2005 年 5 月 10 日 星期二 【晴】

■■■	祈禱會的得著	■■■
星期二的那一早，其實心裡都好懷疑自己去唔去到祈禱會，因為仲有好多野未做好，但如果去祈禱會就要拎好多野，我最後都有拎野，感謝主使我令去到，因為亞姐佢冇返工呀。哈哈．．．． 亞姐一早打比我話我知佢腰背痛，所以要休息下，佢惟有send e-mail比我，叫我做野，所以那天晚上，我大約6:45就走到啦，另外感謝神就係明明5:00有個接待，但會長話要推遲d先到，咁我就好驚佢會好遲啦，攪完個接待又要再遲d啦，但感謝主對方因為人少，所以好快就完結啦，再加上佢地唔食飯，所以會長冇叫埋我地去食飯，之後執野就走lu。 去到祈禱會，感謝主解答我心裡的問題同疑問，記得永生哥哥問左一個問題，你最開心而又是最深經歷的說話是什麼呢?跟住佢講，每個的答案都唔會一樣的，所以我地唔好用自己果套套落去d初信弟弟妹妹度，因為每個主都有不同的經歷同情感，你所受的，未必其他b/s也受落。同樣，因為主會我地每個都係獨特同special，所以更加不能以此以為是一樣的。 佢咁講完之後，令我想到自己照顧一班弟妹的時候，有時都會用了自己那一套去套落去d妹度，自己以為是work的，但得出來的可能未必得到相對的反應。自己也正思想這方面的問題，因為剛剛自己都為左d妹反應或者問題，而令自己唔開心，因為自己覺得有d野佢地做得不對，但佢地又去做，或者明知佢地明知要做d野，又唔去做，但自己又好似容忍佢地去做或者唔做。有時令自己都好難做。 剛剛聽完永生哥哥所講的說話後，心裡彷彿解了千千結。真係可以証明有神，彷彿神明白同知道我的問題。

>>May 17, 2005 at 11:52:49 AM GMT+8

2005 年 5 月 8 日 星期日 【晴】

■■■	超大雨加勁塞車	■■■
今天晚上因為要去尖沙咀開會，我地可以選擇搭地鐵或的士，但因為外邊唔係好大雨，再加上d老闆唔係好鍾意我地成日搭的士，所以最後選擇了搭地鐵，原本我比左一袋野新會計拎，佢竟然同我講好重喎，所以佢行得好慢，但因為我地遲左出門口，所以最後我拎番袋野，但我拎番袋野原來就唔等於佢會行得快架喎，因為佢根本就唔想黎開會，但因為今次開會我地要收錢，所以叫埋佢黎睇下點樣啦。 當我地去到尖沙咀的時候，大雨都不得了，行小小路都已經全個人濕晒，但去到酒店都差不多6:30啦，我地原本諗住6:15可以去到，但都係遲左啦，之後那那林set-up啦，當等老闆黎的時候，都等左好耐都未見有咩人黎喎，所以我地去call佢地啦。最攪笑的對答又出現﹕ 我﹕x生，你係咪on the way黎緊啦 x生﹕係呀，不過我lee度好塞車呀，我諗有排都黎唔到呀 我﹕下，有排呀，嘉賓到左啦喎 x生﹕冇辦法啦，我諗全港九，最塞車都係我lee度啦 我﹕咁你位置係邊呀 x生﹕我係佐敦呀，不過係好好好塞車呀，最塞車就係lee度啦，係好好好好塞車呀，我諗行路都快過佢呀，但我冇理由唔要架車架嘛，你等下啦 我﹕(好想笑架啦)，咁你小心d啦，我地都等埋你，因為其他人都未到齊 x生﹕我估佢地都塞緊車架啦，我都想快架啦，不過真係好塞車呀 我﹕咁明白啦，好塞車呀嘛............. 之後差不多7:45先開始會議，有老闆仲攪笑，佢話塞左2小時係旺角都黎唔到尖沙咀，所以最後佢都係唔黎啦。 我地會議去到9:45完結，最後我都係搭地鐵走人會安全d。

>>May 11, 2005 at 10:27:07 AM GMT+8

2005 年 5 月 7 日 星期六 【晴】

■■■	媽媽節	■■■
今日一早又比阿媽嘈醒，望一望個鐘，竟然係8:30咋，仲早過平時返聚會。8:45就落到美心酒樓，但個個都未訓醒咁，係未訓醒的時候，就已經要食野啦，真係辛苦羅。 飲茶飲到10:00就走啦，但例牌又要街下商場啦，又要買下野啦，自己感覺都好似好耐冇同阿媽行街咁，真係不孝羅。哈哈.... 當開始回程的時候，竟然落好大好大的雨，真係好似倒水咁，攪到我回到屋企都濕晒。之後聽左唔多開心的電話。但惟有無奈地收線，何解對聚會的態度會如此?最後惟有灰心地說﹕那是你的事了。 之後因為太眼訓，走左去小睡一會，真係好舒服呀，雖然天氣係天沈沈，但都冇影響我的心情。哈哈，可能真的太疲了，也許、也許我要睡一睡、也許、也許我真的太累。 晚上的時候，去了酒樓又係食果d同果d，其實我唔多鍾意食中餐，但因為book唔到buffet呀，原本想book上星期同大妹姐佢地去過的那一間餐廳食buffet，但因為佢要我地落訂啦，而家姐又話諗下先，當話book的時候，佢竟然答我話﹕已經full左啦。咁惟有去酒樓食啦，但問題係星期一開會又係食果d，真係討厭呀。最後食得太飽得濟，回到家之後頂唔順就嘔番d野出黎，下次真係唔好食咁飽啦。

>>May 12, 2005 at 5:04:50 AM GMT+8

2005 年 5 月 6 日 星期五 【晴】

■■■	好想休息的星期六	■■■
星期二至五，不同的開會，不停的做、做、做，再加上星期五去了同會長一齊食飯，所以沒有太多時安息(身心也是)。所以，星期六的那一日，我真係好疲倦，連野都唔想講，我只想訓覺。但因為我要hold星期六的生日會，同慧珊又夾唔到時間去傾，但又諗唔到玩咩喎，所以星期六那一朝好忙，又要整早前應承左大妹姐的poster，又要諗遊戲、又要做公司野，放左工就即刻走人啦，因為又要買蛋糕啦，又要買汽球，連自己的午餐都唔得食咁濟。 但中途突然收到大妹姐的電話，話麗英唔黎，叫我自己同芬芬傾計，那一刻真係有十萬個不願意，因為我根本都冇諗住同佢只係傾計，再加上我之前已經傾過2次，今次又傾，都唔知傾咩好，另外，生日會的野又未預備好，個人又好疲倦，根本都諗唔到野。 去到大牛，又係冇停過，又要搵小明，又要搵珮思，又要同慧珊夾遊戲，但又冇人同芬芬傾計，那一刻又要同芬芬say hi，但根本上我個人都係暈暈地，所以連say hi的氣力都冇。最後比大妹姐吹束下，搵左敏萍姐同芬芬傾計，而我就坐低係3c聽信息，一坐低的時候，心裡好受控告，再加上個人好暈，而我身邊的姊妹根本不理會我，所以我決定離開3c，落街走下，如果唔係，我驚我係3c會喊左出黎。 落到街，竟然比我見個姊妹坐係公園安靜，心裡好羨慕或者享往那份平靜的感覺。但我根本就太忙，沒有時間羨慕或者享往。拎完個蛋糕之後，我就番去大牛，搵珮思傾計，當傾計之後，我只係講左2句，我好疲倦，我好疲倦。珮思就話﹕我估你真係疲憊，因為你連說話都咁細聲。哈哈。 心裡安慰不少。上番3c之後，聽溫哥華的姊妹相交，心裡再一次回想以往出外的時光，好令人回味同感恩。之後就開始擘餅聚會，因為隔離係芬芬，但我連笑容都欠奉。真有點兒不好意思。擘餅聚會中，幾次都眼有淚光，當回想的時候，心裡有時真係怪自己又比仇敵欺騙。 聚會完之後，就係生日會啦，因為聚會長左，所以我地生日會縮短了，不過當中寶貴能有慧珊的幫助。 生日會之後，我就回家了，因為太疲倦，所以好早就訓覺。zzzzzz

>>May 10, 2005 at 7:02:31 AM GMT+8

2005 年 5 月 3 日 星期二 【晴】

■■■	笑話一則	■■■
星期三，那天早上，一起身就暈暈下個頭，起初以為未訓醒啦，但沖完涼諗住會好d啦，點知仲衰，個人一合埋眼之後仲暈，最後我惟有訓低同坐下，之後，諗住好d啦，換左衫之後都係咁，最後又訓左一陣先出門口。 回到公司同慧英講番我今朝好暈啦，佢竟然有以下對答﹕ 慧英﹕下....你頭暈呀，咁點呀 我﹕唔知呀，合埋眼就暈囉 慧英﹕幾時開始暈架 我﹕今朝羅，起身就暈啦 慧英﹕會唔會係你戴con呀 我﹕下...慧英，我話今朝一起身就暈喎，唔係戴左con之後喎.... 慧英﹕咁你不如食藥啦 我﹕下...咁我應該食咩藥呀 慧英﹕食必理痛啦 我﹕下...必理痛...我唔係頭痛呀...我係頭暈呀.... 慧英﹕咁呀，你不如食暈浪丸啦 我﹕慧英，我唔係搭車攪到頭暈喎，食咩暈浪丸呀，你攪笑呀 慧英﹕咁呀，你不如去睇醫生啦 我﹕下...睇醫生，冇那那睇醫生，點同醫生講呀，話比醫生知我頭暈呀 慧英﹕係呀，叫佢比d藥你食啦 我﹕咁攪笑都比你諗到............

>>May 12, 2005 at 5:04:59 AM GMT+8

2005 年 5 月 3 日 星期二 【晴】

■■■	近期歡喜的詩歌	■■■
誰曾應許，一生不撇下我； 每段窄路，誰陪我去走過？ 誰還領我，於青草恬靜處躺臥， 豐足恩惠比海沙更多﹗ 誰曾應許，天天看顧著我； 晝夜眷佑，連頭髮也數過﹗ 誰還以愛，驅走心裡懼怕怯懦， 那懼路途捲動著旋渦﹗ 因你是我主，我避難所， 我盾牌和詩歌﹗ 你是我的高臺，我隨時幫助﹗ 來吧﹗用信心，讚頌和高歌， 你永在我心窩﹗ 唯你有永生江河， 除你以外不倚靠別個﹗ 我究竟算甚麼？神你竟這般顧念我﹗

>>May 4, 2005 at 5:30:36 AM GMT+8

2005 年 5 月 3 日 星期二 【晴】

■■■	NO EXCUSE to GOD	■■■
尋日的祈禱會，心裡覺得彷彿一段日子好耐冇出祈禱會咁，所以尋日原本未必去到架，因為星期六沒有做過野，再加上前日的假期，令我的工作一堆山咁，但尋日唔知點解，亞姐係7:00就話走啦，可能佢屋企有事掛，所以我都可以早走，去到大牛只見敏萍姐一人，大妹姐早前已經話佢病左黎唔到啦。 當聽到子誠哥哥及志明哥所分享的信息時，心裡有一個渴慕，就係明白究竟主想我怎麼樣。 心裡對子誠哥哥及志明哥所講的有以下感動﹕ 1. 為什麼B/S比主有咁多EXCUSE﹕功課忙碌、開OT、陪家人、想休息下等等用黎回應主對你熱切的期待? 難道主真的不能與此相比? 難道你能夠用6-9小時花費在無聊事上，也不願意花半小時在主身上? 真令人值得細想...................... 不但如此，我也將萬事當作有損的，因我以認識我主基督耶穌為至寶。我為他已經丟棄萬事，看作糞土，為要得著基督； 並且得以在他裡面，不是有自己因律法而得的義，乃是有信基督的義，就是因信神而來的義， 使我認識基督，曉得他復活的大能，並且曉得和他一同受苦，效法他的死，或者我也得以從死裡復活。 這不是說我已經得著了，已經完全了；我乃是竭力追求，或者可以得著基督耶穌所以得著我的（或作：所要我得的）。 弟兄們，我不是以為自己已經得著了；我只有一件事，就是忘記背後，努力面前的， 向著標竿直跑，要得神在基督耶穌裡從上面召我來得的獎賞。 2. 為什麼B/S對那只是曇花一現的愛情也仍堅持，但對主那份堅定不變的愛情卻是看得可有可無? 難道那只是一瞬間的愛情與主相比還重要嗎? 難道主那份愛不值得你撇下一切去跟隨祂嗎? 真令人值得細想....................... 有極多的人和耶穌同行。他轉過來對他們說： 人到我這裡來，若不愛我勝過愛（愛我勝過愛：原文是恨）自己的父母、妻子、兒女、弟兄、姊妹，和自己的性命，就不能作我的門徒。 凡不背著自己十字架跟從我的，也不能作我的門徒。 你們那一個要蓋一座樓，不先坐下算計花費，能蓋成不能呢﹖恐怕安了地基，不能成功，看見的人都笑話他，說： 這個人開了工，卻不能完工。 或是一個王出去和別的王打仗，豈不先坐下酌量，能用一萬兵去敵那領二萬兵來攻打他的嗎﹖ 若是不能，就趁敵人還遠的時候，派使者去求和息的條款。 這樣，你們無論什麼人，若不撇下一切所有的，就不能作我的門徒。 鹽本是好的；鹽若失了味，可用什麼叫他再鹹呢﹖ 或用在田裡，或堆在糞裡，都不合式，只好丟在外面。有耳可聽的，就應當聽！ 3. 幫初信的時候，要用生命影響生命，首先自己要有個美好的靈性去幫助一班初信。 來吧，我們歸向耶和華！他撕裂我們，也必醫治；他打傷我們，也必纏裹。 過兩天他必使我們甦醒，第三天他必使我們興起，我們就在他面前得以存活。 我們務要認識耶和華，竭力追求認識他。他出現確如晨光；他必臨到我們像甘雨，像滋潤田地的春雨。

>>May 4, 2005 at 5:29:42 AM GMT+8

2005 年 4 月 29 日 星期五 【晴】

■■■	深享受主的愛	■■■
星期六，一返到公司樓下就見到有人排隊喎，一問之下，原來6樓大廈火燭喎，個管理員一見到我，就講，跟住仲好大聲咁講﹕梁小姐，你22樓架喎，不如你去搭貨lift啦。攪到d人望住晒我，但我真係唔想去搭，因為要轉番個彎去公司後面，仲要係好dirty架喎。不過最後都係去左搭。 之後，去到10:00，管理處就call話要關電制，問題係﹕唔知幾點先開番制，又唔知幾時關制，所以我同會計就一早關機，同埋行黎行去，但亞姐佢就不斷工作，做到最後一刻都係做緊野。 由於公司d窗係開唔到的，再加上好熱，傾完一個好長的電話後，已經沒有氣了，所以我地叫亞姐話比會長知我地的情況，跟住會長就話﹕咁冇辦法啦，你地走啦，心裡實在太開心啦，但其實那時候都已經12:00了。 去到大牛，只係差不多1:00，有史以來最早的一日，我跟住就自己安靜，因為實在平時沒有時間了。之後就陪左芬芬去左開心團契聚會，當上番去擘餅的時候，心裡好寶貴同經歷主好大的同在，彷彿心裡體會主更多。

>>May 10, 2005 at 5:18:30 AM GMT+8

2005 年 4 月 24 日 星期日 【晴】

■■■	當上女主角	■■■
今日是執委會開會的日子，同日，因為我地要做一短片簡介協會，所以制作公司揀今日拍下開會的情況。 一早制作公司已經我地會，佢仲帶左好多器材黎tim，真係好似拍戲咁架，有大光燈，有路軌，放到全條走廊都係野，1箱2箱咁，全層都知我地拍野啦。 第一場拍就係....拍我地3丁人，但最攪笑係我地3個都唔想上鏡，我地個個都話做咖喱啡算啦。但導演竟然對我話﹕如果要拍到你地個會好似好多人咁係好難，因為地方有限，而會計又太肥，亞姐又已經出左鏡，咁惟得你咋，而你個位置又係最佳位置，因為亞姐個位係最埋，會計個位又低，得你個位最好架啦。咁就惟有你啦。ok，開工啦。 我那一刻根本就冇回答的可能性，咁我就話拍小小好啦，我仲有好多野架，跟住佢地就將我個位d野執走晒，枱面只得電腦、keyboard，一個file，其餘的文件就全部唔見晒，我想話﹕如果真係比人見我的位係咁，我估我炒得架啦。 第一個鏡頭拍亞姐同我講野，只係大約10秒之間，都拍左4次，因為佢一係話亞姐笑，一係話我點頭的動作唔夠跨張，一係話個file唔連戲，一係話我笑，大佬，真係辛苦呀，係咁不停重覆做同一個動作，但由於不收音，所以沒有對白，所以只係講﹕啦比你啦，我就咁咁咁咁咁咁咁......不停咁咁咁落去。好攪笑架。 第二個鏡頭﹕拍我去影印機拎野跟住番個位度打字，攪笑係我係影印機面拎野，佢竟然都話冇問題，因為通常係係下面拎資料，但由於導演話要彎低唔好睇喎，所以改係影印機面。跟住就到會計啦，佢要坐高d，又要咁，又要咁，跟住到我番個位度打字的時候，其實又係扮打字啦，因為係冇野打，對住個keyboard不停亂打，好攪笑。 只係拍以上2個鏡頭都攪左半日，因為要執野啦，又要抺野，又要打掃，跟要問隔離公司借左盆大盆栽過黎拍野，真係大陣象。

>>April 29, 2005 at 8:21:25 AM GMT+8

2005 年 4 月 21 日 星期四 【晴】

■■■	出番靈修TEAM	■■■
尋晚打比慧珊問佢野的時候，順便問佢靈修TEAM的情況，佢同我講得佢自己一個人去咋喎，那一刻心裡有小小唔好意思，因為我冇出好耐了，再加上太疲倦啦，冇出好耐。所以我同佢講﹕如果我可以起到身我就會去架。跟住打比碧茹，叫佢再約惠儀仔出。自己那一刻好受感動，好想去支持佢地。 今朝鬧鐘未響就醒左，那我由6:30掙扎到7:00都係諗去唔去好，好想繼續訓，但又好想去，跟住都係起身出啦，我用左最快的時間﹕10分鐘之後就出左門口，去到公園，起初我以為佢地未到，因為我望唔到佢地的頭，但上到去，原來慧珊已經到左，好感動呀，仲早過我。心想﹕如果一個人真係被主開眼使他看見時，佢會越來越似主，也會因主的源故而去改變自己。 親近主的時候，我睇﹕ 25. 有極多的人和耶穌同行。他轉過來對他們說： 26. 人到我這裡來，若不愛我勝過愛（愛我勝過愛：原文是恨）自己的父母、妻子、兒女、弟兄、姊妹，和自己的性命，就不能作我的門徒。 27. 凡不背著自己十字架跟從我的，也不能作我的門徒。 28. 你們那一個要蓋一座樓，不先坐下算計花費，能蓋成不能呢﹖ 29. 恐怕安了地基，不能成功，看見的人都笑話他，說： 30. 這個人開了工，卻不能完工。 31. 或是一個王出去和別的王打仗，豈不先坐下酌量，能用一萬兵去敵那領二萬兵來攻打他的嗎﹖ 32. 若是不能，就趁敵人還遠的時候，派使者去求和息的條款。 33. 這樣，你們無論什麼人，若不撇下一切所有的，就不能作我的門徒。 34. 鹽本是好的；鹽若失了味，可用什麼叫他再鹹呢﹖ 35. 或用在田裡，或堆在糞裡，都不合式，只好丟在外面。有耳可聽的，就應當聽！ 有極多的人跟隨主，今日都係一樣，有好多人信主，但主同佢地講﹕人到我這裡來，若不愛我勝過愛（愛我勝過愛：原文是恨）自己的父母、妻子、兒女、弟兄、姊妹，和自己的性命，就不能作我的門徒。 今日也是一樣，如果你愛世界多過愛主，你就不配作主的門徒。 今日也是一樣，如果你愛錢財多過愛主，你就不配作主的門徒。 今日也是一樣，如果你愛學問多過愛主，你就不配作主的門徒。 今日也是一樣，如果你愛你男朋友多過愛主，你就不配作主的門徒。 聖經上又說﹕凡不背著自己十字架跟從我的，也不能作我的門徒。今日你是否背著你自己的十字架去跟隨主呢? 你們那一個要蓋一座樓，不先坐下算計花費，能蓋成不能呢﹖ 或是一個王出去和別的王打仗，豈不先坐下酌量，能用一萬兵去敵那領二萬兵來攻打他的嗎﹖ 今日也是一樣，你有否坐下計算，你究竟人生所把持的是什麼?如果你知道的話，那你又應該要點做呢?主已為你我受苦、受死、復活、進到榮耀裡，今日你我可以點去回應主那份愛呢?

>>April 22, 2005 at 10:14:10 AM GMT+8