2005 年 2 月 6 日 星期日 【晴】

■■■	愛你一萬年	■■■
近期星期六雖然要陪未信而遲到擘餅聚會，但係擘餅聚會裡往往有比以往未有的感動，有幾次都差ｄ要流淚。上星期六的擘餅聚會中，深感受主對我個人的愛，想到福聚或者祈禱會中志明哥哥講過有一句說話係比人認為講左係最甜蜜的，如果有人對你講﹕若要將我愛你的時間去定一個時限，我會同你講﹕我會愛你一萬年。雖然不知道那句說話出自何處，但我想當人聽到都會好感動。但志明哥話﹕主何止愛你一萬年呀，祂由創世開始就已經愛你了。 愛你一萬年對於主來說可以說得上太簡單，唔好比那些時限所限，因為主不單止愛你一萬年，係計算都計唔到的，因為祂要愛我們到永遠，係永遠。十分寶貴愛我主梗係唔會改變的主。

>>February 7, 2005 at 9:02:37 AM GMT+8

2005 年 2 月 6 日 星期日 【晴】

■■■	好攪笑的生日會	■■■
今次係我同慧英hold的生日會，攪笑係美蘭姐又問我地﹕點解個個都有生日會架??今次又輪到邊個負責呀，真係寶貴啦你地，又輪到邊個生日呀今次????等等的問題。 另外，今次的遊戲我有諗架，玩得最開心的我覺得係揮春逐個捉，因為佢地背對背頂住個汽球，跟住去另一邊拎一個字，然後砌埋做一個4個字的揮春。由於個個拎的字都不同，所以出現了以下的揮春對白﹕ 想信快信--組員解釋話﹕叫人想信主就快d信啦 快高成年--組員解釋話﹕好似有成年人的身高 年步高陞--組員解釋話﹕每年都高d又或者心靈每年都陞高d 笑到死咁濟呀，跟住又係玩生日果d啦，其中一題係如果鬥長氣，組員們估生日果個最長氣可以去到幾多秒?最攪笑係敏萍姐竟然估燕瑜可以去到30秒，當第一個試完之後，大家都覺得佢好長架啦，點知都係得10秒咋喎，那時候燕瑜就話敏萍姐有冇攪錯，估佢有30秒，最後燕瑜都係得22秒咋，輸左。 攪完生日會，我、大妹姐就陪左慧英去淘大拎糕，拎完糕因為見到丁太，所以買左小小野食去德福食，同時我帶左慧英去睇下海濤幾多錢啦做負理子，一問點知$400，價錢叫ok啦，大妹姐都要300蚊，佢仲話而家可以做喎，但因為之前美鳳行去問過話要6:00，所以慧英先唔做，但原來佢話因為有人cancel所以冇人呀而家，但因為慧英要7:30回家食飯，所以約左今日去整。 返到屋企，因為又比阿媽話我唔執野，所以我"的"起心肝去執下間房同個櫃，時間快到阿媽都唔信呀，不過我都係幾求其咁執。執執下睇番以前d相呀，以前d書簽呀，以前d信呀，好感謝神使仍有生命氣息，也令我想到，係福聚玩的遊戲，數下你屋企有幾多件褸，有幾多對鞋咁，我一數我原來都有20本與主同行簿，我記得fish哥哥講過佢有多過80本佢寫的與主同行薄，由那時候起我就開始儲起我的筆記，尋日睇番都好攪笑，因為當中有d都幾幼稚，但那時候覺得自己好感動而寫的，有本係特別用來寫比主的簿，當中有d情景，我仍起得，我幾時寫、我點解會咁寫，真令我難忘。 寶貴主對我個人的愛。也寶貴在當中與主的每一項經歷。

>>February 7, 2005 at 7:56:19 AM GMT+8

2005 年 2 月 4 日 星期五 【暴雨】

■■■	又再係趕開會	■■■
lee段唔知點解日日都係去開會，攪到個人都冇心機係公司做野，最大問題係早起去開會呀嘛，我最怕一早開會架啦，因為都未訓醒覺，聽到d又聽唔到d咁，好難寫會議記錄架嘛。 尋日一早又去開會，時間9:00，地點尖沙咀凱悅酒店，我今次計算得時間都係差左d，去到已經9:05，又已經見到老闆坐低左，不過未叫全部到齊晒，今次大家傾得好好，最好就係golf延遲到4月先攪，因為原本係3月份攪的，但實在太多野跟啦，新亞姐又未返工，攪到d野我做晒，問黎問去都冇講自己返得工喎，我地驚佢唔返工tim，所以死都要碼住佢先。 開會其實可以食野架，不過如果我食野就冇時間寫低d野，所以免費酒店的早餐又冇得啦，真係唔抵呀。開完會返到公司大約10:30啦，即刻又到會長的奪命call，真係煩死人呀。 尋日我都叫做好努力咁寫起2份會議記錄，不過仲欠一份，我要努力d寫先得啦。

>>February 5, 2005 at 2:24:07 AM GMT+8

2005 年 2 月 2 日 星期三 【暴雨】

■■■	又係趕開會	■■■
今朝一早去開會，真係好早架，8:00開早餐會，咁我預左7:35出門口啦，諗住好快到架嘛，點知今朝一早落兩喎，攪到個個都搭的士，我7:35落樓，點知一落樓就冇晒d的士，我一路等等等，等到7:45都冇車喎，急我死死下呀，最後我惟有跑落去商場下面等的士，不過感謝主落到去就有車，我那那林叫的士快馬去九龍塘會，我上車那一刻已經係7:50啦，去到差不多8:05，都算快喎，跟住我那那林走入去coffee shop度，好彩係主要的老闆未到，如果唔係我實死得呀。 跟住開會中我匯報番大公報邀請我地合辦高爾夫球賽，咁那一刻那個主要老闆又話﹕你唔同我講，如果我知的話，我就叫你叫埋佢黎啦，唔想又浪費時間呀嘛，那一刻我想唔起佢今日唔係office喎，咁又好無奈啦，老闆就叫我打比佢啦，叫埋佢黎啦，那一刻就仲死，因為我冇帶電話簿出街呀，8:30公司會計又未番，都唔知找誰人好，公司又冇人聽，惟有話我冇佢手提呀，主要老闆又成機話下我﹕咩都冇架你....................又超級無奈呀。 最後call到大公報的時候原來佢係澳門，好彩咋，如果唔係又比人話我啦，不過明天又要一早去開會啦，時間係9:00尖沙咀區，真係超級勁麻煩呀。

>>February 3, 2005 at 3:55:08 AM GMT+8

2005 年 2 月 2 日 星期三 【雷雨】

■■■	冇咩心機去做野tim	■■■
尋日好眼訓呀，原本我6:50起左身啦，諗住比自己10分鐘再訓多一陣先起身去靈修team，點知一訓就訓到7:30啦，起身的時候一望個鐘先知已經7:30啦，都知自己趕唔切架啦，惟有唔去啦。 返到公司係9:20分就接到會長的話，其實我估佢唔係打黎問野，佢打黎係check下我地返左工未，因為佢成日都覺得我地遲返公司，佢問埋d九唔搭8的問題，叫我跟下果樣啦，係講﹕果樣喎，大佬我點知你講邊樣呀，"果樣"喎。我都求其問佢﹕哦。 跟住一日裡面打左6次電話都係講同一樣野喎，真係冇野做咩，仲要食緊飯的時候打黎，一路食都聽唔到佢講咩。我都係求其答佢﹕哦。 原本我諗住做番星期一中午的會議紀錄，但因為無從入手，又唔知邊d可以寫，邊d唔洗寫喎，攪到我最後寫左1個point，跟住就停手唔打lu。但係我知我最終都係要寫架啦，到時先算啦。 新果個亞姐又話上黎拎野啦，佢竟然話﹕我睇下啦，我盡量係7:00到啦，不過可能未必架，佢又要我地等佢喎，咁我就同會計講﹕叫佢自己係信箱拎啦，冇人等佢呀。咁會計就照講，點知佢話﹕乜唔係你地成日開ot架咩，7:00都唔等我呀。...........真係吹漲呀。 搭地鐵的時候，收到亞東的的電話，好少可會打比我，但我知佢會打比我的，因為我送左本書比佢睇呀，佢點都會打我講多謝掛。傾左一陣啦同佢，再次發現舊公司冇野好，最醒就係識得找人便宜。

>>February 3, 2005 at 3:54:56 AM GMT+8

2005 年 1 月 31 日 星期一 【颳風】

■■■	趕開會	■■■
尋日中午開會，下午又開會，趕到我死死下，因為2個會都係獨立負責人，所以2批人係好唔同的，中午去了又一村俱樂部開會，由12::45坐到2:45都未有得去廁所，中途真係急得好緊要，不過最後都係忍到開完會先去，真係辛苦死呀。有d老闆又不停吸煙喎，坐正係隔離一路講野一路噴d煙出黎，真係又係死得。 去到2:45個個老闆都走晒，得番一個老闆係度等司機啦，佢又冇那那又話要改頭先開完會d野，攪到我興興地，講完又改，講完又改，真係激死呀，就係咁坐坐下又去到3:15，跟住個老闆仲問我去唔去睇場喎，我跟住即刻講唔得啦，我趕住番去開例會呀，咁先有得走咋。 返到地鐵站仲要買埋西餅先番會，果時都已經4:15啦，那那林攪好晒d野，新亞姐尋日下午都有請假黎開會，佢有人工計番架，計落仲有得賺tim呀。開完會攪埋d手尾都差不多8:30lu。最後我總結果句係﹕請大家記低2月份要開會的日期 2月3日--基金會golf會議 2月4日--中聯辦黎桂康午宴 2月21日--基金會第四次會議 2月22日--香港工商界經濟論壇第九次會議 2月23日--大件大事晚宴 2月24日--副會長會議 2月28日--論壇記者茶聚 2月28日--例會 當我總結完之後，新亞姐即刻嘩一聲，我都驚嚇親佢，不過我真係要同佢講2月份的工作，我只是幫佢聯絡，不是代佢的位置，如果係我估我就應該有佢的人工啦。

>>February 1, 2005 at 6:44:20 AM GMT+8

2005 年 1 月 30 日 星期日 【晴】

近期心情唔多好..................

近期心裡有好多控告，係史無前例咁多，當做完一件事唔好的事後，心裡都有不同的控告，真係令到心靈好疲倦................................

夜晚訓覺的時候，仲是喊過不停....................................

求主救我脫離仇敵的控告同攪擾，也求主使我睇見主的偉大同愛我的憑據。

>>January 31, 2005 at 3:42:56 AM GMT+8