2004 年 5 月 12 日 星期三 【晴】

琴晚訓教時，我再次打電話去神秘電話．．．有一條女聽．．．起初我以為可以有一段動人０既邂逅．．．但係好遺憾．．．真相係因為白粉中未轉到ｐｅｏｐｌｅｓ而用人地個電話ｓｅｎｄ俾我．．．我真係好失望，早知唔打去，等呢段夢一般０既邂逅可以長埋係我內心深處。

今朝七點先起身，我連考試都好似提唔起勁，我開始懷疑自己係因為信心爆棚定還是係癩皮。好闖忙咁換衫沖涼，最後搵唔到風筒，頭都冇ｓｅｔ就死出去．．．好頻撲。班仆街好冇人性咁走晒，我自己一個人搭火車，雖然唔會遲到，但係都有０的唔係咁安全。去到大埔，等埋魚翅搭的士，但係見到李嘉慧，佢唔記得拎準考證．．．之後打的去到試場，已經係八點十五分，我趕快咁痾屎，然後就入試場。話說大張原來係呢個場監考，不過佢係好遠。就離開考０既一刻，我依然懷著呢種唔知點樣解釋０既心情，仲竟然打左個呵欠．．．．之後一翻開試題，我感覺到係呢一個ｍｏｍｅｎｔ，要爆喇！！！！！吸收過上幾次０既經驗，我知道自己係無需要故要縮短而寫快０的，因為每次都有時間剩，於是今次我就將畢生０既所學豪無保留咁奉獻晒俾最後呢科。答第一條時，我還有０的保留，但係第二題見到老朋友０既＜史記＞，我真真正正咁爆發，加埋波波０既ｍａｋｉｎｇ，我豪無保留咁一一默寫，腦海中彷彿呈現出一本文學精讀。答答０下感到不妙，小騰又唔聽話，係到扭計，但係我控制住佢，因為我驚時間不足，於是就答埋第三題。其實呢次份卷出得好正路，所以只要溫得熟就冇問題，於是我又再次集中精神怒寫，但係最後都忍唔到去左痾尿。痾完之後彷彿有神助，越寫越起勁，不過突然感覺到有個龐然大物經過，原來因為我痾尿俾大張發現左，佢仲攪我個水樽。之後做到最後一題，我嘗試到高考以來首次０既加紙，我真係感覺到有寫不完的文字．．．．．．測完之後，我鐘意明白，之前０個種不安全感覺並唔係因為癩皮，原來真係溫得太厭．．．．．．．不過雖然好似好狼咁，但係我ｆｅｅｌ到有好多人都好狼，但係我已經覺得我成功左，結果係點已經唔再重要了！

考完之後，同大張一齊搭的士，肥州又再次俾我地愚弄。心情冇想像中咁興奮，好平淡，仲好似有０的唔舒服咁。我又扮豪咁俾錢，但係最後我發覺我銀包冇晒錢．．．．．．頂．．．．．．．之後番屋企休息一下，原本相約好決戰ｗｉｎｎｉｎｇ，但係太累要訓教所以改期．．．由今日開始我要過放浪生活，而首要條件就係要夜訓！！所以我下午訓耐０的。五點鐘，肥珊話請唱ｋ，於是就去左唱ｋ。係上水見到肥光，佢好大聲咁同我講琴日又點樣打邊個邊個，又咩吹雞，我好驚咁一路聽緊，我ｆｅｅｌ到好多人望住我．．．．係火車站等火車０既時候見到一個好似走鬼翔０既物體，佢竟然學人去上堂ｔｒａｉｎｉｎｇ馬會．．．．跟住係火車到講講０下０野有兩個阿叔噪交，差０的就打交．．．跟住叔叔甲行開左，之後過左一陣，叔叔乙又再撩鬼，然後慢慢行埋過離，當時肥珊就企左係兩個阿叔０既中間，我真係好想笑，但係我地又冇叫佢走開，場面好頂癮。一向好事０既我就緊係要插０下手，我係到勸交，哈哈！！！好白痴！！！

去到紅堪唱ｋ，呢到間間房都有獨立廁所，超正！！！跟住我俾左自修室證佢睇證明我係學生，佢都俾九折我地。唱完之後去左傳說中０既星光大道，令我感到好失望。行左一陣個人就好累，於是就番屋企。今日我同走鬼翔都好有默契咁唔知發咩神經出火車站都要渣車，番到上水我拎完車之後就周圍巡，諗住搵０下佢架０野泊係邊進行破壞，但係搵唔到。作為一個斷腸人，我冇理由唔知道「斷腸」背後０既真正意思，一定係有個典故係到．．於是我就打左俾ｍｉｓｓ　ｃｈｅｕｎｇ，佢話唔係好記得，但係相傳有一個人因為傷心過度而斷腸，於是我就叫佢搵番到底係邊個咁型，佢話搵到再打俾我。

番屋企０既時候，見到阿宏．．．佢又叫我作句．．．．．我打算送本張小霞散文集俾佢叫佢自己慢慢睇。聽日原來應承左波波去ａｌｉ屋企ｂｂｑ，但係喉嚨唔知係咪唱完ｋ，所以又有少少事，如果我照直同佢講，佢一定唔會信嫁！！！之後我問０下西仔明．．．佢都話唔信．．冇人會信我嫁喇．．．但係．．．呢個係事實．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

我試過成功，我試過失敗，但我從未試過放棄。

>>May 13, 2004 at 4:49:23 PM GMT+8

2004 年 5 月 11 日 星期二 【晴】

琴晚訓教時，我放左支水係側邊，因為呢排可能開冷氣，朝朝訓醒喉嚨都好乾。琴晚係到聽絕情谷，其實叫我做主持都得啦，佢講０的０野根本我都識講，不過做０個個難０者麻，等我考完試搵日打上去玩０下先！訓到三點幾，俾條仆街白粉中噪醒左，三點幾係到ｓｅｎｄ　ｍｅｓｓａｇｅ過離，不過算啦，佢應該興奮０的０既，因為佢終於都可以加入我地ｐｅｏｐｌｅｓ信息一族。但係差唔多四點，另外一條友又ｓｅｎｄ　ｍｅｓｓａｇｅ過離，兩個０的內容都係冇內容．．．．

今朝十點半先起身，跟住ｍａｙｍａｙ係到洗廁所，攪到我又痾屎又急尿。入到去０既時候又濕鬼晒，攪到我坐得唔係咁舒服。痾完之後就得番一個人，跟住我鍛鍊身體，呢排身體好似去到一個關卡，唔係咁要越過，睇離如果要再大隻０的需要０的時間同埋改變一下鍛鍊方法，係時候叫私人教練俾０的意見。跟住就食飯，然後聽ｔｗｉｎｓ～～不過今日越聽越火滾，我自問唱歌唔係好聽，但係我好有信心唔會蝕得過成龍條仆街，佢條友係到唸經咁，攪到我首歌ｃｈｅａｐ晒！之後我改左留言，用左阿嬌把聲，好開心啊～～係屋企跟住就去沖涼然後出發溫習。

今日係最後一日溫習天，不過絕對冇依依不捨０既心情。去到自修室一點四十分，我展開今日溫習０既第一頁。可惜今日都係好唔乖，因為我真係好厭倦對住０的相同０既０野，可能我真係溫晒先咁啦，希望係咁啦。今日我完全變左做白粉中咁，個屎忽坐唔定，一個鐘頭到就出去一次。溫溫０下有條女坐左係我隔離，跟住我就專心左少少。期間出去０既時候，心情已經唔係咁好，跟住行到去五人場，見到有個阿叔日光日白係個角落頭到唔痾尿，但係我又唔肯定，於是等佢痾完，拉褲鍊０個一刻，咁０岩我就溫完韓愈０既「不平則鳴」０既主張，於是我就張幾日來０既鬱悶爆發出離，連珠爆發用粗口鬧鬼佢，之後佢就一路整完條褲一路走，我真係一個正義０既朋友～！～！

溫到四點幾，同西仔明去左食０野，今日又食左隻燒春雞，呢餐係最後的下午茶，所以要豪０的。宏宏又叫我幫佢作句，我應承左佢，但係冇作到。食飽飽之後，就番番去溫習。都係咁樣好快咁睇一次之前０的０野．．今日我終於都奶０野，我第一次唔記得攪震機，攪到首李香蘭係自修室飛揚。跟住溫０泣下又急屎，呢排個生理時鐘有０的轉變，朝早起身痾一次，跟住五點幾六點又要痾多次，不過通行第二次我都忍住，但係今日唔想忍，就去左天平體育館痾。沿途見到條女著晒排球ｌｏｏｋ，跟住我就坐係馬桶上打俾雯雯，我以為佢要打排球，原來唔係，跟住一路痾一路傾，我覺得好尷尬。

跟住又番番自修室，溫到咁上下有人ｓｅｎｄ左個ｍｅｓｓａｇｅ俾我，佢鼓勵我聽日考好０的，但係佢叫我做「肥滕」，連個騰字都寫錯，應該唔係咁熟，但係佢又識得我地０既肥仔一族暗語，應該係ｆｒｉｅｎｄ底，於是我就打番去，但係佢唔聽我電話，到底係邊個呢，於是我就周圍ｓｅｎｄ　ｍｅｓｓａｇｅ問人邊個電話係９７１０５９１０，但係冇人知．．．最後我都放棄左。跟住又走左出去，見到高倉健，都有一排冇見過佢，傾左兩句又番留入去溫習，好辛苦先捱到九點走人。

今日決定早歸，去左馬會陪西仔明買波，我冇買，因為我有電話投注～之後番到屋企，家姐同根哥係到睇鬼馬狂想曲，我見到阿嬌，我而家唔鐘意周麗淇了，我只係覺得佢靚，我發覺我都係鐘意阿嬌！～之後食完飯就沖涼，自從阿姨係溫哥溫拎左一大箱牙齒用品番離，我就晚晚都用牙線護理牙齒～

夜晚玩ｉｃｑ，幫宏宏搵左段０野，佢話要浪漫，又要長０的，好多要求，然後叫白粉中ｓｅｎｄ俾佢。由於ＡＣ米蘭來港，走鬼翔同我達成初步共識，２０號晚會來一次訓街排隊。佢話如果唔試０下訓街排隊根本唔可以稱上一個球迷。

一個坐左監好耐０既人，突然放監出離會好唔習慣呢個世界，唔知我過埋聽日會唔會有呢種感覺呢！？！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

思念，是一種煎熬。孤寂的夜裏，顫抖著雙手撥出你的電話號碼。還沒聽到你的聲音， 眼淚已經滔滔地湧出來。有時候，我會思念自己曾經那麼思念一個人。


我ｓｅｎｄ左呢段０野俾肥宏，我都好希望係我作，不過唔係．．．係張小霞作．．．

>>May 12, 2004 at 3:51:00 PM GMT+8

2004 年 5 月 11 日 星期二 【晴】

琴晚訓教時，我放左支水係側邊，因為呢排可能開冷氣，朝朝訓醒喉嚨都好乾。琴晚係到聽絕情谷，其實叫我做主持都得啦，佢講０的０野根本我都識講，不過做０個個難０者麻，等我考完試搵日打上去玩０下先！訓到三點幾，俾條仆街白粉中噪醒左，三點幾係到ｓｅｎｄ　ｍｅｓｓａｇｅ過離，不過算啦，佢應該興奮０的０既，因為佢終於都可以加入我地ｐｅｏｐｌｅｓ信息一族。但係差唔多四點，另外一條友又ｓｅｎｄ　ｍｅｓｓａｇｅ過離，兩個０的內容都係冇內容．．．．

今朝十點半先起身，跟住ｍａｙｍａｙ係到洗廁所，攪到我又痾屎又急尿。入到去０既時候又濕鬼晒，攪到我坐得唔係咁舒服。痾完之後就得番一個人，跟住我鍛鍊身體，呢排身體好似去到一個關卡，唔係咁要越過，睇離如果要再大隻０的需要０的時間同埋改變一下鍛鍊方法，係時候叫私人教練俾０的意見。跟住就食飯，然後聽ｔｗｉｎｓ～～不過今日越聽越火滾，我自問唱歌唔係好聽，但係我好有信心唔會蝕得過成龍條仆街，佢條友係到唸經咁，攪到我首歌ｃｈｅａｐ晒！之後我改左留言，用左阿嬌把聲，好開心啊～～係屋企跟住就去沖涼然後出發溫習。

今日係最後一日溫習天，不過絕對冇依依不捨０既心情。去到自修室一點四十分，我展開今日溫習０既第一頁。可惜今日都係好唔乖，因為我真係好厭倦對住０的相同０既０野，可能我真係溫晒先咁啦，希望係咁啦。今日我完全變左做白粉中咁，個屎忽坐唔定，一個鐘頭到就出去一次。溫溫０下有條女坐左係我隔離，跟住我就專心左少少。期間出去０既時候，心情已經唔係咁好，跟住行到去五人場，見到有個阿叔日光日白係個角落頭到唔痾尿，但係我又唔肯定，於是等佢痾完，拉褲鍊０個一刻，咁０岩我就溫完韓愈０既「不平則鳴」０既主張，於是我就張幾日來０既鬱悶爆發出離，連珠爆發用粗口鬧鬼佢，之後佢就一路整完條褲一路走，我真係一個正義０既朋友～！～！

溫到四點幾，同西仔明去左食０野，今日又食左隻燒春雞，呢餐係最後的下午茶，所以要豪０的。宏宏又叫我幫佢作句，我應承左佢，但係冇作到。食飽飽之後，就番番去溫習。都係咁樣好快咁睇一次之前０的０野．．今日我終於都奶０野，我第一次唔記得攪震機，攪到首李香蘭係自修室飛揚。跟住溫０泣下又急屎，呢排個生理時鐘有０的轉變，朝早起身痾一次，跟住五點幾六點又要痾多次，不過通行第二次我都忍住，但係今日唔想忍，就去左天平體育館痾。沿途見到條女著晒排球ｌｏｏｋ，跟住我就坐係馬桶上打俾雯雯，我以為佢要打排球，原來唔係，跟住一路痾一路傾，我覺得好尷尬。

跟住又番番自修室，溫到咁上下有人ｓｅｎｄ左個ｍｅｓｓａｇｅ俾我，佢鼓勵我聽日考好０的，但係佢叫我做「肥滕」，連個騰字都寫錯，應該唔係咁熟，但係佢又識得我地０既肥仔一族暗語，應該係ｆｒｉｅｎｄ底，於是我就打番去，但係佢唔聽我電話，到底係邊個呢，於是我就周圍ｓｅｎｄ　ｍｅｓｓａｇｅ問人邊個電話係９７１０５９１０，但係冇人知．．．最後我都放棄左。跟住又走左出去，見到高倉健，都有一排冇見過佢，傾左兩句又番留入去溫習，好辛苦先捱到九點走人。

今日決定早歸，去左馬會陪西仔明買波，我冇買，因為我有電話投注～之後番到屋企，家姐同根哥係到睇鬼馬狂想曲，我見到阿嬌，我而家唔鐘意周麗淇了，我只係覺得佢靚，我發覺我都係鐘意阿嬌！～之後食完飯就沖涼，自從阿姨係溫哥溫拎左一大箱牙齒用品番離，我就晚晚都用牙線護理牙齒～

夜晚玩ｉｃｑ，幫宏宏搵左段０野，佢話要浪漫，又要長０的，好多要求，然後叫白粉中ｓｅｎｄ俾佢。由於ＡＣ米蘭來港，走鬼翔同我達成初步共識，２０號晚會來一次訓街排隊。佢話如果唔試０下訓街排隊根本唔可以稱上一個球迷。

一個坐左監好耐０既人，突然放監出離會好唔習慣呢個世界，唔知我過埋聽日會唔會有呢種感覺呢！？！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

思念，是一種煎熬。孤寂的夜裏，顫抖著雙手撥出你的電話號碼。還沒聽到你的聲音， 眼淚已經滔滔地湧出來。有時候，我會思念自己曾經那麼思念一個人。

>>May 12, 2004 at 3:49:26 PM GMT+8

2004 年 5 月 10 日 星期一 【晴】

今朝起身又癩皮，十點半先醒，跟住就去刷牙，一刷完牙先冇水，真係好黑仔。跟住就用琴日準備定０既水樽梳洗，原來冇水真係咁慘。然後冇０野食，剩係食左件蛋糕。跟住就溫文學，溫左一個鐘左右就自己去左炒飯食。一路食一路聽ｔｗｉｎｓ首新歌～食食０下聽到有水喉聲，原來已經有水，於是就沖涼換衫出發去溫習。

去到天橋見到歐啟昕，佢真係好鬼長情，條女去左外國咁耐都仲一齊，好一把痴心情長劍。去到自修室兩點鐘，唔知點解真係冇左之前０個種ｆｅｅｌ，雖然都係有溫，但係總覺得唔夠之前咁積極。溫到四點半同喇叭文去左食０野，係大快活食左隻燒春雞，好鬼死飽。跟住痾屎，但係就死忍。溫溫０下仲差０的訓著左，唉．．．唔知會唔會功虧一簣呢？自從０個日過唔到最尾０個關，我就一路都形住最後呢科會奶０野．．．．溫溫０下彭羚係到扮勁話溫晒，叫左我出去傾兩句，佢今次好似好狼咁，之前０個０的成日都喊晒口咁話溫唔晒．．．

九點鐘去左粉嶺，因為可以踩耐０的唔洗溫咁耐．．．之後都唔係咁集中到．．．我開始懷疑係因為冇飲雞精，自從考完中史之後，呢種咁唔集中０既情況就一直出現到而家．．．十點鐘就番屋企，番到去食左個飽飯，跟住俾０野黑炭食０既時候，發現好多隻螞係佢個碗到，我當場毛管棟晒，琴日講完螞蟻，今日０的螞蟻即係走晒出離．．

仲有兩日．．．．終極倒數

>>May 11, 2004 at 3:59:41 PM GMT+8

2004 年 5 月 9 日 星期日 【晴】

今朝鬧鐘響起，但係我唔想起身，訓到成十一點幾，係張床到攬住個枕頭纏綿到十二點先起身，因為實在太過舒服喇，我要養精蓄銳接受今日０既挑戰。起左身之後即刻急屎，原本諗住搵咸報入去睇，但係搵緊都搵唔到，最後變左做文學精讀．．．．痾完之後就鍛鍊身體，而家可以做到３５下掌上壓呀！！我０既目標係５０下。琴日露治話我呢個情況只可以不斷咁鍛鍊，佢話如果我冇練一排就會打回原形．．．．．唉．．．．如果係真的話，咁咪好慘？！跟住又食左琴日碟飯，然後沖涼，兩點要番學校做ｏｒａｌ，但係我諗住遲到三個字。

沖完涼之後，一路聽ｔｗｉｎｓ一路換衫，唔知幾時我先會聽厭呢首歌，考完試就可以出去信和買海報，到時就朝朝起身都可以見到阿嬌喇！！！！諗出門口已經係兩點，打左俾喇叭文，原來楊仔失左踪．．．唔洗番去，好彩冇出門口。楊仔成日都係咁冇責任感，唔怪得知老師同學生都批評佢呢樣０野，好彩我之前練習過先唔驚０者！跟住都照出去天平溫習，今日明顯地冇釣到魚，不過都唔知點解總係唔夠集中．．．可能真係太過心散喇，又或者睇來睇去都係０個０的０野所以睇厭左。之後四點幾，唔記得左原來我唔識得去乙明村．．．於是就打俾人求救．．最後都係ａｌｉ有用！！

五點鐘我就離開自修室，跟住去搭火車，然後去到沙田，向ＵＡ方向前進，跟住行過瀝源橋就到達，早左半個鐘頭，跟住就溫０下書。然後去左廁所，呢個廁所好靚，雖然唔係豪華０個隻靚，但真係好乾淨．係我去過咁多間學校最好０既一個廁所，我俾四粒半星。之後就進入待考室，我已經除左耳環，因為中國人係保守０的嫁喇。跟住有條友入左離，佢個樣同個身話俾我知佢唔係行過條橋而過離，而係游水過離，我唔知點解佢會濕到咁。我０既心情真係好緊張，因為我好想可以快０的同人噪，平時同人噪得多，咁文雅地噪都真係未試過。之後我就係第一組０既第一個！小講題目就係「螞蟻」。我ＦＥＥＬ到講得唔錯。之後討論０既時候，個題目就係「你認為中國應該加速發展航天事業嗎？」，我一睇完立場堅定地話不應該，我預左其他０的人會贊同，我希望其他４個贊同，好讓我表演一次孔明舌戰群儒。但係出奇地計埋我有３個反對，兩個贊同。於是我就做起領袖，一開波即係搶先講０野。開頭都ＯＫ，之後越講越激，完全係有論辯氣氛，如果唔係考緊試，一定會打交，我差少少就想爆粗，不過企我０個邊０個兩個比較斯文，成日都插唔到咀，我就扮領袖，係咁俾位佢入，我真係覺得自己好型，最後我用左一句﹕「我絕對同意發展航天事業，但係如果話要「加速」發展，就有所保留！」，大家都彷彿睇唔到加速兩個字，嘿嘿嘿．．．

考完之後就番番上水，然後去左圖書館溫左一個鐘頭九個字再去天平ＫＩＮＤ一陣，然後因為太肚餓所以番左屋企。但係番到屋企竟然話冇飯食，我唔開心，之後好火咁自己整０野食。開罐午餐肉時，因為開唔到而發脾氣，跟住同阿ＭＡＹ互鬧左幾句。煮完之後成身都係汗，真係好燥底！！

聽朝九點至一點又冇水，呢排都唔知攪嘜嫁真係！！！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

真正的戰場是在自己的心裡，每個人都要獨立向外宣戰的， 戰勝眼前這一批對手不代表你最強，惟一表示的是你有權向另一批更強的對手宣戰而已！

　　　　　　　　　　　　　　　　　　　　　　　　　　　　－－－－＜叛逆純真＞

>>May 10, 2004 at 4:57:07 PM GMT+8

2004 年 5 月 8 日 星期六 【晴】

唉．．．．我真係好唔開心．．．我只差一關就可以拎＄５００．．．但係偏偏最後８８分鐘俾人迫和，我０既感覺就好似有一張五百蚊紙飄過眼前，我執唔到不突止，仲要跌左七十幾蚊，我真係好ｄｏｗｎ呀ｍａｎ！～！～

琴晚又係訓得唔好，已經幾日唔夠精神，今朝Ａｄｒｉａｎ同阿姨去山頂參觀，老實說，我都未去過。之後十點幾就起身，然後去左沖涼，今日個人好癩皮，因為唔係幾夠精神。之後一路食飯一路玩電腦，諗到幾場心水，但係唔係咁想買，因為就係好心淡。然後又聽ＴＷＩＮＳ０既我的爸爸媽媽，心情好番少少，原來今日係母親節，但係我冇準備，不過阿ＭＡＹ一定會自己諗好晒０的０野然後叫人俾錢。今日又鐘意左變變變，我發覺呢兩首歌一剛一柔，連續咁聽好似焗完桑拿再食雪糕一樣咁激～聽完之後就換衫準備出發。我拎左琴日馬會送件衫，著上身雖然貼身左少少，冇計啦，個胸大左，但係都ＯＫ好睇，跟住著埋條褲準備出發。就係呢個時候，我驀然回首．．．．見到件衫後面竟然寫住「足智狂熱」！！我嚇到除都除唔切，好彩望一望咋，如果唔係出到街真係會俾人指住個頭離笑，差０的做左人肉廣告板．．．真係好唔開心．．．好好地一件衫就攪成咁，等我仲諗住換晒六件番離．．．．唉．．．．．．然後心血來潮咁度0下個胸，有３４．５吋，擴張後３５．５。我諗我勁過晒所識０既女仔～～～

今日直接去左粉嶺溫習。去到見到好多人係到排隊，我就冇咁傻係到等，走左入圖書館睇０野，見到有０的律詩創作比賽，欣賞０下人地０的作品，但係都睇唔明。之後入到去坐低，發現唔記得拎叮噹出離，見到個６Ａ班０既人，不過唔知佢叫咩名，暫時稱呼佢為田鼠，佢好好人咁借左支筆俾我。頭一個鐘我完全係半睡狀態，冇計啦，我真係夜晚訓得唔好。之後都算係認真左０的喇。溫到五點十五分就要休息半場，我就落左去行０下聯和墟．．．行行０下見到有人食腸仔，但係我又搵唔到邊到有得買，於是就打左俾劉寶，佢一路教我行，去到一間煎釀三寶店，然後買左５件加一碗豆腐花拎走。作為一個斷腸人，我點能夠一個人留係間舖到食，於是我就去左一個公園仔坐低，然後周圍有０的阿伯，佢地冇焦點地向前望．．．．我就係呢個情況底下食０野。跟住劉寶打離，佢賴醒咁去左間０野到搵我，之後就俾左０的０野我叫我俾ＰＯＬＬＹ俾阿ＪＯＥ。佢著左一條好短０既褲同埋吊帶衫．．佢著左衫我都覺得佢好似冇著到咁，有０的唔敢靠近佢。

六點正，我又番番去溫習，溫到七點幾開始唔係咁得，精神開始崩潰．．．然後發現西仔明坐左係我後面，我見到佢又諗番起最後０個一關Ｗｈｉｃｈ　ｉｓ　ｓｕｇｇｅｓｔｅｄ　ｂｙ　ｈｉｍ！！跟住佢八點鐘就走左。然後我頂唔順上左去樓上體育館到，諗住沖涼。我係廁所嘗試破壞卷廁紙然後拎出離抹身，但係鎖實左，不過又點會難到我，我係咁拉，將成卷廁紙拉晒出離。我諗住唔整濕個頭，剩係淋０下個身，點不知一開水個花洒就係咁淋我，攪到衫都未除就全身濕晒，跟住好冇ｍｏｏｄ咁唔沖走人。

跟住好捱到八點半左右，頂唔順出左去打俾彭羚。佢一見到我第一句就話我橫左，大隻左，我真係覺得好開心。看來我真係強狀左喇！！！之後騷擾到佢差唔多九點半走人。我見到田鼠，不過冇俾番支筆佢。

沿路番屋企０既時候用免提都鋒鋒傾計，傾到番樓下０岩０岩好冇電。因為今日係母親，所以假姑姐姑丈都過埋離食飯，今日有唔錯０既餸菜。原來Ａｄｒｉａｎ同阿姨今日就去左韓國，我今晚可以訓番自己張床喇！聽日一定要好好咁溫習，但係好彩經西仔明提一提，原來聽日要考中文口試．．．．希望０的題目好玩０的啦！！！！由於今日係母親節，ＲＥＧＩＮＥ話周圍都播我的爸爸媽媽，我真係覺得自已好強囉，成日都可以行先人一步～不過這麼一來就攪到我首歌ＣＨＥＡＰ首喇！！！阿ｍａｙ果然如我所料自動扣我０的錢去買０野，阿姨俾左張＄１００加幣我同家姐兩份，之後俾阿ｍａｙ沒收左。好彩家姐又俾番＄２００我，我個心先至有番０的安全感。係房到見到ＡＤＲＩＡＮ買左個皇后大道街牌番離，同埋整左隻手臘象，攪到我都心思思～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

一百年後我們又會變成什麼樣子？不過是一堆灰塵。到時我可能就會後悔為背熟二十本八吋厚的教科書而放棄守候我的愛人。

　　　　　　　　　　　　　　　　　　　　　　　　　　　　　　　－－－＜受夠孤獨＞

>>May 9, 2004 at 5:08:11 PM GMT+8

2004 年 5 月 7 日 星期五 【晴】

琴晚訓教0既時候，表弟當左我係個枕頭，用腳夾住我．．．我好想叫救命．．．外國人訓教係咪特別大動作？今朝一早就好噪，阿姨同表弟要九點半去到尖沙咀開茶會，準備十號去韓國０既事項。今朝一早就已經落大雨，好彩唔關我事，之後又黑色暴雨警告，攪到屋企都好混亂。之後我就訓番自己張床繼續訓教。訓到十一點左右就起身，跟住痾左屎，呢排晚晚個肚都好滿，所以第二朝一起身就有屎痾。跟住就鍛鍊身體，雖然講左好多次要苦練，但今次真係可算是最有恒有同埋成效０既一次。

跟住沖完涼，聽阿嬌唱我的爸爸媽媽，好好聽，之後冇飯食，剩係食左兩個嘉頓蛋糕．．準備出發之際，家姐打番來，話表弟係尖沙咀番堅離但係冇拎ｋｅｙ，叫我等埋佢先好出去．．．於是等到兩點鐘先至出發。今日去左北區圖書館，感覺麻麻．．．有０的唔係咁開心．．期間去左ｍ記買兩個包食，原來芝士漢堡同芝士孖堡係唔同．．．．．打左俾波波，問佢琴晚０既情況，佢話佢家姐係到發顛，拎公仔飛佢，跟住兩個一齊俾阿媽鬧。０個一刻，我覺得佢同佢家姐就好似曹植同曹丕．．．五點十五分，原本諗住去馬會，然後過粉嶺，但係最後都改變主意，去左天平溫習．．．我拎左兩個水樽，裝左兩支水。平時吹得多，如果唔飲番多０的補唔番。西仔明今日知道左自修室０個條靚女個名叫做李嘉文，真係唔錯，不過個樣就ｃｏｏｌ左０的．．．

七點鐘，去左粉嶺，先去聯和墟馬會，行路劉寶樓下，西仔明大叫劉寶個名，跟住對面有個師奶望住我地，之後打俾劉寶，但係搵錯左電話打左俾何寶～之後知道原來０個個師奶係佢阿媽，情況好尷尬．．．．．聯和墟馬會入親去都要俾人查，但係勝在夠旺我地。買左＄４６５分散投資。見到崩牙豬同崩牙哥，見親崩形哥都好想笑．．．買完之後就去左溫習，坐低唔夠五分鐘就去左痾屎．．．粉嶺呢個ｒｏｕｎｄ感覺好ｄ，我諗我聽日會直接去呢到溫比較好。溫完之後又番去馬會，知道最難０個關已經十拿九穩。臨走時，有條友叫我申請電話投注戶口，話唔洗錢，只要入＄１００落戶口就ｏｋ，於是我就申請左，仲拎左件衫，佢仲教我可以聽日取消，然後又申請，咁就可以拎晒咁多件唔同款！！跟住番到屋企，另外一條飛已經中左，仲差一場就可以贏大錢，就算唔中都唔會有太大損傷，不過一定會中的！！！

之後係屋企食飯，黑炭今日襲擊表弟同阿姨，佢地係到執緊行李，準備去旅行。夜晚同表弟係廳到傾左陣計，波波張ｐｏｓｔｅｒ係一個美國女歌手，佢話好鐘意．．．於是我就最表弟，我讀左好多次最後佢先知我講緊邊個，但係佢話條友係唔識唱歌．．．．今日係天平見到波波，佢話我次次都張佢０的０野唱通街，我真係好冤枉，我都冇講到俾人知，點解０的人會知嫁？！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

不知誰說過：

如果羅密歐真的愛茱莉葉，那麼他會知道茉莉葉根本沒死，因為茱莉葉不會忍心棄他而去。
同樣的，如果茱莉葉真的愛羅密歐，那麼她就不會追隨他而去。因為她該知道，羅密歐絕對不希望她這麼做。

>>May 8, 2004 at 5:39:55 PM GMT+8

2004 年 5 月 6 日 星期四 【晴】

琴晚同表弟訓地下．．．訓到半夜佢唔知係咪發夢踢波．．．一腳踢左落我到．．．跟住佢越訓越起勁，成隻腳放埋落我個身到．．．我完全係被欺凌。訓到第二朝，我條腰都好痛．．成晚都訓得唔係咁好．．．九點鐘ｍｉｓｓ　ｃｈｅｕｎｇ個來電打離．．．但係把聲係楊仔．．佢叫我番去練ｏｒａｌ，開頭唔係咁想，但係咩都唔識，星期一就考，所以都係番去．．．起身睇賽果，堅唔開心，差少少就中嫁喇，我地真係冇咩波膽運！！跟住剃埋鬚，出左去飲茶，然後兩點鐘番學校。

番到學校，有０的親切感．．．由於早左少少，所以遊覽左一陣，見到細細粒，佢好熱情咁飛撲埋離，跟住有人話我肥左！！！！我真係好開心！！之後見到廖家寶，佢個髮型唔同左，呢個幾好睇，好過之前好多倍。跟住番到入課室，得張文同我，於是楊仔就解釋左０的題目我知，但係我都仲係好驚。跟住就練習一次，個題目要角色扮演，要當楊仔同師姐係爸爸媽媽，我真係覺得好過癮，好似做戲咁～做完之後得到唔錯０既評語，跟住肥州番左離，我地３個加埋楊仔做討論，楊仔俾我地３個插到一棟都冇，我真係覺得好好玩，好想快０的到考試當日，其實英文都唔驚，講中文又驚嘜春呀？！之後走０既時候經過教員室見到潘潘，因為我冇叫佢，所以俾佢鬧，又俾佢串／．＼

然後決定換一換環境，去左粉嶺圖書館。不過行錯左兩次路先去到，踩緊單車０既時候同廖家寶講左一陣，佢都話我肥左，我堅開心，我唔再係一隻猴子了，不過佢地用錯形容詞，應該係健碩左先０岩！！去到目的地又展開今日０既溫習之旅，去到四點幾，溫到五點十五分要清一清場，於是我去左圖書館入面，粉嶺圖書館靚過上水好多，跟住五點四十五分又入番去自修室，溫到七點幾因為隔離兩條仆街好噪轉左位．．．然後一路溫到八點落左樓下買包食．．．我身上一蚊都冇，只能夠係百佳用八達通俾錢．．．之後一路直踩到十點．．．今次個ｆｅｅｌ唔錯，可能０的藥食晒，有番少少之前中史０個種感覺，仲俾我領悟到一０的文學史上０既０野．．．我好似睇到０的０野．．．．．．．．．．．．．．．．

十點鐘走人，好悽愴咁一個人踩一條漫長０既路，期間有幾架十字車同埋救護車．．．我開始有個奢望，我想讀中文系，最ｃｈｅａｐ０個個中文系．．．我好似鐘意左古人０的出色０既文學作品，同埋好想可以睇晒０的文學名著．．唔知我有冇咁０既機會。大張話就算之前兩份考得唔好，文學史考好０的都可以改變好多。從來考完試之後０既感覺我都未試過ｆｅｅｌ錯，我希望今次都唔會例外，所以我只要再努力０的溫文學史，就有機會係大學打交嫁喇！！我一定要朝住呢個方向去跑！！！

番到屋企休息左一陣，就全部人湧晒番離．．．以前同家姐一個爭廁所，而家要６個人輪姦個廁所．．．玩左ｃｍ，玩玩０下波波打離，佢話好驚，開頭仲以為佢又溫唔晒書．．．但係俾我知道左一樣好笑０既０野。原來佢今日同家姐大吵，然後夜晚番到屋企發現左心愛０既ｐｏｓｔｅｒ俾佢家姐用筆畫左交叉，之後　佢就好衝動咁撕爛左佢家姐同方力申張合照，佢話好驚佢家姐番到離會唔知點．．．原來佢都會同家姐打交，我真係聽得好開心．．．令我諗番起何寶怡０個時同佢家姐又係咁樣．．．不過如果我同阿嬌影左張相而被人撕爛左，我唔會點激動，只會要求撕爛０既個人放低隻手而已。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

首先愛情使你忘記時間，然後時間使你忘記愛情。

>>May 7, 2004 at 4:40:14 PM GMT+8

2004 年 5 月 5 日 星期三 【晴】

琴晚訓得好好，訓到今朝差唔多十一點先起身。起左身之後得表弟一個係屋企，ｍａｙ同阿姨落左街。於是我就趁人少痾左篤勁屎，琴日全日可以話冇痾到。之後我教左表弟開ｐｓ２玩，其實我太低估佢，佢只不過係細我一年，從外表睇我醒佢好多，但係內裡可能佢勁過我。之後我就上網玩ｉｃｑ，然後沖涼去溫習。Ｒｅｇｉｎｅ俾左本選科書我，佢幫我搵出好多有問題０既ｃｈｏｉｃｅ。今日係電腦到ｄｌ左阿嬌唱０個首我的爸爸媽媽，令我又鐘意番阿嬌好多好多～～始終阿嬌都係正０的０既～～

去到自修室，場面好悽涼．．．．剩係開第二個ｒｏｏｍ０既燈，０的人少得可憐．．．連會考都就離考完喇，我仲未考完．．．我真係覺得好孤獨．．．文學史真係好難啃．．．０野０野都要硬０拍．．．我真係支持唔住嫁喇．．．以往０既氣勢已經不再．．．但係今日都算ｏｋ０既．．．雖然有幾次差０的就訓著，但係最後都俾我０既意志力戰勝左。四點幾，一出門口就見到喇叭文剛剛到達，於是就順勢的左佢去食食物。食完食物五點鐘要食藥．．．身體好番好多了，不過個喉嚨成日都好乾，同埋有０的啖．．．．之後再溫習，由於我坐０個位好凍，加上隔離０個個我真係分唔到男定女，於是我調左位坐．．．喇叭文溫到八點左右就走左．．．使我更加感到人事依依萬寂寥。

九點鐘結束，過左圖書館．．．去之前去左ｍ記買左個豬柳漢堡食．．因為唔可以空肚食藥．．．圖書館仲撚凍，不過我都成功捱過左．．．今日總算勉勉強強達到我預期０既目標．．．．．有時係到諗，如果永遠都考試，永遠都好似考中史０個時咁有氣氛，其實都幾好０既，起碼有０的寄託．．．．溫完習之後，去左天平踢波，我將我拎出離０個條白到黃色０既底褲套落舞娃娃身上，呢個係我向佢０既示威，其實條底褲我洗乾淨左，不過佢地以為係污糟，所以好驚。之後踢左一陣波，同親飛翔一隊就等同打少一個．．．．十一點左右，去左馬會，同喇叭文每人夾＄４５買左條波謄２串１，跟住買左個波仔飯番屋企食．．．．

番到屋企，已經齊晒人．．．我室縮於一角咁食飯，之後肥珊打來傾左一陣，我就去沖涼，但係個廁所好臭．．．．有人０岩０岩痾完屎，我差０的想嘔．．原來聞人地０的屎係咁辛苦．．．．ｍａｙ開始變喇，佢而家好似唔多鼓勵我讀書咁，又話我應該早０的起身去溫就可以早０的番離一齊食飯．．．阿姨成日約我，但係我要溫習，ｍａｙ條仆街又話我搵籍口，而家面對史無前例０既難關，內憂外患．．．但係．．但係．．但係．．．仲有真真正正０既７日！！
我！！！係！！！唔！！！會！！！放！！！棄！！！嫁！！！

唉．．．由於阿姨話訓廳訓到腰骨痛，所以又訓番我張床．．．其實．．．我都訓到好痛嫁．．．．．．．．唉．．．．．如果聽日又去喇叭文屋企訓．．．咁係人都知我０既用意喇．．．．我真係好苦呀．．．．．．．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

有個富翁向一個哲學家炫耀他的名貴寶石，他拿著寶石在哲學家面前晃啊晃．．．

問道：「怎樣？不錯吧？」
哲學家說：「你真好， 願意給我。」
富翁說：「我有說要給你嗎？」
哲學家回答：「你不是已經給我看了嗎？那就算是給了我啊！寶石除了看看以外，還有什麼作用呢？」

不管你擁有的是什麼，除非你懂得去欣賞，否則得到了又有什麼用呢？
然而，反過來看，如果你真的懂得去欣賞， 那又何必一定非得要擁有呢？

>>May 6, 2004 at 5:17:43 PM GMT+8

2004 年 5 月 4 日 星期二 【微冷】

琴晚同喇叭文同床，佢訓到點幾鐘０既時候突然起身話要去爆石．．我覺得好恐怖，訓訓０下都可以做０的咁０既０野。於是我就照訓．．．跟住佢番到離，我係張被到放左一個超響屁，由於我地腳對頭咁訓，我預料佢應該食到應一應。呢一教比我預料訓得安詳．．．一教訓到五點半，鬧鐘響起，我地一齊瀨皮，跟住六點先起身．．．然後好眼訓咁去左沖涼。

跟住換好衫就出發，點不知落雨．．．好黑仔，我地唯有係雨中飛車去火車站。然後係美心食早餐，跟住魚翅同肥州來到。食完早餐我再食藥，身體已經好轉左好多，不過個人都係冇咩精神。係火站到好眼訓咁坐到九龍塘，然後再去長沙灣落車．．．開頭諗住搭的士，但係行左唔夠５分鐘就到達。去到呢間九龍工業學校，原來係男校，跟住去左廁所諗住痾屎，但係痾唔出，仲張包廁紙整左落馬桶。

八點半開考，我打左無數個呵欠，一開始考唔夠五分鐘我已經係到釣魚．．．真係好辛苦，係睡夢中揮筆．．．隻手會寫左０的夢０中既０野，好鬼得人驚。開頭０個兩個鐘都係半睡半醒咁做．．．期間仲去左痾尿，我今次０既目標只係求Ｆ．．．好彩０的希望可以有Ｅ．．．測完之後，我都唔知做咩咁早起身，早知就訓耐０的，見到隔離條撚樣寫左好撚多，真係覺得佢勁！！測完之番見到肥州個咀變左紫色．．．一０的都冇誇張到．．．好似隻鬼咁，好彩我有著縷！

考完試之後去左九龍塘又一城美食天地．．．行過０的運動店，佢地班仆街又係到淫賤，見到件法國隊波衫，因為兩邊係網狀，所以佢地０既淫根又起．．．原來正常０既係佢地，唔正常０既係我．．．之後食左個牛腩菜飯．．．然後光顧左又一城０既廁所．．．呢個廁所堅舒服，又高貴．．．襯埋黑色０既雲石加添左幾分神秘感．．．不過我依然都痾唔到，肥州話唔係咁急，但係我聽到佢澎湃０既聲音．．．而我只係得０的屁．．．不過都呃到０下人０既．．．

跟住就搭火車番屋企，呢個時候都只不過係兩點左右，時間忽然過得好慢好慢．．我地商量緊大學０既荒淫生活，令我０既鬥志好似重燃！番到屋企，呢個時候冇人係到，於是我就訓左一個教，好舒服，一訓就訓到六點幾，跟住又出左去圖書館溫習．．．唔可以再咁樣懶散嫁喇．．．雖然我有病在身，但係都要努力呀！今日天氣涼左，圖書館０的冷氣好大．．．．．

番到屋企，有５個人，計埋黑炭同我足足有７個人．．．之後我食左父親煮０既煙肉乾炒意大利粉一碟同埋茄汁肉碎意大利粉一碟，唔錯唔錯。表弟買左部ＭＰ３機．．我好羨慕．．．跟住嘗試將佢部ＮＯＴＥ　ＢＯＯＫ用埋我０個條電話線上網．．．佢見到我部電腦有ＣＭ．．原本佢係溫哥華都有玩過．．．之後我開部佢玩．．．我話呢０的全部都係英文，叫佢自己慢慢研究．．．跟住佢問我：「咁你平時點玩嫁？」，我好想同佢講，我會考英文合格嫁！高考都會合格嫁！！由於而家表弟會用我部電腦，我好驚會俾人發現我０的４仔．．．於是我狠心
地一０野ｄｅｌｅｔｅ晒，我個心真係好痛好痛．．．

阿姨今日讓番張床俾我訓，我覺得唔係咁好意思．．．不過算啦．．佢地十號就去泰國，就唔到０的時間．．所以我唔洗去．．．但係阿ＭＡＹ好似都唔俾我同同學去．．．唉．．夜晚諗沖涼前，我用張紙寫低晒０的開支，然後俾阿ｍａｙ，總共＄６４０，包括＄２００零用錢、＄１００剪頭髮、＄１４０睇醫生、＄１００增值，＄１００睇戲。睇新聞聽到科大開片，令我對於大學生活再加一分渴望，傳說話係大學打交唔會俾人罰．．．．．．．

真真正正咁仲有一科咋今次真係．．．．唔好衰收尾嫁，不過通常最後０個關０既大佬都係難打０的嫁喇，但係正義０既炸彈超人十騰係唔會輕言放棄０既！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

我以前以為一分鐘很快就會過去，其實是可以很長的。有一天有個人指 著手錶跟我說，他說會因為那一分鐘而永遠記住我，那時候我覺得很動聽。但現在我看著時鐘，我就告訴自己，我要從這一分鐘開始忘掉這個人。

>>May 6, 2004 at 4:00:51 AM GMT+8