2004 年 4 月 22 日 星期四 【晴】

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝









親愛的天父，如果人生是一場馬拉松，我不要求你給我移去所有阻礙，我只希望你賜予我無窮的意志和毅力，馮著自己的力量去跨過每一個欄杆。









＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

炸彈超人十騰，你真係要堅持，地球０既和平就靠晒你嫁喇，知唔知道呀？！？！？！？！？
你是很強嫁！！！！！！你是最強嫁！！！！！

>>April 23, 2004 at 4:54:53 PM GMT+8

2004 年 4 月 21 日 星期三 【炎熱】

琴晚又冇睇波，不過有賭波，仲輸埋＄５０，喇叭文琴晚ｓｅｎｄ左０的咸夜過離，不過我冇睇，夜晚晚睇我廢時發綺夢。今朝起身，有少少唔聽話，九點先起身，跟住梳洗完畢之後，九點半先開始溫文學。溫到差唔多十一點就休息一下，０的屎日日都好定時，而家感到好滿足，我仲專登食左條蕉。之後電腦到聽存為愛，原來家姐都會買正版。一路聽跟住唱，唱左唔知幾耐不知不覺間已經十二點，於是就鍛鍊身體，然後沖涼。接著食飯，今日０的飯好清淡，因為係阿爹煮。跟住就出發溫習。

一點二十分先去到自修室，坐底之後個阿姐好心咁提我入面仲有位，佢話我個位好噪，之後我就解釋俾佢聽，然後佢就係到傻笑。今日個垃圾桶唔知點解放左係我隔離，於是我就移開佢。今日都係溫琴日０個３ｐａｒｔ，溫到３點幾，大司徒先出現，唔洗佢講，我都知佢將會死亡。今日溫南宋０既時候，郭靖等人死守襄陽０既情況展現眼前．．．溫將士勇命０既時候，成撚日差０的寫埋郭靖，唔知到時真係寫左會唔會有額外加分呢～

四點四十五分，食食物，原來佢今日睇完無頭東宮，諗住訓兩個字，點知一訓就訓到３點幾，佢仲話一人溫一個ｔｏｐｉｃ．．唉．．．不過我係唔會俾外界影響到的。今日同阿聰阿昌一齊食食物，當我去到買０野食０既時候，打開銀包先發現完來係一蚊都冇，得張現金卷，於是就扮傻咁話要問０下個ｆｒｉｅｎｄ食咩番轉頭，然後又苛索左大司徒一餐。食完０野之後又行番番去，不過之後好似唔係咁集中，因為有０的厭，睇來睇去都係０個０的ｎｏｔｅｓ，又冇拎其他ｔｏｐｉｃ，於是出左去搵波波傾計。透過互相交流，到於彼此０既知識都會增進，我終於覺得我係強者，因為我一一咁解答左佢問０既文學問題，我真係覺得好開心，因為我勁過佢，每次同佢傾談完之後我都感到無比的自信，自信心都番晒離～～之後又死番入去溫習，同肥偉係馬桶等痾尿傾左陣，但係發覺好撚耐都唔出離，之後一開．．．．原來又係冇人係入面．．．．同波波傾完之後，成個人都集中番晒，不過０個時剩番半個鐘。

九點鐘又去左圖書館，繼續溫習，效果唔錯。但係差０的同人噪，因為對面班仆街好撚噪，差少少就想屌９佢，不過都抑制到。十點鐘走人，全家去左打邊爐同埋假姑姐，我就死左去馬會又買左＄１００，唔知係咪因為用現金卷的關係，輸左都唔覺得心痛，呢排對錢冇咩感覺，所以今日買左條冷０野碰運氣。

番到屋企，沖涼前又鍛鍊身體。但係沖沖０下電話響，唯有全裸咁出去聽，原來係ｍａｙ買０野俾我食，攪到成地濕晒，仲扇親黑炭。跟住睇報紙見到雪完美去豆無印修護面膜買一盒送３支０野，跟住就叫ｍａｙ聽日去買！！！之後家姐肚痛，要拎白花油，應該係打邊爐唔乾淨，好彩冇去０者～～但係因為咁先發現，原來我考英文時候索０個支白花油，係佢０既私人珍藏，絕版白花油！！！開頭都覺得怪怪地嫁喇，魚翅都問我點解支０野咁型，我仲以為轉左新包裝ｔｉｍ．．

就離考文學作文，所以呢排０既文句要斯文番少少，如果唔係到時唔覺意寫左０的粗口就仆街喇！！

好！！仲有！！！５日！！！未計功和勞～～定有好前途～～分分鐘可以威過大隻佬～～～～



＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

葉子的離開，是因為風的追求，還是樹的不挽留．？．．．

>>April 22, 2004 at 4:59:32 PM GMT+8

2004 年 4 月 20 日 星期二 【炎熱】

琴晚好乖仔，有波都唔睇，又唔賭，因為我要堅持每日早起０既習慣。今日，憑著我無緊不摧０既意志力，終於係鬧鐘響起後半小時起左身，九點左右就開始溫習，但係朝早０既時段運用得唔係咁好，可能冇咩計劃，所以已經決定左餘下０既六日朝早九點至十一點溫文學，十一點至一點食飯同埋沖涼，一點至四點半自修室溫習，四點半至九點繼續溫習，九點至十點轉場。平時食橙總係好想一塊過唔斷咁剝皮，痾屎都唔例外，我好鐘意見到０的屎好長好大條咁一條過，今朝痾左前前後後三次，三次都要係有得痾，我開始懷疑自修室部飲水機有排毒功能。

一點鐘食完飯出發去自修室，今日係我近期最早去到０既一日。我依然坐係相同０既位置。溫到個幾鐘，ａｌｌｅｎ走過來問我點解日日都坐呢個西位，跟住我話因為近馬桶，而事實上掌握到馬桶０既情況係自修室離講係好重要０既一環，因為馬桶係自修室到係唯一可以減輕壓力０既地方，如果掌握唔到人龍０既情況，就好容易會企到腳軟。突然電話響起，原來係肥紅，佢哀求我出去食食物，但係我堅決拒絕。三點幾，宏宏打離，我以為佢又叫我食０野．．．點不知佢有事相求．．．．佢叫我．．．幫佢諗幾個ｌｕｍ女０既ｍｅｓｓａｇｅ．．．我即時呆左．．．．原本我專注０既心係唔會俾任何０野動搖，但係我對於呢個請求好感興趣，於是我就番左入自修室諗左兩個字，綜合以往０既慮積同埋諗場０既發揮，是但諗左幾句．．然後打番俾佢．．．．要我對住一個男人講０的咁０既０野，我實在感到不是味意．．．「第一句．．．讓我做你的衣架，一世掛住你。第二句．．．．也許我不是一個好人，但絕對會是你的好情人。第三句．．．．「如果你是一顆星星，我不奢求擁有你，只望夜晚不會過去。」跟住又覺得唔好，改左做「如果你是一顆星星，我不奢求擁有你，只望太陽不再發亮」．．．．然後一齊爆笑！！！～！～！～！～～！亦都好想嘔。

跟住又溫習，五點鐘先食食物，今日中中請我食左個面，於是我又可以過ｍ記買多個包食，今日買左芝士漢堡。跟住出門口見到朱朱，原來佢地係入面開會．．．接著又行番去溫習，拎左一支煙，但係冇食到，因為我好驚食完會病，但係我諗住ｋｅｅｐ完到考完試先食！！！之後又溫書，今日溫治亂加交通加史學名著。中中０既一日一ｔｏｐｉｃ政策受到打擊，而事實上證明左係不可能的。溫溫０下出左去聽電話，但係唔記得左條褲冇扣鈕，條拉鍊都鬆埋，一起生成條褲差０的甩出落離，但係又唔可以當眾拉番，好尷尬咁烏底少少條腰，隻手又扮插入袋，其實係拉住條褲，然後講完電話番入去坐底扮傻拉番高條拉鍊，差０的出醜啊！

九點鐘收工，今日飲左三支水，但係諗走唔記得裝番支去圖書館。喇叭文又再度扮狼過左圖書館，不過佢唔聽話，琴日叫左佢唔好睇波唔聽人講，太頑劣喇實在。十點鐘正式收檔，過左馬會，但係跑馬好撚多人，於是又過左孖八睇人打機，條友主動同我講０野，於是我就問左佢０的問題。然後又上馬會買左＄５０玩０下，再唔搵０的娛樂，我驚我會顛！！！

番到屋企先舉啞鈐，然後做掌上壓，呢排天氣開始熱，一番到屋企都覺得好熱。食完飯睇清官秘檔，原來清朝皇帝生活並唔好過．．．０的皇后妃子仲全部都係豬排．．．．ｊｅｓｕｓ．．．．．之後沖涼，發覺左腳子公有兩條毛好撚樣衰，於是就剃鬼左去。

今日又睇報紙，斌仔封信得到好大回響，一如我所料，０的甚麼有名人士都唔贊同俾佢死．．唉．．．如果佢真係想死就俾佢死啦，唔好扮正義啦。我總覺得人死左會去到另一個世界，呢個世界根本就唔適合佢，點解仲要折磨佢呢，可能去到新０既世界佢會仲開心呢？莊子話人一出生就係步向死亡０既開始，咁死又有咩問題０者，ｓｈｉｔ！！之後我就諗番起，原來我都唔係黃藥師，明明我都覺得整容冇問題，但係考文化時又背住良心咁話正容違返中國文化，呢樣０個樣．．唉．．．最後我又諗到一樣０野．．我終於明白點解睇親古人０的畫像都會有好長０既鬚，唔係佢地興，原來係因為「身體髮膚，授之父母，不敢毀傷」鬚都唔剃得嫁原來！！！！！！！！＊


炸彈超人十騰，仲有６日！～！～！！！！～～！～！～！
原諒我，爆又炸爆又炸爆又炸，一路爆炸！～！～！～！～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

從前，愛神維納斯做了一個很精緻的魔法玻璃球，魔法玻璃球有一個很令人目炫的名字：『 愛 』。有很多人都想把玻璃球據為己有，但無奈球只有一個，不能讓每個人都得到愛。後來愛神於心不忍，就把玻璃球打破，將它的碎片散播到世界上每一個角落，讓地上的人可以自由地拾得及擁有『愛』的碎片。有些人拾得多，有些人拾得少，又有些人在拾碎片的過程中受傷，但是如過你不肯鼓起勇氣去拾的話，你就永遠得不到。

>>April 21, 2004 at 4:46:16 PM GMT+8

2004 年 4 月 19 日 星期一 【晴】

今日好早起身，原來一個人只要有心，就咩都可以成功。今朝我八點半鬧鐘響左，跟住訓多一個字就起身。我冇癩皮，充滿鬥志咁起身，跟住就刷牙洗見面，食左個包，九點鐘就開始做我要做０既０野。我係部電腦到做左條治亂興，做左成兩個鐘，雖然係咁，但係比起就咁睇功效甚為顯著。唔知係咪今日早起，生理時鐘得到調和，做到一半就急屎，跟住做完去痾。ｏｈ～ｊｅｓｕｓ，好懷念呢種咁暢快０既感覺，多麼整齊、多麼結實。痾完之後ｓｅｎｄ左俾莫ｓｉｒ批閱，然後再叫Ｒｅｇｉｎｅ幫手列印。跟住食完飯就出發去自修室。

一點四十七分到達，呢幾日都係坐係同一個位，因為近馬桶，方便睇０下有冇人跟隊。今日依然係溫治亂興衰，但係搭多個經濟史，因為進入最後階段，要開始復溫一下。好耐都冇試過咁早起身，但係又唔係好眼訓，希望餘下０既日子都可以ｋｅｅｐ住。溫到四點半去左大快活食食物，食左個面之後仲覺得肚餓，走左去對面買多個將軍漢堡食。食完之後差唔多半個鐘又番番去溫習。溫到六點幾小休，出左去同喇叭文買０野飲，佢都承認我個胸同手臀都勁左，不過我唔甘心，我要做到唔除衫都可以俾人感覺到！！！然後就開始溫經濟。九點鐘過場，今日喇叭文扮狼跟埋離。

去到圖書館，大把位，但係唔知痴左邊條線，３條友迫埋一齊，跟住我一口氣吹晒支水，嚇親大家。十點鐘收工，一齊去左馬會到玩，再諗又諗，逗留左成九個字．．．．但係．．．．咩都冇買到．．．．．ＳＨＩＴ。跟住就番屋企，諗尾醒起以前囡囡播過首歌係講朱熹同陸九淵俾我地聽，不過剩係記得第一句，然後就番屋企食飯。

食食０下飯睇電視，做緊修身堂，見到０的豬排收身前０既樣，一啖飯都唔想食，跟住諗住沖涼，但係俾家姐打尖，好撚唔妥佢真係，人地唔番離佢都唔撚沖涼，正一仆街。跟住唯有睇報紙消磨時間，見到頭版係講一個人用個口咬住筷子打電腦，ＳＥＮＤ左封信俾傻西董建華希望可以安樂死。睇完封信，我真係好同情呢個人，佢十幾年來都只可以訓０下張床到，除左個頭可以活動少少外，全身都不受控制，咁同死左有咩分別？我好支持佢去死，既然咁辛苦，生存根本冇晒意義，但係呢個世界偏偏有０的撚樣滿口道義，又話咩生命寶貴，要珍惜，要堅強！ＢＵＬＬ　ＳＨＩＴ！！換轉係你睇０下會唔會咁講，呢０的仁義道德係人都識講，試問一個連生物文化界都去唔到０既人又點去到價值層呀？？所以我鐘意黃藥師佢非堯舜，薄同孔！！

圍繞田徑場一個圈有４００Ｍ，５０００Ｍ即是要跑１２．５個圈，當跑到最後一個圈時，無論怎樣都要出盡全力，向著終點直衝。沒有人會放慢步伐，更不會停下來步行，因為他們都知道到了這個時刻就只有盡力而為，現在才放棄是天大的笨蛋。既然已跑４６００Ｍ，誰又會因為區區４００Ｍ而放棄呢？

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

從來超人卡通片都是千偏一律的超人戰勝怪獸，漸漸地我們都萌生了怪獸把超人打敗的這個怪念頭。但是我們並非真的希望超人一跌不起，我們只想看超人被打倒後如何獲得新力量，再次保衛地球！！

加油啊，炸彈超人十騰！！！

>>April 20, 2004 at 4:41:21 PM GMT+8

2004 年 4 月 18 日 星期日 【晴】

今日十點三十五分就起左身，睇番琴日０的賽果，好多場都奶晒０野，都冇咁鬼谷氣。起左身之後，就去左梳洗，然後食飯，十一點幾中中打離話０的ｔｉｐｓ中左，但係佢都係做唔切．．．．真係俾佢激死．．．之後佢話仲有一ｐａｒｔ要考。跟住我就去左自修室，一點三十五分就去到，越離越早，然後就展開辛勞０既一天。

今日溫治亂興衰，考期越來越近，有一種無形的壓力。溫得唔好，溫完都好似冇溫咁，好似睇左好多０野，但係又好似一片空白，唉，好驚，好想死。五點幾去左買一個將軍漢堡同埋一個芝士孖堡，然後同波波係露天劇場談天。唉．．．聽日０既路都唔知會係點，而家可以做０既咪只係可以溫囉，我堅感到悲，唔係講笑，溫左咁撚耐都到時都係唔撚識可以點，到最後咪得個吉？我真係覺得好撚７頭．．．唉．．．如果升唔到班會唔會好０的呢？以前珊珊去睇一個好出名０既睇相婆，雖然我冇親自去到，亦都唔想承認佢講０既０野，但係真係講得好準，唔知以為夾定ｔｉｍ．．．不過佢最後話我會係一個大學生．．．我真係好希望佢講０既０野可以樣樣都咁準．．．．．食完包，中中又打來，又話中晒．．．但係又話冇溫一條．．．．唉．．．真係俾佢激撚死，已經溫少人地咁多，都仲要咁樣．．．難為其他溫到隻狗咁．．．ＲＥＧＩＮＥ好串咁話，「係咩？一樣咩？」．．．有ＴＩＰＳ都唔撚睇，高手．．佩服．．

之後我又開始溫習．．．中史中史中史中史中史．．．．．．唉．．．．仲有８日．．．番到屋企見到周麗淇都冇ＭＯＯＤ喇．．．．．好悲呀．．．

回想過去兩個月內重複又重複的生活，為的到底是甚麼呢？也許只是一個學位，一個看起來、說起來、聽起來都好像與眾不同、高人一等的稱呼。不是一個人，而是一大班人都為著同一個目標，不論躲在相同的地方抑或不同的地方，都在做著一致的事情。望著不同的筆記、手執相同的墨水筆，寫的寫、背的背、出神的出神。姑勿論你是在認認真真的牢記還是呆呆的完神出竅，你和所有人都抱著同一個希望，同一個使命。累了嗎？睡一會吧，一小時、兩小時、三小時？不，一刻鐘已是極限了。苦吧？受夠了吧？當初不是興高彩烈的嗎？「媽，看！我行了，十六分啊～」。忘記了，也許一切都忘記了，也許所有人都把一切忘記了。耶穌曾說：「不論你出生前信主，長大後信主，甚至乎臨死一刻恍然大悟相信主，你都是會上天堂的。」，耶穌的話對與否沒人知道，我只知道你剛開學時開始讀書，學期中時開始讀書和考試前才開始讀書，去的地方就肯定不同。遲了？未必算得上，充裕？十世也談不上。也許在這最後的關頭，所做的就只有最後的補救。真的累了嗎？睡吧，可以睡多久？決定在你手。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

炸彈超人十騰，唔好死呀！！！！！！！！！！！！！！

>>April 19, 2004 at 4:47:20 PM GMT+8

2004 年 4 月 17 日 星期六 【晴】

唉．．．呢兩晚都訓得唔係咁好，到底出左０的咩問題呢？？？

今日好早就起身，跟住好積極咁係到沖涼洗頭，用左琴日新買０個支雪完美去荳潔面０者０里，然後再敷塊雪完美淨白瑩彩面膜，感覺．．．好似年輕左幾歲～越敷越精晶瑩剔透，巴黎雪完美～～琴日係萬寧同屈臣氏分別拎左一本周麗淇０既小冊子，好鬼靚啊入面張相～～～跟住就換好衫，今日好撚熱，終於著左件舒夫真高出去。今日好乖，十二點十九分就去到自修室，不過先去左食０野。原來今日係星期日，所以周圍都好撚多人，最後生左去天天見面食食物，中中聽日就考西史，我都好緊張，因為我好想知道佢０的ｔｉｐｓ準唔準，佢話如果聽日冇打俾我叫我唔洗打俾佢．．．．．．．．．

食完之後一點半就開始溫習，展開漫長０既一天。開頭九個字唔係咁得，訓左三個字，但係好似好耐咁，跟住就開始上力。琴日完全係荒廢左，可能係太過厭戰，所以早左訓，今日效果明顯有改善，不過我都係好擔心溫唔撚晒０的中史．．．五點鐘，去左ｍ記買左個將軍漢堡食，＄１２！！之後又繼續溫習．．．期間飲左好多支水。

七點鐘，喇叭文負責去買波，然後我就去圖書館繼續溫習。入面好撚多人，不過最終都俾我搵到個位坐底。轉左地方就轉左科目，文學咁又溫多兩課，真係好開心。雖然今日感覺上早左好多，但係唔知點解好似冇咩變到咁，睇離我聽日一定要左早０的左早０的左早０的！！～！～！～溫溫０下小強打來，係到騷擾，之後話考完試番大陸玩，然後俾我屌９佢。

番到屋企食飯，好撚難食條魚，「ｓｅｎｄ」到仆街，之後好撚唔開心．．．第一關就過唔到，仲要係好撚擔心咁拖埋０的超級大熱門．．．輸番＄１００，琴日又輸左＄１００．．．呢兩日輸左＄２００．．．個天可能見我太過氣焰，所以要一挫我０既銳氣，又可能溫得書多導致出事，但係我是不死的！！！！！

唉，仲有九日咋．．．．．．．好撚擔撚心呀．．．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

夜深人靜，寂寞的燈黃的街燈映照著寧靜的疲倦的公路，什麼東西都睡著了，留下誰來守護這片土地？我．．．

>>April 18, 2004 at 5:40:17 PM GMT+8

2004 年 4 月 16 日 星期五 【晴】

俾人串呀！！！！！！！唔寫呀！！！！！！！！吹呀！！！！！！！！！！！！！

>>April 18, 2004 at 3:26:13 AM GMT+8

2004 年 4 月 15 日 星期四 【陰晴不定】

琴晚失眠，兩點幾起左身眼光光訓唔著，一個呵欠都冇打到，好唔開心。於是起身沖左包熱好立克飲，然後又開電腦玩ｃｍ。跟住同雯雯玩ｉｃｑ，打俾佢竟然唔撚認得我，於是我扮喇叭文．．但最後都被悉穿。我一直期待緊一個呵欠０既出現，但係要等到差唔多四點先出現。唔知係咪琴日溫書太過強迫自己，導致超出負荷，琴晚訓教時個腦好多好多０野咁不停地思考，停唔到落離．．．．

今朝起身，發現個電話真的開始出現問題，０的ｍｅｓｓａｇｅ成日都收唔到，於是我熄左部機，一向都唔熄電話，但係自從電話爆炸之後，我開始擔心。就係呢個時候，個電話熄左之際，原來個鬧鐘功能都會照響！！！！！！好恐怖！！好彩及早發現，唔係考緊試發生就仆大街喇！！！！今朝十二點起身，起左身發現．．．．．仲有水．．．．跟住就快快手沖左涼先，然後食飯。跟住一點鐘開始做政制史０的演變，做到成四點左右，跟住休息左一陣，換衫執０野準備去自修室。去之前叫左個朋友幫我ｐｒｉｎｔ０野。

五點五十分先去到自修室，簽０野時睇到喇叭文只係早左我五分鐘多０的，跟住就坐低溫習。今日冇琴日咁狼，加上唔知點解個屎忽好似好痕咁，攪到唔係咁舒服。接著覺得肚餓出左去買夾餅食，然後繼續溫習。今日ｏｎｌｙ溫文學，但係進度冇琴日咁好，仲發現左原來＜詠懷古跡＞五首都係好傷身０既課文。跟住去痾尿，同中中一齊等尿兜０個格，但係等左好耐都冇人出離，於是火火地扭０下到門，原來冇人係到嫁！！！！！！！！！！！！之後我真真正正咁即場示範俾佢睇我痾尿可以痾幾耐，呢趟尿係我用飲水機裝左兩大支水灌落肚０既成果，加上我故意死忍，效果不堪設想。原來佢今日死左去荃灣．．早我少少到。仲有４日佢就考試，佢死去陪同學去勞工處搵０下有冇ｐａｒｔ　ｔｉｍｅ．．．．

轉眼間就九點鐘，不過外面下雨．．．好撚麻撚煩。今日冇去圖書館，因為去左同媽媽去行樂坊打邊爐．．．一家四口懶０下天倫咁係到打邊爐，電視播緊中國隊，個個都好鬼樣衰，仲係覺得個樣係窮鬼餓鬼相，０的髮型又個個陸軍裝咁．．伊朗０的人都型過佢地。雖然冇得買呢場，但係我自己估２－１，結果真係中左！中國真係好撚廢，俾人係咁攻，真係丟臉。

夜晚ｋ－１００有周麗淇，我嘗試去搵佢０既ｗａｌｌｐａｐｅｒ，但係唔成功．．之後睇到ｙｕｍｉｋｏ個廣告，佢都幾噗，不過點睇都係似隻雞多０的，雖然靚，但係唔撚鐘意！！！！我決定左要同老母來一次真真正正０既研討，決定正視旅行呢個問題！！男子漢既然答應左人，就應該要做到，不過都要視乎能力．．．．．．．．．於是我係到沉思，一生人起碼要試過一次離家出走先至算得上不往此生．．．但係成廿歲先離做會唔會好撚戇９呢？？到時佢地如果驚都唔撚驚，我又死死氣咁番去咁咪仲撚淤？？？？？？？？Ｊｅｓｕｓ！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

如果有一天， 你覺得想哭了，打電話給我，我不能保證我能讓你笑，可是我可以跟你一起哭﹔

如果有一天，你覺得想跑開，不要不好意思打電話給我，我不保證會要求你停下來，但是我可以一路跟你一起跑；

如果有一天， 你不想再聽任何人的話，打電話給我，我答應你我一定在你身邊，而且我保證一定非常的安靜待在你身邊。

但是， 如果有一天，你打了電話給我，可是卻沒有任何回音，趕快來找我，也許是我需要你的時候－－－－－－－－－－－我的朋友

>>April 16, 2004 at 4:56:07 PM GMT+8

2004 年 4 月 14 日 星期三 【乍暖還寒】

琴晚半夜兩點幾．．．阿根冇啦啦好大聲慘叫．．．原來發開口夢．．．俾佢嚇撚死．．．．今朝較左九點半，但係最後都係十點半先起身，我真係好撚厭倦呢句開場白，我嘗試問自己到底較鬧鐘離做嘜撚０野。起左身之後睇賽果，條３串４中撚左兩關，贏＄２０．．．即係每人＄１０．．．．．唉．．．．肉酸呀簡直．．．．原本我堅決話要買０個兩場中撚左，有成十五，六倍，但係條仆街話唔會，我叫佢一齊拎＄２０博０下又唔撚肯，攪到而家贏得＄１０咁肉酸！！

跟住嘗試做０下０的題目，不過唔成功。之後十二點左右就係廳溫習，然後叫左仙茶居外賣，今日叫左魯肉雞扒飯，唔洗半個鐘就送到離。食完飯之後溫多陣阿ｍａｙ就番左離，之後我已經知道我非要離開屋企不可，於是走左去沖涼，但係呢隻ｌｕｘ　ｓｕｐｅｒ　ｒｉｃｈ令我好唔開心，實在太廢，洗唔甩０的泥，於是我就叫阿ｍａｙ買番施芬。沖完涼，佢用左懷柔政策，佢話如果我肯同阿姨去泰國就俾＄５００我！！！！我冇即時答應佢，但係呢個誘惑實在好難抗拒！！！！

今日自修室開一點鐘，回復正常，於是我兩點鐘去到。好巧合地坐左係中仔隔離，於是又展開沉悶０既一天。今日都係溫政度史，理論上都溫得七七八八，但係成撚日都覺得係未ｏｋ，都唔知想掂，總之就溫完好似未溫但係又識識地咁，好尷尬。今日溫得唔錯，全程都好投入，不過食完０野番離之後番左半個鐘，之後溫唔到。但係我改變策略，先放下中史，轉攻文學。溫文學（課文ｏｎｌｙ）永遠都有一份無形０既親切感，個感覺比起中史可以稱得上係一個享受，可能係熟加上有０的故事性，總之就好好多啦，特別係＜告子上＞同埋＜逍遙遊＞，雖然好撚長，但係真係幾好睇。不過傳說話考評局呼籲考生被免將兩課連續研習，接近七成考生因為連續溫習而導致成績比如期低劣，更甚者某部份意志力薄弱考生出現精神錯亂，於試場大聲呼叫。

差唔多八點，見到喇叭文，傾左一陣，俾左＄１０佢，其實應該係九個幾先０岩，不過我豪俾佢。之後佢話好多人係門口傾電話都鐘意攪我架車，所以我決定泊遠０的，今日佢條仆街係到扮勁，溫到九點鐘。之後我再去圖書館溫習，溫＜逍遙遊＞溫到收工都唔想走住，差少少就睇晒。然後我番屋企，去到樓下又唔係咁想上去，於是兜左個大圈遊０下車河，雖然十分鐘到，但係好似兜左好耐咁，然後番屋企食飯。食完飯阿根整盤栽，買左０的新泥，據說話有蚯蚓係入面鑽鬆０的泥土。呢兩日睇報紙都有講豹貓，萬幾蚊一隻，但係我越睇覺得黑炭壞似豹貓，性格又兇殘．．．．跟住係咁舉啞鈴同埋做掌上壓，嘩，隻手臂即刻漲撚左，個胸仲大個ｘｘｘ。

之後沖涼，見到施芬．．．係撚咁禁啦，點不知唔對路，係護髮素．．．．．．．於是我怒吼屌鬼，佢仲話：係咩？～　ｓｈｉｔ！！ｊｅｓｕｓ！！跟住我唯有用肥皂洗頭．．再用護髮素，效果都唔錯渣～

明天．．．．我將會面對一個重大的考驗．．．我真的非九點起身不可．．不．．是非九點前起身不可．．．．因為．．．．．．．．．屋企又停水．．．．仲要係九點至六點．．．．點算？？如果我起唔到身點沖涼，沖涼是少，洗頭是大呀！！！加油呀，十騰超人！！！！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

棄我去者，昨日之日不可留；亂我心者，今日之日多煩憂。

>>April 15, 2004 at 4:30:19 PM GMT+8

2004 年 4 月 13 日 星期二 【炎熱】

今日十點半起身，之後成個人都好似暈暈地咁，然後就走去痾屎，不過都係冇得痾。跟住睇小飛俠，然後玩電腦，睇賽果，琴日冇買到，不過都想睇０下有冇爆冷。之後十二點幾食飯，然後去左ｎｏｗ．ｃｏｍ睇番百份百感覺開頭０個０的，跟住DOWNLOAD左士多啤梨蘋果橙ＭＴＶ～～～不過食唔晒０的飯，冇咩胃口．．．跟住一點許就係屋企溫習，不過溫得唔係咁順利，仲一度訓著左，流左０的口水落０的ＮＯＴＥＳ到，然後舉啞鈐，二頭肌比較缺乏鍛鍊，所以手臂唔夠靚。食完飯肚有０的離０野，但係痾得好雜，呈現糊狀．．．．

三點幾，煮左個面食，跟住睇左陣吉鋂太郎，然後就立心走去沖涼。首先剃鬚，好唔舒服，次次剃完都一點點紅色敏感，０個種感覺好冇保護，好唔鐘意呢種感覺。望住塊鏡真係好撚火，成日都係０的尷尬位生暗瘡，個天真係好撚唔公平，我又唔食煎炸熱氣０野，又早睡早起，飲水又比人多，都要我生暗瘡，真係好撚黑人憎。沖完涼之後換衫死撚左去自修室溫書。

五點鐘去到自修室，見到中哥哥，佢剪左個頭．．．．．．好似奶奶地０野．．．．不過算啦，我冇資格話人奶０野嫁喇。跟住我好專心咁溫習，轉眼間就過左兩個鐘頭，要轉場，跟住去到圖書館繼續溫習，狀態依然唔錯，冇咩發到夢，剩係痾左一次尿，見到神童．．．．溫到十點鐘就走人。

去左馬會小注，今日冇咩心水，不過今日跑馬，好撚多人係上面。同喇叭文夾＄２０買左條３串４玩０下，期間又見到飛翔。

番到屋企得爸爸，媽媽原來要番工，姐姐去左唱卡拉ｏｋ，於是我又食飯，跟住係到玩ｃｍ，沖涼時有０的急屎，呢兩晚都係咁樣，夜晚反而會急屎，但係我故意強忍，我要留番聽朝先痾。琴晚係到諗緊，到底我呢段咁刻苦０既預科生涯維持左幾耐呢，有人話只係兩個禮拜到，我死都唔撚信啦，肯定唔撚至啦，於是我就翻查番日記，差唔多兩個月都離喇原來，我屌你老母！！！！！我一向都唔做蝕本生意，既然涯左咁耐掂都要捱埋去！！！！加油呀十騰超人！！！！！！！呀哈！！！！！！！！！！！！！！！！！聽日要九點起身呀！！！！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

我呆呆的站著，身後的影子忽然亂舞起來，我回頭對它說：「儘管你如何舞動，最終也走不出我的腳底 」，它默然了．．．．．．一人一影，再度呆呆的，動也不動 ．．．．．．

>>April 14, 2004 at 5:10:35 PM GMT+8