2003 年 11 月 25 日 星期二 【晴】

又去見工.....
因為番唔到屋企要野..
所以....完全失敗....
雖然d表現好似都唔錯
都係冇用.....
番去仲要俾阿爸阿媽話我粗心大意
灰....

勁唔開心既後果,就係勁冇mood
冇mood到連學都唔番
今次係我第一次唔番學,anyway,個phy阿sir講野咁唔掂,聽唔聽都罷...
出去散左一輪心,總算好番d
(雖然連地鐵都搭錯幾次)

最近既生活好適應唔到
原來,做人真係幾辛苦...

>>November 26, 2003 at 6:56:50 PM GMT+8

2003 年 11 月 24 日 星期一 【晴】

今晚打左俾gillian
本來諗住同佢攪番好d關係
點知又為左d白痴野嘈左成晚
吵到冇friend做咁
其實我都係見佢待人唔係咁得,想講講佢知je....
唉,算吧la,既然佢d道理我又聽唔明
我果d所謂既"道理"佢又話打橫來講
咁咪算law,大家都唔好左住大家發達
(一早已經覺得gillian同B玲姐性格一樣,依家諗番,果然係.........)

唉,都係表姐對我好^^
不過琴日個日記好似搞到佢有d唔開心咁唷....
見到佢咁我都好hurt tim.......
唉...又好迷惘la.......

終於俾我揀好左大學d科lu
做左咁多日,終於搞好
真係得來不易唷
仲要好奇蹟地俾我搵到我上年jupas篇文
開心死
依d野,都係需要感恩既^^

諗番下,好似依家個人都係冇咩點變咁,又可以話變左好多
其實都唔知,我已經好盡力去做好每一件事嫁la....
但係都仲係成日俾人話咁.......
最近好憎人話我做錯野,但係又要話得冇point果樣
係又話你錯,唔係又話你錯
當我咩呀?你隻公仔呀?想點就點咁
真係覺得果d人好鬼過份
對於d唔努力做好自己既人,我覺得佢地冇資格去講論別人
(尤其是仲要打正所謂"真心話",其實係超級自我中心既說話)

從來都接受批評,不過,只限有用過腦既批評 ! ! !

>>November 25, 2003 at 8:14:36 PM GMT+8

2003 年 11 月 23 日 星期日 【颳風】

今日同個friend傾過計
不嬲大家都好friend好多野講咁
但係今日,大家都冇咩想講咁
亂咁講左幾句說話,就掛左線
因為咩?我都想知....
係因為我認識左佢既另一個friend?
係因為我同佢個friend太親密?
係因為佢想講我知其實佢都好寂寞,好想佢個friend陪時,但係個friend陪緊我?
係因為佢地有另一種關係又唔好意思俾我知?
好傷心,難道就係因為同佢個friend熟左,就要失去我依個friend?
一d都唔想,我兩個都唔想失去.......
兩個都係我既best friend,兩個我都唔想失去......
明明有問題,不讓我知,又蓋不過去.....
這樣,受苦的不只是他們倆,我也會是一樣.....................

表姐最近成日話我有太多說話唔應該講出口
但係,我真係唔知有d咩應該問,有d咩唔應該問....
大人既世界真係太煩la....
由上開星期四,到依家.....
已經太累了......
始終一個細路仔,永遠都追唔到大人們的思維同節奏
突然諗起"天黑黑"
我懷念過去單純美好的小幸福.......

最近既事夠曬煩,煩到我日日都冇心情讀書
我諗如果去到星期5仲係咁的話
我就日日唔開電腦同手提,日日自閉o係自修室度溫書算.....

今日既感覺係:完全俾人放棄
各人有各人行既路,我既路呢..?已經開始迷惑
冇人明白自己既辛酸,也冇人希望去聽
就算係表姐咁親....都好似有野唔講得咁.......
我相信,再係咁的話,我很快便會倒下來了......

>>November 24, 2003 at 7:18:04 PM GMT+8

2003 年 11 月 22 日 星期六 【微冷】

突然覺得緊張一個人係件好辛苦既事
要用好多心機
要諗好多野
要明白佢既需求
而最大既問題,係佢可能唔需要你既緊張~
所以,最近將所有野都睇得好淡好唔mind咁
未必係好事,不過好適合我^^"

讀書讀到已經係飽和既狀態
唔想俾自己玩,又溫唔入腦咁
結果,就係果日咩都做唔到
好想成日去自修室溫書,不過要有人陪先溫得長
我又開始迷失lu,今次似乎都幾大件事咁....

可能因為星四同d friend玩得太開心,玩到冇左個心溫書tim...
又要急起直追lu,得閒大家可以叫我唔好玩咁多,多d溫書^^"

投票日我有去投,不過d人總係唔理我
勁唔開心,最憎俾人當係細路哥(雖然我自問都ok似......)

開始對神有好多疑問
唔係話神,係話自己
好覺得自己仲係有好多罪咁
雖然表姐成日都話我係個好人
不過我都係覺得自己唔夠好.....
為左咩?因為對自己有左要求law

由八月到依家,都有成3個月lu
最辛苦既,唔係溫書讀書,係自己俾自己既"要求"
好似另外有個人勁痴線咁train自己咁...萬事都要自己做到perfect
好多人都叫過我唔好咁迫自己,但係我真係冇辦法....
除左咁之外,我諗唔到仲有咩方法可以令人對我另眼相看
仲有咩方法可以令人唔再講起我d唔好既性格
太多太多的辛酸,只有自己一個人知.............

前一陣子,覺得終於見到好多friend都好支持我,care我,緊張我
依家覺得...friend既支持...多極....都唔夠壓力大
講實在,多得有神,作我最後的防線,唔係的話,我已經傻左^^"
最近覺得身邊有d人,打住仁義的旗號,去講論別人的失敗和不好,
其實我覺得佢地自己仲不齒,有咩資格話人.........
聽完果d野,會好唔開心,但係....都係冇出聲
始終,人人都有說話的權利
我既權利,只係可以關埋耳仔咁多................

>>November 23, 2003 at 7:42:32 PM GMT+8

2003 年 11 月 21 日 星期五 【雷雨】

個網俾人炸左咁
仲以為d心血日記會從此冇曬tim...
好感恩,居然好亂打亂撞咁俾我搵得番曬^^"
好開心....

冇寫日記既依幾曰
發生左好多事
識左好多人la,馬會又請左我,俾我train la
突然間見到另一個世界,
又睇番自己,真係成個細路仔咁

o係依個咁古怪既世界裏面,真係咩都要面對
唔係只係話人地壞and then就只活o係自己既天地中
如果係咁,遲早會發覺自己其實係井底之蛙
好多野都想知,好多野都想學
有好的,也有不好的
但係我都係想知想明
我會依主的意思,明白邊d係應該學左之後做
邊d係學左就算,永遠唔做
我覺得...靠住主o係任何地方都活得出光芒,而唔係只躲在光芒中住
這才是生活!

知心既朋友真係唔易搵
有好多friend,識左好耐,都係冇用,交唔到心
反而有d人可以一見如故咁
萬事都要防人,好辛苦
所以我好鍾意教會,好舒服
但始終,都係要出去識人既^^"
唯有....帶眼識人la~
又或者,試下用自身去感動別人吧^^"

>>November 22, 2003 at 3:56:13 PM GMT+8

2003 年 11 月 17 日 星期一 【陰】

訓得4個鍾,今早8點就起身
9點多dd就去到大埔體育館
咁辛苦,都係為了報個政府搞既訓練班
今日係第一日開始報名
個course有20個位,d人居然可能o係兩個鍾(7:00-9:00am)搞到個couse差d full曬
真佩服佢地
好彩,最後我都報到,不枉我咁眼訓都走出去^^"

用盡一切方法,人事同時間,琴晚終於搵到馬會人事部個電話la
今日一早就打去應徵,仲book左時間地點去interview
真係好鬼開心ga唷,不過又有d怕咁^^"
anyway,interview盡力la~

下午o係屋企冇咩做,文青姐icq我wor
就同佢chat左都ok耐
and then唔知講開d咩,我地就無端端咁變左兩姐弟la^^"
可能因為佢覺得我似細路,我覺得佢似家姐feel掛
唔知呢,不過,都係真係好開心既
多個人錫wor,唔開心就假既^^

今日幫sabrina搞生日,都幾開心既
不過第2堂時,文珊姐走左去同zoe佢地坐
搞到sabrina好似好孤單咁
我覺得我地唔應該咁樣對一個生日既人law(俾我會有d hurt law^^")
有諗過去陪佢坐,不過...
一來,已經上緊堂,阿sir又講緊書lu
二來,咁坐過去......一定又俾人話我暗戀sabrina^^"
所以呢,我都係咩都冇做既
只係有d替佢不值je^^"""""

由學校行番屋企,行過南盛街,又諗番起從前好多既往事.....
突然見到大小姐行過,再走近d睇,先知認錯人
諗番又係依條街,幾多既回憶都o係依度
點洗都洗唔走
究竟我係因為太累眼花而認錯,定係心中認定依條街要見到某一個人呢?
.............搞唔清楚
只係知道,人係要只前看的,也都只可以向前看.............

>>November 18, 2003 at 6:14:39 PM GMT+8

2003 年 11 月 15 日 星期六 【晴】

今日好辛苦先頂得住眼訓,番到崇拜
我都唔知力量出知邊,只係一個下意識想番去
今日見吳先生,佢講得好嚴重咁
有d驚,唔知d同工們會唔會有咩事tim ga......
都係多d祈禱幫幫手

今日又冇得練鋼琴la....
再係咁我就會死ga la.......
cici話我彈琴彈得太緊張wor
我都唔想的...不過我真係唔想俾自己輸
好下意識咁迫自己,愈練愈衰.....><"
唉....算la....生死有命......

最近見到身邊有個friend好唔開心咁
我又好似咩都幫唔到佢咁....都幾無奈
見到佢咁唔開心,我就會諗起自己
其實我依家個situation同佢都有d似
我自問依家都忍得住
所以呢,希望你都加油la^^

>>November 16, 2003 at 5:16:50 PM GMT+8

2003 年 11 月 14 日 星期五 【微冷】

第一次番遵理補phy
個阿sir,都ok既,講得都好明
總算冇白費金錢咁啦~

番到教會,總係可以放下心頭大石
雖然o係教會都會有教會既煩惱,但係都好過o係出面好多ga la
今日d遊戲都好好玩丫~
仲好意外咁俾我識到阿青姐
我覺得同佢好好傾
雖然第一次講野,不過我信我會同佢講得多野個教會既任何一個人
由覺得自己大個仔之後,好耐都冇試過同人講野全無戒心lu~
同佢講野個feel好special,好舒服,好似咩都講得咁
我諗依個都係神的心意,俾我識多個人^^

練琴果度,真係0進展咁......
練左好耐,都係唔滿意...
係cici(我個琴老師)唔滿意,我自己都唔滿意,阿kay得話我唔係好得
雖然有好多人都話我彈得好,不過我都係覺得自己好唔ok
d大細聲做得太差la><"
同一首歌練左3個星期,我已經可能一路訓覺一路彈首歌出來....
都係做唔好.........
唉.....真係低估左鋼琴既難度la...../_\

頭先好難得咁見到阿糖on,同佢chat左兩句
我發覺自己又學識多d去祝福人(以前我唔識的)
都叫係好事來的,但係.....
與其咁講....不如話我對所有事都睇化曬...
咁會貼切d~

>>November 15, 2003 at 6:44:04 PM GMT+8

2003 年 11 月 13 日 星期四 【颳風】

我都好耐冇試過咁嬲咁興lu~
對住d friend,平時我自問都叫control到自己既情緒(以前既事唔講)
不過今日真係有d好想發脾4既衝動

琴晚俾人話完我好唔去唱k
我已經好好聲氣咁話去算
今日又有人突然話唔知去唔去好
果個人仲要係琴日話我果個wor
今日結果得3個人去唱lunch k
而且差唔多係我全程唱曬咁
第4個人1:30先來到
遲真係唔係問題,問題係佢居然自己走埋一角
又唔理人又唔唱
走去做功課\"/
我覺得ok過份law

之後番到去學校打3人籃球
我對果隊有個人超奸
搶板時成個人飛埋來
我俾佢打中左勁多次,推跌左勁多次law
就係因為佢,我右手整到,條肋骨痛痛地(佢上籃簡直係打人咁= =")
個pat pat仲好鬼痛,因為俾佢推開,成個人坐左落地整到的....
佢仲要超冇品,次次就出界都拋落人地隻腳度彈出wor
大家都係玩下je,洗唔洗咁?
anyway,我地輸左
不過我唔係因為輸而嬲,係因為見到個咁冇品既人而嬲law
依家我重周身痛arT_T
唉.....

>>November 14, 2003 at 4:51:02 PM GMT+8

2003 年 11 月 12 日 星期三 【晴】

今日睇新聞先知
原來今晚有獅子座流星兩
我真係好想好想好想好想睇ar/.\
由細到大,我都好好好希望去睇一次星
我好鍾意滿天星星既感覺,就算係得好少星
我都會覺得好幸福的
流星?一次都冇見過
下一次獅子座流星雨就要30年之後la.....
果陣,我都就到50歲lu
.....................................................
算la算la><"
唔鬼講la...

今日番到學校,見人練波就去"痴"波打
2對2,覺得果3個人都唔係好勁咁
我諗我地今次有機win咁wor

最近鍾意o係個info度作詩= ="""
寫埋好多古怪的東西
果d野,都可以叫隨筆,又可以叫心境既~

唉....都係阿強哥講得o岩
repeat既人,都係唔好咁多野煩la....
唔係好易死...

>>November 13, 2003 at 5:13:06 PM GMT+8