2004 年 5 月 3 日 星期一 【晴】

琴晚兩點先訓，同表弟孖舖訓地下，但係俾佢霸左好多位，我只可以蜷伏係一個夾狹少０既位置．．．成晚都訓得唔好，到朝早家姐同父親番工又俾佢地噪醒。六點幾七點，阿姨同表弟都先後咁起身，而我其實都好眼訓，但係經已訓唔到喇。之後就起埋身，成個人都好似軟手軟腳咁。之後同佢兩個落左樓下食早餐，阿ｍａｙ就自己係到訓教！！食完之後番屋企，原來部電腦中左病毒，香港早晨咁０岩講緊，跟住表弟就幫我整番好，原來佢電腦都有０的料到。

幾經辛苦等到十點幾，ｍａｙ同佢地出左銅鑼灣，我終於可以痾一棟勁屎，然後訓番一陣．訓到十二點幾就起身沖涼，準備去溫習。我就係好驚，仲有最後一科文學史，但係個狀態冇之前咁好，早有回落０既跡象．．．我好驚會前功盡廢．加上我身體又病左．．．真係好慘．．．今日完全溫唔到書，溫到三點幾出左去食０野，然後去左睇醫生．唉．．．．醫生話可能壓力大容易０的病嫁喇．．．唉．．．真係好唔開心．．．跟住係自修室食藥。食完之後唔知係心理作用定係０的藥力，攪到我係咁恰眼訓．．我唔要咁樣呀，我要重拾昔日０既光采呀！！！今日原本想溫ｇｐａ，但係溫到一半就已經燥底，最後決定放棄溫番文學，但係又專心唔到，唉．真係好唔開心．．．．

最後等到九點鐘走人，圖書館都冇去到．．真係唔可以咁樣呀，心太散喇，定係病左先咁呢？跟住去左馬會，買左＄５０玩０下。之後番到屋企，我覺得好唔開心，好有壓迫感，於是我食完飯就執左０的０野去左喇叭文屋企訓．．．．佢屋企有一隻好０大既狗，開頭好叉驚，但係之後好得意，好鬼聽話，又熱情，同０個隻死人黑炭冇得比。佢屋企有一張好０大既阿嬌ｐｏｓｔｅｒ，擺到明勾二嫂。望向底下，見到佢個啞鈴，終於明白點解我咁勁，佢０個個輕到死，好似俾ｂｂ仔玩咁．．．佢部電腦都中埋同樣０既病毒．．．唉．．我咁樣走左出離．．會唔會唔係咁好．．．唉．．．聽日要六點起身去深水步考．．．

>>May 4, 2004 at 4:54:56 PM GMT+8

2004 年 5 月 2 日 星期日 【晴】

今日八點幾就醒左，阿姨同表弟終於都番左離喇。我剩係聽到黑炭係房門慘叫．．．於是我到九點鐘先出去打招呼，同大家會面。阿姨話我大隻左同埋靚仔左，我真係好開心可以聽到呢０的咁真誠０既說話。今日好唔舒服，個喉嚨又痛，應該係發炎．．．唉．．．真係好唔開心。跟住就沖涼換衫，然後出左去飲茶。飲完茶就去左圖書館溫習，首先痾左篤屎，而家屋企多左兩個客人，我唔可以咁猖狂咁係屋企爆石．．．之後溫書，但係溫唔到，因為雖然只係個喉嚨唔舒服，但係導致我全身都好似好病咁．．．我真係會死亡，點解個天成日要整病我，我明明係一個強者．．．．禍不單行地，圖書館十二幾就清場，於是我就好ｋｉｎｄ咁等到天平開再溫．．．

去到天平村，我冇得再坐番我個位，因為要節省用電，所以要坐晒前面０個０的先。於是我就坐底左，但係凍撚到我仆街，跟住轉左去大門０個到坐。今日堅溫唔到書．．．唉．．．我要健康０既身體呀！我知道自己喉嚨痛，已經飲左好多水，我飲左成４支水短短兩三個鐘．．．跟住又去左買漁夫之寶。

四點半，又去左食食物，又知道左０的秘密。跟住諗番起一０的燥底０野，越諗越唔妥，於是就作出人生０既第一次。宋玉０既＜高唐賦＞被人誤會係講淫０野，但其實佢真正０既用意係勸諭君主唔好荒淫，所以佢好悲。我都好悲，我咁花心機寫０既０野竟然冇一個人明白我真正０既用意。於是我就申請撩鬼令，唔夠一個鐘就批左，於是我就打去屌鬼條多咀鳥。我從來都未試過鬧女仔，今次都算係第一次，鬼叫佢傷害我弱少０既心靈，我０既感覺就好似俾一個含住支煙０既人叫我唔好食煙一樣咁燥，但係對方係女性，我依然有所保留，我一句粗口都冇講過，只係用道理問侯０下佢，不過可能剩係我先覺得有道理０既道理。作為一個火爆人，打人尚且會承認，條仆街竟然同人申訴話我爆晒粗．．．爆粗呢０的咁雞毛０既０野如果有講我會唔認咩？！不過算啦，係我０既威嚴之下，可能每一個文雅０既詞彙都會變成粗言。鬧完人之後到我俾人鬧番，不過內心感到好舒暢。

出完一口氣，成個人都散晒，更加溫唔到書，於是番左屋企休養。訓到九點許，出左去請中食飯，然後過左天平踢３人足球賽，踢到全身都係汗，跟住經過７仔買左包幸福傷風咳素食．．唉．．病病呀．．．番到屋企都成一點幾，阿姨訓左我張床，我要同表弟訓廳，佢好大隻，見到佢打斜咁訓身成個地下．．．．於是我好無奈咁沖涼訓教．．．又冇得鍛鍊．．．

男與女之間到底可唔可以有純潔的友誼？其實我覺得係可以的。只不過０的人唔明白真正０既用意，男同女ｆｒｉｅｎｄ就話是但一邊有０野，咁樣其實真係好敷淺，好小朋友。莊子所講０既「無己」就正好講出呢個樣０野。我地就因為成日俾性別呢個框框局限住，其實諗深一層，男性朋友、女性朋友，唔係一樣都係朋友咩？點解要有分別？我可以同男仔講心事，同樣地亦都可以同女仔講心事，咁又有咩問題？我唔覺得要刻意區分男同女，呢一種係唔文明０既做法。講０的咁０既說話亦都係一０的唔文明０既野人。

>>May 4, 2004 at 2:43:17 AM GMT+8

2004 年 5 月 1 日 星期六 【晴】

琴晚訓到三點左右，起左身，雖然好累，但係訓唔著。於是就走左出廳睇波，打左俾雯雯諗住搵個人傾０下計，點不知佢係到溫緊仔。於是ＳＥＮＤ信息俾鈴鈴，但係冇回覆，咁夜應該訓左。於是就一條友係到睇一場賽果如何都影響唔到我０既賽事。睇左一陣，雯雯溫完仔就打番離，傾左半個鐘到，佢參加左出面０的排球隊，我真係好想大笑。原來呢個世界係咁細０既，我再一次感到自己０既渺少。之後鈴鈴ＳＥＮＤ番ＭＥＳＳＡＧＥ俾我，估唔到佢仲未訓，佢以為我溫書溫到咁夜。於是差唔多三點四十五就訓教。

今朝十一點幾先起身，跟住係痾左好多屎，可能因為琴晚打完邊爐０既關係。之後打左俾鈴鈴，問左佢一０的關於中醫０既０野，佢話第時讀完之後唔洗我地診金。痾完屎之後，部電腦好似真係有０的０野，於是問左肥熙，但係都得唔到０的咩結論。係ＩＣＱ到見到ＲＥＧＩＮＥ，於是俾左個ＪＵＰＡＳ　ＬＯＧＩＮ　ＩＤ同埋ＰＡＳＳＷＯＲＤ佢，叫佢幫我睇０下有冇問題，原來波波條粉腸連ＡＣＣＯＵＮＴ都幫我選，有０的理科先讀又幫我選，考完文學之後要俾＄７５轉番０岩先得。佢今日去做ＦＡＣＩＡＬ，攪到我都想去做。接著我就去沖涼，沖完諗住去溫書，但係沖完涼佢地話去踢波，於是我決定做０下運動。今日我拎左＄１００，諗住買禮物俾中中，點不知．．．．唉．．．．我好撚七咁跌左．．．我真係覺得好唔開心，呢種心情俾訓身失敗還要難受．．．．唉．．．．．

去到紅場，見到心誠０的人係到比賽手球，唉．．．次次踢親波都總係有０的阻礙。於是唯有過石場，我地一向都唔擅長係石場比併．．．踢到咁上下我故意剝左件衫，跟住阿狗同肥州都話我大隻左，佢話我以前冇乳溝，而家有！跟住我話鍛鍊左一個月都冇，佢地居然唔撚信！！踢完之後好撚累，阿狗又被我威逼請０野飲，好似鑊鑊踢完波佢都請我飲０野，因為我次次都唔拎錢．．．估唔到今次一拎就．．．．．

番到屋企，ＲＥＧＩＮＥ話做完ＦＡＣＩＡＬ．．．佢好得戚咁話人地話佢０的皮膚靚．．．我真係好想死。之後中中打過離，佢話係旺角新世紀見到阿嬌，仲話好大波、好索，講到仙女咁，我真係好想去睇０下有幾大波！！於是就沖涼，沖完之後好撚累，食左個蘋果，跟住玩左陣電腦。

九點幾，係寬頻電視睇老夫子２００１，ｏｋ好睇，霆鋒幾型，柏芝都好靚。跟住ｍａｙ買左雜扒飯俾我食，佢嘗試叫我讓張床俾阿姨訓，我堅決拒絕左。由於聽日表弟同阿姨番離，ｍａｙ係到吸塵，黑炭聽日肯定會冇好日子過，佢最驚就係陌生人。３１／５表妹又番離，唉．．．呢排屋企一定會好熱鬧。間屋多左咁多人，都唔知點算好，我可能冇得再鍛鍊身體，因為會好尷尬。

夜晚玩ＩＣＱ，識左個１３歲０既男仔，同佢傾計個感覺好特別，我好似一個大人咁，同佢講人情世故。佢話好驚０的金髮少年，仲話好憎佢地，我覺得好有趣。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

這常冷一臉我非偽裝 　因時光一再無情盡繪
妳曾於笑面跌出淚水 　哀濃於痴百倍

>>May 2, 2004 at 3:20:52 PM GMT+8

2004 年 4 月 30 日 星期五 【晴】

今日係星期六，我決定休息一日再溫習。但係一起身就覺得唔舒服，喉嚨又痛，應該係發炎，加上成個人好似好累咁。跟住痾屎，痾得３條．．．．好空虛。倪震話佢老豆自從戒左酒之後，先知道原來屎係可以一條條，我真係覺得佢好悲哀。之後收到消息今日會有人離屋企打雀，我就更加唔高興，原本想自己係屋企玩，點不知就俾人破壞晒我個美夢。父親今日唔洗番工，食完佢買番離０既飯，佢就準備同人打麻雀。家姐一早就出左去，我都冇咁唔開心，起碼唔洗俾佢恰，成撚日霸住部電腦，呢排又係到睇韓劇，真係令人感到萬般討厭。

食完飯之後，係房到打左陣機，部電腦好似有０的問題，行得唔係咁順，我懷疑係條粉腸亂咁攪唔知整左０的咩，不過我係唔會整番好去，反正我都冇咩機會玩，就等佢承受一下呢種痛苦！跟住大司徒打離，我地家族有一個特色，就係好鐘意玩角色扮演。０的人成日打離搵我我都扮唔係自己叫人等陣，但係我父親就好鐘意明明唔係搵佢佢就扮人地。姑姐送左三條底褲俾我，三條都好撚型，特別係條邊，好似ｃｋ咁。跟住就落左去陪佢食食物，但係兩條友都冇食到０野，剩係飲左杯凍檸蜜。佢話有新目標，之後又話冇，然後叫我唔准講。我沒有講，我寫日記，日記是我，看是別人，直筆記事，絕無虛言。

跟住就去左剪頭髮，我已經對ｔｏｎｙ心淡，我唔會再俾機會佢。於是就去左石田一派，雖然要成＄９８，不過我寧願俾多幾廿蚊，都唔想換離兩個幾禮拜０既縮頭烏龜生活。剪０既時候，我好好好好強調話俾佢知叫佢唔好亂攪我兩邊，跟住佢好似明白。０的剪髮人一聽到個「短」字就會上身，所以我今日用左個「薄」字同埋「修」離代替。剪完之後，感覺好好，鬆左一口大氣。

之後番到屋企，真係好撚唔開心，我０既家姐番左離棟左係間房到，而我亦只係縮埋係阿ｍａｙ間房到打ｐｓ２。就係咁渡過左三個幾鐘，真係好撚無癮，唉．．咁難得０既一日休息就攪成咁，悶到我仆街，真係好想死。

九點幾，出左去行樂軒打邊爐，跟住十一點自己走先，去左隔離公廁爆石，然後過左老天吹０下水，好耐都冇去過。企係五人場，食左兩支煙，一吸一呼都彷彿注進很多東西但又抽出很好０野。之後同隻牛拗手瓜，先發覺自己０既渺少。
然後就獨自看著全圓的月光，一步一步的行回家。

昨天高考文學作了一篇文章。其實我並不是純粹為了應付文學考試，在文章中是有深刻的意思希望帶出來。我描述了一次跟婆婆清晨行山的經歷，發現原來世界是這樣大。原來在自己日常以為熟悉的世界，背後還存在了另一個天地。清晨的景色彷彿不是自己的世界，人煙稠密的大城市原來也有一片寧靜悠和的景色。世人看東西往往只從自己主觀的角度出發，忽視了背後的意義。試試從另一個角度去看，你才會發現自己原來是這麼的渺少、這麼的無知、這麼的一隻可憐的井底之蛙。

甲說：「唉．．．我喜歡了一個女孩啊，可是她有男朋友呢！」
乙說：「有何關係？！追求吧！就算她已婚，又如何？！若果她不喜歡你，你做甚麼也沒用！」
丙說：「唉．．．我喜歡了一個女孩啊，可是她有男朋友呢！」
乙說：「啊！你還是忘記她吧！她是你的好友的女朋友呢，不要幹這麼缺德的事！」
甲又說：「我和她分手了！」
乙再說：「你這個負心漢！！為何作出這樣荒謬的決定？！」
乙說：「我喜歡了另一人，我要和他分手了。」
甲說：「你不怕傷害他嗎」
乙說：「啊，這是很自然的事，不喜歡怎能相處啊，這是最好的決定呀！」

可笑，亦可悲。世人往往從自己的角度出發，不曾想想自己也是跌進了迷失的旋渦之中。可以理解的。孔子曾說過，「愛」是由親及疏的。雖然墨子認為世人應該兼愛，愛自己的弟弟，同樣地愛別人的弟弟，但這是違反人性的。從墨家的衰落、儒家的興盛，我們可以知道，孔子是對的。「啊！！你看那群金髮少年，多麼的令人討厭呢！」。笨蛋，認真地想想吧，口含香煙，滿耳耳環，加上臀上的紋身的你，其實也很令人反感的呢。

從自己的角度往往可以理直氣壯，滿腹偉論，其實只是愚昧，無知。五十步笑百步的故事耳熟能詳，但又有多少人會認真思索這個問題？能夠做得到的我更可以大膽說一句：「沒有」。耶穌說：「誰認為自己沒有犯過罪的便出來懲罰這個罪人！」。這是多麼有意義的說話。我愛莊子的＜齊物論＞，雖然略知皮毛，但只少明白，從同一個觀點、角度去看每一件事、每一樣物，其實都是一樣的。我賤格，難道你就是聖人？世上很多人比我好，難度你就是最完美？我笑，笑世人的無知、笑世人的天真、笑世人的可笑。

一九九七年七月一日，劉德華代表中國人唱起「中國人」一曲，一個全頭金髮的「中國人」在唱中國人，哈！可笑，真的很可笑！說服力已經不知去了那兒，總有的，就在這位「中國人」的心裡吧！早年陳曉東宣傳禁煙活動，一個煙不離手的人在做一件這樣的事，開玩笑嗎？世人的腦袋在裝甚麼？？在這樣的時代，我真的不能不悲涼地嘆息了。

容許我借用艾青和何其芳的詩句。「在這長長的鋼的鏈索，我是極其渺少的一環，然而我像最強頑的那樣強頑」。不久之前，我希望可以出一本書，雖然還很遙遠，但我真的希望改變這個世界。

我在沒有燈光的晚上所寫的無力的日記，能給世界些許的溫暖麼？明亮的月光的背後其實卻是一個陰冷的黑暗的無邊無際的宇宙。

>>May 1, 2004 at 6:14:10 PM GMT+8

2004 年 4 月 29 日 星期四 【晴】

今朝六點十五分就起左身，然後死左去沖涼，跟住飲左盒麥精同埋食左包餅，係屋企偏偏就痾唔出屎，於是唯有去到試場先痾。七點三十分，因為留左件風縷係屋企，所以遲左少少。約埋一班同學一齊去大埔圓玄中學。

去到大埔站，我地搭的士，由於去到村口塞車，所以我地落車行入去，但係又唔識得路，於是我就問左一個校服少女，但係我一開口問０既時候，佢竟然嚇到彈左一彈，仲退後左兩步．．可能我太靚仔嚇親佢～但係佢竟然話唔知，之後我地夠自己０既實力搵到，我就第一時間走入去痾屎，痾得唔係咁好，都係爛溶溶。跟住就入內應試，但係測測０下０既時候，突然好撚急尿，於是就舉手去左痾，痾完之後再測，覺得好似又急，０個一刻好驚，成個人都騰晒，因為我唔敢再舉手，但係個心又好亂。於是我唯有集中精神，深呼吸，最後都發現原來急尿只不過係一個假象。今日作左一篇文叫做＜山行滿載歸＞，作完之後感覺好似好好，其他賞識都冇咩難度，第一份卷就轉眼間咁渡過。

跟住就去左食０野，同肥輝去左大家樂，食左個雞翼拉面。然後又番番去人地學校到痾屎。痾完之後無所事事咁係到巡邏，見到好多人係到溫習，但係我並沒有隨波俗流，我認為呢個時候最緊要就係放鬆心情。由於今日呢間係道教學校，所以我覺得一定會出莊子０既＜逍遙遊＞，結果真係出左，不過其實係一定會出，跟住有一題仲有阿嬌０既出現。於是我就怒寫左四題，三個鐘真係轉眼間０既事。時間對我來說已經唔再係一個障礙，係自修室就好似係精神時光屋一樣，迷失在係時間０既河流，每日都煎熬成差唔多十個鐘，區區三個鐘頭已經不是一回事了。測完之後，我感到好滿足，雖然覺得好勁，但係可能其他人仲勁，所以都係唔好抱有咁大０既期望，不過合格必定會是理所當然的事。跟住我地搭的士，喇叭文同肥輝竟然提出要搭接駁免費巴士，但係我堅拒，最後我好豪咁請佢地搭。

番到屋企，我決定今日輕鬆一下，五點鐘左右，食左個飯，然後打左陣機輕鬆下。到七點半，出左去同肥珊食飯，補足佢０既生日，因為佢生日０個日要考試。冇見佢一排，剪左個新頭，咁０岩阿嬌又剪左同佢類似０既頭，不過阿嬌靚佢好多好多。去到沙田，去左食味千拉面，叫左兩個芝士焗蠔，一碟餃子同埋兩碗面，食到好撚飽，之後忽發其想，走左去睇江湖。對於一個多愁善感０既人離講，我都係比較鐘意睇一０的喜劇。無可否認呢套戲真係好正，堅好．．我睇到最後先至有一種恍然大悟０既感覺，但係又唔係無間道３咁撚戇９！！睇左之後唔知係咪代入左戲中角色，有０的唔係咁開心，ｄｏｗｎ　ｄｏｗｎ地．．．．之後就番屋企。

由於睇完套戲，身體０既戰鬥細胞又驅使我去鍛鍊！！今日舉左好多０野，隻手呢排其實一值都好疲勞，平時唔覺唔覺，但當一伸個大懶腰時，成對手連埋個胸都醉痛。ｌｕｇｅ話痛過後肌肉就會變得強壯，代表肌肉適應左呢種強度，所以我要不段促谷自己！！！跟住冇意間望到隻錶係３１，我覺得好奇怪，４月有３１號嫁咩？？於是我就自己較番０岩！

聽日我打算去剪頭髮，我係呢到立下重誓，如果我個頭再變形，我一定一定一定會即場屌９幫我剪０個個人！！一定會！！

不信命，只信實力。仲有一科！！一科咋！！！最後１００ｍ！！！！！！！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

屎，
你是什麼，你是什麼？
你是首最感動人的歌。
誰品嚐過你的美味，
又要把你遺棄？
但你別要悲，
這是殘酷的真。.
要麼，那麼，
我就在沖廁前一刻悼念你。.

>>April 30, 2004 at 5:53:56 PM GMT+8

2004 年 4 月 28 日 星期三 【晴】

自從考完中史後，身體就呈現起一種莫名其妙的空虛，感到很孤獨、很寂寥，但又不想人陪。天氣就好像隨著心情而轉變，突然颱起了一陣秋意濃厚的風。風，是你吹進我的心？還是從我的心吹出來？我不知道。希望你早日回去，回去屬於你的地方，不要再撩動我脆弱的心靈。




ｐ．ｓ．希望聽日可以順順利利，過埋聽日，１３／５就會好有信心。亦都希望今晚可以過埋一萬大關


＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

中史就好像中藥，要融和、調理，但所需時間較長。
文學就好像西藥，方便、快捷，但有副作用。

>>April 29, 2004 at 3:46:03 PM GMT+8

2004 年 4 月 27 日 星期二 【晴】

唉．．．唔知係咪因為琴日測中史，消耗左過多能源，今日竟然出現瀨皮現象．．．十點鐘先起身。唔知係咪因為太過輕視文學，所以好似好懶懶閒咁，冇左之前咁積極。起左身後係屋企背左一陣書就食飯，跟住就鍛鍊身體，質同量都越來越強，今日仲開始鍛鍊埋腹肌，我要收身！！ＴＨＥＮ沖涼出發去溫習。

去到自修室，好唔開心．．．冇晒之前熱鬧０既氣氛，又唔洗霸位，情景好冷清．．．泛起了一片悽愴之感。於是我又坐底溫習，但係真係冇之前咁狼，點解會咁嫁呢？起初我都唔覺得人地考完會影響到我，但係我今日發覺真係有少少影響．．．我好似有０的動搖，我唔可以係呢個時候先離回落嫁，如果唔係真係最撚戇９呀！開頭仲係到釣魚．．．雖然我不斷咁催眠自己，但係都拾唔回考中史０個種ｆｅｅｌ。好在最後我都堅持到唔訓教。我懷疑係因為突然間轉變左研習０既０野，身體細胞一時間適應唔到，之後都算係投入番溫到，不過真係冇之前咁有充實感。溫到四點半，大司徒照舊離左食下午茶．．．我好唔開心，因為０的麻油整左落件衫到，唔知洗唔洗得甩，好彩今日唔係著舒夫真高咋！！仲有，佢條撚樣今晚去溫女唱Ｋ，仲話如果我去請埋我，跟住我就同佢講話如果佢唔去我下次請佢！！

於是我就好孤獨咁繼續溫習，個腦好似唔夠ｍｂ，中史０的０野可能塞住左，仲係覺得溫得唔係咁順，不過真係好在之前叫做溫得都幾熟，０的課文都差唔多背晒．．．溫到九點鐘，同喇叭文過左粉嶺，跟住去痾尿，然後剝晒０的衫ＳＨＯＷ０下０的胸肌，我鍛鍊０既成果得到回報，已經得到承認，但係我唔滿足，我要更加豐滿！！我唔介意人地話我似唐文龍，但係我唔容許次次都要加個「除左個身型」ｏｒ「瘦版」！！！！！！！呀！！！！！！！！

之後去溫習，但係我諗我唔得喇，個腦好撚實，可能真係有０的後遺症。原本諗住溫到十一點，但係十點鐘就走左。經過紅場，見到班撚樣係到踢波，於是就走左去玩一陣，希望做０下運動會冇咁呆啦。雖然好耐冇踢過波，但係我依然係咁強勁。

番到屋企，睇清宮秘檔，講科舉，以前０的人出貓真係好撚狼，中國人點解成日都做出０的咁難度高但係又好戇９既事，對於我０既民族真係感到又愛又恨。

我唔可以再俾別人影響到我，我仲有成兩個禮拜，我要堅持，邊個再係到騷擾我就用十螃鎚仔重鎚！！！！！！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

怪獸是永無休止地侵略地球，只有真正的超人才會一次又一次擊敗怪獸！！！

>>April 28, 2004 at 4:37:46 PM GMT+8

2004 年 4 月 26 日 星期一 【晴】

琴晚，正當我好努力咁係自修室溫書0既時候，朋友號就係門口到溝女，條女叫舞娃娃，佢地一拍即口，已經成為左一對熱戀中０既情侶。琴日喇叭文話ｍ記條女叫ｃａｒｏｌ，估唔到佢狼過我．．．

今朝六點三十分起身，不過我冇沖涼亦都冇洗頭，仲分左條七三界，好撚７咁出門口。係屋企食左件三文治，跟住痾左少少屎。七點三十分，去到世昌會合中仔，然後出發去萬慈中學。

去到大埔火車站，見到坦克車同埋肥熙，然後同佢地一齊搭的士去，我仲好豪咁俾晒０的車費。去到萬慈八點鐘，係佢地個馬桶到再痾屎，然後就入禮堂。我坐第一個位，好冇壓力。八點三十分，開始測卷一，但係發現出左一條冷門題目，好怩傑志大炒ＡＣ米蘭，結果唔識做一條，但係我知道一定大部份人都奶０野，所以唔撚驚。之後用一隻摩打手係撚咁寫，寫到風起雲湧，排山倒海，測到一半到，隔離位條友放左０的ＮＯＴＥＳ係倚子底，但係冇遮掩，於是俾監考拎走左，三個小時轉眼間就過去，感覺好滿足，隔離條友俾監官叫佢留低，希望佢會俾人扣分啦～之後打左俾囡囡，講左條題目俾佢聽，佢都話唔洗驚，因為政制史應該好多人都會奶０野。然後去買左個芝士意大利粉食。

食完之後又去萬慈痾屎，今日前前後後痾左３次，好強勁。ＬＵＮＣＨ時個個都係到溫習，但係我冇溫到，因為我咩都冇戴，加上呢０的只不過係用離填補一下心靈上０既空虛。跟住我又懷著滿腔熱誠咁走左入去禮堂坐底，好有自信咁放低晒０的筆．．．但係．．．．有人拍我背脊．．．原來我坐錯位，坐左隔離０個行．．．於是好撚淤咁走番過原位。卷二終於都正常番，仲要出晒０的好直接０既題目，前日敷面膜時拎左篇古文離背，０岩０岩用左十五分鐘時間，今日就好撚狼咁用左離做引言，真係開心。之後就發揮強勁０既小宇宙，開頭個一侸鐘隻手濕到好似古巨基咁，支筆係咁滑落，因為我實在太緊張，可能見到條條都有溫，所以心情好興奮，於是就但頭係撚咁寫係撚咁寫，寫到筆都冇埋墨。

考完之後，中中琴晚溫０個０的就好似飛翔買波咁，買０個隊就開對家，不過佢終於都測晒，而我就０岩０岩先開始。之後番上水，諗住俾番件衫佢，但係最後去左食食物，食完之後我食左一支煙，但係之後就好似暈暈地。之後番屋企打俾波波，佢唔聽我電話，然後打俾ＡＬＩ，佢又唔聽我電話，於是就打俾西仔文。跟住諗住訓教，ＡＬＩ同波波都相繼打番離，然後討論左一陣就收線。就係呢個時侯，身體開始不適，個頭好痛，仲好似發燒咁ＴＩＭ，於是就食左兩粒必理痛，然後敷冰袋，再打俾ＫＡＫＡ傾左一陣，我以後都係唔吸煙喇。

敷左一陣就好番好多，之後為左獎勵自己，決定休息一日，於是就玩左久違了的ＣＭ。以後就食飯，不過冇咩胃口，只係是但咁扒晒０的飯。然後又打機，跟住睇翡翠戀曲，都唔知講咩，好似好玄疑咁，但係ＮＩＫＩ好Ｑ。

沖涼前，我又鍛鍊身體，今次個量多左好多，而家做掌上壓已經可以超過三十下，不過都係多一兩下，但係已經ＦＥＥＬ到個力大左好多，我好想試０下同人打交，睇０下有冇勁到，真係好耐冇打過交，好懷念０個種熱血沸騰０既感覺，好想將近來溫書０既壓力發洩出來。

夜晚，ＭＡＹ俾左＄３００我，由於呢排除左食０野食得多錢外，都唔洗點用錢，加上賭波方面又有薄利，而家總身家已經超過＄２ＸＸＸ，得閒拎晒出離數真係好有安全感～

雖然考完一科，而大部份人都考晒，但係唔可以鬆懈！！！中史已經做到我期望０既效果，仲有文學！！問答同文學史雖然多，但係唔係咁驚，因為只要勤力就得，但係最撚驚係作文呀！！！！！上次篇驀然回首俾人屌到一棟都冇，我仲慬慬於懷．．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

以下係一則本地新聞。今日下午十二時左右進行的２００４年香港高級程度會考中國歷史科卷一，於考試完結後，考評局接受超過三十萬個投訴，考生怨氣震天。事緣考試局於出題時發生錯誤，令考生無法作答，部份考生更一度高呼口號「考評局摧殘士氣，示考生為背頌機器」，更集結於試場外示威抗議。部份考生情緒更一度高漲，包圍試場監考員並要求作出合理解釋。

考生甲：「我ｘ佢老ｘ臭ｘ，家陣玩０野呀？！！讀ｘ左咁ｘ多佢出番上年０個條托呀！？考到０的嘜ｘ０野呀？！鬥低分遊戲呀？！ｘ家產！！燥ｘ晒呀！！」　

考生乙：「我地應該從一個理智的角色去分析是此事件，無疑考評局於出題時，確是在邏輯思考上犯下嚴重錯誤，我們只要求有關方面作出回應。」

考生丙：「我只有一個希望，就是出卷員的子子孫孫，世世代代，溫０個ｐａｒｔ就唔出０個ｐａｒｔ，出０個ｐａｒｔ都唔夠時間答，夠時間答都要離題而已！！」

由於考生情緒激動，警方出動數以萬記機動部隊驅散人群，惟眾多知識份子以理說之，警方亦一時不知所惜，成對恃局面。考生代表黃ｘｘ發表聲明，要求有關當局作出道歉並把該試題作廢，否則考生一直會絕食抗議於試場門外。無線電視記者，西仔明報告完畢。

>>April 27, 2004 at 3:32:03 PM GMT+8

2004 年 4 月 24 日 星期六 【晴】

人類０既意志力真係好難解釋，最後呢個禮拜我真係可以好堅持咁張我所有時間奉獻俾我國偉大、浩瀚、悠久的歷史中，琴晚夜左訓，因為睇左一陣０的ｎｏｔｅｓ，今朝起身，我有少少瀨皮，諗住訓晏少少，但係我話俾自己聽，可能就係因為呢一刻想訓晏少少，就導致我將來訓到唔想訓．．．所以我都爬左起身！！然後死左去沖涼！痾到屎，不過ＦＥＥＬ到唔係咁好ＦＥＥＬ，因為係０的糊狀屎。跟住就煮左個烏冬，煎左隻蛋同埋三塊紅場食！咁就可以節省埋午餐時間！

十一點幾去到，好ｘ多人！！！！爆ｘ晒！！！我個文昌位俾人霸左．．．．但係我冇灰心，係附近搵到個位。開頭溫０既時候，我覺得好累，因為琴晚夜訓．．但係我用意志力支持著，慢慢地重拾節奏．．．今日覆溫最後一ｐａｒｔ０既政制史，呢ｐａｒｔ其實之前都已經溫得唔錯，加埋今日０既精研，終於升華到達詁０既境界。只要唔係點玩０野，應該都冇咩問題０既。之後一路溫到四點半先出去食食物。原來人類係最後關頭真係可以創造奇蹟，我真係好衷心咁希望後輩可以好好把握佢地現有０既時間，如果唔係又會重行我地而家呢條泥濘之路。

今日去左Ｍ記食食物，買０野０個時條女同我有０的眉來眼去，跟住大家都忍唔住笑左出離，我都唔知發生咩事，中中仲問我係咪識得佢。０個一刻我先發現原來我仲係青春期。食左一個將軍漢堡餐再加一個芝士漢堡，跟住又去痾假屎，痾唔到．．．唉．．．接著番入去繼續溫習！！永不放棄！！！！！直到七點鐘，過左粉嶺溫習。先去馬會投注，０個兩個仆街護衛員真係唔行欠打。買左條３串４同埋２串１。傳說話有幾場賽事係穩和，所以馬會唔開，剩係開左一場。係馬會見到崩牙，仲首次見到佢阿哥，除左個髮形，我真係睇唔出有邊忽可以說服我佢地係兩兄弟。跟住去左粉嶺圖書館。好辛苦先搵到個位，隔離條友個筆袋同我一樣．．．溫到九點半閃左上去隱藏自修室。開頭冇人，於是就去左馬桶一路痾屎一路溫，但係都係冇痾到，之後聽到ＡＬＬＩ係出面高呼我地０既名字，原來佢幫我地霸左位。

溫到十點半，隔離台係到不停講０野，我差０的想屌９佢地。跟住去馬會睇賽果，條３串４中左兩關，贏得＄１５．．．如果中多關就發達喇！！！！！！！！番到屋企．．．全屋企我最信任０既生物出賣左我，原來佢今朝張我筆袋支煙拎左出離，仲爪到碎晒．．．．跟住阿ＭＡＹ問我做咩食煙．．．我啞口無言．．因為我真係唔知點樣可以解釋到點解會有支煙係個筆袋到．．．．但係．．．我真係唔食煙嫁喎．．．．．之後佢地訓晒教，我就係咁拍隻死０野個頭！！！仲踩左佢幾０下！！！出賣兄弟！！一０的都唔似我！！！ＪＥＳＵＳ！！

番到屋企．．．好ｄｏｗｎ．．．補時階段先俾人逼和左．．．琴日贏２３１，今日輸番＄８５．．．下次要買一條驚天動地０既波謄先！

仲有一日！！！炸彈超人十騰，記住帶火柴引爆呀！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

打不死，因為世界有天理；信超人，因為人類有潛能。

>>April 25, 2004 at 5:18:40 PM GMT+8

2004 年 4 月 23 日 星期五 【寒冷】

今日係星期六，我九點鐘起左身，跟住沖涼換衫準備去溫書，因為自修室今日０既開放時間跟平日會有０的差異，但係都唔會阻礙到我０既決心。九點半，ｒｅｇｉｎｅ自打離，佢琴晚話九點叫我起身，好彩我冇旨意佢，跟住佢就俾左０的鄧顯０既ｔｉｐｓ我。食左個杯面出發，不過次次食完合味道都教道個胃好多０個０的味。由於今日太早出發，我預左今日下奏一定要忍屎。

十點三十分去到自修室，我依然坐番個位。琴日阿姐話我呢個係文昌位，正呀！平民係唔會抵受到呢個位０既壓力，喇叭文琴日坐到要調位就係一個好０既證明，但係我自從坐左呢個位之後，溫書係未試過訓教！！！！跟住就展開今日０既旅程。今日０既目標就係思想史，諸子學說無可否認會係我前途０既一大阻礙。我亦都好慶幸呢個世界未發明時光機，所以我先冇得打７孔子。原來傳說孔子係好好揪。話說孔子弟子子路擅武，可以徒手打死老虎，但係孔子都可以打贏子路，所以子路先跟佢，換句話說，除非我勁過隻老虎，如果唔係．．．．．
溫到十二點幾一點出左去食食物，去左天天見面食左個雜扒飯，跟住想痾屎，但係未有得痾．．．之後溫習，溫埋０的諸子，加埋王陽明。呢個時候個肚開始離０野，但係我強忍著。跟住我立心要清埋玄學，基於布歐０的ｎｏｔｅｓ非平民可以睇得明，於是我唯有去借，我問個阿姐有冇史析論．．．．佢問我點解個名咁核突．．．．．我都唔明有咩咁核突，跟住我剩係搵到本國史縰論，佢以為我讀錯書名．．我都廢事同佢噪。睇完國史縱論，我先知道我差０的死亡，ｍｉｓｓ份ｎｏｔｅｓ冇講到內容．．．我真係．．．．．唉．．．．

跟住打左俾囡囡問問題，然後講布歐壞話，好似好衰格咁，不過我都係為後代著想！五點鐘，陪中中食食物加影印，先去痾屎．．．但係又冇得痾．唉．．排毒時段已經過左喇，我個口一路都覺得有０的屎味，人地話腸胃會直接影響口臭，我諗呢個謠言係真嫁．．跟住又番番去溫習，溫到七點過左圖書館。

去到圖書館，隔離條友走開左，但係我睇到０的裝備覺得會係一個女仔，期待緊佢番離，點不知．．．係條仔，仲要係０的高分低能相。溫到八點左右，囡囡又打離，佢話如果同學們有咩唔明，歡迎打俾佢，跟住我就鬧鬼佢之前唔教ａｌｌｉ，叫人地搵布歐，開頭佢唔認，之後開始軟化，不過我知道佢係唔想傷害歐歐０既自尊心，跟住佢就打鑼咁搵ａｌｌｉ，係到問佢溫成點，攪到我有０的呷醋ｔｉｍ～～

八點半過０的０的，我同喇叭文轉場，去左聯和墟投注站買左＄２０三串四，但係入去０既時候個看更要我地拎身份證，之後我好有禮拜咁用粗口問候佢。買完之後去左神秘自修室，因為收十一點，不過環境比較惡劣。之後溫到差唔多十一點，去左痾屎，但係都係痾唔到．．．我真係好唔開心。十一點，ａｌｌｉ見到我地，之後好溫柔咁鬧我話俾潘ｓｉｒ知。之後我地就去收錢，因為中左＄２３１，嘿嘿！～但係上個禮拜手風唔係咁順，所以冇咩值得開心。行到去馬會附近，打左俾劉寶，我地企係佢樓下，叫佢望０下我地，佢個頭好似冇長到．．．．
入到馬會，我諗個看更想俾人打，因為佢嘗試再次問我地拎身份證，之後我就挺起鍛鍊後０既胸膛同佢講剛才已查過了，然後佢先係收手。

跟住要踩一段漫長０既路番屋企，上完大斜路見到飛翔，佢踩住一架俾朋友號更細０既單車，仲要係粉紅色，我唔知佢係邊到得番離，佢話係爆番來，但係我唔相信佢有咁０既武力。之後番到屋企，食食０下飯，同波波傾緊，突然手提響起，尿布打離，佢話係我樓下，跟住就俾一個人拎左個電話聽，問我係咪２４２４室，我一時間都唔知俾咩反應，好彩我見慣大場面，保持冷靜，原來佢夜晚晚過離諗住放ｎｏｔｅｓ係我信箱，但係俾看更阻撓，今日０的看更好鐘意阻住人唔知點解，不過我諗係佢好恰０者，我放ｔｉｐｓ係ｒｅｇｉｎｅ信箱都冇人阻我！！

直到夜晚沖涼．．．我都依然痾唔到屎．．唉．．聽日０既時段都會差唔多．．．唉．．我唔要呢種感覺呀．．．．

＜史記＞一書將項羽列入本紀，項羽雖無帝王之名，但有帝王之實，可見司馬遷不以成敗論英雄。就算我兩日後考試失手，後世史家亦一定會將我列入本紀的。

！！！！！炸彈超人十騰，仲有兩日，你儲下來的炸彈就可以盡情地爆炸喇！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

如果前面是一個懸崖，而你又非向前走不可，不妨試試鼓起勇氣衝過去。那時你可能會發現，所謂得懸崖其實亦只不過是一個小洞而已。

　　　　　　　　　　　　　　　　　　　　　　　　　　　　　　　　　　－－－－黃志騰

嘩哈哈！！！！！！！！！！！！！！！！！！！！！！！！！！！！！！！！！！！！！

>>April 24, 2004 at 5:51:03 PM GMT+8