2004 年 6 月 20 日 星期日 【晴】

今朝九點幾駕駛學院打離，俾條女噪醒左，原來上完三堂就去考筆試，考完再約時間學車，程序同街外師傅都係差唔多，不過上三堂學考筆試就戇居０的。聽完電話跟住又再訓，十點十五分起身。日日都係攪九點三十分，但永遠都係十點十五分先起身。我一起身出到廳，我表弟就即刻起身搶先一步入左廁所．．．我已經趕時間，佢仲要咁做，跟住我就火火地大叫佢個名，佢就拎住支牙刷走左出廳刷。

十點四十五分出門口，佢跟住我走，佢約左阿ｍａｙ食０野。我好快咁行，佢一路尾隨，上樓梯時我故意加快步伐諗住放甩佢，但係佢都死跟，最後仲慢跑同我平排，於是我就話我趕時間先行咁快，叫佢慢慢行，但係佢話佢都講時間．．．
今日又遲左，又冇買包就番上去，差兩分鐘就遲到，打完ｃａｒｄ先落番去買包。
今日廚房又得３個人，兩個放左假，因為係星期一。今日我著左件新衫，白色薄身０的，靚過之前０個套。今朝一早送貨佬居然冇拎洋蔥離，於是我就著住套死人０野去左石湖墟買洋蔥，真係好鬼淤皮，好彩冇見到熟人。做完之後又食飯，呢幾日隻腳都唔知點解好濕，應該係隻水鞋濕左。食完飯就同阿的落左去睇電話，睇中左５部，外形同功能都係差唔多，出左糧要買左部新電話先再講０野！
跟住就拎左本唔知咩雜誌去痾屎，因為封面係ｔｗｉｎｓ～～～～～～痾完之後行過ｐｉｚｚａ　ｈｕｔ，裝修得鬼死咁正，門口０個個仲要係蘇麗雯，繼張嘉欣係客家棧做之後，又多一個舊同學係到上水廣場到做～跟住就番左去訓教。

訓醒之後又默默咁工作，夜晚唔知發咩神經，雖然０的單唔趕，但係都一張一張接住咁入，做緊都做唔完，星期一都咁鬼多人，全日有萬六蚊，痴線，不過可能係因為得３個人先覺得忙０者。收工時見到有個神秘來電，唔知係邊個。

放左工又番屋企．．．一入屋見到表弟係廳，我感到不祥，不過原來係家姐做緊電腦之故。唔知點解我寧願家姐玩都唔想俾佢玩。家姐用０個部電話原來係五部之中０既其中一部．．．咁即係得番四部俾我ｃｈｏｏｓｅ，我唔可以背上跟風之名。夜晚玩ｉｃｑ，原來神秘人係ｌｕｌｕ，佢見到賣單車玩具個阿叔係新都門口，唉．．．我看來真係冇緣嫁喇．．．

>>June 21, 2004 at 5:40:45 PM GMT+8

2004 年 6 月 19 日 星期六 【晴】

原來．．．奇蹟係唔會連續發生．．．琴晚準備訓教０既時候．．．佢起左身．．．０個時兩點幾．．．佢專登早０的訓教，兩點幾起身玩電腦。我佩服得五體投地．．．以前我成日想整到我家姐上唔到網，而家我想佢兩個都上唔到，但係以佢電腦０既智慧，我諗我真係冇能為力．．．於是琴晚一路訓，側邊有一座山坐左係隔離，發出０的討厭０既聲音，有鼻涕又唔痾出離，係到索索索，仆街！平伏左少少０既心情又比佢激番起，一路訓一路好怒氣，諗住聽０下ｍｐ３ｒｅｌａｘ０下，你老鼠聽聽０下冇啦啦熄左冇電，完全係著晒。

今朝未夠七點．．．．．我醒左．．．呢排心情已經好差，仲要唔夠訓，七點都未夠就俾班撚樣噪醒左。佢地唔知要佢邊到，我剩係聽到阿ｍａｙ叫左好撚多次條撚樣起身，夜晚又唔撚訓教，朝早又唔撚起身，同廢人有咩分別！？跟住聽到阿ｍａｙ同家姐都話係廁所好臭，好大陣尿味，唔洗問都知係邊撚個亂尻咁痾啦！！！醒左之後我嘗試再訓，但係訓唔到．．．不過仍然係張床到，跟住我發現部電腦冇熄到，條仆街琴晚玩完又唔撚熄，晨早已經火起。當佢起左身，我唔明白．．．我真係唔明白．．．．點解？點解又要玩電腦，點解又要坐左係我隔離。於是我強忍住火氣，語帶責備咁話佢唔熄電腦．．．．呢個時候我仍然嘗試訓教．．．但係．．條仆街真係痴撚線，一早係到用支咪係部電腦到同人傾計，用英文講到幾撚大聲都有，完全當我死。阿ｍａｙ叫左佢幾次熄機佢都唔撚聽，呢條仆街真係傻撚左，我真係要爆喇。終於等到佢地成班撚樣走晒，我按不住要起身．．．望住個鐘，只係九點都未夠．．．唉．．何苦？點解我要受呢種苦．．．．點解？．．．起左身之後去左洗廁所．．．．我唔敢相信自己０既行為．．．一早起身洗廁所．．．．心愛０既馬桶俾人攪臭左，我當然要去保護佢。之後去彈琴，呢排又鐘意番傷信，成日都聽，但係屋企個西琴彈得好撚難聽。彈完之後開電腦，係雪櫃拎住盒飯出離食，一路睇四仔一路食，晨光睇四仔真係第一次，但係完全冇反應，可能身體各個器官都未訓醒．．．一路西到九點半，終於有０的累意，於是又訓，係張床到真係抆到忍冇可忍，大聲爆粗，係咁講屌你老母屌你老母屌你老母屌你老母屌你老母屌你老母屌你老母屌你老母屌你老母屌你老母屌你老母屌你老母屌你老母屌你老母屌你老母屌你老母屌你老母屌你老母，將連日來０既怒氣發洩出來！！今次真係訓得著，但係訓得一陣又起身。遲左一個字先起身，個人仲辛苦過０岩０岩起身０既時候，跟住又唔夠時間剃鬚，成個丐幫兄弟咁出去。

一路行打去琴日駕駛學院搵０個條友，但係都搵唔到。可能今日放假，番到去個個都西屌德國佬，佢老味，我心愛０既捷克又再之反勝對手，我真係好開心，但係班日耳曼西佬食撚左屎，越諗越火滾！！！！今朝一早又整雞，我聞一聞新呢０的，我可以大膽講句琴日０個０的真係變壞晒．．．因為０個陣臭西味真係琴日先有．．．．今日係父親節，預撚左會好多人離，日頭果然好撚多人，不過都未算仆街，有成萬四蚊生意。我開始可以忘記０個位同事同我講過０既０野，慢慢都冇事發生。食完飯之後屎都唔痾，其實係冇得痾就去訓教。而家習慣左要訓晏教，唔係就仆街．．．訓醒之後又要再度工作．．．夜晚正當準備緊０的０野０既時候，六點幾開始就有人離食０野，一路係咁入係咁入，忙撚到成十點先停手，做到真係隻西咁，真係叫救命，係咁耐以來最辛苦０既一日。不過最後都得到回報，全日有成四萬五千幾蚊生意，係呢幾個月來最多０既一日，不過真係做到死，成個廚房亂撚到仆街。跟住係到食西瓜，希望可以下０下火，食完再用塊皮卒塊面，傳說話會靚０的。

幾經辛苦終於攪掂晒，十一點幾先走，不過都好０既，咁早番屋企咪又係勞氣自己，如果我冇記錯，佢七月十三號先走．．．仲有成差唔多一個月．．．點捱．．．唉．．．點捱？呢幾日個個ｓｅｎｄ訊息來都唔撚ｒｅｐｌｙ，不過夜晚收到個有０的串咀０既ｍｅｓｓａｇｅ，令我不得不回覆。我真係唔希望今晚訓教會再有琴晚０既類似事件發生．．．．．．．．

>>June 20, 2004 at 5:19:42 PM GMT+8

2004 年 6 月 18 日 星期五 【晴】

今朝起身走左去沖涼洗頭，阿ＭＡＹ已經幫我報左駕駛學院，但係我完全唔知個程序係點，一頭冒水．．．佢剩係叫見打去同條友講幾時得閒上三堂。跟住我一路行一路打去，就約左２３號同埋３０號去上三堂先，我一０的都唔明上０的咩，好冇安全感，咩都好似唔知咁，點解駕駛學院好似複雜咁多嫁！今日真真正正咁出遲左門口，連包都冇買就上左去，攪到冇食到０野。

今日又係星期六，又要準備打仗。正當我一如以往咁炸雞，係撈０野０既時候，我聞到０的雞有異味，係變壞左０既臭味。琴日將０的雞放係洗手盤解凍０既時候，放左好耐都唔得閒切，跟住又係咁洗手，０的水污糟到爆，好似０的哨水咁，今日０的雞真係有陣「縮」味，我唔敢同人講，如果唔係肯定仆街，因為解凍左０既雞已經臭晒。於是我就埋沒良心咁當冇事發生照炸，我諗炸熟０的應該唔會有事，就係因為咁，我一粒雞都冇食到．．．．我真係好冇道德．．．．但係好在今日唔知點解冇咩人離食０野，幾經辛苦到落場。

食完飯之後又去左痾屎，跟住就訓教。隻腳指公腳甲側邊唔知點解好痛，可能係０的腳甲太長頁住左。起左身之後又繼續工作。我實在睇唔過眼０個盤垃圾雞，於是就將佢地用離做晒０的前菜，然後切番０的新雞再炸。唔知係咪我勁左，因為我真係覺得唔係好忙，但從個生意額離睇又唔見得少左好多，今日又係差少少三萬，我地鑊鑊都係差少少。夜晚係廚房食左好多０野，最正都係舊炸三文魚腩。跟住又收工。呢排開始多０野講，慢慢地展現出真性情。之後同阿的去左馬會買波，而家輸錢唔知點解唔會心痛，真係好危險，電話投注戶口令我迷失左理智，成日浮沉係輸贏之間。之後收到個同事０既訊息，以前就算知道人地鐘意自己都冇咩０野，唔知點解而家會咁驚，直頭有０的想避開佢咁。

番到屋企有０的驚訝，表弟竟然訓左教．．．．．．奇蹟，呢個世界真係有奇蹟。之後就睇再陣駕駛學院０的０野，又要溫書了．．．跟住進行操練，琴日拉傷左少少右手手臂，不過唔係咁嚴重。電視播緊想飛，好好睇，但係又講唔出點解好睇，真係拍得好好，仲緊得第一次睇係係戲院。前日係新都門口見到個阿叔賣玩具單車超靚，當我番轉頭０既時候佢已經清失左。ＬＵＬＵ係ＩＣＱ話又見到佢０既出現，睇離我都係冇緣買到。接著睇賽果，奇蹟竟然會連續出現，我開始承受唔到，德國竟然會被迫和，呢個世界真係咩都有可能，咁又冇＄２００，今日即係白做，得＄２Ｘ．．．．．．

跟住見到黑炭訓左係個貓台到，我仲開心過去，不過訓左一陣又走番去個加啡貓盒到訓。ＣＨＥＣＫ　Ｅ－ＭＡＩＬ０既時候收到一封慰問信，心情都已經平伏，真係唔知點解前幾日會咁差，可能真係心火盛，今日又飲多杯涼茶，始終笑都係舒服０的。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

從來都沒有想過，香港的街道是可以這樣的闊。原來我都可以是一個公主，明天變成怎樣不想知道，在這一刻，我感覺到我可以飛。在這個一望無際的黃色草原上，顏色層次並不分明，但卻感到一份自由和解脫。我終於明白，你要的是甚麼。我深信終有一日我們會在這個地方相遇。我相信．．．．．因為我有把握．．．．

>>June 19, 2004 at 6:06:28 PM GMT+8

2004 年 6 月 17 日 星期四 【晴】

今朝居然聽唔到鬧鐘起身，不過好彩十點廿分有知覺即係彈起身。心情仍然係唔好，琴晚訓教都訓到會燥底。起左身見到表弟０岩０岩番離，跟住就快手快腳去沖涼，然後就出發。沖緊涼時候阿ｍａｙ打番屋企搵我，跟住打番俾佢，又同佢噪，最後佢ｃｕｔ左我線。行到去聖安娜，今日買左兩個包，一個腸仔包，一個菠蘿紅豆包。

開工０既時候都係唔想講０野，默默咁工作，但係慢慢心情就轉番好少少。呢兩日都係到播全楊千嬅，舊到爆０既都有，不過都幾好聽０既問心。由於做耐左，大家都熟左，而家食飯我都係冇咩胃口，因為係廚房食得太多立雜０野，攪到冇咩食欲。今日渣鑊鏟炒０野，終於練成左點樣令隻鑊噴火，０的火高到上個頭到，姿勢分真係拎到足。不過就唔係幾夠鑊氣，但係鑊氣呢樣０野好唔實際，都唔知去邊到搵。每樣食物都先幾我品嚐，其實係有道理，起碼可以俾自己知道味道０岩唔０岩，當然我目的唔係呢到。日頭做左差唔多八千蚊生意，破左閒日０既紀錄，睇離我真係幾好腳頭，自從我來左生意就越離越好～不過其實都仲係好差。

食完飯之後去左痾屎，跟住又睇埋本書，睇到最後一章，差唔多睇晒。一本冇歷史背景０既金庸小說果然係缺乏吸引力，但其實又唔可以話悶到爆，只係其他金庸巨著太過精彩，相比之下先覺得連城訣係失色。睇完之後番番去訓教，勁鐘意大魚缸０的金魚，超靚又攪笑，放隻手指係邊就跟到去邊，超級低能。跟住又訓左半個鐘頭，然後再工作。

琴晚小寶與康熙個小郡主同條仔離左食０野，不過我地冇出到去睇，因為我覺得佢係二打六，如果係．．．咁就好喇．．．今晚唔知點解好多０野要準備，一路都冇生意，直到成九點鐘先係咁離，今晚唔知點解０的人特別遲離。隻手又唔知點解冇啦啦多左條２ｃｍ０既傷痕。跟住煲左一大煲夏枯草飲，飲完之彼唔覺唔覺對脈眉好似鬆左好多，唔知係咪因為係廚房對住０的油煙攪到個人心火盛左，所以呢排好火爆。收工之後，諗住食粒冰，點不知粒冰大過頭，係個腮到吐唔番出來，凍到我赤赤痛，眼淚水都流埋，真係自作自受．．．．換換０下衫班仆街趁我剝左條褲即刻開門大叫人睇，真係好好玩。

之後去左為食館食宵夜，唔知點解次次都係去呢到食，但係次次都係冇０野好食，跟住叫左碗粥，熱到爆，食到成身汗。狄雲終於都係鄉下番左離，真係有０的掛住佢。之後電話響起，之前打離唔表露身份０既神秘少女又打離，今次我語氣差左少少，佢就好似好冇癮咁收線，其實我好樂意同佢交流，但係最低限度要話我知嘜水，至憎呢０的咁０既死人行為。

跟住去左便利店買貓罐頭，但係間間都冇，黑炭已經兩日冇食過肉。佢條仆街完全唔ｓｈｏｗ我買番離貓台，真係唔識０野，我終於明白，其實係我鐘意個貓台，唔係佢。佢鐘意訓鞋架，我唔應該迫佢訓貓台，原來不知不覺間我做左阿ｍａｙ０既角色．．．番到屋企，見到有一罐罐頭，聽日一定要記得去買。之後阿ｍａｙ叫我拎身份證來，佢話馬會員工有得平去駕駛學院，於是就俾左佢，我決定唔再理，有得佢自己發揮。之後又進行操練，我越來越唔滿意身形，都仲係好瘦，我要唔打得都睇得！！

沖完涼之後又叫表弟俾我玩電腦，其實佢都係一個好人．．．我唔應該因為自己心情唔好就咁話佢，唉．．．算啦，外國人文化唔同，佢地習慣左咩都係慢，遊閒，生活節奏冇香港咁快，我又再次只顧從自己角度出發了。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

崖終衣ｌｅｉ崖嘲姑ｌｅｉ夷散夷斯啊

>>June 18, 2004 at 6:33:44 PM GMT+8

2004 年 6 月 16 日 星期三 【晴】

呢兩日心情差撚到仆街，好想搵人出氣，好討厭身邊所有人，成個人都好抆，好想發脾氣，但係又冇地方可以發。係公司叫做好０的，好撚討厭屋企，好撚煩，出左糧搵地方搬，住番一頭半個月。好討厭俾人管，成撚日問長問短至撚憎，私人空間已經夠少，仲要多左件０野係到阻撚住晒已經好唔妥，成日都要玩電腦，自己有ｎｏｔｅｂｏｏｋ但又要用人地條電話線上網，變相即係用左我部電腦，踢一腳又行一下，至憎！間房兩張ｃｈａｉｒ又成日調轉，攪亂晒０的０野。０的火牛，叉電，西咁撚多條線睇見都火撚滾。真係好撚憎有人煩，真係好憎好憎。我再唔發洩真係會爆炸，行出街成日想撩交打，真係好想搵人出０下火！對於眼中見到所有０既人都好撚火，呢一刻真係好想全世界０的人死撚晒得番我一個！我唔想再聽到第二把聲音！琴晚打撚完篇０野又唔記得ｓａｖｅ就熄機，０個刻真係火到呢，痴撚線，個天真係痴撚線，我真係死撚左去算，死之前做番單大０野，死都死得有意義０的。

今朝起身番工，屋企冇晒人，但係條眼眉好似ｓｅｔ死左係八字咁。沖完涼就出發，再買左個菠蘿紅豆包食。番到去睇金魚，好鐘意金黃色０個缸大金煞，好得意，成日以為人地餵０野食，成群跟住０的手指走離走去。琴晚因為用爐頭點煙，燒焦左０的頭髮，但係番工０既時間心情反而冇咁差。今日全日都係到聽楊千嬅，新舊都有。琴晚收左工去飲糖水，番到屋企個女同事打離示愛，嚇撚到我仆街，而家０的女仔好猖狂，好驚。今日我都有０的避忌，見到面都係好尷尬咁扮冇０野。落場去左痾屎，跟住就番左半個鐘，然後又起身工作。肥偉０個到學車考車平好多，但係其實都唔係咁清楚係點，為左考車牌呢單０野已經令我好撚煩、好撚抆、好撚燥。成撚日係到問呢樣０個樣，以為自己係全世界最醒目，得我一個會俾人呃，火火地唔撚考呀，遲０的自己再考，一個仙都唔撚用佢，著撚晒。

夜晚食左好多０野，玩得好開心，又冇咩０野做。佢地收左工去打邊爐，但係我冇去，一來想避免咁多接觸，二來心情唔係咁好，如果我有月經，呢個一定係超級大姨媽。收工去左馬會，見到基，跟住買左＄５０玩下，然後去左睇波，睇睇０下又打離係到煩，我真係要搬，我好撚憎所有人，我要去一個冇人識０既地方，我真係好撚憎所有人，好憎好憎！！！！！！！！！！！！！！！！

>>June 18, 2004 at 6:01:22 PM GMT+8

2004 年 6 月 14 日 星期一 【晴】

今朝照樣起身，一張開眼睛就ｆｅｅｌ到隔離有人係到玩電腦．．．我真係不得不寫一個「服」字。今日頭又冇洗，成舊０野好似冬菇咁出街。表弟又專登等埋我先出門口，佢要去沙田同奶奶食飯。經過聖安娜買左個菠蘿紅豆包，跟住就番工。今日阿龍放假，由阿的頂佢個位，雖然阿龍好人，但係佢係到０既時候都真係有一種壓迫感，唔敢亂來，可能佢始終都係一個負責任０既廚房大佬。

開工不久，我唔小心整跌左０的０野，下意識去用手接住，誰不知係一把刀．．．．結果連左手都傷埋．．．雖然唔算嚴重，但係都真係有少少痛，假假地０個把都係刀．．．見紅係在所難免。於是就係兩隻手傷晒０既情況地下默默咁工作．．．有時０的０野真係話離就離，傷開真係有條癮。今日０既工作當真唔算繁忙，由於今日番半日，時間真係過得異常快，轉眼間又到三點。雲姐偷左包海鮮番屋企炒，琴日我終於第一次渣鑊鏟炒０野，不過一開次就奶０野，隻鑊唔夠乾淨，炒到好焦。係阿的０既指示下，最後都算係叫做成功，不過都仲差好遠。

食完飯之後，完本應承左今晚去唱ｋ，但係又唔係咁想去，於是就推左。然後就換衫番屋企。行到去門口，轉彎就係屋企０既時候，聽到屋企有人開鐵閘準備出門口，我腦海閃過想躲開０既念頭，但係由於我個叮噹太響，我驚已經俾人識穿，所以照樣番屋企。原來係表弟出門口，佢去龍豐買ｋｅｙｂｏａｒｄ插落自己部ｎｏｔｅｂｏｏｋ到，但係唔知ｆｏｒ　ｗｈａｔ。番到屋企，異常眼訓，係馬桶到睇書痾屎，但係．．．屎始終是回不來了．．．．原本想沖完涼先訓，但係都頂唔順，訓左係沙發，因為個身太ｄｉｒｔｙ，但係最後都訓番落床。五點幾起身．．．又見到今朝０既同一個情境．．．．．．．．．
跟住就沖涼、梯鬚、做ｍａｓｋ，然後打左陣ｗｉｎｎｉｎｇ就出發去謝師。

去到行樂軒見到大張同海鷗兩個老師，其他人打緊麻雀，於是我就同ｍｉｓｓ吹左陣水，不過真係幾悶。之後呆呆地坐係到，勉勉強強咁傾左陣，越來越多人離，然後就入席食飯。食０既０野同平時去飲差唔多，都幾好味。跟住九點半一人派左張六合彩係到對，最後係冇人中，但係校長個樣好似唔多ｌｉｋｅ。然後送左兩個相架連全班相俾ｍｉｓｓ。之後阿ｂｉ係到演唱，雖然好難聽，但係不得不佩服佢０既膽色。銀包原本有＄４００，但係最得身得番＄５０，交左＄２５０，再還番＄７５，最後仲輸埋＄２０．．．．肥偉話考車０個度可以搵師傅學，平好多，但係駕駛學院考到０既機會大好多，不過都係唔好同金錢作對，聽日叫阿ｍａｙ度水。敏宏又叫我幫佢作句，於是我又叫人幫我打。有時都幾羨慕佢可以成日咁樣ｓｅｎｄ，我都好想有個人可以俾我咁ｓｅｎｄ。

老師們食完飯就走，我地就玩到成一點鐘先離開，跟住去左阿昇屋企睇波，為左表示支持尼維特，買晒投注戶口０既＄１９０落捷克，離開時收到消息落後緊一球。不過最後都反勝，有驚無險。之後等到睇埋德國先走。差唔多五點鐘，係嘉福行番屋企，望一望手錶，原來唔夠一個月放放榜。雖然口講就話已經盡左力，問心無愧．．．但係．．．始終都係好介意個結果，好驚真係未如理想，我真係唔希望有０的咁０既事發生．．．唔知係咪天色灰暗，加上成條路人跡罕見，忽然好驚第時冇老婆．．．世界咁大，邊到先可以搵到一個好老婆？邊到？

番到屋企，歡迎我０既只有黑炭，今日係聯達見到有一座０野俾貓爬同埋爪，只係＄１００，有０的意欲想買俾佢。佢依然好憎表弟，每次表弟靠近佢都會張牙舞爪，但係表弟都仲要攪佢，不過黑炭襲擊佢都唔係太認真，但係唔知點解有時想黑炭狠狠地爪佢一下，等佢知道厲害！咁諗好似好衰．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

人大了，就很難再像從前醉生夢死般愛一個人。現在的我思念單戀的痛苦、懷念懷念人的感覺。

>>June 15, 2004 at 10:22:48 PM GMT+8

2004 年 6 月 13 日 星期日 【晴】

今日起身好累，琴日踢完波攪到成身散晒，係個細場踢左差唔多一粒鐘就全身酸痛，我真係老喇。起左身坐係馬桶上賴皮，差０的訓著左，又冇洗頭，七０下七０下咁出發。去到聖安娜見到好多人，所以去左山崎，但係０的包好貴同好多齋。番到去度閘竟然未開，我同阿的係門口等到阿龍番離先有得入。今日家明同阿招放假，廚房堅得三個人，不過因為星期一，所以冇咩大問題。

但係十二點幾至一點幾呢段時候始終有一定０既生意，但係都問題不大。不過由於手傷０既影響，攪到工作好辛苦，效率都下降左．．．係後欄同神婆傾計，佢提意我聽日放半日假，反正星期二都唔會太多０野做，應該冇問題。於是我就問阿龍，我話要去飲宴，最後佢都批准左，不過係將星期三０既假期斬件，聽日番早放夜，後日番夜放早～食完飯之後又去左睇書加痾屎，不過痾唔出。呢幾日都係咁，唔知發生咩事，唉．．．好排住０的屎．．．．之後就番番去訓教。

訓醒之後就繼續工作。琴日同家明學左點樣受客家話講「我鐘意你」，今日問阿梅點講「我照顧你一生一世」。夜晚工作嚴重平淡，單手都冇問題。我開始變得多０野講左，而大家都知道我係一個中七生。原來阿龍鐘意楊千嬅，唔怪得知之前收親工都係聽０個隻碟，不過今日已經俾我換左！～

放左工之後去左馬會望一望，跟住就番屋企。雖然好累，但係都照樣苦練，好明顯係疲勞過度，因為每樣０野都做少左幾下。之後ｒｅｇｉｎｅ話自己都係嚇瓜人，我唔相信於是就講左兩句，佢真係識聽，之後講左０的淫０野，佢都知道，好意外啊真係！！！

>>June 14, 2004 at 5:57:56 PM GMT+8

2004 年 6 月 12 日 星期六 【晴】

今日做０野０既時候，終於俾人投訴。因為炸０的串燒雪得太硬，攪到入面仲係凍．．．好彩冇俾人鬧。由於阿寧離開左我地，所以阿龍要代怇個位，每逢星期三要過馬鞍山，所以佢唔可以同我調假，於是星期二就冇得去謝師宴了．．．日既生意比較忙，可能係星期日０既關係。中途去痾尿０既時候，廁所俾兩個女警封住左，大感疑惑，於是食完飯走左去問廁所渣ｆｉｔ人，原來佢話有道友係到啪針。到夜晚生意好淡，０的人去晒客家棧排隊。收工之後去左踢波，阿雀同肥東ｓｉｄｅ　ｂｅｔ　＄１００，３ｖｓ３打十分，最後我地贏左，不過我俾人鏟跌左，擦傷左隻手，流晒血，聽日番工一定好慘。番到屋企搽左０的雲南白藥，痛到仆街。

>>June 14, 2004 at 5:57:31 PM GMT+8

2004 年 6 月 11 日 星期五 【晴】

今日又做左半個字起身，但係好唔開心，人中生左粒小暗瘡，成個人都冇晒活力．．．可能係因為呢幾日支雪完美洗面０野做晒唔記得左買番之故，亦有可能係因為近來偷食得太多熱氣０野。沖完涼之後又西林林咁出門口，仲拎左一大袋史析論俾廖家寶，重到仆街。去到聖安娜單手夾左個腸仔包俾錢，呢排食左咁多腸仔包，小騰好似都真係強狀左，唔知係咪心理作用。

今日係星期六，理論上係會忙到仆街。琴晚用家明俾我０既ｃｄ燒左隻碟番去播，全部都係自己鐘意０既歌。偏偏今日食左屎，日頭竟然水靜河非。無無聊聊同家明傾開計，大陸人的確係比香港長大０既我地能幹，我地實在太過幸福，生活得太好，跟住又學左幾句客家話。大家都好疑惑點解今日０的生意會咁少，但係始終都找不到答案。好不容易到四點，食完飯就拎琴日件底衫去換中碼。落到商場感到無比驚訝，０的蘿蔔全部變晒做香橙，真係好鬼死頂癮。去到ｂｅｌａｎｏ，出奇地順利換到，之後去左萬寧買番支洗面－野。跟住又番番去同香橙痾屎。係廁格到換左件衫，覺得好暴露，好似冇著到衫咁。跟住就番左去訓半粒鐘又再度工作。

夜晚一路都好平靜，大家都不停咁思索，直到八點鐘，０的人一蝸風係咁離，於是又好似打仗咁，不過只係維持到九點左右就冇料到。但係全日都有二萬幾蚊生意額，實在係意喜出望外。跟住去左痾尿，呢排成日都忍尿，痾０既時候又回復番昔日０既持久。近日來長久０既痾尿時間，俾我諗到一０的０野。

痾尿０既時候，有人會頭向下，望住自己條０野，呢種人表示佢地係保守中略帶含蓄，佢地希望可以盡快完成痾尿呢個行為，係踏實０既表現。另外有一類人鐘意身體略側，企圖遮掩自己條０野，呢類人就表現出自我保護力極強０既意識，佢地比較難同外界溝通，往往築起一幅牆讓人難以接近。又有一類人喜歡望人地條０野，表面上呢類人唔怕羞，不拘謹，但其實佢地係口不對心０既一群。佢地透過主動望人地條０野，令人地尷尬，從而避免人地望自己條０野，其實呢類人心靈都好脆弱。亦有一種人，痾尿０既時候眼睛呈水平線直望出神，呢類人唔怕俾人望，亦都唔會望人，佢地擺脫左痾尿０既框框，心胸廣闊，不拘小節，做事不拖泥帶水，但缺點就係缺乏領聽別人意見，一意孤行，給人一種高傲０既感覺。

俗語說：「尿可忍，屎不可忍。」，必定有佢０既意思。當一個人屎尿齊急，只能解決一項０既時候，往往選擇痾屎係明智的。因為痾屎０既期間，身體０既水份僧隨著糞便而排出，特別係呈糊狀０既爛屎。由於身體０既水份排出，所以尿急０既程度亦會因而下降，所以古語有云：「尿可忍，屎不可忍。」實有其可取之處。

放工０既時侯，廖家寶坐左係出面，跟住俾阿鈴同神婆見到。由於０的書太重，所以幫佢拎埋番去。等緊小巴０既時候，小白打離不停追問。去到祥華村，高妹又打離追問。原來佢又係用ｐｅｏｐｌｅｓ，從此又多一個人玩ｓｍｓ。送完書之後，孖歡打離話可以上去佢屋企睇波，於是就用電話投注買左＄１００，２串１。上到去我已經估到佢第一句會講咩，果然不出我所料：「做咩大隻左咁多。」，以前我覺得佢好大隻，但係而家覺得佢好肥．．．．跟住睇葡萄牙對希臘．．．結果再次爆冷，我又再次中招．．．．但係心情又唔係點ｄｏｗｎ，可能一早忘記左電話戶口０的錢，輸左都唔心痛，另外可能我已經豪左！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

葉子的離開，是因為風的追求，還是樹不挽留?？葉子天生不屬風，亦不屬樹。它活著，是為了地．．．它愛地，愛到為其生，因為地滋潤，它翠綠、它搖曳生姿。葉子愛地，它甘願為其墮落，為地奉獻所有愛，讓地得到足夠的營養，去滋潤其他葉子．．．葉子的愛情叫「孽緣」。
無謂覺得不幸，生命就是不斷的誰欠誰，永無止境的轉下去。地太博愛，葉太專情﹔ 一個願打，一個願捱。命運早就安排．．．
世間上有太多地、太多葉．．．．．．．．．．．．

>>June 12, 2004 at 7:08:16 PM GMT+8

2004 年 6 月 10 日 星期四 【晴】

琴晚我終於將最０大個張相貼左係天花板，今朝一起身，第一脈見到０既就係阿嬌，我終於明白咩叫做美好０既早晨。之後見到表弟０岩０岩番離，佢一早同阿ｍａｙ去左食０野。之後就小沖涼，然後一出離就見到佢坐係到玩電腦．．．．依舊係十點四十五分先出門口。去到聖安娜諗住買一個腸仔包加一個波羅包，但係．．．竟然唔夠散紙。之後見到蘿蔔企左係門口同一個女人講緊０野，離遠睇唔知係嘜水，原來係江師奶。假阿嬌上左二樓唔知做咩，於是我地就企係門口等佢落離，諗住叫江師奶召佢過離傾兩句，於是佢真係係電剃落緊離，江師奶依舊向佢招手，佢只係招手，冇行過離就番左去周生生。跟住我又番上去。

番到公司今日終於多番一個人，係旺角調過離，叫阿的，熟手一名，對我地大有幫助。今日廚房終於齊番人。日頭依舊十二點四十分開始忙到兩點，跟住就冇咩料到。家明個ｆｒｉｅｎｄ係電腦舖做，成日偷空ｃｄ俾佢，於是佢食飯時俾左十隻我。食完飯我落左星光洗戒指、耳環。跟住行過周生生，睇清楚０的又唔係好靚，不過掩住佢個口都真係有幾分似阿嬌０既。之後去左ｂｅｌａｎｏ買左兩件黑社會底衫，然後又番番去換衫痾屎。傳說話二樓有番冷氣，於是就落左去，一痾又痾左半個鐘，出到去見到有人跟緊隊，而家０的廁所真係恐怖，痾屎都要跟隊。番到去又睇左一陣，跟住小睡，然後再展開工作。

夜晚唔小心倒瀉左盤咖哩，於是快快手咁用水沖走，好彩冇俾阿龍見到。跟住家明煮好０的叉燒，偷食左少少。個天永遠鐘意玩０野，當人手充足０既時候，又變番好似剛剛入離做０個時０既淡市，成個夜晚靜得可憐。終於都可以早番０的收工。佢地話星期二晚去唱ｋ，不過０個日好似係謝師宴。

放左工俾人放飛機，於是就無所事事咁番左屋企。居然一個人都冇。跟住我就展開左一套新鍛鍊計劃，將肌肉摧谷至極限，做完之後就真係堅累，因為今次著重左個肌耐力。沖完涼著左件新底衫，不過好似太窄，有０的唔舒服，應該買中碼，但係細碼好似顯得大波０的。

阿ｍａｙ要我自己出三千蚊考車牌，攪到我有０的唔想考。

>>June 11, 2004 at 4:10:42 PM GMT+8