2004 年 7 月 25 日 星期日 【晴】

今日放假，琴晚差０的唔記得左訓教，係到睇棟篤神探。今朝起身，唔記得左發個咩夢。一早就俾人噪醒左，張佩珊要考試，要借我塊面來一用練習。於是放假都照樣要十點幾起身。俾佢用０的ｃｒｅａｍ整到成塊面到油冧冧，頂！！之後就係屋企繼續睇棟篤神探，有０的衝動想去剪蘿蔔歐個頭，但係我知道一定唔會有好結果，每次有新意念０既時候都仲係好有希望，但結果都係令人失望．．．．跟住叫左仙茶居食。終於睇晒五集，每次都話放假要做呢樣０個樣，但次次都係癩皮唔願出街，於是係屋企玩左陣，然後幫小白燒碟。原本想叫人踢波，但係唔齊人。之後叫左成熙ｓｅｎｄ個最新版ｗｉｎｎｉｎｇ過來，一等就等左三個鐘。

差唔多五點鐘，我好健康咁落左街跑步，然後死左去做ｓｉｔ－ｕｐ。對腳竟然放係欄杆到拉唔到，個頭掂唔到膝頭，之後慢慢拉番鬆，但係唔係一時三刻可以，係時候要操番ｆｉｔ０的。出完一身汗成個人都醒神晒，跟住番到屋企已經ｓｅｎｄ完。著完涼剃鬚剃到燥底，剃極都剃唔到，又多，用剃腳毛０個０的又攪到流血，真係好撚黑人憎。然後順便剃埋０的鼻毛。跟住就做左個ｍａｓｋ補一補。打左一陣隻ｗｉｎｎｉｎｇ冇咩ｍｏｏｄ。之後諗住燒棟篤神探俾ｒｅｇｉｎｅ，但係我發覺一集要用一隻碟０既時候就打消左呢個念頭．．．．．

跟住出左去拎兩條線去換保護貼，但係冇貨，要隔兩日先有。然後去左龍豐買髮泥，個收銀員找多左錢，＄４８我俾＄５０，佢找番＄１２，哈哈！跟住我走都走唔切～之後諗住買個喇叭．．．但係我發覺原來要插電．．．又要重新計劃過．．．跟住司徒立中終於出現，我先去廁所ｓｅｔ番個頭，然後去番我們的茶餐廳．．食完之後去左天平寸做引體上升，佢話做到十０下，但係最後一下都唔得，佢解釋話０岩０岩做完．．．不過我估唔到自己都做到七０下，考ｐｅ　ｃｅｒｔ０個年．．．我只係做到．．．一下半．．．．．．我已經符合投考警務人員０既資格！我要做莫探員，真係好鬼抵死，史高拔都好攪笑！～！～重案組走去查高買案，痴線！～！～！～！～嘩哈哈！！～！～！

十點幾盧耀翔同埋佢條女過左離，我地測試左籃芽最遠距離，超過我地想像，唔止十米．．．佢ｓｅｎｄ左隻麻雀ｇａｍｅ過離，應該贏左會有女剝衫，我決定要鑽研呢隻ｇａｍｅ！跟住上左去江師奶到飲水，叫佢幫手搵客俾我補習。番到屋企，沖完涼就上網。ｐｉｎｋｙ唔覆我ｓｍｓ．．．．．．．．頂．．．．．．．之後打ｗｉｎｎｉｎｇ，有少少唔同，不過難唔到我彩園村金童迪比阿騰，唔需要三場波就俾我玩弄於股掌之中，期特八月０既ｗｉｎｎｉｎｇ８的出現～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

即使下一分鐘你忘掉我的名字也不重要，我只在乎你記得這一分鐘。

>>July 26, 2004 at 6:41:11 PM GMT+8

2004 年 7 月 24 日 星期六 【晴】

琴晚又發夢．．．發左個半綺夢．．．係百人一朱廚房同條女攪０野，不過睇唔清楚條女係邊個．．．到底點解我會日日發夢，一定有０的問題．．．．今朝起身又遲左一個字．．．越離越癩皮，之後又痾屎，而家主要係起身痾。今日著左件蜘蛛俠ｔ－ｓｈｉｒｔ，雖然只係＄３９，但係幾鐘意，好彩冇蜘蛛俠個樣，唔係實好戇尻。番到公司，阿的唔識得用個籃芽，真係慘，買左部電話咁耐佢都未有得玩，我都差唔多玩厭左。係公司睇左本ｍｏｎｄａｙ，阿嬌做封面本來好開心，但係多左個房祖明，真係好好好好好好撚憎呢條友，好撚樣衰，個鼻十足十成龍，對眼又細，成撚日非禮阿嬌，最慘係０的人話佢有才華，真係痴撚線．．．．痴撚線嫁！

今日日間工作依然冇咩起身，我真係覺得好悶。直到落場食完飯又去痾多次，跟住又訓教。訓甦之後俾左琴晚ｄｏｗｎｌｏａｄ個阿嬌人睇，好一個美女，為左佢，我一死又何妨？！？！
呢幾日聽耿耿於懷，雖然ｏｕｔ左少少，但係對我離講係一首新歌，好鐘意其中一句歌詞。夜晚終於叫做好番少少。雖然番工可以有錢，但係我有少少厭倦左千篇一律０既工作。放左工之後原本話去唱ｋ，但係個個都放晒飛機，於是就同盧耀翔去左打冷。佢條女發脾氣，如果唔係有阿嬌，我諗我都唔知我自己原來仲係鐘意女仔，公司０的都以為我係基佬．．．食左一碟蠔餅、併盤、大眼雞、炒硯、一支啤酒、一碗飯同埋一碗粥，最後埋單＄２０８，我請！！豪呀！！

番到屋企，黑炭係門口歡迎我。家姐去左澳門，聽日放假，好開心咁係間房叫囂，睇棟篤神探～～聽日一定要去買髮泥，又心思思想染番個籃色ｈｉｇｈ　ｌｉｇｈｔ，反正又唔洗再見工，但係又就唔到０的時間，頂！！聽日要抽空去試０下條５０１　０岩唔０岩心水，如果０岩就買埋，咁就可以差唔多用晒０的錢喇～～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

難道是寂寞太耐？生銹的鎖不能開．．．

>>July 25, 2004 at 6:51:42 PM GMT+8

2004 年 7 月 23 日 星期五 【晴】

琴晚又發夢，剩係記得係火車站天橋食炸大腸唔俾錢．．．今朝起身又癩皮。琴晚冇熜電腦，通宵ｄｏｗｎｌｏａｄ棟篤神探，一起身就１００％，正！就快一星期，可以剃鬚，如果可以用激光永久脫毛脫晒０的鬚實在太好。出到去又係食包，其實以我住得咁近理應可以食好多０野，但係偏偏呢個就係致命傷，往往攪到屎都唔敢痾耐０的。

今日雖然係星期六，但係生意奇差，日頭我覺得時間過得真係好慢好辛苦好難捱，咩都做晒，夜晚０的０野都預埋，但係都係冇ｏｒｄｅｒ，原來冇０野做係咁慘。琴日燒左隻新碟，好多都係新歌，但係因為未出碟，攪到０的聲音奇差。鄭伊健條友唱左咁多年歌都係咁０既死人聲，都冇變過，好似讀書咁，我都好過佢啦。終於都等到落場，琴晚見到仔友著條ｌｅｖｉｓ好型，我諗我唔應該買９０２，５０１先係附合我心目中０既要求，放假走去再試０下先～食完飯之後就去左痾屎，呢排朝朝都痾屎，落場０的屎０既量就相對地少左，唔知點解而家生理時鐘冇啦啦變左，不過有得痾仲好過冇得痾。

夜晚又再工作，買左注六合彩發０下夢，但結果中得一個字，不過學識左點樣買外圍，原來佢地打番打陸買。今個夜晚係我入離做０野最平靜０既一個晚上，仲要係星期六０個到先恐怖，悶撚到我企起到發呆。隻手唔知點解又開始甩皮，又乾又痛又痕，呢排擔心緊一個問題，如果真係有大學收，做到廿一號會唔會遲過頭，又話有咩ｏ’ｃａｍｐ，如果廿一號前走又唔知會唔會冇錢，真係好煩惱，再加上點解冇大學叫我面試嫁．．．．．．如果入唔到真係好撚ｄｏｗｎ嫁．．．．

放左工之後落左馬會，好耐都冇投注，買左＄５０博０下，之後去左打機。ｒｅｇｉｎｅ今晚去左睇ｓａｍｍｉ，唔係佢講我都唔知ｓａｍｍｉ有開演唱會，ｓａｍｍｉ好似收左皮，點解仲開到演唱會。之後番到屋企，家姐執晒０野，原來聽日去澳門，好事呀，不過我聽晚都去唱ｋ，冇得霸間房．．．之後操練身體，用左一種方法做ｓｉｔ－ｕｐ，不過咁樣好傷條腰。跟住就睇棟篤神探～

跟住係天之嬌女download左個阿嬌小段片，三秒左右，係佢講完電話之後發出０既甜美笑容，嘩．．０個個笑容真係俾佢電親，個心真係甜到漏，痴線，點可以令到人咁著迷，個心真係軟晒，陰鬼公，真係此女子只應天上有、地下無～

>>July 24, 2004 at 5:38:31 PM GMT+8

2004 年 7 月 22 日 星期四 【晴】

琴晚又有發夢，夢見ｍｉｓｓ　ｓｏｏｎ，真係莫名其妙，我精神開始有問題。琴晚訓教聽左好多新歌，越離越鐘意ｔｗｉｎｓ隻新碟。今朝起身又好辛苦。最後著左件巴西ｔ－ｓｈｉｒｔ出發。舌頭好痛，０的味蕾好似損晒咁，可能琴日飲左０的熱湯滾傷左。番到公司又食包，連送菜條友都問我食到厭唔厭。轉眼間今日就星期五，話咁快又放假，真係開心。日頭又係
無無聊聊，今個星期幾滿意，做得幾舒服。

落場食完飯去左石湖墟陪家明拎番舊電，我順便再同個老闆講條線用唔到，佢叫我拎番去換０野，但係唔知換咩好。跟住去左後面五金舖掃貨。然後就番去痾屎訓教。部電話玩左幾日就開始冇玩到，唔知係咪玩厭左．．．．呢個教訓得唔錯，但係一起身就聽到好噪，係到講緊０的會考課文，０的侍應唔知點解係到討論以前０的課文，個感覺好特別。高妹俾左隻ｔｗｉｎｓ０既ｍｔｖ碟俾我不過係０岩０岩出道０個時個樣。

夜晚又係ｋｉｎｄ０下ｋｉｎｄ０下咁渡過，十點半又走得，跟住同盧耀翔、江敏婷去左搵鄧美英飲０野，拎番對賊妝ｎｉｋｅ。盧耀翔又買左部ｋ７００ｉ，開頭以為佢將我ｓｅｔ左做我的爸爸媽媽鈴聲，但係點不知佢真係ｓｅｔ左俾佢爸爸媽媽．．．．司徒立中今日又上左大陸唔知邊個結婚，自從放完旁之後佢就好似失左中咁．．．．．．．．．．．．．．．去到許留山飲又係飲粒粒芒爺雪蛤爽，跟住研究左陣部電話。然後去左天平村，沿路見到街招，有人尋犬，重酬，但係俾我地撕左，之後行到十字路口見到有人貼，呢隻拉布拉多犬據聞係貴０野，之後番屋企。今日阿叔又打離，原來佢地去左送臏，不過我連過身係邊個都唔識．．．但都希望佢安息。

番到屋企，廖家竇聽日就好絲綢之路，原本係我地去，點解個天咁唔公平，最衰０的人又識得，如果唔係就希望佢地墮機而死。之後ｄｏｗｎｌｏａｄ棟篤神探，聽人講話好似好攪笑咁。

>>July 23, 2004 at 6:09:23 PM GMT+8

2004 年 7 月 21 日 星期三 【晴】

今朝起身好眼訓，遲左五分鐘先出門口。個靜宜成日對手都唔識得彈琴，好似壞壞地。今日趕到差０的連飽都買唔到，好在都冇遲到。今朝先知道原來阿鋒做埋呢個月唔做，佢琴日贏左波所以辭工，做左成六、七年，中左就唔做，傳說話佢贏左０既錢下半生唔休．．．呢０的先叫做真正０既訓身，我真係自愧不如．．．朝早阿卿吹我交強積金將ｆｏｒｍ，最後我話做到八月廿一日唔做，未夠三個月唔洗填。唔知點解講左唔做之後，個腦就好似開左個倒數器咁，冇得番工就冇錢，咁就唔可以揮霍，一諗到咁又好似真係唔想，不過都係諗０下嫁０者，如果真係升讀，老西都讀埋去，另外搵定後路幫人補習，賺番些少外快～

今日提早左落場，又去左元朗拎貨，三條友一齊去。我發覺０的人成日吹水，又話自己個ｆｒｉｅｎｄ俾人拉左，因為ｄｌ　ｗｉｎｍｘ，但係永遠都係個ｆｒｉｅｎｄ個ｆｒｉｅｎｄ，根本就冇件咁０既事，家明個表弟打左去海關問，海關話根本就冇採取過行動，成熙同話有０的人吹水，有０的人就假冒，坦克車雖然成日亂撞，但係我絕對相信佢０既電腦知識，佢都話好難會捉到．．．之後阿叔都話好多係流０既，所以我已經唔撚再驚。回程時，小白打離話佢個ｆｒｉｅｎｄ離左幫我地買鞋，咁０岩我又行開左，好彩高妹肯幫我同盧耀翔出住錢，雖然冇半價，但係都平左＄１００，好過冇。之後盧耀翔過番錢落我戶口，而家仲有一千蚊多０的，暫時冇０野再想買，可以留番下個月。

夜晚又開工，０的阿姐成日都我神咁拜，叫我睇０下幅藏寶圖係咩號碼，又叫我解首藏寶詩．．．我真好無奈．．．但係估唔到佢地連六合彩都賭外圍，就咁買號碼，買中左有７倍，買中特別號碼有４０倍．．．你老味真係俾佢地中左個一號．．．．．．阿香仲中特別號碼，有千幾蚊收．．．我真係．．．佩服。夜晚生意平淡，高妹傻到打電話落星光搵表弟，連名都唔知就咁搵表弟，最戇尻０既係０的職員真係白痴到問邊個叫表弟．．．．痴線．．．．佢一號就要調番去沙田，仲早走過我。琴日細鋒講我知佢知道有人鐘意左我，估唔到佢都知，跟住我俾電話張相佢睇話係我條女，可能因為阿嬌個整到好ｑ，佢竟然唔認得，仲話幾正～～嘩哈哈！！

夜晚好早就攪掂晒０的０野，換衫時又俾人撕暴．．．之後去左３２３打左陣機，然後就番屋企。番到屋企煎左個餃子食，明明係公司煎得好靚，番到屋企整到成舊炭咁，好明顯係隻鑊０既問題，仆街。之後又操０下隻手臂，唔知係咪睇慣左，覺得越離越唔夠大，個肚又始終都係冇咩改善，真係要諗諗辦法，不過呢排又真係懶左冇咩做ｓｉｔ－ｕｐ。之後沖完涼就上網ｄｌ左新歌，然後燒落ｃｄ拎番去聽，跟住試０下對鞋同埋０的衫。沖涼時發現左個頭生左粒０野，按落去有０的痛，唔知係咪生左個瘤．．．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

我是雨，可以降落在每個人身上，但只有在人們沒有雨傘之時，他們才會感受到我。

>>July 22, 2004 at 6:33:10 PM GMT+8

2004 年 7 月 20 日 星期二 【晴】

琴晚又發夢，夢見同阿ｍａｙ番鄉下．．．但係我好似冇鄉下．．．今朝起身個人就好累，唔知點解，可能係琴晚唔記得左訓教，攪到好夜，好似好冇精力咁。於是就照樣番工，出到街有０的雨。係屋企拎左個蛋糕番去食，原來琴晚唔記得關水喉．．．之後就開工。阿鋒今日又過左來，日頭生意好平淡，不過都有好多０野要做，因為要預番０的材料。

食完飯之後就好快手咁執好晒０野然後去痾屎，跟住就訓教，訓到中途有個電話打離，一把女仔聲講左句唔知咩就收左線，當時繼續訓，訓醒之後先追查邊個打離，打番去有把女聲，跟住我問佢係咪打過離，佢話呢個係街０既電話，佢咁０岩想打電話，於是我就問佢係邊到，佢話小西彎．．．個電話號碼又真係港島區．．．莫名其妙．．．

夜晚又再到工作，去到八點幾突然旺場，不過都勉勉強強頂住，但係真係全身軟晒，又唔係病０個隻軟，係精力耗盡．．．夜晚原來阿龍玩０野攪快左一個鐘頭，攪到我迷失左係時間之中。

放工之後就死番屋企，今晚要早０的休息，但係甦起原來辭工要一個月前通知，唔覺唔覺已經七月尾．．．我諗八月中就唔做嫁喇，看來聽日要講辭職了，時間過得真係快．．

>>July 21, 2004 at 4:34:23 PM GMT+8

2004 年 7 月 19 日 星期一 【晴】

琴晚講完電話成四點先訓，訓到個肚攪攪地，好唔舒服。今朝起身早左五分鐘，跟住沖完涼再出發。今日成功去左大快活買早餐，番到公司打ｃａｒｄ０岩０岩好十一點正，勁！！不過剩係食左塊吉列石班，碗通粉留番去。今日廚房得三條友，不過好彩冇咩０野做，冇驚冇險又食飯。食食０下飯盧耀翔離左，佢仲未有糧出，而家個個都叫佢做表弟。於是我就換左衫同佢出左去。我地去左新都間ｐａｓｓｗｏｒｄ買０野，總共買左差唔多＄７００，我用ｅｐｓ俾錢，上個月份糧仲剩左＄２０００，唯有胡亂揮霍。個ｓａｌｅｓ一見到我就話我好似唐文龍．．但係佢把聲都幾似滕麗明。跟住我用電話幫個ｓａｌｅｓ影左張相。之後走左去水晶舖睇０下阿姍，然後又走左去ｂｏｓｓｉｎｉ搵美英，屈左佢送兩件蜘蛛俠衫，佢話十點買十五分接佢放工拎。

然後又再度工作，不過今日好唔同，由於推出左好多款新小食，阿龍又放假，我地係到破壞，將０的新０野全部整離試，好似開ｐａｒｔｙ咁，食到好飽，個天好似幫我地咁，一路到七點幾都冇客離，我終於個炸芝士角同埋炸豬尾，唔錯唔錯～之後又冇驚冇險咁渡過，飽到連飯都冇食。佢地原本想放工後去唱ｋ，但係我唔想去，結果就俾人話冇賓州．．．因為我次次都唔去，攪到係咁俾人煩．．．唔知點解唔想去，但係我又鐘意唱ｋ，可能係聽日唔住放假，怕累。

洗緊０野０既時候，有人話表弟同表妹一齊離左，我又諗緊邊個係表妹，原來係小英。佢真係拎左兩件衫來，我地原意係以為佢可以免費拎，但係點不知佢係買，雖然幾廿蚊，但係都唔係咁好意思，所以就請番佢佢仙跡岩飲０野。係上水廣場間０野又見到小白佢地，小白終於都做到０野，幫我地買鞋，雖然只係平得＄９０，但係都好過冇啦，咁樣又可以用多＄４００～下個月出糧要慳番０的，因為要留番第時用，如果好彩入到大學，就唔可以再咁豪嫁喇，因為冇左收入．．．．唉．．．．．

番到屋企，盧耀翔ｓｅｎｄ左個可以將０的ｍｐ３整細ｍｂ數０既程式過來，令我部電話又可以裝多一倍０既歌曲，不過舊電都係．．．但係得到消息，第二批貨會有改善，到時就可以買過舊電～～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

世上所有動物都是平等，但有些動物比其他動物更加平等。　　－－－－－－－動物農莊

>>July 20, 2004 at 5:55:11 PM GMT+8

2004 年 7 月 18 日 星期日 【乍寒還暖】

琴晚盧耀翔ｓｅｎｄ左套喊片來，係３ｇｐ格式，可以放落電話，係電話睇都ｏｋ清楚。今日放假，但係十點鐘都甦一甦，唔知點解咁樣醒又好似冇咁辛苦。之後十一點半先起身，然後就叫左仙茶居外賣，出面落緊大雨，但係都照送。一起身痾左好大篤屎，跟住食完飯之後個肚就唔係咁舒服。係咁痾０的屎水，食左幾粒正露丸都冇咩幫助，肯定係０的０野食唔乾淨。之後係屋企玩電腦，用個程式整走晒ｍｐ３０的人聲然後自己唱，再用電話錄低，先發覺原來自己唱歌係咁難聽．．．

之後就係電話到睇左套喊片，我其實只係想睇０下清唔清楚。電視機今日又開得番，真係唔明。原本諗住出旺角，但係又唔係咁舒服，加上又落雨，所以留係屋企。阿ｍａｙ一點左右番左離，迫我同黑炭沖涼，於是就開盤水同佢沖，佢就係咁係到吠，好慘咁，又想掙扎，最後吹左一陣未乾透俾佢走左，佢自己躲藏起來用舌頭係咁整０的毛。跟住阿ｍａｙ就番工，得番我一個，打左陣機之後就出左去買０野。首先去左萬靈買洗面膏，之後就去龍豐買髮泥，但係冇貨，然後幫阿的買左籃芽。係明都見到以前係心誠打過條０靚仔，行路好撚臭串，激撚到我呀！真係想打多佢一鑊，但係又唔敢，一來係商場，二來又驚佢報警拉我．．．．．有０的驚，我唔可以變得咁怯懦．．．．下次俾我見到佢唔打佢都屌尻佢，撩佢隻揪！

之後行左去新都，去左阿姍間舖頭，見到佢著住制服好攪笑。然後走左去ｂｏｓｓｉｎｉ搵英英，但係見佢唔到。跟住想去周生生女郎到問佢拎電話，因為佢太串，睇死我唔敢，但係我真係唔敢．．．．仆街．．入到去唔俾咪好撚淤．．．．．．．．之後係上水廣場痾屎，係爛屎，個肚係咁痾０的屎水，一定係仙茶居０的０野唔撚乾淨，再唔係俾０的雨整濕左再俾我食，仆街！！然後撞見ｌｉｎｇｌｉｎｇ，去左大快活食個ｔｅａ。佢係港大讀左一年中醫，跟住幫我把脈，我話我腎窺，佢話唔係，個肺反而虛０的，呢排又真係差左，行上幾步都喘氣，我明明係長跑高手來麻！！跟住佢俾左一張醫陽萎０既藥方我睇，但係我諗唔係咁０岩我用，因為我太強，俾盧耀翔好０的。

然後又行番去彩園活力買左對鞋今晚踢波。番到屋企都仲係好唔舒服，訓教又訓唔到，成身軟軟地又冇力，喉嚨又冇啦啦痛痛地，好似有０的０野卡住左咁。跟住係電腦到張佩珊ｓｅｎｄ左個迷你論壇過來，個ｔｏｐｉｃ係天之嬌女～～超級正，入面有好多阿嬌０的相，又新又清又靚，有一張真係可愛到爆，我ｄｌ左落手機做ｗａｌｌｐａｐｅｒ。之後等到九點鐘去踢波，但係紅場又俾人ｂｏｏｋ左，真係屌佢老味，去到石場又ｂｏｏｋ撚埋，最後過左聯和墟。體能真係差左好多，不過遲０的應該會強番０的嫁喇。之後番屋企，陪佢地慢慢行，突然之間落大雨，被迫困係學校隔離個油站出面棵大樹避雨，五個大漢成身臭汗咁係街燈之下避雨，落住大雨，如果同條女一定會好浪漫～

番到屋企，即刻沖個熱水涼，跟住就食飯，然後睇左一陣傑志ｖｓ紐卡素精華。踢完波成個人又好似冇晒事ｌｕ～ 近來成日探討緊浪子、過客、浪人、浪客、遊俠到底有咩分別，於是就逐一搵注析。搵到一個討論板講浪子，唔同人有唔同說法，我亦有我０既見解。最後俾我解釋到浪子同過客，但最後我突然間醒一醒，點解我真係會咁撚無聊去諗０的咁０既０野．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

浪子－－內心充滿憂愁，彷彿事事不如意，總是給人一種難以捉摸的感覺，他們不會讓人知道自己想甚麼，因為他們連自己都不知自己在想甚麼。他們多愁善感，喜歡單獨，有一份寂寞，所以從來不會聽到有一大班浪子，而浪子只會是一個人。他們無根，因此經常有人用「無腳的雀仔」等名詞來形容浪子。外表上來說，很多時都會是長頭髮，因為長髮、鬚根，總是給人愴桑的感覺。

過客－－過客其實跟普通人一樣，大家經常都將過客和浪子混為一談，其實是錯誤的。過客只是每個人生命中的一些有影響力的人物，但不長久，而影響力是絕對重要的，因為有影響力，才會令人刻骨銘心，但偏偏卻衝衝而去，留下百般懸念。他們與浪子最大的分別就是沒有特定的性格。換句話說，浪子可以是一個過客，但過客卻未必是一個浪子。

>>July 19, 2004 at 6:08:29 PM GMT+8

2004 年 7 月 17 日 星期六 【晴】

琴晚發左個綺夢，好彩我定力夠，冇出到事。不過今朝起身按熄左個電話再訓過，
攪到搭半先起身，跟住又冇沖涼洗頭，著住件黑色底衫加波褲踢拖就咁出街，又做
番ｂｅｇｇｅｒ。０的鬚又好耐冇剃，攪到好長。去到上水廣場，大快活好撚多人
，又唔甘心去買包，於是走左去肯德基，順便搵０下傳說中０既翻板洩愷琪，不過
好可惜，係全間舖我都唔覺有邊個睇得上眼，最後都要食包，不過口味新鮮好多～

番到公司，將我琴晚ｃｕｔ到ｍｐ３０既事同大家分享，阿的又叫我幫佢買個籃芽。
今日又再到展開工作，不知不覺聽日又放假，仲有兩個星期又出糧，時間過得真係快。
日頭又係做埋０的相同０既０野，生意都係萬幾蚊咁上下，辛苦又講唔上，不過都有０的
厭倦。

終於等到四點鐘落場，我又控制自己食左幾啖飯，跟住就去左痾屎。自從著左精英賽
０個條長運動褲番工舒服左好多，０的質地簿０的，加上扇水，濕左都冇咁辛苦。痾屎都痾得
舒暢０的。痾完屎之後就爭取時間去訓教。

訓醒之後又工作，不過覺得有０的肚餓．．．．真係講都冇咁０岩，阿龍出錢請晒我地
食豬柳蛋漢堡，延續我短暫０既生命。夜晚食飯時，我又故意食少少，飲左兩碗面豉湯，
跟住又俾人剝左條褲，仲放左兩粒小冰落屎忽，凍到仆街，呢個仇一定要報！放左工之後，
阿的同阿ｌｉｎｇ有０的０野，應該係拍拖，兩條友去左食宵夜，肯定唔簡單。之後係百
佳等孖歡拎肯德基多啦ａ夢大合奏俾我，要＄１９５，之後番到屋企，每個公仔要３粒筆心
電，總共五隻，但係都俾我搵到，跟住一開大合奏，真係好得意，又夠大個，＄１９５
都算抵０既。黑炭睇睇攻擊胖虎，俾我拍鬼佢個頭，之後放左係電視機頂，好鬼靚。屋企０的
影音設備好撚煩，之前電腦有事，而家到電視有事，開唔撚到，攪到全屋靜到死，係到睇住我攪
０個５個公仔，本來諗住打機，點撚知電視都開唔撚到，正一仆街！！

>>July 18, 2004 at 5:13:06 PM GMT+8

2004 年 7 月 16 日 星期五 【晴】

琴晚成三點先訓，呢幾日都係咁，而家越離越夜訓。今朝起身，家姐係屋企，我諗佢都就離放暑假。跟住沖涼前痾左０的屎，可能係因為訓教前食得太多０野。今日冇ＳＥＴ頭就出街，傳說話０的電話螢幕保護貼要幾廿蚊一塊，於是好唔甘心，去左文具店買左一大塊透明膠貼，＄３一呎，同０個０的嘜撚０野保護貼一尻樣，如果係街邊擺檔肯定賺到笑。

行到去石湖墟天橋，見到有條粉腸著住件好熟口面０既衫，好似係上次我係買拉松幫人買０個件，睇清楚０的的確係盧耀翔，佢隔離有條女，不過唔係江敏婷，我觀察左一會兒，發覺有０的異樣，於是就打電話俾佢，但係結果令我驚訝，佢竟然唔聽電話，於是我就大叫他的名字。當時未夠十一點，佢番十二點，一個唔應該出現０既時間同一個唔應該一齊行０既人，種種疑問都令我摸不著頭腦。最後佢話係同事，我又趕時間，俾番個籃芽佢後就一個箭步就超越佢地。佢地大快活，佢老母幾撚多人都有，最後又死死氣咁佢買包食，唉．．．我會死嫁再咁落去，聽日又星期日，唔洗指意買到啦又．．．．

番到去公司，終於見番阿的，呢幾日打親俾佢都唔通，原來馬鞍山ＣＨＥＡＰ到電話都收唔到，佢同我一樣都係用唔到部電話，最後真係條線唔掂，都係因為我地貪平買左０的唔係原裝０既ＣＡＢＬＥ線，不過問題已經解決，因為我決定左用籃芽，之後ＳＥＮＤ左０的歌俾佢用住先。部電話其實真係幾食電，呢個係我唔係咁滿意０既地方。今日阿龍轉左做後欄拍我，家明就企爐頭，呢個調動令我好驚，因為阿龍０的手腳實在太快，攪到我都快埋，不過亦都因為咁，我０既工作能力先可以得到大大改善。今日雖然係星期六，日頭都有一定生意，雖然同琴日差唔多，不過多番一個人都唔同講法，比起琴日今日冇咁辛苦，不過都要做到四點先落場。食飯時我故意裝少０的飯，因為我覺得實在有咁０既必要。之後同盧耀翔去左睇電話，佢又想買Ｋ７００Ｉ，又想買６２３０，跟住去左龍豐買籃芽，用左手＄１２９，番到公司又俾番件衫錢，又用左＄８０。孖歉幫我拎左肯德基套叮噹，又要俾＄１５０，咁又用左成三百幾蚊真係去得快０的錢．．．不過算啦，下個月應該冇咁多０野買嫁喇。高妹俾左兩張ＴＷＩＮＳ我，個ＬＯＣＫＥＲ又多左兩張大阿嬌，就離貼滿成個ＬＯＣＫＥＲ喇～～

夜晚又再度展開工作，不過生意麻麻，但係好開心，成日係到發顛，好似係學校咁，有好多０既歡樂，不過天下無不散之延席．．．夜晚整左幾個金姑牛肉卷，唔忙０既時候整就冇所謂，呢個ＯＲＤＥＲ煩撚到仆街，不過又幾有成功感。食飯時又食少少飯，目標係令自己覺得唔餓就算。今日好早就收到檔，十點半走人出左廚房見到盧耀翔坐左係到，之後去左食見面。佢話今日俾人罰早番一個鐘，所以先見到佢，同埋個女仔係新都做，咁０既撞見．．．喎．．．．跟住去左１８樓後座飲左一支酒，然後就番屋企。沖完涼之後就裝籃芽，好成功，跟住得阿燕提供資料又可以ＣＵＴ短０的ＭＰ３歌做鈴聲，唔洗成首播咁悶～之後盧耀翔ＳＥＮＤ左條女個ＩＣＱ離，傾左一陣，原來得十六歲，０岩０岩今日第一日番工。

個日記板依然仆緊街，好似話係定期維護，以前都試過咁，好似要一星期。

>>July 18, 2004 at 4:38:16 PM GMT+8