2005 年 10 月 16 日 星期日 【晴】

■■■	超忙的日子	■■■
而家開始好忙啦，因為黎緊有多個接待單位，亞姐又要去澳門。 21-22，澳門團，參加兩岸青年企業家論壇 24/10，中央統戰部接待 25/10，內蒙古海聯會到訪 27/10，中央統戰部歡送宴 31/10，開例會 7/11，AGM 30/11，就職典禮 11月中仲要開多幾次會TIM，D會議紀錄堆到整個山咁高都未寫。

>>October 18, 2005 at 6:38:00 AM GMT+8

2005 年 10 月 15 日 星期六 【晴】

■■■	星期日	■■■
星期日去了朱記親近主，同慧珊、碧茹一齊安靜的時候，心裡好想大家去思想我地應該如何去跟隨主。大家信主已一段日子，心裡渴慕一同更新。 走天路都艱難同辛苦的。但保羅哥哥講﹕ 我們這至暫至輕的苦楚，要為我們成就極重無比、永遠的榮耀。 我想，現在的苦楚若比起將來要顯於我們的榮耀就不足介意了。

>>October 19, 2005 at 6:07:20 AM GMT+8

2005 年 10 月 14 日 星期五 【晴】

■■■	聽少薇姐的分享	■■■
星期六的初信聚會中，聽少薇姐講有關燦爛永恒時，心裡好體會她所講，今生是我地training的日子，我地得到幾多、教到幾多，就決定我地永恒教導子民時所供應的有幾多。少薇姐又講﹕如你被永恒的事所吸引時，你會覺得你今生好短暫、人生活在地上的年日短少得好緊要，因為當你與永恒比較的時候。同時，你今生所勞碌的，一定是要為永恒，如果唔係，就係白費。例如﹕你的沙紙、你的文憑、你的物業、你所以為擁有的一切。因為聖經講﹕天地都會費去、有形質的都要消化。咁你能留低的究竟會係d咩呢?可能只有你的記憶。

>>October 20, 2005 at 5:03:12 AM GMT+8

2005 年 10 月 12 日 星期三 【晴】

■■■	愛心步行日	■■■
星期二的愛心步行日，我地團做左工作人員，8:30係美孚地鐵站等。真係早得要命呀。8:30要到，咁即係7:30要出門口。我約左碧茹7:50一齊搭地鐵，去到剛剛好，因為今年我地有制服著，所以好容易就認得b/s啦。 搭搭下地鐵，竟然有一姊妹走過來say hi。咁我就諗﹕你唔通熱情得咁緊要想識我地。點知，原來唔係，那姊妹原來是想問我借電話打咋。我迫於無奈地借比佢。去到美孚已經見到麗香同敏萍姐，跟住等等下人就等齊啦。最攪笑係同樂恩講，叫佢玩短跑，我提議佢不如去ok拎一樣野，跟住就轉頭跑，跟住睇下果個人追唔追到佢。之後樂恩話不如玩4x4接力啦，我話都好喎，第一棒的拎一樣，跟住比第2個，而最後的那一個就跑返屋企。笑到樂恩死咁濟。 之後，我地比安排一個全晒的位置，四面都係晒，起初自己都覺得ok，但當d人開始行的時候，個個b/s都問我﹕點解咁晒都唔擔遮呀?點解安排企lee度呀?真係辛苦你地啦。真係寶貴啦。等等的說話時，我先發現我地位置真係好晒，晒到條頸有d痛tim。果一刻即刻走埋一邊(其實邊一面都係晒)。跟住就去搵碧茹佢地，期望找人傾下計，期望冇咁晒。 晒到12:30，我見d人都差不多，就叫收隊，坐低的時候，真係攰到死呀，足足晒足2.5小時，足足企足2.5小時(冇位可坐)。下年都係唔好預我做工作人員。 之後去到大家樂，其實只係坐係度，冇胃口食野，不過見咁多人等位，所以都叫左個飯食，樂恩好勁呀，食晒碟飯喎。跟住我地就走啦，因為太疲倦了。 回到家，休息左一陣，跟住就沖涼，好舒服呀。9:30就訓著了。

>>October 18, 2005 at 5:21:52 AM GMT+8

2005 年 10 月 10 日 星期一 【晴】

■■■	南洋祈禱會	■■■
星期一晚，我同亞珮去了葵芳的南洋祈禱會，一黎要交錢買機票，2來聽下d人分享。其實比較怕同d陌生人一齊傾計，就算b/s都係咁話。 不過可以大家都去過南洋，大家都有負擔，所以講起來特別容易投入其中，也身同感受。另外，當聽見阿爸阿媽的消息時，心裡真係有一陣心酸的感覺，真係冇人得咁緊要，由朝到晚都冇機會食過野，由5:00凌晨踩到晚上祈禱會完的時間。真係鐵人咩，再加上阿爸的腎病，b女的年幼，阿爸阿媽真係要休息架。咁捱法，命都冇啦，真係想早日見主咩。 最後大家都有分組祈禱，祈禱裡面，渴慕安邦家、新山等地大大經歷神的作為。使同工們有方向。 最後同joan同楊志偉一齊走，走的時候，又碰到亞珮同文瑤，因為佢地明明話搭38號，不過最後都係搭地鐵走，真係感謝主啦，因為我係想多d人一齊可以傾下計。 聖安當出品，必屬佳品。真係有料到架我地，joan剛去左馬來西亞事奉3個月，我同亞珮就12月去。寶貴能一同事奉主。

>>October 14, 2005 at 8:49:27 AM GMT+8

2005 年 10 月 9 日 星期日 【晴】

■■■	受浸慶祝會+生日會	■■■
星期日係麗恩的受浸，再加上幫曉琳同芬芬慶祝生日的大日子。心裡寶貴又有一姊妹公開見証主。 由於星期日我地準時完聚會，所以1:00就準時食飯。之後因為有好多時間多左，所以轉左去3c，有人傾計，有人玩牌，有人玩uno，都唔係好明，可以玩極都玩唔悶的橋牌，又有人係度自拍，又唔係好明，自拍好好玩架咩?我就冇玩呀，因為想幫下倩盈同慧珊夾下d遊戲。又有機會同倩盈傾下計，其實佢都幾大壓力，名校即係名校，求主使她擔子輕省，也有個倚靠主的心。 之後師姐就話差唔多啦，可以落去啦。點知轉個頭又話唔洗住，原來冇人開水、冇人開始、間房都係冇人。一問之下，原來預備的b/s唔記得左，最攪笑的係2個弟兄話自己唔係唔記得，係遲左姐，大佬，2:30都冇人開水，仲話唔記得，仲遲話自己遲到喎。之後問佢地唱咩歌啦，對答仲攪笑﹕ 師姐﹕咁你地諗住唱咩歌呀 弟兄﹕受浸都係果首啦 師姐﹕咁即係邊首呀 弟兄﹕傳統果首羅 師姐﹕乜我地有傳統受浸歌架咩 弟兄﹕係呀 師姐﹕咁唱黎聽下 弟兄﹕.........我唔係好記得，等一陣你就知 師姐﹕咁你米唔好揀果首啦，橫點你都唔記得 弟兄﹕傳統ge我地唔可以破壞 師姐﹕下.......一定只可以唱果首架咋 弟兄﹕......................(不停笑) 終於等到缸水滿啦，但原來都搵唔到施浸的弟兄，最後大妹姐搵到個弟兄(天柱)幫手。佢真係好人啦，因為佢係冇帶衫同褲，最後要搵人借條波褲比佢換tim。 之後我地就開始我地的慶祝會，一黎的自我介紹已經超攪笑，個個都叫自己msn的名，當到麗恩姑媽的時候，佢竟然話自己係怪獸。笑爆咁濟。 玩的遊戲又好玩，真係辛苦了慧珊同倩盈的預備。有d我都冇玩過。果然有潛質呀。中間仲有珮詩的太陽伯伯歌，又一新傑作。之後食埋蛋糕就完了。 之後我送曉琳走，我真係寶貴有這妹妹在我身邊，看著她長大，也令我安慰。最驚的是，佢竟然記得我第一次同佢親近主時睇咩聖經、我點解要揀果篇聖經同我講過d咩野、我上年送咩生日禮物比佢同用咩信紙寫信比佢、01年出外前最後一次見佢係幾時等。我估我真係死而無憾。哈哈。 但我寶貴能與她一同成長，也體會在妹妹身上的功夫是不會徒然的。這是曉琳同我講架喎。哈哈。另外，果日令我開心的是﹕雅婷都留低左，雖然講走好多次，雖然唔係我要求佢留低，但佢都有留低，仲玩左一陣先走。心裡體會好似好耐冇同佢一齊係星期日聚會過，仲記起曾經一齊係星期日親近主的日子，唔知幾時先可以再一齊親近主?但我果日就算沒有去開家服侍會，我都覺得值得，起碼能有一段時間與她們一齊。今後就要同其他團夾啦，可以只有這星期是單單得我地聚會咋，之後就好多人一齊lu。

>>October 13, 2005 at 6:40:20 AM GMT+8