2004 年 7 月 2 日 星期五 【酷熱】

今朝起身好想繼續訓，一早就俾個電話噪醒左。坐係個馬桶到訓左一半，最後決定唔沖涼洗頭，著短褲踢拖番工。番到去食左琴日買０既豆沙包，０的鬚已經好長，加上個頭又冇ｓｅｔ，攪到成個人都好憔悴．．．之後發現臉上有一條紅印，開頭以為係訓教時訓到咁，但係之後同事發現唔只一條，而係好幾條，好似俾人用指甲爪傷，之後大家就係咁串我琴晚俾女爪。當我沉思到底發生咩事０既時候，諗起琴晚黑炭好似模過我塊面，估唔到咁佢０的爪咁鬼死利，差０的俾佢毀容。喉嚨已經唔再痛，但係就有咳，感覺到我啖，但係好難咳出離，每次咳親都好似斷氣咁．．．我真係唔再食煙了。

雖然今日係星期六，但係日頭０既生意都唔算係好好。期間又俾人投訴０的雞扒飯有鋼絲．．．真係越離越恐怖．．．落場時睇到雜誌，原來阿的叫我買０個對ｓｋ８　ｖａｎｓ就係我想買０個對，於是小白就幫我買。出左糧再落去馬拉松買衫，原來幾乎日日都離食滑蛋豬排飯走蔥０個條友就係係馬拉松做。跟住去痾屎，但係一舊都冇．．而家開親飯個個都將自己０的飯倒０的落我個碗，攪到我個肚次次都漲晒，我才發現呢個唔係肚腩，而係胃腩。人地話胃腩係好難減，除非唔食０野，所以今日起我要節食。呢排隻左手背好番，冇再甩皮，但係無名指同尾指就開始奶０野．．．訓到五點半又開始工作。

夜晚家明由五點半拋燒餅拋到八點幾九點，真係一份苦差。近呢兩個星期六都唔算太忙，不過今日唔小心俾個熱煲燙親，好鬼死痛。夜晚有我細個最鐘意食０既咸蛋豬肉餅，以前成日都食，不過已經好耐冇食過。

夜晚番到屋企就沖涼，跟住諗住早０的訓，但係隻０野成日阻頭阻勢，叫佢拎離上網係到扭扭另另。跟住燒左３隻碟番去聽。之後睇報紙報導琴日場波，覺得尼維特好慘，鐵漢終於都落下英雄淚．．．．命運就係鐘意作弄人，永遠佢同大賽都係擦身而過，差少少，只係差少少咋！點解？！ 我總係覺得，如果琴晚有起身睇到，結果一定會唔同．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

初戀就像"o拿o查"麵，人人經歷大不同，回憶味道還是一樣。

>>July 3, 2004 at 5:46:34 PM GMT+8

2004 年 7 月 1 日 星期四 【酷熱】

琴晚一教訓到天光，起唔到身睇波，食左兩粒幸福傷風咳素，所以訓得幾好。今朝一起身就打去蘋果聽賽果，意外地竟然輸左．．．唔通希臘真係可以再創神話？今日去到上水廣場，走左去山崎。今日終於都可以唔洗咁忙，叫做可以透一啖氣，喉嚨亦都好番好多，不過就有０的咳，仲要每次咳親都痛得死去活來，但係我都盡力咳０的啖出離，０的啖係黃中帶綠，好恐怖．．日頭有個ｏｒｄｅｒ好攪笑，滑蛋雞飯唔要雞．．．聽到我ｒ晒頭～．呢個星期終於可以準時咁落場。

食完飯之後，去左ｗａｌｋｅｒ　ｓｈｏｐ抄低對鞋個ｃｏｄｅ，跟住行左去馬拉松，原來去馬拉松買０野都有七折，正！！然後就痾屎，不過痾得幾粒，一路痾一路睇報紙，琴日有五十幾萬人去左遊行，但係唔知點解都仲係咁多人來食０野，真係百思不得其解．．．然後就訓教。

夜晚工作唔算太忙，不過渣檸檬汁渣到我死去活來，今日炒牛柳粒，成隻鑊０的火高到我以為火燭，不過我覺得好型、好有鑊氣，好鐘意炒０野著火呢個過程。但係炒完之後俾人ｂａｎ，話０的牛柳粒好難咬，因為全部都係０的牛筋．．．唯有再炒過。夜晚食再塊鴨胸，真係好好味～食飯０既時候有好多額外０野食，因為我聽錯單整多左。跟住又俾人除左條褲，仆街．．．．．

放工之後，阿叔打離，原來琴晚尼維特好早就傷出．．．．咁唔怪得知會衰．．番到屋企第一時間操練，因為已經荒廢左好幾日。然後表弟飛左出離ｓｈｏｗ件葡萄牙俾我睇，買左＄５９ｘ，另外又有多一部ｍｐ３機，令我都有０的羨慕，不過我總係覺得件費高著係我身型０的！跟住因為錢銀上０既問題同阿ｍａｙ噪，佢要我俾番三千蚊佢學車，跟住我理都唔理佢，然後佢話＄２５００，我仍然當佢唱歌，沖完涼之後佢話＄２０００，最後同佢噪左一鑊，真係想同佢開拖，我實在有太多要買，我已經覺得唔夠錢，俾佢，ｎｏ　ｗａｙ～等我做左警察先俾佢啦～之後就睇亞視重播，見到成場波，捷克根本就係佔晒上風，就算尼維特出左場，都唔算太走樣．．．不過埋門一腳仲係差少少．．．最後仲要係加時０既補時階段俾人入波．．．見到０的球員０既傷心表情，真係有０的想喊．．．不過真係不得不讚希臘０既穩守突擊．．．唉．．．可惜可惜．．

>>July 3, 2004 at 5:39:39 PM GMT+8

2004 年 6 月 29 日 星期二 【酷熱】

一直以來，無論心情幾差、幾唔開心都好，我都只會係虐待自己，自己係到抆，自己係個心到發洩、咒罵，唔會向人發脾氣，因為咁樣係好黑人憎。琴晚照舊聽ｔｗｉｎｓ訓教，另外ｄｌ左大雄０既多啦Ａ夢劇場版，好攪笑。差唔多兩點已經進入左一半睡眠狀態，於是就熄機訓。真係好巧合，一拎開個耳筒，就聽到家姐好大聲咁鬧表弟。我頓時醒番，吃了一驚，這一驚實在非少，但係我已經估到七八成，九成係因為佢發出噪吵聲音，騷擾到家姐訓教，由於我聽緊歌，唔知佢又攪左０的咩。雖然我同家姐冇咩計傾，但係佢脾氣真係算好好，今次咁樣發火真係證明表弟係有０的問題，一來佢張部ｎｏｔｅｂｏｏｋ長期放係家姐書台，侵奪晒０的位置，二來以前佢可以自由咁享用間房０既設施包括電腦，但係而家又冇得用，加上佢放咁早對住表弟０既時間比我長好多好多，其實佢比我慘．．．．

雖然今日唔洗番工，但係我仲早起身。十點半要去到駕駛學院，變相講根本就冇假放．．．九點半就出門口，去左石湖墟恆生拎番張ｃａｒｄ，行到成身汗，０的時間好趕。係火車到聽ｍｐ３，聽聽０下又冇電，我開始懊惱緊係部機食電定還是係我０的電ｃｈｅａｐ，邊有可能咁快用完一粒？！去到沙田又趕唔切搭巴士，又要坐的士。上完第二堂０既理論之後，出到門口見到有架駕駛學色０既車開緊，唔知係咪考緊牌，慢到呀～笑撚死我，不過遲０的我都可能係咁ＫＩＮＤ。

跟住同左個朋友去唱ｋ，佢過幾日同女朋友去ｃａｍｐ，我都好想去。出到旺角十二點幾，間間都爆晒，唔知發生咩事，今日係星期三，冇理由咁旺，於是去左食飯，食完飯先再去。好鐘意ｎｅｗａｙ有得打ｗｉｎｎｉｎｇ，超開心，不過０個版就ｏｕｔ左少少咁多多，唔係最新０個隻，同屋企０個隻有０的唔同，所以玩得唔係咁習慣，但係都好好玩，跟住係ｎｅｗａｙ痾左篤屎，我發覺自己唱歌好聽左，雖然成日走音。唱完ｋ之後行左旺角，見到有條牛仔褲好鐘意，不過要＄３９０，出左糧先買，另外又決定左要買ｋ７００ｉ，要豪就要激豪。此外見到有對新ｖａｎｓ好多骷髏骨頭，如果小白真係有半價就好喇！

之後去左食ｄｅｌｉｆｒａｎｃｅ，然後七點半又要再去駕駛學院上模擬駕駛。開頭以為好好玩，點不知呢三個鐘要學好，然後有個測驗，如果肥左唔可以考筆試，開頭有０的驚，但係練左一個鐘定番０的。跟住八點半要休息一個鐘，食左個面，然後又痾屎。跟住九點半又開始，踩個離合器踩到我隻腳腕都痛，原來渣車唔係想像中咁好玩，仲好似好難學ＴＩＭ．．．．終於都通過左測試，有９５分，全班最高～不過有兩個同我同分～

學完之後真係好疲倦，又眼訓，喉嚨又因為食左煙再加上唱完Ｋ，好痛，成個人都好憔悴，我感到好累．．．再咁落去真係頂唔蒲，我真係明白，讀書番學原來係真係正好多，呢幾日由憤世嫉俗０既心情變左做好ＤＯＷＮ，好消沉，搵唔番以前０個種開心，我發覺真係大過左，有好多問題真係要面對，以前雖然讀書唔係好勤力，但每次升班０既關頭都會好認真咁溫，只係希望可以繼續讀，唔洗諗咁多０野，有個目標，但係今次唔同喇，好有可能係人生一個轉捩點，今次真係可能要投身社會，唔可以再逃避、亦都唔應該再逃避。

番到屋企，見到表弟連人帶ＮＯＴＥＢＯＯＫ坐左係梳化打機，入到房見到家姐玩緊電腦．．．．．跟住咩都冇攪就沖涼，好想可以早０的訓番教好．．．沖完涼睇左ＩＶＥ寄離份０野，理都冇理就收埋左，我唔會讀呢０的西０野！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

但願日後你真的快樂
日後做夢若見到我
可否 請輕輕的想想我
兩脅插刀永留痕
有著今世縱沒來世
這夜裡我深心祝福你
這夜裡我說聲 : 「 再見 ! 」

>>June 30, 2004 at 5:12:12 PM GMT+8

2004 年 6 月 27 日 星期日 【晴】

琴晚渣車去太平村，好耐都冇渣過，一路聽ｍｐ３一路行駛，唔小心撞左埋牆。捷克以３－０大炒丹麥，盡顯霸氣，堅開心，真係不枉我捱夜睇波。距離冠軍道路又邁進了一大步！～今朝五點先訓，照舊起到身，不過坐左係馬桶到發呆，差０的訓著左。去到聖安娜買左個脆皮腸芝士包，跟住番到上去又未開門．．．．等到阿龍番左離，原本冇遲到，但係唔記得打ｃａｒｄ，攪到遲左６分鐘．．．琴晚知道左個網個食肆，有人讚上水百人一朱０的炸魚餅好食，仲話好鐘意０個三缸魚，我都好鐘意！

左手患左煮婦手，又癢又痛又甩皮，唔知點算。今日廚房又係得番三條友，每次星期一都係咁，但係日頭都唔少０野，有成八千蚊，都幾辛苦。落場０既時候，我接左一個好唔願意０既任務．．．要去坑口０個分店拎貨．．．我聽都未聽過呢個地方，原來係將軍澳０個頭。於是就同阿卿搭火車轉地鐵，開頭有０的唔開心，不過之後都冇咩０野，實際上係有需要都冇辦法。就快可以出糧，原來做滿一個月就可以分ｔｉｐｓ，唔知會有幾多呢？！？！？輾轉咁去到坑口分店，人地０個個池塘仲靚，好似去左日本咁。番到上水都六點半，幾好呀，又唔洗做又有錢收，車費又有得拎番，不過我０個張係學生八達通，搭地鐵半價～～有賺有賺～番到上水餓到仆街，全日剩係食左個包，整左個牛扒飯俾阿卿，然後自己整個滑蛋叉燒豬排牛扒飯，飽撚到仆街。好在夜晚工作並唔煩忙，好遊閒，好讓我回一回氣．．．

放工之後落到商場，有幾個黑鬼行埋離唔知講咩，嚇到我即刻走，呢排好似有巴勒斯坦人打劫，嚇得我．．．跟住去左３２３打機，用荷蘭俾人炒３－０，用巴西又俾人炒３－１，之後就番屋企。番到屋企，冇咩ｍｏｏｄ舉啞鈴，剩係做ｓｉｔ－ｕｐ，唔知要幾耐先可以成功。

>>June 28, 2004 at 4:38:53 PM GMT+8

2004 年 6 月 26 日 星期六 【晴】

琴晚一路訓一路聽ｔｗｉｎｓ，開始聽熟左，覺得幾好聽～今朝起身番工冇買包食，拎住琴晚個火腿蛋包出門口。番到去就展開今日０既工作。一朝早就係到刨牛肉，真係好唔開心。今日係星期日，預料會有好多人離食０野。日頭冇琴日咁冷清，叫做有番０的生意，右手指唔知幾時界親，有０的痛痛地。整整０下豬排飯成個鑊仔俾我整斷左，成個飯跌左落地，我睇住條０野比慢慢慢慢咁彎，不停咁叫唔好，但係最後都係救唔番。一路工作到四點鐘先有飯食，由於對水鞋穿左，呢排都係著其他水鞋，但係有０的頂指，攪到對腳唔係咁舒服。每次落場０既時候都要除鞋。

食完飯之後就去左痾屎，呢排又順番少少。之後訓左半個鐘，每次起身都好辛苦。夜晚工作量都幾多，好彩０的ｏｒｄｅｒ密得來唔係太過恐怖，叫做應付到，但係都攪到差唔多十點先食飯，期間又整爛左滾面０既網，今日唔知點解破壞晒０的用品。

收左工之後去左馬會支持捷克，買左＄４０，最勁０個條有成４０１倍，不過都唔會中嫁喇，志在支持一下，所以今晚決定去阿邦屋企睇直播。番到屋企同黑炭玩左一陣之後，又再次迫自己操練，呢排真係有０的惰意，但係我絕對唔容許！跟住就係到打ｗｉｎｎｉｎｇ，繼續用捷克打歐國杯，幫捷克做做勢。沖完涼之後叫表弟俾我玩電腦，佢大膽左叫我等半個鐘．．．．．於是我就去打多兩盤。然後玩玩０下電腦阿ｍａｙ出離鬧佢唔訓教，語氣都有０的重，睇離大家都開始唔係咁滿意佢，佢成舊飯咁係到唔。唔知點解個心有點開心，但係佢等阿ｍａｙ走左訓教仍然繼續，望到佢個樣跟本就係好眼訓，但係我都唔明點解佢係都要好似無焦點咁呆望電腦．．．．唉．．．佢真係好似舊飯．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

尼維特，一個仍未在國際大賽刻上冠軍的名字；一個要為當選歐洲足球先生而無愧的人物，絕對會為今次歐國盃冠軍不惜一切。拚命三郎」尼維特早擁有多個球會和個人成就，但國際大賽錦標仍緣慳一面，他說：「我可以為將我已得到的榮譽放在一個袋，然後將它交換歐國盃獎盃！捷克已經準備就緒，今屆歐國盃我們期待以久，過去它曾在身邊擦過，今次將不容如此。」他續說：「雖然己隊在分組賽置身死亡之組，但卻能連續三場反勝對手；年輕球員也有優異演出，使我相信今屆在葡萄牙是有機會奪標的。老實說，在年輕一輩面前，老一輩的是必須做好榜樣，否則難以服眾。」

>>June 27, 2004 at 6:19:43 PM GMT+8

2004 年 6 月 25 日 星期五 【晴】

近日，我發現災星纏身。琴晚諗住食個辛辣杯面先訓教，個天好似有心同我作對。當我食到差唔多一半０既時候，發現有好多一點點黑色０既０野，開頭以為係０的辣粉，但係睇真０的原來係．．．．．．中文口試０既題目──螞蟻。再睇真０的，原來成碗都係螞蟻．．．我真係好唔開心，個杯面明明係密封，點解會發生０的咁０既事，點解？？？係好彩定係黑仔？？！？！？！？夜晚竟然失眠，真係好ｄｏｗｎ，聽ｔｗｉｎｓ又因為全部新歌，未聽熟。跟住同阿雪傾電話傾到三點鐘先訓，之後就訓得著。又再商量去ｃａｍｐ呢個問題，不過機會都好微。

表弟同家姐仲有家姐個朋友去海洋公園玩，原本佢地叫埋我表妹，但係表妹覺得熱唔去，我絕對認同，我亦深信家姐如果唔係因為表弟，佢係絕對唔會做呢個咁冒險０既決定。朝早七點幾八點，我終於聽到阿ｍａｙ沉不住氣咁鬧表弟，對於佢０既慢條斯理，大家都開始感到不滿，睡夢中聽到佢怒吼：「你唔好再咁漏氣啦！！人地約左人嫁麻！！」我知道唔係我對佢有偏見，而係佢根本就有問題。十點二十分先起，毅然作出一個決定，洗完頭之後就咁著件黑社會背心同埋波褲加拖鞋，再拎個ｎｉｋｅ袋仔，好似去游水咁出去。去到聖安娜又買左兩個包包食。今朝係睡夢中聽到收音機講法國輸左俾希臘，番到公司先知道係真，唔知點解有０的開心，只要捷克聽晚贏左丹麥，就會對希臘，對希臘好過對法國啦，有機會殺入決賽，拎埋冠軍喇！！！！！！！！！！！！！

今日係星期六，預備左好多０野，但係日頭０既生意額冇以前咁強勁，我諗ｐｉｚｚａ　ｈｕｔ開番有一定０既影響力係到，不過咁樣仲好，起碼唔洗做咁多。四點鐘落場，食完飯之後司徒立中過左離，跟住再食左兩支煙。見到佢電話個ｗａｌｌｐａｐｅｒ係阿嬌有０的唔妥佢，自己都有仲要擺人地條女係到，真係好過份！跟住買左條紫水晶０既物體＄２００，不過好似係．．．流０野．．．．
然後又番番去公司，今日冇訓到教，因為要睇ｍｉｌｋ，有阿嬌係封面，琴晚又睇ｍｏｎｄａｙ，因為又見到阿嬌～跟住睇到個網頁好攪０野咁將ｗｉｎｎｉｎｇ改左，用中文做旁白，香港ｖ．ｓ．皇馬，用阿叔把聲，超攪笑～跟住又展開夜晚０既工作。

今日又來左個新ｐａｒｔ　ｔｉｍｅ，結果係令人強烈失望，好撚樣衰．．．夜晚都回復唔番早排０既俘勢，但係都有一個鐘左右唔停手，但係都係虛火。食食０下飯０既時候．．．發現唔見左一隻耳環，真係好唔開心．．．．真係好鐘意，只不過平時戴住唔多留意，冇左先知原來會咁心痛．．．．起碼當人地問到真定假０既時候，可以好型咁話俾人聽係真鑽石．．．．加上都有０的紀念價值，我真係覺得自己好黑仔．．．．唉．．．．跟住放工又去左馬會，但係冇買到，我諗係時候要收手喇．．．足球唔賭都有佢０既樂趣係到０既，捷克必勝～！～！～！～！～唯一一隊小組賽三戰全勝，死亡之組首名出線，分明就係有料啦！！

番到屋企好沮喪，冇晒心機操練，沖完涼上床打俾耳環０既真主人，就係呢個時候，開動左ｔｗｉｎｓ０４好玩演唱會粉紅色小燈燈，見到床上有一小粒物體正在閃爍！！！原來係隻耳環！！琴晚訓教整甩左，呢種失而復得０既感覺實太好，上次隻戒指又係咁，今次又係咁，上天始終都冇離棄我．．．．心情頓時好番好多～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

忘記昨天不愉快的事，踏實地應付今天更不愉快的事。"

>>June 26, 2004 at 5:29:44 PM GMT+8

2004 年 6 月 24 日 星期四 【晴】

今日照常番工，出門口前知道碧咸又射十二碼飛機，真係好無奈，亦連累埋我輸錢。琴晚睇過個戶口，唔知點解得番＄５ｘｘ，我真係覺得好奇怪，明明應該唔只咁少。去到聖安娜，今日買左個腿蛋包。日頭工作唔算太忙，平平凡凡咁又渡過。唔知點解照鏡０既時候，睇睇０下又好似唔係太過樣衰，個阿姐仲話短頭髮好睇過長頭髮，我諗左一陣，原來之前個頭係咁長０既。

食完飯之後去痾屎，暫時決定左買ａｌｃａｔｅｌ，痾完屎之後望一望，發覺０的屎居然係綠色，我大感疑惑，唔知同飲得綠茶多有冇關係。跟住又去左睇電話，然後就番番去訓教。呢幾日係舖頭一出去行去廁所都見到隔離琴行條女，佢次次都見到我拎住０的讀物，唔知會唔會知道我去痾屎呢個秘密。今日早左訓，訓左成個鐘頭，不過起身個感覺都係好差，成身軟綿綿咁。夜晚工作更加遊閒，今日星期五，咁靜局都算係難得。放左工之後係樓下睇0下個戶口，又變番做＄８ｘｘ，真係完全唔知發生咩事，但係冇啦啦食左張ｃａｒｄ，真係黑到仆街．．唉．．．．去左馬會望一望就番屋企。呢排唔知點解總係情緒好ｄｏｗｎ，但係又搵唔出個原因，成日都笑唔出，冇左以前０個種開心。可能係因為每日０既生活都係千篇一律，好苦悶，缺乏左生活樂趣。就連一星期一次０既假期都死撚左去上堂，唔顛至奇．．．唉．．好想踢波．．．開始真係有０的懷念校園０既生活了．．．．忽然間覺得好似想飛入面０既ｐｒｉｃｅｓｓ　ｄ，生活係一個寂寞、冷清０既世界．．．



番到屋企，冇操練就去左沖涼，琴晚操練０既時候發現身體機能有０的倒退，應該係去到一個飽和階段，需要歇一歇。個肚腩雖然仲係到，但係已經得到明顯０既改善，唔容許再俾人係到話我大肚腩！之後ｄｏｗｎｌｏａｄ左ｔｗｉｎｓ全新大碟，今晚可以訓番個好教。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

心痛了、心碎了、也要撐下去！ 受傷後要靠自己站起來。跌痛了，貼塊膠布再一個微笑！
拍拍身上灰塵、抹抹臉上淚痕，笑著說：「我不害怕，我勇氣可加．．．」 終有一天，站起來傲視一切。笑，笑傷害我的人的愚昧．．．

>>June 25, 2004 at 5:14:40 PM GMT+8

2004 年 6 月 23 日 星期三 【晴】

洗剪唱其中一句係「心痛便剪一剪」，但係點解我「剪一剪便心痛」？到底係咩問題，我唔再怪責任何人，我認為問題係出於自己身上。冇可能次次都會咁樣，唔通全世界剪頭髮０既人都撚樣？我唔同意。係我０既錯，我連自己０既頭髮一而再再而三咁樣保護唔到，我根本冇資格做一個鐵漢。但係唔知點解，今次０既打擊又冇以前咁沉重，唔通真係習以為常？

今朝遲左一個字先起身，由於呢個咁０既頭易洗易乾易ｓｅｔ，無論我用風火輪ｓｅｔ法定還是係十號風球大兜亂，個結果都係一樣。番到去０的阿姐話好好睇，靚仔左．．．通常０的師奶話好睇，我已經心中有數。跟住家明都話好過以前好多．．．原本感到安慰，但係佢來自大陸，用內地０既眼光．．．．唉．．但係唔知點解又真係唔係太唔開心，冇左以前０個種悲痛，可能唔洗番學０既關係，公司０的人０既睇法我又唔係好在乎，反正都冇咩人會見到我個頭，過多一兩個禮拜又會係一條好漢！琴晚捷克好撚強，半力出擊都贏埋德國佬，希望佢地食住個勢，可以羸埋冠軍啦！今日阿龍放假，不過依然有４條友係廚房，日間０既生意並唔理想，實在係一件喜事。做到三點鐘又食飯，佢地偷偷地咁見到佢地將我碗飯加大左，但係俾我發現。不過唔知點解做後都食晒，如果要０的屎痾得結實，食飯係好重要０既一環，飯會令到０的屎實正，加埋飲水，就會製造出一條完美０既糞便。食完飯之後就落左去睇電話，而家有０的心動想買部ｋ７００ｉ，不過成＄３４ｘｘ，痴撚線。然後就去痾屎，４樓個廁所終於有番冷氣，痾得份外醒神。呢兩日０的屎令我好滿足。痾完之後又去小睡。

訓醒之後又再次展開工作。夜間０既生意又回復番以往一樣，無無聊聊又食飯，阿龍唔係到，大家都作反，係到整拉面食，我就食左咖哩飯，然後食左賣＄３ｘ幾蚊０既芝麻雪糕，一個小球就賣成三十幾蚊，我相信已經食左成舊水。一桶買番離都係＄７ｘ，食水實在太深喇。之後家明講左一０的好ｈｕｒｔ神婆０既說話，當眾話唔鐘意佢，叫佢唔好亂咁諗．．．雖然佢兩個都唔係鐘意對方，但係咁樣講之後的確有０的事發生。放工之後同阿的去左馬會，買左＄１００，然後就大家一齊去許留山。從女性方面知道神婆放工時喊，接著就譴責男方。

番到屋企肥州打離話星期一番大陸，咁緊係唔得啦，邊有時間，之後又話去ｃａｍｐ，三日兩夜，我都好想去，但係多數都去唔到嫁喇。原來以前係咁好０既，鐘意去邊就去邊，幾時玩就幾時玩，而家放假都要去埋上堂，我發覺我可能會自閉嫁喇！！！！！！！！！！跟住又見到表弟係到打機．．．．我望到佢個樣係呆晒，打到個人痴痴呆呆咁．．．真係好驚，所以我決定聽日要同阿ｍａｙ反映一下呢個問題，好好咁正視。

>>June 24, 2004 at 6:16:45 PM GMT+8

2004 年 6 月 22 日 星期二 【酷熱】

琴晚啪左幾支煙．．．估都估唔到真係咁邪，今朝七點幾喉嚨就唔舒服，跟住又痛又有啖，然後又流鼻水，痴撚線．．．起身飲左杯水，跟住又食左兩粒幸福傷風咳素，然後又再訓過。不過見到表弟忽然起左身，然後入左房．．．．打機．．．痴撚線．．．我．．．我．．．我真係唔明白．．．真的．．．．開頭都訓唔到，因為個心真係好唔妥，不過藥力慢慢發作，不知不覺就訓著左。直到一點左右先醒，跟住一開眼見到佢仲玩緊．．．．．．．．．．．．．

起左身之後個人沒精打彩，軟手軟腳，一心想去剪髮，但係又放假。但最後都去左石田一派剪，結果又奶０野．．．．算喇，真係算喇，慣嫁喇，話撚之佢鏟撚晒０的頭髮去啦，唔在乎喇已經，痴撚線，真係傻撚晒嫁０的人，戇撚尻嫁，你老母臭西。講撚完點樣點樣，最後都係咁撚樣，屌佢老鼠陷家產。跟住番番屋企，嘗試夠自己０既力量去改變一下，但結果都係未如理想．．．跟住又出番去，幫家姐還碟．．．然後就去左ｃｍ到睇電話，又見到一部幾鐘意，入埋去試機，真係幾靚。之後去駕駛學院上堂。原本表弟叫我陪佢去睇波衫，但係我冇去，因為實在太熱，加上根本冇咩好睇，一係就去買，睇係冇意思０既。六點鐘，一個係上水火車站食叉燒米，食左十分鐘，但係個感覺好似食左一個鐘咁。之後就搭火車去沙田，然後再搭的士去小瀝源。係架的士到，司機同我吹水，話自己對汽車好有研究，仲考過師傅牌，不過考唔到．．．佢仲教我回程點樣搭巴士．．

去到駕駛學院，早左差唔多半個鐘，攪完０的文件就睇０下０的筆試０既０野，然後就上堂。坐前面條女露左少少屎忽出離，見到０的陰影，好似冇著底褲咁。上完兩個鐘，好撚無聊，聽佢講理論，下次去有得玩模範駕駛。番到去沙田都差唔多十點半，行到火車站聞到０的曲奇餅超香，攪到我企左係到望。

番到上水仲未食０野，就走火車站天橋買左個炒公仔面同埋一串炸大腸，曾幾何時不知幾愛炸大腸，但係整得越離越唔好食，呢串０野炸到焦晒，食落好粉，旺角０個０的就好０的，不過略嫌唔夠多屎。番到屋企．．．唉．．．．我真係想知道佢係全日都一直坐係到玩，定還是係有休息，但係冇理由見親佢都係呢個動作，又點解要七點鐘咁早彈起身？一連串０既問題浮現係我腦海。而家佢將部ｎｏｔｅ　ｂｏｏｋ入侵埋家姐張書台，坐正係我隔離，我完全覺得冇晒私人空間，真係好想死．．．．點樣先可以整佢出房．．．．．點解佢要留係香港打電腦．．？．．溫哥華０的屋又大又靚．．．點解佢唔番去打到夠．？．．．．

夜晚又收到ｉｖｅ　ｓｅｎｄ過離０既ｓｍｓ，我真係思疑俾人整蠱。ｓｐｏｒｔｓ＆ｍａｎａｇｅｍｅｎｔ我都好似冇報到，今日仲叫我面試幼兒教育，叫人面試一係寄信一係ｓｅｎｄ　ｅ－ｍａｉｌ，點會ｓｅｎｄ　ｓｍｓ，仲點會有我手電，想玩我，冇咁易！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

盡管我只能跟空氣說晚安，但我相信這訊息誰也呼吸得到。

>>June 23, 2004 at 5:37:54 PM GMT+8

2004 年 6 月 22 日 星期二 【晴】

今朝一起身，就有人拍門，係管理員，叫我唔洗開門。我剛剛訓醒，蒙０下蒙０下唔知咩事，佢問我地露台係咪種左盤栽，話有人投訴成日滴水。當時我傻０下傻０下，而事實上又的確係有兩盤０野係到，以為真係被人投訴。跟住阿ｍａｙ突然係床上起身，０的頭髮好似獅子咁，一開聲就好似想殺人咁，係到話冇露台，叫開門叫條友自己離睇，跟住阿根赤裸裸咁出埋離，個管理員就青晒，跟住入離睇完就話唔好意思，原來樓上０個層先至係兇手。

番到公司又展開工作。今日原來係端午節，公眾假期，不過生意冇想像中咁旺，但人數番齊。經過聖安娜０既時候買左一個腸仔包同埋菠蘿紅豆包。日頭唔想太忙，一點幾就係到做最憎０既刨牛肉，個刨機唔知點解臭到仆街，成陣腐屍０既味，可能係０的牛肉積積埋埋０既味道，於是我就用漂白水加洗潔精離一次太清洗，但係唔沖水，等落完場先沖。今日係紅日，要４：３０先落場，好彩仲有個包係到。

食飯０既時候，我唔覺唔覺咁差唔多將所有餸食晒。呢排好鐘意餵金魚，見到佢地爭食０既情況真係好開心。傳說話金魚係會飽死，我真係好想睇０下。食完飯之後就去左痾屎，拎埋本成日都差少少都睇唔完０既連坊訣去睇。呢兩日終於都順番０的，但係痾之前成日唔記得沖廁，被０的廁紙遮住左，睇唔到０的屎０既形狀。痾完之後又番去訓教，而家日日都要訓教，都唔知係好習慣定壞習慣。

訓醒之後又展開工作，今日終於都回復正常，夜晚好靜好靜，靜到係到聚賭三公，不過我冇賭，剩係睇，０的阿姐真係好爛賭，連六合彩都話可以捉到路，仲記錄晒幾年０既六合彩號碼．．．睇睇０下０既時候俾人剝左半條褲，不過我好鎮定咁處之泰然，因為冇女係到。

放工之後同小白一齊走，佢話係ｗａｌｋ　ｓｈｏｐ買０野有半價，時間廊又有折，點解０的人可以咁狼，不過ｗａｌｋ　ｓｈｏｐ０的ｖａｎｓ款色好似舊左０的。之後去左馬會，企左成半個鐘以上，最後先決定買０個＄２０，真係好失禮。畫完飛諗住去打０既時候，發現唔見左張現金卷，原來又再次放低左，但係最後都搵得番，咁都搵得番，連自己都唔相信。跟住同ｘｘｘｘ去左許留山，佢竟然同我講拍拖一個月了．．．不過佢番左鄉下都成兩個禮拜有多。另外又有人要奉子成婚．．．．．真係痴撚線，點解身邊０既人成日都會出現呢０的咁令人難以接受０既事，２０歲結婚？？成世人咪就咁完結，ｎｏ　ｗａｙ！！結婚０既結婚，拍拖０既拍拖，忽然間好憎所有女性，除左阿嬌。雖然同佢冇可能，但係鐘意一個人係唔需要擁有０既，精神支柱離嫁麻！

夜晚番到屋企，見到表弟又訓著左．．．唉．．．經過上次０既教訓，我已經知道唔會咁好死，已經有晒心理準備。琴晚太累所以冇操練，今日就死頂，唔可以俾佢停，就算唔可以再強，都一定要ｋｅｅｐ住。沖完涼之後就上網睇埋本書，睇到最後發現原來有後記。狄雲原來係真事改編而成，雖然唔係全部一樣，但係都真係好撚慘．．．呢個世界就係有０的咁慘０既人。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

過了一頓飯時分，始終不見戚芳回來，狄雲有些擔心了，便想去萬家接她，但生怕她不快，抱著空心菜，在廊下走來走去，想著終於得和師妹相聚，實是說不出的歡喜，但內心深處，卻隱隱又感到恐懼：不知師妹許不許我永遠陪著她？心中不 住許願：「老天爺保佑，我已吃了這許多苦頭，讓我今後陪著她、保護她、照顧她。 我不敢盼望做她丈夫，只要天天能見到她，她每天叫我一聲『師哥』。老天爺，我這一生一世再也不求你什麼了。」

>>June 22, 2004 at 7:04:09 PM GMT+8