟有我們是被揀選，惟有我們是君尊的祭司，惟有我們是屬神的子。今日惟有我們才能作地上的鹽和光，我們是有好尊貴的身份。不同等與其他人的身份，我們是神的兒女，可以榮耀到好似主一樣。 我睇聖經的時候係係地鐵度睇，睇完之後，心裡有一種與別不同的感覺，雖然地鐵好迫人，雖然地球上有60億人口，雖然身處環境沒有任何改變，但我仍是被揀選的族類，是君尊的祭司。我們並且在世有使命要去做，就是宣揚那召你們出黑暗入奇妙光明者的美德，不知你仍否記得主比你的託付與異像?不知你仍否記得主吩咐你的使命?不知你仍否記得主愛你呢?如你記得，那你會怎樣做呢?

>>January 15, 2005 at 2:47:52 AM GMT+8

2005 年 1 月 13 日 星期四 【晴】

去左間黑店食野呀

尋日小組，因為幫大妹姐同敏萍姐同小坤慶祝生日，(係喎，尋日小坤都幫佢慶祝架喎，但都叫佢比錢，佢又肯，算數啦)，但去到原來係間黑店黎架..............

因為美鳳話佢試過間野都ok架，價錢都ok架，又近大家啦，咁我地咪去一試啦.....，但問題係美鳳最後因為病冇去到喎，要麻煩燒仔拎張coupon比我地tim，不過我地最後都係決定當美鳳話好味的餐廳，我地都係唔好去試。

我地約左7:00係地鐵站等，而師姐一早去到霸位啦，跟住我地係地鐵站等齊人就出發，不過今次就唔多人出席，得大妹姐、敏萍姐、慧英、珮思、師姐、永康、遲到的小坤)，一入到間鋪頭，竟然係冇招呼，唔緊要啦，叫左野又求其比d野人，不過最無奈都係阿晶，因為佢果餐最後都冇左，珮思個餐包又比佢收左，佢仲話﹕你都唔食架啦，而我又比佢整親隻手。

阿晶果個餐
阿晶叫左個鐵板啦，佢食左個包同個湯之後，等左好耐都唔見佢上個鐵板喎，吹個侍應又吹左，等黎等去到冇，咁咪cancel囉，跟住佢又話唔想食，因為太激氣啦。果個經理又冇say sorry呀果d喎，吹左2次，佢都冇反應，跟住話cancel的時候，
佢走過話﹕整好啦喎，你要唔要呀
咁阿晶話﹕唔要啦
經理講﹕咁算啦
幾衰呀.................

珮思果包同我隻手呀
珮思將個包放係佢隻碟旁邊，咁個侍應將個焗飯一放就放係佢個包上面喎，佢又冇講隻碟好熱果d，咁我去拎開隻碟，諗住拎番個包出黎，就係咁咪"辣"晒隻手羅，
咁d姊妹同個侍應話﹕咁你唔講架，咁個包唔洗得啦
跟住佢仲話﹕咁而家你都唔食個包架啦，我收左佢啦
幾邀氣呀.................

食完之後，大妹姐就話好想食湯圓啦，但問題係果個商場係冇甜品鋪架，諗左好耐去邊度食，但我因為覺得太凍啦，好想回家，慧英又太眼訓，所以最後都係搭地鐵回家。落到地鐵站，珮思又再一次唔記得自己搭去邊，我同敏萍姐都估佢唔記得架啦，所以扮唔知，當敏萍姐有車黎的時候，佢仲同珮思講bye-bye喎，珮思又同佢講bb啦，但當我問珮思﹕去你邊呀的時候，佢竟然又係係度望下自己同邊d人一齊喎，佢果刻先知自己又去錯月台，跟住那那林跟番敏萍姐一齊，真攪笑呀。

之後，當大妹姐走左的時候，小坤又叫晶晶去觀塘食甜品啦，咁我就話要叫番大妹姐過黎先得架喎，果一刻永康竟然話﹕唔洗架啦，佢知道我地去食架啦，跟住又話小坤都冇請過佢食野喎，咁我就話唔得架啦，唔叫大妹姐，永康竟然再話﹕佢知我地唔係有心唔叫佢去架，佢都返到屋企架啦，唔好叫啦...........我地笑過不停呀

不過最後都係冇去食，因為我都係覺得太凍啦.............所以即刻回家。

>>January 15, 2005 at 2:47:42 AM GMT+8