2004 年 6 月 9 日 星期三 【晴】

今朝好厲害，早左半個字起身，跟住小沖涼，然後就ｓｅｔ頭番工。一起身就見到表弟坐左係到玩電腦，我發覺佢真係可以全日對住部電腦唔洗離開，好強！去到聖安娜買左個腸仔包就番上去。呢排興飲綠茶，近日來都當水咁飲，傳說話飲綠茶會靚０的。日頭生意都係差唔多，都係以飯居多，做到都冇話辛唔辛苦。唔知幾時開始，對腳板已經冇痛，我今日先突然發現呢個情況，原來真係會適應．．．就好似身體０既肌肉一樣。忙碌過後又係食飯，呢排唔知點解冇咩胃口，但係都食晒成碗飯。

食完飯之後我拎住本書去痾屎，高妹同阿鈴問我去邊我照直回答，但係唔明白有咩咁好笑。一路痾一路睇，都差點兒忘記左入去係為睇書定係為痾屎，跟住蘿蔔入左離係第三格。我地係聽到對方講０野０既情況下仍然用電話傾左一陣。痾完之後我就著左件蘿蔔上衣行番出去。然後坐左係一朱出面張椅子上。蘿蔔係條褲到拎左個所謂０既十倍鏡話用離睇鑽石，聽個名大有來頭，但係原來只係一塊西仔放大鏡。跟住除左對耳環離照，公司０既同事都覺得好閃～條仆街識左周生生阿嬌，我準備做０野，睇０下咩料，大家樓上樓下，好易入手！跟住又番入去繼續我０既閱讀。

睇睇０下高妹佢地打俾我，應該係琴晚小白俾左我電話佢地，跟住買左雪條番離食，食完唔知點解好眼訓，我懷疑有安眠藥。訓左唔夠５分鐘就要開工，又飲左一大杯凍綠茶，正！～！～
夜晚雖然多單，但係全晚只係整左一個咖哩雞飯，其他大多數都係炸０野同埋打邊爐。夜晚做得幾舒服，加上又多番一個人，所以雖然全日有萬五生意，但係都舒服過琴日。肥彭突然打離話去食果，於是左工就去左許留山。係上水廣場部提款機諗住拎一百蚊紙，銀包０的錢大張過頭，免得嚇親０的侍應，但係部機好鬼串咁話要５００倍數先拎得錢．．．我都呆左．．食完０野之後去左平台吹左一陣，跟住就番屋企。

番到屋企十二點幾，表弟．．．．．．．玩緊電腦．．．．．．．跟住我就鍛鍊身體，暫時來說已經頗滿意，除左個腹肌之外。阿鋒話如果太大隻，到老左就會變到好核突，０的肉會鬆晒，所以只需要點到即至。左胸之前粒毒瘡好番，本以為冇事，但係又生多粒更毒０既瘡，可以話係腫瘤．．．痴撚線，好撚大粒，我諗我真係要好好地咁去洗０下件開工衫．．．

見到屋企０的相，真係個得好ｒｅｌａｘ，最大０個張依然未處理好，不過最鐘意都係戴帽唔笑０個張，真係好有性格，ｉ　ｌｉｋｅ　ｉｔ！～～～～～～～～～～～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

瘋瘋顛顛又一天，執執著著訓唔著～

>>June 10, 2004 at 6:18:11 PM GMT+8

2004 年 6 月 8 日 星期二 【晴】

放左兩日假，今日終於都番工。今日係星期三，馬鞍山阿鋒又過左離。我又唔願起身，跟住面都冇洗就出左去，二金當然係冇ｓｅｔ。行到去大快活，買左個早餐食，番到公司以為度閘仲未開，以為係第一個番，點不知原來大佬已經番左，睇佢張卡，原來十點四十分已經番到，係廚房整緊０野。

做做０下０野因為阿寧冇番馬鞍山，阿鋒緊急調動即時又過番去，我地就真真正正咁剩得三個人，阿招又放左假，今日真係好仆街。日頭又係做個停不了，不過都係維持左一個鐘左右，之後做到食飯。阿龍好似有０的唔開心，因為佢實在太忙太多０野做，人手唔夠，我又咩都唔識，得我一個人食飯，家明又唔食，等我差唔多食０野之後先話請飲茶，於是食飽之後去左隔離客家棧飲茶。家明係客家人，阿姐都係，佢兩個成日講客家話，我都要學番一兩句粗口用離鬧人。終於我都講左我０既身份，但係比我想像中還要好，大家都冇咩特別反應，我反而覺得驚訝，這麼一來聽日就可以卜０下升唔升到先～

飲完茶去左痾屎，痾左少少，跟住番左去訓左一陣，阿鈴佢地係咁話要影相，跟住高妹冇啦啦問我係咪有心事，我腦海充滿問號。夜晚依然繼續工作，星期三跑馬天，晚市異常寧靜，但係我對住部刨機有無比０既辛酸．．．刨到我手都斷，不過可以鍛鍊埋我０既臂力。夜晚食完飯放工，收檔時，我要幫我最討厭０既刨機同埋電皈煲洗乾淨，個電飯煲成日流電，電到我痺一痺，我就離鍊成紅丸０既絕招。

放工時，小白同高妹一齊走，我原來係高過高妹少少，跟住一齊行左去火車站下面ｃｈｅｃｋ０下０的錢過左未，然後就番屋企。番到去鍛鍊全身後，特別係腹部，跟住就沖涼，沖完偷左阿ｍａｙ支髮尾油用，跟住打左陣ｗｉｎｎｉｎｇ就訓教，次次用捷克打到最後都係贏唔到，唔通真係冇冠軍命？！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

如果愛你是有陰謀，我的陰謀只是想你愛我。

>>June 9, 2004 at 5:21:35 PM GMT+8

2004 年 6 月 7 日 星期一 【晴】

今日又唔洗番工，原本諗住可以訓晏０的，點不知俾奶奶十點幾就打離噪醒左，仲叫我同表弟出去食０野，無可奈何地就接受左，起初仲諗住訓夠先出去睇戲，於是十一點左右就起左身。之後發覺部電腦０既ｗｉｎｍｘ壞左，一開就攪到部機ｄｏｗｎ，好彩表弟有０的料，最後又係中左病毒，原來之前佢幫我裝０個個防毒過左試用期。跟住就ｓｅａｒｃｈ左首ｓ．ｈ．ｅ．０既他還是不懂，琴晚有個朋友叫我諗訓時聽三次先好訓，但係可惜琴晚已經ｄｏｗｎｌｏａｄ唔到。

十二點半左右出到沙田優之良品，但係等到成點先見到奶奶同公公，係火車站到見到有個牌寫住連城廣場同埋連城美食坊，唔知道同連城訣有咩關係。之後去左意粉屋食食物，今次係我人生０既第二次係意粉屋食食物。食完之後好飽，跟住就去ＵＡ買飛睇戲，見到一對小明同埋佢條女，當時我真的很想死，表弟終於都要暴光了．．．之後又陪兩老去左買魚腩，跟住佢地就走左，然後我就急屎，叫表弟自己去書店睇書等我，但係估唔到咁大０既新城市廣場個廁所居然係冇馬桶，完全係失望。痾完之後再去銀行入數，呢間銀行地點鬼鼠，所以好少人，派左唔夠５分鐘就鐘於都入左。然後就去睇複製兒魂，其實我真係唔鐘意睇嚇鬼片．．．不過都要硬著頭皮去睇，兩個半鐘，不過都仍然覺得內容唔係好夠，應該再長０的，故事內容構思得唔錯，略嫌唔夠筆墨去仔細描述故事發展。結尾導演雖然留下懸念，讓觀眾自行猜想，但效果未如理想，反而俾人一種衝衝收筆０既感覺。

睇完戲之後去左旺角，我終於實行左自己０既心願，走左去信和買左好多阿嬌０既相，但係０的ＰＯＳＴＥＲ就好樣衰，０的相原來可以叫佢放到１８Ｒ咁大，但係要等兩日，於是就買左七張３Ｒ，一張１２Ｒ同埋一張２Ｒ，跟住就番屋企食飯。食完飯之後又睇多一章連城訣。跟住就張０的相貼晒係間房到，但係最大０個張仲懊惱緊貼係床頂等還是係ＳＨＯＷ埋出離，跟住家姐入離見到好驚訝，佢話我好似變態殺手，阿ＭＡＹ仲叫我索性貼埋佢０的相上去，仲以為呢個咁可愛０既阿嬌係薄餅阿ＳＡ．．．．

夜晚部電腦又壞左ＷＩＮＭＸ又ＳＨＯＲＴ左，今次病毒又冇，不過最後表弟都唔知用咩方法攪番好，讓我可以ＤＯＷＮＬＯＡＤ　ＢＯＹ’Ｚ０既全新大碟～～自從番完大陸，用左０的唔知咩洗頭水之後，個頭一直都好似好乾咁，ＳＥＴ出離完全不滿意。不過亦可能因為兩日冇番工，０的頭髮冇俾油焗，所以差左，所以聽日決定唔ＳＥＴ頭番去焗番油０的。一直都頗想整個ＨＩＧＨＬＩＧＨＴ，知道埋鄭漪穎同ＲＥＧＩＮＥ都整左就更加唔想執輸，之不過又唔想咁平凡咁整金色，真係好懊惱．．．．

>>June 8, 2004 at 6:18:16 PM GMT+8

2004 年 6 月 6 日 星期日 【晴】

琴晚係骨場過夜，訓到今朝九點幾半睡半醒咁到十一點先走。跟住去左食少少０野，然後就番落香港。番到屋企都十二點幾，不過仲好累，見到表弟係屋企。第一件事就係去爆一獲甘先，拎埋本連城訣入去睇，唔覺唔覺當左係上水廣場，坐左成半個鐘．．．跟住出到去沙發又睇多一陣，然後就訓教。由於今日係放假，諗住叫人去玩，但係個個都唔得閒，肥彭又唔肯出離，阿鋒又話要送外賣，最後約左廖家寶請佢去睇戲。訓到三點幾起身，跟住打ＷＩＮＮＩＮＧ，呢排鐘意左用捷克，打到咁上下，阿ＭＡＹ反而吹促我去學車，於是我就順路去沙田問埋。佢知道我聽日都放假，又迫我同表弟去街，仲用左＄２００來行賂，我當然就犯啦。

去到沙田買左飛睇明日之後，跟住就搵香港駕駛學院，搵左好耐最後都要問人，原來就係ＵＡ０個邊．．．．原來＄８ＸＸＸ就ＯＫ，不過我問完之後仍然係咩都好似唔知咁，但係我諗交左錢到時就冇問題嫁喇，反正都係番學咁上下０者。之後去左傳說中好撚旺０既沙田一朱睇０下，就咁睇門口都唔係好多人０者，不過可能今日星期一，係門口企係到望時有一種親切感。
七點半睇戲，睇０個時覺得套戲唔錯，但睇完越諗越覺得唔係咁得，其實套０野冇咩劇情，好大片幅都係影美國點樣被蹂躪．．．睇完之後去左食味千然後番家。

跟住打俾阿鋒，佢條仆街仔話唔得閒，但係就出左去打籃球，於是約左佢聽日去旺角四０野。我諗住日頭同表弟睇完戲然後夜晚再出旺角。之後就去左石場到同佢吹陣水，原來．．．我竟然係大隻過佢．．．手臀同佢不相伯仲，佢一０的胸肌都冇，不過佢身形好，所以睇落始終強過我，加上佢都開始再鍛鍊。傾左一０的肌肉上０既問題，然後等埋蘿蔔一齊番屋企。

番到屋企，照樣做左ＳＩＴ－ＵＰ，然後先沖涼，肚腩雖依在但係已經明顯受到控制。

>>June 7, 2004 at 6:04:35 PM GMT+8

2004 年 6 月 5 日 星期六 【乍寒還暖】

今日又係番工０既日子，琴日冇左阿寧係到，上水一朱幾乎倒閉，今日係星期日，情況一定比琴日更加惡劣，不過多左個人情況好好多。今日又去左山崎買豆沙餅食，食完之後就展開辛勞的一天。

日頭０既生意真係好多，做到停唔到手，不過其實又唔算係太過辛苦，但係個個都叫晒救命，由於係星期日，所以要四點先有得落場，但係到兩點幾時生意已經靜番，跟住我地個個都係廚房煮０野食，我食左個咖哩飯，原來０的咖哩都幾好味。食完之後，汲取過琴日０既教訓，上水一朱廚房Ｆ４決定犧牲寶貴０既落場時間離預備晚市，一路工作到五點鐘，我地決定出去坐下，大佬一個仍然默默咁工作。我大字形咁訓左係大玻璃隔離，唔夠一個字，高妹、小白同阿鈴番左離，語帶關懷咁問我地食左０野未。望住石湖墟，個天灰黑色，落緊頗大０既雨，石場都冇人踢波，一片愁雲慘霧０既情境出現係眼前，驅使我去吸一口煙．．．．點不知０的女仔見到我生煙都好驚訝，覺得破壞左我美好０既形象．．．

五點半再度工作．．．我只能報以一句頂你個肺．．．就係呢一場雨．．．摧毀左我地０既生意額，今晚比琴晚差好遠，我同家明亦得到共識，原來０的食物係可以食的，我而家成日都專登整多０的比自己食～跟住收到一個好不幸０既消息．．．阿寧做埋呢幾日就要辭職．．．．雖然我離左唔係好耐，但係阿寧都傾得兩咀，又幾好人，大家都好唔捨得，加上佢係上水一朱０既第二支柱，冇左佢，我地今後０既日子唔知會點，總公司唔知會派個咩人落離．．．唉．．不過人望高處係０岩０既．．．如果他日我真係入到大學，我都會辭職．．．．我絕對唔甘心做一個廚房仔，我一定要飛黃騰達。

放工番左屋企，跟住問阿ＭＡＹ拎回鄉證番左大陸，而家佢已經肯俾我番，不過張證都仲係要佢ＫＥＥＰ。等埋阿ＢＩ收工一齊上去按摩。於是去左競技打機，然後十二點左右去左搵肥彭傾計，佢係泰國番離之後俾人落左降頭，紅眼症、喉嚨痛、胃痛．．．咩怪狀都有．．．．．

>>June 7, 2004 at 5:46:11 PM GMT+8

2004 年 6 月 5 日 星期六 【乍寒還暖】

今日又係番工０既日子，琴日冇左阿寧係到，上水一朱幾乎倒閉，今日係星期日，情況一定比琴日更加惡劣，不過多左個人情況好好多。今日又去左山崎買豆沙餅食，食完之後就展開辛勞的一天。

日頭０既生意真係好多，做到停唔到手，不過其實又唔算係太過辛苦，但係個個都叫晒救命，由於係星期日，所以要四點先有得落場，但係到兩點幾時生意已經靜番，跟住我地個個都係廚房煮０野食，我食左個咖哩飯，原來０的咖哩都幾好味。食完之後，汲取過琴日０既教訓，上水一朱廚房Ｆ４決定犧牲寶貴０既落場時間離預備晚市，一路工作到五點鐘，我地決定出去坐下，大佬一個仍然默默咁工作。我大字形咁訓左係大玻璃隔離，唔夠一個字，高妹、小白周阿鈴番左離，語帶關懷咁問我地食左０野未。望住石湖墟，個天灰黑色，落緊頗大０既雨，石場都冇人踢波，一片愁雲慘霧０既情境出現係眼前，驅使我去吸一口煙．．．．點不知０的女仔見到我生煙都好驚訝，覺得破壞左我美好０既形象．．．

五點半再度工作．．．我只能報以一句頂你個肺．．．就係呢一場雨．．．摧毀左我地０既生意額，今晚比琴晚差好遠，我同家明亦得到共識，原來０的食物係可以食的，我而家成日都專登整多０的比自己食～跟住收到一個好不幸０既消息．．．阿寧做埋呢幾日就要辭職．．．．雖然我離左唔係好耐，但係阿寧都傾得兩咀，又幾好人，大家都好唔捨得，加上佢係上水一朱０既第二支柱，冇左佢，我地今後０既日子唔知會點，總公司唔知會派個咩人落離．．．唉．．不過人望高處係０岩０既．．．如果他日我真係入到大學，我都會辭職．．．．我絕對唔甘心做一個廚房仔，我一定要飛黃騰達。

放工番左屋企，跟住問阿ＭＡＹ拎回鄉證番左大陸，而家佢已經肯俾我番，不過張證都仲係要佢ＫＥＥＰ。等埋阿ＢＩ收工一齊上去按摩。於是去左競技打機，然後十二點左右去左搵肥彭傾計，佢係泰國番離之後俾人落左降頭，紅眼症、喉嚨痛、胃痛．．．咩怪狀都有．．．．．

>>June 7, 2004 at 5:45:46 PM GMT+8

2004 年 6 月 4 日 星期五 【晴】

今朝幾經掙扎先早左一個字起身，但最後仲反而遲左出門口，仲整爛埋燙斗個插蘇。去到聖安娜又買左個腸仔包食，仲係屋企拎左包蒙牛出來。今日係星期六，阿寧放假，我地要頂硬上。日頭都算頂得住，不過已經好忙．．．大佬忙到犧牲埋落場０既時間離拋燒餅。四點先食飯，今餐頗為豐富，有隻鵝ｔｉｍ，不過得我同家明食．．．之後聽到０的人話出左糧過左數，但係我就冇．．．正想問之際阿卿就俾左張支票我，原來我係與別不同要出支票．．．．張支票有＄１５４ｘ．４，我完全唔明白點解會有四毫子．．．但係又要入數，好撚煩。

食完飯就去左商場馬桶到睇連城訣，一路睇一路痾，雖然一邊冇冷氣，但係心靜自然涼，難我唔到０既。我開始明白點解０的人話呢本唔好睇，如果係女仔我覺得一定更加唔鐘意，而事實上的確係冇特鵰０個０的咁好，因為佢舖排少，情節去得好快好快，雖然未睇晒，但係我睇左差唔多四份之一，都好似唔係好知佢想點．．．．．跟住又番番去坐係大玻璃隔離，感覺一流。原來阿鈴都係０岩０岩讀完中七來做．．．我０個刻有０的衝動想講出真正０既身份．．．．．

五點半再度工作，大佬叫我整定０的０野，因為將會冇手幫到我。夜晚的確好忙，０的單不斷咁迫入離，好似唔完咁，但係我好唔開心，因為當我攪掂晒自己０的０野０既時侯好得閒，我好想去幫前面，但奈何我又唔熟手又唔識，只好眼白白咁企係到．．．恨不得多０的ｏｒｄｅｒ俾我做，但係我都嘗試去幫手，不過整係識整牛煱實在貢獻不大，因此我要離近０既閒日去多０的前面整０野，熟習一下，人地成日幫我，我都唔可以只係顧自己。大戰左成個幾鐘之後，大佬因為出左糧，聽日食飯請晒我地飲茶～夜晚０個餐我地冇胃口，食左兩啖飯就唔想食．．．原本以為可以收工，點知成十點先有六七個人入離，仲要有幾個係鬼佬．．．．結果攪到成十一點先走人。

收左工之後同ｒｅｇｉｎｅ去左食０的野，佢地係尖沙咀攪謝師宴．．．而我地就．．．石湖墟金香魚港．．．．．．．．．．之後嘗試係自動櫃員機入數，但係都唔得，傳說話會有個信封飛出離可以入數的．．．．跟住去左行樂軒下面食左碗勁難食０既車仔面．．跟住又行左去石湖墟第二部檮試０下，但係都係入唔到，唉．．．唔想去銀行派隊咁七呀．．．．．

番到屋企，電視做少年賭神，睇左一陣，跟住去沖涼，開頭唔願做ｓｉｔ－ｕｐ，但係除剩條底褲後又覺得唔可以半途而廢，於是又出去做ｓｉｔ－ｕｐ．．．沖完涼之後，又做多一陣，跟住同表弟傾左兩句，佢聽朝要六點幾起身去唔知咩果州．．．我從來都未聽過，佢話係離島．．．．希望佢可以平安回來啦．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

愛，在任何時候都可以實踐，但只有在考驗的時候才可以證明 。

>>June 5, 2004 at 5:55:30 PM GMT+8

2004 年 6 月 3 日 星期四 【晴】

琴晚一路訓教一路聽歌，聽到唔願訓，成三點先肯熄機。今朝起身又賴皮，原來「賴皮」係真有其義，琴日睇連城訣時見到呢兩個字。起左身之後又係趕頭趕命咁出發，仲要遲左幾分鐘先出門口。今日去番聖安娜買包食，買左個腸仔包，行過星光門口唔見左條蘿蔔。食完包又去左痾屎，不過都係冇咩收獲。今日廚房終於齊人，原本阿寧今日放假，但係佢有事要請聽日假，所以聽日我地將會忙到仆街。日頭唔想多０野做，無驚無險又到食飯。

食完飯就坐坐係塊大玻璃隔離睇書，睇到咁上下個屎忽有０的麻痺，跟住拎埋本書去痾屎。一坐就坐左半粒鐘，個廁所渣ｆｉｔ人係門口等我．．．．五點鐘繼續工作，夜晚初段都好遊閒，唔知同六四有冇關係，跟住我要去較汁，拎住個量杯係到左湛右湛，但係唔知發咩神經八點幾０的單就係咁來，一路做到九點幾先靜番。之後成十點先食飯，食完飯又收檔，唔知點解近日唔係咁願收工，放工０既感覺好空虛好唔實在，反而係廚房仲開心．．．

收左工諗係去馬會，但係原來收左，跟住同阿強吹左陣水就番屋企。番到去佢地拎左個蛋糕出離，準備切，跟住唱生日歌．．．但係都過左成幾日．．．個蛋糕好鬼死甜．．臨沖涼前又迫自己鍛鍊，開頭真係唔願舉，不過舉舉０下又上番０的力，雖然最憎做ｓｉｔ－ｕｐ，但係我都要克服，冇０野係我做唔到０既！
唔知係咪因為開工件衫太污糟，由第一日番工到而家都未洗過，個胸同背都生左粒大毒瘡，我諗要清潔一下．．．玩玩０下電腦，表弟睇緊祖記對國米０既重播，跟住話決定左要買阿祖安奴，因為個名串法好似佢．．．但係我覺得個樣都好似佢．．．

神婆話今日係全年月光最圓０既一日，係曬水晶０既最好日子，仲會令到人０既情緒起伏不定．．．唔知係真定假，的而且確成日都有時好抑鬱，我諗可能同０的磁場有０的關係．．．．呢排真係好想搵一個人，搵一個我唔識０既人，亦都唔知係咪存在０既人．．．但係．．．去邊到搵？

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

如果愛可以用錢買回來的話，我寧願一世也做洪七公。

>>June 4, 2004 at 5:05:07 PM GMT+8

2004 年 6 月 2 日 星期三 【晴】

自從有左部ｍｐ３機後，夜晚訓教成日都聽到唔願訓．．．今朝又係十點十五分先起身，又係好趕咁出門口。去到上水廣場，今日唔去聖安娜，去左山琦買左兩個豆沙包，然後又見到條蘿蔔企左係門口。番到去見到兩日冇見０既家明。今日大佬放假，廚房得番我地。開工前先去廁所，呢幾日個廁所冇左以前涼快０既僾點，痾得好唔舒服。

今日係閒日，不過點都會有一個鐘係好忙。分區經理今日離左，好撚黑人憎，扮撚晒０野係到。忙完一個鐘又變得好遊閒。三點鐘食完飯，冇出到去，突然衛生幫來突襲，俾人扣左五分．．．．．．．．．．．．．．．．．．．．．．．．．．．．．．．．．係公司同０的人傾計玩占卜，有時真係唔到你唔信，阿寧今日卜完都話好準。跟住我就將今朝買０既其中一個豆少包俾左神婆。然後阿寧同家明去左訓教，我就係到同阿敏、阿鈴同埋神婆係到傾計，我拎住本連城訣係到睇，神婆真係好撚狼，睇左好多書，連我之前想睇０既紅樓夢都睇左．．．跟住我就一路睇書一路聽佢地講０野，女兒家０既心事不外乎都係情情愛愛，我好耐都冇俾人話過靚仔，呢種感覺真係好好，佢地居然話我純．．．我堅唔開心，壞人離嫁麻，點可以用純離形容！！傾傾０下有０的衝動想講出我０既真正身份，其實我都想占０下到底入唔入到大學，但係我真係驚．．．所以唔敢問．．．．連城訣人地話悶，但係睇落都幾好睇，我諗好快可以睇晒。

轉眼間就已經五點再開工，我又去左廁所，我終於都忍唔住要開口問廁所渣ｆｉｔ人到底係咩一回事，原來個廁所一邊冷氣冇左．．．我仲發現三層０既廁所都係冇左屎塔０個邊０既冷氣，焗到仆街，但係痾尿０個邊又好涼，於是我終於明白，因為下午實在太多人去痾屎，成日攪到爆晒格，所以商場管理人員就專登咁做，等０的人痾得唔舒服，痾完就走，呢招真係好毒，但係的確好有效，都未試過痾屎會痾到出汗．．．．夜晚工作量比日頭更遊閒已經係一個定律。由於大佬唔係到，大家都開始作反，我知道左原來我一直叫錯左阿招做阿超．．．．佢整左０的唔支咩俾我食，不過好正，跟住又偷佢０的天婦羅蝦食．．．我自己亦緊係食番自己出產０既炸０野，真係好開心。夜晚食飯，阿姐自己入埋離煮拉面食，跟住廚房又出左個燒餅俾０的和服女食～

收工後，三個一齊去廁所，我話左俾佢地知廁所０既情況，佢地先醒覺，終於明白點解呢幾日痾屎會出汗，家明仲話痾唔出。收工去左食宵夜，然後就番屋企。由於飲左少少酒，個人紅晒，舉啞鈴都唔想舉，不過我都有做ｓｉｔ－ｕｐ，我死唔信欣宜跑都唔洗跑就可以減到咁多，我日日做ｓｉｔ－ｕｐ都唔可以好番。跟住表弟ｓｈｏｗ左雪櫃個生日蛋糕俾我睇，佢話聽日先可以食，但係佢六月二日生日，我莫名其妙，溫哥華時差唔會差到兩日掛？～？～？

有時靈感０既０野，話離就離，個腦同對手好自然咁就打左句０野出離，好似碟仙咁不受控制．．．．．．．．．．．．．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

得不到，永遠最好；當擁有，總不長久。

>>June 3, 2004 at 6:01:13 PM GMT+8

2004 年 6 月 2 日 星期三 【晴】

琴晚訓教一路聽ｍｐ３一路訓，但係我發覺係訓唔到教。今朝又唔願起身，日日都較九點半，但日日都十點十五分先起床。然後就小沖涼，好趕咁出門口，都唔明白點解番得咁近都要咁趕。去到聖安娜，買左個腸仔包，跟住就番工。今日阿寧同馬鞍山０既阿鋒對調一日。原來馬鞍山比上水還要遊閒一半，全日０既收入先至係上水０既一個ｌｕｎｃｈ．．．．真係唔明點解仲唔執。

雖然今日係閒日，但由於家明放假，加上人手只係勉勉強強，所以最旺０既時候都有０的忙，不過都係旺得０個一個鐘左右。阿鋒之前讀香港廚藝學院，我從來都唔知有間咁０既０野。做做０下０野小白話我表弟拎左隻鞋俾我，我莫名其妙，原來係阿強係到扮表弟拎左對ｎｉｋｅ離，新戒指、新ｍｐ３仲有新波鞋ｔｉｍ～落場食完飯，神婆用塔羅牌幫我占卜，我問左一０的愛情問題，個個都笑我，不過真係頗準．．．我都吃一驚，有時呢０的０野可能真係有一種不可思義０既力量．．．．跟住去左競技打機，０的賽車機又搬番離，但係就冇左部足球機，之後我就好冇癮咁走番去開ｌｏｃｋｅｒ還書。本傲慢興偏見都冇睇晒就要還，仲過左期，然後借左本連城訣，貪佢夠短一冊過，然後番公司睇，由於佢一冊過，所以０的戲情都急速０的，冇咁多舖排，正！！！

跟住又展開夜晚０既工作。對手已經有好多大大少少０既傷痕，燙傷、灼傷、刀傷、甩皮，咩怪狀都有，０的手指甲又有黑邊，要成日剪，對手已經唔左嫩滑．．
九點幾，有條女打離玩電話，唔知嘜水，不過佢又講得出我外號，係咁叫我估，個電話號碼又有０的熟，不過冇咩意思去搵，最憎０的人叫人估完又唔開估，仲要係明知冇可能估到，因為我應該唔識佢的。差唔多十點鐘，居然仲有人離食０野，不過最後都以極速收檔，準時收工。神婆幫人占卜要收錢，所以聽日要請佢食豆沙包．．都唔知係邊到買到．．．

放工，去左馬會，睇左一陣都係冇咩心水，銀包唔夠＄１００，冇得買，投注戶口又唔夠＄５００，冇得拎出離，唯有番屋企。番到屋企，好撚唔妥個肚腩，於是就催谷完上身後再怒做ｓｉｔ－ｕｐ，係時侯要攪攪個肚，唔可以顧上唔顧下。鍛鍊完之後去沖涼，照一照鏡，個胸同手臂漲到好似就爆咁，仲要六舊腹肌，不過一彎腰就變左肚腩．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
不論我在哪裡，都只離你一個轉身的距離。我一直都在你身前、在你影裡、在樓台上，靜靜等你．．．

>>June 2, 2004 at 5:13:45 PM GMT+8