2004 年 7 月 15 日 星期四 【晴】

今日起身，沖完涼之後出到街覺得好涼，仲落雨ｔｉｍ。去到大快活，又係冇早餐，跟住去左山琦買０的西包。番到公司先知道原來係３號風球，仲要就離八號，忽然間有一種好似番學時期求八號風球的心態。但係好可惜要做埋個午市，因為番左公司，要留係安全０既地方．．．．

本以為今日打風，就算開工都會冇咩生意，但係我發現我係錯嫁！！！０的人傻撚左嫁，八號風球都係咁出離食０野，仲要越離越多，旺撚到好似星期六咁，不過好在我狀態持續高企，應付到。但係真係有０的意外，因為打風諗住遊閒０的。因為八號風球，所以連送飯條友都放假，於是我就整左好多牛扒飯出去俾大家食，我自己食拉面，食完之後好似冇食到０野咁，正當拎起個飯碗想筆飯時，我特然好驚咁熜番個飯煲，因為我好驚連日頭都食咁撚多。之後就好似夜晚咁收檔。五點前如果仲係八號風球就唔洗番，如果唔係就要係落風球後兩個鐘內番到公司，不過無論點都好，我都係好著數，因為我住得咁近，就算落左風球都可以訓多兩個鐘。

四點左右番到屋企，突如其來的假期令我多左好多時間，於是就第一時間ｆｏｒｍａｔ部西機，今次可以話係人生中ｆｏｒｍａｔ電腦最順利０既一次，真係好開心。之後又試電話，但係始終不歡收場．．．跟住忽然間頭痛傷風，於是就訓左一陣。訓甦之後就繼續研究，最後我知道一　定係西線有問題，於是就決定夜晚拎去小翔屋企試０下。久違了０既屋企馬桶再次坐上，原來部電話用耳筒聽ｍｐ３係咁撚正，同部ｍｐ３機可以話一撚樣～

夜晚好耐都未試過係屋企食飯，今餐好豐富，有一隻自己煮０既豉油雞同埋牛油煎開邊大蝦，我終於肯定左自己０既食量．．．我食完自己碗飯好似冇食到０野咁．．．但係碗飯係以前０既份量還要滿，我唔敢想像而家食幾多碗飯．．．．我真係要節食喇．．．食完之後九點左右，拎恒架生去左小翔屋企，條線真係用唔到，於是就用佢個籃芽，結果係冇問題，ｄｌ左好多０野落離，有ｇａｍｅ有歌，睇離我真係要買番個籃芽，原來都唔係好貴，早知就唔買條西線，浪費左我＄５０！！ｓｈｉｔ！！整到十一點左右拎左支紅酒落街飲，好耐都冇試過做ｂｅｇｇｅｒ，不過呢支０野唔係好得，一味得個甜字，號稱關公面０既我飲完都冇咩料到～部電話可以錄低通話內容，以後可以偷錄同人講０的０野然後ｓａｖｅ，等０的人講過０野唔可以唔算數。小翔問周生生小姐拎電話，但係佢話係我要，條女好臭串咁話一日俾一個字，好有挑戰性。自從買完部電話番離，雖然唔係完美，但當我諗番，呢部係一部電話ｏｎｌｙ０既時候，我就好滿意，佢要離講電話嫁咋！！！要影相不如買相機啦，要聽歌買ｍｐ３機啦！令我諗係阿龍部電話，咩都有，連ｗｉｎｄｏｗ　ｍｅｄｉａ　ｐｌａｙｅｒ都有，但係好諷刺地．．．居然成日接收唔到，冇得打電話．．．．

番到屋企，令左佢個籃芽離玩，果然用到．．．跟住攪左一陣就沖涼。之後忍唔住食左個面加一碟雞．．．．．ｓｈｉｔ．．．．．睇左一陣九五至尊，好攪０野。呢兩日個日記版出現問題入唔到，唔知會唔會冇晒之前０既ｄｉａｒｙ，如果真係我肯定數臭佢祖宗十八代。

>>July 18, 2004 at 4:36:27 PM GMT+8

2004 年 7 月 14 日 星期三 【晴】

琴晚訓教，用電話係到玩，俾我發現左有框架呢個功能。於是就將阿嬌張相套落個天使人頭到，仲有一個西部牛仔，超級攪０野，跟住又有一個好似貼紙相咁有兩個心心，如果有人幫手就可以來一張合照。琴晚訓教又發夢，不過已經唔記得左係咩，剩係知道發夢令腦部得唔到充分０既休息，要諗諗解決０既方法。

今朝起身瀨皮左五分鐘，跟住照舊沖涼，父親已經唔係廳。諗出門口拎條線，我先發現原來條線有個好似係開關制，我諗我一定係唔記得左０拍．．．．．．．原本想買大快活，但係已經差唔多遲到，我真係有０的討厭食包了．．．．今日日頭生意的確唔錯，呢個星期唔知點解又多番人離食０野，我發覺自己做０野真係強左同埋快左，唔知點解呢兩日好有衝勁。

落場食完飯，小雪叫我陪去食飯，但係俾我婉拒左。之後去左新電訊，雖然我知道好有可能係因為我唔記得開個制，但係都去走一趟，但係條友都唔識用，佢叫我問左阿的得唔得先再番離，但係呢幾日都搵唔到阿的，要等到星期六先見到佢．．唉．．唔知佢用唔用到呢？．．．．跟住見到小翔見到查詢戶口，然後行左兩個圈又番番去訓教。高妹幫我買左件ｐｕｍａ，真係好慘，多左幾件衫，但係又冇褲著，放假要去旺角買番０個條＄３９０至得！訓醒之後食完條脆皮樂先開工。

夜晚生意冇咁旺，刨左好大煲牛肉，有兩條好大條０既三文魚，我拎住好似自己釣咁，下次得閒用電話影低去先！～跟住用電話周圍拍０下個廚房，拍阿龍炒０野，好鬼好玩，留低０的美好０既回憶。之後家明用籃芽ｓｅｎｄ左個性感女郎過離．．．呢排番工雖然辛苦，但係好開心，成日係到咆哮，好似班顛狗咁。夜晚食飯時，佢地將自己０的飯係咁倒落我個碗到，０個隻碗已經好大，仲要裝滿晒，我真係真係冇諗過自己食晒．．但係食０下食０下．．．．食完成個肚漲晒好似有左咁．．．．．．．．．．．．洗完０野收工，我除左件衫去洗，我故意收一收腹，免得俾人發現我個缺陷．．．不過佢地都好驚訝咁覺得我好大隻．．嘿，咪當我流至得呀。換衫時，佢地想趁我剝左褲推我出去，好彩我未驚過，著住條底褲好型咁行出去，不過冇晒人～

番到屋企第一時間再試０下條線，果然ｄｌ到，不過仲有好多問題，雖然整到相落部電話，但係好唔穩定，一時連接到一時又唔得，最大問題係唔識點整ｍｐ３落去，唉．．．．點解我咁命苦。不過我發現電腦０的相整落去好靚，仲有部西電腦，等我放假你就知死，ｆｏｒｍａｔ左你條仆街，死撚日ｈａｎｄ機，你老味！

>>July 18, 2004 at 4:35:50 PM GMT+8

2004 年 7 月 12 日 星期一 【晴】

今朝起身好辛苦，飲完酒個人好唔知點咁，訓得唔係太晏。經過一輪０既掙扎，最後都決定左去沙田大會堂。換完衫之後就出發，生左粒暗瘡，次次有特別事項都總係生暗瘡。搭火車０既時候，姨媽係溫哥華打電話離問我點，傾左一陣就收線。

去到沙田首先去左惠康幫阿州同阿偉買飯食。去到沙田大會堂０既後台，覺得好大開眼更，後台工作都好多０野做，不過我地咩都冇做，上左去化妝室食飯。０的化妝室個個都有獨立廁所，好新奇。食完飯之後就周圍走睇表演，０的所謂工作人員全部都冇料到，我都唔明點解會有咁多冗員．．．我志在離睇０下表演，都幾好睇０既。胎拳道表演踢板，我真係唔明咁０既粉腸都可以上去表演，踢得又矮，０的板又廢，攪到我想衝落台表演飛腿。完左之後執左塊板玩，原來都硬硬地，不過俾我一腳就踢爆晒，叫肥州拎住伸直手。跟住佢又想嘗試，但結果就掂都掂唔到，咁計發我都可以做籃帶。之後睇０的話戲同埋有條撚樣係到自彈自唱自作曲，唱撚到電台都有播，扮撚晒０野，不過好似有０的料到，奈何相貌不討好，紅唔起啦實。

跟住五點鐘收皮，０的負責人就走晒，留低我地０的畢業生係到等貨車離，等到五點四十五分先到，我地三條人同埋幾個６ａ人搬晒０的０野上車再跟車番學校，佢地就去左玩。番到學校又要搬番晒０的０野，都唔知關我咩事，冇啦啦做左苦力，仆街０的工作人員唔知死晒去邊，實在太離譜。跟住大張同布歐請食飯，去左祥發居打邊爐，佢兩個聽日又去巴黎，真係好。跟住就去左睇哈利波波，第三集冇第一二集咁好睇，一集不如一集，不過佢地發育得好快，轉眼間就咁大個，真係睇住佢地大～

之後就番屋企，行到去樓下時，有人高呼我０既名字，四周張望都唔見有人，台頭一望原來係彩湖樓條天橋到有個女性，由於近線再加上夜晚晚，實在睇唔清係邊個，最後原來係ｒｅｇｉｎｅ。佢係天橋我係下面，就咁係到講０野，買周圍又一個人都冇，加埋０的街燈真係好似係到拍緊戲咁，差在仲未落雨。

番到屋企，終於有得用新電話，不過唔識得用．．．．又眼訓．．．仲未識整ｍｐ３鈴聲。阿姨知道我考得好，俾左＄５００我，聽日落場落去下面試０下條ｌｅｖｉｓ先～～

>>July 13, 2004 at 6:33:27 PM GMT+8

2004 年 7 月 11 日 星期日 【晴】

今朝一起身，好眼訓，出到廳見到老豆坐左係到，好似唔洗番工。番工０既時候係升降機到見到阿燕，佢拎住行李去泰國，我都唔知點解個個都咁鐘意去泰國。佢話以後都唔會去百人一朱食０野，估唔到佢係到偷睇我日記。番到公司見到阿的一早就番到，因為今日得三條友，佢好早就番左去打點一切，但係佢冇著衫，肉騰騰咁。日頭０既工作一如以往，終於回復番正常０既星期一，生意好靜，無驚無險。落場時食完飯，跟住就去左買電話。首先去左石湖墟間新電訊，講價講到＄３０３０，但係都係去左ｓｕｎｄａｙ睇，最後都去番買＄３０３０。但係得一部機，所以阿的買左先，個老闆話八點幾送貨去百人一朱廚房，真係好攪笑。

跟住番到公司都差唔多五點，首先去左痾屎。肥州打離話聽日係星聲相色燿心誠，但係要一早起身，好唔想去，但係又應承左，問佢可唔可以放飛機，佢又話唔得，不過放飛機係唔需要批准。夜晚都好好彩好平靜，不過我要炸天婦羅，開始炸到似少少樣。由於阿龍唔係到，我地係咁食０野，好鐘意食０的雞免治串，好好味，跟住又食左好多壽司，０的壽司飯就咁食都好好味。夜晚真係有人送電話上門，好攪笑，從送貨條友口中得知上水廣場有個０靚仔跌落電梯整穿個頭，於是我就借尿出左去睇，但係都冇晒人。

夜晚收檔０既時候要滅虫，於是要用黑色垃圾袋封晒０的０野，好似破產俾人封屋咁，好攪笑。收工時假表弟係出面渣住兩個榴槤等緊，之後去左飲酒，飲左一桶，始終都係飲唔晒，跟住就玩０下部電話，要叉十幾個鐘先用得，好難捱呀！肥州又再打離，話俾我一點鐘先到，但係我都係唔係咁想去，因為部電話要叉到三點幾先用得，如果出左去就會兩頭唔酊岸．．．唔去唔知會唔會俾人鬧．．．對唔住都要做一次嫁喇．．．．飲完酒之後，去左一處地方．．嘿嘿．．．嘻嘻．．．哈哈！！！！！！！！！！！！！！！！！！！！！！！！！！！！！！

錢係要用離洗，要豪就要豪盡，聽日要買埋條ｌｅｖｉｓ同埋旺角見到０個條＄３９０！！！！！！！！！！！！！！！！番到屋企樓下，個看更問我讀咩系，我話想讀體育，０的人好似好出奇咁．．．．唔知阿ｍａｙ知道會唔會屌鬼呢？反正都諗住考差人，其實讀咩都冇分別，剩係知道如果入到就可以再過多三年０既校園生活，雖然考得唔錯，不過一日未入到都唔可以咁開心．．．要等八月真真正正咁知道結果再慶祝都未遲．．．

>>July 12, 2004 at 7:24:21 PM GMT+8

2004 年 7 月 10 日 星期六 【晴】

琴晚放工同０的同事去左飲０野，我冇估到我０既體能會下降到咁０既地步。踢完波之後，全身肌肉酸痛，行路都拐０下拐０下，小腿獝痛到仆街，０的乳酸積聚晒係我全身，幸好琴日生意唔忙，如果唔係肯定跑唔到。夜晚終於都選左浸大０既體育系、資料系統管理同埋東南亞研究三科，是但入到一科都好心滿意足。

今朝起身，阿ｍａｙ以為我整親隻腳，因為肌肉實在太過酸痛，大腿內側又痛，嚴重影響我０既正常生活。表弟今日四點鐘就搭機番去，諗走時問我拎左ｉｃｑ，我好驚佢會睇到我日記，所以就ｄｅｌｅｔｅ左，希望佢一路順風。雖然我同平時一樣時間出門口，但係今日真係行得好辛苦同埋慢左好多，實在係寸步難行，行快０的都痛，真係好似個阿伯咁。番到公司又再展開今日０既工作，但係唔知點解有預感生意不濟，而事實上又的確如此。出糧到而家都仲未買電話，幾經波折都係未買，原本想今日去買，但係落場又唔夠時間，所以已經鐵定左聽日落場同阿的一齊買，唔買正龜蛋！！！

落場時去左痾屎，一路痾一路睇報紙。跟住訓教。０的咳仲未好番，而家一咳就會整到０的肌肉，痛到仆街，真係可憐。夜晚冇生意，開賭局玩三公，輸左＄４０，不過俾＄２０．．．收完檔去痾尿，見到有人將個花盤放在係個尿兜到，超攪笑。跟住同同事去左馬會，然後去３２３打機，跟住行天橋番屋企時買左十蚊三串串燒，有我至愛０既煙肉腸，不過唔好味，都唔夠咸。

番到屋企，好靜，個個訓晒教，不過再冇冷氣涼，表弟走左，間屋０的０野都少左好多好多。跟住就操練手臂，電影台播緊獸性新人類，又話三級片，但冇露點，好失望．．．

>>July 11, 2004 at 6:08:19 PM GMT+8

2004 年 7 月 8 日 星期四 【晴】

琴晚放左工之後番屋企沖完個涼就去左張汶屋企燒烤等死。估唔到等待０既時間係咁難捱，到六點幾我地係沙發到睇波，睇睇０下訓著左，跟住好眼訓咁等到九點鐘番學校．．．一路踩單車，心情出奇地平靜，個心冇卜卜咁跳，但係都有一定程度０既緊張。番到學校去左榮光堂想痾屎，但係冇廁紙，於是走番去樂福華堂痾。然後囡囡打離，我琴晚已經叫左佢無論結果係點都唔好打離，佢硬係唔聽人講，於是就聽左佢電話，講晒０的成績出離，不過老實講，我見到佢打離都知道佢一定係報喜不報憂。結果當我等待派發０既時候一０的緊張心情都冇。

琴晚我同個天講，如果可以的話，我願意將我一生０既賭運來換一次考試運，但係琴晚又俾我中左六合彩三個字．．．原來呢個世界係唔公平，明明你盡左力偏偏就考得唔好，文學我考完真係好有信心，但係只係得Ｄ，真係有０的失望，相反中史居然有Ｂ，真係有０的喜出望外。但係ＧＰＡ．．．．我竟然拎Ｕ．．．屌佢老鼠，不過算，都叫做理想．．．好開心今年０既７Ａ居然全班總括離講考得好好，真係冇諗過會咁勁，原來呢個世界冇０野係冇可能，當日全班俾人鬧到一堆糞便都不如，又有邊個會估到係兩個班主任無為而治０既政策底下會有咁意外０既收穫。突然間諗起ＡＤＤＩＤＡＳ　０個句ＩＭＰＯＳＳＩＢＬＥ　ＩＳ　ＮＯＴＨＩＮＧ，希臘都可以贏冠軍，其實真係冇咩０野係冇可能～跟住周圍打電話接電話報喜，第一個打離係爸爸，唔知點解差０的喊左出離．．．．

雖然成績滿意，但係亦唔代表入到大學，選科一定要好小心，因為新聞話有好多合資格都讀唔到。第一志願諗緊好唔好讀浸大體育，囡囡話如果有得ＩＮＴＥＲＶＩＥＷ可以幫到手，跟住想讀中文系或者文化研究，不過無論點都好，都係以有得讀為大前提，反正第日考差佬都係唔會理讀咩科。派完ＣＥＲＴ去左飲茶，見到好多原本以為冇望０既人都ＯＫ，真係好開心。

飲完茶同肥州去左新都痾屎，跟住過上水中心買電話，部Ｋ７００Ｉ影相真係好清，ＰＥＯＰＬＥＳ客戶價只係＄３０８０，正當用ＥＰＳ想俾錢０既時候，原來個台係用阿ＭＡＹ個名，所以要佢離買先有優惠，於是好冇瘾咁番左屋企。番到屋企沖完個涼，跟住囡囡就打離同我商量對策，佢真心讚我地班質素好，合格率突然標高，再加上仲要係有Ｂ有Ｃ，仲勁過佢上年，佢都覺得有壓力，因為而家班６Ａ好鬼死屎。不過我都安慰佢，想當年我地中六都係如屎一般。從佢口中得知崩牙豬要留班，真係仆街．．．跟住佢叫我打俾ＭＩＳＳ　ＬＥＥ，佢話讀中大ＰＥ都有機，可以叫ＭＩＳＳ　ＬＥＥ寫推薦信，如果真係的話實在太好喇！跟住ＭＩＳＳ　ＬＥＥ話應該冇問題，叫我放係ＢＡＮＤ　Ａ。

然後就安安詳詳咁訓番一教好０既，訓醒之後就去左踢波，好耐冇踢過，跑兩步都冇晒氣，不過我依然係寶刀未老～踢完波之後番屋企，我話要做作家，班仆街笑到仆街，頂，我就做俾佢地睇。囡囡又打離傾，佢問左浸大０個邊，浸大出路好０的，中大就教書．．．不過佢話由於名牌效應，所以要我自己諗。如果第時出離做０野與讀０既０野冇關，咁就緊係要中大．．．加上校園又正，又夠荒淫．．．．唉．．．真係好難攪。之後炒左個公仔面食，表弟星期日就走，聽晚佢請食飯，諗住離百人一朱，但係其實如果咁大班人離食唔係咁好，因為０的食物份量唔係ｆｏｒ咁多人，所以我介紹佢去樓下裝修好靚０既ｐｉｚｚａ　ｈｕｔ～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

由第一日踏入心誠到離開的一刻，幫助過我的老師實在不少，但以他最為重要，可說是改變了我。他彷彿看透了起初金黃色頭髮的名校放棄品的我會變得像今天稍為似一個學生，一次又一次的從旁協助，還記得中五重讀的那個學位，沒有他的鼓勵和積極爭取，今天亦不可能有這麼的一張成績單。就算預科沒有當我的任教老師，依然不厭其煩的指導，所以這個Ｂ有一半功勞可說是屬於他。就連升讀大學亦不唯餘力的給予意見。他對田徑的那份熱誠亦深深把我打動，起初我認為在田徑場不停的跑沒有甚麼得著，然而我是錯的，那種堅持、堅毅和不放棄的精神的確令我改變了，要不然我亦不能在自修室股不離椅的坐著十多小時。如果白先勇有三位啟蒙老師，那麼說他是我的「夏濟安先生」亦當之無愧，雖然很老土和肉麻，但真的衷心地跟他說一聲：「謝謝．．．．．．」

>>July 9, 2004 at 5:22:51 PM GMT+8

2004 年 7 月 6 日 星期二 【酷熱】

呢幾晚訓教都有發夢，以前我訓教係唔會發夢，一教訓到天光，咁代表訓得好，腦部得到全面休息。的而且確，呢幾晚自己都知道係訓得唔好，雖然唔覺，但係可能真係有壓力都唔知道。前晚發左個夢同一個完全與自己無關０既人爭女．．．．最後仲要唔夠人打求饒．．．．好在係發夢．．．跟住又連續兩晚都發夢有架法拉利，唔知會唔會係有０的咩啟示．．．琴晚訓教０既時候既然肚餓，餓到訓得唔好．．．痴線．．．

今朝起身又遲左五分鐘，跟住又見到表弟係到玩電腦，佢十一號就走，唔知係咪因為咁對佢好左．．．．離別總是令人心酸．．．．今日去左山琦，買左個長腸包補０下條０野，咁耐冇用過驚佢會有事。番到公司再講番琴日六合彩單０野．．．講到似層層咁。女同事幫我貼左ｔｗｉｎｓ０既貼紙係個ｌｏｃｋｅｒ到，跟住我又將張阿嬌貼左係ｌｏｃｋｅｒ入面～～～

今日家明放假，終於又見番阿鋒，日頭全日係到播「唐老鴨」，全日都係咁不停ｒｅｐｅａｔ呢首歌，攪到全公司０的人都識得「鴨鴨鴨」～阿姐仲聽到屌晒老母，哈哈～好攪笑～「女朋友今晚好似變了唐老鴨～鴨鴨鴨鴨鴨鴨與我亂對答」～～我已經回復左我０既本性，個個都覺得我係傻同埋白痴，真係好耐都未試過捧腹大笑～～落場０既時候同阿龍去左元朗面藏拎貨，去之前落左去馬拉松睇衫，不過最後都冇買。今日終於出左糧，不過冇咩感覺。好耐都冇搭過２７６ｐ，一上車架車好似火爐咁，係咁屌尻個司機，仲要係女人，真係太過無理取鬧，人地０岩０岩撻著架車咁就緊係熱嫁啦～拎完之後又番番上水，０岩０岩好五點鐘。跟住就去痾屎，由於太熱，出左０的汗，跟住我用０的廁紙放左係條底褲到然後再著番，雙重保護～

夜晚．．．繼續係到「鴨鴨鴨」，鴨到０的人叫救命，我都有０的頂唔順，不過真係好攪笑～而家開始要認認真真咁學炸天婦羅，如果炸一兩個ｏｒｄｅｒ當然冇問題，但係一多就仆街，所以要好好學習。今日望一望隻手真係有０的唔對路，０的皮膚真係有０的問題，都係自己衰搽左兩日又唔搽０的藥膏，攪到而家唔知咩事～夜晚食飯，食完碗飯之後再將成個牛鍋食晒．．．大家都俾我嚇怕，我發覺自己有個病態，明明已經唔再肚餓，但係都好鐘意將所有０野食放晒落肚，盡量令自己食唔落為止，特別係一０的比較易入口０既０野，咁落去實在唔係辦法．．．

放工之後去左許留山飲０野，之前去左馬會先，跟住打左俾囡囡，傾談一下未來０既大日子．．．由於上次唱ｋ０的煙攪到我生不如死，到死家都仲未完全好番。呢排雖然啖白左好多，但係成日有０的鼻涕停左係喉嚨同鼻腔之間，攪到好辛苦，要用力整落喉嚨，有時吞左去，有時吐出離。所以今日我控制自己唔食，我再一次證明，煙係唔可以惡過人，吸煙０既主動權在於我手，唔係在於支煙！！跟住敏宏來了，係到同條女不斷傾計，好鬼恩愛～～佢又係報左駕駛學院，但係佢快我好多，就離考路試，但係佢筆試全部撞．．．我先記起我仲未溫．．．．不過仲有大把時間．．．跟住就番屋企，一路行個腦一片空白，原來溫得勁雖然機會大，但係壓力亦都會相應增加。番到屋企，我再舉啞鈴，呢兩日我深明一個道理，一係唔做，一做就要激做，我亦都知道左齋谷二頭肌係冇用，仲要三頭肌０既配合先可以粗，而事實上真係連我自己都覺得勁左，以前一隻手可以渣晒個手臂，而家差成條街，強呀。ｓｉｔ－ｕｐ方面六舊腹肌真係出晒離．但係我真係唔明點解仲會有個肚腩嫁！～！～咩道理？！？！唔通真係要食燒腩丸，燒腩好肥膩嫁喎～哈哈～～～～～～

部西電腦呢排唔知點解成撚日ｈａｎｄ機，攪到心情好都俾佢激撚死，又唔得閒攪攪佢，正一西機。ｅ－ｍａｉｌ又唔撚知點解收唔到，好撚麻撚煩。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

不用眷顧、不用庇佑、不用祝福。只需告訴我最古老的一句說話：「一分耕耘、一分收穫」便是最寶貴的禮物。

>>July 7, 2004 at 6:53:40 PM GMT+8

2004 年 7 月 5 日 星期一 【晴】

原來表弟病左，今朝一早聽到阿ｍａｙ話同佢睇醫生。起身之後見佢訓著左。今朝十點廿分先起身，去到聖安娜買包，再行去睇多次對耳環。番到公司一入門就頂親到閘。琴晚終於都肯洗衫，因為白色實在太過容易ｄｉｒｔｙ。今日有番４個人，阿的仍然係放假，日頭生意唔算太旺場，實在太好。阿龍下午要去金馬倫開會，佢兩點幾就走左，於是真真正正咁可以作反。但係佢走左之後有人叫壽司，於是唯有硬著頭皮去整，好彩係０的蟹子壽司，都唔算難整，不過就好樣衰。跟住偷食左０的蟹子沙律，真係好正。然後用蟹子沙律整手卷食，又整埋俾出面０的女食。之後仲整左一個滑蛋牛同埋一個滑蛋豬俾佢地食，真係太高興～～食完飯之後，我將所有餸倒晒落一隻碗到，整到好高好高，然後扮食係到影相，好好笑。

跟住去左痾屎，然後落左馬拉松睇衫，之後就訓教。訓甦之後又再次工作。夜晚好開心，ｂｏｙ‘ｚ０個首唔知咩歌好低能，「女朋友今晚好似變了唐老鴨　鴨鴨鴨鴨鴨與我亂對答」，笑到仆街～夜晚又刨左一大煲牛肉。今日又刨六合彩，係幅尋寶圖到真係俾我搵到２２號同埋９號，好邪，我開始相信，下期一於去買離玩０下先～～夜晚洗０野０既時候，我著左件防水圍裙，跟住俾佢地用水噴，好得好玩，好耐冇試過咁開心，雖然冇濕，但係噴中條０野好鬼痕。

放左工之後肥中打離約聽晚宵夜，文宏今日係咁叫人去玩，不過我都係想平平淡淡咁番屋企休息。番到屋企，知道黑炭今日嘔左三次，因為佢食左一隻飛蟻落肚．．．．跟住就催谷身體，規定每晚都要做１００下ｓｉｔ－ｕｐ，但係唔得，差廿幾０下．．．背部有舊肌肉出現之前屎忽０個到跳跳０下０既情況，雖然冇跳，但係ｆｅｅｌ到好緊，拉極都拉唔到，真係唔知點算。

呢排冇咩心機寫日記，可能每日發生０既事都係咁上下，攪到都唔知寫離做咩，再加上太夜先寫，攪到冇咩心機，但係寫左咁耐又唔想放棄，有時冇ｍｏｏｄ寫真係幾辛苦．．．希望過多幾日可以知道前程，如果入到大學，肯定可以有更多０既好題栽～

仲有３日就放榜，到呢一刻都唔係十分驚，但係我知道到時一定會嚇到標屎．．．

>>July 6, 2004 at 5:53:17 PM GMT+8

2004 年 7 月 4 日 星期日 【晴】

琴晚兩點四十五分起左身係電腦到睇波，不過睇左一陣就眼訓訓教。今朝一起身打去查詢賽果，驚訝地希臘真係可以創造神話，居然真係可以贏到冠軍。表弟一早就係番左離，起身０既時候佢已經係到玩緊電腦。去到上水廣場照舊食包，跟住左去睇多次對耳環，的確係我０個對。番到公司，今日將會面臨最大０既危機，因為廚房又得番３個，再加上阿的放大假，只剩但唔熟手０既我同家明，不過好好彩因為餐飲０既問題令到生意大減，不過日頭都有七千蚊，但係一０的都唔覺辛苦，因為０的單離得好散。

落場食完飯就好急屎，不過原來係痾爛屎，一定係係廚房成日食０野，但係對手又ｄｉｒｔｙ。今日仍然咳嗽，每朝訓醒之後咳多幾下就會有舊勁啖，今日都唔例外。痾完屎去左馬拉松，見到有兩件衫好靚。然後把握機會訓左一粒鐘，每次訓醒都好辛苦，不停咁打呵欠，０的淚水係咁流，真係好難頂。夜晚生意比日頭差好多，只係得三千蚊。走左去炸天婦羅，俾０的油彈到隻手，隻左手唔知點解紅色一忽忽，好似好多傷咁，但係又唔痛，都唔知發生咩事。夜晚食完飯飲左碗面豉湯，但係放低左再轉發覺好難飲，原來俾人加左三碟豉油落去，咸到仆街。跟住今日好早就收檔，然後居然有葡撻食，好難冇食過，好好味，正，至愛葡撻～～

未夠十點廿分已經換好衫坐係到，跟住約左肥彭去飲０野。唔知發生咩事係條街到見到好多識０既人，首先見到ｍａｇｇｉｅ、魚翅同埋阿葉，跟住又見到阿文、阿雀。上次係天平０既小型足球比併，我協助佢勝出贏左＄１００，佢係到話要分番０的俾我，結果我拒絕走左。係許留山時，肥彭阿媽行過，發現左佢講大話落街。跟住去左順欣聊天，然後就番屋企。阿叔又打離，佢成日都叫我放左榜打俾佢，佢話驚我會睇唔開．．．．

番到屋企，表弟訓教．．．可能因為係佢琴晚太夜訓０既關係，又有可能係．．．之後睇亞視０既重播球賽，一路睇一路舉啞鈴，呢排實在太懶，所以今日係咁舉，舉到無力為止，手腎重要過腹肌，起碼著住衫唔會有人睇到。

仲有４日，我相信，因為我有把握。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

如果有一天我有了大肚腩，你對我是否意興闌珊？
如果有一天你成了黃臉婆，我是否會嫌你又老又o羅嗦？
如果有一天我有了大肚腩，你是否會愛我依然？
如果有一天你身材走了樣，我是否還會為你摘下星星月亮？

>>July 5, 2004 at 6:35:32 PM GMT+8

2004 年 7 月 3 日 星期六 【乍寒還暖】

今朝十點鐘就起左身，因為我要預多０的時間去剃鬚。一起身就聽到佢地好噪咁準備出去。好耐都冇剃過鬚，個鬚刨又唔係靚０野，加上又唔係幾夠電，所以剃得冇咁順暢，剃完之後都覺得好唔自在，塊面少左０的０野保護咁，唔係咁舒服，不過的確係靚仔好多。之後沖完涼就番工，最後都係十點四十五分先出門口。今日又去左聖安娜買包，個商場一早就好多人，有０的擔心今日會爆場．．．．係愛飾到見到對耳環＄７ＸＸ，我唔相信個價錢，不過又真係我０個對，唔通我睇錯？！～？！？！

番到公司就播放琴晚燒０既至潮ｃｄ，而家周圍０的人都話俾人拉，攪到我都唔敢再用ｗｉｎｍｘ。頗鐘意楊千嬅隻新碟首小城大事，不過呢排至冧歌曲都係克勤０既吻別的位置～正～第二次聽已經俾佢０既旋律吸引住～～原來呢幾日０的生意少左係因為唔送餐飲，公司因為生意好左所以唔送餐飲，俾著我係老細一定唔會咁戇尻，不過算啦，少０的生意對我有利～今日我問雲姐我有咩唔同左，佢諗左好耐都諗唔到，最後佢問我係咪搽左粉係塊面～其實我只不過係剃左鬚０者～三點幾０既時候，因為冇晒ＷＤ４０，所以我就落左去石湖墟買，著住套０野咁行，俾我冇意中發現一間賣舊漫畫０既ＳＨＯＰ，但係未有時間去搜索。

落場食飯，０的女去左客家棧飲茶，我地冇去，係廚房整左０的雞扒出離食～跟住就去左痾屎，又睇中馬拉松好多０野，好想快０的買，傳說話聽日就出糧，不過我出支票，要等幾日．．．跟住拎左幾本非法賽車去痾屎，但係痾得一粒，今日我固然食少左０野，平時我會食到好飽好飽，個肚會漲到爆，所以個胃就係咁樣整到大左～痾完屎之後又訓左半個鐘，次次訓醒都好願起身，而家真係唔訓唔得，習慣左。

訓醒之後再度工作，一開波就刨牛肉，跟住到八點許開始旺場，但係一個鐘後已經開始冇料到。呢幾日我變左做一個燒碟機器，個個都叫我燒ＣＤ。放工之後佢地去左飲０野，但係我坤佢地約左人冇去，其實我冇約人，只不過係想自己靜０下，但係又覺得有０的悶，跟住就打番俾廖家寶，呢幾日佢打離都冇聽佢電話。然後係彩園行來行去，一路行一路講，最後因為好熱加上急尿番左屋企。番到屋企表弟著住佢口口聲聲話送俾佢老豆０既費高，佢又買左隻新鋼錶ＣＡＳＩＯ，好似幾靚，＄５ＸＸ然後問我去唔去睇波，事實上我唔去，我冇講大話，我只不過冇話俾佢知我部電腦可以睇到，跟住阿根又唔知點解會陪佢顛話去睇，仲有意欲落ＢＡＲ睇，不過最後佢地都搭小巴過左阿賢到睇波，我咁樣真係好似好衰格．．．但係冇左件大物係到，間屋０既空氣呼吸起來真係輕鬆好多

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

考之前又要倒數，考完又係要倒數，仲有５日．．．．

>>July 4, 2004 at 5:44:27 PM GMT+8