2005 年 7 月 17 日 星期日 【晴】

■■■	最後一日我就病了	■■■
我的行程如下﹕ 7月18日 (星期一) 08:00 早餐於酒店內(行李跟車) 09:30 乘車前往包頭鋼鐵集團公司、一機及兵器廣場參觀 11:30 午餐於巿內 12:30 午餐後前往包頭機場乘內陸機【CA1141 1400/1510】飛返北京 15:30 於北京市內活動及晚餐 18:00 於北京機場辦理登機手續，乘坐【CA107 1950/2320】飛返香港 ------------------------------------------------------------------------------------------------------ 尋晚成晚都訓唔到，因為不停去廁所，呵過不停，一早起身好似冇訓覺咁，而因為lee2晚我都係自己一間房訓，但因為亞姐間房冇morning call所以佢遲左先起身，所以我跟住就去食早餐啦。但落去食早餐的時候，個人好似暈暈下咁，又好想嘔，又好想暈、又好想呵咁。 我的早餐只食了2啖麥皮、1塊麵包，跟住我就唔想食，因為又想嘔啦。之後我就坐係度等亞姐黎，亞姐一見到我就話你病呀。我都未講野就話去廁所啦。之後落到大堂我又係坐，因為一企又想暈、又想嘔。之後比老闆見到我咁，所以佢比左保濟丸我食，咁我就照食，食完之後，又見到另一個老闆，佢又問我點呀，跟住又比左止呵同止嘔丸我食，咁我又照食。 今朝我地都有活動，去到第一間工廠參觀的時候，佢係一間煉鋼廠，係好熱架，我已經因為個pat pat損左而行得慢，再加上我又病病地，又呵到死，所以特別慢，跟住又有個老闆見到我咁，佢叫我係架車度坐，唔好落去啦，跟住又比左止痛藥我食，我又食埋。 第2個景點開始我就冇落車啦，但因為架車都有其他人冇落車去睇野，所以我可以名正言順係架車度。之後去到中午食飯的時間，我真係冇胃口食野，只係食左一碗白粥，之後又係去廁所。 終於比我捱到去機場，係機場度我只係回光返照左一陣，跟住上到機就開始發燒，連空姐都要特別照顧我一個。由於去到北京之後我地由原本坐的航班改為提早一班機回港，所以中間好忙，又好多野攪，行李、登機証、回鄉証，全部攪好晒之後，一上到機又開始發燒，連铺2張毯都覺得好凍，又係要空姐特別照顧我。 當到機場的時候，我連起身都起唔到，我最後要導遊扶住我，全機最慢果個都係我。但我真係頂唔順呀，個導遊仲問我要唔要call白車呀。我真係好想話要架，但我都係話唔洗。 之後去到拎行李的時候，因為會長安排左車車我走，所以攪到佢又知我病，因為我同亞姐都為免麻煩，所以冇同佢講過我病，佢一聽到我病，又叫我食藥(腸胃藥同退燒丸)，當我食完之後，亞姐就話好似我食藥仲多過食野喎。 不過好彩係會長安排左車車我，但其實唔係叫車我，因為我地有2箱物資回港，而又係會長d野，所以佢先安排車車我咋，個司機都算好人架啦，因為佢知我病，都好好照顧我回家先止。 返到屋企，即係訓覺，因為太頂唔順了。

>>July 25, 2005 at 10:15:16 AM GMT+8

2005 年 7 月 16 日 星期六 【晴】

■■■	7日的第6日	■■■
我的行程如下﹕ 7月17日 (星期日) 07:30 早餐於酒店內 10:30 到達鄂爾多斯巿並乘纜車參觀[響沙灣]、 12:00 鄂爾多斯巿政府宴請 14:30 參觀[成吉思汗陵]【車程約3小時】 18:00 晚餐於包頭巿內 20:00 返回[包頭神華酒店]休息 -------------------------------------------------------------------- 今日的行程當中最好玩的係去沙漠玩，去沙漠需要坐2小時的車程，去到坐吊車吊過去，係真正的吊車，2隻腳下面係冇野架，坐的時候周圍都係冇野架，只得一個扶手比你扶住。 去到沙漠，我地套左對七彩布鞋，咁樣個個老闆都變得好攪笑，好似個小矮人咁，之後我地坐左架滑沙車，係沙模度好似架吉普車咁，但佢係用戰車改裝的。坐完之後就玩滑沙板，大約由20米高的地方坐住塊板滑落去，但幾好玩架。 之後我地就走啦，因為又要趕去食中午食，又係人地宴請之飯局，又係羊，又係有人唱歌，又係有人跳舞，又係有人送禮物。 之後我地去成吉思汗陵參觀，當走的時候，秘書長竟然話遠d地方開左個博物館，好值得一去，因為秘書長的哥哥係內蒙古係做官的，所以知道好多內部的野，就係咁會長話概然話去，咁米去羅，一去之下，我地只係去都用了45分鐘，但因為我地原來又係約左6:00食飯，所以惟有延遲啦，但因為條路其實未整好，參觀到的人較少，但我地旅遊巴因為上唔到一個大斜坡，會長跟住竟然係度話秘書長好叫我地去睇野啦，一路就係咁話佢，雖然佢用廣東話話佢，但我估佢係聽到架。但最攪笑係最後回程的時候，因為會長話好值得一去，就算遲都值得，因為裡面真係用一比一的情況下做出模型比我地睇以前成吉思汗係點打扙，跟住個地方又好大，個博物館又多野，會長仲買埋野tim，所以佢話多謝秘書長帶佢地黎，真係一時一樣呀。 之後，因為我地回程的時間遲左，大約5:30先走人，咁我地惟有出動警車幫我地開路回程，由預計3小時的車程，最後用了2小時就回到包頭食晚飯，又係類同的歌舞、食物。d太太們已經叫白粥食，全枱d野都冇食過，因為d太太要keep fit呀嘛。

>>July 25, 2005 at 9:46:17 AM GMT+8

2005 年 7 月 15 日 星期五 【晴】

■■■	7日的第5日	■■■
我的行程如下﹕ 7月16日 (星期六) 08:00 早餐於酒店內(行李跟車)【車程約2小時】 11:00 參觀[格根拉草原]（“神州五號”降落之草原）參觀各種草原活動[賽馬] 12:00 午餐享用正宗蒙古[全羊宴] 參觀摔跤表演(本團獨立包場) 3:00 參觀聖壇[敖包]，及後回程包頭巿【車程約4小時】 19:00 包頭巿政府宴請 21:00 入住[包頭神華酒店] -------------------------------------------------------------- 今日全日活動，我地一早就去格根拉草原，同想像中的最不同，因為內蒙古2個月沒有落過雨，所以d草都枯死晒，原本d相係話好靚架，一望無際的草原，綠油油的大草原，點知去的時候，竟然係一望無際的沙塵，仲要有好多米田共係度喎，真係大打折扣呀。 落車係第一個景點係睇賽馬，中旅導遊係車度就話，今次好特別tim，因為係一年一度的摔跤比賽，係好難得架，一陣睇賽馬都係呀，係全年盛事黎架，我地已經幫大家霸定頭位架啦，冇人掙我地d位坐架。點知去到比賽的場地，前排的位置真係冇人坐呀，係冇人敢坐呀，因為係冇得遮架，天氣接近40度的高溫，仲要係11:30坐係個烈日當空的位置睇賽馬喎，真係未比會長話過呀，之後預料之中，比會長話到上天咁濟，我地隨團的嘉賓來頭都唔少架，有中聯辦的秘書長、有中央統戰部經濟局的副局長，不能有失，最後我地只睇到d馬開跑，我地就走lu。 之後我地就去左自己騎馬，今次到我出事，出源我對上一次騎馬係3月雲南的時候，果時隻馬係行，係好慢的行，咁今次我見隻馬又唔係好高大，咁我就叫蒙古人(1個蒙古人睇一個客人)試下跑呀，咁個蒙古人就叫我企係度，唔好坐住個馬安啦，但因為比我踭住上馬的腳踏太低，而我又唔高喎，當佢帶住隻馬跑的時候，我都係跌下跌下咁，就係咁的情況下，我個pat pat就當災啦，返到酒店一睇，半個pat pat都損左，真係自己羅黎衰呀。 之後又到睇摔跤比賽，導遊又話我地知係獨立包場架，其他人冇得睇架，點知去到的時候，竟然係個草地度，有2個企左係度，咁我就問啦，究竟去邊度睇呀，個場地呢，個導遊果一刻真係好風趣咁答﹕我地到左架啦，就係lee度呀，2個比賽的選手係度架啦，我地圍住佢地就得架啦，..............果一刻...........我同亞姐都冇聲出呀，因為實在太攪笑。 下午的全羊宴，已經令人食到厭呀，仲要用手撕開d肉黎食，有小小嘔心呀。 食完飯差不多3:00，我地下午就開始回程，因為回程都要大約4小時，而晚上我地仲有個宴請tim，所以那那林返洒店，我地比左15分鐘時間d人去換衫，但大家都用了差不多半小時，仲要人地等我地tim，真係唔好意思呀，因為國內人慣早食，但我地晚餐的時間都差不多要7:00先開始到呀。 之後我同亞姐就去左按腳，因為行得太多，好疲倦呀。然後又係回酒店訓覺，訓覺的時間係最早的一晚，大約10:45就可以訓。

>>July 25, 2005 at 9:30:04 AM GMT+8

2005 年 7 月 14 日 星期四 【晴】

■■■	7日的第4日	■■■
我的行程如下﹕ 7月15日 (星期五) 07:30 早餐於酒店內 08:00 參觀[蒙牛廠及牧場]及[昭君墓] 12:00 呼和浩特巿政府宴請 14:00 參觀如意經濟技術開發區 12:30 參觀區內[大召寺]後，前往內蒙古自治區參加“經貿合作座談會”並簽定友好商會協議書 19:00 內蒙古自治區領導接見及宴請本團 晚上 返回[內蒙古飯店]休息 -------------------------------------------------------------------- 今日的天氣熱得要命，氣溫介乎37-40度，不過由於內蒙古位置十分乾燥，所以不會流汗同濕，也叫做十分涼快。 蒙牛廠只係一般參觀的工廠，但估唔到原來內蒙古都已經十分先進，不是我想像般的差，街道十分乾淨，d人都好nice，我地架車d冷氣好勁架，連導遊都話頂唔順tim。 參觀完工廠之後，就參觀昭君墓，但我對於lee d冇乜興趣，但無奈地我都要走一走，因為我係工作人員，如果唔係我寧願係架車度凍冷氣，當你望出出面的時候，係一個火爐咁，熱得出煙咁，好彩係我地唔洗著住套西裝咋，如果唔係我估冇人想落車。 當地政府宴請完之後，我地就回酒店換衫去參加座談會，我同亞姐用了5分鐘後就落樓等人，但d太太們個個都寧願係房休息，所以最後我地叫佢地5:50係酒店等，因為之後係黨書記見我地，無理由唔比面的掛。 接見完後就係食晚飯的時間，國內人食飯的時間係6:00，我地由6:00食到8:30，不過由於黨委書記係度，所以接待屬於最高規格的接待，d送都好靚同好好味，一黎就係食三文魚喎，估不到係內蒙古都食到三文魚喎，不過口感就麻麻地，之後就係冷盤，之後就係迷你x跳牆，好好食，味味都好好味，賣相又好靚，連d送名都好好架，味味都估唔到係咩，草原牧場、野馬奔騰。 當食到差不多的時候，我去搵導遊同領隊，佢2個原來坐到8;00都未食野，咁我話佢知我地飽呀，個導遊就話﹕你仲講，我野都未食過呀，跟住我仲講多一次﹕我好飽呀。個導遊就發火話我的時候，文匯報的記者剛剛出來，佢又係咁同導遊講﹕我真係飽到頂唔順啦。個導遊果一刻話﹕你地真係冇良心呀。見我肚餓，就話我知你地好飽呀。 之後陪左佢地去食消夜(燒烤)，但因為我真係好飽，食唔落野，但佢地2個一肥一瘦，竟然叫做20串燒羊肉、4串燒雞翼、5串燒雞軟骨、5串雞肉、5串牛肉，之後就話我同亞姐知，預埋我地喎，真係激死呀，最後都食左小小先走。 上床訓覺的時間又已經係1:00啦。明天又要早起啦。

>>July 25, 2005 at 9:30:16 AM GMT+8

2005 年 7 月 13 日 星期三 【晴】

■■■	7日的第3日	■■■
我的行程如下﹕ 7月14日 (星期四) A團及B團 早上 早餐於酒店內(行李跟車) 09:00 拜訪全國工商聯《孫曉華副主席》 11:00 拜訪中央統戰部領導並共晉午宴地點﹕[釣魚台國賓館] 下午 於北京市內參觀 (待定) C團 10:30 香港國際機場七樓離境大堂集合，並乘搭中國國際航機【CA102 1245/1600】抵京與A團團員匯合 B團 15:00 乘車前往北京機場辦理登機手續，乘坐【CA117 1715/2040】飛返香港 【B團行程結束】 A團及C團 16:45 A團匯合C團團員後，一同晚餐 19:00 前往機場並乘搭【CA1116 2020/2125】內陸機飛抵呼和浩特機場 22:15 入住[內蒙古飯店] ---------------------------------------------------------------------------------------- 今日，我主要的工作又係改機票同check機位，攪好晒已經係食飯時間，飯都食唔切呀，惟有放下見到好似幾好味的野食又走啦，因為要早d落去將d行李過車，因為亞姐果架車係去參觀，而我的車係車2個青委會的人去機場，順便攪埋d行李同等埋係香港黎的團員一齊去食飯，由早餐到午餐再到晚餐的時間都冇食過野，真係超肚餓呀。 中午當走的時候，alice話要去世貿，咁個導遊就一開始話唔得，因為北京係好塞車的，一塞就好耐先去到另一條街，而佢地班機差不多5:30，咁即係要3:30到機場，而我地離開食飯的時間大約1:30，佢話咁樣一走，就可能會遲到啦，但當alice話要去睇下間鋪的時候，個導遊竟然話好呀，咁後生就有鋪係北京啦，你人又靚，要唔要我陪你呀，真係見錢開眼d人呀。就係咁，又去了世貿一圈，雖然唔係好遠，但都坐了大約1小時車，竟然又回程，所以又用了1小時，真係浪費時間呀。 去到機場，alice同jaclyn就即刻走左，咁我就同導遊坐係機場等啦，一路等，個導遊就一路問我個會的事啦，又問邊個係會長，d老闆公司係米好大，d會員係米好勁，真係刷鞋王呀。當香港班機到北京的時候，我就開始問佢係米要standby呀，佢又話唔洗，坐到ricky打比佢的時候，佢先叫我快d走喎，真係激死呀。 車d團員去食飯的鴨王時，蘇太竟然問我要唔要食話梅喎，大佬我餓到就黎出聲tim呀，仲要我食話梅，佢話我一定食得會好飽喎，真係有苦自己知呀。 食完飯，就去機場坐飛機啦，今次沒有延遲，但到達的時候，冇那那有一班人帶住我地一d團員行左去，咁我同亞姐米死到跟住啦，原來那條係特別通路比d政要行架，但因為有d團員行左另一邊，就係咁的情況下就出事啦，內蒙古統戰又唔話我知有咁決定，所以中央統戰部的2位同另一d團員按照正常出左去，而ricky就自己攪行李，最後我同亞姐跑番入去拎行李的地方，幫ricky手，又叫番d團員係另一邊上車，估唔到夜晚都要跑步，仲要係著住高踭鞋跑tim。 返到酒店，終於可以休息下，但因為又要執定第2日的野，所以又係大約1:30先訓覺。

>>July 21, 2005 at 11:13:00 AM GMT+8

2005 年 7 月 12 日 星期二 【晴】

■■■	7日的第2日	■■■
我的行程如下﹕ 7月13日(星期三) A團及B團 早上 早餐於酒店內 09:00 前往中央黨校學習 12:00 北京巿委統戰部宴請《巿委常委、統戰部部長尤蘭田》 14:30 拜訪中央領導《成思危副委員長》地點﹕[人民大會堂] 18:00 訪問團宴請各部門領導地點：[好世界] 晚上 返回酒店休息 -------------------------------------------------------------------------- 7日第2日，行程已安排都是一般例行式的拜訪，見下領導，握下手，笑下，影下相。但我中間不斷都係做安排機票的工作，又有老闆話要提早走，又有老闆話遲一日走，電話費好彩係公司，如果唔係真係金呀。 中間的時候，因為我們有時間，所以回酒店休息，而亞姐就一早去了晚宴的地方準備，我就係酒店等5:30集合D老闆開車去啦，起初我冇諗住訓覺架，但唔知點解一上左床就訓著左，中間好似仲發埋夢TIM，感謝主係5:30的時候，亞姐打比我話我唔等一個老闆啦，果一刻我先訓醒，跟住我只用了3秒時間跑出門口，但其實我係未訓醒架，落度去又感謝主係因為另一批人係第2間酒店過黎，而佢地又遲到喎，所以最遲唔係我，但最後都比D好人老闆知我訓過龍。 跟住我同亞姐講番，不過真係感謝主呀，因為通常我係靜機架，果一刻唔記得幾時開左有聲，好彩有聲咋，如果唔係一路訓落去就大件事啦。

>>July 20, 2005 at 8:57:21 AM GMT+8

2005 年 7 月 11 日 星期一 【晴】

■■■	7日的第1日	■■■
我的行程如下﹕ 7月12日(星期二)團員於香港國際機場七樓離境大堂集合 17:15 由香港乘坐【CA110 1715/2010】飛機前往北京 21:00 晚餐 22:00 入住[北京飯店 --------------------------------------- 七日的第1日，行程只是安排老闆上飛機同搭車回酒店，較容易處理，但去到機場，竟然仲有老闆話想轉BUSINESS CLASS，真係激死人呀。不過好彩係中旅的RICKY係度，全部佢安排晒。上到機，足足遲左1個小時先起飛，後來聽係話原來我地班機要運一批馬去北京，但D馬又發脾氣，所以攪左好耐先OK。 去到北京，原本安排的晚餐，因為太夜了，所以沒有食就回酒店休息。安排左D老闆上房後，先到我同亞姐，北京飯店係5星級的酒店，但D服務真係麻麻地，叫人做一樣野，要等10分鐘都未到你。

>>July 20, 2005 at 8:57:52 AM GMT+8

2005 年 7 月 10 日 星期日 【晴】

■■■	我出團啦，多多為我祈禱	■■■
今次目的地有2個，頭2日係北京，後5日係內蒙古。全程7日，夜機去，超夜機返，真係扺到爛呀，全程團費6518，單人房另加錢，商務再加錢，當中只有2餐係旅行社包，其餘都有當地政府宴請，所以lee個叫做豪華浪費團。 求主祝福我靈魂同身體，我唔想病喎。另外就係保守一切行程同車程，天氣，因為好熱呀當地，北京接近40度，但我地仲要著住套西裝周圍走，當人地話要休息的時候，我地仲話去天安門行下喎，真係熱到死呀。 另外，求主使我另有睇見或經歷，使我今次出團，都係最豐富。 我的行程如下﹕ 日 期 適用之團員 時 間 行 程 安 排 7月12日 A團及B團 15:15 團員於香港國際機場七樓離境大堂集合 (星期二) 17:15 由香港乘坐【CA110 1715/2010】飛機前往北京 21:00 晚餐 22:00 入住[北京飯店] 7月13日 A團及B團 早上 早餐於酒店內 (星期三) 09:00 前往中央黨校學習 12:00 北京巿委統戰部宴請《巿委常委、統戰部部長尤蘭田》 14:30 拜訪中央領導《成思危副委員長》 地點﹕[人民大會堂] 18:00 訪問團宴請各部門領導 地點：[好世界] (北京市西城區復興門內大街49號民族宮西翼，電話: 66018080) 晚上 返回酒店休息 7月14日 A團及B團 早上 早餐於酒店內(行李跟車) (星期四) 09:00 拜訪全國工商聯《孫曉華副主席》 11:00 拜訪中央統戰部領導並共晉午宴 地點﹕[釣魚台國賓館] 下午 於北京市內參觀 (待定) C團 10:30 香港國際機場七樓離境大堂集合，並乘搭中國國際航機【CA102 1245/1600】抵京與A團團員匯合 B團 15:00 乘車前往北京機場辦理登機手續，乘坐【CA117 1715/2040】飛返香港 【B團行程結束】 A團及C團 16:45 A團匯合C團團員後，一同晚餐 19:00 前往機場並乘搭【CA1116 2020/2125】內陸機飛抵呼和浩特機場 22:15 入住[內蒙古飯店] 7月15日 A團及C團 07:30 早餐於酒店內 (星期五) 08:00 參觀[蒙牛廠及牧場]及[昭君墓] 12:00 呼和浩特巿政府宴請 14:00 參觀如意經濟技術開發區 12:30 參觀區內[大召寺]後，前往內蒙古自治區參加“經貿合作座談會”並簽定友好商會協議書 19:00 內蒙古自治區領導接見及宴請本團 晚上 返回[內蒙古飯店]休息 7月16日 A團及C團 08:00 早餐於酒店內(行李跟車)【車程約2小時】 (星期六) 11:00 參觀[格根拉草原]（“神州五號”降落之草原） 參觀各種草原活動[賽馬] 12:00 午餐享用正宗蒙古[全羊宴] 參觀摔跤表演(本團獨立包場) 3:00 參觀聖壇[敖包]，及後回程包頭巿【車程約4小時】 19:00 包頭巿政府宴請 21:00 入住[包頭神華酒店] 7月17日 A團及C團 07:30 早餐於酒店內 (星期日) 10:30 到達鄂爾多斯巿並乘纜車參觀[響沙灣]、 12:00 鄂爾多斯巿政府宴請 14:30 參觀[成吉思汗陵]【車程約3小時】 18:00 晚餐於包頭巿內 20:00 返回[包頭神華酒店]休息 7月18日 A團及C團 08:00 早餐於酒店內(行李跟車) (星期一) 09:30 乘車前往包頭鋼鐵集團公司、一機及兵器廣場參觀 11:30 午餐於巿內 12:30 午餐後前往包頭機場乘內陸機【CA1141 1400/1510】飛返北京 15:30 於北京市內活動及晚餐 18:00 於北京機場辦理登機手續，乘坐【CA107 1950/2320】飛返香港 【行程結束】

>>July 11, 2005 at 10:41:54 AM GMT+8

2005 年 7 月 2 日 星期六 【清涼】

■■■	全區推動+受涭慶祝會+生日會	■■■
星期六晚，因為要寫書簽同禮物，所以攪到1:00先有得訓，星期日由於要幫手買蛋糕，所以又遲左到大牛，搭地鐵的時候，感謝主，比我見到慧珊，可以幫我拎住個蛋糕。真係好啦，如果唔係，我怕我都冇手抺汗呀。 去到大牛，其實已經開始了祈禱會，因為星期日11:45有全區推動，推動聚會中，也有深刻的時候，真係好開心能夠與教會一同配合，去完成神主意。 完左聚會，食野的時候，美蘭姐竟然話我今日係最精神的一日呀，我即刻話﹕唔係掛，我尋晚成1:00先訓覺，今日應該係最眼訓的一日喎，竟然美蘭姐竟冈然話我係回光返照。真係慘呀。 食完野之後，就輪到回大牛睇婷婷受涭加慶祝會，再加上慶祝7月份的生日，今之真係辛苦了妍妍同曉琳，因為有班弟兄係度一齊玩，事源佢果邊有泡泡龍受涭，不過受涭聚會中，領詩的姊妹同施涭的弟兄都好似係第一次負責咁，唔知佢講咩，又驚喎。泡泡龍差點撞頭tim。 慶祝會梗本上係玩泡泡龍多，一時要食麵粉，一時又要扮機械人，不過最攪笑係我地乜都冇講過，受涭的心願唔知道，生日的心願又唔知道，真係比佢玩晒咁濟。 完左之後，好似笑到死咁濟，所以特別疲倦，一早又回家了。

>>July 11, 2005 at 10:26:10 AM GMT+8

2005 年 7 月 1 日 星期五 【晴】

■■■	家團相聚+食飯	■■■
星期六晚的相聚，竟然又係小貓3,4隻，唔知係咪大家都習慣左星期四同工相聚，珮思就話約左人食飯，敏萍姐同師姐又唔係度，得番大妹姐、慧英、燕榆，麗香、小坤、阿康，啟賢，仲有不是本團的pc，中間因為傾去camp的事，大家傾到火紅火綠咁，但最攪笑係是麗香，佢竟然話我知﹕唔係好知佢地傾緊咩，不如去食野啦，因為好肚餓呀。就係咁的情況下，麗香去買野食，我就送妍妍同慧珊走人，因為佢地學整餅，所以遲左(佢地整的細餅都好有水準架，下次可以搵佢地整啦)。 當回來的時候，仲見佢地仲傾緊，都係同一個問題，真係無奈呀，所以大妹姐就話，等師姐番黎的時候，再傾啦，早d講咪冇事羅。 之後同左班弟兄去食飯，話題又係離唔開果d同果d，真係超級麻煩呀，因為佢地講極都唔完，又唔明，又不停講喎，所以我都費時理佢地呀。怪不之我連發夢都夢到我同慧英一齊話啟賢，叫佢唔好咁少氣呀。真係麻煩左小小。但我都明白佢地，其實都係想大家進步姐。 食完飯，跟住就回家啦，因為事實上太夜了。我仲有書簽未寫，都唔知幾點先有得訓了。

>>July 6, 2005 at 9:49:46 AM GMT+8