2005 年 1 月 25 日 星期二 【晴】

■■■	最早到祈禱會的一日	■■■
尋日基本上同實際又係冇咩野做，所以又係史冇前例咁係6:30走人，去到大牛都係7:30度，但上到去竟然唔見人喎，原來佢地去晒康祥食晒，攪到我自己一丁人坐一行咁，開始聚會時，志明哥哥講到宇宙的偉大，令他感到可怕，那一刻我想竟然連志明都覺得可怕同敬畏，原來佢話﹕整個字宙大到你估都估唔到，你見到光已經係8分鐘前太陽射出黎的光，光速快到係點樣，你同我都估唔到，是否真係好可怕，但當你想到你只是整個字宙裡的一個銀河系裡面一個地球仔裡面一個香港仔裡面一個牛頭角仔的裡面一個人仔，幾咁微小，但這個創天造地的神竟然心裡有我地的名字，也竟然願意黎愛我地。你心裡驚唔驚訝。 跟住為黎緊的福聚祈禱，心裡同有一感動，主真係為我地預備人的心，1月份志誠哥哥話差不多有500人黎過我地的福聚，有100多表示現信，有100多人表示已信，求主繼續使他們每個有經歷神，也求主KEEP到佢地繼續黎聚會，唔好流失當中每一個。

>>January 26, 2005 at 3:15:28 AM GMT+8

2005 年 1 月 24 日 星期一 【晴】

■■■	最早訓的一日	■■■
尋日基本上同實際都冇咩野做，所以就史冇前例咁係6:30走人，返到藍田都係大約7:15，真係好耐好耐都冇試過咁早返到藍田，行左一陣街，因為想預備d禮物仔係新年送比b/s，行黎行去都買唔到，所以最後打道回府。回到家，今日只得我同阿爸阿媽食飯咋，不過都好，好耐冇試過早返屋企而又可以一家人食飯，食完飯，沖埋涼都係9:15咋，真係早到冇人有呀，但因為這段日子太疲倦啦，睇左本書一陣就上床訓lu，唔係我係一路都係張床睇書，跟住大約10:15就訓覺lu，好似仲聽到阿媽話我﹕攪咩咁早訓覺tim。 不過都係訓得唔係咁好，一路發惡夢，又訓下又醒下，訓得都係麻麻地。

>>January 25, 2005 at 6:18:48 AM GMT+8

2005 年 1 月 23 日 星期日 【晴】

■■■	真係長江後浪推前浪的生日會	■■■
由於在今個星期先知道可以用3B聚會，所以好急地找人HOLD生日會，同慧英商量完後，本來諗住找珮思同碧茹，但因為碧茹係生日的要慶祝，而珮思又約到父母黎福聚，所以好急地找惠儀仔同雅婷，而雅婷我仲係星期四先找到她去通知佢要負責，起初都驚佢地唔係咁得，因為惠儀仔都係第一次負責，而雅婷又帶病在身，我又驚佢頂唔順，但原來父的意念仲高過人的意念，竟然LEE個生日會玩得好開心，令我更放心下次再交比佢地HOLD啦，真係明白到長江後浪推前浪，前有古人，後都有來者。 一開始，佢地就唱SUPER開始生日會，真係笑死街坊啦。D對白又長都冇人有，講玩第一個遊戲都講左半小時，唔係大風吹，係繼續無敵大風吹先真。跟住最攪笑係玩大電視的時候，永康那此字眼真係聽到聽唔明呀，佢謎底係富豪海灣 佢話﹕九龍"陳"的酒店叫咩名 我地﹕九龍"陳"???? 佢話﹕飛機場呢? 我地﹕赤立角 佢話﹕唔係呀....舊果個 我地﹕九龍城，咁係咪九龍呀... 佢話﹕唔係，果度有間酒店 我地﹕富豪酒店.....YEAH....估中 佢話﹕唔係呀，4個字中的富"CO"中左姐...仲有 我地﹕下未估完架，咁跟住呢 佢話﹕德福，淘大 我地﹕咩呀，德福、淘大.........咩呀 佢話﹕係咩"底"鐵 我地﹕好難先估到九龍灣.......... 攪左好耐先估到係"富豪海灣" 跟住仲攪笑，佢個謎底係龜仔 咁佢話﹕死者隔離果個係邊個 我地問﹕邊個死者呀 佢指住話﹕死者呀 我地笑到死左啦，因為佢指住師姐叫左死者 真係笑死人呀同埋好精彩的生日會呀。

>>January 24, 2005 at 3:11:42 AM GMT+8

2005 年 1 月 21 日 星期五 【晴】

■■■	星期六的福聚	■■■
星期六的福聚，我地家團約了好多新朋友黎，碧茹一個女同學、慧珊同雅婷約左2個男同學、婷婷約左4個男同學、曉琳1個女同學、妍妍1個女同學，真係多到不停聯絡d同工去傾計，再加上我地冇咁多弟兄，所以要勞動師姐出馬去陪談tim，不過師姐真係好勁架，好似d大家姐咁威。 我對上陪過果幾個都係永光返聚會，我發現佢地有好多不同類型的活動，比我地還熱心呀，不過佢地返左咁耐，都未聽過福音同決志，仲要問番我地轉頭點決志信主tim，感謝神預備她們每一個的心，同埋佢地個個都唔太難信主，我諗都應該冇慧英傾果d咁困難。 今次聽志光同sugar姐姐講得好生動，都好有共鳴，雖然與年青人有一定的距離，但都冇隔膜，最勁都算得係pc負責的powerpoint，比起上星期睇同一套的powerpoint，今次竟然能協調得咁好，直頭係合拍得不得了，又可以明白志光講到邊度，就飛到去果張度，真係勁呀。 同碧茹個同學仔傾完之後，就要那那林去擘餅聚會，入到去當子誠哥哥叫那些信主10或以上的站起來一齊唱"專一的愛"時，心裡同樣比那份專一的愛吸引，惟有主才能改變我這個人，惟有主才能叫我前走，惟有主才是我最值得去愛。心裡好寶貴能跟隨，雖然路途中有唔聽話的時候，雖然有軟弱的時候，但寶貴主仍用那份專一的愛愛我，那一刻好想祈禱，但我怕我忍唔住喊，惟有心裡對主講聲﹕我愛你。

>>January 24, 2005 at 2:54:28 AM GMT+8

2005 年 1 月 20 日 星期四 【雷雨】

■■■	祈禱會	■■■
馬利亞因神的心意，而改變自己的計劃/打差自己一早已籌算的計劃。馬利亞當聖靈臨到的時候，她竟然願意為著神的源故，而放棄自己一早已諗定的計劃。雖然她可能面對的有好多未知數，但她都甘心樂意為神付出及擺上自己。 回想自己﹕有時當放棄一d野都諗好耐，又顧忌好多野，左思右想，都唔係好想放棄。但其實主已一早為我安排同鋪排一切，祂必要我們活得榮耀同豐盛。所以不如將一切交比主啦。

>>January 21, 2005 at 9:54:23 AM GMT+8

2005 年 1 月 20 日 星期四 【晴】

■■■	相交聚會	■■■
尋日去到大牛都差不多8:00，因為係公司攪埋小小野先走得，再加又有會員上黎揀相喎，所以遲左小小。去到今次小組唔係好多人出咋，有美蘭姐、KITTY姐、大妹姐、美鳳、珮思、慧英同我。不過今次好開心呀，感覺上好似好耐冇聽大家相交同傾下計咁，今次有機會大家藉著相交去明白神更多。 我相交番近期的體會﹕ 由於近期仇敵攻擊猛烈，夜晚訓得真係麻麻地，但又要面對工作、事奉，有感欠缺力量，特別是身體上，當星期六、日都要陪談時，真係有時覺得自己有心冇力，但感謝主，祂確是復活的救主，祂也能救我出死入生。近期當親近主時，感受主好大同在，好多時都有安慰的說話同體會，也感受主好快番黎，我地行事為人都應作鹽作光。

>>January 21, 2005 at 5:15:59 AM GMT+8

2005 年 1 月 19 日 星期三 【晴】

到我寫會議記錄的日子

尋日去了開會，平時我只係坐係度幫亞姐手，而家調轉左，我去匯報會議同埋要做會議記錄呀，都唔知有冇攪錯架，以前果d就2頁紙，今次淨係議程都2頁啦，我寫緊第1點都去到第2頁啦明，今次真係玩死我呀，最冇理頭就係我地回應施政報告，竟然叫一個對政治冷感同埋睇都冇睇過份施政報告的人--即係我去寫喎.....真係想死呀。

尋日開完會都差不多2:30，面對前面的食物已經由熱變為凍了，所以最後都係返公司叫下午茶食算吧。寫下會議記錄，又攪下果樣都攪到8:30先走人，真係命苦呀我...............

>>January 20, 2005 at 4:19:40 AM GMT+8