2004 年 3 月 5 日 星期五 【微冷】

琴晚最後成4點先訓著，今朝較左鬧鐘十一點起身，但最後十二點先起身．．．起左身兩老都未番，之後就洗頭打左一陣機，琴晚沖涼時發覺兩邊０的頭髮好似長左０的，自己就剪左０的．．沖沖０下涼阿根打番離問我食唔食０野，於是就叫佢買左個脆辣雞腿包餐．

食完之後準備出去溫書，照鏡時又見到０的鬚開始出番離，不過都冇理會．．諗出門口時睇體育世界，播番學界精英賽０的重溫．．．去到自修室，兩點五十分，寫名時見到ｊｕｎｅ都係早我一分鐘到，跟住去痾尿，就見到佢坐正係門口．．．於是就坐左係佢隔離，但係我覺得好迫，張台又細，都唔明做咩要搵個咁０既位坐．．．之後我溫政度史，唔知點解總係覺得中史會死亡，反而文學就有信心０的．．．

溫到五點鐘，出左去買０野食，見到阿ｂｉ係個凹位到同兩條女唔知做緊咩．．去左街市買豬腸粉，條仆街老闆娘叫佢落多０的豉油，係到９串，話咁多唔好食！！之後坐左係五人場到食，見到有人踢波，係到恰其中一個人，當中有一個人俾佢班ｆｒｉｅｎｄ迫做籠門，然後有個肥仔係咁射佢，當佢箭靶咁，越射越前，射到佢係咁擋，最後仲一０野射左落塊面到，好鬼陰公．．．．．．．．．

之後芳芳打來，話ｊｅｒｒｙ失左踪，成日唔見人，電話又唔通，於是我已經估到佢係到著草唔番大陸，最後果然俾我估中左．．．之後六點鐘番入去，係門口都仲見到阿ｂｉ企係到．．．之後入去溫書．．．期間ｊｕｎｅ行左入屎格到講電話，佢一廂情願咁以為係屎格就等於離開左自修室，結果肆無忌憚咁係到傾電話，係人都聽到．．．跟住西冧溫到七點走人．．去左馬會．

由於今日跑馬，好撚多人，行左去上水廣場到睇左一陣鞋，跟住見到ｊｅｒｒｙ．．一齊去左馬會，佢幫人買左成幾百蚊六合彩．．．由於馬會都仲係好多人，我集中唔到分析，於是就番屋企先．．．由於我有渣車，所以要行第二條路，行到去７仔，佢條仆街話請我食燒賣，原來自己走左去買杜雷斯超潤滑三片裝安全套．．．．．

番到屋企鬼影都冇．．．人片死寂．．．老兩又死左出去蒲，黃煒烈又唔番離訓，我好寂寞咁同黑炭相依為命．．．跟住我係到吹口水波，黑炭好大反應，係咁飛撲０的口水波，攪到成地都有０的口水．．

到差唔多十點，兩老回來，問佢地拎左＄４０，就出左去食飯，先去馬會買左＄４０．．．跟住就坐底左一陣，西冧文就打離話我知戰況，我條５０１倍３串１買左唔夠１５分鐘就同我講冇撚左，仆街！！！之後食左個好辣０既飯！！食到半路，祥根離埋．．．佢話送條ｃｋ底褲俾我，問我要咩色．．．邊有人送禮物俾人會講明俾人知咁冇情趣嫁．．

跟住番左彩園村，係到玩ｔｒｕｔｈ　ｏｒ　ｄａｒｅ，開頭個個係到扮狼話ｔｒｕｔｈ，之後問左０的尷尬問題就驚死，我俾人罰左做側手翻，痾尿，同埋扮華英雄係到講：「我命犯天煞孤星，無伴終老，孤獨一生」，要認真扮，唔准笑，背住身，跟住頭向下，雙手放係後面，忍笑忍撚到我死！！！ｊｅｒｒｙ俾我罰佢爬上個０野到，然後張開相手，大聲說：「芳芳，我愛你！」．．．祥根就唔知點解轉極都轉唔到佢，剩係俾我罰左佢跑一個圈．．．

之後番屋企沖涼，上網朱朱ｓｅｎｄ左佢０既日記過來，係第一日寫的，佢０個個日記板好似靚過我０個個，見到佢０既文筆非常優美，好有內容，文以載道，文句又唔通俗，言有盡而意無窮．．．相比之下，我覺得自己好慚愧．．．．．．．．．．．．．．．．．．．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

郭靖又道：「我輩練功學武，所為何事？行俠仗義、濟人困厄固然乃是本份，但這只是俠之小者。江湖上所以尊稱我一聲『郭大俠』，實因敬我為國為民、奮不顧身的助守襄陽。然我才力有限，不能為民解困，實在愧當『大俠』兩字。你聰明智慧過我十倍 ，將來成就定然遠勝於我，這是不消說的。只盼你心頭牢牢記著『為國為民，俠之大者』這八個字，日後名揚天下，成為受萬民敬仰的真正大俠。」

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
．．．．．．．．．．．．．．『為國為民，俠之大者』．．．．．．．．．．．．．．．．

>>March 6, 2004 at 6:08:22 PM GMT+8

2004 年 3 月 4 日 星期四 【微冷】

果然，琴晚０個教訓得好安詳．．．精神好飽滿．．．不過原本今朝較左７點半起身，諗住溫書，但最後都係八點三先起身，今日又冇ｓｅｔ頭，因為考完番離諗住訓教，然後去補習．

今朝測文學史．．．好弊．．．剩係第一條答得晒全條，然後其他０個０的都係答得半條或者三份一，不過都盡力寫，但係睇離真係要攪一攪０的文學史，其實我有溫，不過唔係咁熟，時間唔係好夠，佢出０個０的其實我好多都溫過，不過唔係太記得！途中好鬼急尿，去左痾，跟住係到做左０的伸展動作，然後繼續測．測到尾聲我又係到計賠率，跟住大張行過來望實我，我一０的都唔驚佢．．測完之後我，ｊｏｈｎ，ｒａｙ同埋ｊｕｎｅ留左係課室傾左一０的投資０既秘訣，係黑板到計左好多數，最後得出一個結論！十一號就係我地試驗０既日子，今次就睇０下成唔成功！係我地討論０既過程當中，ａｌｌｅｎ一直都係到做緊０的唔知咩０野，我地０既計劃俾佢聽到晒．

番到屋企一點到，食完飯痾屎，今日唔知做咩鬼痾爛屎，水狀０既屎，我諗我攪肚痛．接著又拎張披去阿ｍａｙ張床到晒，點不知原來黑炭都係到晒緊太陽，個太陽去到邊佢就移去邊，攪到我張披有一忽晒唔到！！！之後小睡．．．原來就算係日頭，都會凍，我訓到好辛苦，好似露宿者咁，半睡半甦之際又急尿，不過都忍到四點先起身痾．．．

四點鐘起身沖涼，然後ｓｅｔ左個靚頭，今日塊面好番好多了，可能係剃左鬚，剃走左０的死皮！！魅力度增加左廿點！！由於我要儲錢去訓身，所以我拎左兩個蛋糕同埋一支水去補習！
上到巴士見到吳健豪，今日又同佢一間ｒｏｏｍ，我同佢都幾有緣，但係好無奈地，同親去一齊都係做ｓｅｃｔｉｏｎ　ｃ，都唔緊要！最慘０既係次次都奶０野，難到仆街，成ｐａｒｔ閱讀理解唔識做，係到９撞！！下個禮拜要交補習費，不過只需＄３００，我諗住到時照問娘親拎＄６００，純利＄３００，加埋ｏｒａｌ０個度０既＄３００，即係我將會有＄６００額外收入！！！嘩哈哈！！！！！！！！！！！！！！！！！！！！！！！！！！！！！！！！

番到上水，先回家痾尿，阿ｍａｙ去左西貢ＢＢＱ！於是我同甘迺迪去左我們的茶餐廳，落街時收到科東妮０既ＭＥＳＳＡＧＥ，今次到佢查緊邊個留言俾佢，不過堅唔係我！！！！！！常餐Ｉ黑椒牛仔骨飯冇左！！食左個雜扒飯．．江師奶叫我地星期二去龍豐０個間西冧酒樓做唔知咩０野，３個幾鐘就有＄２００！！好似話咩拍賣珠寶，我地負責拎來拎去咁上下，話撚知做咩都好，３個幾鐘又有錢收又有飯食，殺！咁又多＄２００！！個天好似知道我急需金錢去投資落Ａ米身上，俾左好多機會我搵錢，到時我要將我畢生０既資產喪煲落去！！！！！！

食完飯係向左走向右走公園到閒談，剩係諗如果中左三千幾萬六合彩點用都而家講左成粒鐘！！每日唔知會有幾多個青少年係到發緊同一個夢呢？？傾傾０下發覺隔離個垃圾桶勁似渣古個頭！！一腳飛埋去點知好化學咁甩左．．．．之後係到扮拳霸，我都可以踢得好高，可以踢到差唔多我自己伸直隻手咁高，一路行番屋企，一路見樹葉就西冧咁踢，踢到好似有０的拉親條大脾根．．．．．．．．．．．．．．

差唔多一點先番到屋企，阿ＭＡＹ話去唱Ｋ唔番離訓，不過都冇所謂，係唔係到都係一９樣，聽日決定坤佢去唱Ｋ叫佢俾錢，反正考完ＭＯＣＫ佢再冇籍口唔俾，嘿嘿嘿嘿．．．．．．
不過聽日都要去溫習，因為我唔想咁快死亡．．．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

一個人在家看電視並不算寂寞，蒼白地坐在話不投機人群之中， 才真正淒清。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

>>March 5, 2004 at 7:41:47 PM GMT+8

2004 年 3 月 3 日 星期三 【微冷】

今朝起身，我都係訓得唔好，成個人都好似冇訓過咁．．．我終於知道原因．．．原來因為呢兩日天氣轉涼，我張披冇加厚到，攪到我唔夠暖，所以一起身就即刻搵多張披出離，廢時今晚又唔記得！！！！原來呢種感覺係唔夠暖，唔怪得知我呢兩晚訓０既時候都寒寒地，我仲以為係．．．．．．．．．．．．．．．．．．．．．．．．．起左身，今日我有剃鬚，因為我已經同ｂｅｇｇｅｒ無異，我仲梳洗乾淨，ｓｅｔ埋個頭咁番學，不過我塊面都係仲未好番．．

番到學校差唔多夠鐘，不過我都仲係斯斯然，因為今日測ｇｐａ，我抱住必死０既心態　行入課室．．．我原本以為係測個半鐘．．．點知原來又係三個鐘．．．．開始左唔夠半個鐘，檸檬魚行左去我後面拍條友起身，原來自修室王子已經ＫＯ左．．由於我坐係最前，處於被人監視０既位置，我完全睇唔到後面０既情況，我剩係知阿斯係我隔離揭左幾０下紙，我仲寫緊第一頁．．仲記得琴日測文學，我明明快過佢揭第一版紙咁多．．．．但係我依然係冇訓到教，而且由頭做到尾．．．因為．．．．．．．．．我將書寫０既時間縮少，原本用一個鐘就寫完０既０野，我寫左兩個鐘．．．全份卷只係寫左６至７版．．．ＳＨＩＴ！！！！！！！！係考到尾聲，我已經放棄左，跟住係到計緊０的賠率，俾我諗到條發達之路．．於是一考完就同六月商量，笑到見牙唔眼牙！～之後肥州都加盟！

番到屋企，冇人煮飯，我自己煮左個日式餃子公仔面．之後六月打來，原來頭先計錯左０的０野，攪到空歡喜，不過之後我地又慢慢改進，最後都俾我地攪掂．．．３點幾，梅度上左離玩，我地將黑炭放係張披到然後拋佢，不過最後俾佢走甩左．．．個幾鐘之後，我去左自修室溫習，我冇換衫，因為我一廂情願咁以為會專心０的．．．誰不知．．．．．

去到溫書，肚仔痛．．．溫唔到，精神好疲乏，傻０下傻０下一個鐘後，出左去出見面打俾六月，我知佢係自修室，但我估唔到佢係到訓緊教．．．．．．同佢去左７仔買０野０飲，途中見到一個黑人，原來係ＬＵＧＥ，我相約左佢星期一去我屋企撕皮，因為唔洗番學，我就要睇０下佢０既遠射勁，定係我盤扭醒！！！！！！跟住係出面坐係到傾談，越傾越起勁，兩條友對住０的數字都可以笑到失常！！傾左好撚耐先番入去．．．入到去一齊去痾尿．．一開門就見到女ＪＯＥ！

番左入去一陣就執０野走人，因為我知道我將會死亡．．．番到屋企就即刻休息，因為我就離崩潰．．．之後沖涼時侯，阿ＭＡＹ係到洗碗，同我爭水，攪到０的水時熱時凍，沖到好敏，一出離就同佢口戰一番！！之後嘗試溫習，但係唔得，溫溫０下睇到耀東哥，於是又睇左一陣，最後我決定絕聖去智，絕仁去義，十一點就提早上床訓教，係張床到聽嘩嘩嘩，聽聽０下就訓著左ＬＵ～～～～～～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

瘋癲人生聽知音，哪怕人生沒佳音？！？！？！？？！？！？！？！？？！？！？！？！？！
人笑我痴我自痴！我自瘋狂我自傻！ ！！！！！！！！！！！！！！！！！！！！！！！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

>>March 5, 2004 at 5:54:39 AM GMT+8

2004 年 3 月 2 日 星期二 【微冷】

你老味，今朝八點鐘，我老母冇啦啦叫我起身，問我洗唔洗番學，跟住我話唔洗．．
之後朦朦朧朧咁又其實唔係好知，於是就半睡半甦咁打俾肥文．．問佢洗唔洗番，佢
條仆街話要，話咩考ｍｏｃｋ，考ｇｐａ，我即刻成個人嚇左一跳，然後甦晒．．
跟住再問清楚０的，佢又狗唔搭八咁，係到問非所答，跟住大喝一聲：甦未呀你！
佢都仲係問非所答，最後佢隱約間話唔洗番．．原來佢仲未起身，但係把聲勁清甦．

可能因為朝早０既一嚇，攪到今日個人唔係咁妥，有０的唔舒服，但係又講唔出係咩，
琴晚成晚都訓得唔好，半睡半甦咁．．今朝差唔多一點先起身，起左身唔夠一分鐘就有人
打來，時間較得０岩０岩好．．跟住食完飯，ｋｅｎｎｅｄｙ又輸左＄１００，我諗下次
買佢對家會有著數．．．諗住溫書，但係完全係唔掂當，我支持唔到，但係又唔知係咩事．．
嘗試打陣ｗｉｎｎｉｎｇ令自己頭腦可以靈活０的，但係唔得，仲俾電腦炒３球！！！！
之後食左成包大熱浪，較到個人仲唔妥，火氣上升．．．跟住差唔多六點鐘，諗住訓０下教，
訓甦會冇事，點知仲衰．．

夜晚原本阿ｍａｙ話打邊爐，但係突然之間屋企停水，於是佢地出左街食，我就自己係屋企
話溫書，但係始終唔得，睇離我將會死亡．．．九點鐘打俾肥文，佢問我今朝係咪打俾佢，原來佢真係唔清甦！！！跟住叫佢買左條波膽，今次應該會中的！！十點幾，食左我０既自愛福
建炒飯，然後扮溫多一陣書就訓教．．．夜晚問清楚人聽日洗唔洗番學，原來要測ｇｐａ，好彩問一問０者，仲諗住今晚半夜睇波ｔｉｍ！！！！！！！今晚都係早０的訓，聽日盡力溫得幾多得幾多啦。十二點絕溫ｉｃｑ，ｐｉａｎｏ話頭先沖沖０下涼冇水，原來係成座都冇，哈哈！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

船泊在避風港是最安全，但這不是造船的目的

>>March 3, 2004 at 4:05:13 PM GMT+8

2004 年 3 月 1 日 星期一 【微冷】

ｙｅａｈ！！！！！！今朝起身果然涼左，舒服好多！！琴晚最後都係冇溫到就訓教，養足精神緊要０的我覺得．．今朝冇ｓｅｔ頭，因為想快，又冇剃鬚，好似個ｂｅｇｇｅｒ咁．番學０既途中，條直路開滿左嘜撚０野楊啼甲，好靚，好似櫻花咁，象徵住春天０既來臨，但係偏偏今日又轉涼，吹波呀！！！

番到學校，今日係投票０既日子，但係我冇咩特別感覺，唔知點解總覺得會羸．．番到去測文學，諗住可以坐後０的冇咁大壓力，點不知坐滿晒人，好撚淤咁坐番原位，張西台都唔平行，係到發出０的滋擾０既聲音，令我有０的火起．．首先測三個鐘頭０既文學作文同埋賞析，呢份卷冇話識唔識，都係咁做，因為冇得溫．．．所以冇咁難捱，起碼唔洗承受釣魚之苦，釣魚真係好撚辛苦．．測測０下期間有人ｓｅｎｄ信息來，嚇撚到仆街，唔係驚佢響，而係個電話擺左係心口，震親！！．測完三個鐘之後，番屋企，肥州話中途訓左一陣，其實我開波時都有０的唔想做，不過適應左就冇事，之後去禮堂睇０下情況，但係班仆街扮認真唔俾我地入，阿ｂｉ好狼咁話睇到０的選票，好似有透視眼咁，又話七三，又話六四，好強．．．

番屋企時，有０的毛毛雨，不過影響唔到我０既駕駛技術．．番到屋企食完飯，係張床到諗住小睡，點知肥強打來，我叫佢還番隻ｘｐ俾我，佢係到扮傻，之後傾左半個鐘頭，期間我叫佢送Ａ米俾我，佢好幽默咁答應我，然後問番我要幾多斤．．．．．．．．．咁樣講一講，小睡０既時間已經過左，又要再番學校考埋０個三個鐘．．

番到去，入左禮堂，佢地話贏左，贏幾十票，即係險勝．．．頂你個肺，又話七三，六四．．等我咁鬼淡定，原來只係險勝，不過贏就係贏啦．．之後又番上去測文學課文問答．．正如我昨日想講，我唔希望我又要再講０個句說話．．．的確，我唔洗講，因為我識做！！其實如果俾我溫多一日，肯定仲勁，不過今日我只係唔識一條２分同埋一條６分，其餘都識晒．．我終於感覺得到，三個鐘並不漫長，原來只要識做，就唔會釣魚，唔會想訓教！！！所以我要繼續努力，因為文學史係一大難關，我唔希望要再受釣魚之苦！！！

測完已經係五點鐘．．．看見濛濛細雨，心中不禁泛起了一陣離愁別緒，六小時的長途戰已經結束，如釋重負．．但卻暗示真正的戰役正慢慢迫近，同時間懷有一份無形的壓力。　之後去左痾尿，再次贏左三條粉腸．跟住我戴左風縷頂帽，然後索實左，好似跳降落傘０的人咁，亦都好似一隻高飛狗！

番到屋企，放低０的０野又扮狼出左去溫書，不過先去會一會肥強，佢話賣部ｍｐ３俾我＄２００．１２８ｍｂ，中英文顯示，有錄音，有收音機，我接受左．．不過到時要ｃｈｅｃｋ清楚先，因為自從知道佢偷換電腦零件後，佢可信性大減！跟住ｋｉｎｄ左一陣，係順欣隔離間理髮店到捉左一陣棋就去左圖書館溫書．．一入到去第一個見到阿ｂｉ，跟住坐左係隔離，斜對面０個條女０的皮膚好撚白，白到好似鬼咁．．今日辛苦完六小時，好應該休息０下，唔好扮狼，我可以講一句，我係自修室呢２個幾３個鐘係發緊夢．．．期間又落左７仔食左個波仔飯．．．．

九點半，我頂唔順走左，去左理髮店，ｋｅｎｎｅｄｙ佢話幫我洗頭，我見累累地咁著數緊係好啦，點不知條撚樣完全係冇技術可言，只係一個初級學徒，仆街一開水熱撚死我，跟住又凍到仆街，沖水時又係咁沖入我隻耳仔到！！又唔識得托實人地個頭！！洗到我成個背脊濕撚晒！！之後ｍａｎｄｙ離洗，我問佢識唔識洗眼，佢係到話識！！！但係洗到我成塊面都濕晒！！如果我有一日去剪頭髮，有個咁０既人同我洗頭，我一定一個橫鞭鎚飛埋佢！！！！！
不過算，反正今日冇洗過頭，番到屋企可以唔洗洗．．之後諗住去搵ｃｈａｒｌｅｓ，佢今日要補習，約左係六樓後座等，但係偏偏係番天平杓０既途中見到佢同一個女仔單獨番屋企，呢個應該就係傳說中次次補完習都要人送０既「朋友」，佢唔知見唔見到我地，不過我地冇叫佢，因為佢到時肯定會變左做祥根．

十一點，去左馬會買左條２１０倍０既２串１波謄，中左請食飯，屌你老母，次次都係咁講！
之後番到屋企，ｋａｋａ賴勁咁去左堅堅到打邊爐，明知聽日要番學都攪０的咁０既０野，跟住沖完涼打俾佢，佢話好眼訓，我叫佢去訓．．．！！！！！佢真係去訓喎！！！！！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

你問我，一千個人住在一個地球上是否會很寂寞，我說，該好好地把寂寞藏在一個瓶子裡，免得被壞環境染污了。你問我，一個不碎的瓶是否也可以當作一個皮球來踢，我說，現在的腳都已經變為車輪了。

　　　　　　　　　　　　　　　　　　　　　　　　　　　　　　　－－　＜答問＞西西

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

>>March 2, 2004 at 5:16:25 PM GMT+8

2004 年 2 月 29 日 星期日 【陰晴不定】

今朝早起身唔係幾夠訓，起身開電腦，仆街．．．Ａ米又贏，有冇咁撚狼，仲諗住祖記可以追番近０的，不過唔緊要，下場再下場祖記主場迎戰Ａ米，到時一定會收佢皮！！原本諗住早０的番學睇宣傳，不過番到去已經講左，仲就離開考．．見到大張，佢話我冇相貼準考證，於是我就俾左我０個打唔見得光０既七頭相俾佢．．．．聽阿雞講左一大論廢話之後先開始。

首先考英文ｌｉｓｔｅｎｉｇ，當然唔易做，但係又未至於仆街０既，望合格都應該冇咩問題０既．．．考完之後就食蛋糕同埋飲奶奶．．然後坐左一陣，派左０的單張俾同學睇．．．跟住見到傲ｓｉｒ，佢問我最後一日番學係幾時，跟住我叫佢送禮物，佢答應左，我叫佢送件波衫俾我，佢話有一大班化骨龍要養，但據我所知佢得一粒女．．．聽日去扭０下潘潘買先，反正佢０的錢都洗唔晒嫁喇！！！！

跟住十點半考ＳＥＣＴＩＯＮ　Ｃ，唔係幾夠時間，雖然叫做做晒，但係俾多０的時間會做得好０的．．．測完之後就番屋企，前幾日去自修室時拍左朋友號係出面，出到離見佢濕晒，原來有人洗街，順便幫我洗埋車．．．．但係把鎖濕左生秀．．攪到壞壞地．．諗出門口時見到ＫＡＫＡ！！！！！！

番到屋企食叉雞飯，跟住聽到新聞講緊奧斯卡金象獎最佳男主角係－－－辛潘！！！！！即係噴飯，然後自己大笑！！！好頂隱啊！！！！！食完飯拎左張披同枕頭去晒太陽，我發覺由於我訓０既地方陰氣太盛，完全接觸唔到陽光，攪到好似有０野咬我咁．．．．之後去痾屎，由於今日冇次所水，所以我用花洒裝滿個水箱．我故意將個熱水爐較到最熱，跟於一沖！！成個馬桶係到霧煙！！好鬼過隱！！！！兩點鐘再番學校考文化鈴聽．．．考晒之後我地可以投票先，好白痴咁逐個逐個去投，我嘗試叫大張俾多幾張選票我，但係不得要領．．．

番到屋企，阿ｍａｙ係到洗次所，佢警告我，叫我痾完屎或尿都要沖水！！跟住係張床訓著左，冇枕頭訓教原來係好唔舒服，訓到差唔多６點，就去左自修室溫習．．好平淡咁去溫習，但係勁流鼻水，攪到成台都係雲吞！！九點鐘之後，我嘗試去圖書館，但係星期一休息．．．於是番屋企．．我記得琴日我係到發夢，話如果可以凍番就好喇，結果！！天文台話有寒流！！！呢幾日回凍番呀！！！好似發夢咁呀真係，超開心！！！！！
人地話物以類聚，我地剪親頭髮都係會奶０野的．．．ＫＡＫＡ話佢剪左個頭，經佢形容完之後我已經冇興趣去睇．．．０的陰又俾人剪到好短．．．我今次真係不咁想像．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

初戀是．．．心臟的第一次不規則跳動。

>>March 1, 2004 at 5:24:37 PM GMT+8

2004 年 2 月 28 日 星期六 【陰晴不定】

琴晚兩點幾就訓教，今朝履行左我０既承諾，九點半起身，但係今朝一起身個人唔知點解心情好差，問阿ｍａｙ拎錢，坤佢話唱ｋ，點知佢話考試唔俾．．．於是好火爆咁去左自修室．．．．

去到十點四十五分，溫溫０下我開始思索．．．其實．．．我咁早離做嘜撚０野？？？！！．我好撚眼訓，係撚咁係到釣魚．．都未訓甦，唔夠精神點溫？！！．我成個人都好落魄．．．我毅然執晒０的０野，十二點十五分飛番番屋企休息．．前幾日有條友友叫妮花係到留言，除左迺迪我諗唔到會係邊個，但係佢發重誓話唔係佢．．於是特然靈機一動，見到個「妮」字，就即刻甦起「科」東「妮」，於是打俾佢求證，ＢＡＮＧＯ！！金田十再次解開迷團！！一點鐘，ｃｈａｒｌｅｓ打來問我係邊，我話係屋企，跟住佢驚訝，原來佢頭先見到我．．．於是我就一五一十講俾佢知．．．唉．．．最後我得出一個結論　－－－　一個人狼唔狼同佢係自修幾耐係冇直接關係的．．食完食物之後番上去溫書！！

果然，作為一個學者，唔一定要去自修室的．．今日我係屋企好成功，由兩點半開始就好認真咁閱讀，特別係莊子０既＜逍遙遊＞，我足足唔覺唔覺睇左成兩個鐘．．溫到六點幾，氣勢好似曼聯咁有０的回落．．．呢排我地身邊０既人唔知發咩姣，一個二個都話要買波衫，於是我心思思想印個沙夏係件曼聯到，ｊｏｅ話要差唔多＄１ｘｘ，佢話要逐隻字計，越長越貴，但係有０的地方成件買包埋印字～～但係佢話大球會成日轉新波衫，而家都季尾，如果買左下季換新咪好撚豬兜？！？！

晚上，父母不在，去左玩樂，姐姐又出左街，我自己係屋企，原本諗係玩煮飯仔，點知又父母好早就番左離，攪到好掃興．．．之後個人已經好疲乏，係張床到玩，拎起支牧童笛ＳＥＴ國歌，但係未完成，不過俾我發現左好重要０既０野，就係原來有休止符可以用，不過我唔係好識休止符０既拍子，所以聽日要問０下ＫＡＫＡ～～休息到十一點，又好努力咁溫埋＜告子上＞．．．．我絕對唔希望到測完０個日，我又要講：「曾經．．．．我課課都溫得好熟．．」

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

一般人是沒法到達「逍遙遊」境界的，因為人往往受到外在客觀環境的影響和限制，這種限制在莊子眼中便是「有所待」。　　　　　　　　　　　
　　　　　　　　　　　　　　　　　　　　　　　　　　－－＜逍遙遊＞

>>February 29, 2004 at 5:01:13 PM GMT+8

2004 年 2 月 27 日 星期五 【陰晴不定】

琴晚傾電話傾到成四點幾先訓，今朝較左九點起身去溫書，好撚辛苦先九點半起到身，成個人好似散晒咁，真係好撚辛苦！！

去到自修室十一點，今日溫文學課文問答，個人好累，但係唔係釣魚０個隻累，好難頂！！之後十二點十五分，同ｃｈａｒｌｅｓ諗住去食０野，點知就津津冇位，佢又要一點鐘去補習，於是諗住等佢補完習先食．．．今日我差０的死亡，餓到成三點鐘先食０野，雖然急屎，但係又唔想痾，因為咪食０野，攪到身心疲乏．．三點去左天天見面食食物，食左個香茅豬排河粉加奶醬多，然後拿拿聲去隔離痾屎．．．痾完之後又番番去自修．．．原本諗住捱到五點關門，但係原來開到七點，我好沮喪，四點鐘就走人，諗住番屋企訓教休養．．．．

番到屋企打俾尿布，佢又係隔離，於是上左離破壞．．佢嘗試將我個阿嬌ｗａｌｌｐａｐｅｒ轉做千嬅，可惜俾我發現左，跟住又ｄｅｌｅｔｅ晒人地ｗｉｎａｍｐ　ｔｗｉｎｓ０既歌！！！原本諗住唔理佢訓教，點知佢又係咁抆人張披，攪到冇教好訓．．．．跟住潘潘冇啦啦打離，第一句就問尿布係咪係我屋企，差０的又俾佢大到，好彩佢隨口ｕｐ０者～跟住我地兩個八公就係到講是非，又問呢個係咪教得唔好，態度唔認真．．．我就鬧鬼佢，ｍｏｃｋ都就離考完啦，而家先講呢０的０野遲唔遲０的呀？！！？！！差唔多七點鐘，破壞王走左，臨走前我地一人拎住一支沙滕係到玩劍擊～～

之後家人相繼番離，我感覺到如果我再唔訓就會死亡，於是訓左個幾鐘．．．晚餐好慘涼，食一大鍋唔知咩面，加罐五香肉丁．．．．．飯都冇粒．．．唉．．．．之後睇左我的野蠻同學．．十點幾出左去買條３串４，同肥坤傾左一陣．．．之後陪ｃｈａｒｌｅｓ食飯，見到人食我又想食，於是又食左個餐蛋面．．跟住坤佢陪我行到番彩園村佢再自己行番天平村．．．呢排佢好窮，好耐之前又話一日儲十蚊，明明儲左一排，話諗住考完試去旅行，但係０的錢又不翼而飛，都唔知佢拎左去邊，有古怪！！！！

琴晚開始我已經唔再用蜜糖攪塊面，的確今日好左好多，今日沖涼都依然唔用洗面膏住，搽多０的ｌｏｔｉｏｎ～十二回左右，尿布自己搭巴士番屋企，又遇見上次個巴士佬，條仆街又講我壞話！！我遲早落去篤爆佢條ｔｉｅ！！！！今晚要早訓，因為聽日決定十點鐘去到自修室，溫到七點先走！！
唏噓！！！！！！！！！！！！！！！！！！！！！！！！！！！！！！！！！！！！！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

在床上，女人愛一個男人，她會給，男人愛一個女人，他會忍。

>>February 28, 2004 at 5:59:18 PM GMT+8

2004 年 2 月 26 日 星期四 【陰晴不定】

今朝明明較左鬧鐘十點鐘起身，點知禁錯制，攪到成十二點幾先起身．．．由於今日要去明愛暗戀補習社，所以冇諗住去自修室．．．係屋企食完飯，睇左套忘不了，幾好睇，一個人０岩０岩訓甦冇耐就睇，睇到眼紅紅，特別係樂樂同個電話錄音講話好掛住爸爸０個度，個心酸酸地，差０的喊出離，估唔到我係咁感性！！

睇完之後已經係３點，跟住又拎住個電話，靈機一動去搵本琴譜對住ｓｅｔ，又ｓｅｔ多首我至愛０既傷信中間０個段～～ｔｈｅｎ就沖涼．．．近呢兩日生左暗瘡，塊面仲乾過凍天，用洗面膏洗面都覺得痛，沖完涼成塊面紅晒．．諗諗０下覺得唔對路，空穴來風必有因．．．我諗係因為我呢排沖涼時亂攪０野，將０的蜜糖搽係塊面到懶潤咁，攪到弄巧反拙！！！！！！沖完涼，阿ｂｉ打離，約左係巴士站到等．．．

次次星期五都係話唔想去補習，但係事實上我從未缺席過一堂！！！計計０下剩番四堂咋！！今日做ｓｅｃｔｉｏｎ　ｅ，好多人都做過，不過我未！做左成一個鐘頭九個字，不過今日比上星期好好多．．休息０既時候．食左個杯面，不過買錯味道～！～！～！跟住又買多隻雞脾，不過唔洗出錢，肥州請！～！～

放左學番到上水十點半，番埋屋企放低０野成十一點先出去食飯，今日約左肥玖同埋小妖女一二號，兩個「好」字去左飲夜茶～我一個人食左兩籠蓮蓉包同埋一籠叉燒包！！今次０既組合有０的新奇，感覺好奇怪．．．食完之後一齊慢慢行番去祥華村，行過心誠介紹左一陣我地０既學生會，心中一度萌生惡念，不過我地都係理智的．．．．送完又行番轉頭，又經過心誠，講起０的恐怖０野，講講０下防空洞，突然間個響起一０的好尖０既怪聲，好似０的生鎸門開緊０既聲，嚇左一跳，原來係琴日ｓｅｔ左０個首李香蘭！！！

行到上水下時，見到黎少霞，開頭都唔記得佢叫咩名，好彩我平時鐘意問問題，先問到佢而家做緊馬拉松，有波衫賣！！仲話有八折！！！不過好似唔包燙字．番到屋企，未沖涼就一路打ｗｉｎｎｉｎｇ一路傾電話，我一共叫錯左兩次廖寶做劉寶，因為平時叫劉寶順口０的，加上深夜頭腦唔係咁清甦．．好彩冇事．．．．最後４點幾先訓，聽朝要十點鐘去到自修室溫習！！！！！！！！ｙｅａｈ！！！！！！！！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
家有一寶，如有一老

>>February 28, 2004 at 2:13:11 AM GMT+8

2004 年 2 月 25 日 星期三 【陰晴不定】

琴晚番到屋企，訓訓０下好鬼肚餓，但係又冇晒出前一丁，搵左好耐先搵到包泰國０既公仔面，煮完之後難食都嘔，又辣！！！跟住睇左上半場車仔對史力加．．．

今朝又係強迫性十一點左右起身．．．曼聯輸左！！好０野！！！抵撚死！～！～但係祖記都輸左１－０．．．．我諗唔會第一ｒｏｕｎｄ都過唔到掛．．．．．琴晚諗訓貼左張紙係電視機到叫阿ｍａｙ立刻還錢．．果然，今日台面有＄７００～～起左身打電話叫左仙茶居外賣．．食完之後就溫習，今日決定係屋企溫，冇ｍｏｏｄ外出．．．但係我諗今日唔係咁理想，溫得好少，係屋企真係冇咁好，如果係自修室，隨左溫，基本上係冇０野可以做．．．．
雖然個心好散，但係我都叫做溫到６點幾，跟住就度左０的波．．

諗住怒訓些路迪，但係又驚死，我變得好怯懦．．．我唔可以咁樣！！！不過我一定會係ＡＣ米蘭主場第二回合離一次史無前例０既投注！！！我最多唔見幾千，佢地輸左唔見幾千萬，夠彊就唔好贏！！！八點幾，阿妖死都要話上離俾０野我，但係我屋企已經有人，佢都要我出門口拎．．原來係曲奇餅．．上次話佢整得難食，今次佢又再整．．ＩＮ　ＦＡＣＴ，今次的確好味好多，起碼係硬身，唔會再係軟林林咁，不過有０的都仲係林林地，但係問題不大，唔錯唔錯，但個「騰」字始終都係甩皮甩骨，可能有０的特別意思！！

食完飯，係張床到ＳＥＴ歌，我今日先知道我部電話有得ＳＥＴ歌，我用家傳寶笛一路吹一路ＳＥＴ，凡係我唱得出０既歌我都ＳＥＴ得到！！！就當我ＳＥＴ緊李香蘭時，ＳＥＴ左好耐差唔多得，四眼文條仆街打離！！！冇撚晒呀！！！！！！！！！！！！！！！又要重頭ＳＥＴ過！ＳＨＩＴ！！！！！！！！！！！！！！！之後又ＳＥＴ多首愛妳．．不過總係唔夠ＤＬ０個０的咁好聽！

差唔多十一點，出左去買條６６倍２串１波膽博一博～～中左請食飯！！好撚憎而家０的天氣，熱又唔熱，凍又唔凍，著短衫又覺得好撚涼，仆街！！我愛寒冬！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

<我愛的人> -- <睡王子>,

其實你知唔我好<愛你>㗎?
當我每次見到你時,我都好想<借你耳朵說愛你>,但係我<不敢說我愛你>呀,
因為我真係好<怯>,好驚!!!!!!!好<想愛你>!!!!!
可能係我<對你太在乎>啦,但係每當我見到你同我D <姊妹>玩到o甘friend時,
我就覺得自己點解要o甘<犯賤>,o甘<死心塌地><愛>上<你這個男人>,
自己又<開不了口>對你說一聲:『<越來越愛你>!』
也許我應該<愛到底>,<愛你一萬年>,但係<你愛我像誰>?
一堆<垃圾>定還是一堆<爛泥>?
其實我真係好想你係我個<男朋友>㗎,但係又<何苦>要<故弄玄虛>說:『<你係我o既>?』
以上o即內容全部係<說真的>,不過不用<麻煩你>回覆我啦,因為這就當是<給自己的情書>吧!
最後,<祝君好>!

From: <可愛女人> -- <灰姑娘>

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

>>February 26, 2004 at 5:25:57 PM GMT+8