2004 年 8 月 5 日 星期四 【晴】

琴晚訓到半訓唔著，個肚好唔舒服，跟住就去左痾屎，但係又痾唔出，成晚都訓得唔好。今朝九點四十五分就起左身，原本話九點鐘冇水，不過次次都係吹水，今次都唔例外。由於今日早左起身，可以好輕鬆咁沖涼洗頭，仲可以買埋大快活食，不過今日個肚都仲係好唔舒服。

番到公司０的人都講我個頭，我都覺得唔係幾好，好似太過誇張，得閒再攪０下佢先。兩日冇番到工，有０的唔習慣，不過可能休息左兩日，狀態都幾好。日頭都好多０野做，不過都係一段小時間而已。不過今日個頭都成日係到攪動。落場時去左電話舖拎番個保護貼，跟住就去左買貓沙，出左糧，聽日四點半後先有錢。

跟住番公司訓教。訓醒之後再做０野，夜晚淡過日頭，冇咩０野做，不過由於冇番兩日，有好多０野都要自己預番，所以都幾多０野做，肥文打離話入左離食０野，但係當時咁０岩唔得閒，有幾張單，所以唔可以加料俾佢，只怪佢時機唔０岩。係一個晚上我激嬲左兩個女仔．．．．阿ｌｉｎｇ俾我地串佢同阿的有０野，跟住阿龍條仆街冇啦啦讚佢靚左，我當時食緊飯，第一時間噴左０的飯出離．．．於是佢就喊．．．我都幾賤格．．．．跟住夜晚行番屋企時．．．．高妹ｓｅｎｄ　ｓｍｓ來叫我唔該佢幫我入票．．．．於是我就ｓｅｎｄ番唔撚該俾佢．．．．．．於是又．．．．．．．．．唉．．．．．．．忽然間我覺得自己變左做賤精先生．．．．．．．放工之後ｒｅｇｉｎｅ打離，答應左聽晚請佢食０野．．．．

番到屋企之後夜低０的貓沙再出去食０野，原本諗住去扒王，不過關左，之後去左我們的茶餐廳．．．番到屋企小操左一陣，跟住沖完涼就睇棟篤神探，好耐都冇試過追電視劇集，睇到兩點幾先訓。

>>August 6, 2004 at 6:48:09 PM GMT+8

2004 年 8 月 4 日 星期三 【晴】

今日又係放假，十二點左右起左身，由於用電話０既行事曆功能，提醒左我做好多０野。首先燒左隻ｗｉｎｄｏｗｓ　ｘｐ俾阿叔。未起身已經覺得個肚要解放，一起身好似瀑布咁離，我懷疑係因為放假食０野時間唔同左，所以０的腸胃適應唔到，導致次次放假都肚仔唔舒服。之後落左去好耐冇去過０既馬王食０野，食完之後痾爛屎．．．跟住番屋企沖涼洗頭，然後就準備試去一次長沙灣政府合署要幾耐。諗出門口行事曆又提我要溫書，於是我就拎埋本筆試選擇題出去溫。

我行到去彩園村百佳開始計時，我冇刻意加快腳步，行到火車站，高妹話出左糧，叫我番去簽名然後順手幫我入埋數，基於我計緊時，又唔等錢洗，最後冇去，不過佢都好好人咁過左一千蚊俾我用～上到火車冇位錯，有少少頭暈，因為個肚攪攪地，跟住開始溫書。開頭０的路牌都ｏｋ易，但係之後０的文字題好撚仆街，紅燈之後係咩燈？唔係黃燈，係紅黃燈．．．．．跟住又有好多真係要背０既題目．．．唉．．．．．一路去到長沙彎地鐵站，問售票員點去，個個都話深水步落車快０的。一出地鐵站．．．．ｏｈ．．．．一片荒蕪．．．我覺得自己唔係置身香港．．．．真係好荒蕪．．．．．跟住行錯方向，最後問巴士佬成功去到。迷左路都只係用左一小時零三分鐘，咁星期一應該冇問題。跟住我行番去深水步地鐵站，真係快０的。

之後我就行旺角，首先去番ｓｏｎｙ　ｅｒｉｃｓｓｏｎ客戶服務中心，今日冇咁多人，不過都要等七十幾個。之後就行街，原來一個人去街係好爽，鐘意睇咩就睇咩，行左去旺中搵阿糖諗住買個袋，點知住部都係女人袋．．之後去女人街，我由街頭行到街尾，見到好多得意０野。睇中左個袋，不過佢話要＄７８，跟住同佢講＄５０，但係佢唔係，最後走０既時候話＄６５，我都照走，因為我相信之後一定會有，但係行到街尾先搵到，跟住又話＄７８，我話頭先０個間都＄６５，最後都用左＄６５。跟住見到好潮０既車ｔｉｅ鐘，＄３９，真係好型，不過冇買。跟住又買左件背心。

四點幾廖家寶補完課出離俾手信我，然後去左新世界睇導盲貓黑炭。係等０既途中我入左去試ｌｅｖｉｓ，今次選左條９０７，好睇左好多，不過３１腰都好似唔夠癩，所以都冇買，但係又心思思。之後買左個豬柳蛋漢堡入戲院。套戲前半部都幾好笑，因為小Ｑ好得意，雖然成套戲０既劇惰正路到不得了，所有情節都係預左，但係．．．但係．．．但係．．．．一向感性加上充滿愛心０既我，０的眼淚係個眼袋到浮遊，但係作為一個鐵漢，呢０的事又點可以發生，強忍之後個喉嚨好似頂住頂住咁，坐隔離０個條女喊到好似死老豆咁，又鼻涕又紙巾，痴撚線。最後小Ｑ瓜左，真係好慘．．．．見到廖家寶用手摔眼，肯定有喊！

睇完戲就番上水，因為要踢波。我０既手信有一隻駱駝、一頂藏族綠帽、一樽沙漠沙連火山石同埋一個蠻族用０既皮水壺，佢地連烏魯木齊都去埋．．．我諗唯有去靖哥哥０既蒙古先至型得過佢地。番到屋企換完衫又出去，去到已經係遲左半個鐘．．．但係我見到０既情景不禁令我驚訝．．．個場竟然得０的小朋友係到玩皮球．．．．．．．．阿ＢＩ哥哥０既號召力好似有０的問題．．．最後等到九點幾先叫做湊夠人踢，但係對方０既實力實在有段距離．．．冇咩意思。之後同盧耀去左食面，然後番屋企。

番到屋企，燒左隻ＷＩＮＮＩＮＧ　８，跟住沖涼，然後玩左一陣。星期六中國對日本，民智未開０既中國球迷好戇尻咁情緒高漲．．．踢波又關釣魚台事．．．又話要報世界大戰之仇，係咪傻嫁．．．．．．．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

有一天魔王抓走公主，公主一直叫。
魔王 ：「你儘管叫破喉嚨吧...沒有人會來救你的....」
公主 ：「破喉嚨..破喉嚨..」
沒有人：「公主..我來救你了...」
魔王 ：「說曹操曹操就到...」
曹操 ：「魔王..你叫我幹嘛..」
魔王 ：「哇勒..看到鬼」
鬼 ：「被發現了，你看的到我喔.？」
魔王 ：「Oh,My God!」
上帝 ：「誰叫我?」
誰 ：「沒有人叫你阿...」
沒有人：「我哪有？裝肖ㄟ。」
肖ㄟ ：「誰在裝我？」
誰 ：「又說我？你們找麻煩啊？」
麻煩 ：「哪一個找我？」
哪一個：「找你？我才沒有……咦，這兒有好多人。」
好多人：「我才剛到耶… …你是誰？」
哪一個：「我才不是誰。」
誰 ：「他才不是我。」
公主 ：「大家都是來救我的嗎？」
大家都：「我不是來救你的，是來看熱鬧的。」
熱鬧 ：「我有什麼好看的？」
上帝 ：「不關我的事，先走了。」
魔王 ：「你回答一個問題再走，為什麼這麼多人救公主？我這個魔王怎麼演下去？」
下去 ：「你好好的魔王不幹，演我做什麼？」
公主 ：「魔王若是沒有人演，我就可以走了。」
沒有人：「若是我演魔王，怎麼會讓你走……」
怎麼會：「我才不讓公主走，我要看熱鬧。」
熱鬧 ：「看我幹什麼？」
什麼 ：「你居然要『那個』我？」

．．．．．．．．．．．．．．．．．哈．．．．．．．．．．．．．哈．．．．．．．．．

>>August 5, 2004 at 5:33:09 PM GMT+8

2004 年 8 月 3 日 星期二 【晴】

今日放假，起左身之後去左江敏婷屋企染髮。好耐都冇踩單車，仲拎埋部ｐｓ２諗住去玩，點不知去到佢屋企插唔到。跟住染左個頭，有０的唔習慣。之後又番番屋企睇棟篤神探，然後就換衫出左去睇高達展。

首先搭火車去旺角ｓｏｎｙ　ｅｒｉｃｓｓｏｎ客戶服務中心ｕｐｄａｔｅ部電話，人地叫柏裕中心，有個低能仔周街問人柏業中心係邊。上到去你老味要輪籌，幾撚多人都有，跟住問左條服務員ｕｐｄａｔｅ左有咩好，跟住問佢會唔會冇咁食電，佢好尷尬咁話會．．．．．．．
之後就搭地鐵去左荃灣睇高達．．．．去到會場規模比我想像中少．．．雖然宣傳講話有咩太空駕駛倉，又咩實戰基地．．．但係好似有０的取巧，不過點都有幾部高過我０既高達係到，影左幾張相。跟住就去左食肯德基，０的雞好明顯係番炸，個薄餅又係凍．．．．好唔掂。買左條好潮０既電話繩掛住部電話。跟住係愉景新城影左０的張。之後行左去第二個商場，行到去元祿，有張好大０既ｔｗｉｎｓ，仲大過新都０個間０個張，我地就走左埋影相，全日最正都係呢張。跟住就搭巴士番上水。

番到屋企俾阿媽鬧我染髮，跟住話我番學唔俾染髮．．．都廢事理佢。跟住照０下鏡，又好似怪怪地咁．．．沖完涼之後就去左睇棟篤神探．．．好鬼鐘意見到子華著住對白飯魚去做ｇｙｍ，好鬼攪笑～跟住係唔容許早訓０既情況底下去左打ｗｉｎｎｉｎｇ，差唔多四點先訓。

>>August 5, 2004 at 5:22:41 AM GMT+8

2004 年 8 月 2 日 星期一 【晴】

今朝早左五分鐘起身，因為我有一個特別任務要做，就係要剃左０的鬚，我已經接受唔到。今日我用左刀片加剃鬚膏，不過好求其咁剃左，下巴０個０的位好難剃。本應可以輕輕鬆鬆咁出門口，但係由於越多時間個人就越懶，坐係個馬桶到發呆恰眼訓，跟住出左門口等到有ｌｉｐ離先醒起唔記得拎碟，於是又番屋企拎。

番到公司差唔多遲到，但係竟然未開門，原來今日阿招放假，阿龍永遠都遲，攪到我最後遲左一分鐘．．．今日廚房得三條友，但係日頭就唔知點解有０的料到．．．都幾旺場。落場食完飯去左剪頭髮，叫肥屏攪０的創新得離有保留０既頭，結果有少少唔同，但係又講唔出。聽日去江敏婷屋企染ｈｉｇｈ　ｌｉｇｈｔ。剪完之後佢打番離話頭先係隔離染髮條女識得我，我都覺得奇怪點解ｒｅｇｉｎｅ會ｓｅｎｄ個ｍｅｓａｓａｇｅ問我係咪剪緊頭髮嫁喇，應該０個個係佢甲寅０的同學。原本諗住去買翻版ｗｉｎｎｉｎｇ８，但係唔夠時間，之後行過新都拎埋張ｐａｓｓｗｏｒｄ　ｖｉｐ　ｃａｒｄ，另外０個條女都幾好，不過唔知點解好似痴痴呆呆咁。

跟住雖然差唔多五點，但係我都照去痾屎，所謂飯可以唔食，屎唔可以唔痾。但係由於過左時限，所以痾得唔係咁多。夜晚好過日頭，冇咩生意，但係炸０的天婦羅蝦唔知點解炸到彎晒，好鬼肉酸。聽日終於可以放假，但係原料仲有幾日考筆試，所以我真係要溫溫。

放左工去左天平村聚集，好耐未試過咁多人。有一個０靚仔自己係到踢波，跟住司徒立中們叫埋佢２對２，但係佢同盧耀翔兩個仆街好撚茅，整到人地跌左落地又唔道歉。司徒立中剪左個頭．．．冇左一大半的水．．．後面又好短．．好薯嘜．．．跟住敏宏同廖ｍｉｎｇ離左。坐左一陣走左去牛丸大王食個沙爹肥牛撈面，好撚奇怪，同我想像中唔同，跟住問個老細又係到九唔撚搭八，食完之後飲左兩杯就番屋企。

>>August 4, 2004 at 4:39:26 AM GMT+8

2004 年 8 月 1 日 星期日 【晴】

琴晚又發左個夢，係一個唔開心０既夢，不過已經唔記得，剩係記得係同屋企人鬧交。今朝起身冇屎痾，原來夜晚冇咩食到０野第二朝就唔會痾屎．．．今朝起身又係好衝忙，又冇時間燙衫，鬚根已經成個禮拜冇剃，雖然今日係星期一，但係要等到星期三先放假，即係留左成八日鬚．．．我自己都唔敢正視人地．．．真係好樣衰．．．出門口時又拎左盒朱奶，剩番一盒咋！今日食左個火腿蛋包．．．．包包包．．．

次次行到一朱門口都見到０的撚樣係到望廚窗０的假食物，跟住我就好故意咁拉閘俾佢地睇，話俾佢地知我就係小師父～番到去食完包坐左一陣又開工，今日阿龍放假，又可以食食物。換過衫之後又展開工作。今日個個行過都開我個雪櫃拎０野出離炸自己食，我當然食得不比佢地少，０的南瓜芝士球同埋德國肉腸最好食，又方便。日頭回復番正常，唔太旺又唔太靜，咁樣就最舒服。不過由於琴日打完仗，好多０野都冇晒，要預番０的０野。差唔多落場，有條女打離話係健身中心，講左一大堆我半明半唔艮０既說話，最後約左星期四去旺角間０野到傾０野，睬佢都有味啦。落場時，阿的拎左我收藏起來，平時刨剩０既叉燒碎炒蛋食，好好味。食完之後就去痾屎，好彩痾得出，如果唔係今日一定會好唔開心。今日著左一條唔係咁舒服０既底褲，大約兩年前係百佳偷，可能我大左，所以覺得好窄，好緊。痾完屎之後我冇著衫好瀟洒咁行番去，第一次唔著衫係商場到行。

訓甦教之後又要開工。夜晚又係咁上下，冇咩危機，不過都係照樣食食物。夜晚受到委託，要幫小白燒碟，又要燒個ｃｕｔ　ｍｐ３機０既程式俾阿的。夜晚冇咩０野做，係到通渠，臭撚到仆街，跟住渣檸檬汁，只要將雙手放落０的汁到，就可以立刻知道自己有冇受傷，你老味，０的傷口一掂到０的汁痛撚到飛天！夜晚又係冇食到飯，因為實在食不下。

放互番屋企，打１３３俾廖家寶，跟住按住個鼻出聲，條仆街好臭串咁話沖緊涼。番到屋企就即係上網ｄｌ棟篤神探。跟住條仆街打番離，ｓｅｎｄ左好多絲綢之路０既相過離，真係好靚．．．０的風景．．．明明係我地去．．點解？？．．．點解個天咁唔公平！！之後沖涼，兩隻手都多左好多紅色０野，痕痕地，應該係吻感，不過算啦，過多十幾日就唔會再有呢個問題．．．之後我燒左一隻碟，我可以大膽講句，呢一隻會係本星期最潮大碟。

最有一個禮拜就考筆試．．．咩都未睇過．．．唔會奶０野掛．．．．

>>August 2, 2004 at 6:10:41 PM GMT+8

2004 年 7 月 31 日 星期六 【晴】

琴晚又發夢，不過已經唔記得係咩夢，總之就係有發夢。今朝起身又係好辛苦，起身一刻總係好似冇訓過咁，我唔想再發夢，可能因為夜訓０既關係。起左身之後痾屎沖涼，琴日朝早０個條香蕉形屎真係好長，今日都好大收穫，雖然外型不討好。接著出門口，每日都係重覆０既動作，我開始諗，如果他日出離做０野，每天都係過住一樣０既生活，一定好苦悶．．．．今日又拎左朱古力奶出去飲。由於琴日冇叉電，部機得番好少電。之後番到釵司又展開工作。

今日係星期日，估唔到冇啦啦又咁多人離食０野，一反之前０既平靜日子，日頭都叫做幾旺場，執埋０野攪到四點幾先食飯。呢排成日將０的食物整跌落地，不過其實食左都唔會有咩事０既。落場食完飯就走去痾屎，唔知點解一日會痾兩次屎，０的屎唔知係邊到來。痾完屎之後又好自然咁覺得眼訓，於是又訓教，但係俾部電話噪親，佢終於都冇電。

訓醒之後又開工，夜晚真真正正咁離料，做到九點幾先靜番０的，真係好撚仆街，完全估佢唔到，全日有成三萬八千幾蚊，身心都好疲乏，真係慘．．．飯都冇胃口食就收檔，不過我當然唔會咁蝕卓，我係後面已經偷食左０野。收工之後就即刻番屋企，今日真係有０的累，番到屋企沖完涼，跟住餵黑炭，不過冇晒罐頭，佢唯有食齋餅．．．．

近排有幾套戲都好有興趣，第一咁就緊係千機變二，跟住仲有之前提過０既智能叛變同埋充滿愛０既導盲犬小黑，不過我諗剩係會睇到第一套。

>>August 1, 2004 at 4:43:40 PM GMT+8

2004 年 7 月 30 日 星期五 【晴】

琴晚放教發夢，夢見同班同學去左沙灘．．．又唔係好記得清楚，剩係記得肥偉迷路，又唔知點樣拎左條魚番離，好不知所謂。今朝十點廿十分起床，一起身見到姐姐和媽媽準備出街。我就照舊沖涼洗頭，跟住又拎左盒朱古力奶出發。記埋假期，食多十幾日包就唔洗再食．．．時間過得真係快，唔覺唔覺已經係到做左差唔多３個月，老土０的都要講句光陰似箭，日月如梭。

番到公司又見番阿的，佢終於用左個籃芽。今日我真係拎左條牛仔褲番去著，不過其實呢條褲仲容易俾人剝，因為係一條癩屎褲，其實冇人除我都甩０下甩０下，好彩冇俾人發現，但係真係唔係咁舒服，都係之前０個條舒服０的。今日雖然係星期六，但係一如以往，冇咩起色，但係叫做好過平日少少咁多。做到三點幾左右，阿欣話盧耀翔上左離買外賣滑蛋豬扒飯，於是我就將佢變成滑蛋叉燒牛肉豬扒飯，再係個齋烏冬到加左塊叉燒，０的叉燒假假地都係我煲、刨一手包辦。跟住聽聽０下只要為你活一天，阿龍飛左支掃把過離，原本以為叫我掃０野，點不知原來係扮結他．．．呢個玩意我已經係甲寅年個廁所玩過，當時將記得又係謝霆鋒，不過係前前後後左左右右。

落場時候食完飯就去廁所，拎左本東方日報換番離０既德甲資料。條死人褲袋埋０野之後真係行兩步都甩，又唔記得拎皮帶，於是痾完屎之後就換番之前條運動褲訓教。訓醒之後又開工。轉眼間又就快到出糧０既日子，今次真係真係要買條ｌｅｖｉｓ，因為已經諗好買邊條。呢排聽歌聽到悶，所以都有聽０下收音機，知道左有高達展，好想去睇～夜晚生意都係麻麻，不過有少少虛火，真係好虛。我餘下０既日子已經冇咩，所以盡量咁食多幾次廚房０的０野食。

夜工之後去左馬會，買左＄４０熱身，番屋企時望上天，個月光好鬼圓。番到屋企，阿ｍａｙ迫人食佢自己包０既水餃，真係難食到嘔，邊有人用苦瓜包水餃．．．．廖家寶終於平安番左離，不過我對０的手信比較有興趣多０的。原來唔知咩族０既人戴綠帽代表尊貴．．．．不過我都係鐘意隻駱駝多０的。沖完涼睇棟篤神探，呢幾集冇咁攪笑，好似正常０的偵探片咁。

睇住之後出左廳打機，然後訓教。呢排好鐘意梁漢文首八里公路，但係好可惜收音機版好唔清。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
思念一個人不等於想見到一個人﹔想見到一個人又不等於鐘意一個人﹔鐘意一個人又不等於日日掛念一個人。

>>July 31, 2004 at 6:22:33 PM GMT+8

2004 年 7 月 29 日 星期四 【晴】

琴晚有發夢，不過記唔起。今朝又堅遲起身，十點三十五分先醒，結果又冇沖涼，但係個頭又冇上次咁七。諗出門口拎左盒朱古力奶。跟住又照舊食包．．．唉．．．真係好撚厭。番到公司．．．又以為多左個新同事．．．家明將佢把長髮剪短左，差０的唔認得佢。

日頭０既工作一如以往，原來呢個係暑假定律，好彩做埋呢個暑假我都唔洗做。今日係大鋒０既最後一日。所以落場有加料。之後拎左份波經去痾屎，唔知點解次次痾完屎都會好眼訓。訓醒之後又開工。一番到入去廚房好大陣尿味．．．俾人屈我痾尿．．．於是０的阿姐就係到大清洗０的杭渠。雲姐同阿招又一齊偷廚房０的野食．．．．今次偷左０的腸，上次偷左條魚。今日一早我就留意到阿龍拎左平時條牛仔褲去洗，著左條普通褲。呢個千載難逢０既機會緊係唔可以放過，於是我就來一次報復，剝番佢條褲，不過之後我真係要提高警覺，所以決定聽日都著條牛仔褲番去。

今日又係十點半收工，番到屋企煎左塊牛扒俾阿媽食，隻手指中唔知幾時切親，好撚痛，痛到打唔到字，不過好在傷口好細。塊牛扒好好味，但係我落得太多鹽，攪到好撚咸，下次成條西冷拎番屋企先～跟住ｄｏｗｎｌｏａｄ唔到ｒｅａｌ　ｐｌａｙｅｒ，佢老味攪到睇唔到第八集，跳左一集。

>>July 30, 2004 at 5:58:49 PM GMT+8

2004 年 7 月 28 日 星期三 【乍寒還暖】

琴晚將偷番離０既牛扒切粒然後炒公仔面，但係個面又係痴底，屌佢老味。食完之後訓教，但係個肚好似有０的０野頂住咁，訓教之前都係唔好食０野．．．訓到半夜，其實都唔算半夜，因為半夜先訓，聽到行雷閃電，我知道黑炭一定好驚，但係冇理佢，之後聽到佢係房門口慘叫，於是就開門俾佢入離。佢鼠左入我張被到同我訓，好似個ｂｂ咁～前日做引體上升好似好撚型咁．．．但係後遺症好嚴重，琴日對手舉都舉唔起，０的乳酸嚴重積聚，訓教都要拉肋．．．根住我發現痛０個組肌肉係平日好少會用到，亦都好難操到，係一０的鬼鼠肌。

今朝起身準時，沖完涼就出發。諗住食大快活，但係見到０的人都唔想買，之後去左山琦買左個火腿多士。今日家明繼續放假，阿的番左離，佢依然仲未用個籃芽．．．今朝早工作順利，冇驚冇險，但係今日要刨牛肉，刨左好大煲，我明白到其實只要適當地將佢地解凍，係會輕鬆好多。大鋒今日ｓｈｏｗ左隻錶俾我睇，話係野猪皮．．．．又唔知幾錢喇真係，我好期待八月六日德甲開鑼，我已經充滿信心贏大錢！

落場食飯，聽到大家對家明有０的怨言，對佢０既工作表現有０的不滿．．．今個月４，５號放孖ＤＡＹ，可惜去唔到ＣＡＭＰ。跟住拎左份報紙去痾屎，有阿嬌～痾完屎之後我真係容忍唔到自己件衫０既污糟程度，決定換左件衫拎去洗，跟住訓教。原來發夢同莫探員結婚０既係Ｒｅｇｉｎｅ，真係莫名其妙。訓醒之後又再度工作。夜晚煲日本叉燒，好鬼香。阿龍話如果我唔係要走升我企爐頭，真係有０的受寵若驚，不過都係０個句，如果冇大學收，真係淤撚到仆街．．．．．．．．．．．．．．．九號就要考筆試，嘜撚都未睇過，唔合格又係淤爆．．阿招得閒到同梅姐睇我銀包０的相．．．０的阿姐就係咁，見到以前０的相蛋撻頭相就話靚．．．．．所以我每次剪完頭髮都好驚阿ＭＡＹ話好睇．．．跟住見到以前０的女相，係咁話靚女．．．我思疑佢地係盲０既．．．．．

自從踏入暑假，晚晚放工都好得準時，十點半走人。放左工之後去左打機，俾人炒４－１．．．佢老味．．．．．跟住番屋企，去到百坎佳燥燥地入左去買０野，叫阿ＭＡＹ買見面又買兩個，買電又買錯，把幾火走左入去買朱古力奶、十字牌鮮奶、一排３Ａ電同埋公仔面，買０個少少０野都要＄７１，真係好鬼肉痛。得番＄６ＸＸ，不過好在下個星期又出糧～番到屋企小鍛鍊之後沖淡，然後有ＰＩＺＺＡ食，食完之後睇九五至尊，琴日個ＢＴ網ＤＯＷＮ左，今日又係咁，於是攪到要搵第二個網ＤＬ棟篤神探～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

從前我怕大便，因為害羞；現在更怕大便，因為著迷。

>>July 29, 2004 at 6:10:30 PM GMT+8

2004 年 7 月 27 日 星期二 【晴】

琴晚ｓｅｎｄ左個信息俾ｐｉｎｋｙ，但係睬都唔撚睬。今朝起身堅唔知甦，十點半先彈左起身。跟住涼都冇得沖，但係痾屎是必要的。冇得沖涼就自然冇得洗頭，好自然咁成個七頭示人．．．加上頭髮又到左要剪０既時候．．．今日又買左個包食，不過試左新口味。番到公司之後又再度工作，今日細鋒又過左離。由於大鋒做埋月尾唔做，公司已經請左新人，一個十九歲０既少年，又係叫阿明，大大份個樣都算ｏｋ。

基於我個頭實在太有問題，０的人問我係咪剪左頭髮．．．其實我都唔係第一次俾人咁問，每次冇ｓｅｔ頭都會有人話剪左頭髮，以前係學校都試得多。日頭０既工作實在太容易應付，不過其實係因為我手腳快，大家都有目共睹。不過真係有０的意外，暑假生意反而會減少，但係據阿招所講，年年都係咁，真係奇怪０既現象。落場０既時候同阿龍商量左假期０既問題，九號一定要放，因為要去考筆試，但係咁０岩唔夠人，最後決定左０個日兩點鐘走人，跟住五點照常番離開工，唔當放假，實在太好，如果唔係難得一日假期就要死撚左出長沙灣。跟住又有另一個問題，就係報名０既日子，最後決定左放１２號。

落場０既時候去左石湖墟，佢老味仲未有貨，正一仆街。跟住番番去痾屎，ｓｅｎｄ左個型仔訊息俾ｐｉｎｋｙ，佢終於都覆我了。之後就訓左半個鐘頭，然後又再度工作。夜晚工作偏好冷清，食左好多條韓式辣腸同埋德國長腸。跟住起左一個偷竊念頭。將包滑蛋飯汁放左係廁所，然後又將０的西冷刨好一塊塊收好。阿鋒唔小心將成部電話跌左落０的湯到．．．我一路笑一路幫佢整，第一時間熄機然後拎舊電出離，好彩都冇壞到。雖然工作左兩個月多０的，但係一日對成十個鐘頭，唔多唔少都會有感情，我都可以算得上係百人一朱０既過客，雖然係咁，但係我好清楚以我０既性格一離開左就唔會番去做０的探朋友０既行為，我知道我一走左就會冇聯絡嫁喇，我０既性格就係咁仆街。

放工之後，我扮留０野入番廚房拎牛扒，跟住再去廁所拎埋０的汁然後番家。之後就打俾ｐｉｎｋｙ，不過佢冇聽電話。然後番到屋企，家姐唔係到，好開心。收到個ｓｍｓ問我咩事，之後就沖涼，沖完之後見到有兩個未接來電，原來係佢打番俾我。之後傾左一陣就收皮。然後睇棟篤神探，唔撚知點解會有唐文龍，仲要係做健身教練．．．．睇完之後就靈機一觸諗住睇０下廖家寶仲有幾耐番，跟住真係講都冇咁邪，即刻打離。佢而家身在吐魯蕃，聽日就去烏魯木齊．．．．我真係覺得佢好型，好有流浪ｆｅｅｌ，好羨慕，一望無際０既沙漠感覺一定好浩瀚．．．．原本係我地去嫁仆街！！！！！！！！！！！！！！！！！！！！！！！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

我是馬桶，你需要我時很需要我，但沖水過後我亦不過是一個馬桶。

>>July 28, 2004 at 5:34:12 PM GMT+8