2004 年 5 月 22 日 星期六 【晴】

琴晚好夜先訓，今日就要十點起身。起左身之後就沖涼然後出發。去到沙田站會合剛剛抵港０既表妹同舅母，跟住就搭小巴去慈氏護老院探阿婆，由於之前考試，都有好一段日子冇去過。阿婆見到咁多人離探佢都覺得好開心，但係佢而家思想開始倒退，記番以前０的０野，佢竟然仲記得幼稚園時代同我青梅竹馬０既隔離屋朋友仔小強。

探完之後去左飲荼．．．．呢排同得家人相聚太多，攪到馴良左，有０的唔開心。食完之後買左四對船尾，每對＄７，對對都好ｃｏｌｏｕｒｆｕｌ。跟住我就番屋企準備再去維苑見工，佢地就去拜阿公。番上水放底０的０野，跟住又同個朋友打左一陣機，今日一球都冇失過。之後就出發去見工。上水廣場新開間餐廳都請人，於是就前後腳咁入去見工，但係佢俾人拒絕左，話佢個頭唔得．．．．呢個意思好含糊．．係個樣唔得，定係個髮形唔得？於是我冇入去，諗住轉頭先，跟住就去左維苑，但係只係填張ｆｏｒｍ，跟住又去左元綠，又係填ｆｏｒｍ．．．我地不斷前後腳，我填完元綠又走番去上水廣場間０野，個經理俾我填，即係我個頭冇問題。然後再去左維達寵物店填ｆｏｒｍ，好鬼鐘意呢份，因為有好多寵物用品同埋玩具。然後我再去百人一朱填ｆｏｒｍ，但係我個朋友冇去呢間。然後佢去左星光珠寶，跟住我又入埋去，個經理講左好多０野，超長氣，不過聽得出佢語氣係會請人。然後留低左個電話叫我地考慮清楚後八點半前打俾佢ｃｏｎｆｒｉｍ。

見晒之後就去左食０野，食食０下０野電話響起，百人一朱叫我聽日番工，快得有０的驚訝，於是我就變左做一個日本料理人。然後我個朋友就好快咁食完０野再去見番，但係佢已經話請左人，於是佢就唯有決定左去做言哥．．．

由於聽日就番工，於是就去左貫水鞋，買左對最ｃｈｅａｐ０既＄４５．．．買完水鞋就去天平幫人還ｖｃｄ，係攻美樓七樓人地門口見到有對ｎｉｋｅ　ａｉｒ　ｆｏｒｃｅ　２，對鞋０既主人關左門，於是貪念又起，首先落左六樓開門，然後我放低左好噪０既電話，跟住就上番去以迅雷不及掩耳０既速度拎左對鞋然後跑番落六樓，然後我地就係屋中高呼試鞋，對鞋仲好新淨，真係好開心，我定決定左一人著一個禮拜！嘿嘿！

然後就去買琴日見到好想買０既０野，跟住拎住好多袋０野。由於星光珠寶個經理電話唔通，於是言哥又要去番０個到同個經理講。我就係附近睇左一陣０野。就係呢個時候，我驀然一望，我已經可以肯定呢個ｓａｌｅｓ就係傳說中０既阿嬌！！不過佢都有番咁上下年紀，當然阿嬌靚好多啦，不過佢個輪廓都真係有幾分相似，總算冇信錯江師奶，之後我就話俾言哥知，佢都覺得有幾分似。

跟住就番屋企，其實我真係好想做寵物店０個間，如果佢請我我就轉，反正就係對面，跟住就番屋企食飯。唔想俾佢地知道我有０野做，成日係到問呢樣０個樣，我故意講少左０的薪金，佢地真係好煩．．．．

夜晚，諗住拎對鞋去ｙａｈｏｏ拍賣，但係只信用卡，於是就萌生起一個念頭，就係賣番俾個物主，影定張相證明我地拎左，嘿嘿嘿！！

今晚唔可以再做夜遊人，要早０的休息，希望聽日番工順順利利啦。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

我們沒有道義和原則，我們只要金錢和妓女。

>>May 23, 2004 at 2:38:40 PM GMT+8

2004 年 5 月 21 日 星期五 【晴】

今日好狼，係放蕩以來最遲起身０既一日，訓到成三點鐘先起身。期間我好似係睡夢中同小強講過電話。起左身之後屋企冇人，跟住我就炒飯食，然後終於可以舉行延誤已久０既上水聯賽冠軍杯決賽，結果波騰已壓倒性姿態擊敗摩納翔。玩到咁上下我做左個海底泥面膜，跟住父親番離．．．然後我就沖涼準備出街，０個時已經係六點左右。

我同我０既朋友首先去左馬會，佢買左＄５０，但係我冇買到，然後去左睇衫，見到有好多都好想買，但係決定等埋一齊聽日先買。跟住就去左上水廣場搵傳說中好似阿嬌個女ｓａｌｅｓ．．．望入間０野到，我已經唔想知江師奶所指０既係邊個，因為個個都好恐怖，我唔希望知道個真相．．．．．接著去維苑到應徵，但係佢話聽日三點至五點先有得見。九點幾，諗住番屋企食飯，但係等左好耐ｍａｙ都未放工，於是就去左買鳳爪排骨飯番屋企食，一路睇慳錢家族一路食。

食完之後阿姨同表弟番左離，跟住表弟落街跑步，我就趁住阿ｍａｙ未番離鼠左落街。我略略知道佢跑邊到，跟住佢好驚訝咁以為我陪佢一齊跑，佢唔知道佢表哥我有幾強勁，不過我冇表露出離，因為我不嬲都比較低調。

首先去左馬會諗住拎番晒０的錢，但係唔記得ａｃｃｏｕｎｔ　ｎｏ．，跟住去左天平玩，同幾個朋友一齊係到放狗，放到去心誠門口又番番轉頭，隻狗好唔聽玩，成日係到食草，一累又趴低唔肯行。放完狗之後又去左我們的足球場到聊天，然後就番屋企，由於呢幾日０既夜遊太過份，所以引來家人０既嚴重不滿，因此就早０的番屋企，兩點半回到家。番到屋企表弟仲未訓，但阿姨又訓左係廳，表弟約左朋友半夜三點ｏｎｌｉｎｅ傾計，所以我就讓俾佢玩，然後就訓教，因為聽日要早起去探阿婆。

>>May 23, 2004 at 2:03:41 PM GMT+8

2004 年 5 月 20 日 星期四 【陰晴不定】

仍然是七點．．．預料之內０既七點正．．．我再次帶住疲乏０既身軀走入廁所．．．屎．．係當然地痾唔出．．．頭．．．亦都冇諗過要整．．．七點半．．．我坐左係張床到發呆，眼望前方．．．原來晨咁早聽阿嬌係有另外一番滋味．．．八點鐘．．有車離接我地去飲茶．．又係琴日０個間．．不過都算喇，盡快飲完快０的番香港。唔知點解呢兩日尿道出現左轉變，佢一反以往痾唔完０既特性，而家變左做痾得密，明明痾完唔夠半個鐘又急，已經維持左幾日，我諗我真係應該要正視一下呢個問題。

十點半，搭車番琛圳．．．今次冇坐得咁舒服，因為佢地買左頗多０野．．有兩張棉被．．另外又有幾袋０野．．．我地攬住０的０野就咁坐．．好辛苦．．．加上呢架車冇離０個時０個架咁大．．．我仲要坐係表弟隔離．．開頭都冇咩０野，但係坐到中途佢訓著左，又開始發作．．我好唔明白點解當佢一入睡０既時候，身體就會作出呢０的異變．．．幾經辛苦終於都到達左琛圳．．落左車之後，阿ｍａｙ唔識路，雖然我平時都係一個路痴，但係憑住我０既經驗亦都順利帶領大家越過困境，阿ｍａｙ唔識路０既時候就跟我後面，一見到差唔多就衝左上前扮勁．．算啦，我係佢生０既，大家都係咁鐘意扮勁。

由於ｍａｙ要番工，所以就同我、表弟番香港先，阿姨同兩個師奶就係商業城行街．．．．表弟拎０既係護照，所以佢要同我地分開過關．．．我真係冇諗過佢真係咁唔掂．．．其實佢只係細我一年，點解我精明咁多？唔通真係如孟子所講，環境對人真係影響咁大？我同ｍａｙ過左關之後，前前後後等左成個幾鐘先見到佢，阿ｍａｙ因為趕住番工所以走先，剩番我一個人係到等，我已經急得好辛苦，又要一個人拎晒全部０野，我真係火到爆粗，唔知點解我冇擔心到佢會有意外，因為我知道佢一定係做緊０的ｋｉｎｄ０野．．．結果我有一點左右等到佢兩點二十分先見到．．．唉．．．佢拎護照原本已經要好耐時間先過到關，佢又冇填到張ｆｏｒｍ．．．人地張ｆｏｒｍ係後面拎離填完之攪掂，佢就以為係其中一樣證件．．．於是就聰明到用國語問人借電話．．．．唉．．．．係大陸打電話要錢．．．問左成十個都唔俾佢打，因為佢一個仙都冇．．．最後佢終於發現原來係填張ｆｏｒｍ咁簡單．．．於是又重新排隊．．．我都一早諗到佢會咁ｋｉｎｄ．．．．．．．．．．．．．．．

由於佢係外國人０身份，所以佢可以拎一條煙番香港，跟住我就幫阿根買左一條，然後佢又要由另一個通道過香港．．．我真係好驚又會發生類似事件．．．於是我就再三叮囑佢，講清楚俾佢聽．．．我拎住三大袋０野．．．過完關之後先可以去痾尿．．．從來未試過痾尿係痾得咁狼狽．．．．痾完之後又等佢出離，今次好好彩．．．終於成功過關．．．．之後佢竟然同我講張八達通係佢阿媽到．．．我已經冇咁好氣，用＄２０幫佢買飛．．．錢都蝕埋．．．．

最後終於都可以番到屋企，黑炭對於表弟０既敵意越來越強．．．於是我就叫佢拎食物離收買佢，但係黑炭好鬼古惑，起初以為被馴服左，因為佢用個鼻係到聞，越聞越近，跟住突然出手突擊，爪傷左表弟少少．．跟住連我都爪埋．．．．．．睇離黑炭真係幾燥底．．．然後我好眼訓，於是訓係自己張床到．．．一訓就訓到成八點幾，起身就食飯．．．阿ｍａｙ叫我去報學車考牌，但係我咩都唔知，我都唔知應該要做０的咩。食完飯之後認認真真咁睇０下ｊｕｐａｓ０的０野．．．然後十一點幾再次出動。

首先會合左一個朋友，然後就去左佢朋友屋企，坐左一陣另一個朋友又過埋離，然後就出左去樓梯口吹水，跟住再去為食館食食物，飲左一枝啤酒．．．其實今朝七點起身真係有０的眼訓，我亦都唔想出街，不過冇辦法．．．三點幾番到屋企．．．見到阿姨訓左係廳，有０的驚又有０的喜．．．．玩ｉｃｑ，一個朋友話佢自己係到喊．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

一個人倦了總想到家．．．

>>May 21, 2004 at 8:27:03 PM GMT+8

2004 年 5 月 19 日 星期三 【陰】

離鄉別井的第二天．．．．七點．．．係七點．．．係我隻精工七點．．．一分鐘都冇誇張到．．．真係七點鐘．．．．七點鐘起身．．．．．我冇癩皮，因為我真係呆左．．．我幾乎擺大個口，冇焦點向前望，我彷彿唔相信自己起左身．．我頭都冇ｓｅｔ就出街，可以明白到我內心係多麼矛盾。頭髮可以反映人０既心情．．．一個人冇心機就唔會打理自己．．．．所以浪子永遠都係長頭髮．．．

起左身之後去左飲茶．．．．我諗係阿嬌首歌，「何時再坐在臂內抱我飲茶？」，點解一定要飲茶？？點解？！？？！？佢地班師奶真係好開心．．．佢地覺得好好玩．．．．我真係唔明白有咩咁好．．．．．然後去左度身造衫．．唔係我，而係睇人度身造衫．．．我都唔知係到渡過左幾耐光景．．．我只記得當時我睇緊一本２００２年雜誌解悶，「新片」無間度！！！仲講緊千嬅、ｓａｍｍｉ同ｋｅｌｌｙ爭緊角色．．．我．．．我．．．我．．．唉．．．

跟住去左觀光個中山唔知嘜七０野公園．．．跟住玩左四驅車．．．雖然只係十五分鐘，但係真係好似玩左好耐咁．．．呢十五分鐘係我最開心０既時光。原本我諗住扮ｓｋｙ哥哥係表弟面前扮狼．．．但係我再次失敗．．．開頭我都仲叫做摸索階段．．．但係慢慢就俾佢放甩左．．．跟住仲炒左上山，差０的反車．．．．．．仲要俾佢見到．．．最後我連佢車尾燈都見唔到．．．．．．．．．．．．．．．．．．．．．．
然後玩左個空中飛人，冇咩好玩，一０的都唔驚．．．．然後坐底搵左個詩人加書法家用自己個名寫左副對聯，「志氣高昂游學海，騰飛智力上書山」．．．雖然對對就麻麻地，不過０的字真係幾靚，成幅０野都好靚，好有藝術感．．．呢樣就係我唯一最喜歡０既０野．．．．

然後去左．．．．．．孫中山紀念館．．．．睇孫中山故居同埋歷史．．．．當我睇佢０個０的革命事蹟０既時候，有０的想嘔．．．我０岩０岩先至硬生生咁讀完七大ｐａｒｔ中國歷史，你而家再叫我睇番中四中五０的嘜撚０野段祺瑞、袁世凱、二次革命、張勛復辟．．鐵漢差點兒倒下來．．．．．．．

然後就去左傳說中中山最大０既西餐廳鋸扒．．．．雖然係最大，但係都唔係太貴，都好平．但係無可否認０的０野真係幾好食．．食飽之後去左腳底按摩．．．成班傻仔好似好開心咁．唉．．．想按摩．．．何需要坐成３個鐘頭上到離呀？又唔係特別平．．．按完之後問我舒唔舒服．．．．我真係好想講．．．我第一次做腳底按摩你地仲驚緊愛滋針唔敢上離呀．．．．跟住其中一個同我講：「係咪冇上錯離呀？下次再上過離啦同阿媽。」我答左兩個字：「冇，好。」，嘩．０個一刻呢，真係呢，個心呢，完全係呢，０個種感覺呢，真係呢．真係呢．．辛苦到呢．．．要講呢兩個字直頭慘過叫我背晒成課告子上．．．嘩．．真係．．．真係．．難受到呢．．
然後去左食糖水．．．食完之後又番番上樓．．．十一點幾．．．佢地係到打麻雀．．．我ｋｉｎｄ到真係好ｋｉｎｄ，ｋｉｎｄ中之王．．．是我．．．我要做ｋｉｎｄ子．．．我認我係ｋｉｎｄ子．．．請高呼我做ｋｉｎｄ子．．．．平時係屋企．．我睇都唔睇小寶．．．但係今晚．．我真係覺得佢係我最好０既朋友．．．．．．睇完之後又訓教．．．我同表弟講．如果我唔上離，你一定會悶到仆街．．．佢都認同．．．跟住又訓教．．但係．．．佢創新０既睡姿真係令我有點吃不消．．．日新月異０既睡眠方法真係令我不知所惜．．．今日冇拎電話出去，番到離先見到有人打過離，但係冇來電，所以唔可以履行誠諾。

我明明係一隻老虎．．．但係郤被剪去鋒利的爪．．．強行地帶上口罩，我只是一隻體型上較大的黑炭．．．．．．．我從來未試過咁期望明天０既來臨．．．．

相傳當一個人離鄉別井的時候，腦海中會浮現出最掛念的人的影像．．．原來是真的，在我心中，最重要的女子原來是鐘欣桐。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

這個世界有黑社會，黑社會有好的亦有壞的。如果說黑社會是壞人，那麼這個世界就有好的壞人和壞的壞人。

>>May 21, 2004 at 9:37:01 AM GMT+8

2004 年 5 月 18 日 星期二 【晴】

今日訓到成一點幾，跟住起身梳洗，然後阿姨就打離叫我地落去食０野，於是唯有著住對拖鞋七０下七０下咁落左去火車站美心。食完０野之後又去百老匯，表弟部ｍｐ３機壞左，物質就係咁兒戲。世人就係俾物欲所玩弄．．．我亦都唔例外。換完機之後，琴晚江師奶話上水廣場有個ｓａｌｅｓ好似阿嬌，我充滿好大期望，但係我冇即時去睇，因為我衣衫襤褸加上一個七頭。我原本諗住晏０的去再睇，但係．．．．．．．我再冇咁０既機會．．．．．．

番到屋企，表弟同阿姨係到執緊０野上大陸．．．．我痛恨自己枉讀咁多年文學，連少少屈原０既精神都學唔到，我為左一部ｍｐ３機而折腰．．．我抵受唔到物質０既誘惑．．．答應番上大陸．．．其實我真係唔想上，因為我知道自己將會好慘情．．．但係．．但係．．
作為一個世俗人，又點能夠抗拒．．．．當我執好晒０野．．．阿ｍａｙ番離．．．我行緊０既時候，我問清楚佢之後，我真係感到絕對地失望．．．我完全感到被人蒙在鼓裡．．．原來表弟買機０既時候，會送多一部ｍｐ３機，應該係ｃｈｅａｐ０野，但係唔知幾時先有得拎．．．那一刻我內心落流了．．．但係勢成騎虎．．我已經冇得番轉頭．．．

於是就七點幾去到大斜路隔離等旅遊巴直上中山．．．．上到旅遊巴除左我地差唔多冇人．．．我一路望住架車開，越行０的路越陌生，我就越唔開心。落左車過關之後，就一路坐左兩個幾三個鐘先去到中山。係架車到表弟有ｍｐ３機，佢分左一半俾我聽。可能佢知道我鐘意ｔｗｉｎｓ，開頭０個五、六首都係ｔｗｉｎｓ．．．其中仲有我的爸爸媽媽．．．我一路係架車到聽，架車熄晒燈，剩係開左一０的悠和０既藍燈．．窗外由好多霓虹燈．．．變左做一大片荒蕪０既景像．．．完全襯托出我內心０既愁緒．．．．

終於到達雅居樂．．．食完０野之後就上樓．．．０個時已經十一點幾．．．我唔否認當地環境係好舒適，好寧靜．．．但個問題係同一０的隔左差唔多半個世紀０既人一齊去的話．．仲有咩意義？！？！果然，如我所料，上到樓佢地就係到講一０的師奶０野，不停不停咁講來講去都係圍繞住講緊間屋好．．．跟住就沖涼．．．沖完之後咩都冇得做．．．係到ｋｉｎｄ．．．波又冇得睇，酒又冇得飲，機又冇得打，連一個最基本０既出前一丁都冇０既一間屋，有幾撚好？？答我呀？！？！？！？！於是我同表弟好ｋｉｎｄ咁係到睇小寶．．睇完小寶就睇０的大陸台．．我不斷係到諗．．．係我自己一手造成嫁．．．．係我自己貪心先至會咁，如果唔係而家係香港一定會好開心，無黃管，又可以進行上水聯賽冠軍杯．．．咩都係我一手造成嫁！所以我冇得怨，埋怨自己原來係好辛苦．．．跟住我就同表弟再次做ｂｏｙ’ｚ一齊訓．．．．我係床到諗．．．我到底係到做緊咩？？？跟住同佢傾計傾到三點幾先訓教．．．．唉．．．．ｗｈｙ　ｍｅ？．．．．．．

呢一刻我係到希望緊有人ｓｅｎｄ　ｍｅａｓｓａｇｅ俾我或者打俾我，雖然我唔可以回覆或者聽，但係我都起碼可以睇到有人仲記得我０既存在，我仲好衝動咁係到發誓，邊個第一個打俾我或ｓｅｎｄ０野俾我我就嫁俾佢．．．但係．．．結果係令人失望．．．．．

>>May 21, 2004 at 9:25:36 AM GMT+8

2004 年 5 月 17 日 星期一 【晴】

好慘．．．．我真係覺得自己好慘．．．琴晚我諗住早０的訓教，可以休息一下，點不知阿姨同表弟番左離．．．不過我都照樣一點未夠就訓教．．．當然又係訓廳．．．訓到我不知幾辛苦，０個種想訓而訓唔到０既感覺真係好難受，仲要唔係因為失眠．．．訓到點幾兩點我差唔多醒晒，０個刻我真係有０的燥底．．．我明明考完試，我明明有屋企，我明明係一個惡霸，點解會淪落到咁０既田地，我考完試唔係應該可以好好咁享受一下人生嫁咩？？於是我輾轉咁係地下打滾到天光，然後家姐番工，我靈機一觸鼠左上去佢張床到訓，條腰好似得到解放咁，我條腰真係赤赤痛．．．不過家姐張床真係好迫，原因係有一隻好大隻０既熊係到．．．我唯有作出一生人０既第一次，男人老狗攬住隻大熊訓教．．．另一隻手又攬住阿寶，我真係覺得點解會攪成咁．．．．

訓到七點幾，阿姨又醒左，其實佢真係好噪，講０野又好大聲．．．我已經俾佢製造出離０既噪音攪到訓唔到．．．０個一刻我諗係周星馳月光寶盒入面０個個唐三藏。之後佢同ｍａｙ等人落左街食０野，我先真真正正咁可以訓番教．．．但係佢地一番離就已經噪醒左。雖然我考完試要放蕩，但係都有時間規定，必須要係最低限度太陽下山或下緊山０既時候先活動，但係今日點幾兩點我就被迫起身然後去食０野，我起身之後連屎都冇痾，直頭係冇意欲去痾，呢一刻我已經知道自己個身體好唔開心。跟住就被迫出去食食物，然後去睇戲．．．阿ｍａｙ扮型咁話去ｐｉｚｚａ　ｈｕｔ．．．點不知去到原來係裝修緊，我真係覺得佢好威．．．跟住轉左去貴花田．．食完之後就出發去沙田睇戲．．

去到沙田睇四點鐘．．．其實我都唔鐘意睇恐怖片，我比較鐘意睇笑片，然後係江湖片，跟住再係０的大製造．．．但係今日就去左睇救命，其實我暗示過去睇絕世好賓，但係最後都係睇左救命．．．入到戲院．．．得我地兩條友．．．．．．．．．．．．．．．．．．我真係好驚．．．．但係之後多左兩個．．．．．我仲驚．．．．唔知係人定鬼．．．．．．．．．
套戲頭半部份我都幾驚，但係隔離０個個又唔可以捉實．．．不過好彩後半部冇料到，仲有０的悶．．．．成套戲其實真係唔係咁好睇．．．．睇完之後係沙田行左一陣，無無聊聊咁七點幾番到屋企．．．．

番到屋企，見到間屋有黑炭、父母、家姐、阿嬸、阿姨、假姑姐、假姑丈、我、表弟．．．．一個豆腐潤咁細０既屋居然可以容納咁多人，我不禁為之一讚．．．．之後就去左聯和墟食上海０野．．．原來０個到就係平時溫書０個到隔離．．．．食完之後，我毅然改名做蒲天光，於是九點鐘食完我就走先。第一步！！！！！！！！！！！！去左聯和墟圖書館上面０既靚靚廁所怒爆！！！！！！因為我個電話冇電，所以同阿ｍａｙ換左離用，所以可以打中文，但係得一個人係比較細心察覺到呢個現象。怒爆完之後就搭小巴番上水，然後去左搵一個朋友。

．．．佢搵我原來就係想用佢部手機同佢影張合照，然後ｓｅｔ做牆紙離激鬼佢條仔．．．不過根據我傷心欲絕斷腸人０既心得，我勸告佢盡快解決呢段唔健康０既感情．．．因為佢做左第三者仲要一年．．．但係個男仔又成日唔理佢，跟住我就好似倪震咁話佢。其實我認為以我地０既年紀，咩都玩得起，但係就算做第三者，都要做得矝貴！！女朋友係要離鍚０既，雖然我係一個浪人，但係我都好明白呢一點。

十一左右，我就去左上水火車站等吳歸家，然後就去左江師奶屋企食食物。佢屋企有大量食物要清，於是就食左包芝士腸，跟住又食左成包迷你餃子，仲有一包菜心，食食０下食唔晒ｃａｌｌ埋司徒立中過離食。前前後後食左兩碗豆腐花。跟住就玩左一陣ｉｃｑ，ｈｉ左一個識左好幾年０既網上朋友，但係呢一兩年都冇再見佢ｏｎｌｉｎｅ，我仲記得對上同佢傾仲係講緊何寶兒。所以同佢傾番感覺好奇怪，咁０岩又見到何寶兒上網，於是就問佢係咪用ｐｅｏｐｌｅｓ，可惜唔係。然後肥偉話１６號可以番學校做監考員。跟住走０既時候拎左兩罐腦糧益炭。

然後一點幾兩點先走人，落到樓下去左停車場破壞肥光架車，放左張街邊０的紙係佢架車上面，跟住一出離就見到佢，佢個樣朦到隻０野咁，好明顯０岩０岩起身，跟住就見埋肥榮同肥強，佢地三隻０野個樣都係一樣０岩０岩訓醒去番工。然後我地再去酒廊飲酒，０的侍應已經記得我們，今日因為係暇日，所以平好多。唔知係咪因為食左豆腐花，所以攪肚，走左去廁所嘔，我真係覺得好辛苦。嘔完之後係石湖墟遊蕩，周街痾尿，不過我冇份。然後經過扒王，見到九點半後０的扒超平，所以暫定聽晚去蒲。然後係行樂軒附近，因為多手整人地地盤０的燈，所以俾兩隻龜截停左．．．．跟住番彩園村，係個公園仔到坐，加左好多新０既設施，然後四點鐘番屋企。

番到屋企俾阿ｍａｙ鬧，然後沖涼，我一０的睡意都冇，見到表弟創新０既睡姿，我有意欲等到家姐番工先訓．．．．於是沖完涼就係到打日記．．．．不過有消息指佢地聽晚會上中山玩兩日，我老西都唔撚去．．．我諗聽日暫時可以休息一下．．．．．．．其實我又唔係討厭佢地，只不過我唔想有人同我利益上有衝突而已．．．我終於明白當年庾信同杜甫飄泊異地０既苦況，但係我覺得佢地好０的，因為至少佢地都可以搵到張床訓．．．而我有家等於冇家．．以前我不知幾享往攬住阿寶訓教０既每一個晚上．．．而家就要等到天光先訓．．．打日記都仲要細細力打，驚噪親阿姨訓教．．．．．．．．．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

其實每個人都可以是一朵盛放中燦爛的玫瑰，只視乎你把自己栽種在花盤裡還是爛泥之上。

>>May 18, 2004 at 9:34:08 PM GMT+8

2004 年 5 月 16 日 星期日 【晴】

今朝再次輾轉訓到九點幾，跟住表弟就要起身出去會合佢阿媽。由於我琴晚變左醉酒漢，所以癩死唔起身，跟住阿ｍａｙ就好似帶到佢去金鐘站。我就番番入自己張床到訓教．．不過開頭訓得唔係咁好，因為個枕頭俾佢訓到貶左．．．跟住訓到一點幾先起身，一起身就急到仆街，跟住一痾我真係嚇親。雖然對於痾屎呢門學問總未算得上登峰造極，之但係都叫做有一點兒學問，但係今日呢一劑不禁令我嘩然。長，已經算係一個奇聞，長得離仲要粗！粗得離仲要唔斷，真係好似一條蛇咁，不過之後就好有成功感。痾完之後就梳洗然後飲番一小杯回魂酒，然後就鍛鍊身體。由於琴日飲完酒，成個人都軟晒，冇咩力。由於胸膛方面出現左飽和０既狀態，所以我就加入新０既器材，係琴底拎左個彈弓出離拉。由於呢排好似有生紀咁，特別係食完０野之後，所以就一鑊過做埋ｓｉｔ－ｕｐ，預計要一個月先見效。

做完一大輪０既活動之後就沖涼，然後就搵番之前係機場做０野０個到個ｆａｘ　ｎｏ．然後ｆａｘ去見工，跟住就叫左個仙茶居食，但係佢俾錯左我，我要魯肉雞扒飯佢俾左魯肉雞翼飯我．．．食飽飽之後就打番琴日篇日記，然後就做番個ｍａｓｋ補一補。我而家真係好驚，琴日食左咁多支煙，如果一支會有一小病，咁我諗我係咁大嫁喇．．．原本今日去阿妖屋企整頭，但係佢要見工，攪到最後都冇去到。唯有係屋企好好咁休養調理。今日ｄｏｗｎｌｏａｄ左傷信０既鋼琴聲，真係好好聽，跟住一路聽我的爸爸媽媽一路睇歌詞，又有另一番０既感受。

玩到咁上下就打ｗｉｎｎｉｎｇ，跟住打洛克人，然後家姐五點幾就番離，成日係到霸電腦，都成廿幾歲人都仲要咁幼稚。之後阿ｍａｙ都番埋離，我開始覺得有０的悶，間屋咁多人，活動範圍又縮細左。於是就六點幾渣車去左聯和墟圖書館借書睇，原本諗住借紅樓夢，但係搵唔到第一冊，於是借左本傲慢與偏見，因為佢第一頁一開頭就寫住如果睇翻譯小說唔睇傲慢與偏見係人生一大遺憾，我見佢講到咁狼，於是就借左。由於今日唔願出街，所以冇番到學校交推薦ｆｏｒｍ，但係諗諗係又唔甘心，雖然機會微０的，但係點都叫做試０下，所以就拎左出去，借完書再俾廖家寶叫佢聽日交番學校，但係我咩都未寫，所以番到屋企就用ｉｃｑ打好晒再ｓｅｎｄ俾佢叫佢抄番落去。

番到屋企食飯，４個人食好迫好唔慣，有０的悶，不過好累又唔想出街。食完飯之後好無聊咁訓係到睇電視，然後爭左陣電腦玩。夜０的阿姨同表弟番左離，成間屋又噪晒。阿姨買左一大袋衫，表弟又整左個圖章，佢地今日去左赤柱行街。聽日堅要同表弟去睇戲．．．．．又唔係好願去咁，不過算啦，點都要陪０下人０既，遲０的仲要去海洋公園．．．．夜晚時，黑炭錯認家姐隻腳係阿姨，於是出爪爪傷佢，睇離佢真係獸性難馴。

唉．．．今晚又要訓地下喇．．．好唔開心呀．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

寂寞跟孤單是不一樣的，孤單只表示身邊沒有別人；而寂寞卻是一種心理狀態。換句話說，被親近的人所包圍時，我們並不孤單，但未必不寂寞。

>>May 17, 2004 at 4:07:08 PM GMT+8

2004 年 5 月 15 日 星期六 【晴】

琴晚阿姨又冇啦啦話想訓番廳，於是我又可以訓番自己張床。今朝十二點左右，其實我已經醒左，不過我冇起到身，因為我知道家姐會同表弟落街食０野，但係我又唔想去，所以就等佢地落晒街我就即刻起身。起左身之後就梳洗同埋大便。然後就係廳到打ｗｉｎｎｉｎｇ。打到咁上下就打俾家姐叫佢買叉鵝飯俾我食。

今日要拎表弟出去銅鑼灣會合阿姨，所以邊到都唔洗去，唯有係屋企打ｗｉｎｎｉｎｇ，但係跟住又俾表弟玩左，佢係到玩洛克人，電腦又俾家姐霸住睇韓劇，遲早一把火燒晒去或者學報紙咁換晒０的咸碟落去。跟住差唔多五點幾，阿姨就打離，佢話會行得太夜，所以叫我地唔洗出去。於是我就真真正正咁好悶，然後就把心一橫去圖書館諗住借紅樓夢睇。原本我以為表弟會掛住打機唔去，點知佢話一齊去．．．．於是我就同佢一齊去圖書館。佢落到樓下，我諗佢以為呢度係溫哥華，佢張副太陽眼鏡放在係個頭到．．．我又唔知點樣同佢解釋好．．．不過我記得張文表哥都好似做過同樣０既行為，外國０的太陽可能真係猛烈０的。

一路行０既時候，我扮狼咁同佢講我睇晒成套射鵰英雄傳．．．誰不知佢同番我講睇晒倚天層龍記同埋碧血劍，然後又問我有冇睇過莎士比亞．．．魔戒．．．．哈里波特．．．．我連戲都未睇晒．．．更何況係書．．．我亦都知道左除左羅密歐與朱麗葉，莎士比亞仲有好多勁０野．．．．於是我就立刻轉換話題。去到圖書館，原來今日五點鐘收皮，於是就好冇瘾咁走左，去左行０下商場。去到商務睇０下書，播緊劉家傑教英文ｖｃｄ，然後我地就企係到睇．．佢一路睇一路係到奸笑．．．．

之後番屋企，夜晚八點三十分要去行樂軒打邊爐。番到屋企我拎左０的ｐｒｏｏｆｒｅａｄｉｎｇ俾佢做，起初我以為佢唔識做，但係佢話文法０野好細個就好嚴格。跟住睇電視咩粵語發音唔知嘜ｑ問答比賽，我先發覺原來平時好多字都係讀錯晒。

夜晚去左打邊爐，表弟將芋絲講左做粉卷，然後又以為橋頭要放落去滾先食得．．．對於行樂軒個廁所，我真係好推祟，因為冷氣好夠，加上有香味，又乾淨，但係我冇係到痾屎．．因為我驚係廁所咁耐會俾人知我痾屎。十點幾走人，我去左電話亭一個人好型咁企係到等緊一個唔知會唔會離０既人。最後等左十幾分鐘，一路講電話一路等，終於都等到。然後就同左手去左酒廊飲酒。飲酒又點能夠唔食煙，我食左成四、五支煙，不過酒精已經令我神智不清。每次去清都係到扮狼叫左一大桶，但係次次都飲唔晒，今次都唔例外。可能飲到大大地，亂咁買左條２串１輸左．．．．坐到成３點幾先走，跟住好型咁去左德記食排骨飯，然後四點先番屋企。作為一個放浪人，係絕對唔容許十二點前番屋企同埋十二點前起身的。

番到屋企，我不禁從心裡高呼一聲！＠＃＄％，阿姨今晚係人地屋企訓，理應我可以訓番自己張床，但係我一入屋，見到個廳冇人，我已經知道奶０野，我表弟竟然訓左我張床，我真係好心痛，我飲到個頭又痛又暈，仲要訓廳．．．唉．．我真係好唔開心，之後沖埋涼成五點先訓，又成功地渡過一天放浪的日子。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

琴晚係酒ｂａｒ到遇上同樣係孤獨０既你，你叫我請你飲杯０野，對於比我年長０既女性，我一向都好尊重。一杯、兩杯、三杯之後，我靜靜咁坐係你身邊，你帶有酒氣０既聲音，令我都有０的飄飄然，一時間都分唔清係你０既故事呀？係你０既聲音呀？定係微醉０既空氣，令我竟然覺得有０的愛上左你．．．

>>May 17, 2004 at 7:02:08 AM GMT+8

2004 年 5 月 14 日 星期五 【晴】

今朝六點鐘先番到屋企．．去到樓下看更同我講話我０的親友番左離．．．我個額頭頓時流左一滴汗水．．．番到屋企．．．件到一件龐然大物訓左係廳，我已經知道呢個係事實．．．於是我就走左去沖涼．．．涯左一晚夜，０的皮膚都差晒．．．但係又唔可以訓番教好．．．我真係好唔開心．．．

沖完涼之後就訓地下．．．又冇開冷氣，攪到好熱，跟住訓到咁上下，黑炭又發顛，係到狂吠，可能因為阿姨訓左我張床，所以佢鬧佢，但係由於佢嘈到我訓唔到，所以我就起身打佢！！輾轉咁訓到九點幾，阿姨醒左，之後我就入番自己張床訓教，真真正正咁訓，成個人都好似散晒咁．．．訓到一點幾，有條友打過離，我完全唔記得左係邊個．．．跟住個人累到仆街．．．好辛苦先起左身。今日約好左番大陸，於是我就起身趁住阿ｍａｙ唔係到，走去佢間房到偷回鄉ｃａｒｄ．．．但係因為上次俾佢識穿左，佢收埋左張０野唔知係邊，我搵極都搵唔到。最後就死死氣咁打電話俾ｍａｙ，學習林肯一樣咁誠實。最後佢批准左。跟住我就走去痾屎，琴日食左好多肉加上唔夠訓，呢篤屎臭得好要命．．．好似山洪暴發咁。當我一路痾０既時候，我再次係到沉思．．．考完試唔係應該好好咁享受生活咩？但係我反而攪到咁辛苦，好似有０的得不嘗失，我要享受，唔係要折磨。

跟住三點鐘，去到火車站然後就出發。今日好熱，番到上去第一時間去搭的士落東門，但係好多人排隊，係太陽底下暴晒左一段時間先上到車。去到東門就去食味千拉面，食到好飽，跟住仲食左一支煙慰勞自己呢幾個月０既辛苦，不過食完好暈，有０的想嘔。然後就去左篤波，篤左個幾鐘之後就去左一間好豪華０既骨場。０的裝修真係好靚，以一隻船做主題，０的接待員著晒水手服～入到去沖涼，呢間０野連浴廉都冇，全開放式，攪到要赤裸裸咁對住０的麻甩佬，然後就去焗桑拿．跟住就跳落個浴池到玩水，有個制一按就會有０的按摩水噴出離，好鬼過癮，然後又跳落去人參浴池玩水，玩到厭之後就入去內堂打兵兵球，隔離有０的健身器才～跟住就坐底休息一陣然後去電腦到選擇按摩師。

係兩個鐘頭０既過程中，我痾左兩次尿，今日真係飲左好多水，琴日踢完波，成身散晒，又冇訓到好教，於是我就好享受咁休息。按完之後又沖涼，唔知係咪因為焗左太耐，成個人都暈暈地，好似想嘔咁，應該係缺水０既情況。

番到上水十點幾，去左我們的茶餐廳食食物，食完之後身體又好似唔係咁舒服，於是想早０的番屋企休息。番到屋企一屋人都冇，我好開心，於是就再沖涼，然後幫黑炭換沙。黑炭好唔鐘意阿姨同表弟，成日吠佢地，抓佢地，真係好唔應該，跟住上網時，走鬼翔ｓｅｎｄ左個正網離，可以睇電視，睇有線，好多電視台都可以睇。

沖完涼一陣佢地就番晒離，聽日我要陪表弟出銅鑼灣．．．佢兩隻０野係到周圍同０的朋友講話我好似唐文龍，不過瘦０的，攪到佢０的朋友話要見我。由於我已經考完試，又冇藉口可以推甩，於是就應承左．．．唉．．．聽晚一定會好尷尬。

夜晚一路打日記，一路聽ｔｗｉｎｓ，聽完我的爸爸媽媽就聽丟架，聽完之後個心忽然好似廣闊左好多。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

當妳忙碌時，卻把手機開著等他電話，妳已愛上他。
當妳愛和他兩個單獨漫步，妳已愛上他。
當妳和他一起時，妳會假裝不注意他，但當他離開妳視線時，妳會急著尋找他，妳已愛上他。
當他受傷或生病時妳會很關心他，替他著急，妳已愛上他。
當他和別人要好時妳會感到吃味，妳已愛上他。
當他把臉貼近妳時妳會感到臉紅，心跳加速，妳已愛上他。
當妳看到他那甜美的笑時，妳的嘴角會揚起一絲的笑，妳已愛上他。
當妳看到這篇文章時心裡想到某個人，那麼妳肯定已經．．．．．愛上他．．．．．．．．

>>May 15, 2004 at 5:11:09 PM GMT+8

2004 年 5 月 13 日 星期四 【晴】

放浪的第一天，十二點前起床係絕對不能容許的。於是我就成點鐘先起床．．．起左身之後，原先諗住舉行上水聯賽冠軍杯０既決賽，點不知突然ｍａｙ番離，進行場地破壞，令到賽事無限期押後。之後我就渡過我第一日０既瀟洒日子，首先我無情地玩ｃｍ４，玩到風起雲湧，然後又諷刺地自己練習ｗｉｎｎｉｎｇ。玩到咁下上就係到鍛鍊身體，唔知點解而家越睇好似越唔夠大。練練０下彭羚打來講燒烤事宜，今日個喉嚨冇咩事，可能只係琴日大叫過頭，所以有少少痛。跟住就相約去踢波，實在太耐冇係球場上奔馳喇，跟住約好５點鐘。

去到紅場，又有人打手球，我忍不住高聲！＠＃＄％＾跟住好傻仔咁係一個角落到將個波踢０下踢０下。等到六點鐘０的人打完手球，但係又發現有人ｂｏｏｋ左場，將是就一臉無奈咁走左去石場。每次去到石場都總係慘死，今次又唔例外。咁耐冇踢到波，一踢差０的哮喘．．．．跟住踢到好累，我拎晒０的０野出去諗住去聯和墟圖書館上面真真正正咁沖一個涼，但係好可惜忽然話取消唔燒。總要冇人通知，好彩我醒目預先打個電話去問０下０者。跟住就同肥州番屋企食飯。

沖完涼，家姐好大膽咁去唱通宵ｋ，我係房到食緊飯，食食０下彭羚打離，講講０下先發現大家有０的誤會，原來大家都想燒，於是就進行一次史無前例０既戇９ｂｂｑ，隨左肥偉之外，個個都食晒飯，但係都照樣去買０野食燒。十點鐘，去到聯和墟百佳買食物，開頭個個都話買少少就得，跟住越買就越多．．．．買完０野之後，因為我同肥州有車，所以我地就拎晒０的重型食物．．．然後突然有人好大膽咁踢我０既車，原來係朱ｓｉｒ，佢抱住個仔同埋老婆，佢個仔同我地飛吻！

去到張文屋企，上左天台就開始燒烤，開頭成日係到話就離落雨喇，但係到最後都冇落！～我好鐘意張文個廁所入面浴缸，超級可愛，因為好細個。一燒就燒到第二朝，燒到三點幾０既時候，由於我地０既聲浪太大，對面樓有個黑色物體０既怒漢鬧我地，言語火爆加上挑釁，差０的嚇死我，幾驚佢過離打我地。俾人兇完之後，我地就好ｃｈｅａｐ咁變成做麻雀仔，細細聲咁係到講０野．．．．．．

差唔多五點，執好晒０的０野就入左張文屋企，佢父母好強，睇好多勁書，佢老豆睇０個０的仲要係英文書！跟住我地唔知點解要玩波子棋，係呢個咁脈訓０既時候玩埋呢０的咁智力性０既遊戲，簡直差過死！！！

玩完之後就番屋企，一心諗住訓番個好教．．．．．．．．．．．．

>>May 15, 2004 at 5:05:15 PM GMT+8