2004 年 5 月 31 日 星期一 【晴】

琴日沖涼０既時候，搵番隻戒指，原來０個晚飲大左，自己放低左係個櫃到都唔記得，呢種爪而復得０既感覺真係好好。今朝差唔多十點鐘ＭＡＹ係到扮勁叫我起身，佢以為我番十點三十分，雖然只係差十五分鐘，但係訓多十五分鐘感覺已經好唔同。小沖涼之後阿強話冇拎皮帶，於是我就拎埋皮帶番工，行到聖安娜又買左老包食。跟住見到個低Ｂ仔著住條蘿蔔褲企係門口，真係好頂瘾。番到公司就食包，今日身體唔係咁好，訓醒居然有眼屎，我竟然熱氣，連屎都痾唔到。

廚房原本計埋超姐有５個人，但係今日一放就放兩個，得番三個，但係已經綽綽有餘。不過今日心情唔燧咁好，可能又係０的周期性問題，經過左星期六日０既激戰，閒日對我來說已經好無難度，但係反而今日０的手指好多損傷，雖然唔係重創，但係十指痛歸心，睇離我真係唔夠集中。煎餃子０既時候煎到黑晒唔要得，０的豬排飯又整得差左，今日狀態真係唔係咁好。琴晚收到通知六月十五號係謝師宴，但係我放十六號，於是食飯０既時侯就問左大佬可唔可以調假，我諗應該冇咩問題。食完飯之後就落左星光買左隻金戒指，＄４ＸＸ，講話買已經講左好多年，一向吝嗇０既我今日毫不猶豫就買左，買完仲要冇咩心痛，好似冇事發生咁。跟住去左競技打機，又見到阿東，佢成日都係到過日神。

五點鐘再次工作，又見到蘿蔔企左係門口，好抵死～阿寕問我點解隻戒指閃佢咁多，然後我話０岩０岩買，佢好驚訝，大家都開始對於我落場去邊感到興趣。夜晚都係唔係太旺，不過學左樣新０野，金姑肥牛卷，雖然平時都成日整，但係原來專業地整係咁唔同，好鬼死香～隻手指公俾０的檸檬整到好痛，全個夜晚都好遊閒，食完飯之後諗住沖杯檸茶飲，但係整錯左變左奶茶。

放工去左馬睇０下有冇心水，但係感覺好似唔會贏所以冇買，之後就番屋企。知道左一單新聞
，兩隻牛過馬路，其中一隻牛女俾車撞死左，牛媽媽係到喊，同埋悲嗚，真係好令人同情。番到屋企，見到我部ＭＰ３機已經離左，基本功能都有齊，我個心都開心番０的，今日有兩份禮物，糧都未出，真係太好～～之後我唔想煩點樣用，於是就叫表弟攪掂晒先俾我，佢醒到爆咁幫我第一首ＳＥＴ左我的爸爸媽媽，跟住教埋我點用，超ＥＡＳＹ～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

近幾天，常常在想一個問題，有人說路是由自己行的，不應該相信命、相信天。但我反而這樣想，沒有人開路、補路、修路，又何來我行、我走、我選？要自己親手開墾一條私家路，我有這個能力嗎？

>>June 1, 2004 at 5:59:36 PM GMT+8

2004 年 5 月 31 日 星期一 【晴】

今日係放假０既日子，我訓到好晏，成一點先起身。之後食左一個廣城冰室０既泳蘿油。然後同表弟切磋一下球技，我用列斯都贏佢。跟住就沖涼出去，我今日竟然去左追星．．．由於表弟係ｙｅｓ睇到百事巨星係金紫荊廣場做宣傳，於是就好想去睇，原本ｍａｙ陪佢去，但一知道我放假就推左俾我，然後自己去ｇｒｅｅｎ　ｂｏｘ唱ｋ，我真係頂佢個肺。

沖完涼出發，沖沖０下寵物店打離叫我聽日去ＳＥＣＯＮＤ　ＩＮ，但係唔知點解我一０的都冇心動，雖然我答應左佢，但係我已經決定左做我０既味吉楊一。今日著晒０的新衫新褲出街，因為我明白到舊０既唔去新０既唔離，衫係要來著，冇理由唔捨得著，反正出糧鐘意點買都得。基本上我係唔識路，於是就問左大張，然後略知道係會展附近。幾經轉折，又問差佬，終於都去到金紫荊廣場．．．但係．．．咩都冇．．．一０的人都唔見．．．剩係見到一大舊金紫荊．．．於是就影左幾張相．．．好ｋｉｎｄ咁向前行，行左一陣見到前面有一大堆人，原來就係宣傳地點。去到四點幾，但係就五點先開始。於是就係烈日當空咁企．．．好多ｆａｎｓ拎住０的牌係到大叫．．．我真係覺得好白痴．．三十幾度企係到晒真係人都顛，於是我頂唔順走左向機樹蔭，表弟原本想繼續企，但係見到我走佢又走。涼左一陣又走番入去ｋｉｎｄ．．．跟住越來越多人，後面又兩個師奶因為推撞而鼓噪，係到鬥屌。跟住有一班人好大聲咁勁叫ｊｅｒｒｙｊｅｒｒｙ～～咁多個之中，得Ｆ４同埋ＪＡＹ係受歡迎，其他都冇咩ＦＡＮＳ，當中以ＪＥＲＲＹ最勁。終於等到班撚樣出離，佢班仆街出左離都唔夠十分鐘，係咁意將個百事樽放係張台到就走撚左，仲要遲左三個字，我真係火都離埋，０個個又唔係阿嬌，我都唔明白點解要為佢地流咁多汗．．．．．．

睇完之後就去左銅鑼灣搵表妹，舅父都係到。跟住佢俾左＄１０００我同表弟分，係今日最開心０既一件事。係地鐵到傾傾０下頭先０既遭遇，舅父突然講左一句：「挑，睇明星洗迫嫁咩？！」，然後就拎左部電話出離，個ＷＡＬＬＰＡＰＥＲ係到同ＹＵＭＩＫＯ合照，開頭我好想笑，幾廿歲人放張ＹＵＭＩＫＯ係到，跟住慢慢覺得唔對路，佢部電話仲有同翁紅、ＥＡＳＯＮ等人０既合照，仲有ＴＷＩＮＳ、２Ｒ、ＣＯＯＫＩＥＳ合照係數碼相機，令我即場為之愕然．．．
原來佢係銅鑼灣做眼鏡舖，得個貴字０既眼鏡舖，好多明星走去配眼鏡，仲叫左霆鋒同ＪＯＥＹ係張ＰＯＳＴＥＲ到寫生日快樂俾我表妹．．．又話見到陳小春都廢事同佢影．．．．我真係好好好羨慕，如果俾我同阿嬌影到張合照就真係小騰短兩吋都肯呀！～～

跟住同表妹表弟去左閏旺角，去左仙跡岩飲０野．．．．我俾錢．．．．妖．．．頂．．．．唉．．．．．然後陪表妹買鞋，最後買左對ＰＵＭＡ。跟住行行０下紅樹林打離問我幾時番工，我覺得０的工真係好仆街，一係唔離，一離就份份都離，於是我坤佢後日，不過我都係唔會去做，我唔係皇馬球員，我唔會只為金錢和妓女，我而家雖然星期六日好忙，但係做得好開心。行完之後送左表妹上巴士，我地就去左信和睇ＰＯＳＴＥＲ，見到阿嬌０的相，靚到呢真係．．．都唔知點形容．．．個心真係有０的甜絲絲．．０個種感覺呢真係好似發姣咁，真係好肉緊。不過一張都冇買，因為趕時間番去食飯，但係阿嬌真係好靚，我決定要買好多相貼滿成間房，我真係好鐘意佢。

搭火車０既時候同潘傾左一陣電話，話左俾佢知我０既近況，仲未死得。番到上水去食扒王之王，因為表弟聽日生日，但係咁０岩我地今日全部都得閒，於是就去左慶祝。食完之後我就走先番家改ＪＵＰＡＳ，但係當我整晒０既時候發現ＳＡＶＥ唔到，０個時已經過左十一點，我好慌張咁打俾喇叭文，然後讀晒０的ＣＨＯＩＣＥ俾佢聽叫佢幫我試０下，但都係唔得，於是我就好騰．．．０個時已經係十一點半，跟住我就扮鎮定咁用自己電腦再選好晒，然後用喇叭文張ＶＩＳＡ再試，最後成功，真係好險，差０的俾條友講中左我懶懶閒整唔切．．．好險。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

婚姻是鍵盤，太多規則和秩序；愛情是滑鼠，一點就通。
男人自比主機，內涵最重要；女人好比顯示器，一切都看的出來。

>>May 31, 2004 at 5:00:32 PM GMT+8

2004 年 5 月 30 日 星期日 【晴】

今日係放假０既日子，我訓到好晏，成一點先起身。之後食左一個廣城冰室０既泳蘿油。然後同表弟切磋一下球技，我受列斯都贏佢。跟住就沖涼出去，我今日竟然去左追星．．．由於表弟係ｙｅｓ睇到百事巨星係金紫荊廣場做宣傳，於是就好想去睇，原本ｍａｙ陪佢去，但一知道我放假就推左俾我，然後自己去ｇｒｅｅｎ　ｂｏｘ唱ｋ，我真係頂佢個肺。

沖完涼出發，沖沖０下寵物店打離叫我聽日去ＳＥＣＯＮＤ　ＩＮ，但係唔知點解我一０的都冇心動，雖然我答應左佢，但係我已經決定左做我０既味吉楊一。今日著晒０的新衫新褲出街，因為我明白到舊０既唔去新０既唔離，衫係要來著，冇理由唔捨得著，反正出糧鐘意點買都得。基本上我係唔識路，於是就問左大張，然後略知道係會展附近。幾經轉折，又問差佬，終於都去到金紫荊廣場．．．但係．．．咩都冇．．．一０的人都唔見．．．剩係見到一大舊金紫荊．．．於是就影左幾張相．．．好ｋｉｎｄ咁向前行，行左一陣見到前面有一大堆人，原來就係宣傳地點。去到四點幾，但係就五點先開始。於是就係烈日當空咁企．．．好多ｆａｎｓ拎住０的牌係到大叫．．．我真係覺得好白痴．．三十幾度企係到晒真係人都顛，於是我頂唔順走左向機樹蔭，表弟原本想繼續企，但係見到我走佢又走。涼左一陣又走番入去ｋｉｎｄ．．．跟住越來越多人，後面又兩個師奶因為推撞而鼓噪，係到鬥屌。跟住有一班人好大聲咁勁叫ｊｅｒｒｙｊｅｒｒｙ～～咁多個之中，得Ｆ４同埋ＪＡＹ係受歡迎，其他都冇咩ＦＡＮＳ，當中以ＪＥＲＲＹ最勁。終於等到班撚樣出離，佢班仆街出左離都唔夠十分鐘，係咁意將個百事樽放係張台到就走撚左，仲要遲左三個字，我真係火都離埋，０個個又唔係阿嬌，我都唔明白點解要為佢地流咁多汗．．．．．．

睇完之後就去左銅鑼灣搵表妹，舅父都係到。跟住佢俾左＄１０００我同表弟分，係今日最開心０既一件事。係地鐵到傾傾０下頭先０既遭遇，舅父突然講左一句：「挑，睇明星洗迫嫁咩？！」，然後就拎左部電話出離，個ＷＡＬＬＰＡＰＥＲ係到同ＹＵＭＩＫＯ合照，開頭我好想笑，幾廿歲人放張ＹＵＭＩＫＯ係到，跟住慢慢覺得唔對路，佢部電話仲有同翁紅、ＥＡＳＯＮ等人０既合照，仲有ＴＷＩＮＳ、２Ｒ、ＣＯＯＫＩＥＳ合照係數碼相機，令我即場為之愕然．．．
原來佢係銅鑼灣做眼鏡舖，得個貴字０既眼鏡舖，好多明星走去配眼鏡，仲叫左霆鋒同ＪＯＥＹ係張ＰＯＳＴＥＲ到寫生日快樂俾我表妹．．．又話見到陳小春都廢事同佢影．．．．我真係好好好羨慕，如果俾我同阿嬌影到張合照就真係小騰短兩吋都肯呀！～～

跟住同表妹表弟去左閏旺角，去左仙跡岩飲０野．．．．我俾錢．．．．妖．．．頂．．．．唉．．．．．然後陪表妹買鞋，最後買左對ＰＵＭＡ。跟住行行０下紅樹林打離問我幾時番工，我覺得０的工真係好仆街，一係唔離，一離就份份都離，於是我坤佢後日，不過我都係唔會去做，我唔係皇馬球員，我唔會只為金錢和妓女，我而家雖然星期六日好忙，但係做得好開心。行完之後送左表妹上巴士，我地就去左信和睇ＰＯＳＴＥＲ，見到阿嬌０的相，靚到呢真係．．．都唔知點形容．．．個心真係有０的甜絲絲．．０個種感覺呢真係好似發姣咁，真係好肉緊。不過一張都冇買，因為趕時間番去食飯，但係阿嬌真係好靚，我決定要買好多相貼滿成間房，我真係好鐘意佢。

搭火車０既時候同潘傾左一陣電話，話左俾佢知我０既近況，仲未死得。番到上水去食扒王之王，因為表弟聽日生日，但係咁０岩我地今日全部都得閒，於是就去左慶祝。食完之後我就走先番家改ＪＵＰＡＳ，但係當我整晒０既時候發現ＳＡＶＥ唔到，０個時已經過左十一點，我好慌張咁打俾喇叭文，然後讀晒０的ＣＨＯＩＣＥ俾佢聽叫佢幫我試０下，但都係唔得，於是我就好騰．．．０個時已經係十一點半，跟住我就扮鎮定咁用自己電腦再選好晒，然後用喇叭文張ＶＩＳＡ再試，最後成功，真係好險，差０的俾條友講中左我懶懶閒整唔切．．．好險。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

婚姻是鍵盤，太多規則和秩序；愛情是滑鼠，一點就通。
男人自比主機，內涵最重要；女人好比顯示器，一切都看的出來。

>>May 31, 2004 at 4:58:22 PM GMT+8

2004 年 5 月 29 日 星期六 【晴】

琴晚第一次用電話投注買左條４串５，諗住玩０下，今朝起身中左３關，收番＄３００幾，真係好開心，我發現賭博其實真係講運，見好就谷，見衰就縮。今日又係唔願起身，鬧鐘又唔覺意按熄左，好彩自己有知覺起身，最後十點十五分先彈起身。跟住好快咁換好晒衫，然後又拎左包蒙牛同埋一對襪番工。食完０野又去痾屎，今日０的屎０既顏色好怪，
灰黑ｂｒｏｗｎ，唔知發生咩事。

今日０的生意都係好旺，日頭好早就好忙，做到停唔到手，我已經熟習左呢份工作，唔再怕任何事，反而越忙就越覺得開心，因為０的時間話過就過。今日開始偷食物食，大家都開始露出狐狸尾巴。唔知點解開始鐘意多0的生意，間０野好似變左我有份咁。話咁快就落場，不過已經成四點鐘，好肚餓，食左一大碗飯同埋一大碗湯。跟住冇出到去，痾完屎之後係到休息，有一個女同事識得玩塔羅牌，我係到睇佢地玩，但係我冇玩，因為我怕羞。之後就訓左半個鐘頭，然後又展開工作。

夜晚仲忙，由頭踩到落九點幾乎，好似打仗咁，個廚房亂到仆街，全日有差唔多三萬生意，算係唔錯，閒日全日都係得萬幾。跟住九點幾先食飯，又偷左０的鰻魚離食。之後用極速去收檔，因為聽日放假，所以唔算番屋企，於是約左個朋友去小酌。但係好遺憾，飲完番到屋企發現唔見左隻戒指．．．唉．．．．有時０的０野真係整定，係要唔見俾你執番一次就執唔番第二次。好地地帶係隻手到都可以冇啦啦冇左，天意天意．．．．．

>>May 31, 2004 at 5:21:12 AM GMT+8

2004 年 5 月 28 日 星期五 【晴】

今朝起身又癩皮，番得越近個人就越懶越唔願起身，於是十點十五分先起身。跟住就快快手咁嘗試痾屎，但係都係衰左，然後係咁意ｓｅｔ０下個頭就出發，今日係屋企又拎左對襪同埋盒奶出去，去到聖安娜又買番琴日個多士食。食完０野之後就換衫，一開ｌｏｃｋｅｒ好臭，琴日對襪整到臭晒。換完衫又去商場痾屎，日日都做埋同一個行為。

今日係星期六，生意比平日明顯係旺左好多，如果第一日番工就係星期六、日，我肯定會驚到仆街，不過而家已經唔同，我已經變左做一個有用０既人，雖然好忙，但係我好鐘意呢種衝風陷陣０既感覺，一來令時間過得快，二來好有成功感。今日開始偷食物食，炸左０的甜蝦同埋偷食０的炸雞。呢排係街食０野都總係覺得好唔抵，因為而家我明白到每樣０野其實都好平，根本唔洗咁貴．．．琴日煎煎０下餃子跌左落地，個地下污濁到爆，不過我都扮傻照上碟，今日又跌左兩次矮瓜落地，唔知邊個咁唔好彩喇～的而且確，今日時間過得特別快，四點鐘又落場。食飽飽之後出左去馬會望望，跟住去左鴻利過日神，由於今日係星期六，只得一個半鐘頭落場，五點半又再工作。今日同大家開始傾多左計，家明話自己打拳皇未逢敵手。大佬原來以前都係住彩園，仲要係彩玉樓４樓，以前我住３樓，估唔到做左十幾年鄰居。

夜晚一樣好忙，好似打仗咁，但係每次整完一樣食物都有一種自信，我就係鐘意呢種成功感，雖然０的人食完可能肚痛或者痾爛屎。轉眼間，真係轉眼間又讀九點幾，當食緊飯０既時候又傾０下計，大家都對我點解唔讀中六好疑惑，又問我點解唔考警察．．．唉．．．當一個大話出左，又要講另一個大話去填．．做朋友要交心．．我要搵個機會同大家講個明白．．．

食完飯之後差唔多收晒０野，十點鐘唔知邊條仆街夜晚晚走離食豬飯，阻ｑ住晒。
收左工獨個兒行左去彩蒲苑樓下０既石春路行，按摩０下腳板，行左一陣舒服左，不過都係治標唔治本，好懷念琛圳０既腳底按摩。一路行一路同阿鋒傾左一陣心事，跟住就早０的番屋企，因為我０既能量值經過今日０既激戰已經消耗左好多。番到屋企，家姐唔係到，我琴晚已經冇見過佢，唔知死左去邊，跟住坐係到怒舉啞鈴同埋拉彈弓，做完之後竟然做得廿下掌上壓，好明顯背肌而家去到極限。睇左一陣電影台，做緊＜當男人變成女人＞，幾有意思，雖然睇左一陣，但係真係幾有主旨。沖完涼之後表弟發現左有呢個台，就去左睇，跟住我就獨霸間房。

一點幾玩ｉｃｑ，終於都知道邊個係我去左大陸０既時候打俾我，作為一個頂天立地０既男子漢，言出必行，我決定嫁俾佢，不過佢唔認我做老婆，所以無事發生，我履行左我０既諾言，我真係一個男子漢。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

如果明天是世界的盡頭，我最後的願望不是告訴你我愛你，而是把你緊緊的擁在懷抱裡，讓我倆窒息在彼此的氣味之中。

>>May 29, 2004 at 5:30:52 PM GMT+8

2004 年 5 月 27 日 星期四 【溫暖】

今朝十點鐘唔願起身，係張床到癲皮，跟住幾經掙扎先起到。出到廳見到表分打緊ｗｉｎｎｉｎｇ．．．但係玩兩粒星．．．跟住我就嘗試痾一痾，但係不得要領。之後小沖涼，個頭已經厚到成個蓋咁，再唔剪一定會變做丐幫幫主，所以決定今日落場去剪。今日拎多左一對襪同一條毛巾番工。去到聖安娜買左琴日塊多士食，跟住就番工。

今日大佬番番工，不過二佬又唔係到，好在有超姐協助，今日日頭生意又係好過夜晚。我已經掌握到落蛋０既技巧，不過裝飯始終都裝得唔係咁靚。雖然日頭多０野做，但係越多０野做感覺過得越快。原來切洋蔥０既時候真係會喊，切到我０的眼淚鼻水係咁流，唔知以為我經歷左嚴重０既心靈傷害。唔經唔覺又落場，食完飯之後就去左ｍａｎｄｙ到剪頭，今次我好仔細咁講述以往０既經歷，將我所要０既０野講晒俾個剪髮人知，佢好似好明白我想點咁。剪完之後有的水、有髮尾，都算係咁啦，好耐都冇ｓｅｔ過頭了。

五點鐘，又開工，夜晚又係靜到死，不過對腳板都仲係好痛，如果晚晚放工都有人幫我按摩就好了。夜晚由於唔太旺，我就扮狼去侵略人地０既部門，我學左整牛肉煱同埋雜錦鍋，其實好簡單，執料ｏｎｌｙ，以前食０野成日俾０的賣相呃到，其實只係一種掩眼法。其實所謂０既忙都唔係好恐怖，反而仲可以令時間過得快０的，真係唔錯。聽日係星期六，大佬話會多一個人幫我手，真係開心。

放左工去番髮廊，有隻白老鼠坐係到俾人試剪，兩邊鏟左一忽仔．．．不過佢話係佢自己０既要求，咁即係唔關剪０個個人事，係佢０既品味問題。食完甜品就番屋企，呢幾晚都係成點先番，放左工唔知點解好唔想即刻番屋企，星期日有得睇舒夫真高，不過要番工，實在可惜。

沖完涼，表弟又係到玩電腦，跟住我又叫佢俾我玩，但係佢仍然坐係我張床到玩佢部ｎｏｔｅｂｏｏｋ，我覺得好似被監視咁．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

若有一天，互聯網不再運作，你還記得在你的生命中曾有我這一個過客嗎？

>>May 28, 2004 at 5:46:41 PM GMT+8

2004 年 5 月 26 日 星期三 【酷熱】

今朝個手提唔知點解冇響到，好在我九點幾醒一醒，如果唔係又遲到。阿姨今日下午三點搭機走，原本我仲未起身，但係聽到佢地準備出去就唔知邊到離０既一鼓衝動彈起身走出去，跟住同阿姨擁抱道別，唔知點解好似有０的想喊咁ｔｉｍ．．．始終我都係一隻多愁善感０既小雙魚．．．．佢地走晒之後，得番我一個，跟住我就小鍛鍊，然後就小沖涼、小痾屎，唔知點解呢幾日朝早又痾唔番屎，真係好難捉摸。跟住就番工。

今日去左聖安娜買包食，食左兩個包同埋一盒朱古力奶。今日大佬休息，有０的驚驚地。食完０野先離急屎，跟住走左去廁所痾，呢排鐘意左商場廁所，因為有冷氣，又舒服。上半場十二點幾至一點幾好多柯打，由於冇左大佬，所以大家都好多０野做，好彩有超姐係到照顧我呢個小初哥，如果唔係真係仆硬街，今日我又煎埋牛扒，我已經算係應付晒自己０既部門，如果唔係忙的話都可以ｈａｎｄｌｅ到。上半場０既尾段我終於都算係掌握到整０既竅門，原來要等０的０野滾起晒先可以落蛋，我終於都冇痴鑊喇！～！～！～！～！～！～

唔經唔覺就到三點鐘，左手去左百人一朱門口搵我，跟住我就拎埋碗飯去左後巷食，食完就換衫去左競技打機。見到斬人聰又包住隻手係到打機，鑊鑊見親佢都總係要有０的傷，都唔知堅定流。跟住大司馬冇啦啦又出現，我就食左一支煙。打到四點幾番左上廣場，然後偷望假阿嬌，其實嚴格來說佢只係似四仔０個個阿嬌．．．之後就再開工。原來ｌｕｎｃｈ時間有好多學生離食飯，佢地就係食我整０既飯，真係有一種好特別０既感覺，我亦都發現原來係好抵食，不過抵食又唔代表平。下半場開始時，我係到刨生菜絲，但係我戇居咁刨左一半先知原來未開刨機．．．．呢間０野０的生意真係有０的唔正常，夜晚可以靜過日頭，成個夜晚加埋先整得三個飯，企都企到悶，跟住就係到吹水，大定都以為我係一個斯文人，我真係覺得好榮幸。

十點半準時收工，去左天平，由於放親工對襪都唔知點解會濕濕地，可能係汗又可能係水，跟住叫左大司馬拎左對襪落離，不過對襪有兩個小洞好似對眼咁。之後佢同左手一人一隻幫我腳板按摩，超級舒暢，跟住又食左一支煙。然後發現我地６個人當中５個都係著白色衫，得一個著黑色變左異族。之後有兩個社工走過離撩鬼，佢以為我地著左制服，然後派左幾張ｃａｒｄ片，叫我地六月四日去體育館玩．．．原來之前同呢兩條友曾經有過邂逅，０個時夜晚走左去龍琛路借廁所就見到佢地，唔怪得知熟熟地面口。之後就番屋企，肥宏又叫我幫佢作句，於是我就將琴日０個句稍為轉變，然後叫肥寶打完ｓｅｎｄ俾我再ｓｅｎｄ俾佢。

番到屋企，成身汗，好熱，個廚房仲舒服過出見面，沖完涼之後又叫表弟讓電腦俾我玩，其實我覺得佢好悶，日頭又得番佢一個人係間屋到，佢而家代替左我０既位置，阿ｍａｙ依舊留飯，不過係俾佢食，但係問心一句，其實佢係香港都真係幾無聊．．．不過ｒｅｇｉｎｅ成日侯住佢，話要約佢去街，一齊睇住知賢．．．夜晚沖完涼．．．肥珊條頸鍊斷左，好彩搵得番隻戒指。佢送親０的鍊唔知點解都會斷，上次條水晶打交時又斷左，今次沖沖０下涼都可以斷，不過可能擋左一劫，亦有可能其實係ｃｈｅａｐ０野～～

好諷刺地一個小人ｓｅｎｄ左個咁０既ｍｅｓｓａｇｅ過離－－－－－－－

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

竹者，寧折不能彎，是為君子之氣節。

>>May 27, 2004 at 6:08:45 PM GMT+8

2004 年 5 月 25 日 星期二 【晴】

今朝較左九點半起身，但最後都係十點先肯起床。原來今日係公眾假期，咁一定會比平日忙。今朝係馬桶到休息左一陣，痾得好少糊狀０既屎．．．呢排番工放工都冇時間鍛鍊，其實係有０既，不過屋企太多人，冇咩空暑可以俾我咁做，但係阿姨聽日就番溫哥華，我諗到時會好０的。十點三十幾分出門口，跟住去左大快活買早餐食，然後就番去朱朱，今日醒目左識得自己拉閘。番到去食完０野之後又展開辛勞０既一天。

經過兩日０既摸索，已經漸漸掌握左要負責０既工作，其實都係一０的手板眼見０既工夫。今日佛誕，真係旺左好多，整左好多個滑蛋豬排飯，不過依然係好失敗，但係開始發現左個竅門，落蛋個０下都好重要，但係最重要都係控制個火。家明燒左隻ｃｄ番離播，有ｔｗｉｎｓ～跟住仲有爆旋陀螺、小忌廉、飄零燕等兒歌，又有０的咸濕歌，工作效率提升一倍。洗地個阿姐教我整飯，係佢０既指點下果然整出一個好飯，但係佢一走開又打回原形．．．．雖然話忙，但係都未至於叫救命，反而有０野做０的時間過得仲快，轉眼間又落場。原來星期六、日同公眾假期都係四點落場，番五點半。食完飯之後就係０的梳化訓教。今日又識左兩個新女侍應，佢地好ｎｉｃｅ，話我好似一個人，不過講唔出口，我就扮傻係到，番工都真係幾開心。經理以為我係溫哥華回流番離，嘩哈哈！！好頂癮！

訓到五點半又開工，跟住又去左痾一痾屎，跟住阿ｂｉ打離傾左兩句。然後又展開左工作。我０既工作其實係負責全部炸０野都俾一０的支援，雖然明白左，但係都好多時要其他人幫０下手，如果唔係一定仆街，遲０的應該會辛苦０的。跟住又學識左煎餃子，不過０的餃子其實係ｃｈｅａｐ０野，我以後都唔會係街到食。八點之後，已經好冷場，跟住我就好用心咁炸０的雞卷，然後用我自己０既ｓｔｙｌｅ排成Ｖ字型，０的女話我排得好得意～～但係煎０既時候唔小心俾個蓋辣親，兩隻手指好似俾火燒咁，跟住就渣住粒冰，好好多，但係一放低又好似俾火燒咁，好慘．．．．由於成日對於０的油，０的皮膚一定差，真係要好好咁保養先得。九點鐘食飯，阿鋒問我做咩唔讀中六．．．於是我就作左一個好感人０既故事．．我話０個時家境唔好，應付唔到開支．．．嘿嘿．．．跟住家明話我好坎坷～！嘿．．．咁樣呃人好似唔係幾好咁．．．．

十點鐘收檔洗０野，然後十點三十幾分就走人．．．聽日大佬放假．．得番我地三個，真係好驚，唔知會唔會爆檔．．．．我係一個好重要０既關鍵！放工之後去左同個朋友傾左一陣計，然後差唔多十二點番屋企。阿姨聽日就走，執好晒０的０野，黑炭依然好憎表弟，惡到成隻狗咁。忠叔叔夜晚打離，叫我扔左個電話去，成日都唔聽，０的留言又唔知攪咩，跟住話俾佢知係阿嬌，估唔到佢都識得～今日番到屋企，終於都肯將件舒夫真高拎去洗衣機洗．．．著左咁耐，從衛生０既角度我諗都應該咁樣做．．．．

沖涼０既時候，覺得個屎眼痛痛地，唔知係咪俾０的汗焗親．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

不愛你，心內卻遺留著你獨一無異的美。　　＜－－－我作嫁！～！～！～！～！～！～！～

>>May 26, 2004 at 5:34:36 PM GMT+8

2004 年 5 月 24 日 星期一 【晴】

琴晚訓教．．．發左一個夢．．．夢見同阿嬌邂逅，第一次發夢見到阿嬌．．．係好好好好真實．．好有初戀０既感覺，醒左之後仲有０個種甜絲絲０既味道，好似真係發生左咁．．．真係好正．．．

十點鐘又再次起身，跟住整左個公仔杯面食，食完之後又番工，番到去十點五十分，今次又係落左閘，於是我就企係門口等。等左一陣大佬番離，問我做咩企係到，原來道閘一拉就入得．．．番到去打完ｃａｒｄ就換衫，跟住俾我發現原來我個ｌｏｃｋｅｒ係有阿嬌張相係到嫁！！個夢又再次係腦海中蕩樣．．．．
經過琴日０既觀察，今日我已經好左好多，我０既位置主要係整飯同埋炸０野，係相當重要，一路做一路播緊千嬅，提唔係勁，但係如果拎隻ｔｗｉｎｓ去播唔知會唔會俾人屌．．．今日又學識左點樣撈０野炸雞，雖然唔係諗住係呢行發展，但係都真係學到好多０野。今日整０的滑蛋飯依然係差少少，始終都未能夠好好掌握個火喉，基本上十個有九個都係我整，百人一朱０既招牌就離俾我拆左。跟住又走左去刨牛肉做刺身，然後一塊塊咁砌好。日本食物其實可以係一門藝術。今日對腳板底都依然係好痛，不過遲０的會憤嫁喇應該。

不經不覺就到三點鐘，時間真係過得好快，食完飯之後我又走左，０的女同事都好有趣，不過其中一個好好好好爛口，爛到我都覺得恐怖，原來係燒味坤以前個同學，呢個世界真係細。落場去左個朋友屋企痾屎，然後打左一陣，之後玩到夠鐘就番去。番到去唔記得左影身份證，於是我就問同事上木水廣場有冇得影，有個女同事著住和服咁陪我去到石湖墟影．．．跟住又開工，家明放左半日假，於是我就要獨立起來應付好。夜晚都唔算係太旺，始終呢間０野都係冇咩人去食，自己都係去過一次咁多。不過有臨尾有頗多痾打，我估唔到連洗碗阿姐都識得整滑蛋飯同炸０野，仲要比我做得出色．．．．我真係要反省一下。最後差唔多十點先食飯，因為忽然有人離左食０野，然後收埋檔十點四十五分先走。原來大佬只係得廿四歲，二佬有廿五歲，家明就廿二歲．．．一定冇代溝。

成日以為唔係好累，其實累左自己都唔知，唉．．．係時候要諗一諗鍛鍊身體０既問題，而家咁攪法容咩易好似阿鋒咁講打回原形．．．．．．．．．．

>>May 25, 2004 at 5:03:09 PM GMT+8

2004 年 5 月 23 日 星期日 【晴】

琴晚表弟叫我帶佢跑傳說中０既大圈，於是我就陪左佢落去，不過我唔係跑，我只係踩單車。佢一路跑一路聽ｍｐ３機，原來踩單車０既感覺係快好多，但係跑就好似跑成日咁。佢跑完一個圈之後，時間係十分幾，比我想像中還要好，於是我就傳授左兩吸一呼心法俾佢，亦都俾佢知道左我真正０既身份。

今朝起身十點，梳洗完之後就番工。去到上水廣場十點四十五分，間０野仲未開門，我有０的驚俾人呃左，於是去左廁所痾屎冷靜一下，然後出番離時就已經開左門。入到去見到廚房大佬，不過一０的都唔老。自我介紹後就換左一件日本衫同埋水鞋就開始工作。開頭我發覺自己好冗員，因為咩都唔識做，剩係企係到睇同埋做０的白痴仔都識做０既０野。開頭好驚０的人唔友善，但係好好彩，個個都好ｎｉｃｅ，成個廚房加埋我都只係得４個人，０的侍應個個著晒和服，都唔錯。佢地成日講淫０野，成間０野０的人都好似一家人咁，相處十分融洽。三佬係大陸落離，佢把聲、語氣真係好好好好好似崩牙，唔知係咪同一個鄉下。今日係到炸天婦羅同埋包辦０的滑蛋飯，但係整極都整得唔好，０的蛋成日熟過龍，火喉要控制得好好。

做到三點鐘食飯，雖然唔係食日本０野，但係比起金旺庭真係好好多，０個０的都唔知係咪人食。食完之後我就換衫落場，去左上水廣場痾屎，然後就番屋企。打左去網上行續約，跟住又打左去駕駛學院問０野。之後諗住訓一陣，點不知一訓就訓到五點半，番到去都成五點九，遲左成九個字。番到好得死驚，第一日就奶０野，於是我就講大話話阿媽唔舒服陪左佢去醫院，好彩大佬好好人，冇鬧到我０者～

夜晚工作比日頭更加遊閒，但係腳板條根真係好痛，０個時做酒樓都係咁。九點鐘又食飯，食完之後就收檔洗地，十點半走人。跟住去左同３個朋友食宵夜，然後又有朋友打離問候工作情況。跟住係天平到洗樓，睇０下仲有冇鞋偷，不過結果未如理想。最後一點幾先番到屋企，番到去而家又多左個人同我爭電腦玩．．．．．

>>May 25, 2004 at 5:00:05 PM GMT+8