2004 年 3 月 25 日 星期四 【微冷】

天氣不似如期．．．無撚啦啦又會變凍．．今朝一起身，仆街，原來九點至一點冇電，今朝十點就起身，琴晚成買點先訓得著，頂你個肺，成個人都好似三魂唔見左七魄咁．．．之後冇電，冇得開電腦睇賽果，唯有打電話去東方查詢，點知斷左一關，ｓｈｉｔ！！肥中０個＄８０咁就冇左．．．．都唔知係佢黑定係我眼光唔夠，次次佢一齊買都輸．．．之後洗左個頭，係冇電０既情況底下就係咁用手強行整乾個頭．．．然後拎左闊別以久０既髮泥出離，ｓｅｔ好之後就面對一個嚴峻０既考驗－－－－－－－－－－廿四層樓梯．．．．．．．．．

落到樓下上氣唔接下氣，我好耐都冇試過喘氣０既感覺．．．之後去到２７６巴士站，中哥哥已經係到．．．我地就一齊首次攜手前往安格靈．．．．．老實說．．．去安格靈仲驚過去考ｏｒａｌ．．．入到去．．．成個ｒｏｏｍ好似聖誕聯歡會咁，張０的桌椅拍晒埋一邊．．．之後係到唱歌．．．．．．．ｆｕｃｋ，首歌好撚難聽，難聽到嘔．．．之後分開兩組跳舞，跟住阿ｓｔｅｐｈｅｎｙ跳，係咁係到彈彈０下，０的動作有好奇怪，長毛又係後面不停係到吼叫，要我地一齊係到叫，成班跳跳虎就係到一路跟住０的音樂，一路係到ｙｅａｈ！！ｏｈ！！！呀！！！好似野人咁．．．．阿鈐係我隔離一齊跳．．．跳完之後，我感覺到我腋窩有一滴汗流左出離．．．不過成個人真係忘記左驚０既感覺．．．之後就做０的正常０野，自我介紹同埋ｄｅｂａｔｅ．．．．最後．．．緊係派錢啦，終於拎番呢＄３００！！！中哥哥好撚賤咁同佢阿媽講話我坤阿ｍａｙ，之後佢阿媽讚佢誠實，所以獎左俾佢．．．一個廿一歲０既人，竟然會俾人讚誠實？？？．．．？？？．．．？？？．．．？？？

一點鐘走人，之後去左扒王之王！！！食飯，午餐原來唔係好貴，食完０野之後，生理時鐘開始作怪．．．去左上水廣場痾屎，呢鑊痾得好爽，因為早左起身，痾完之後成個人都暈０下暈０下，因為實在唔夠訓，加上要番屋企拎準考證，所以就係屋企小睡．．．長毛話千萬唔可以訓教，只可以伏係張台到恰０下．．．於是我地兩個就係間屋到熄晒燈，我剝左條褲放左係地下，著住條波褲訓．．．我地係張梳化到恰０下，訓左差唔多三個字，突然阿ｍａｙ番離，我地一聽到鐵閘聲即係嚇醒左，好驚咁坐好扮睇緊０野．．．．之後阿ｍａｙ見到熄晒燈，條褲又係地下．．．．好彩係個男仔．．．．．．．．．．．．．．跟住逗左佢＄１００增值就出左去．．．．訓左三個字完全唔同晒．．．．．．．．

四點幾，去左上水中心樓下再痾屎，可能係緊張．．．之後係粉嶺第一卡等埋家威就出發去應試．．．去到試場，第一時間痾尿．．．開始好驚．．．好彩唔洗等到八點幾先走得，我係第二批人考．．．開頭真係好撚驚，成日覺得會唔識解篇０野，好彩最後個天都冇玩０野．．．
Good evening every body, today i am going to share my opinion on cleaning Hong Kong. To commence with...........................嘿嘿，型爆．．．之後ｄｉｓｃｕｓｓｉｏｎ，大家實力都好平均，所以能夠做到一個良好０既討論氣氛．．．考緊０既時候已經忘記左驚０既感覺，已經融入左去，以為自己真係討論緊０野～～

考完之後，我地個頭都係向天，鼻子向上咁行番出離，中哥哥好狼咁拎左ｇｒｏｕｐｍａｔｅ０既ｉｃｑ！！！！！真係有０的料到！！！跟住我地就出旺角ｓｈｏｐｐｉｎｇ．．．原本有好撚多錢，但係點知馬會今日竟然收早，攪到我拎唔到錢，好似０的股票壓實晒咁！！！攪到就住就住，買左一個Ｔ－Ｓｈｉｒｔ同埋～～～～～～～舒夫真高～～～～嘩呵～～～～＄４３９，不過唔知點解，買左之後又好似冇咩興奮０既心情．．．．．．真係仆街．．．．

之後食完飯，我地已經身心疲乏．．．戴住依依不捨０既心情回家．．．番到屋企，阿ｍａｙ發現左我件波衫，跟住知道左我中波０既經過，都不禁地表示驚訝．．嘿嘿．．諗沖涼前，再次做掌上壓，而家已經可以做三十下了，我０既目標係五十下，你老味！！！如果考完試真係去左泰國０既話，我發誓我一定會係巴堤阿０既海灘上，著住一件ｘ字形０既黑色背心底衫影番一張相留念！！！！！！！！！！！！！！！！！！！！！！！！！！！！呀哈！！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

「不到黃河心不死」這句話是什麼意思，人人都知道。可是若是細想一下，這句話實在不通之至。為什麼「不到黃河心不死」，到了黃河就心死了呢 ??

　　　　　　　　　　　　　　　　　　　　　　　　　－－－－－－－－－－衛斯理---密碼

>>March 26, 2004 at 4:59:46 PM GMT+8

2004 年 3 月 24 日 星期三 【雷雨】

昨晚，皇家馬德里同ＡＣ米蘭一樣，先輸一球，反入四球，令我感到震驚，而另一邊相０既阿仙奴亦都係係先落後一球０既情況底下，於短時間內捧平並維持戰果，換言之．．．．．．．
登！！登！！登！！登！！！黃葉基金再度報捷，小弟由上周開始至今，已經有超過＄５００盈餘，而每次投資亦不用再高Ｑ大棍，已經轉型至穩陣型，以少生大，而僥倖錄得四連勝實在意料之外．能夠有此成績亦不得不提我０既拍檔投資策略員喇叭文，佢書都唔溫走去刨熟每隊形勢可以話居高自偉－－－今日再為大家推介　華倫西亞＋馬略卡Ｗ／Ｄ＋馬賽Ｗ／Ｄ，由於呢次０既投注風險較高，純粹參考－－小賭怡情．．

雖然得到空前０既勝利，但係換來時間上０既損失，今日成三點鐘先起身，雖然上午十一時左右有人叫甦過我，但係我完全係夢遊狀態底下同佢談話．．之後起左身貓王打離，跟住同左佢落樓下食食物，今天我毅然拎起個鬚刨，對住塊鏡猶豫左好耐，最後都把心一橫剃晒去，由於０的鬚太長，所以鬚刨都好似剃唔係幾到，剃左好撚耐先剃得乾淨，０個一刻，我望住塊鏡，完全陶醉係自己０既世界入面．．．．．唔知係咪呢幾日用頂帽焗住個頭，０的頭髮柔順左好撚多，兩邊好似長番少少ｔｉｍ，而家開始接受到自己，聽日我決定唔再戴帽了．．．

食完０野之後，由於下雨，所以行左去圖書館溫習，係上水中心天橋見到波波，唔知點解佢會朝著彩園村方向前進．．．去到圖書館，原來五點十五分會清場，於是我就真係係圖書館溫習，溫左唔夠十五分鐘就急屎，完全集中唔到，係出面馬桶痾，痾左０的爛屎．．．唉．．．
自從唔洗番學，生理時鐘開始有所轉變，以前每逢一點左右肯定會急屎到爆，加上痾得好舒暢，係實實在在的，又點會有爛屎０既出現？講開真係好耐冇痾過實屎了．．．．．

五點四十五分，自修室重開，但係我地冇去到，又番番去天平村溫．．．因為圖書館０的ＣＨＡＩＲ會坐到生瘡．．．係逢迎溫到七點幾，出左去安盛苑吹水ＲＥＬＡＸ０下，基於近日０既手風甚順，貓王俾左＄１００叫我幫佢投資，於是我肩負起呢個重要使命．．傾傾０下計突然從左面衝出一個手持對講機０既男人，自稱是警務人員，要求我地拎出身份證．．．．即係話．．．．又俾龜逗了．．．跟住從前後兩方各衝出一名軍裝警務人只，身材魁梧，原來佢地已經監視左我地一段時間，懷疑我地企係到動機不明，我地兩個就企係到俾人搜身，跟住盤問．．之後話俾佢地聽我地係預科生就係撚咁叫我地俾心機，其中一個問我第時想做咩，我話投考警務人員，跟住佢讚我識貨．．．．．．．．．．．．．．．．．．．．．．

之後我自己一個人溫習，溫到八點幾九點行左過圖書館．．．搵左個最死０既位坐底，點知對面原來係黃麗紅，佢好似消瘦左．．．一路溫到十點鐘走人，同阿ＢＩ一齊去左馬會投注，對於琴日我地０既表現，佢都表示讚賞．．．．買完波之後行番屋企，ＣＨＥＣＫ　Ｅ－ＭＡＩＬ０既時候收到大張０既回覆，跟住我留低左聯絡電話俾佢，叫佢星期六先好打離，因為聽日係一個重要０既日子，就係要去買波衫！！！！！！！！！！順便考ＯＲＡＬ～～～～～
聽日仲要十一點去到安格靈，傳說話要番去唱英文歌加跳舞離ＲＥＬＡＸ．．．．咁樣仲驚過去考ＯＲＡＬ．．．．．．．．

之後睇左個討論版，完全燥底！！

十年生死兩茫茫
不思量 自難忘
千里孤墳 何處話淒涼
縱使相逢應不識
塵滿面 鬢如霜

(神鵰俠侶 -- 金庸)

你老味，正當火爆之制，見到下面有人提出質疑，以為會有０的有學識０既人出離指證，仆佢個街，夠膽死講「好似係蘇東坡ge 臨江仙」．．．．．．．．．．完全慶過火屎．．．．．
正確答案係江城子呀．．．．．．．．．．．．．．．．．．．．．．．．．．．．．．．


＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

有人說，戀愛就像放風箏，太計較便會有悔恨，但放縱的愛也會讓天空劃滿傷痕．．．

>>March 25, 2004 at 5:14:37 PM GMT+8

2004 年 3 月 23 日 星期二 【寒冷】

黃葉基金再度報捷，但係由於一時０既貪念走左去買多條波膽２串１，攪到輸＄３８！！琴晚ＡＣ真係好撚勁，下半場開波唔夠１０分鐘就令到我條波膽可以撕飛，實在谷鬼氣．．半夜兩點十五分，我係到做ＳＥＣＴＩＯＮ　Ｃ，０岩０岩好做完個半鐘就開波，得４９分唔知合唔合格，睇到五點幾先訓教．．．今朝就緊係起唔到身．．．．．

點幾先捨得起身，有少少賴皮，跟住梳洗完又係千篇一律０既生活．．．兩點幾ＭＵＴＵ幫我買左個叉雞飯上離跟住坐到六點鐘先出去圖書館溫習．．．終於成功收到大張０既Ｅ－ＭＡＩＬ，劉寶條粉腸講錯俾我知，大張叫我打電話俾佢直接傾，所以我決定聽日打去．

去到圖書館見到阿ＢＩ同貓王係ＴＯＩＥＬＴ到唔知攪咩，跟住阿ＢＩ話我戴住頂帽好似回魂夜入面個周星馳，今日都係冇剃鬚，開始去到一個連自己都接受唔到０既地步，再係咁落去人地會以為我溫書溫到好狼．．六點幾溫書，溫到九點到落左下面七仔買左兩個朱古力包，加一蚊多一個．．．我決定要努力溫書入大學，替ＰＯＬＬＹ實現佢做到０既夢想，阿ＭＡＹ想強迫我讀其他０野，但係我係唔會俾佢得呈，如果我升唔到班就會搵０野做，到時大把錢可以訓身！！！！！！！！！

溫到十點鐘走人，跟住再按今日同投資策略員喇叭文商量好０既原定計劃投注，今晚又要睇波，所以要做多次ＳＥＣＴＩＯＮ　Ｃ！

>>March 24, 2004 at 4:32:44 PM GMT+8

2004 年 3 月 22 日 星期一 【微冷】

唉．．．琴晚溫書溫到一點幾先沖涼，訓教０既時候開左個收音機離聽，開頭唔知講咩，越聽０的背景音樂越怪，原來係鬼故！！！！我諗呢個就係傳說中０既恐怖熱線！！！好想聽，但係好撚驚，最後頂唔順熄鬼左！！！！今朝雖然有真鬧鐘同埋人肉鬧鐘，都未能夠於十一點前叫醒我．．結果我賴死到點幾先起身．．．唉．．．屌你老母．．．．．．．．．．．．

起左身，梳洗完之後就食琴晚０個塊ｐｉｚｚａ，放入微波腦到丁左幾廿秒就熱到仆街，跟住就係到繼續溫文學．．溫溫０下我聽到０的聲已經知奶０野．．．我坐係廳到溫書，到住隻窗溫．．．跟住窗外發出架架聲，我知道０的地盤佬又離攪０野．．只見部升降機慢慢咁升上離，首先見到黃色０既安全帽．．．跟住就係黑色０既人頭．．．．佢部西機又升得慢，攪到我同兩條地盤佬係到對望，我拎住本文學精讀配一個七頭，情況好尷尬，我下意識覺得佢地望住我個頭，但係我一０的都唔驚，因為我覺得我絕對型過佢地！！跟住我繼續溫，雖然今日冇琴日咁好，但係都不過不失，ＣＨＥＣＫ　Ｅ－ＭＡＩＬ先發現原來琴日打錯左地址，ＳＥＮＤ唔到俾大張，所以今日再ＳＥＮＤ過～～

溫到咁上下，食左兩個葡撻，不過隔夜，我堅想食一個熱洪洪剛出爐的葡撻～然後．．．０個兩條粉皮又落番離，我真係想叫佢停低俾我企埋入去玩番一轉～～順便問佢請唔請人～夠晒方便啦番屋企～～之後差唔多六點鐘，我毅然微服出去圖書館轉換環境，選左頂黑色帽離戴，０的鬚都唔知幾耐冇剃，我諗有１ｍｍ長．．．今日唔知點解涼左好多，出到去順便攪攪架車，去到幫條ｔｉｅ打氣，跟住叫師傅攪攪個入波，但係好奇怪，去到居然係冇事，但係之後我再踩又係轉唔到，真係好撚邪！！！！

去到圖書館六點鐘，搵左個最鬼０既位，隔離有條女，不過冇理佢，仲專登拎開頂帽，成個頭貶到唔知似嘜咁，不過我完全冇理會世俗０既眼光，溫到差唔多八點鐘，我精神快要崩潰，見到阿ｂｉ，行過去問佢借左口煙．．．．當時我戴住頂帽，佢竟然唔認得我，可能我０的鬚實在太不羈了．．．之後講左一陣佢係安格靈跳舞０既情形就再溫．．．．溫到九點鐘就肚餓，打俾阿ｍａｙ，佢食緊上海食物，於是就去左搵佢．．．今日我先發現原來佢都好燥底，事緣碟豆沙蝸餅佢話唔熟，其實我覺得ｏｋ冇問題，跟住佢就叫人離問人係咪唔熟，人地都話熟啦，佢就唔份氣，叫事頭婆離理論，事頭婆都話熟啦，不過都換俾佢，再來一碟新０既時侯，咪又係一９樣，根本就係咁嫁啦！！

食完之後我搵左中少吹陣水，佢阿ｓｉｒ今日又叫佢地溫５題就ｏｋ，ａ－ｌｅｖｅｌ考４題，佢阿ｓｉｒ話叫佢溫５題！！！！ｇｏｄ　ｄａｍｎ　ｉｔ！！如果真係掂左咁仲有天理０既！？！？！？？咁咪即係洩漏試題？？？？？？？？所以我去左考評局個網到諗住投訴佢阿ｓｉｒ咁樣做，不過最後我都忍住手！唉．．．好ｓｏ喎如果真係得嫁話．．．ｆｕｃｋ．
佢條撚樣成日都有秘密，不過呢個秘密又真係幾突然，不過影響不大．之後去左搵ｐｏｌｌｙ拎ｐａｓｔ　ｐａｐｅｒ兼盡訴心中情，傾左九個字到就飛車去馬會，係諗截止接受投注之前，我腦海裡突然望見未來，睇到賽果，於是就買左！！唔知中唔中呢！？？！？！？！？

番到屋企，沖涼前敷左０的海底泥，人地話要一個禮拜一次，要有恆心，但係我幾日就敷一次，唔知會唔會副作用呢？？？

打打０下日記係收藏底褲０既深處搵到兩本０野，一本係紀念冊，一本係紀念薄．．．．於是就睇．．見到好多好戇９０既０野，原來我小學時已經好鐘意去破壞，成日走去酒樓ｔｏｉｌｅｔ到熄燈．．．．跟住見到０的人個個都寫埋０的屌你老母咁上下０既字眼，男仔就老馮係到寫淫０野，最撚頂癮係個個簽名都要畫到成隻帆船咁，老馮要加個「４」字咁０既物體係個名到！！於是我就搵阿ｂｉ睇０下佢寫咩，仆佢個臭街，佢條仆街用左一板寫「屌你老母西仆街」，跟住偶像係撚咁寫0的球星名，嘜撚０野拉雲拿利，巴治奧，全部都係老一代球星，寫到成板都係．．最可悲０既係我係班同學到完全搵唔到一句正常０既祝福字句．．．最似樣０個句都係「萬里長城萬里長，不及我們賓州長」．．．．．．．．．．．．．．．．．但係每個同學寫０野都有一個共通點，就話祝我可以同一個女仔攪０野，我先記起原來我以前鐘意左個同班同學～～幾乎個個都寫咩生ｂｂ，卜０野，我頂，原來我自少就係一個唔健全０既圈子裡面成長．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

黃志騰，成舊雲，見到靚女失晒魂，見到男人發Ｔ騰，去到醫院會揪根，醫生話佢性無能，下見面「遠」過條「休引」，但係長過十個人

　　　　　　　　　　　　　　　　　　　　　　　　　　－－－－－－－－－李顯鋒

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

細細個就唔識寫字．．．唔怪得知大我一年仲讀緊低我兩年班．．．．．

>>March 23, 2004 at 5:37:36 PM GMT+8

2004 年 3 月 21 日 星期日 【陰晴不定】

琴晚臨訓前玩左陣ｉｃｑ，屎忽痕用英文，開頭俾人屌鬼，之後個個都一齊用英文，好撚攪笑，肥彭仲幫我解決左多年來ｇｒａｍｍａｒ上０既一個煩惱，實在太好．．臨訓前啪左兩粒幸福傷風咳素，呢隻藥同我０既身體有一種微妙０既關係，可以話係萬靈丹，頭痛，發燒，喉嚨痛，傷風，感冒，嘜撚０野都醫到，仲一覺見效，不過有個弱點．．．．．

今朝起身又收到肥文０既喜訊，華倫怒炒５－１，跟住唔想開電腦就打電話查詢賽果，結果巴塞隆納贏埋，但係羅馬０個場竟然話有人攪事而腰斬左，不過算，都贏＄１８０，呢個禮拜羸左＄４３ｘ，我決定要將呢舊錢越滾越大！！！大到你唔信！！！啊呀！！！！！！！！！！
鬧鐘依舊十點響起，我依舊賴皮到十一點先起身，跟住就係梳洗完坐低溫習．．．溫唔係幾到，因為萬靈丹０既副作用出現，其實呢隻藥講到明食完會好撚眼訓，因為佢藥力重，所以藥到病除，但係之後就算訓醒個人都係痴痴呆呆咁．．．．於是我就捱下去，差唔多一點叫左仙茶居，我諗呢個禮拜我都會成日見到呢個外賣友．．．．．唉．．．．．．．

食完飯差唔多兩點半，跟住支持不住倒下，原先諗住訓半個鐘，之後訓左一粒鐘，訓完成個人康復，頭髮都好似長左咁，之後就狼溫，溫到半路打左俾劉寶，問左阿張０既ｅ－ｍａｉｌ同傾左一陣就繼續溫習．肥文今日要去考ｏｒａｌ，琴晚教左佢一句必殺技，唔知佢有冇用到或者洩漏俾人聽呢？今日成功溫左文學史０既元曲，元雜劇同埋明傳奇ｏｎｌｙ，睇離我太低估文學史０既難度了．．．我終於發現，心不在，在自修室甚至番學校也是徒然，心在，就算在鬧市底下也視之無物！！苦樂全在主觀的心，不在客觀的事．成個下午就係咁係屋企張ｃｈａｉｒ到渡過．．．發現左原來黑炭係好驚膠袋０的聲，只要我將個膠袋係咁整到好嘈，佢就會雞飛狗走～～～

夜晚，我一家三口變左做忍者龜，叫左ｐｉｚｚａ來食，食唔晒，留低左兩件，今次０的速度好快，唔洗半個鐘就送左離！！食完之後休息左一陣又番睇０個３ｐａｒｔ，希望每日都可以完成３ｐａｒｔ．．．之後睇百份百感覺，周麗淇越睇越得，好有陽光氣息，又夠活力，古靈精怪，掂呀！！！！跟住睇到無視賣廣告，星期日有ｔｗｉｎｓ演唱會睇，見到阿嬌著住件紅色褸，戴住個黑色ｂａｒ，索爆呀！！堅要睇呀到時！！睇完之後又溫多陣，溫到十二點幾先去沖涼，今日沖涼又戴住隻錶，可以計０下沖左幾耐，沖完涼照鏡，我直覺上好似覺得冇咁ｋｉｎｄ，可能係因為已經接受左自己咁０既頭，但係我知道人地見到依然會好驚訝．．．．．

聽日就係踢歐聯，我好開心，因為可以溫到４點幾跟住睇波了～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

小時候，每當你跌倒時，總會放聲大哭，但現在無論發生什麼事情，總是一聲不響。 這並不代表你很堅強，只是受傷的心不想言語。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

>>March 23, 2004 at 5:44:14 PM GMT+8

2004 年 3 月 20 日 星期六 【陰晴不定】

琴晚訓教時傾左一陣電話，收線時講左０的靈異０野諗住嚇鬼，誰不知收左線後急尿，驚驚地咁去左痾，行到入洗手間，條毛巾用衣架掛起左，成個人咁，差０的比佢嚇撚死．．燈都未開就係咁痾，開頭都冇事，痾中０的水發出卜通卜通聲，但係之後痾痾０下冇晒聲，我知道已經射斜左，跟住嘗試糾正，但係越攪越衰，射到成腳同褲都係尿，妖！！！！！！！！！！！

今朝起身，十點鐘鬧鐘響起，但係我按錯制，結果佢冇再響，攪到十二點先起身，好唔開心，跟住睇到肥文ｓｅｎｄ過來０既ｍｅｓｓａｇｅ，畢爾包勝出，ｙｅａｈ！！！中左，不過祖記和左，只係剩贏＄１７９，我開始體會到賭博最高境界係唔需要用大舊錢來冒險的．．跟住小中子打離，佢要求我去食食物，但基於我個頭受重傷，我拒絕左，不過佢以０的影印ｎｏｔｅｓ來引誘我，所以我決定戴帽落樓下食．．由於中左波，再加上佢又幫我影左印，所以我決定請去食今餐．

當我地食到中途，我拎左佢隻錶離玩，發現左原來佢隻錶係壞的，計時０個支秒針唔係指向１２，而係指向１０字！！哈哈！！跟住我提出疑問，假如同人打交，戴住隻錶會否有阻礙，但係佢強調會增強攻力，睇離我要慢慢研究０下．．
琴日十點幾，我見到有個來電，但係唔知嘜水，我打番去，有個女仔聽，我潛意識話俾我知我應該搵司徒立中，結果真係！！跟住今日我又知道左一個天大的秘密，我感到絕對的驚訝ａｍａｚｉｎｇ！！！看來我太過少看這位靖哥哥了．．．基於太多人偷看佢０既消息，我都不疑張揚了～～～呵呵～～

食完飯，結賬時，很遺憾地我發現銀包只係得一張十蚊奧幣，仲要係已經停止發行，一張５蚊加幣，同埋一張５蚊人仔．．．但係就有＄４ｘｘ０既波飛加現今卷．．．最後好尷尬咁先由佢借＄１００俾我，我再番屋企俾番＄１００佢，咁樣請人食０野都算係經典．．．

之後番到屋企，即刻除帽，原來戴咁耐係好撚辛苦的．．．想溫書，但係今日個心又散左，今日目標０既交通史，法顯，義淨，周達觀同埋玄奘，法顯已經攪掂左，只剩３個．．跟住差唔多四點幾，父親番左離再出去，跟住打番離話聞到好ｌｏｎ０既味道，跟住我有０的驚死，走左出廿四樓大堂，有０的管理員上左離，周圍拍門問有冇人唔記得熄火，但係個個都話冇，於是我就幫手一齊搵，行上行落，但最後都冇發現，跟住番屋企，開著門，隨時準備逃走．．．我都唔明白點解彩園村成日都會有呢０的咁０既火災發生，跟住坐係房到不知所措，打左俾科東妮問０下佢聞唔聞到，原來佢都聞到，但係佢出奇地冷靜，反而安慰番我．．我顯得好懦弱．．．於是就同佢傾左差唔多一粒鐘，已經忘記左火災，佢問我做咩冇去自修室，於是我張真相話左俾佢知，佢竟然話：「０下？你唔係第一嫁喇喎！」鬼唔知唔係第一次呀！！每次剪頭髮０既出事率可以超過八成，真係冇誇張嫁，你老味！我決定而家開始得閒戴帽出街，到我下次再奶０野０既時候可以冇咁張揚！期間我地又伸個頭出窗對望，我好羨慕佢冇窗花，可以隨時跳樓．．．

跟住係ｗｏｒｄ到溫習，默寫周達觀一次，用電腦打增加不少興趣，結果ｋｏ埋周先生．．．但係其實唔多，我唔應該用咁多時間去攪．．．跟住想溫書，但係又心思思咁想睇亞視新聞睇０下皇馬點輸，抵撚死～～６條Ａ食屎吧～～～之後就專心溫習義淨，今次用手寫，最後都攪掂埋，但係掂都未掂過０既玄奘令我感到懊惱．．．．，

夜晚，姐姐出外吃飯，根仔又出外吃飯，我唯有食０的隔夜飯，阿ＭＡＹ就食公仔面，食完之後玩電腦，成日俾人偷睇日記，我決定去偷睇番人地日記，先睇阿ｂｉ，一路睇番對上一兩個禮拜都冇咩特別，去到三月十號，唔知做嘜撚０野特然鬼練咁長，仲以為佢出左０的咩事，跟住睇晒，屬於抒情文，唔錯，我終於發現，除左中史上０既０野，原來佢仲識寫其他０既０野～之後去左買波，中細佬琴日中左＄４００，有０的料咁，今日佢又買左五張飛，與我並無衝突．我用今日贏回來的＄１７９再去賭博，希望可以增加盈餘～～～嘿嘿嘿嘿嘿嘿嘿嘿嘿嘿嘿嘿～～

晚上，沖涼，我嘗試戴住隻錶離沖涼，但係又驚佢浸親，雖然話就話防水１００ｍ兼包因濕水所造成損害０既保養，但係俾人知道因為戴住離沖涼而整壞，好大機會會俾人指住離笑！～！～星期五就考ｏｒａｌ喇，我真係驚到標屎呀！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

每個人小時候也會害怕鬼怪，但是，害怕死亡的小孩倒沒見過，小孩子天真無邪，又怎會想到死亡呢？

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

>>March 21, 2004 at 4:32:56 PM GMT+8

2004 年 3 月 19 日 星期五 【陰晴不定】

今日好較左鬧鐘十點，甦左，跟住起左一半身，差少少就起到，但係就支持唔到訓低左．．．最後十一點起左身，腳步浮浮，浮左去阿ｍａｙ張床到訓左一陣．．．跟住十一點幾完全甦醒，好似打仗咁辛苦．．刷完牙洗完面，都冇心機照鏡就坐係到溫書．．．可能過凌悲傷０既關係，溫得好好，好專心，我琴晚規定自己今日要睇晒經濟史同埋交通史．．．

結果我今日真係好乖咁坐係屋企溫書，飯都冇食，剩係食左個杯面，期間溫到想訓教就做廿下掌上壓．．．溫到兩點幾，位於廿四樓０既高空，我竟然聽到窗外有人係到交談，我心想，日光日白唔係咁撚邪麻，黑炭又起晒鋼咁．．．．日光日白我一０的都唔撚驚，但係真係有人．．差０的俾佢嚇撚死．．原來又有人係外牆整０野，好彩冇係屋企攪０野０者，如果唔係實俾佢睇蝕晒．．．之後係咁溫，完全冇諗過出街．．．但係開始肚餓．．打去仙茶居叫外賣，但係打極都唔通，有心作弄我！！於是打去天天見面，但係佢話一個飯太少唔撚送，於是我捱肚餓繼續溫，但係有樣好野，就係我個肚腩細左好多．．．．精神開始有０的散，不過都真係完成左經濟史呢ｐａｒｔ，不過因為我之前溫過先咁快０者．．．餓到差唔多四點鐘，終於打通，但係講個地址講左好撚耐先講到．．

ｘ：地址？
騰：彩湖樓第二座
ｘ：幾多樓？
騰：２４
ｘ：１４樓幾多室
騰：２４呀！！
ｘ：１４２４？
騰：２４樓呀！！
ｘ：２４樓幾多號室？
騰：２４
ｘ：聽到喇，２４樓幾多號室呀？
騰：２４囉！！
ｘ：２４２４？？？？？
騰：係呀！！！！（唔撚得呀你老味）！！！！！！！

之後打左陣機等食物，有人按鐘，我驚俾佢見到我個頭笑我，所以我專登剝左件衫扮兇開門，跟住俾住＄３２蚊銀仔佢就食飯．．．食完之後繼續溫，開始溫交通人物．．我今日將最難明０既法顯溫到好熟，交通史呢ｐａｒｔ係最易的，所以我今日都總算達到目標，跟住６點幾，我去左做琴日新買０既美白保濕面膜，我ｆｅｅｌ到呢塊０野真係好濕．．．之後一路敷一路睇電視，講緊台選．．．跟住同肥文商量好今日０既投資大計，但係我講到明唔會見佢．．．
七點幾，根仔番離煮飯，阿ｍａｙ原來去左飲，食完飯之後去左買波，我載左頂帽出街，覺得有番少少自信！！去完馬會又番屋企拎信，見到中大寄０野俾我，全撚部英文，仲以為佢收左我ｔｉｍ．．．

番到屋企，沖完涼，係到睇左陣肥中份文化０野，好堅，睇完已經可以去考試．．．跟住沖完涼溫左陣人物，趁家姐去沖涼即刻霸佔電腦，係ｗｏｒｄ到打左一次法顯，好撚勁！！翔仔今日買左６條波飛，＄１８０，全部炒粉，我同肥文暫時過左一關，好撚緊張，上網見到肥州，佢問我：「我要令身邊每一個人快樂呢句說話點解可以令你地笑到反肚呢？」唔記得左原來佢係唔知我地笑佢，佢仲覺得自己好型．．．之後ｄｌ左係學校拍０個０的足球個人技術表現賽０既精華．．狂ｓｅｎｄ俾人睇，不過我覺得我最型０個個竟然冇得ｄｌ！！ｓｈｉｔ！！

唉．．．俾肥輝中左條２串３波膽．．．剩羸成７００幾蚊．．．好後悔啊．．．

聽日要同樣地早起身！！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

說我暗戀太肉麻 我愛那種感覺吧
與她都生疏了 為何仍會掛念她

>>March 20, 2004 at 5:28:51 PM GMT+8

2004 年 3 月 18 日 星期四 【陰晴不定】

今日的第一句說話，我真的很想很想說聲：「髮絲舍，我屌你老母臭西！！」

今朝幾經掙扎先能夠於十一點廿幾分起床．．．真係好撚辛苦．．起左身係屋企逗留，今日要去補習，所以冇去到自修室．．．於是係屋企到浪費左幾個鐘頭，然後溫左九個字到書就出左去．．．．．．．剪頭髮．．．．．我真係屌你老母臭西，同我洗頭０個條撚樣技術上竟然只係僅勝盧耀翔個仆街，仲要係我塊面到顏射！！都算喇，我離剪頭髮唔係洗頭．．．Ｔｏｎｙ條死ｋｉｎｄ子，枉我俾咁多次機會佢，佢從來未做過齣好戲俾我睇！！！我經已經已經已經已經已講左話兩邊唔好咁撚短嫁啦！！！我只係話短少少，係少少呀！！！識唔撚識聽中文呀！！佢硬係唔聽人講！！！！仆佢個街，唔係我喝停佢，我連的水都冇埋！！！而家已經冇左一半！！！我可以點？！？！？柱我仲介紹肥文去剪，今次兩邊真係剪到好似佢咁！！！ｇｏｄ　ｄａｍｎ　ｉｔ！！我以後點去自修室？？？點去？！？！？！？？！？！？？！？

當我剪完頭髮，０個時係三點三十分，我行出門口，所有０野都只係得黑同同白．．．．．我今次真係心灰意冷．．．係報應．．．我唔應該嘲笑同學似大肚婆．．．．．．風水輪流轉．．點解要係我？？點解次次都要係我？？細個時俾阿媽迫我剪到個頭兩邊同後面都變左做梯形．．當時我冇得反抗，只可以認命．．．．但係．．．．但係點解今時今日．．．明明由我自己話事，都可以咁？．．．．．．．．．．．．．．我心碎．．．．番屋企時經過ｗａｔｓｏｎｓ，入左去買個美白保濕面膜，連兩對活力眼膜，突價＄１９．９．．．．番到屋企洗頭，再ｓｅｔ，天真地以為可以改變事實．．．．五點鐘出左去補習．．．．我冇晒自信，頭ｄｕｐ　ｄｕｐ咁行去搭車，上左巴士故意坐係最上層０既最前．．．．希望冇人見到我．．點知．．．．我一坐低就有人係後面高呼我０既名字．．．係西仔州：「我頭先見到條友個背影咁撚熟口面，但係個髮形就差咁遠，原來真係你！」唉．．．冇錯．．．係我．．．我好希望潮流可以快０的興光頭．．．咁以後我都唔會再出現咁０既情況．．．．．．．．

去到補習．．．今日要做ｓｅｃｔｉｏｎ　ｃ同埋作文．．．．上次篇作文有５／６咁高，好撚開心．．不過０的ｓｅｃｔｉｏｎ　ｃ急跌，因為阿ｓｉｒ出深左，我好驚英文唔合格．．花左咁多時間離補，唔合格真係會俾人笑我個頭咁笑．．．．．放ｂｒｅａｋ０既時侯．．我去問阿ｂｉ我個頭係咪好七．．．佢話唔係．．．．．．．我感到人生都仲未絕望．．．．．
今日補到成十點半先放．．．我已經冇臉目周街走，趕快回家．．．．跟住食左個飯，然後同ｋａｋａ傾左一陣．．．佢已經收左我琴人寄出０既ｍｅｓｓａｇｅ，我覺得已經成個人都鬆晒，之但係．．．．最重係個頭．．．我已經變左做一個ｋｉｎｄ子．．．傻西．．七頭．．
跟住做左個面膜．．．沖涼．．．．沖完涼．．．睇新聞．．．．見到個新聞佬個頭兩邊好似我．．．．我好心痛．．．．我痛恨自己點解次次都會犯下咁愚蠢０既錯誤．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

　　　葉劉淑儀：「假如我不能捍衛我的頭髮，怎能捍衛香港的治安？」　＞．＜

>>March 19, 2004 at 5:38:27 PM GMT+8

2004 年 3 月 17 日 星期三 【寒冷】

琴日完全係溫書失敗的一天，所以我決定早０的訓教．．．好耐都冇聽過收音機，聽左倪震一陣，條仆街成撚日講埋０的性愛０既０野，不過又講得好似幾有ｐｏｉｎｔ咁．．．今朝又早左起身，十點幾開始有知覺，終於係十一點前起到身，但係唔知點解都係好似好辛苦咁．．．之後我嘗試打機令頭腦清甦一０的．．．之後睇賽果，今次中番條２串１，我好理智同埋忍心咁買左祖記輸．．．我要靠手頭上呢張現金卷再闖天下！！！！！！！！！

但係一打就打上腦，跟住梅度又上左離坐０下．．一點半到，肥寶打來，我答應左佢今日番學校訓練ｏｒａｌ，但係我放左佢飛機．．長毛話考試當日如果再練會死亡，應該ｒｅｌａｘ，所以我咁做其實係簡接幫左佢，不過佢實當我吹水～～食左個叮叮湯飯，食完即時肚痛，痾爛屎，不過又唔好好辛苦０個隻．．．之後冇咩ｍｏｏｄ出去溫習，諗住係屋企溫，但係我知道根本就冇可能抵制到屋企０既誘惑，於是就是是但但咁死左出去，頭又唔洗，有咁ｇａｐ得咁ｇａｐ，訓到後面平左，前面又飛起晒，七到冇朋友．．．一去到就差唔多四點半，放ｂｒｅａｋ時間，於是又出左去大快活食食物，今日真係冇咩胃口，食左個奶醬多ｏｎｌｙ．．．之後又入番去西冧．．但係真係好西冧，好似係到發夢咁．．．但係之後好左少少．．跟住去到九點鐘，我唔想番屋企，因為我已經討厭左每日死板０既生活！！我要改變！！！於是去左圖書館再溫，我思疑係因為蓬迎去得太多，身體０既因子已經厭倦左，所以效率差到冇朋友．．去到圖書館，西冧咁溫，雖然唔夠一個鐘，但係已經比起係天平０個幾鐘來得致命，所以呢幾日都係轉換０下環境先！～

溫到十點，我知道我唔應該番屋企，我要尋求一０的突破，於是同中仔去左食飯，但係之前去左紅場睇阿ｂｉ踢波，佢話琴晚番左大陸．．．去左．．．．　－．－　．．．．　跟住放左個書包係中仔屋企，然後順手攪０下個頭再出發食食物．．．佢條撚樣話佢阿ｓｉｒ話只要佢地溫晒一份好撚薄０既三十多題０既ｍｏｄａｌ　ｅａｓｓｙ去考西史ａｌ就可以拎Ｂ！！！個阿ＳＩＲ係嘜撚０野中大西史ＦＲＩＳＴ　ＯＮ　畢業生，講到好撚狼，我就睇０下係咪真係咁撚堅，仲叫我而家加多科ＡＬ都離得切，如果真係咁筍，都諗得過．．．．．．食完飯番番天平拎單車番屋企，好撚大風，痴撚線，條馬路全部係樹葉，係到不停轉圈，攪到我想行入個風眼入面，不過聽講有鬼．．．．．．．．．．

沖涼前做左廿下掌上壓，雖然少左０的，但係已經好撚累，不過慢慢適應左，次次做完個胸都好豐滿～我要維持落去，就快夏天，我要健碩０的！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

有人說，天空中的兩片雲是不應該相遇的。如果相遇了，那麼就要下雨了。

>>March 18, 2004 at 6:27:21 PM GMT+8

2004 年 3 月 16 日 星期二 【炎熱】

今朝八點鐘，我夢遊式咁打左個電話叫人起身，起左身都要諗好耐先記得有冇打到．．好辛苦咁終於係十一點零五分起左身，遲左五分鐘．．．不過都已經好大進步．．起左身成個人都好呆滯，好想訓番落去．．之後就即刻開電腦睇賽果，嘗試令自己清甦０的，中左一條飛．．．
我寧願早起身打０下機或者做０的無聊０野都總好過訓到咁晏．．．．

之後沖涼食飯，打左陣ｃｍ就換衫出去溫習．．．呢兩日著短袖衫，偏偏就鬼死咁涼，今日咪著長袖囉，但係熱到仆街！！入到去坐番琴日個位，肥文係我前面，佢不時咁騷擾我，令到我不能集中．又成日講賭波．．之後４點半，出左去食食物，今次肥中請番我，我食完一個吉列豬排雙蛋公仔面後，覺得唔係好夠，叫多個西多士併珍寶腸．．食到好撚飽，我個肚腩開始要正視一下，呢幾日去溫書都要專登鬆開粒褲頭鈕．．．今日溫習完全係死亡．．．不能集中，可能早左起身所以有反效果．．小光打離講甚麼春風路好正，不過全靠佢我先從睡夢中清醒過來．溫到六點幾，覺得有０的急屎，但係又驚係自修室痾會俾人笑．．．於是冇痾到．．．期間肥彭行左個來，跟住有個阿叔闖左入自修室同佢傾計，原來係鄭漪穎的父親叫佢叫芹漪穎番屋企食飯．．．肥文斜對面有個女性著左個露背紫色衫，一把柔長０既秀髮剛好覆蓋係露肉０既位置，但係好可惜睇唔到前面０個樣，只能夠憑空想像．．．

之後頂唔順，同肥文於七點鐘就走左，偷左份報紙出去睇．．．睇睇０下潘仔打來，係到講粗口，講左２３分鐘，好無聊咁收左線，不過都講得０岩０既．．之後去左上水廣場睇數碼相機同埋鞋，見到大大舊係ｐｉｚｚａ　ｈｕｔ　門口．．．跟住再去馬會，好撚多人，買左＄３０．．跟住番左去中間點，拎左條ｃｋ底褲，個盒０既封面有個猛男著住條底褲，兩舊胸肌，六蕭腹肌．．．．

番到屋企，心血來潮咁來個超級大掃除，拎左一大堆唔要０既衫褲出離，當中０的白色底衫同埋襪最撚多，跟住又執埋個櫃．．．執左成五，六袋垃圾，人地話聽歌會諗起以前０既回憶，今日我執０野都有好多回憶，執執０下搵到一堆白羚羊，跟住睇左一陣．．．然後搵到好多喊碟出離，原來以前借埋人地咁多四仔都冇還，塞晒係０的鬼鼠位到．．．夜晚冇飯食，剩係食餃子同埋滾菜，之後沖涼時，對住塊鏡扮個盒０既猛男，覺得差好遠，個肚腩唔襯條底褲！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

笑並不代表開心，喜歡說笑的亦可能是世界上最痛苦的人．．．．．．．．

>>March 17, 2004 at 4:12:20 PM GMT+8