2004 年 8 月 18 日 星期三 【晴】

琴晚一早訓左教，今朝八點幾又要起身，呢幾日番去聽０個０的ｗｏｒｋｓｈｏｐ真係悶到揪根，個屎忽肯定係因為坐得太耐所以生左粒瘡仔。今朝約左老馮九點半係火車站等，跟住又搭車去九龍塘。作為一個體育人，點都要有個大背包裝０野，琴日係旺角睇中左個袋，不過要＄４８８．．．路費０個到又未交＄９ｘｘ，如果我自己俾晒又好肉痛，問阿媽又驚佢唔俾，真係好苦惱．．．．

去到九龍塘美心買左個波蘿叉燒包食，我覺得好新奇。之後又行０個條短而辛苦０既路。去到學校入去聽０野，每次入到課室都好似俾人玩冰火咁，出面熱到仆街，一入課室又凍到死。今日要上三節，每節要成一個鐘頭零九個字，主要係教點樣用０的ｉｔ０野，真係坐到好辛苦．．．上完第一節去食飯，食完之後又走去圖書館聽日講解點樣用．．．圖書館都有幾多０野要用，不過我諗我都唔會用嫁喇．．．之後潘ｓｉｒ打離，佢話電台訪問佢講０下教育０的學生成長０既經過，但係佢提議由學生親自講．．．於是就鎖定我為目標，佢覺得我由入心誠到而家轉變左好多，其實係冇變到，只不過係目標同埋方向唔同左，人大左就會變嫁啦。問我有冇興趣．．．雖然我應承左，但係好似有０的驚．．．．．俾人聽到咪淤死．．．．．

之後聽聽０下０野百人一朱打離話有得拎支票，有＄３ｘｘｘ。大家上埋今日就唔洗再上ｗｏｒｋｓｈｏｐ．．．．唯獨是我呢０的英文得Ｅ０既人要上Ｅ仔班．．．仲要下個星期番足５日，每日三個鐘．．．唉．．．好辛苦嫁麻！！幾經辛苦先放學，身心都好疲乏，番到上水去左上水廣場搵ＲＥＧＩＮＥ，佢還錢俾我跟住一齊番屋企，點不知係樓下俾阿根撞到．．．

番到屋企總係好唔舒服，唔知係咪張床放左係地下０既關係，總係覺得好似好污糟咁，間屋又好似有０野咬，看來真係要焗一焗蛩先得喇。之後睇新ＭＯＮＤＡＹ，呢本雜誌都唔知係我幾多年來第一本用錢買０既雜誌，因為我見到阿嬌係封面又心血來潮買左。睇睇０下俾家姐發現左有張相阿ＳＡ同舅父合照，阿ＳＡ係舅父間０野試眼鏡，唉．．．真係好羨慕呀，有ＰＩＺＺＡ肯定有小嬌嫁啦．．．．．．

>>August 19, 2004 at 5:40:28 PM GMT+8

2004 年 8 月 16 日 星期一 【酷熱】

今朝六點幾就起身，唔夠訓，生左粒暗痯，唔知點解次次都生係０個個位到，真係好黑人憎。之後就沖涼洗頭，晨咁早屎都痾唔出就出去火車站會合阿狗、成熙同埋老馮。之後係火車到又眼訓，但係又訓唔著，真係好撚辛苦。去到九龍塘買左個豆沙餅，點知買錯左，係花生唔係豆沙。之後又行番學校，不過真係好撚晒，但係咁短路程又唔想搭車。番到去又係要聽講座，拎左件籃色袍，要著住先可以入ｈａｌｌ，件０野０的ｃｕｔｔｉｎｇ怪怪地咁，特別係兩個袖位，好唔順眼。

個講座又請左個咩行政會議成員離講０野，悶撚到揪根，之後聽聽０下訓著左。講左成粒幾鐘，最後就影大合照。今日見到有個好高香港籃球隊０既系友，真係好高，遲０的要睇０下佢入樽先得。之後去左做咩問卷，成百幾題ｍｃ，做到仆街，坐到屎忽都痛埋，好似坐到生左粒痯，然後又參觀學校，其實上次都參觀過，有好多地方都重覆左，不過入左去體育中心，望到個泳池同埋ｇｙｍ　ｒｏｏｍ０的０野，真係好似好ｐｒｏ咁。然後就係個壁球室到玩遊戲。
玩完之後成差唔多兩點先食０野，又去番琴日間廢物茶樓，食完０野之後有０的痛肚，但係又冇時間去痾屎，之後又番番去聽０的ｗｏｒｋｓｈｏｐ，其實都幾無聊。

四點幾先走人，跟住去左旺角，同盧耀翔去左０２７買左兩條褲一件衫，佢條仆街總共欠我＄５７８，之後又係新天地買左件衫。呢兩日買左好多０野，加加埋埋用左成＄７ｘｘ。行完之後上左去愛立信等電話升級，等到我訓著左，不過最後都等到，今次０的人話真係可以節省電源，如果真係就好了，不過要聽日先拎番，等等０下高妹打離，佢話新０個個人整０的豬扒飯好核突，跟住又笑人地刨０的牛肉樣衰，我都知我重要嫁喇～～～～。之後想去買孖煙通，不過買唔到，之後去左食嘜撚魚肉面，其實即係街邊０的生菜魚肉，不過整到面條型咁。食完之後就番屋企。

番到屋企，阿ｍａｙ竟然好主動咁問我宿舍有冇電腦，我老西都話冇啦，雖然佢口講唔買，但係今次聽得出佢係好唔堅決咁ｓａｙ　ｎｏ，事實上應該要買０既，我都願意出番少少少少少錢０既～呢幾日都冇舉啞鈴，但係我唔驚會打回原形．．．因為我知道開學後我想唔操都唔得。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

兒子：「媽，我怕黑．．．」
媽媽：「為什麼你怕黑？」
兒子：「看不見東西的感覺好嚇人。」
媽媽：「就算看不見東西又如何？房間始終是房間、桌子依舊在那位置、書架依然堆滿書本、
　　　　一切其實都沒變，那你還有甚麼值得害怕呢？」

>>August 17, 2004 at 6:22:19 PM GMT+8

2004 年 8 月 15 日 星期日 【晴】

．．．．．．．．原來．．．．飲大兩杯賭波會勁０的．．．．今朝起身打去聽賽果．．．最後０個關都俾我過埋．．．．第一次中５串６，買左＄６０贏＄１１５９，呢鑊都可算係代表作，計埋條３串１，琴晚一共剩袋＄１５ｘｘ，原本輸緊＄６００，一夜之間變左贏＄９６０．．．．真係實在太開心。今朝起身好眼訓，琴晚成四點先訓，今朝就要八點幾起身，沖完涼出去番學。去到世昌見到老馮，佢約左成班女一齊去，自從入左大學之後，我差０的以為自己係甲寅直升上大學，因為見親都係以前甲寅０的人．．．心誠０的撚樣真係垃圾．．．

去到九龍塘落車，跟住就行過去，原來行去舊校好撚快，上次仲戇尻尻咁搭的士。不過今日好晒，晒到差０的死亡。之後入到舊校，見到好多人，大定都係去聽個資助借貸講座。個講座十點開始，時間表到明明就話兩粒鐘，誰不知唔夠半個鐘就完結，下午個講座成兩點先開始，於是就尻遊遊去左新校０個邊飲茶。間茶樓個廚房唔知係咪收左皮，０的０野又耐又唔齊，正一冇鬼用。坐到成一點幾先走，又行番去０個個大會堂０既物體到聽講座，請左司徒華同埋陳婉閒離講嘜撚０野人生學習，司徒華條仆街將一０的正常人半個鐘可以講晒０既０野變左成粒幾鐘．．．佢條友講０野慢到仆街，三個字三個字咁吐出離，仲要隔晒一兩秒每次，由頭到尾係咁講魯迅０的０野．．．我終於發現左一個現象，原來由小學０既周會、中學０既周會，至到大學０既講座，０的人都係好似中晒槍訓晒係到，頭向下，好似俾人集體打劫咁．．．老馮隔離條女好主動咁問佢拎左ｉｃｑ，又不停咁撩人講０野，又叫我地估佢鐘意邊個球星。跟住俾我發現前三行有個女仔好靚，有０的似廣未涼子。

聽完之後都差唔多五點鐘，超級累，跟住會合埋阿狗同成熙，我先記得我之前係讀心誠。然後去左又一城美食天地食０野。雖然我贏左錢，但好遺憾地我銀包依然係一蚊都冇，最後又係阿狗幫我俾．．．之後又番上水，第一時間去左上水廣場痾屎，然後走左去買條ｌｅｖｉｓ，最後終於都買左條９０１，但係其實我都唔係好知幾錢，係咁錄ｅｐｓ，遲早銀行０的錢冇晒。番到屋企自己食飯，個人勁累。之後開左個廳冷氣打左陣機，然後打ｗｉｎｎｉｎｇ，跟住終於可以睇番套ｌｉｖｅ０既棟篤神探．．．就快要搬，開始有一個難題，就係錢．．．我要買部電腦入ｈａｌｌ用，但係又唔捨得用自己０的錢，問阿ｍａｙ又驚佢屌，仲有路費都仲未俾，哎呀，俾我出多一個月糧咪好囉！～！～！～！～！～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

You can destroy him , but cannot defeat him. ----------------------＜老人與海＞

>>August 16, 2004 at 4:19:24 PM GMT+8

2004 年 8 月 14 日 星期六 【晴】

琴晚訓訓０下教，好擔心黑炭，於是起身睇０下佢點。可能滴左０的藥水，０的西蛩開始走，攪到佢隻耳朵係咁係到搖，睇見佢咁真係好心痛，跟住俾我發現有０的黑色０野係到移動，於是就幫佢捉出離，捉捉０下捉左幾隻出離，之後見冇咩就走左去訓教。今朝起身，見到佢好似冇再抓自己，０的藥應該有效，跟住就痾屎換衫出門口。

一路行一路打俾ｊｏａｎｎｅ姨姨，原來當０的蛩行到去滴左０野０個個位就會驚死，原本諗住拎黑炭出去沖涼，但係滴完０野之後要等幾日先好沖，如果唔係０的藥力就會散晒。番埋今日唔洗番，我決定幫間屋滅蛩。番到釵司展開我最後一日０既工作，一早就已經發生左趣事，四個麻甩佬竟然因為更衣室有隻飛舞緊０既昆蟲嚇到ｖ嘩鬼叫，仲驚到出左去廳到換衫，真係好攪笑～～～～今日係最後一天，咩都係最後一次，但係偏偏最後一日先離一鑊切親手指，冇左忽肉，好彩唔係好嚴重，不過真係衰收尾，頂！今日星期日，不過生意都係不過不失，少少忙。

落場時候，陪阿卿落左盧耀翔到睇頸飾，條仆街諗住唔做上去百人一朱到做，如果真係的話一定會好攪０野。之後我都睇左０的金鍊，超級重，好似黑社會咁。然後就走左去痾屎。一路痾一路沉思，最後又決定左買條３串１，不過今次以回本為主，所以得４倍幾５倍，但係都買左＄１００。之後訓左三個字又開工。

夜晚唔算太忙，不過想一想時間越離越少了，但係唔知點解我真係覺得今次會中，可能個天會同情我最後一日，俾我有番個美好回憶。收檔時係最後一次，亦都係好難忙，因為發生左水戰，我以一敵三，當然不敵，全身連底褲都濕埋，成隻鞋都係水，不過佢地都不能幸免，我真係好耐都未試過玩得咁開心，雖然做過咁多份工，但係呢份真係最開心～

放工之後去左行樂軒打邊爐，最後的晚餐，飲到塊面紅卜卜，暈暈地，過埋今日，唔知幾時先可以再見，不過最少５號會番去拎埋最後張票。番到屋企，我終於打開勝利之門，贏番＄４００補補倉先，跟住再買多條５串６博一博。黑炭好似好番好多，不過我都會拎佢出去沖一沖，然後再滅一滅間屋０的蛩，其實係我地連累黑炭，係我地０的人類將０的蛩拎番屋企，如果唔係佢唔出街唔會有蛩，係我地累左佢。

今日真係好開心，不過聽日雖然唔洗番工，但係要一早起身番學．．．．

>>August 15, 2004 at 6:38:00 PM GMT+8

2004 年 8 月 13 日 星期五 【晴】

琴晚又有發夢，不過已經唔記得左係咩。今朝起身之後又痾屎番工，手提電話又冇響，好在我有知覺自己起身。跟住去到聖安娜買左個菠蘿紅豆包食。日頭０既工作尚算可以，星期六但係唔算太旺。之後落場盧耀翔上左離拎報紙睇，然後我就去左痾屎，痾痾０下收到一個不利０既消息，黑炭出左事．．．佢生蝨．．．冇啦啦又會生蝨，於是又走過對面聯達買０野醫佢，買左我＄１５５。之後番工，俾人知道左我真正０既身份，強仔條仆街係到扮勁。

夜晚亦都唔算太旺，不過好快旺唔旺都唔關我事ｌｕ。琴日阿龍同左經理講，應該唔會扣我錢，但係之後０既日子真係要好好咁諗０下收入０既問題，我唔想再變番以前咁樣．．．我要錢我要錢！！！！！！！！！！高妹今日買左兩包貓零食俾黑炭食，不過黑炭０既情況令人擔心。

番到屋企就見到佢訓係鞋架，但係我都搵唔到佢有蝨，之後滴左０的藥水，但係好似流流地，剩係叫人滴係脊椎到，都唔知關唔關事，滴完好似冇咩分別．．．由於今日家姐見到佢下巴有一隻蝨，所以而家個個都遠離佢．．．真係好慘．．．反正番埋聽日，我決定將佢拎出去ｊｏａｎｎｅ姨姨到沖涼加去蝨，不過好耐冇去過，唔知仲會唔會記得我呢～今日又輸多＄１００．．．．唔通我真係會輸晒．．．ｓｈｉｔ！

>>August 14, 2004 at 5:42:23 PM GMT+8

2004 年 8 月 12 日 星期四 【晴】

琴晚睇完場波成三點幾先訓，又輸多＄１００．．．但係唔知點解冇咩心痛。夜晚發夢夢見盧耀翔俾人打，不過我躲藏起來冇幫拖，個夢都幾真實，我好驚咁唔敢出離．．．但係好奇怪最後佢竟然冇俾人打死．．．．

今朝起身番工，懷著一個好矛盾０既心情，因為我需要提早離職。事緣星期一二三四都要番學校聽０野，所以我只能說句非走不可．．．但係又好難開口講．．．今日朝早生意唔錯，有九千幾，但係我真係狀態好ｆｉｔ，開晒ｔｕｒｂｏ因為我知道我煮埋呢兩日滑蛋飯、包金菇牛肉卷、炸小食，之後就唔會再有機會整，忽然有種依依不捨０既心情．．．．跟住逐一咁暗地裡同人講，但係始終都未同阿龍講。雲姐話係呢間做左三年，有好多個後生仔離做過，最鐘意係我，佢話我冇脾氣、又玩得、做０野又好，其實我脾氣都唔係咁好，只不過睇人離出氣０者，不過聽到佢咁講都有０的感動，攪到個心酸酸地咁．．．雖然老土，不過真係天下無不散之延席，更何況淺水怎可以困蛟龍？！？！走，我沒有阻止理由！

落場食飯時，男人大丈夫，要講就講，於是我都同阿龍講左，佢都好接受，由於我提早走，唔知洗唔洗俾人扣七人糧。換句話說，仲有兩日我就唔會再番工，雖然做過咁多０野，呢次又唔算好長，但係都係最長０既一次，一向感性的我真係有０的唔捨得。之後去左痾屎，個電話冇電。痾完之後又訓教，遲０的冇得再係舖頭訓．．．又冇得再食０野，如果以顧客身份離食我死都唔制，又貴又唔抵。

夜晚工作稍為緩和，唔知點解我０的想時間過得慢０的。如果鬥唔捨得，我係慘０的，佢地咁多人都只係唔捨得我一個，但係我一個人會唔捨魏佢地咁多個，仲有所有０既食物我都會好唔捨得，所以我係慘０的．．．．

夜晚番到屋企飲左碗好大０既湯，跟住就玩ｉｃｑ，琴晚０的師兄ｓｅｎｄ晒０的同學仔ｉｃｑ過來，所以一時間ｉｃｑ多左好多人。問左輝輝關於宿舍０的０野，原來可以幾點番去都得，第時唱ｋ唱到半夜三間都可以番去！正！！～！～不過洗費真係好甘．．．．加加埋埋呢幾日學費連宿舍都用左成萬蚊．．．唔知點解我有０的衝動自己交學車０個一千蚊．．．．
不過點都好，我都要認真０的搵份兼職，咁樣先可以有錢洗０下，唔洗咁手緊，近近地就去又一城搵份ｓａｌｅｓ！

>>August 13, 2004 at 6:18:27 PM GMT+8

2004 年 8 月 11 日 星期三 【晴】

琴日好懶咁唔想打日記，呢排唔知點解都冇咩ｍｏｏｄ去寫，因為可能冇咩特別事發生，日日如是。琴晚條２串１又觸礁．．．過左南韓斷左利華古遜，又唔見＄１００．．．．跟住成三點先訓，今朝又要九點幾起身，起完身沖完涼就出去新都大家樂問阿ｍａｙ拎支票交學費。十點半要去到浸會，九點四十五分先搭火車，勁驚遲到。

去到九龍塘飛的，同司機講話浸會大學，佢話大學咁大即係邊到。跟住我話正門，佢話個個都係正門．．．於是我就好撚驚，話最多人０個到．．．．最後我都係一個唔知咩地方落錯車，左問右問先問到要去舊校註冊，好在原來所謂０既十點半只不過係嚇鬼０既，其實我都估到嫁喇，一入到去真係有好多人歡迎，個個系都企晒係到接０的自己人，跟住我就去註冊，有好多興趣小組０既物體派左好多０野，好在我有拎袋，唔係一定仆街。之後係學校入面都有銀行，交完錢個經理係咁哀求０的學生申請信用卡．．．佢話完全免費，於是我就簽左，送左兩個袋一個收音機，一把雨傘，反正唔洗錢，冇咩所謂，於是就拎住好撚多０野咁再行去自己個系到攪０的０野，交左＄４８０的迎生營錢，之後就參觀。行左去新校０個邊，其實已經覺得間０野好大，跟住見到好多０野，又有健身室、泳池，最好係有個草地足球場，我地體育系同學仲會做埋張健身室０既證，可以成日去做ｇｙｍ。跟住去到宿舍見到老馮，我叫阿騰嫁麻，佢冇啦啦大聲叫我十騰，之後有個新兄就好大反應咁話：「你就係十騰？！」，不過我唔識佢，佢話識得孖歡．．．．

之後去睇宿舍，覺得真係好正，新起，的房每間住兩個人，兩間房共用一個廁所，０的床都好大，真係好開心，宿舍仲有好多ｒｏｏｍ，又有健身室，可以２４小時去做ｇｙｍ，又有電視遊戲機室，又有有線睇，可以成幾十人一齊睇，真係唔錯～於是我就同老馮暫定一齊住一間。原本今日０既行程係諗住出旺角ｕｐｇｒａｄｅ，但係真係太累，又拎住好多０野，所以最後都番屋企，番到屋企見到好大堆資料，真係唔想睇，於是就訓教，一訓訓左兩個鐘，好舒暢。我感覺到我０既人生將會有一個大０既轉變，如無意外九月一號就可以搬家，我要將阿嬌搬晒去我０既新居～～～不過其實住宿舍真係有一定０既洗費，睇離我真係要搵番０的ｐａｒｔ－ｔｉｍｅ．．．．

夜晚阿叔阿麻離左食飯，同埋假姑丈姑姐去左行樂軒，之後就番屋企研究足智彩，整埋個網上投注，最後又買左＄１００。然後睇棟篤神探。跟住就舉啞鈴做掌上壓。星期一二三四都要番學，我諗我唔可以做到２１號，聽日番工就要將呢個不利消息講俾大家知，但係半夜高妹打離，同佢傾左一陣關於公司０既人事變動同埋是是非非。我要衝出新界！！！我唔要再執牛屎！！唔要再耕田！！！！！

>>August 12, 2004 at 5:46:38 PM GMT+8

2004 年 8 月 9 日 星期一 【清涼】

前晚發左個惡夢，夢見盧耀翔做左黑幫大佬，但係佢追殺我．．．琴晚用左個新ｔｗｉｎｓ枕頭，我故意訓係阿ｓａ面到，剩係露阿嬌出離。今朝晨咁早就俾家姐執０野聲噪醒，就係好鬼火滾，噪撚住晒，之後佢番左工先再訓番。跟住又俾ｒｅｇｉｎｅ噪醒左，先記起今日又係放榜，佢有０的唔開心，因為入左浸大入唔到中大。由於琴晚夜訓，我都懶得起身睇，繼續訓。跟住阿ｍａｙ就係到發顛，三度俾人噪醒，係咁叫我上網睇，但係俾我堅拒，我要訓醒先睇。之後佢發現左我個枕頭，笑到仆街。跟住第四次俾人噪醒．．．．．．．今次係囡囡，佢係到問，之後我話訓醒先睇，佢就話學校應該知，叫佢問又話唔制。之後收左線，第五次俾人噪醒，又係佢，係到口硬心軟，一聽佢電話就係咁講０野。由會考到ａｌ到大學放榜都係俾佢破壞晒０的緊張氣氛．．．．不過好在從佢口中得知消息永遠都係好消息，我真係好期待係街俾龜逗０既時候問我做咩職業，我可以同佢講我係香港浸會大學體育系一年級學生～

五度俾人噪醒我相信大雄都唔可以再訓番，於是就起左身打左舖ｗｉｎｎｉｎｇ先沖涼，唔知點解冇咩特別ｆｅｅｌｉｎｇ，可能係有信心。今日拎左個壽包同埋一盒奶番公司食。雖然大學收左我，但係同我差唔多成績０既肥州就冇學校收，真係有０的遺憾，原來呢個世界真係要靠運氣．．．實力固然重要，但係．．．．唉．．．今朝幫阿梅打左去入境處問左０的護照０既問題，我對證件０既認識又加深一層。日頭又開工，生意都唔錯，今日阿龍放假，真係好開心，壓力冇咁大。罕有地今日個電話係咁響，ｓｍｓ又係咁離，個個都係講０的大學０野。之後落場０既時候，小強冇啦啦打離吹水，自稱上至天文下至地理冇所不知，跟住我就問左佢護照０既０野，佢就係到尻吹，我仲信佢，之後去左旅行社問先知佢亂講。今日朝早趟屎頗為活躍，但係由於落場冇咩食到飯，所以冇屎痾。

訓醒之後又開工，夜晚工作唔算太忙，不過全部ｏｒｄｅｒ都係阿的到，攪到佢一個忙晒，我地又幫唔到佢。之後係後欄開ｐａｒｔｙ咁，整左個煮酒硯食，真係好正，又炸左０的豬尾同長腸，食到食唔晒，係人行過都問人食唔食。呢排對手又敏感，紅色一點點，又痛又痕。收工之後去左馬會入數落投注戶口，對上兩次都輸左，不過唔緊要，我都仲好有信心。

番到屋企就沖涼，沖完涼睇九五至尊同埋睇波經。之後幫小白搵左０的歌燒俾佢，佢專程買左十隻碟叫我幫佢燒。最後度左條４串１，買左＄１００，好似狼左少少．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

如果你是愛上我的滄桑，你要想一想。愛情不是我擅長，幸福可能是奢望 。
如果你是愛上我的滄桑，你要有膽量，不管地獄或天堂我都闖。
如果你是愛上我的滄桑，得跟我一樣面對世俗的眼光，不能輕易就投降。
如果你是愛上我的滄桑，我該怎麼想？怕你會受傷？會失望？
如果你是愛上我的滄桑，不管天堂地獄，跟我闖．．．

>>August 10, 2004 at 6:25:45 PM GMT+8

2004 年 8 月 8 日 星期日 【晴】

次撚次都係咁撚樣，打撚完０的日記鑊撚鑊都冇撚啦啦ｓａｖｅ唔撚到，屌你老母臭西去做雞！！！！正一死人爛袋網，嘜撚０野ｉｅ，成撚日係咁意睇０下０的網站都ｈａｎｄ，冇撚用，正一廢柴！！！唔撚屌尻你都唔撚識得企定定，正一白痴仔，真係戇撚尻，火都離撚埋，冇打都冇咁勞撚氣，ｓｉｄｅ撚晒我０的休息時間你老板！！！！！！自己望撚住自己條撚反撚省０下啦，西網！！！！！！！

>>August 9, 2004 at 6:52:43 PM GMT+8

2004 年 8 月 7 日 星期六 【晴】

琴晚同ｒｅｇｉｎｅ食完飯之後番到屋企就睇筆試０的０野，好耐都未試過睇到恰眼訓，好有之前考試０既ｆｅｅｌ。今朝起身堅遲到了．．．由於技術上０既錯誤，令到我整熜左個鬧鐘，結果十一點先起身，於是就打俾阿的叫佢幫我打ｃａｒｄ，然後就形都冇刷咁番公司，衫可以唔換，牙都可以唔刷，但係唔知點解係咁危急０既關頭我都要ｓｅｔ番個頭。屎固然係冇得痾，屎忽明明充滿澎湃０既生命力，但係依然要裝著感覺不到０既感覺真係好辛苦。

番到去十一點四個字，入到廚房．．．明明星期六、日五個人．．．但係得兩條友．．．．阿招整傷條腰請假，阿龍又唔知死左去邊。跟住個肚谷住谷住，有好多０野好想走出離但係又唔得，咩都冇食到．．．原來又急屎又肚餓０既感覺係咁微妙，不過咁大個廚房餓得死我咩？！今日先知道訓醒冇刷牙係咁辛苦，於是就入左幾杯水，但係都幫助唔大。今個星期日冇上個星期日咁恐怖．．如果唔係一定仆街，因為少左一個人。由於琴日同阿的ｓｅｎｄ０野０既時候高妹ｓｅｎｄ左個ｓｍｓ俾我，攪到個個都以為我同佢有０野，其實我係清白．．不過就係咁俾人串．．．真係好慘．．．家明０既朋友來左做ｐａｒｔ－ｔｉｍｅ，剩係番星期六日，所以佢呢兩日落場都出左去食。

落場食飯，好肚餓，魚香茄子又好好味，但係好可能係過左朝早０既排泄時間，所以冇咁急，但係又到左下午０既排泄時間，一心以為會有瀑布般０既壯觀場面出現，但係結果都係令人失望．．．．由於今日著波褲底衫踢拖番工，所以就換晒衫咁坐係到溫習．．但係溫左一陣又訓教．．．．．訓醒之後再工作，夜晚都唔算太忙，過得唔錯，之後又玩得好開心。阿龍趁我唔為意將我杯水加左鹽，難飲到仆街，一飲即係噴．．．之後我成功報仇。夜晚冇食飯，因為食左好多立雜０野。收檔時我圍左個黑色滑水圍裙，好似日本道場渣木劍０的人。

放工之後去左馬會，琴日輸左＄１００，今日又買左＄１００，跟住就番屋企。原來無線有波睇，於是就一路睇一路舉啞鈴，呢幾日真係懶散，所以要谷番一下。沖完涼之後又上網做模擬測試，次次都係錯兩題，原本有一個好有大志０既目標，就係要０岩晒先訓教，點不知做左好耐都係唔得，於是就放棄左，聽日應該都合格０既，做左咁多次都冇唔合格．．．唔會咁邪掛．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

每個人都有天份，我成功不是天份比你高，只是運氣比你好，把握到一次機會。

>>August 8, 2004 at 6:25:47 PM GMT+8