2005 年 6 月 30 日 星期四 【綿綿細雨】

■■■	匯景親近主+城大親近主+黃昏營	■■■
7月1日的那一天早上，時間又係差不多9:00起身，跟住我自己去了美心食早餐之後就去了匯景親近主。其實我地又約了1:30去城大親近主，但因為我前一晚同主講過，我唔想7月1日落雨，再加上我想去戶外親近主，所以我同主講過﹕如果明天一早好天氣的時候，而又唔落雨，咁我就想去匯景親近主，而唔去麥當勞食午餐啦。就係咁的情況，7月1日一起身竟然唔落雨，但又唔係好晒喎，真係好開心呀。 大約11:00就到了匯景公園，當坐下的時候，竟然發現位置上有d樹遮住，咁就免卻晒的情況，但又可以透過d樹望到天空，感謝主，使我有微風，又有太陽，又有雲，使我能靜靜地享受神。親近主的時候，睇到以下聖經﹕ 1. 耶穌又在海邊教訓人。有許多人到他那裡聚集，他只得上船坐下。船在海裡，眾人都靠近海，站在岸上。 2. 耶穌就用比喻教訓他們許多道理。在教訓之間，對他們說： 3. 你們聽阿！有一個撒種的出去撒種。 4. 撒的時候，有落在路旁的，飛鳥來吃盡了； 5. 有落在土淺石頭地上的，土既不深，發苗最快， 6. 日頭出來一曬，因為沒有根，就枯乾了； 7. 有落在荊棘裡的，荊棘長起來，把他擠住了，就不結實； 8. 又有落在好土裡的，就發生長大，結實有三十倍的，有六十倍的，有一百倍的； 9. 又說：有耳可聽的，就應當聽！ 10. 無人的時候，跟隨耶穌的人和十二個門徒問他這比喻的意思。 11. 耶穌對他們說：神國的奧祕只叫你們知道，若是對外人講，凡事就用比喻， 12. 叫他們看是看見，卻不曉得；聽是聽見，卻不明白；恐怕他們回轉過來，就得赦免。 13. 又對他們說：你們不明白這比喻嗎﹖這樣怎能明白一切的比喻呢﹖ 14. 撒種之人所撒的就是道。 15. 那撒在路旁的，就是人聽了道，撒但立刻來，把撒在他心裡的道奪了去。 16. 那撒在石頭地上的，就是人聽了道，立刻歡喜領受， 17. 但他心裡沒有根，不過是暫時的，及至為道遭了患難，或是受了逼迫，立刻就跌倒了。 18. 還有那撒在荊棘裡的，就是人聽了道， 19. 後來有世上的思慮、錢財的迷惑，和別樣的私慾進來，把道擠住了，就不能結實。 20. 那撒在好地上的，就是人聽道，又領受，並且結實，有三十倍的，有六十倍的，有一百倍的。 21. 耶穌又對他們說：人拿燈來，豈是要放在斗底下，床底下，不放在燈臺上嗎﹖ 22. 因為掩藏的事，沒有不顯出來的；隱瞞的事，沒有不露出來的。 23. 有耳可聽的，就應當聽！ 24. 又說：你們所聽的要留心。你們用什麼量器量給人，也必用什麼量器量給你們，並且要多給你們。 25. 因為有的，還要給他；沒有的，連他所有的也要奪去。 26. 又說：神的國如同人把種撒在地上。 27. 黑夜睡覺，白日起來，這種就發芽漸長，那人卻不曉得如何這樣。 28. 地生五穀是出於自然的：先發苗，後長穗，再後穗上結成飽滿的子粒； 29. 穀既熟了，就用鐮刀去割，因為收成的時候到了。 心裡好感受神的道要種在人心裡確實不易，但寶貴主明白了解我們每個所面對的經歷，心想如有一人與我相交，彷彿這段聖經放在你心上。 親近主之後，去城大同大妹姐同慧英一齊去城大安靜，今次我睇了何西亞書，因為我早前買了本解釋何西亞書，所以我再一次翻睇。 親近完主之後，就搭車入去西貢戶外康樂中心黃昏camp，今次有大妹姐、慧英、燕榆、麗香、佩思、美蘭姐、kitty姐、sindy、pc、亞康、啟賢、耀民同小志強，可算是最好的搭配。我地姊妹第一樣玩射箭，我只能射去藍色的位置。但我已經出盡力架啦，真係弱呀。 第二樣，就係美式桌球。都算不錯。第三樣就係大妹姐最愛﹕卡拉ok，pc竟然唱歌唱到有fans，笑死人咁濟。而珮思就係唱F4啦。因為佢鍾意F4的仔仔，所以全場就只係聽陪唱，而佢就一路睇MTV咁。跟住就係食飯啦，食完飯之後，我地又玩美式桌球，跟住我同麗香同珮思就去了玩乒乓球同羽毛球，之後又玩乒乓球，真係好一個熱身運動。哈哈。之後其實都走了。 當去到巴士站的時候，大妹姐又問珮思係咪去食糖水喎，就係咁D弟兄又屈珮思食糖水，食食下小志強仲噴糖水TIM，真係嚇死呀。回到家都不多11:00，沖完涼吹埋頭差不多12:00多了，又係疲倦的一日呀。

>>July 4, 2005 at 5:09:14 AM GMT+8

2005 年 6 月 25 日 星期六 【綿綿細雨】

■■■	城大親近主+商場定向	■■■
今日約了去城大親近主，因為天氣太熱同不稳定，一時落雨，一時好天到晒死你咁濟，所以惟有揀選戶內地方啦。 由於慧珊同珮思的遲到，所以我地組遲左到城大，開始的時候，心都覺得好疲倦，但又好想每個都好好親近，惟有求主幫助同祝福。親近主是個人化的追求同經歷，如次次親近主同掛住同別人傾計同覺得睇完一次就算的話，我想在親近主當中也不會有太多經歷，渴慕大家一齊進步。今日一齊睇了以下聖經 14. 我的弟兄們，若有人說自己有信心，卻沒有行為，有什麼益處呢﹖這信心能救他嗎﹖ 15. 若是弟兄或是姊妹，赤身露體，又缺了日用的飲食； 16. 你們中間有人對他們說：平平安安的去吧！願你們穿得暖，吃得飽；卻不給他們身體所需用的，這有什麼益處呢﹖ 17. 這樣，信心若沒有行為就是死的。 18. 必有人說：你有信心，我有行為；你將你沒有行為的信心指給我看，我便藉著我的行為，將我的信心指給你看。 19. 你信神只有一位，你信的不錯；鬼魔也信，卻是戰驚。 20. 虛浮的人哪，你願意知道沒有行為的信心是死的嗎﹖ 21. 我們的祖宗亞伯拉罕把他兒子以撒獻在壇上，豈不是因行為稱義嗎﹖ 22. 可見信心是與他的行為並行，而且信心因著行為才得成全。 23. 這就應驗經上所說：亞伯拉罕信神，這就算為他的義。他又得稱為神的朋友。 24. 這樣看來，人稱義是因著行為，不是單因著信。 25. 妓女喇合接待使者，又放他們從別的路上出去，不也是一樣因行為稱義嗎﹖ 26. 身體沒有靈魂是死的，信心沒有行為也是死的。 心裡好感受神信心如沒有行為便是死的，有時自己雖然都會為為左憂慮的事去祈禱，但同樣自己都會預備另一方面的事，以防萬一咁。但原來這也是小信的表現，當你祈禱左之後，其實理應是相信神的祝福與保守，但人越大就越懷疑究竟神是否真的會幫助我，也會相信自己的能力可以應付到，但原來神卻是理會我的大事與小事，也已經預備好了我的人生。 親近主之後，我地就去荷李活商場玩商場定向，雖然有冷氣，但都好熱呀，但又好好玩，可能我果組有勁人妍妍啦、慧珊啦同埋好攪笑的麗香，精英組係冇改錯名架，最後比我地真係羸左，不過我地其實都錯好多題，但好彩係人地錯得仲多過我地。

>>July 4, 2005 at 8:16:19 AM GMT+8

2005 年 6 月 25 日 星期六 【綿綿細雨】

■■■	星期六的飯局	■■■
星期六完左聚會之後，因為同大妹姐、敏萍姐同慧英一齊傾下暑假的安排，所以留係大牛傾左一陣先走，但中間敏萍姐的胃痛，比我地講成敏萍姐有翻胃，而大妹姐就成晚不斷唱歌同埋同其他兄弟搭咀，攪到慧英要發火咁同大妹姐講野。 傾完野之後原本ｄ弟兄就冇話同我地一齊食飯架，但講講下又話同我地一齊食喎，其實佢地係有陰謀架，因為弟兄食得多呀嘛，而姊妹食得少，但又夾埋一份錢喎，所以係有著數架，所以佢地叫埋我地一齊食飯。 我地遲過佢地先到，一坐低，佢地就問去ｃａｍｐ的事情啦，而慧英就係我地團的代表啦，所以佢答晒ｄ問題，跟住佢地ｄ弟兄又不斷提出佢地的問題喎，好攪笑。之後我地幫慧英諗好要帶ｄ咩野去架啦，我地幫慧英執一個求生背朗，除了自己要帶去野外，裡面仲會有﹕ first aid的藥物箱 水袋2個 gas爐2個 gas12支 麵包2條 餅干5-6大包 用具(碗、筷子、罐頭刀等) 而2隻手就會拎 左手﹕福麵一箱及罐頭一大袋(午餐肉、回鍋肉等) 右手﹕營2個、營燈一支及天幕 背朗就會扣一個水煲tim。之後慧英就話﹕如果係咁的話，佢會選擇唔去喎，快d搵人黎幫下手先得。食飯的時候，又不停講咁咁咁，又咁咁咁，最後我地得出個結論﹕弟兄原來都係好少氣，同姊妹差不多架咋。哈哈 食到差不多，又等埋大佬盛啦，不過因為d兄弟已經食晒d送啦，惟有又叫多2碟，當大佬盛夾左一件之後，果碟送就會唔見晒架啦，因為d弟兄又夾晒，所以佢地好識做架，叫我地食菜，食米粉，佢地就食晒d肉，真係好弟兄呀。怪不之連信仔祝謝的時候，都話﹕感謝主今日將一班寶貴的b/s比過我地。寶貴的b/s係得今日架咋原來。 食完飯之後先走，但那時候都差不多10:45啦。回到家沖埋涼都已經12:00了，再預備多一陣星期日的親近主聖經，又去到12:45先訓覺。真係疲倦呀，但我都祈禱，求主使我星期日有精神。

>>June 27, 2005 at 4:54:52 AM GMT+8

2005 年 6 月 23 日 星期四 【颱風】

■■■	去了鑽石山小組	■■■
星期四的小組，原本諗住去旺角朗豪坊行街同食飯，但大妹姐去到旺角的時候，原來珮思都未放工，所以佢就改左去鑽石山食元綠，去到鑽石山竟然又見到小志強，原來佢地又係鑽石山食飯，食完壽司之後，我地就行左一陣街，跟住珮思就話要埋師姐，但我地就話師姐佢地應該係大牛架喎，冇理由咁好，為左見我地而黎鑽石山架喎。跟住珮思又一路行，又叫我地行慢d啦，但那時已經9:00多，我地就話點解要我地行慢d架喎，跟住又叫我地行去bossini，過程好攪笑，因為係等到唔想等架啦，但都等，不過之後就真係見到師姐出現喎，原來佢地冇係大牛祈禱，因為麗香太疲倦，所以又改去鑽石山小組，但佢地就自己另外食飯，所以師姐可以好快過到黎搵我地。 其實一見到師姐之後，我地就走啦。落到去月台，剛剛珮思那邊有車，我地就叫珮思你果邊有車啦，珮思就帶著疑惑咁問﹕真係。我地就話﹕真架，度門開左啦，珮思又問﹕下．．．係我呀，真係我果邊呀。跟住就飛入車啦，但中間佢又調頭話﹕我手果把遮唔係我架喎。原來係大妹姐ｇｅ，所以又拎番把遮，之後珮思又望下架車去邊，我地就叫佢﹕快ｄ入車啦，度門閂埋啦。佢先飛入去。真係好攪笑呀。可能次次珮思都比人玩。

>>June 27, 2005 at 4:28:09 AM GMT+8

2005 年 6 月 21 日 星期二 【溫暖】

■■■	冇那那又比會長話	■■■
星期三的中上開了個會，目的係傾11月30日的就職典禮安排。咁快就要開會傾啦，真係唔得你死呀，因為又有一堆野等住我去做呀。 下午的時候，就有2個接待，1個係安徽省海外聯誼會，1個係大連巿總商會，等一個應該時間係3:00-4:00，但當d老闆到齊晒，都未見佢地到啦，咁我就問會長秘書，佢地幾時到呀，秘書竟然答我﹕我唔知喎，下唔係掛，你唔知，邊個知呀，好彩我有果間聯絡公司電話，再搵跟車的同事，原來佢地塞車，3:30先到。咁坐左一陣，會長就叫佢秘書elaine打電話番公司fax一份佢自己寫有關安徽省的文章過黎，elaine已經係10下10下架啦，但今次好明顯係比佢累架，佢竟然叫maybo fax份江西的過黎，咁又等左好耐，會長又急啦，咁一出黎就問有未呀，咁elaine就話有啦，會長就話拎黎睇下，一睇之下，就破口大罵﹕我係要安徽呀，你比江西我做咩呀，你聾架，有冇腦架,.....xzy咩都講晒，跟住又叫再fax，之後佢又打電話佢maybo，叫佢再fax。攪左一輪先ok。 就係咁遲左半小時啦，但之後的大連巿係3:50就到我地會啦，問題就係咁出事啦。 因為安徽的那班人未走，而第2班人又到左，咁會長就叫亞姐招呼住佢地先，而同事佢地就話要去洗手間，咁我地就比出面廁所的key佢地，佢地全部人去完廁所之後就係外面等。會長差不多完的時候，就出黎望下啦，一望之下，唔見佢地，問會計d人呢，會計就答佢﹕係外面等呀。跟住就比會長話到死死下。話我地唔識得招呼人呀，係都叫會長入黎坐一陣啦。你地咁樣做架有冇攪錯呀。 咁之後接待完左之後，會長就叫左我地同佢秘書elaine同d老闆一齊入左會客室，開頭都唔知咩事，因為好少可接待完之後要坐低，通常佢地都會走架嘛，今次叫晒d人入去坐，原來係要鬧我地，足足比佢鬧左半小時tim。 1.話elaine攪錯晒d野 2.話elaine黎到唔知做咩，又唔識得做，成條柱咁企係度 3.話亞姐唔識得招呼人 4.話會計叫d人係出面等 5.話以前d會長唔教我地 6.話我地冇老闆睇住做野，冇大冇細 7.話我地d女仔以為自己好把閉 8.話亞洲d女仔越來越驕傲 9.開始離題，講其他野 10.話人地會d野 11.講自己點做生意 就係咁，會長發言左30分鐘，中間其實在場老闆都有幫口架啦，但會長就話，錯就要改。就係咁，攪到5:30先走人。我地又有排攪，最終我地都話﹕係elaine連累我地架。真係慘呀。

>>June 24, 2005 at 2:25:49 AM GMT+8

2005 年 6 月 20 日 星期一 【乍寒還暖】

■■■	冇那那生日會	■■■
上星期二coco打比我，問我今個星期一或二慶祝溫小姐同石小姐的生日好唔好。咁我就好呀，之後佢就話ok啦，到時再call你呀。 一路都冇call我，咁我就忘記了。突然尋日溫小姐打比我，話我知，係尖沙咀新港中心等喎，我就問佢﹕仲咩要係新港中心等呀。佢就話﹕下，你唔記得呀，慶祝我生日呀嘛，我那一刻先記起，跟住我就答佢﹕我仲諗住返屋企訓覺tim。 之後係msn Nicole問我﹕幾點走人，咁我就答佢﹕6:30啦，佢就問我﹕點解係6:30，我就話﹕因為約左7:00呀嘛，我估我半個鐘可以去到架啦，之後Nicole先話﹕原來佢唔知幾點等，只係知道係新港中心裡面食。咁我就話﹕我浄係知道7:00係新港中心等，但唔知係邊度食喎，Nicole先講話係"儂"酒樓食飯。 終於攪左半日，d時間、地點ge答案先知道，但有咩人去，就冇個人知，除了coco之外。 去到果間酒家之後，coco就話同janice已經諗好叫咩食架啦，咁溫小姐就睇啦，當佢叫完之後，我地問佢叫左咩啦，佢又話唔記得喎，就係咁的情況下，我地原來叫左13款不同的野食，但我地只得7丁人去，仲要係得阿東一個男丁，coco跟住就話﹕d野食好細架咋。點知一見到就嚇死我地啦﹕ 2籠小籠包 2籠素菜餃 2件蒽油餅 1碟粉皮 2個大石頭飯--1人1碗x2 2碗湯麵--4人份量 1條茸子魚--好大條 1碟鱔糊 個飯最後惟有打包，之後仲有手信(janice去完日本的手信)同蛋糕食，食到個個飽到上天花板，所以我地話﹕下次唔好叫coco約人同叫菜，因為都會嚇死人。 最後每人夾左250蚊(連禮物)，再加上上次alan的禮物，今晚又唔見300蚊。lee2日真係破財呀。

>>June 21, 2005 at 9:48:57 AM GMT+8

2005 年 6 月 19 日 星期日 【乍寒還暖】

■■■	父親節	■■■
星期日的晚上，我地一家人去了樓下酒樓食飯，食飯的時候，阿爸話佢8月要放晒d假期，而佢又有5-6日假，咁佢就想係8月去旅行，阿爸就問我去邊度好呀，我就話東南亞啦，跟住阿爸竟然話係同我同家姐去喎，因為阿媽暑假就最忙，請唔到假，但跟住問題就黎﹕我就話我要睇下請唔請到假，家姐就話暑假去旅行就係最貴，咁阿爸就唔多like，之後阿爸仲話要去日本喎，嘩.....聽到我地嚇死咁呀，因為日本太貴呀，跟住阿爸就話﹕阿媽都係咁去啦，我都好想去喎。跟住大家都冇聲出，因為答好，又死，簽唔好又死。 之後都使用安撫政策，我話去問下睇下幾多錢先，家姐就話睇下先，阿媽就叫阿爸9月先放假。之後，每人比左500蚊我阿爸，令佢果一刻開心d。但因為我上次母親節都未夾錢比家姐，所以又比500我家姐，一日就冇左1000蚊啦，真係肉痛呀。

>>June 21, 2005 at 9:49:15 AM GMT+8

2005 年 6 月 18 日 星期六 【晴】

■■■	又玩UNO騙局	■■■
今日我地有預工旅行，特別for父母親去的，但因為早前阿媽同阿爸都話要返工，所以我唔諗去，而又有一班妹係大牛親近主，所以我揀選去大牛同佢地親近主，原本諗住星期日早d起身，預備下遊戲，但我一起身已經係9:00了，攪下其他野都冇時間去預備遊戲，我其實想玩7級豬架，但冇時間去預備道具呀，咁惟有下次預備好先玩啦，我估都幾好玩呀，有冇人buy我的提議呀? 親近主的時候，睇雅各書﹕ 12. 忍受試探的人是有福的，因為他經過試驗以後，必得生命的冠冕，這是主應許給那些愛他之人的。 14. 但各人被試探，乃是被自己的私慾牽引誘惑的。 16. 我親愛的弟兄們，不要看錯了。 當中深刻係這應許是主給那些愛他之人的，寶貴1.我是主所愛，寶貴2.我地有主好多好多應許，寶貴3.忍受試探之後，你便能得生命的冠冕，但其實正如聖經14節所講﹕我地被試探，其實是因為自己未信主之前的帶來的，咁即係自己一手做成的，與其他人冇關，但竟然主也因為我地信主之後忍受這些未信之前所產生的誘惑，而將冠冕比我地。幾咁希奇同體會主真係知道我地這個人同明白我地是愛祂的人。 另外，也體會當我地信主之後，聖靈就內住係我心裡，作我訓慰師，指引及教導、提醒及勸導我地走這人生路。又係幾寶貴，聖經上所講﹕我不求你叫他們離開世界、只求你保守他們脫離那惡者。〔或作脫離罪惡〕 主救我地真係好完全同有好詳細的思想，再加上在主內有十全的保護。 另外，就係你不要看錯，雅各寫的時候，年紀也不少，但佢都提醒身邊的一班親愛的弟兄，你不要看錯呀。不要看錯你的人生，要揀得清楚及注意。 食完飯回來後，佢地又玩13腰，之後3:30學生就走人，我同敏萍姐、師姐傾左小小安排，之後大佬盛同啟賢又叫我地玩uno，又係話輸左要請食飯，今次有太后同師姐玩，師姐今次放迷暈藥呀，迷暈左大佬盛因為大佬盛係佢下家，好攪笑架，因為佢一收到d function牌就會不停笑，攪到個個都知佢有得換牌，跟住佢又cut唔切人地d牌，佢就會叫米住，唔好出牌住呀，不過我地都係冇理會佢。今次好彩係首先到500分的是啟賢，所以佢請食飯，之後太后就話﹕我要食翅喎，所以就改左1000分要的請食翅，不過又好好彩喎，因為我分數到910分，但今次係師姐輸左，所以佢請食翅，但因為星期日係父親節，所以我地幾個又係走人，不過又再一次証明係一個騙局黎架，但又好好玩喎。

>>June 21, 2005 at 5:01:49 AM GMT+8

2005 年 6 月 17 日 星期五 【晴】

■■■	聚會的得著	■■■
星期六的那一日，由於心裡好想早到聚會，同係聚會裡有供應，所以準時1:30走人(對於我來說都叫準時架啦)，去到大牛都係2:00，但買完野食再食完野，時間剛剛係2:30了。真係準得要命呀。 當坐下的時候，其實我係可以同惠儀仔佢地坐，但我心裡有一個渴慕，就係主自己，我自己察覺自己係星期六，好多時都冇集中精神，再加上成日同其他人傾計，我不是話講野唔好，而係講得太多了，所以果日，我自己坐開在另一邊，心裡好想比主愛激勵同變化。同時渴慕我自己都成為別人的榜樣，因為真係你生活如何，眾人就跟隨你如何去過。心裡同時都有比主話提醒，因為次次聚會都係冇得著，次次都係白白咁過左，好浪費那段聚會的時間。所以我特特求主教導我、吸引我、同使我心只有一渴慕，就係主自己。 寶貴主真係又真又活的神，祂聽了我的祈禱。在聚會中，深感愛子誠哥哥的話﹕ 有時人會覺得自己的大事同小事，主是不會理會，因為有時會覺得太大件事，主理不到，有時會覺得太小事啦，主也不會理會，所以人有時會憑自己的諗法去決定自己的終身大事或者d芝麻綠豆事。但原來主無論大事、小事都想參予，因為主住在你我的心裡，無論是你的大事、小事，主都一一掌管。所以你要為你自己人生祈禱，無論大到係你的終身大事，無論小到係你去廁所去的時候，也要祈禱，當你這樣做的時候，你會被主愛充滿，流露及散發基督的香氣。 另外，子誠哥哥也提到主的愛不只是輕輕的能安慰我，而係主的愛係重重包圍著你我，不單只簡單的安慰，而係能深深的安慰，更加能夠救活你我的心靈。 其餘的實在太多了。但我深信當你有一個想要的心時，主必大大的充滿你。如我近期看George Muller的書，當中講到2句好深刻的﹕ 你要大大張口，我就給你大大的充滿 我只有一個渴慕，就係只有主自己

>>June 21, 2005 at 2:58:07 AM GMT+8

2005 年 6 月 11 日 星期六 【晴】

■■■	又玩UNO騙局	■■■
今日一早就左身，唔知點解近期好早就訓，所以可以早起身，因為今日約左11:00係科大等，所以我今日自己早左入科大，一黎諗住食早餐，二黎諗住早D親近主同安靜，心裡覺得自己真係少左好多時間去親近主同享受主。當去到科大差不多10:30，食完早餐差不多10:45，去到閱讀室差不多11:00，我預算佢地入得黎都差不多11:30，果然同我的預料一樣。 坐低就玩左一陣遊戲，跟住就開始唱詩歌，今日我揀的詩歌係得勝者的信心，相交完左之後就開始祈禱敬拜，之後就睇慧英揀的聖經，其實對於初信來講都幾深架。之後就係去canteen食野，食完之後，我地就番大牛開會啦。 其實入到2b都已經坐齊人咁濟，又係我地最遲，幾唔好意思呀。聚會到5:30先完呀，之後大佬盛同小坤又叫我地玩uno，又係話輸左要請食飯，起初我係最少分架，不過pc同埋啟賢夾埋整我一鋪輸左360分呀，不過好彩係首先到500分的是大佬盛，所以佢請食飯，之後話要1000分要的請食餸，不過又好好彩喎，因為我分數到986分，而pc係981分的時候，我竟然嬴左喎，而攪到pc輸左，所以佢請食餸，但因為pc要回家，所以我地幾個又係去左滿屋食飯同食甜品，最後大佬盛請食甜品，下次唔好同佢地玩呀，因為係一個騙局黎架。

>>June 21, 2005 at 2:39:14 AM GMT+8