2005 年 7 月 28 日 星期四 【晴】

■■■	生日的心願	■■■
我生日好似冇講過自己的心願，我的心願如下﹕ 1. 盼望自己心裡只得一個渴慕，就係主自己 2. 身體強健，雖然未止予精神衰弱，但我覺得身體比以前真係差左 3. 渴慕主將講道恩賜比過我，係按手聚會中，志明哥話每個人起碼有2-3種恩賜，有時係自己不為以，有時係自己冇向神求。所以我就求另一恩賜(講道恩賜)，除了牧養人之外，自己對講道都有一負擔。 4. 心靈不斷更新同突破，有時自己都好比感受上所限制，但盼望新一年，我個人的思想模式有所改變。 5. 工作上擔子能夠輕省，特別係時間上能控制。因為有時工作都幾影響心靈同身體。 願主在凡事上加我聰明同智慧。

>>July 29, 2005 at 4:27:03 AM GMT+8

2005 年 7 月 26 日 星期二 【晴】

■■■	姊妹聚舊	■■■
今晚約了以前揚起旗幟的一班姊妹出黎食飯，順便慶祝桂明同我的生日，再加上幫幗英洗塵喎。 出席的人有﹕惠玲、玉蓮、幗英、美蘭、寶珊、秋圓、桂明、戴穎、阿敏、晶晶同我。其實同佢地個別有d會熟d，有d唔係咁熟，但寶貴大家都是在神的家中認識。去到旺角食飯的地方，原來我又係最遲的那一個。唔知點解又係我最遲，唔通我真係好遲先放工，但其實我大約7:00就走人架啦喎。 食飯的地方真係麻麻地，雖然係98蚊自助餐，但環境同食物都係麻麻地，我就寧願去酒樓食飯好過，因為時間限於2小時內，但我地又唔知點解，明明可以坐到9:00先走人，但我地8:30就走人啦喎，可以繼續坐的架。 途中我地又不停影相同講笑，起初同桂明好似唔係太多話題，此終都冇見咁耐，但之後大家冇咁區緊的時候，就多左好多話題。幗英都好好架啦，佢有帶手信比我地，係2003年光愛中心的annual report一本，真係令人感勳又笑死呀。 之後我地就建議不如找個地方坐低傾計，咁晶晶就建議去唔知邊度的對面某一座樓上的cafe。行到去的時候，個個都比佢門口的環境嚇親。個個都唔敢上去，最後原來佢已經full左，之後我地轉左去許留山坐，但都好多人呀。坐左一陣咋。但當中我地都傾到計。 當中覺得幗英去完溫哥華之後改變不少。也感受她在那裡的得著是實在及難忘的。另外，就係桂明的感受主呼召她再回到祂身邊，也令我感受神的愛是不改變的，就算我地lee個人變成點都好。 另外，也覺得戴穎靚女左，以前比較男仔d，今次見到佢已經成個美少女咁。阿敏對主的渴慕也令我感受神親自的教導。晶晶的轉區，盼望對佢有好的影響，雖然心裡是不捨得她離開，但我都講我唔批准佢返黎。因為如果轉一個新環境對她來說是好的，我願意只是默默地為她禱告。 惠玲家人的信主改變，也令我想到家人的需要。我真的渴慕能有她的勇氣。 之後我地差不多10:30先走人。因為比人趕了。最後依依不捨地走了。盼望下次再相聚的的時候，每人都有另一番經歷。

>>July 29, 2005 at 4:08:00 AM GMT+8

2005 年 7 月 26 日 星期二 【晴】

■■■	慶祝生日	■■■
由於媽媽同我的生日都係7月份，所以尋晚特登埋d阿姨同舅父、表弟妹去了酒樓食飯，一行17人。到去酒樓都差不多8:30，越食d送越大碟，因為5姨識得果間酒樓的廚師，所以叫佢整大碟d，就係咁的情況下，未食到雞，個個由好肚餓變到好飽，最後仲有個大蛋糕tim，個蛋糕係simon姨買的，佢話只係買2磅咋，但當我地一睇的時候，個個嚇死，因為個蛋糕好似唔止2磅，好似4lbs咁，最後惟有切到件蛋糕大大件食埋佢，最後仲有個壽包tim，阿媽話壽包又一定要食，個肚都唔知食左幾多野呀。 食完飯番到屋企都差不多11:30啦，沖完涼睇一陣電視都已經12:30了，那那林去訓覺，不過好彩係明天亞姐唔返工，佢話佢自己坐骨神經痛喎，但又係佢生日喎，咁啱又唔返工。但我生日請假又唔得，真係唔公平呀，我都請下假先得，係會長未番hk之前都係。

>>July 27, 2005 at 5:33:28 AM GMT+8

2005 年 7 月 24 日 星期日 【晴】

■■■	回想旅行的感受	■■■
由於內蒙古是少數民族的地方，佢地通常係食羊。所以途中會見到牧羊人帶著羊群出外食草。有次去到草原地方，又係見到牧羊人帶著羊群，當我細心留意的時候，牧羊人其實唔多時間望實d羊，通常會任由佢去周圍去，但當見到d羊走得太遠的時候，佢個會用d特別叫法叫番佢地番黎，羊就等於牧羊人的命根，因為佢地養得大又多肉的時候，咁當賣出的時候，就會高價d，但聽講因為內蒙古近2個月都冇落雨，d草枯萎晒，咁d羊係靠食草，冇草食之下，有d羊餓死左，個導遊講番我地聽的時候，佢話d人傷心到死呀，唔單止係因為佢係賺錢的工具，d羊仲係佢地d心血，因為要養大一隻羊係唔容易的，尤其是當你活在貧窮的情況下。 所以雖然牧羊人唔多理會d羊，但當知道d羊有事，牧羊人其實係最傷心的人。我又試過問過佢地，原來佢地唔係隻隻羊都會有名，但會知道邊d羊係最頑皮同鍾意走開羊群，牧羊人會多加留意佢地。另外，牧羊人原來真係好黑，長時間戶外暴晒，皮膚係黑黝黝的，但他們都不界意，只要d羊養得肥肥白白，買得高價錢的話，再加上佢地全個民族d人都係咁生活，所以習以為常了。 令我想到主對我個別的尋找，祂攀山越嶺而來，為了尋找同拯救我。祂最了解及留意我這個人，我這隻小羊一走錯了路，祂的杖必會再引領我回平安的路上。 另外，也想到主將小羊比過我，叫我餧養祂的小羊，令我回想究竟我有否為每隻小羊去意思?

>>July 27, 2005 at 5:21:46 AM GMT+8

2005 年 7 月 23 日 星期六 【晴】

■■■	返聚會的日子	■■■
今日係第1日返聚會的日子，心情又點兒不習慣，哈，唔知點解，唔係好想講野，唔知點解，唔係好想投入其中。可能真係比人d冷漠回應嚇倒。 擘餅聚會時也不太集中，時常為事思想，時常雲遊象外，真得要命。不過都多謝師姐的讓坐，使我這個殘障人士有得坐下。之後我就落去廚房攪攪震，冇幫襯。在廚房裡感謝主讓我尋回一點溫暖。 食飯的時候，也不是食得太多，因為我驚自己腸胃唔舒服，不過之後竟然同惠儀仔去食雪糕，真係唔識死呀。不過好彩唔係用我d錢，我地用了大佬盛的八達通，最後用淨50幾蚊比佢，但我地唔記得左買大佬盛果份，當大佬盛知道的時候，佢叫我地下次再買，咁我地就話好呀，但你要先增值。 下午我地一齊玩遊戲，多謝碧茹、妍妍同雅婷的預備，但有d遊戲都幾攪笑，唔係好知點玩。之後其實好想同佢地玩乒乓球，但我又驚走動太多，辛苦了我。所以我又係揀坐係度。最後我地一齊走了，因為我要換部電話呀，因為個電磁蓋好難開，可能拗左。但去到旺角的時候，個女仔sales語氣竟然好似話我玩野咁，買左第1日就話要換，唔係好想同我換甘。好彩比我見番尋日賣電話比我的那個男仔，我第一時間捉住佢，叫我換比我，佢都好好人咁換比我。之後我同佢講﹕我唔係郁d就話要換，我用得咁價錢買部電話，我梗係唔想佢咁快壞同有問題，當我發現佢有問題的時候，我梗係要拎佢黎換啦，你d員工好似唔明我問題咁，我都唔想咁遠走黎換架，我都唔係好多時間走黎走去，唔該你話番比你同事知，我都唔係好想轉台架咋，因為你d同事服務態度好有問題。佢直刻say sorry。 起初以為會攪好耐，但原來好快就攪掂，果一刻我好想去書展，因為我應承了慧珊送本聖經比佢，我唔想拖咁耐都未送，早前去睇其他書室的時候，又搵唔到心水果隻款，所以去書展係最好的選擇，果然去到比我見到，最後都係問多一次慧珊的意思，因為我怕買左之後款式唔好而唔用，我認為聖經的價值不在乎佢價錢是多少，而在乎你在其中的經歷與得著。盼望多寫野在聖經中，記得有個哥哥講過，如果你要佢送聖經比你好容易，只要你佢睇你本聖經全本都寫滿野，已經冇位置將自己得著寫上的時候，佢就會送本聖經比你。我認同佢講法，聖經不單用來看，也可將經歷得著寫上，以作回憶及對自己的激勵。我最怕見到d人聖經係什麼都沒有，或者多年都是一樣的新。

>>July 27, 2005 at 4:47:23 AM GMT+8

2005 年 7 月 22 日 星期五 【晴】

■■■	充當導遊半日	■■■
星期六的上午日，其實都已經好多野做，因為尋日剛剛開完會，大把野都未做好，今日上午已經諗睇下下午出唔出到聚會，但果一刻先收到另一電話，話有個國內人士係大陸黎左，叫我地帶下佢去下午的活動，佢地d活動係幾好架，星期六下午去睇波，曼聯對港對，睇完之後就去time sqaure行街買野，跟住就完啦，因為要去珠海繼續活動，就係咁的情況，我就陪住佢地啦，有tim、老闆，請來客席嘉賓philip(球隊教練)講波tim，我地都算威啦。 下午做到2:30先走人，因為約了3:00係灣仔等，等某老闆車我地去，去到球場都已經開左波啦，不過老闆係唔係睇波的，只係想睇下野，所以對佢來講係冇所謂的，就係咁的情況下，我可以免費睇波啦，果時我望一張飛，原來都要380蚊一張架，真係好啦，唔洗錢可以去睇波呀。 其實未睇完我地又要走啦，因為如果等到完場先走，係走唔到，所以未完場就走啦，去到灣仔的時候，某老闆竟然話肚餓喎，但果一刻仲好晒，我以為好早啦，點知已經差不多6:00了，所以去了食飯，4丁人，叫左6個送，一個湯，根本係食唔洗d野，但d國內人係咁上下啦。 食完之後，就去了time square行街，去到time square戲院仲攪笑，某老闆突然話不如我地去睇戲啦，我話﹕下..唔係掛，冇時間喎，某老闆話﹕冇所謂啦，夠時間喎，你想睇咩戲呀。我話﹕我想睇荒失失奇兵呀，跟住阿tim就話﹕唔係掛，睇兒童台呀。之後老闆都理我了。去到運動家，個老闆又係咁問我買咩款呀，我一話果一對，佢又去試，話另一對，佢又去試，最後佢足足用左1000幾蚊去買左4對鞋，都唔知買咁款做咩，老闆又唔係多時間著波鞋，買咁多對做咩呢? 之後老闆為左多謝我陪佢，所以佢話送對鞋比我tim，但我覺得費時啦，好似好過份咁，又食又拎，我就話﹕唔洗啦。我有鞋著呀。佢跟住睇到我果對converse的時候，佢竟然話我﹕你果對鞋不如唔好要啦，咁殘都著，好心你啦，你買過另一對即係換啦。我果一刻好無奈咁講﹕我對鞋係新架。 之後佢死都話要我買一對鞋，我死都話唔要，老闆竟然話﹕你好唔比面呀，我話左要送，就要送，你快去d揀。之後阿tim就話﹕你求其買一對啦，佢真係唔開心架，最後我都係買左對converse，老闆就話﹕價錢咁平，我不如送多幾對比你啦，我就話﹕唔洗啦，我要一對啦，嚇死咁我濟。 之後我送埋佢上車先走，因為阿tim車佢去碼頭，原來佢話車我返屋企先，但因為佢係信德上船，所以我即刻話唔近架，好遠架，miss船期就唔好啦，就係咁我即刻推佢上車，之後我搭地鐵走人了，就咁我都玩到9:00呀。

>>July 26, 2005 at 6:53:41 AM GMT+8

2005 年 7 月 21 日 星期四 【晴】

■■■	開會的日子	■■■
返到公司之後，一直冇停過手，因為亞姐係機度已經比左d野我做，又係咁問我個會議紀綠寫好未，其實我係未寫過，因為亞姐係上星期先叫我寫，果時我都有大把野未做好呀，又何來有時間去寫會議紀綠呀，再加上上次開會，我根本冇坐係度聽過野，我都唔知點寫好呀。 今日又到開會的日子，又要攪將d相放係ppt file放比d人睇，但問題係我只得今朝一早去做，因為d相我要等文匯報比我先做得，所以時間好趕，可以做到咁效果都算唔錯，不過好彩係d老闆都話好喎。 由於要做個ppt file，所以我開會d文件係未執過，又要執文件，又要影印，攪到連飯都冇得食，由於亞姐例會d文件又未得，最後我地攪到3:50先出門口，但我地開會時間係4:00，真係好趕呀，最後10分鐘的時候，我一路叫會計執好其他野，閂晒其他機器，連冷氣都關埋，一影完印之後即係拉閘走人，去到酒店先做釘裝。 開會期間，我又要做去食飯的房間執位，又要開會，兩邊走係唔得架。之後，我就會都唔開拉，因為已經有嘉賓到左食飯，今晚我地宴請本會授勳及委任太平紳士的會員食飯，今晚開左4圍，d送名同價錢係好貴架，但賣相同味道就真係差得緊要，直頭好似比人欺騙咁呀。 最後攪到10:30先走人，回到家都差不多11:30了。

>>July 26, 2005 at 6:23:01 AM GMT+8

2005 年 7 月 20 日 星期三 【颱風】

■■■	考慮去唔去camp	■■■
因為pat pat同身體的毛病，攪到個人冇心機，一坐低再起身的時候，要股起好人的勇氣，因為真係好痛架。 就係咁，我就考慮究竟我去唔去camp好呢，因為pat pat醫生話唔好流汗濕住佢，我又驚熱得濟，又驚冇覺好訓，又驚d地唔平，坐低的時候點到佢，真係好麻煩，果一刻多謝師姐同敏萍姐的體諒，就算我唔去camp，內心都冇咁責備。 但果一刻又諗喎，如果我唔去camp，咁我就送唔到野比慧英，因為我買d禮物送比佢上路用，咁我又諗，係米可以去到一日呢? 感謝主，佢真係最明白我啦，我唔敢講係因為我，所以全區去唔成camp，但起碼我唔洗因為去唔到camp而唔開心，又唔洗擔心送唔到禮物比慧英啦。

>>July 25, 2005 at 10:45:59 AM GMT+8

2005 年 7 月 19 日 星期二 【晴】

■■■	主耶穌送比我的生日禮物	■■■
今年主送比我的生日禮物如下﹕ 腸胃炎 2粒飛滋 1粒瘡 pat pat損左 今年主送比我的禮物真係特別，又帶點無奈，因為全部都係對我自己唔好的。令我唔開心的。 腸胃炎--令我唔見300蚊，又唔食得好野、冇胃口 2粒飛滋--到而家都未好番，食野好辛苦 1粒瘡--令我擔心再加唔開心的 pat pat損左---令我訓唔到覺tim呀，仲傷心 星期二去左睇醫生令我出唔到祈禱會，當星期三慢慢去行回家的時候，好唔開心，因為生日應該係好開心的日子，我諗住應該有好多人陪我過，但因為身體的不適，令我好唔開心，又唔知同邊個講好，果一刻好想問主點解，但我知道我唔應該問點解，因為主一切都預備，當你問點解的時候，就証明你對你沒有信心，果一刻我想，原來我對主的信心是那麼的少而又少。 身體的毛病，令我提不起勁，又令我好抑鬱，好似個人謝晒咁。任何電話我都想聽，又唔講野，連阿媽都問我有咩事。哈，真係病到嚇死人。

>>July 25, 2005 at 10:38:36 AM GMT+8

2005 年 7 月 18 日 星期一 【晴】

■■■	生日竟然與醫生一齊過	■■■
今日係我生日的大日子，但尋晚係機度，亞姐已經留左一堆野比我叫我做，而我係上星期的時候，問過亞姐可唔可以請假，亞姐已經覆左我，因為我地22號同25號同8月3日都要開會，所以唔比請假。 我今日都盡力係8:15起身，跟住我以為醫生係8:30可以有得睇，所以當我係8:45落去的時候，個護士竟然話我知要排到10:30先到我，咁我惟有唔睇啦，因為冇那那又浪費時間去等，之後食完早餐就返公司。 最後我捱到夜晚就去了睇醫生，仲要比個醫生嚇我話好危險喎，你要隔離7日tim喎，不過好彩你冇發燒姐。就係咁我又唔見左300蚊。 回到家食完藥就訓覺lu。我的生日就係咁過左啦，真係唔多開心呀。

>>July 25, 2005 at 10:24:21 AM GMT+8