2005 年 10 月 3 日 星期一 【晴】

■■■	祈禱會	■■■
星期二的祈禱會，子誠哥哥分享得好攪笑。 佢話保羅寫自己﹕我正在兩難之間，情願離世與基督同在，因為這是好得無比的。 咁子誠哥哥就話簡單講句，即係保羅想死羅。哈哈。 當子誠哥哥講佢親近主的時候，看到有隻雀仔飛過，咁佢就話，係主係萬世之前為我預備的，你睇下，隻雀仔的阿婆、的阿婆、的阿婆，生左佢阿媽、的阿媽、的阿媽，跟住再生阿女、阿女的阿女。到今日係你頭上飛過喎，就算呵舊屎落黎，你都抵啦。哈哈。 之後子誠哥哥話有時佢其實都好想唔出專心team或者聚會，所以有時打風遇到聚會，佢都會好開心的。如果打風的時候，佢會去睇下風同浪，有時都幾開心架。d風係咁吹，d雨係咁落。佢仲做埋動作。幾攪笑。 可能我星期二都有精神，所以都幾enjoy其中，再加上同大妹姐一齊祈禱。

>>October 6, 2005 at 10:17:06 AM GMT+8

2005 年 10 月 3 日 星期一 【晴】

■■■	主聽祈禱	■■■
1. 出到靈修team 上星期，全星期都全於芬迷狀態，竟然訓到8:15或者8:30先起身，返到公司都已經大約9:30。係全個星期都係咁喎。所以上星期冇出到靈修team。但係星期一果日好想出番，因為我自己都好想早上去親近神。對我來講，親近主係好舒服同暢快的時候，也令我身心得安息的時候，有時候都好想每日早起，但無奈只是身體有限，等我有復活的身體時，再早早起吧。 尋日我印象中仲係發緊夢的時候，夢到我食緊雞的時候，電話就響，因為我set左個手提鬧鐘，再加上我放係廳，所以一定要出去。就係咁我係6:45就起左身。跟住大約7:15出門口，出門口的時候，我同主講，我想架小巴有位呀，因為如果唔係，又要等到7:40先有車。去到感謝主呀，竟然架小巴仲有一個位喎。真係主聽我祈禱呀。 去到公園，得我一人，其實不是我獨自一人，還有主同阿爸，仲有聖靈tim，同埋好多晨運的阿伯。自己坐低的時候，望望天，想想主，心裡也覺舒暢不少。近期所發生的事，真係一鋪金過一鋪。令我整個人都沉靜了，有時候會想是自己的問題嗎?但我以往也是這樣，難道我有說錯嗎?為何往往都好似聽唔明白，原來與不同類型的b/s相處，對我來說也是一種難度，不是每種人都可以有同一種方法去溝通的。當我仲以為我已經可以關顧到身邊b/s的需要時，原來我只是剛剛起步。往往這些都會我令卻步，或者我真係唔係一個領導者，唔識得與人相處，唔識得關顧身邊人，唔識得去牧養。 但我仍然寶貴神講﹕ 14. 原來基督的愛激勵我們；因我們想，一人既替眾人死，眾人就都死了； 15. 並且他替眾人死，是叫那些活著的人不再為自己活，乃為替他們死而復活的主活。 16. 所以，我們從今以後，不憑著外貌（原文是肉體；本節同）認人了。雖然憑著外貌認過基督，如今卻不再這樣認他了。 17. 若有人在基督裡，他就是新造的人，舊事已過，都變成新的了。 當尋日親近主時，體會親近主的快樂。近期睇研經的書時，內裡有句說話幾好﹕出靈修team不要因為責任而出，而係因為你比主的吸引而出。靈修team都不是因為主命令我地出而出，而係你應該有一個渴慕經歷祂而出。 就像尋日睇的一段聖經﹕ 又對他們說：安息日是為人設立的，人不是為安息日設立的。 2. 已book到機票去南洋大團聚 早前已想去南洋大團聚，一來可以休息下，二來好想探下當地的b/s。星期日晚，竟然收到群英姐的長途，起初我以為係慧英，但聽落又唔係，之後群英姐講自己係曾太祖喎，我先記起，因為曾太祖的花名，係我地幫佢改架。同佢傾的時候，惠玲又咁q打電話黎，真係感謝主呀。我嘗試用我的手提傾3 lines，係第一次咋。又感謝主，用到喎。佢叫我地早一日過去，陪下佢，起初我冇諗住架，因為23號去，已經要請2日假架啦，點知講講下，佢又話帶去邊，又帶我地去邊，攪到我心郁郁tim。之後因為長途，冇再傾，但個人好似已經飛左過去咁。之後再同惠玲傾，傾點數，如果大家都冇問題，就係22/12過，27返。咁就請3日假。 星期一，講比文瑤聽我地的決定，因為佢會同我地一齊去，一齊去馬六甲，但佢會遲d先返。佢都ok埋。咁同時間，wendy話海外部通知她機票已加價，咁那一刻即刻要book機票啦。之後珮珊又話要諗多2日喎。果一刻真係唔多開心，明明一早講好的嗎。但跟住又話去，又話唔去，跟住佢竟然話有文瑤陪我，冇問題啦。真係吹漲呀。明明我約佢先，同我文瑤都唔係咁熟，文瑤都係後來先叫佢去的，今日竟然話有文瑤陪我喎。如果唔想去，就應該一早出聲。不過我知佢有難處的，但都要早D講好呀麻。之後同惠玲傾的時候，佢話我知佢請到假啦。真係感謝主呀。主知我一定要有人陪我先放心，我都有為這事祈禱的。感謝主又聽了我的祈禱。 尋日終於攪完一輪之後，我親LUNCH TIME，同亞姐講我12月份請假，其實我冇諗佢唔比，不過我未同佢講姐。一講佢就OK，哈哈。真係感恩呀。 我對這次短假期的外出，都有期望。就係期望能經歷神更多。體會神同B/S更多。休息更多(不過我估未必多時間休息)。 願主大大保守同聽我祈禱。

>>October 5, 2005 at 3:18:52 AM GMT+8

2005 年 9 月 28 日 星期三 【晴】

■■■	冒險幫慧英泊水	■■■
尋日收到敏萍姐的電話，佢話下星期有姊妹去溫哥華，如果要帶錢比佢的話，就要係星期四小組的時候比佢，因為佢要轉交啟明，再由啟明轉交比果個姊妹，但因為敏萍姐同啟明10月1-2日要返大陸，所以我一定要係星期四比錢佢帶走。 但我搵慧英的時候，佢又冇聽電話，咁即係我唔知唔要我帶幾多錢比佢，所以我估佢之前話我知佢要1500-2000蚊加紙，我就以lee個為大約啦，咁我即刻打電話比以前同事，佢老公係廖創興做，可以對高d啦，點知佢話如果搵佢對，佢唔可以即刻比到d錢我，咁即係我唔可以搵佢，咁我惟有打去中銀、交通同匯豐check對匯價啦。check完發現中銀係對得最多，咁我跟住就去call附近銀行，睇下有冇得換，點知間間都冇得換，如果真係要換，就要去深水步，仲要我係1:00前到喎，咁打去交通又冇，原來唔係間間銀行都有得換加紙。最後問到匯豐有得換，咁就即刻落街去銀行，因為匯豐不嬲都係最多人排，我已經係12:00到銀行，但都要等45分鐘。 同一時間，因為尋日亞姐唔係度，我幫會長整左份通告，會計打比我知，會長打電話黎搵我呀。咁會計就話佢知﹕我有事，落左街。我最後都冇搵番會長，我估係會長心裡邊，我地秘書處d人成日周圍走。 最後我都係換左1000加紙佢慧英，因為同敏萍姐商量完之後，我估都有機會可以再託姊妹帶過去。之後，因為敏萍話可以帶多d羊毛底衫過去，原本我諗住問佢屋企人拎，但又諗過，如果話比佢知只可以帶一件底衫比你阿女，又好似講到教會d人好少家咁。咁所以最後都係放左工之後，去旺角買，原來一件polar-therm係好貴架。因為我特登check過super warm好d還是其他好d，最後都係買左polar-therm，希望真係得架啦。 原本諗住買多小小野，但敏萍姐話唔好比大件個姊妹拎，佢會唔帶去架。所以我返到屋企就要將係底衫同d錢同封信一齊包好，越細越好。 慧英﹕希望真係幫到你啦。件衫用凍水洗就得架。(唔好用溫水/熱水，唔好用衣物柔順濟呀)會縮水架。仲有呀，d錢記得返來的時候，比返我呀。我好窮架。而家等錢開飯呀。

>>September 29, 2005 at 6:18:09 AM GMT+8

2005 年 9 月 21 日 星期三 【晴】

■■■	幫阿歡慶祝生日	■■■
星期四，我地去幫阿歡慶祝生日，原本諗住去觀塘食飯，但因為我地信唔過觀塘廣場同d弟兄意見，所以最後轉左去鑽石山食扒。 去到餐廳，啟賢已經問食乜好，跟住就講一大堆超貴的野食，又話田螺、又話銀雪魚，跟住又話食沙律先，咁我問點解咁豪呀，阿招就話﹕佢請呀麻。跟住我地大家就係咁話，啟賢請客呀，由於珮思遲黎，所以佢一黎到，就問食乜，跟住我地話今餐啟賢請呀。跟住珮思就話﹕多謝啟賢呀。但啟賢話一定要叫飯先得，因為個餐可以配意粉、沙律或飯。咁珮思就係叫飯喎。跟住之後到叫野飲的時候，珮思就真係去問啟賢可唔可以叫特飲，因為特飲加2蚊，啟賢就話你鍾意啦。最後啟賢話佢冇講過佢請食飯喎，只係我地問佢野，佢答咋。每人仲要收80蚊TIM呀。(星期六先知佢收多我地10蚊，不過佢都肯比番我地)。 中間食飯的時候，我地係度討論慧英，因為慧英話冇帶冬天衫去，咁啟賢叫我地寄過去，不過我地話寄野會好貴，之後，我地叫啟賢，不如你買張機票飛過去啦。跟住又話慧英冇錢，咁我地同珮思講慧英冇錢喎，點算好呀。珮思竟然話﹕咁呀.....要搵邦文啦。邦文好快借到錢架。笑死咁濟，我地又係話搵啟賢做借貸人，借左佢還。

>>September 29, 2005 at 9:00:09 AM GMT+8

2005 年 9 月 20 日 星期二 【晴】

something wrong of me?

i feel so boring of that period, when i on meeting with b/s, whem i join the bread-broken meeting, i also feel tired and not enioy on it. What happen on me?

I still have meeting on the same time, but my heart and spirit can't enjoy on it. I want to find the solution and i also want to find out what happen on me?

i have my expectation, i have my dream, i have my hope and mind. But i don't affect by that. Maybe i need to take a rest, maybe i need to leave me alone with GOD. Maybe i need to share with b/s.

Anybody here? Can you hear me. When i thought on yesterday, i received a call from one sister. HA. God hear my voice, and he find an respresentative to me. So happy when talk to her, so happy when say everything.

I hope i will be great on coming. Also i can face my future with God and b/s. I decided to take a rest on coming Chirstmas, so long time later, but i can't leave my work on Oct and Nov, due to that time is so so so busy, i feel happy i will go to Mayls. wiith sisters. HA HA.

>>September 27, 2005 at 9:30:45 AM GMT+8